[0:00]راجلك عنيد وراسه قاصح وماشي بالساهل كيلبي ليك الطلبات او يقتنع بفكره بغيتي راجلك يلبي لك جميع الطلبيات ديالك وهو فرحان حيت لباهم لك. هاد الفيديو هذا ديالك بقاي معايا ماكاينش شي امراه ماكتفكرش كيفاش تلعب بالعقل ديال الراجل ديالها. ااا حيت كتبغي تقدم ليه شي اقتراح او فكره تقنعه بها او يعطيها الفلوس بلا صداع بلا مشاكل بالعكس المراه كتبغي الراجل يعطيها من قلبه وهو فرحان من الفوق. ومن طبيعه الحال الرجال راه ماشي كلهم كيف كيف كل راجل والمفتاح ديالو وفي هذا الفيديو غادي نعطيك بزاف ديال المفاتيح اللي غتختاريهم على حسب راجلك كيف داير. وغير باش تعرفي الحبيبه ديالي واحد النقطه كاملة تخسنا نتفقوا عليها هي ان الرجال او الاغلبيه ديال الرجال ماشي بالساهل انك تقنعيه وماشي بالساهل يلبي لك اي طلب. حتى الفلوس راه يتحاسب يتحاسب معك عليهم شحال عطاك وشحال خسرتي وشحال بقا لك ولكن شوفي مهما مهما كان هذا الراجل عنيد وراسه قاصح ومسمار مصدي. عرفي انه اكثر حاجه كتاثر فيه في العالم كامل هي انت اي يا لاله انت عندك اسلحه فتاكه. اذا عرفتي كيفاش تخرجيهم وعرفتي كيفاش تستعمليهم راه ذاك الراجل راه راه تدخلي قلبه عمرك ما تخرجي تدخلي له قلبه وعقله. غتولي انت اللي متحكمه في ذيك العلاقه غير بالفن راه شحال من كوبل كيبان لك راجل هو اللي حاكم وهو اللي كلمته ما كتعاودش ولكن فاش كتجي تعمقي فيهم كتلقاي المراه هي اللي ممشيه كل شيء. كتستعمل الذكاء والانوثه ديالها شفتي هذ الجوج الا تقنتيهم الذكاء والانوثه الا تقنتيهم راه ما تبقايش تقلبي على شي فيديو ديال التعامل مع الراجل كوني اكيده. راه نفس الشيء في الموضوع ديال اليوم بغيتي تطلبي شي حاجه من راجلك كما بغت تكون هذه الحاجه ما غاديش تجي وتقوليها ليه باسلوب بحال اللي كتامريه. دير ليا اعطيني فعلي ليا عمرك تنطقي بكلمات حرفيه غير هكاك بحال بحال باغي تضاربي كاين واحد الحاجه سميتها فن الطلب. كيفاش كنهضروا مع الانسان اي واحد ماشي غير راجلك الفن كتطلبي شي حد كيلبي لك الطلب بدون تردد وقبل ما ندخلوا في الطريقه كيفاش تطلبي اول حاجه. انكرك بها الهضره اللي ديما تنقولها وبقى نعاودها لك حتى تستوعبها كوني امراه ونص. كوني امراه ونص امراه ونص كما تنقول لك ماشي ديال الشقه والطياط والتخمال واستعراض العضلات وحمل الاثقال. ديما تنقول لك المراه ونص هي الانثى اللي كتكون معمره بلاصتها انت خصكي تكوني انثى شكلا ومضمونا شكلا فيق والمظهر ديالك والعنايه بذاتك وحبك وحبك لذاتك. ومضمونا في الانوثه وكما سبقت قلت لكم الانوثه راه ماشي هي التعواج والتبعكيك الانوثه هي اسلوب هي كلاس هي الرقه هي الذكاء هي الحكمه هي صوت الحنين هي الكلام الحلو. وبزاف الحوايج مازال ندير لكم شي فيديو خاص بهذ الانوثه هذه باش نعاود ديما نبقى نعاود نفكركم به. ملي تيكون هذا الشي كامل مجموع فيك. راه جات معك انك تطلبي اي حاجه يحضرها لك جات معك تطلبي اي حاجه واش فهمتيني كما كنقول لكم قبل ما تاخذي اعطي. العطاء تيكون قبل الاخذ هذا قانون العطاء قبل الاخذ نعطي نكون كما انا خصني نكون باش انا ناخذ ذاك الشي اللي باغى. ونشوف كوني اكيده الا كنت انت مصدر السعاده دياله والراحه والمصدر الامان دياله راه هذا جزء من حصولك على ذاك الشي اللي كتطلبي منه. واش فهمتيني المهم ركزي على هذه النقطه الاولى اللي ديما كنقولها لك في جميع الفيديوهات كوني انثى شكلا ومضمونا. هذه الحاجه راح تنفعك في حياتك كامله مع راجلك. ثاني حاجه ملي كنبغيوا نطلبوا ونقنعوا ونقنعوا الراجل ماضرش معاه وهو طالع عليه الدم. ما تنهضروش معاه وهو عنده مشكل مبرزطو ما ما تنهضروش معاه وهو خدام ولا هو فيه الجوع ولا هو عاد فاق من النعاس ولا هو عاد دخل من الخدمه لا.
[4:54]لا لا احسن وافضل وقت هو ملي يكون مسترخي ومرتاح كما تيقولوا عمر لي كرشه وخويه تحت كرشه يا اختي. يكون واكل شارب ناكح واش فهمتيني هذا الشي كله خصه يكون دايره وصافي من بعد ملي غيكون متكي حداك كيتفرج اولا هاز التليفون. انت هنا فين غتبداي الخطه ديالك غتبداي تديري حديث الوساده او حديث المخده اي امراه مزوجه خصها ضروري تولف كل نهار تولف دير مع راجلها هذا حديث حديث المخده. شفتي هذا الوقت راه من اخطر وافضل الاوقات اللي ممكن يعني تعطي فيهم افكار تقنعيه بشي حاجه. طلبي الفلوس باغي تسافري باغي تقترحي شي حاجه باغي تجبدي معاه شي موضوع حساس هذا هو الوقت. حيت هو كيكون مسترخي ومتكي ومرتاح ما فيه ما يبقى يدير معك شي موضوع اولا يتجادل معك في شي موضوع اولا واكل شارب كل شيء مرتاح الحبيبه دياله حداه اي حاجه اقترحتيها عليه ولا طلبتيها غيكون ذيك الساعه مرخي يقول لك ذاك الشيء اللي بغى لك الخاطر الحبيبه ديالي هو اللي كاين. واش فهمتيني راه عارفه تعنقي من هنا تبوسي من هنا يحط راسه على فخدك تحكي ليه شي شويه راسه تضحكي شويه الكبيده ديالي العمر ديالي ونموت على الحبيب ديالي وانت كتفرشي ليه الهضره اللي غاتقولي. واش فهمتيني ولكن حذاري حذاري تبداي تديري هذا الشي غير الا باغي ديري الا بغيتي حاجه راسك راه عيق بك استغلاليه ما غاديش يبدا يتجاوب معك وما تصوري منه حتى شي حاجه. هذا الشي خصه يكون عندك عاده في حياتك الزوجيه عاده شوفي غير الناس القدام ملي الحاجب كتبغي تطلب من الحاج الفلوس اولا شي حاجه كتوجد ليه شي عشاء بنين اللي كيعجبه ويدخل على سلامتك اسي الحاج. شفتك عيتي بزاف اليوم اسي الحاج تمشي تجيب ليه البانيو فيه ما سخون تكمل ليه رجيلاته تجيب ليه الدواء دياله يشربه تحط ليه العشاء يدخلوا لبيت النعاسي ينعسوا الغد تلقى الحج الفلوس فوق الطبله الكوافوز كي درت ليها الله اعلم. انا قلت لك دابا كيف درت ليها هذا الشيء اللي قلت لك واش فهمتيني المهم ندوزو للنقطه الثالثه كيفاش تجبدي الموضوع. هنا على حسب راجلك والدرجه ديال العناد دياله اذا كان راجلك عنيد وراسه قاصح واحد الشويه وتيبغي الوقت كتبداي تفرشي ليه الهضره ثلاث ايام قبل. مثلا بغيتي تاخذي مثلا فراش جديد اولا كتقول لي المهم طبقيها على سميته على اي حاجه ماشي غير الفراش على اي حاجه كتقولي ليه مثلا. عرفتي شفت واحد الطلامط واحد الفراش عند ايت فلان راه اش غنقول لك غزالين واعرين بزاف بزاف ملي سولت شحال طلعوا ليهم لقيتهم رخاص. وسدي الموضوع الغد ليه كتقولي ليه راه مشيت مع فلانه عند ذاك مول الطلامط اللي صوب ايت فلان الطلامط والفراش وقال لي غنخليهم لك بقد قد حيت انت زعما من الطرف الكليان ذاك الشيء وشوفي الاكسون دياله وسكتي. انت هنا راكي تلعبي ليه على العقل الباطني دياله كتقنعي العقل الباطني دياله بطريقه غير مباشره. واش فهمتيني المهم النهار الثالث كتقولي ليه الكبيده ديالي الحبيب ديالي انا عندي العبار ديال انا غادي ندي العبار ديال ديال السدادر مول الطلامط عفاك حبيبه. ومن طبيعه الحال غتكوني طبقتي لحديث المخده والوساده اللي قلت لك عليه المهم او عاوتاني كنت باغي تطلبي الفلوس باش تشري بهم حاجات ديالك حيت احنا البنات والعيلات راه عندنا بزاف متطلبات باش نتهلاو في راسنا.
[9:05]من بعد ما كما قلت لك طبقتي الانوثه ديالك معاه و وكاع ذاك الشيء اللي قلت لك ما كتجيش تسبقي ليه شنو بغيتي تشري بالضبط. مثلا تجي تقولي ليه باغي نشري واحد الكريم لوجهي تيدير 20 درهم خطا عمرك تديري هذه القضيه راه يعطيك 20 درهم صافي واش فهمتي. او لا تجي يبقى يقول لك و انت شحال ديال التخربيق عندك كتخسري الفلوس غير في التخربيق وهذه فهمتيني اطنسيون ما ديريش هذا الخطا. الرجال ما عمرهم ما غادي يفهموا العيالات كيفاش كيصرفوا. طلبي الفلوس نيشان عفاك حبيبه الا جات على خاطرك اعطينا واحد 300 و الكريم ديالك اللي باغ تشري اللي باغ تشري انت راه داير 20 درهم ولا 50 درهم ديما هذه القضيه عارفينها كاع العيالات المتزوجات كتعطي الثمن اكثر من ذاك الثمن اللي باغي.
[9:56]واش فهمتيني عاد هو الا جا يسولك علاش بغيتيها ذيك الساعه كتقولي ليه ولا كاع شتيه بغى يرفض بحال بغى يرفض يقول لك لا هذا الشيء بزاف 300 درهم بزاف او او قول لي شوف اعطيني غير 150 درهم. هنا شتي فاش تقولي لي اعطيني غير 150 درهم ماغاديش ماغاديش يبغي يرفض الطلب ديالك. غادي يحشم وغادي يعطيها لك حيت هذا الشيء اللي قلت لك في علم النفس قال لك في علم النفس قلبي عليها وغادي تعرفي. قال لك الا طلبتي حاجه من شي واحد وجاك الرفض بقاي شويه وعاودي طلبيها ما تبقايش واحد المده كثيره بقاي مده قصيره وعاودي طلبيها الطرف الاخر مابقاش قادر انه يرفض. واي راجل اي راجل كيبغي يشوف مرته زوينه ايوا اخويا الا باغ تشو باغ تشوف مرتك زوينه طلق الفلوس. ماشي يجي يقول لك شوفي فلانه شوفي ذيك الممثله شوفي ذيك المغنيه شوفي ذيك في الانستغرام كي دايره ويهليه في راسها وهذه وهذه كيقارنك بوحده اللي خاصره على فلوسها الملاير خويا هذيك خاصره على راسها الملاير حتى انا اعطيني الفلوس وشوف كي غرجع. واش فهمتيني اما اختي شوفي في حاله درتي هذا الشيء كامل وريتي ودلعتي وطبقتي جميع الطرق وهو ما يتجاوبش معك عرفيه زقرام من درجه فارس وعرفي يعني. امرو غتبدل و فقدي الامل فيه اختي ونوضي خدمي على راسك احسن حاجه وما تعوليش عليه وشوفي نقول لك واحد الحاجه غالبا غالبا المراه اللي كتقول لك انا ماشي متطلبه انا ماشي مكلفه انا نرضى غير بالخبز والماء يا اختي ياك اختي الخبز والماء انت دجاجه. ايوا شفتي الا كنت كتقولي لي هذه الهضره ما خصكش تشكي الا كان راجلك زقرام كاع البنات اللي كيقولوا هكا تيجي يوم راجل زقرام في الاخر كتبدا تقول لك صاحبتي راجلها كيلبي لها الطلبات كلهم.
[11:59]وانا عمره شر ليا غير صندل الميكه و انت النهار الاول ما جاب لك حتى صندل الميكه ايوا دابا شنو نديروا ليه ن قجو حيت انت من الاول كتقولي ليه انا ماشي متطلبه انا ماشي مكلفه و ضاع عليك ذاك الشيء الهضره اللي قلت لك هي اللي هي اللي داهها في وذنيه. واش فهمتيني لا قولي انا متطلبه انا عندي متطلبات راه راه راه الراجل ما قادش يدير المتطلبات ديال المراه ما يتزوجش بها. كان شي راجل يقول لك انتما العيالات والبنات كتبغيوا غير الفلوس شوف اخويا غنقول لك الا كنت كتسمعني وخا نكون كنتخلص جوج المليون يجي راجلي يعطيني غير واحد 500 درهم راه كنحس بها اكثر من ذيك جوج المليون. احنا هكا مخلوقين فلوس رجالنا كيعجبونا يا اخويا حيت الراجل فاش غادي يجي يعطيني واحد 500 درهم ولا واحد 1000 درهم واخا انا كنتخلص اكثر راه كنحس معه ان كنحس به انه كيبغيني كنحس معاه بالامان كنحس معاه براسي انني مع راجل.
[13:03]واش فهمتيني وكاينين بزاف ديال الطرق اخرين باش تطلبي مثلا تقولي ليه انا مقلقه منك حبيبه حيت انا حيت انت ما بقيتيش كتهتم بيا. قلتي لي ذاك النهار شي نهار نسافر بك وما سافرتيش بي وخا عليك المهم هذه هي واحد الدخله باغي توصل لي انك ما سافرش بك ولا مثلا قولي ليه ممكن عاوتاني تدخلي بواحد الدخله اخرى. عرفتي العمر ديالي البارح حلمت واحد الحلمه خير وسلام انا وياك في واحد الدار بوحدنا كنقصوا وكنضحكوا وفرحانين هذا المثل انا قلت لك مثلا انت ساكنه مع عدوزتك مثلا وبغيتي. مثلا بغيتي ديروا داركم بوحدكم كدخلي ليه بهذ الدخله ديال ديال حلمت بكم وممكن تسقطها على اي حاجه بغيتيها راه ماشي على هذا الشيء انا غير كنعطيك امثله واش فهمتيني المهم من هذا الشيء كامل تجنبي صيغه الامر اعطيني. شري ليا ديري ليا راه انت براسك نجي انا نقول لك اعطيني جلابك بالامر راه ما يعجبكش الحال تقولي شكون انت باش نعطيك اختي ولكن نجي عندك نقول لك عفاك اختي ولا عفاك ولا ممكن واش نقدر ولا شي حاجه راه تقدري.
[14:20]ديما حسني اختيار الكلمات اللي كتخرج من فمك عفاك الا جات على خاطرك واش ممكن نطلبك طلبي بحال هكا وملي شوفي واحد النقطه مهمه ملي غتطلبي خصك تكوني واثقه في راسك وعندك الطاقه ايجابيه طالعه حيدي منك الخوف راه الا حس بك خايفه من رده الفعل دياله يقدر يرفض ذاك الشيء اللي غاتطلبي. واش فهمتيني شوفي هو شوفي هو فاش يجي فاش كيجي كيطلبك على شي حاجه دياله تيطلبها منك بواحد الطريقه ماكيحشمش كيطلبها منك وهو ثايق في راسه ماكيحشمش. وحتى انت كذلك كوني ثايقه في راسك وفيك طاقه عاليه ولعبي على لغه الجسد ماشي تطلبي وراسك محني ولا عينيك كيشوفوا لتحت لا قوليها وشوفي فيه وكني مستقيمه. كاين ثاني البنات اللي كيفضلوا يقولوا الطلبات في ميساجات وكتنجح لهم الطريقه ديري حتى انت ممكن تنجح لك الطريقه علاش لا وشوفي كاخر نقطه كاخر نقطه سمعيني مزيان ملي يقضي لك الغرض ديالك مدحي.
[15:23]مدحي وشكري و قدري العمل دياله الراجل كيبغي التقدير والمدح بيني ليه انه ذاك الشيء اللي دار معك راه شي حاجه واو. هكا كيحس بالرجوله دياله طلعت وغادي يبغي يزيد يلبي لك الطلبات ديالك باش يزيد يبان حداك راجل واش فهمتيني البنات شوفوا الراجل هكا مخلوق. مخلوق باش يلبي لك الطلبات ديالك الراجل فيه الرجوله خصه يلبي الطلبات ديالك باش يحس بالرجوله واش فهمتيني باش يحس براسه هو السبع.
[16:00]انت كيشوفك انك ضعيفه منه ومحتاجاه انت خصك تحسيه انك ضعيفه منه ومحتاجاه حيت هو السبع ديالك والمراه حتى هي مخلوقه تعطي شويه من الانوثه ديالها ويلبي لها الراجل الطلبات ديالها حيت هو الراجل حيت هي الانثى خصها تستقبل. تستقبل تستقبل تستقبل الراجل خصه يعطي خصه يعطي واش فهمتيني شنو شنو بغيت نقول لك. هكا كتكون توازن في العلاقه ذاك الشيء باش خصك ديما تعرفي توزني الانوثه ديالك باش حتى هو يكون معك راجل فبليز البنات ما تبقاوش تقولوا انا ماشي متطلبه انا ماشي مكلفه هذا الشيء حيديه من منك ولا نجي نعطيك واحد جوج ربيقات نتمنى الفيديو يعجبكم البنات تهلاو في راسكم ما تنساوش بجيم والتشجيعات باي باي.
