افعل هذا فور استلام راتبك ولن تضيع أموالك أبداً!

[0:00]تخيل معايا كده كل مره بيجي لك الراتب بينتهي بسرعه من غير ما تحس. كل المصاريف الصغيره والشراء العشوائي كل ده بيخسرك فلوس من غير ما تحس. بس في الفيديو ده هوريك طريقه لو عملتها اول ما تستلم الراتب فلوسك مش هتضيع ابدا. وهتقدر تتحكم فيها وتدخر وتستثمر كمان. ومع العلم الطريقه دي تناسب كل الناس مش شرط تكون موظف. طبق الطريقه اللي هنشرحها في الفيديو النهارده على اي مبلغ مالي بيدخل لك. اول حاجه لازم تعملها هتخصص 50% من الراتب للمصاريف الاساسيه. زي السكن، فواتير الكهرباء والميه، مواصلات والاكل والشرب. والحاجات الضروريه اللي بتدفعها كل شهر. يعني لو مرتبك 1000 دولار هتخصص 500 دولار للمصاريف الاساسيه. وخليك صريح مع نفسك وحدد الضروريات ما تصرفش فلوسك على حاجات ما لهاش لازمه. وعلشان تعرف فلوسك بتروح فين وتصرف على حاجه مهمه ولا لا حاول تسجل كل حاجه بتصرفها في الشهر وشوف في الاخر صرفت كل جنيه فين وهتتفاجئ. والخطوه الثانيه انك تخصص 40% من المرتب للادخار والاستثمار. فممكن تحط جزء منه في حساب توفير او مشروع صغير او حتى استثمار امن. والجزء ده من اهم الاجزاء لانه هو اللي هيبني لك مستقبلك المالي. وكمان هيمنع ضياع فلوسك في حاجات مش مهمه. فلو مرتبك 1000 دولار زي ما قلنا هيبقى 400 دولار للادخار والاستثمار. فممكن مثلا تستثمر جزء من ال 400 دولار في مشروع صغير والباقي تستثمره في الذهب علشان تحافظ على فلوسك وقيمه فلوسك من التضخم. وفي طريقه تخليك تشتري ده بحرفيا ب2 جنيه وانت قاعد في البيت. وكمان تقدر تبيع وتشتري وانت قاعد في البيت مش هتحتاج تنزل لمحل الصاغه وتروح تشتري مش عارف ايه وتخزن فين والكلام ده كله. فلو حابين اعمل فيديو اشرح لكم الطريقه اكتبوا لي في الكومنتات. واهم حاجه ابدا باللي تقدر عليه مش لازم جزء كبير من المرتب لو مرتبك صغير حاول تشيل اكبر جزء تقدر عليه. بس ما تهملش الجزء ده لانه اهم جزء في الخطه كلها. واخر حاجه خصص 10% للترفيه والكماليات. يعني مثلا عايز تشتري موبايل جديد هيكون ال 10% مخصصه للجزء ده. يعني لو مرتبك 1000 دولار هيبقى 100 دولار مخصصه للترفيه. باختصار اول ما تستلم الراتب تتبع قاعده 50 40 10. 50% للاساسيات 40% للادخار والاستثمار و10% للترفيه والكماليات. الطريقه دي بسيطه جدا لكنها فعاله وهتعمل لك نتائج رهيبه. جرب الطريقه الشهر ده واكتب لي في التعليقات ايه النتيجه اللي طلعت معاك. ولو الفيديو عجبك ما تنساش تعمل لايك وتشترك في القناه عشان يوصلك اشعار بالفيديوهات الجديده واكتب لنا في الكومنتات عايز تعرف ايه في الحلقات اللي جايه.