[0:05]انت عارف ان افضل طريقه تحافظ بيها على اللغه الانجليزيه بتاعتك هو انك تمارسها كتير بس انت عايش في بلد لغتها الاولى مش اللغه الانجليزيه والدائره اللي حواليك من اصدقائك ومعارفك يا اما مش مهتمين باللغه الانجليزيه اصلا يا اما مستواهم مش حلو وفي الحالتين انت بتتضايق جدا وحقك طبعا لما حد يتريق عليك او يسخر من مستواك وللاسف ناس كتير حواليك ممكن جدا تعمل كده. بس برده انت عاوز تمارس اللغه الانجليزيه، ايه الحل؟ الحقيقه انت عندك احد حلين، يا اما تشترك في تطبيق من بتوع ادفع علشان تتكلم وده له بعض المميزات وعيوب كثير جدا ممكن نتكلم عنها بعدين. والحل الثاني انك تنسى الموضوع وخلاص واديك يا سيدي الحمد لله عرفت تقرا جمل انجليزي وبتعرف تقرا وتفك الخط، ما جتش يعني على دي مش شرط تتكلم كويس. الحقيقه لا في حل ثالث وده اللي هاقول لك عليه النهارده في الحلقه دي خليك معي.
[0:53]السلام عليكم ورحمه الله وبركاته انا ابراهيم عادل وانت بتتفرج على كورس تعلم اللغه الانجليزيه على قناه ذي امريكان انجلش القناه رقم واحد في العالم لتعليم اللغه الانجليزيه من البدايه وحتى الاحتراف. حمل التطبيق المجاني بتاعنا من اول تعليق وابدا الدراسه من الصفر. طيب انت بقى الحمد لله عرفت شويه كلمات حلوين ومحتاج تبدا تتكلم بقى والحلين اللي قلت لك عليهم في البدايه الحقيقه مش مناسبين قوي. تعمل ايه؟ انت يلزمك الطريقه اللي تمشي عليها ويلزمك ثلاث اعتقادات يكونوا في ذهنك هاقول لك على الثلاث اعتقادات اللي في ذهنك اللي من غيرهم الطريقه دي ولا تعمل اي حاجه. الطريقه اللي هاديها لك هي العربيه اللي هتوصلك من هنا لحد الهدف بتاعك والثلاث اعتقادات دول هم البنزين اللي هيمشي العربيه دي. حتى لو بعض الكلام كان بديهي هتستغرب قد ايه كثير جدا من الناس مش بيعملوا. الاعتقاد الاول عادي. ايه يعني؟ ايه يعني لما تنطق غلط دلوقتي وانت بتتعلم ايه يعني لما تقف كثير تفكر قبل ما تتكلم اكثر الجمل بساطه ايه يعني لما تستخدم جرامر غلط وانت بتتعلم دي البدايه اللي لا بد منها. ما حدش اتولد بيتكلم لغه اجنبيه عنه من غير ما يعدي على المراحل دي مستحيل. اعتقاد عادي ايه يعني انا كويس وده الطبيعي انه يحصل معايا الاعتقاد ده رغم بديهيته بيغيب عن معظم الناس وبيظن ان الناس اللي بيتكلموا حلو دول بيظن ان هم سوبر هيروز مثلا ولا حاجه.
[2:07]ده بينه وبين الناس دي سنين ضوئيه عمره ما هيبقى زيهم الموضوع مش كده خالص. الاعتقاد الثاني اللي ما بيقفش بيوصل اللي ما بيقفش في نص الطريق ويرجع اللي بيكمل في طريقه بيوصل لو انت طالع بالعربيه من نقطه الف لنقطه باء. ايا كانت سرعتك وايا كانت مهارتك وايا كانت العقبات اللي هتقابلها في الطريق لو ما وقفتش في نص الطريق لو كملت هتوصل نقطه بي هتجيء كمل انت بس. خلي عندك طموح وخلي هدفك قدامك واوعى تقف في نص الطريق علشان ما تبقاش زي اللي رقص على السلم وساعتها ما تزعلش مني انت تستاهل الناس تضحك عليك. الاعتقاد الثالث اوعى تنسى الاعتقادين الاولانيين ايه ده بقى انت جاي تهزر بقى. لا والله باتكلم جد لانك صدقني ممكن تكون جدا موافقني دلوقتي في كل اللي باقوله ولكن المفاجاه انك بعد شويه تنسى وتخلي اخطائك تحبطك او تقف نظرا لانشغالك باي حاجه ثانيه. و اه اخر حاجه يا ريت ما حدش يعرف انك بتعمل الطريقه اللي هاقول لك عليها دي علشان تسلم من الاحباطات والتريق على الاقل في البدايه لما يلاقوك فجاه بقيت بتتكلم بطلاقه هيجوا لحد عندك يستشيروك نعمل ايه؟ واحكي لنا تجربتك لو سمحت. خلصنا كده الثلاث اعتقادات اللي هم بمثابه البنزين اللي هيمشي العربيه اللي هم عادي ايه يعني؟ اللي ما بيقفش بيوصل الثالث ما تنساش الاثنين اللي فاتوا. يفضل معنا بقى الطريقه اللي هي العربيه اللي هتركبها وتوصلك لهدفك باذن الله خد بالك ان الهدف من الطريقه اللي هاقولها لك دي انها تخلي تدفق الكلام الانجليزي او اي لغه ثانيه انت بتتعلمها تخلي تدفقها في راسك سريع يخليك تفكر باللغه الانجليزيه بشكل اسرع. ما تقفش كثير تدور على كلمه رايحه منك مش الهدف من الطريقه دي ابدا هو تحسين النطق ولا اللهجه عندك. احنا عاملين كورسات لكده بالفعل تحسين النطق في كورس الصوتيات المستوى الاول وكورس الصوتيات المستوى الثاني واللهجه الامريكيه بندرسها باستفاضه في المستوى الرابع. الهدف من الطريقه بتاعه النهارده بقى هو انك تتكلم بطلاقه ويكون عندك تدفق مفردات وذاكره كويسه تفتكر بها كل الكلمات اللي انت محتاجها وتلاقيها جاهزه على طرف لسانك وقت ما تحتاجها. تقوم ولا تتلكلك ولا تقف تفكر. الطريقه كالاتي هاخصص ميعاد ثابت كل يوم لمده خمس دقائق بس وليكن من سبعه مساء مثلا ولمده خمس دقائق بس. بتفكر دلوقتي معقوله هتكلم بطلاقه في خمس دقائق بس في اليوم دي كورسات تنميه بشريه دي ولا ايه؟ رقم واحد انت استعجلت. رقم اثنين انت اهملت حاجه اسمها التاثير التراكمي واللي هاقول لك عليه بعد شويه ما تقاطعنيش تاني بقى عشان بانسي ها. طيب خصصنا الخمس دقائق دول بس اعمل ايه بقى؟ هتقوم فاتح التليفون بتاعك وبدئ تسجل لنفسك لمده خمس دقائق. لا مش هاعرف الموضوع صعب برده ثاني بتقاطعني اهو يا عم سهل والله بس ركز وهتعرف تعمله وهتلاقي الكلام ده جديد غير اللي في بالك خالص. الكلام ده له شروط علشان يتعمل صح اول حاجه قبل الوقت اللي هتسجل فيه بثانيه واحده بس تحدد انت هتتكلم في ايه؟. لازم الموضوع يكون مفاجئ ومش مترتب له انت في الحياه العاديه لما تيجي تتكلم مع حد انت كلامك بيكون مع الشخص ده بناء على الكلام اللي هو قاله. انت بتسمع ثم بترد وبما انك ما تعرفش مسبقا اللي قدامك ده هيتكلم يقول ايه؟ فانت مستحيل تكون عارف مسبقا انت هترد عليه تقول ايه؟ الا بعد ما هو يتكلم الاول. فانت كلامك هيكون طالع من دماغك بدون ترتيب مسبق فانت لازم تعمل محاكاه حقيقيه للموضوع ده ده تدريب واقعي وحقيقي بينمي المهاره ويخلي مستواك يعلى في وقت قصير فلازم يتعمل صح. لو ما عملتوش صح مش هتلاقي النتيجه فانت حر. طيب انا اهو الساعه سبعه الا خمسه مثلا فاضل خمس دقائق وهابدا وانا مش عارف لسه انا هتكلم عن ايه بس اوبا في فكره حلوه جاءت في دماغي انا هتكلم عن كذا كذا اه انا عارف كلمات كثير في الموضوع ده واتكلمت عنه مره قبل كده. ما ينفعش اهوكذا كذا بالذات ده بقى والله ما انت بتتكلم عنه. شفت بقى زي ما قلنا اول ما الساعه تيجي سبعه اتكلم في حاجه جديده انت ما فكرتش فيها ولا رتبت لها لا بد ان الموضوع ده. طيب تمام هتبدا بقى تتكلم اهوت ولان الموضوع جديد عليك فانت هتلاقي صعوبه في تكوين الافكار وهتتلكلك وهتعرق والكلمات هتطير من بالك وهتفكر بجديه انك توقف بقى التسجيل ده. افتكر الثلاث اعتقادات اللي قلنا عليهم ما فيش حاجه اسمها الكلام ده هتكمله برده. بس انا باقول كلام مش مفهوم كمل برده. بس انا باقف كثير برده كمل هتيجي في حته معينه او حتت كثير هتلاقي في كلمه انت عاوز تقولها ومش عارف تقولها. ولانك بتفكر بالعربي في البدايه فانت الكلمه فعلا موجوده في عقلك اهي بالعربي وعاوز تقولها نفسك تطلعها بالانجليزي بس يا اما الكلمه دي عمرك ما تعلمتها قبل كده وجديده عليك يا اما تعلمتها اه بس من رهبه الموضوع طارت من بالك مش قادر تفتكرها. وليكن مثلا ادي لك مثال عملي انا بااتكلم اهو باسجل لنفسي وجئت في وسط الكلام عايز اقول ان صاحبي طبخ لنا اكل النهارده والاكل كان حامض بس يعني انا اكلته وشكرته. اقول ايه هو في كلمتين انا نسيتهم في كلمه طبخ انا نسيتها اللي هي كوكد وكلمه حامض ساور الكلمتين دول انا نسيهم اعمل ايه؟. بصوا بقى انا هاعمل ايه؟ هآجي عمليه اهي وانا باسجل اهو لنفسي وهلخبط قواعد وهنسي وهقف وهتلكلك وكل حاجه. هقول Today, my friend cooked for us. The food was sour. But I ate it and thank him. شفت انا عملت ايه؟ ما عنديش اي مشكله اقول قواعد غلط ولا انسى الكلام فاقوله بالعربي وبرده مكمل وما باقفش هتفهم ليه دلوقتي. المهم هاكمل الخمس دقائق بالضبط ولا هاقل عنهم ولا هاكثر عنهم حتى لو نفسك مفتوحه للكلام معلش اقف برده عند خمس دقائق. طيب خلصت الخمس دقائق اعمل ايه؟ هاقوم فاتح التسجيل بتاعي وسامع نفسي ثاني حتى لو انت من الناس اللي ما بتحبش تسمع صوت نفسها بعد ما بتسجل برده اعمل كده. هتشغل الصوت ثاني وانت بتسمع كل كلمه عربي تسمعها هتلاقي نفسك قلتها بالعربي يعني في التسجيل اكتبها في دفتر عندك خصصه لكده هتفتح الدفتر وتكتب فيه من جهه اليمين مش من جهه الشمال هاقول لك ليه بعد شويه.
[7:44]المهم كل كلمه عربي تسمعها دي كلمه انت محتاج تذاكرها ومذاكرتها لها طريقه هتعرفها بعد دقيقه وكل قاعده تكتشف بنفسك انك استعملتها غلط وقف التسجيل واكتب النسخه الصحيحه بتاعها في نفس الدفتر برده من جهه اليمين. يعني مثلا انا لما جئت اسمع ثاني لقيتني باتكلم في الماضي وباقول صاحبي طبخ الاكل كان حامض كله ماضي اهو ولكن لقيتني باقول I ate and I thank him. دول حاضر مش ماضي ما فيش تناسق هاقوم موقف التسجيل وكاتب التصحيح بتاعهم I ate and I thank him. واكمل بقى على هذا المنوال لحد ما اخلص التسجيل بتاعي كله. هاجي بقى على الدفتر بتاعي زي ما انا من جهه اليمين وادور على كلمه طبخ انا قلتها بالعربي اعرف يعني ايه واتعلمها واكتبها جنبها يبقى عندي عربي وانجليزي طبخه كوكد. وادور على كلمه حامض يعني ايه واتعلمها وبرده اكتبها يبقى عندي حامض عربي وقدامها بالانجليزي ساور واقوم فاتح بقى الدفتر بتاعي من جهه الشمال. واقوم كاتب الكلمه اللي انا اتعلمتها كوكد ومش هاكتب جنبها عربي اصلا احنا كتبناها بالعربي في الناحيه اليمين خلاص لو احتجت لها هاارجع لها. ولكن هاكتب في السطر اللي تحتيها جملتين اول جمله اللي انا استخدمتها في التسجيل بتاعي اللي هي Today, My friend cooked for us. والسطر اللي بعديه هاكتب جمله ثانيه خالص من المكان اللي انت بحثت فيه عن معناها يعني ايا كان المكان اللي انت بتبحث فيه جوجل ترانسليت مثلا ويب سايت قاموس اي حاجه هتلاقي تحت الكلمه دي جمله. هتاخذ الجمله دي وتكتبها في السطر اللي تحتيه ولو في الجمله دي كلمه برده جديده عليك مبروك انت كده تكسب اكثر انت هتعلم كلمه جديده وتراجع على كلمه قديمه في نفس الوقت. طيب عملت كده وخلصت ايه الخطوه اللي بعد كده اول تسجيل خالص بتاع اول يوم ده انا مش هامسحه ده انا هاسيبه ولكن التسجيل بتاع بكره اول ما اخلص تسجيل واطلع الكلمات العربي اتعلمها واصلح القواعد اللي انا اكتشفتها هاعمل ايه؟ هاقوم ماسح التسجيل بتاع ثاني يوم كل يوم هامسح التسجيل بتاعه ما عدا تسجيل اول يوم طب ليه سايب اول يوم؟ لان ده علامه على الطريق. التسجيل بتاع يوم 30 بعد ما تخلص شغل عليه دي العلامه رقم اثنين على الطريق هتشغل التسجيل بتاع يوم 30 مره كمان وتقوم بعديه مشغل التسجيل بتاع يوم رقم واحد مره كمان وهتفتح بقك مندهش من مستواك كان عامل ازاي في اليوم اللي هناك ده رقم واحد وبقى عامل ازاي دلوقتي هنا في اليوم رقم 30 دي العلامه الثانيه. طب بعد يوم 30؟ هتسيب التسجيل بتاع يوم 30 زي ما هو وتقارنه بالعلامه اللي بعديه بتاعه يوم 60. اي تسجيل ما بين يوم 30 ويوم 60 هتمسحه وهتكتشف برده انك لما تسمع يوم 60 وتقرر بيوم 30 التحسن الرهيب اللي بقى عندك. لو كملت على كده للعلامه بتاعه يوم 90 والعلامه بتاعه يوم 120 وخلصت ال 120 يوم انت ما بقتش محتاج الطريقه دي في حاجه مبروك عليك انت بقيت بتتكلم بطلاقه وعندك تدفق للمعاني غزير في راسك. يفضل ملاحظتين اقول لك عليهم علشان يبقى معك الخطه المضمونه باذن الله 100% مش ناقصك اي حاجه. الملاحظه الاولى هتلاقيني دائما كنت عمال اركز لك انك تصلح القواعد اللي انت اكتشفت انك استعملتها غلط. طب لو في حاجه غلط انت ما اكتشفتهاش يبقى يا اما انت اصلا اتعلمتها ونسيتها فانت في الوقت ده محتاج فعلا تركز في تعلم القواعد بالطريقه الصحيحه لان الطريقه المنتشره بتاعه سرد القواعد مش هتجيب معك. مش هتلاقي طريقه احسن من الموجوده على زي امريكان انجلش وطليق اللي بتخلي القاعده منطقيه في ذهنك الاول وده اللي بنعمله في كورس القواعد على زي امريكان انجلش وعلى طليق بنخليك بتتكلم بها في جمل وبسرعه باقل وقت تفكير لانها خلاص اصبحت منطقيه في ذهنك ما بتحتاجش مجهود.
[11:08]طيب برده ممكن تكون القاعده اللي انت ما اكتشفتش انك استعملتها غلط ممكن اصلا تكون انت لسه ما درستش القاعده دي ولا تسمع عنها فما ترهقش نفسك تصلح حاجه انت لسه هتاخذها بعدين. دي كانت الملاحظه الاولى الملاحظه الثانيه انت محتاج جدول تذاكر به الكلمات اللي انت بتغلط فيها والكلمات اللي انت بتتعلمها الجديد دي وبتقولها عربي في البدايه. في حلقه انا عملتها على قناه ابراهيم عادل اسمها طريقه حفظ القران الكريم اخر حلقه في السلسله دي هي دي اللي عاوزه تتفرج عليها انا هناك قائل لك جدول ممتاز جدا للمراجعه يخليك تراجع اي حاجه وما تنساهاش ثاني ابدا يا ريت تستخدم الجدول ده والطريقه دي في مراجعه الكلمات. بس كده يا سيدي انت كده معك الطريقه اللي مش هتخليك تدفع مليم علشان تتكلم كويس ولكن المهم افتكر الثلاث اعتقادات وبالتوفيق يا رب شكرا المشاهده والسلام عليكم ورحمه الله وبركاته.
