Raghav Chadha vs Kejriwal (3D) by Professor Of How

[0:00]Raghav Chada ko Aam Aadmi Party ne party se nahi nikala hai. Rajya Sabha se bhi nahi nikala hai. AAP ne sirf unko Deputy Leader of Rajya Sabha ki post se hataya hai aur party ke speaking time quota se bhi rok diya hai. Professor Of How ko follow karke 3D animation ki madad se is baat ko samjho ki 90% se jyada Indians ki politics ke fundamentals itne jyada kamzor hain ki news headline padhkar log bas randomly ye maan baithe hain ki Raghav Chada ko party se nikal diya. Dekho India ka Parliament do hisso me bata hai. Lok Sabha yani lower house aur Rajya Sabha yani upper house. Lok Sabha me wo neta baithte hain jo gali gali ghume, rallys kari, janta se direct vote maange aur fir chunav jeet ke yahan tak aaye, lekin Rajya Sabha me koi seedha public vote se nahi jata. State Assembly ke elected MLAs vote karte hain ki kaun Rajya Sabha jayega. Ya yun keh lo ki jinhe tum vote dete ho, wo further vote deke ye decide karte hain ki Rajya Sabha me kaun jayega. Ab samjho ki har party ka Rajya Sabha me ek leader hota hai aur ek deputy leader hota hai. Abhi filhal AAP ke leader hain Sanjay Singh aur abhi tak deputy leader the Raghav Chada. To sabse pehli baat to ye ki Kejriwal ne Raghav Chada ko is deputy leader ki post se remove karke unka demotion kar diya hai. yani ki jab kisi se deputy leader ki post chheen li jati hai to iska matlab hai party ne uska VIP pass cancel kar diya. Ab wo neta Parliament me to baithega lekin ek ordinary backbencher ki tarah na to use jyada bolne ka mauka milega na hi wo party ki taraf se koi badi strategy banayega. Dusri jaruri baat, iske sath hi Kejriwal ne Raghav Chada ka speaking quota bhi zero kar diya hai. Rajya Sabha me aisa nahi hai ki jiska mann kiya, mic uthaya aur shuru ho gaya. To Raghav Chada ko jo baar baar bolne ka mauka AAP deti thi wo bhi chheen liya hai.