[0:08]Assalam-o-Alaikum, umeed hai aap khairiyat se honge. Lecture 3 ke sath, mai aapka teacher Mirza Muhammad Arslan again aapke samne maujood hoon. Aaj ka lecture bhi insha'Allah bahut interesting hone wala hai. Pehle mai aap logon ka shukriya ada karna chahunga. Aap logon ne maash'Allah itna pasand kiya jo humne yeh free training start ki hai Amazon virtual assistant ki aur Amazon private label ke liye. Aaj hamara teesra lecture hai aur insha'Allah mujhe badi umeed hai aaj bhi aap kuch seekh ke jayenge. So, aaj hum discuss karenge ke yaar ab humne product hunt kar li, hamara ab next step kya hona chahiye. Bahut saare log yeh samajhte hain ke jo product hunting ke criterias hain, aapne unko pura kar liya aur that's it product final ho gayi. Jabki aisa nahi hota. Jab bhi hum koi product hunt kar lete hain uske baad do bade important phases se unhe guzarna hota hai. Number one, humne check karna hota hai, kya jo product humne hunt kar li hai, jo saare parameters ko pura kar rahi hai, usme reviews bhi consistent hain, revenue bhi consistent hai, reviews, matlab competition bhi itna zyada nahi hai, demand bhi bahut zyada hai. So, uske baad jo cheez check karni hai woh hai patent. Kya aapne koi aisi product toh nahi select kar li jo ke kisi ka patent hai. Aur agar aapne unfortunately aisi product search kar li hai, hunt kar li hai, toh jab aap usko list karenge na toh aapko intellectual property violation ka ek notification Amazon ki taraf se aayega. Jo ki aapke liye bilkul bhi achcha nahi hai. Aapki Amazon account health disturb ho jayegi. Aur mumkin hai aapka account Amazon suspend kar de. So, point number one, jab bhi aapne product hunt kar leni hai, toh pehla kaam aapne kya karna hai patent check karna hai. Ab, agla question yeh aata hai ke hum patent kaise check kare. Ek toh uska tareeka kar yeh hai ke aap patent.google ki website hai. Like Google pe jaa ke likhen ji patent check karna hai. Like patent.google hai woh link ya google.patent hai, in dono mein se koi ek link hai, aap wahan pe jayein, wahan pe jaa ke apni product ka naam likhen, apna keyword likhen. Keyword maine aapko bataya tha last lecture mein ke yeh product ke liye istemal kiye jaane hue woh alfaaz hain jisse hamari product pehchani jaati hai aur customer aa ke type karta hai. Ab, misal ke taur pe, aapne woh keyword likha aur patent ke andar Google patents ke andar woh saare patents show hona shuru ho gaye. Ab aapne dekha ke jo product mai bechna chah raha hoon, jo maine select ki hai apne competitors ko dekhte hue jo product research kar ke ki hai, kya us product ko already kisi ne patent toh nahi karwaya hua? Agar kisi ne usko patent karwaya hua hai toh it means ke aapko us product ko chhod dena hai. Ab patent bhi aage do tarah ke hote hain. Ek aapka patent hota hai utility patent, ek hota hai aapka design patent. Zyadatar jis cheez ko focus kiya jata hai woh hota hai design patent. Theek hai? So, aapne yeh dekhna hai aapka design kisi aisi product ke saath toh match nahi kar raha jo ke already us region ke andar patent hai. Ab patent bhi country to country hota hai, ho sakta hai aap US market mein kaam kar rahe hain aur Google ne jo aapko patent ka result dikhaya woh Australia ka hai. Toh agar USA mein patent nahi hai toh aap us product ko USA ke andar bech sakte hain. Lekin agar woh product kisi bhi duniya ke part mein patent as a patent maujood hai, toh aap zehen mein back of the mind ise zarur rakhiyega woh kisi bhi time USA ke andar bhi usko patent karwa sakta hai.
[3:47]So, jab bhi humne product hunt ki humne uska patent check kar liya. Patent kis tarah check karna hai? Google.patents pe ja ke aapne uska patent check kar liya. Dusra tareeqa patent check karne ka yeh hai aap Fiverr pe jayein, Upwork pe jayein, bahut saare freelancers aapko milenge jo aapko patent check karne ki services offer karenge bade munasib dam mein. Aap unhein pay karein aur woh aapke liye pura data analysis karenge ke kya aapki product, kya aapke keywords patent hain ya nahi aur agar patent hain toh woh kis tarah ke patent hain. Kya woh utility patent hain? Kya woh design patent hain? Woh kis country ke andar as a patent registered hain? So, humne check kar liya ke bhai okay hamari product jo hum bechne lage hain woh kisi ka patent nahi hai. Next step, jo next cheez humne check karni hai, jo bhi humne product select ki hai, uske liye jo humne next cheez check karni hai woh yeh hai profitability. Ab aap karenge ke sir haan yeh toh bada important point hai, lekin hum profitability kaise check karein? Dekhein, bahut saare log ek galti karte hain, woh karte hain ke ji sir humne product dekh liya, dhoondh liya, sara kuch ho gaya hai. Hum gaye hain Alibaba.com pe aur wahan ja ke dekha wahan toh ek dollar ki cheez mil rahi thi, Amazon pe woh 10 dollar ki bik rahi hai, sir no dollar ka profit. Kamaal ho gaya sir, behtareen product hai maine final kar li. Halaanke aisa hargiz nahi hota. Aap logon ke liye yeh janna zaruri hai ke ek hoti hai buying cost. Buying cost ke baad uske upar charges aate hain inspection ke, jo ki aap ek third party inspection karwate hain quality assure karne ke liye. Uske baad ek expense aata hai jo ke supplier ke warehouse se lekar, supplier ki factory se lekar Amazon ke warehouse tak jane tak ka hota hai jisko hum freight kehte hain. Ab jab yeh freight pay karne ke baad product Amazon ke warehouse mein pahunch jaati hai, toh uske baad Amazon aapse do tarah ke, balki teen tarah ke charges charge karta hai. Teesre wala bada minor charge hai isliye main jo hain woh do hain, lekin mai aapko teesre ke baare mein bhi batata hoon. Number one, Amazon aapse referral fees charge karega, means ke jab bhi koi order aapko aayega, Amazon flat 15% aapse referral fees charge kar lega. Kis amount ka 15%? Jo aapne list lagayi hui hai. For example, aap 9 dollar ka bech rahe hain ya 10 dollar ka bech rahe hain, toh uske jo 15% hai, 1.5 dollar Amazon ne woh aapse har sale pe le lena hai. Uske baad jo dusra expense woh aapse charge karega, that will be FBA, means fulfillment by Amazon. FBA fee woh aapse charge karega.
[6:17]FBA fee ke andar hota kya hai? Pick, pack, and ship. Means, ke jab aapne inventory Amazon ko bheji, Amazon usko pick kar raha hai, phir usse koi order aa jata hai toh usne usse pack karna hai aur teesra ship customer ko ship karna hai. Itni mehnat karne ke liye, woh aapse FBA fee charge karta hai. Iski koi fixed percentage nahi hoti. Yeh category to category vary karta hai aur product to product bhi vary karta hai. Product to product kyun vary karta hai? Iska directly taalluq hota hai product ke weight se, product ki dimensions se, uski packaging se. So, agar aapki packaging kisi aur different size ki hai as compared to your competitor, toh aapse woh different FBA charges charge karega. So, uske baad aa jaata hai storage fee jo ke bahut hi minor hoti hai agar aapki inventory circulate kar rahi hai. So, ab aapka kaam hai ke check karna ke aapki buying cost jo ke aapne China se source kar rahe hain ya kisi bhi jagah se kar rahe hain, Jisko abhi hum discuss karenge ke hum kaise jo hai sourcing karte hain, usse pehle jo ek step hain do check karna product se related ek patent ka jisko abhi maine aapko bata diya. Number two hai ke aapne kaise revenue calculate karna hai, kaise product ki costing karni hai aur ek landing cost declare karni hai aur phir dekhna hai ke mujhe isme se kitne percent profit aa raha hai. Ab, ab mai aapko batata hoon ke aapne kaise apni product ki yeh cheezein calculate karni hain. Kuch cheezein toh aapko like easily pata chal jayengi, like product ki cost aapko supplier ne bata di, freight aapko pata chal gaya woh bhi supplier ne bata diya. Kyunke jab bhi hum sourcing karenge, hum DDP method pe karte hain, means duty delivery paid. Usme humein koi custom duty nahi pay karna, everything paid by the supplier. So, sab kuch aa gaya humein ek price mil gayi. Uske baad agli cheez, agli jo cost aa jaati hai, woh hoti hai Amazon ki referral fees, jo ke flat 15% hai, aap khud se calculate kar loge agar aap 10 dollar ki product bechoge toh 1.5 dollar Amazon ne aapse charge karna hai. Jahan aa ke problem aati hai, woh aati hai FBA fees, ke aapki product pe Amazon kitna FBA charge karega. So, uska best solution yeh hai ke aapne apna ek similar competitor pakadna hai jiski dimension bilkul aap jaisi hon, jiska weight bilkul aap jaisa ho. Design vary kare, lekin dimensions aur uska weight bilkul aapki tarah ka match ho. Toh hum kya karte hain? Hum Google pe jaate hain, Google pe ja ke likhte hain Amazon revenue calculator. Dobaara bolta hoon Amazon revenue calculator. Wahan ja ke aap jab enter karenge, toh jo first link aayega, aapne us pe click kar dena hai. Wahan par aapke samne ek jo hai, ek dashboard khul jayega, wahan par woh puchega ke kya aap jis product ka revenue calculate karne lage hain, uska ASIN aapko malum hai? Ab ASIN kya hota hai? Isko hum kehte hain Amazon Standard Identification Number. Theek hai? Is yeh woh number hota hai jisse aapki product pehchani jaati hai. Lekin chunke abhi aapne koi bhi product Amazon pe nahi bechi, na list ki hai, so aapke paas apni product ka ASIN toh hoga nahi. Toh aap kya karenge? Aap apne competitor ki list pe jayenge. Usko scroll down karenge, neeche ASIN likha hoga uski product description ke neeche. Wahan se ASIN ko copy karenge aur us dashboard mein laake paste kar denge. Jaise hi aap paste karenge woh auto fetch karega uska size aur uska weight. Aur woh aapse puchega, yahi product hai na? Toh obviously, wahan par woh display hona shuru ho jayegi woh product. So, ab aapne kya karna hai? Ab woh aapke samne ek tarah ka, ek spreadsheet type ka ek chart open kar dega. Chart nahi, ek columns open ho jayenge. Ek column hoga FBM se related. Theek hai? Dusra hoga FBA se related, means fulfillment by Amazon. Hum chunke FBA model ko discuss kar rahe hain aur humne Pakistan mein se apni products ko FBA karna hota hai, toh hum zyada FBA ko discuss karte hain, FBM ko bhi mai explain kar deta hoon aapko. Sabse pehle woh aapse puchega, okay bhai, mujhe na product ki price batao. Product price se murad yeh hai ke jo price aapne Amazon pe bechni hai, jis qeemat pe bechna hai, woh qeemat enter karo. Ab aapko kaise pata chalega aapne kis price pe bechna hai? Iske liye aap puri product hunting kar chuke hain, product research kar chuke hain, spreadsheet bana chuke hain. Aur analysis kar chuke hain ke meri selling price kya honi chahiye. So, ab humne price ko pick karna hai, jo bhi hamara competitor bech raha hai, for example, woh agar 11 dollar ki bech raha hai toh hum ek dollar neeche rakh ke 10 dollar ko consider karte hain. Ab 10 dollar ko humne wahan pe enter kar diya. Uske baad, woh aapse question karega ke aapki buying cost kitni hai? Theek hai? Aapne apni buying cost bata di ji misal ke taur pe mujhe 2 dollar ki cheez mili hai. Phir woh aapse puchega ke isme shipping charges kitne hain. Aap agar toh aapki us buying cost ke andar shipping include hai toh aap us jagah par zero rehne dein aur uske baad aapne isko kar dena hai enter.
[11:24]Jaise hi aap enter karenge, toh aapke samne right side pe ek column banna shuru ho jayega, ek value aana shuru ho jayegi jo ke aapki profitability ko batayegi ke aapne cheez kitne ki khareedi aur kitne ki bech rahe hain aur beech mein FBA charges, FBM charges FBA charges aur FBA referral charges kitne hain. So, jo cheez hum janna chahte the woh jaise hi aap enter karenge, wahan par blue colour ki FBA fees ke aage FBA ki fees likhi aa jayegi. Ab for example, woh kehta hai ke ji aapki jo product hai, jo dimensions hain jo weight hai, mai is pe 3.5 dollar aapse FBA fees charge karunga. So ab agar aap calculate karein FBA fees 3.5 dollar yeh ho gaya, 1.5 dollar referral fees ho gayi, so 5 dollar toh yahi ho gaya. Ab agar aap iski buying cost like 2 dollars daal dein, toh aap imagine kar sakte hain ke 7 dollars toh aapki yahin tak hi aapki expenses mein cheezein aa gayi hain. Ab agar woh waaqayi 10 dollar mein bik jaati hai toh hamara profit margin kya hua? 3 dollars, which means almost 30%, which is a very good profit margin. Ab uske baad yeh hota hai, yahi method hum use karte hain apni sourcing ke andar. Sourcing ke liye jo sabse important cheez hoti hai, like jab bhi aapne koi product hunt kar leni hai, toh hamare liye jo sabse bada challenge hota hai woh challenge yeh hota hai ke yaar jo humne China se sourcing karni hai, hamari kya ek target price honi chahiye? Toh yahi woh ek tareeqa kar hai, like revenue calculator se, agar hum apni China wali price ko empty chhod dein aur enter karein toh hamara profit margin ho sakta hai 50% show kar raha ho. Like woh kahe ji 5 dollar toh mai is product pe expenses hain, 5 dollar aapka profit hai, kyunke humne buying price zero likhi hoti hai. Ab woh jo 5 dollar akhir pe humein bach jaata hai, hum assume karte hain ke yaar humein yeh product 2 dollar mein ya 2.5 dollar mein source karni hai har haal mein. Kyunke agar mai 2.5 dollar mein source karunga toh mera profit peeche 2.5 dollar bach jayega. 3 dollar mein karunga toh peeche profit 2 dollar bach gaya, 4 dollar mein karunga toh peeche profit 1 dollar bach gaya. Ab yeh aap pe depend karta hai aap kitne profit margin pe kaam karna chahte hain. Mai hamesha aapko recommend karunga aapne kam se kam 25 to 30% profit margin pe kaam karna hai. So, yahan se aapko ek target price mil jaati hai. Kyunke aapne FBA fees maloom kar li, aapne jo hai woh FBA ki referral fees aapko pata chal gayi. Aapko yeh pata chal gaya yeh product maine bechni kitne ki hai. So, yahan se aapke samne saare expenses aa gaye. Ab agla kaam yeh hota hai ke humne usme apni product cost daalni hai. Jo ke ab aap is position mein aa gaye hain ke aap assume kar sakte hain ke meri product cost itne ki honi chahiye. Itne ki hogi, mai itne ki bechunga toh akhir pe mujhe itne percent profit milega. Umeed hai aapko yeh saari baatein, yeh sara formula jo maine abhi aapko samjhaya hai, Aasaan alfaaz mein, yeh aapko samajh mein aaya hoga. Phir bhi aapke zehen mein koi question aaye, neeche comment section mein aa ke poochein. Insha'Allah next lecture mein hum dekhenge ke humne apni product ko source kaise karna hai. Aur kaun se authentic platform hain jahan par hum fraud se bache, fraud se bachte hue apni product ko ba-asani source kar sakte hain. Apna bahut sara khayal rakhiyega. Pakistan zindabad.
