[0:00]في لحظات بحياتنا بنكون فيها بين مكان ومكان، لا احنا هون ولا احنا هناك، يعني بيكون فيها انتظار، انتقال، سفر، وبما اني مسافره وقريبا جدا قررت اني اعمل لكم ريفيو على فيلم كثير بحبه على الساعة 2:00 الصبح.
[0:16]وبنفس الوقت إذا حابين تشوفوا مغامراتي بعالم السينما اعملوا لي فولو على الإنستغرام عشان تشوفوا الستوريز.
[0:22]اليوم رح نحكي عن فيلم دافي، إنساني، بسيط، وهادي، وأهم إشي إنه له علاقة بالسفر، يلا فيلم The Terminal.
[0:37]The Terminal فيلم كوميدي درامي من إخراج ستيفن سبيلبرغ وبطولة توم هانكس.
[0:43]القصة بتحكي عن فيكتور نافورسكي، زلمه بسيط من دولة خيالية اسمها كراكوجيا.
[0:49]كراكوجيا، كراكوجيا. المهم فيكتور بيوصل لمطار JFK بنيويورك وبيكتشف إنه دولته كراكوجيا صار فيها انقلاب.
[0:59]والنتيجة إنه جوازه بطل له أي قيمة قانونية.
[1:03]فيكتور بلاقي حاله معلق بالمطار، لا قادر يدخل على أمريكا ولا قادر يرجع على بلده، فببني حياة بسيطة بين بوابات السفر والمحلات اللي بالمطار.
[1:14]إخراج ستيفن سبيلبرغ كان قمه في الروقان، المخرج اللي معودنا على الديناصورات والحروب ركز على تفاصيل إنسانية بهذا الفيلم.
[1:23]استخدم أسلوب الكوميديا الصامتة وفرجانا كيف الكاميرا بتقدر تحول صالة الانتظار الباردة لمكان كلياته قصص حلوة وحياة.
[1:31]وتعمد يحسسنا بالوقت وهو بيمر والملل اللي كثير في ناس حكوا عنه كان مقصود ومدروس 100%.
[1:47]You ever feel like you're just living in an airport?
[1:50]وأنا بالنسبة إلي استمتعت جداً وأنا بحضر هذه المشاهد اللي فيها الانتظار.
[1:56]توم هانكس بهذا الفيلم عمل إشي اسمه ماستر كلاس بالتمثيل، يعني خلانا نحب الشخصية ونتعاطف معاها وهو يا دوب بيعرف يحكي كلمتين إنجليزي.
[2:05]هانكس هون اعتمد على لغة الجسد وتعبير الوجه العفوية، حركاته وهو عم بيحاول يفهم القانون والإجراءات اللازمة تصير، وحتى وهو عم بياكل الكراكرز كانت قمه بالبراءة.
[2:15]وطبعا ما بنقدر ننسى ستانلي توتشي اللي لعب دور المدير البيروقراطي بذكاء.
[2:20]والحلو بالموضوع إنه هو ما كان عم بيلعب دور شر تقليدي، كان عم بيحاول يمشي مع القوانين بحذافيرها، وهذا الكونتراست بين عفوية فيكتور وجمود المدير خلق متعة مو طبيعية بالفيلم.
[2:32]وطبعا ما بنقدر ننسى كاثرين زاتا جونز اللي لعبت دور إيميليا وأضافت لمسة رومانسية وهادية للفيلم.
[2:38]واللي لفت انتباهي إنه كاثرين ما قدمت دور حبيبة البطل التقليدية، كانت مضيفة وحياتها عبارة عن تخبط في العلاقات.
[2:47]ووجودها كان عنصر أساسي للفيلم لأنه فرجتنا إنه فيكتور مش هو الوحيد اللي معلق بالمطار، وجودها كان له رمزية لكثير ناس معلقين بحياتهم، بمشاعرهم، مش قادرين يطلعوا من موقف معين مع إنهم ممكن يكونوا عم بسافروا كل يوم.
[2:59]وبرضه الكونتراست بين شخصية فيكتور وشخصية إيليا كان كثير حلو لأنه فرجونا إنه فيكتور ما فقد الأمل ولا للحظة، بينما إيليا كانت عم تتخبط طول الوقت ومش قادرة إنها تتمسك بأي أمل بسيط.
[3:12]طب هلا بدنا نحكي عن الفان فاكتس اللي هي طبعا أحلى فقرة بالنسبة لي.
[3:15]بتعرفوا إنه المطار اللي شفتوه بالفيلم مش حقيقي، سبيلبرغ خلى طاقم العمل يبنوا مطار كامل، فيه محلات وأرضيات ومطاعم وعملوا كل هذا الإشي بهنجر طيارات كبير.
[3:28]وطبعا عمل هذا الشيء عشان يتحكم بكل شيء بده اياه بالتصوير وما يكون محدود ولا واحد بالمية.
[3:35]والشيء اللي ممكن يصدم كثير ناس إنه هذا الفيلم مستوحى من قصة حقيقية.
[3:40]الزلمة اللي ألهم هذا الفيلم هو زلمة إيراني اسمه مهران كريمي ناصري.
[3:45]مهران عاش بمطار بباريس مش يوم ولا يومين، عاش 18 سنة من 1988 للـ 2006 وهو عايش جوا المطار بصالة رقم واحد.
[3:57]والقصة اللي صارت معاه إنه لما نزلت طيارته ضاعوا أوراقه اللي بتثبت إنه لاجئ وصار معلق قانونيا، لا قادر يفوت على باريس ولا قادر يرجع على بلده.
[4:07]وطبعا مهران انشهر عالميا وصارت الصحافة تزوره بالمطار وتعمل معاه مقابلات.
[4:12]وشركة دريم وركس اللي هي شركة سبيلبرغ دفعت له مبلغ ضخم جدا عشان يتنازل عن حقوق قصته.
[4:19]بس بالاخر قرر سبيلبرغ إنه يغير التفاصيل تاعت القصة وما يخلي البطل ينتمي لبلد معين أو بلد حقيقي عشان ما يفوت بأمور سياسية.
[4:28]ميزانية هذا الفيلم 60 مليون دولار وقدر يحقق نجاح كثير كبير بالبوكس أوفيس وحقق إيرادات عالمية وصلت 219 مليون دولار.
[4:38]بتقدروا تحضروه على منصة Netflix.
[4:41]الفيلم مأخذ 7.4 على الـ IMDb و 61% على Rotten Tomatoes وأنا بعطيه 7.5 أوت أوف 10.
[4:50]وبالنهاية فيلم The Terminal بعلمك إنه الانتظار مش دائما مضيعة للوقت.
[4:55]مرات بكون مهم كثير بخلينا نبني علاقات ونكتشف حالنا، وطبعا انا مستحيل أدخل أي مطار إلا واتذكر هذا الفيلم.
[5:02]المهم يا حلوين إذا حبيتوا هذا الريفيو بليز اعملوا لايك وكومنت وشير، سووا لي سبسكرايب إذا مش عاملين لي سبسكرايب واللي مو عامل لي فولو على الانستجرام وتيك توك يروح يسوي لي فولو لأني بنزل كثير ستوريز حلوة وبنزل ريلز.
[5:14]وبشوفكم بفيديو جديد يا حلوين.
