[0:00]طيب الحمد لله والصلاه والسلام على رسول الله صلى الله عليه وسلم. اللي ما حضرش اللي ما حضرش يعني حاول حاول فعلا تعتبر السيره دي على انها صوره كبيره جدا يعني فعلا انت لما بتفوت ايه ده ايه اللي حصل؟ ايه ده دول فجأه بقوا هنا ايه ده مش احنا كنا هنا يعني التفاصيل دي حلوه فحاولوا تلتزموا يا جماعه لان هتستفيدوا انتوا يعني بس درس النهارده بقى يعني يعني ميزته أن هو ممكن يبقى درس لوحده كده في حته حلوه جدا وأنا صراحة أول مرة أتكلم فيها كدرس. وهقول لكم ليه دلوقتي احنا وصلنا مع السيره ومع النبي صلى الله عليه وسلم ل- اا المرة اللي فاتت تكلمنا عن إيه؟ عن مولد النبي صلى الله عليه وسلم والقصه بتاعه وفاه أمه وبعد كده كفاله جده ليه وبعد كده وفاه جده وبعد كده عمه والنبي صلى الله عليه وسلم المرضعه اا السيده حليمه من بني سعد وتكلمنا عن بعد كده كبر واشتغل مع عمه وبدا يتاجر وبدا أن هو يرعى الغنم كبر أكثر وتكلمنا عن مشاركته في في في الحرب لو فاكرين وتكلمنا عن النبي صلى الله عليه وسلم وهو صغير لما كان بيراوده أفكار عايز أعمل حاجه غلط كان ربنا زي ما بيعصمه فاحنا وصلنا مع النبي صلى الله عليه وسلم من سن سنتين 4 6 8 14 16 وصلنا للسن ده ودلوقتي احنا هنخش في العشرينات النبي صلى الله عليه وسلم في العشرينات فالحته اا الجميله جدا جدا هي وصف النبي صلى الله عليه وسلم عارفين في في في حديث النبي صلى الله عليه وسلم بيقول ان الشيطان ما بيتمثلش بيه يعني إيه ما بيتمثلش بيه؟ يعني الشيطان مش مش مش هيجي مش هيجيلك في المنام بصورتي ويكلمك على إنه أنا الشيطان مش هيعمل كده فلا لو لو لو أنا اللي جيتلك في المنام يبقى ده مين؟ يبقى ده أنا النبي صلى الله عليه وسلم بيقول كده فدي مشكله بقى لو انت مش عارف شكل النبي صلى الله عليه وسلم ليه؟ يعني مره واحد جه قال أنا شفت النبي صلى الله عليه وسلم في المنام بس ما كانش عنده دقن فهو ده الشيطان جاي له في شكل واحد ثالث خالص وهو الثاني مشكلته إيه؟ أنا مش عارف شكله أصلا فاحنا بنتكلم عن النبي صلى الله عليه وسلم في العشرينات عايزين نتكلم بقى عن شكل النبي صلى الله عليه وسلم يعني دايما الانسان في العشرينات بيبقى شكله قريب أوي إيه؟ من بقية حياته يعني إلا لو يعني شويه شعر كده راح وكرش كده وحاجات كده إيه بس غير كده غالبا شكلك إيه يعني بيكمل يعني فالعجيب أن الصحابه في وصف النبي صلى الله عليه وسلم مسكه من من من أدق تفصيله لأدق تفصيله مفيش حاجه مش متقاله يعني مش مثلا كان طويل كان رفيع لا مفيش حاجه مش متقاله فتعالوا نمسك حديث وأنا طبعا هقرأ هقرأ وأترجم ماشي وأنا برضه إيه إتعلمت الترجمه دي لان الصحابة يعني كلامهم تقيل أوي على النبي صلى الله عليه وسلم إيه؟ أه المراد التقطيع ليه مبيبقاش سهل أن أنت تعرف شكله بالظبط؟ كصوره يعني كصوره قدام عيني يعني لا ما هو ما حدش قال أن هي صعبه أنك تعرف لان كل حاجه اتقالت فعلا يعني المشكله كلها أن احنا من من إجلال النبي صلى الله عليه وسلم أن هو ما حدش مثلا هيرسمه
[3:26]بس الوصف ده لو اترسم يعني أنت مش متخيل معايا إيه اللي بيتقال فلما تبص معايا هتفهم قصدي بس يمكن عشان احنا في في في في هبه للنبي صلى الله عليه وسلم وفي تشريف أن هو ما يترسمش وما يتمثلش بيه إلا أن الوصف ده لو لو اترسم هيطلعلك بالظبط شكل النبي صلى الله عليه وسلم يعني فغير كده لا هو وصفه يعني هتقرب أوي من صوره حقيقيه لما تسمعه يعني فأنا في حديث كده طويل أوي خلاص أو كذا حديث أنا إيه جمعت منهم مع بعض طيب فتعالوا نقول ده يعني كذا حد من الصحابه بس أكثر الكلام ده كان سيدنا علي وسيدنا علي ده ابن عمه سيدنا علي ده جوز بنته ف بنتكلم عن واحد عارفه كويس جدا جدا يعني فسيدنا علي بيقول إيه بيقول أو يعني كذا حد عشان بس الجمله دي ممكن تبقى مع حد تاني يعني فبيقولوا كان رسول الله صلى الله عليه وسلم فخم فخما مفخما يتلألأ وجهه تلالؤ القمر ليلة البدر يعني مبدئيا كده هو بيقول لك فخما يعني عليه هبه ماشي النبي صلى الله عليه وسلم كان عليه هيبه فخما مفخما يتلألأ وجهه كإيه؟ كتلالؤ القمر ماشي ده مبدئيا كده
[4:26]حاجه أوفر فيو يعني بعد كده بقى الوصف بتاعه بيقول لك أطول من المربوع بصوا هقول الكلام وأنتوا مش هتفهموه بعد كده أترجمه بس عشان أنا قولته يعني أطول من المربوع وأقصر من المشدب عظيم الهامه يعني إيه أطول من المربوع يعني خلينا أقول برضه بالعاميه كده عارفين اللي هو الـ 180 سم ده أطول من المربوع المربوع يعني إيه؟ اللي هو مربع يعني فاهم مش بتفوز كده يعني زي أنا وأنت كده ماشي؟ وأقصر من المشدب المشدب ده اللي هو عارف اللي بيبقى طوله فارع كده بالظبط كده هو بين ده وبين ده فطوله ممكن يعني نفترض أن هو إيه؟ تمانينات يعني فاهمين؟ طيب وبعد كده راجل الشعر راجل الشعر يعني إيه راجل الشعر؟ بس خلينا نكمل أنا كل سطر بوصف حاجه هنا شعره بيوصفه شعره يقول إيه رجل رجل الشعر رجل يعني بيتسرح ماشي؟ ولما جم يتكلموا عن شعره في حته تانيه كانوا بيوصف أنه هو لا هو أقرت كيرلي ماشي؟ ولا هو ناعم ولي ناعم ولا لا نازل كده عليه فهو بيتسرح عارفين الشعر اللي هي الموجه شويه كده دي؟ يعني فينا في المصريين الشعر دي موجوده كتير أنا مش عارف أوصفها لكم يعني إيه؟ بس رجل يعني بيتسرح يعني شعره بيتسرح وكان في سنه نعومه كده فيقول لك إيه إن أن فرقت عقيقته فرقت إن فرقت يعني إيه يعني لو شعره طول وعمل كده شعره يتقسم فاهمين يعني إيه؟ وإلا فلا يجاوز شعره شحمه أذنه إذا هو وفره يعني لما هو بيسيبه ممكن شعره الصحابه وصفوا بقى الأصل أن هو كان يبقى لحد إيه؟ شحمه أذنه وفي من الصحابه قالوا أن هو ساعات كان يطوله لحد ما يلمس كتفه خلاص فالنبي صلى الله عليه وسلم كان ساعات يطول شعره وكان الأصل فيه أن هو شعره إيه؟ يتسرح وكان على طول النبي صلى الله عليه وسلم بيسرح شعره فده شعره بالنسبه للونه أزهر اللون أزهر اللون يعني أبيض بس مش الأبيض اللي هو اللي هو الألبينو ده ولا الأيبو الأبيض اللي قوي ده بس هو مش أسمر فهو أزهر يعني أبيض خلاص واسع الجبين أزج الحواجب يعني إيه أزج الحواجب؟ يعني حواجبه
[6:31]واخده كيرف خلاص؟ ثوابغ في غير قرن يعني إيه ثوابغ؟ يعني واخدين كيرف بس إيه؟ بس مش مش لامسين بعض في غير قرن بينهما عرق يضره الغضب لما النبي صلى الله عليه وسلم كان يغضب كان العـ كان عنده عرق هنا يبدأ يحمر ويتميل دم ويبان أن هو غاضب من من عارفين الناس اللي هي ساعات لما العرق ده يتملي النبي صلى الله عليه وسلم كان كده وبعد كده يقول لك إيه أقرن اا العرنين له نور يعلوه يحسبه من لم يتأمله أشم اا ده كان كلام عن اا اا مناخير النبي صلى الله عليه وسلم مناخير النبي صلى الله عليه وسلم لا هي كبيره ولا هي مذبذبه أوي كانت مناخير عاديه جدا خلاص؟ كث اللحيه كث اللحيه يعني يعني دقنه كانت تقيله الصحابه يقول لك عارف في ناس كده لما أقول لك الوصف ده هتفهمه في واحد دقنه تبقى مليانه لو انت واقف من ورا ممكن تشوف دقنه فاهمين قصدي؟ النبي صلى الله عليه وسلم كان كده مش مش زي كده كانت دقنه كثه كانت مليانه طيب وبعد كده سهل الخدين يعني لا وخدوده مش إيه؟ مش مش مش مش مليانه كده ومين هنا؟ مفيش حد أوي كده بس المهم أن هو إيه؟ مش زي كده عشان أنت لسه حالق خلاص؟ طيب معتدل الخلق يعني إيه؟ يعني بطنه سويه يعني ما عندوش كرش صلى الله عليه وسلم بدن متماسك وسوي البطن والصدر فالنبي صلى الله عليه وسلم كان طول عمره ما عندوش بطن وعريض النبي صلى الله عليه وسلم كان عريض الصدر والمنكبين فالنبي صلى الله عليه وسلم كان ااا اه دي مهمه أوي ضخم الكراديس الـ اللي هو العظم بتاعه ضخم يعني مش إنسان عامل كده ومضموم لجوه وسويف لا النبي صلى الله عليه وسلم كان الهيئه بتاعه جسمه معتدله جدا وسويه جدا وواسع جدا إيه المنكبين يعني ااا بصوا بقى التفاصيل اللي بيوصفوها لحد فين؟ النبي صلى الله عليه وسلم كان ااا كان عنده عارفين اللي بيبقى عنده شعر خط كده لحد السره النبي صلى الله عليه وسلم كان كده كان موصول ما بين اللبه والسره يجري بشعر يجري كالخط انما بقيه جسمه كان بيسموها أنور المتجرد أنور المتجرد يعني إيه؟ المتجرد يعني اللي ما عليهوش اللي ما فيهوش شعر حاجه متجرده أنور يعني منوره فاهمين الفكره؟ يعني البياض باين فبالتالي كان الأصل أن النبي صلى الله عليه وسلم مشعر بس في الإيه؟ في في الخط ده ااا أما أما إيده ورجله فكان مشعر في في إيده ورجله يعني ااه حتى حتى سبحان الله كانوا بيوصفوا الكفين والرجلين كانوا بيوصفوا أن هو شثن الكفين والقدمين يعني إيه بقى؟ يعني صوابعه ما كانتش رفيعه صوابعه كانت مليانه ورجله يقول لك إيه سائل الأطراف مسيح القدمين ينبع عنهما الماء يعني يعني رجله ستريت كده ما فيهاش أي ما فيهاش أي عوجه ما فيهاش أي كذا لو حطيت عليها مايه بتنزل عادي جدا فتحس من وصف النبي صلى الله عليه وسلم سبحان الله أن هو كان وصف معتدل جدا يعني ربنا خلقه فعلا بوصف معتدل جدا شعره معتدل وشه معتدل خدوده معتدله صدره معتدل رجله معتدله عظمه معتدل سبحان الله فعلا تحس أنه يعني إيه؟ دايما الواحد قصير شويه مليان شويه متخخ شويه شعره مفيش يعني تحس أنه إيه؟ النبي صلى الله عليه وسلم سبحان الله فعلا يعني ده أحسن الخلق فالواحد يعني احنا ما شفناهوش بس بس بس من الهيئه كده تحس أنه فيه هيبه وأغلب الصحابه دايما يتكلموا يقول لك وشه منور وشه منور شفت أول الكلام كان إيه؟ أن هو فخم وأن هو يتلألأ تلألؤ القمر ودايما يقول لك كان وجهه صفحه قمر أو ورقه مصحف يعني حاجه منوره كده فـ فسبحان الله الواحد عايز يشوفه يعني أن النبي صلى الله عليه وسلم في وصف عينه دي ما قلتهاش بس النبي صلى الله عليه وسلم يقول لك لا عينه مقفوله ولا عينه ضيقه عينه برضه البياض تشوفه السواد تشوفه عينه كانت سوده صلى الله عليه وسلم يعني وبعد كده بداوا يوصفوا طريقته مش بس شكله انما النبي صلى الله عليه وسلم يقول لك يخطو تكفيا ويمشي هونا يعني إيه يخطو تكفيا ويمشي هونا؟ ذريع المشيه إذا مشى كأنما ينحط من صبب يعني إيه؟ عارف لما تنزل منزل لما تنزل منزل النزله بتاعتك تبقى عامله إزاي؟ تبقى سريعه شويه عشان أنت نازل منزل يقول لك إذا مشى كأنما ينحط من صبب كأنه نازل من فوق لتحت النبي صلى الله عليه وسلم كانت مشيته سريعه وكانت مشيته فيها قوه ده معنى يخطو تكفيا ويمشي هونا ممكن يمشي بالراحه بس لما يمشي بالراحه مش بيمشي عارف لما واحد يمشي كأنه إيه؟ كأنه مش شايل نفسه كده لا النبي صلى الله عليه وسلم كأنه نازل من فوق لتحت
[11:40]مشيته قويه مشيته سريعه وبعد كده بيكملوا بقى في وصف يقول لك إذا التفت دي عجبتني جدا إذا التفت التفت جميعا عارف لما واحد يكلمه فكان يعمل إيه صلى الله عليه وسلم؟ يلتفت جميعا جميله جدا الـ التفصيله اللي هم خدوا بالهم منها لان هي بتفرق فعلا والنبي صلى الله عليه وسلم يقول لك إيه؟ خافض الطرف خافض الطرف يعني سبحان الله في سوره النجم ربنا بيتكلم عن النبي صلى الله عليه وسلم قال إيه؟ حاجه لها علاقه بخفض الطرف دي قال إيه لا؟ قال ما زاغ البصر وما طغى النبي صلى الله عليه وسلم طلع في السبع سماوات يعني إيه ما زاغ البصر؟ يعني هو طالع ما عادش يعمل كده تخيل واحد طالع السبع سماوات ما عادش يعمل كده صلى الله عليه وسلم من كثر الحياء اللي عنده والأدب اللي عنده فهو أصلا بيقول أن هو كان كده على طول خافض الطرف نظره إلى الأرض أطول من نظره إلى السماء
[12:43]خلاص؟ وبعد كده يقول لك إيه جل نظره الملاحظه يعني إيه؟ يعني لو هو بيبص يعني بيبص كده إيه؟ ويلاحظ يعني بعد كده جميله أوي دي يسوق أصحابه يعني النبي صلى الله عليه وسلم لما يمشي كان يمشي مع صحابه عادي جدا وكان يمشي أولهم كمان ويبدر من لقي بالسلام لما يلاقي حد يعمل إيه؟ يسلم عليه تواضع النبي صلى الله عليه وسلم تحس آخر آخر حاجتين يعني بحس من وصف النبي صلى الله عليه وسلم أن هو قوي بحس جدا بالقوه وأنا بسمع الكلام ده ولما تمشي في السيره هتفهم يعني إيه قوي فاكرين الشخص العربي اللي احنا اتكلمنا عنه الشخص اللي هو فيه شجاعه وفيه هيبه وفيه هتيجي تشوف النبي صلى الله عليه وسلم والصحابه يحتموا بيه والصحابه يعني سيدنا العباس بيقول في أنه في غزوه أنا كنت ماسك فرس النبي صلى الله عليه وسلم وعمال أشدها لورا لان هو داخل وسط الكفار وخلاص وأنا خايف عليه هتسمع عن النبي صلى الله عليه وسلم قوه قوه وهو بيقف قدام حد وهو رافع سيف ويقول له ويبقى مش فارق معاه ويبقى عارف أن هم عايزين يختالوه ويبقى مش فارق معاه بحس أن النبي صلى الله عليه وسلم شخصيته لا لا شخصيه مش طبيعيه في القوه يعني دي من الحاجات اللي احنا دايما الرحمه واللين وده موجود بس هو عنده النص التاني هو متكامل صلى الله عليه وسلم فالحته دي بحس أن احنا مش بنلاحظها أوي يعني لازم تبقى عارف يعني إيه شخص قوي النبي صلى الله عليه وسلم كان عنده قوه رهيبه النبي صلى الله عليه وسلم زوجاته بيقولوا أن هو كان يطوف عليهم في الليله الواحده ودي حاجه كنت في الأول زمان بسمعها دلوقتي أنا فاهم يعني إيه شخص قوي دي حاجه تعزك دي حاجه تفهمك أن نبيك مش مش حد عادي صلى الله عليه وسلم فـ انما بقى شخصيته كانت عامله إزاي بقى؟ النبي صلى الله عليه وسلم كانت شخصيته أتمنى يكون شكله قرب لنا شويه يعني ما تبقاش أنت تشوفه في المنام تبقى فاكره الراجل دقنه بيضه وأبيض فأبيض وكده لا يعني سيدنا المسعود أو سيدنا أنس هم بيقولوا النبي صلى الله عليه وسلم كان عنده 18 شعره بيضه يعني هم عدوا إيه؟ هو كده بيقول النبي صلى الله عليه وسلم كان نايم ورا على كتفي وأنا قعدت أعد ولقيت فيه في صدره شعر وفيه وقعدت أعد ولقيتهم كذا فالنبي صلى الله عليه وسلم كان يعني دايما شعره إيه؟ أسود وكان وكان عارفين الحنه الصحابه والعرف عند العرب أنه الانسان لو شعره بدا يشيب كان إيه؟ كان يتحنن يعني فالنبي صلى الله عليه وسلم كان بيتخحل وكان بيتحنن الكحل ده بنشوفه ساعات ناس حاطينه وهم كان زمان مش زينه يعني عشان أنتوا تبقوا فاهمين كان الكحل ده نوع من أنواع زي أنت مثلا عارفين لما تحط كريم القشف ولا كذا يعني كان الكحل هدفه كده فكان النبي صلى الله عليه وسلم برضه يتكحل عايزك تتخيل شكله كده وهو أبيض وهو طويل وهو عريض وهو دأنه طويله سوده وهو شعره أسود وبيوصل لحد ممكن ودنه أو أو كتفه وهو مفيش مفيش كرش وهو جسمه كله معتدل ومشيته سبحان الله يعني ااا اما بقى شخصيته النبي صلى الله عليه وسلم شخصيته فـ النبي صلى الله عليه وسلم وهتلاحظ ده كتير في السيره كان سهل جدا كان هادي جدا وكان لين عارف الانسان الحكيم ده؟ صلى الله عليه وسلم كان كان أعلى واحد بقى في الحته دي في الهدوء دايما الفكره فاهمين يعني إيه دايما الفكره؟ دايما دايما بيفكر مش بتسرح مش بتستعجل مش بيتكلم وخلاص مش بيـ كان دايما الفكره كلامه قليل ولما النبي صلى الله عليه وسلم يتكلم مفيش بقى الصوت العالي والبذاءه والـ والفظ والفحش والعيب مفيش الكلام ده النبي صلى الله عليه وسلم ما شهدش أن هو عارفين الضحك بتاعنا اللي هو واحد يترمي على الأرض وكده النبي صلى الله عليه وسلم ما كانش كده ممكن يضحك بس بس بس يضحك إيه يعني؟ أقول لكم الموضوع الوسطيه ده أضحك اه ما أنا بترمى على الأرض برضه بس النبي صلى الله عليه وسلم ما يسـ أنت برضه لما تفكر فيها دي حاجه إيه؟ تقلل مني النبي صلى الله عليه وسلم ما كانش يعمل أي حاجه تقلل منه وكان يتغافل بقى وكان ما ميعرفين الانسان اللي هو أنت مش عايز تقعد معاه عشان نفسيتك عارف أنت البني آدم ده؟ النبي صلى الله عليه وسلم ما كانش كده يقول لك إيه لا يؤيس يعني إيه يؤيس؟ جاي من إيه؟ جايه من اليأس يعني مش مثلا يو خلاص احنا كده لا مفيش دي يعني ما عجبهوش أكل ما يقولش حتى ما عجبهوش ممكن يقول إيه لا مش هياكل يعني حتى ما يقولش على أكل ما عاب طعاما يعني إيه ما عاب طعاما؟ يعني هو بياكل بس هو مثلا دي ما عجبتهوش فخلاص بقى مش مثلا إيه ده يا جدعان ده إيه الأكل ده؟ فين ما كانش عنده دي ما كانش عنده الـ والله بحس أنه ما كانش عنده السلبيه حتى في كلامه أو الـ أو النيجاتيفيتي اللي ممكن لا كان يتغافل ولو ما عجبهوش حاجه ما يتكلمش ولو ما شاف حاجه مضايقاه هو شخصيا طبعا مش بتكلم عن الشرع أو كده يتجنبها وخلاص كان في الحته دي صلى الله عليه وسلم يعني
[17:33]فيعني كلام الصحابه عنه ما بيخلصش ما بيخلصش يعني في كتاب معروف أوي اسمه الشمائل الشمائل يعني يعني شمائل يعني الصفات يعني الكتاب ده اا كبير كبير يعني بيتكلم عن إيه مثلا؟ وصف بقى سيف النبي صلى الله عليه وسلم درع النبي صلى الله عليه وسلم لبس النبي صلى الله عليه وسلم مشيه النبي صلى الله عليه وسلم قعدت النبي صلى الله عليه وسلم أحاديث مش حديث مثلا في كل حاجه من دول أحاديث لان الصحابه كانوا بيحبوه جدا فما سابوش حاجه يعني شوفوا الـ الحديث ده لأحد الصحابه يقول إيه إذا أشار أشار بكفه كلها وإذا تعجب قلبها وإذا تحدث اتصل بها هو هنا بيقول إيه؟ النبي صلى الله عليه وسلم بيتكلم بيتكلم بإيده ولما يتعجب كان يعمل كده وكان ممكن يشبك الرجل بيوصف إيه الصحابه؟ بيوصف كل تفصيله في حركات النبي صلى الله عليه وسلم وإذا غضب أعرض وأشاح فسبحان الله يعني وجل ضحكه إيه؟ ضحكه التبسم جل ضحكه التبسم فاهمين دي صح؟ تمام أيوة التبسم خفيف كده طيب النبي صلى الله عليه وسلم وهو عنده 25 سنه واحنا قلنا أن هو كان بيخرج في التجاره ساعات فالسيده خديجه مين السيده خديجه دي؟ خديجه بنت خويلد طيب فاكرين لما قلنا قبل كده أن قريش دي مننا في بعضينا وكده؟ هقول لكم اسمها عشان تفهموا خديجه بنت خويلد بنت أسد بنت عبد العزه بنت قصي بنت كلاب يبقى هي بتتقابل مع النبي صلى الله عليه وسلم فين؟ في قصي ده ففهمتوا الفكره؟ هي كده بقى طيب فـ فدي السيده خديجه السيده خديجه كانت
[19:25]ااا يعني في مكه مش مش الست اللي هي ومين في مكه حتى في زماننا دلوقتي
[19:35]قليل أوي الست اللي هي يعني يعني انت فيه نوعين فيه اللي اللي بتلعب وبتتنطط و بتهزر وماشي؟ وفي اللي هي إيه؟ اللي هي بتبقى عندها دماغها توزن دي السيده خديجه كانت النوع التاني السيده خديجه كانت يعني حد انت بتنـ بتنبهر بيه تنبهر بشخصيته تنبهر بفكره تنبهر بعقليته تنبهر بطريقته وفيه بنات كده وفيه بنات كده يعني فيه بنات اللي بيميزها اللعب والحركه والـ وده له علاقه بالسن وفيه بنت انت اا عاجبك أكثر الكاريزما وعاجبك أكثر الشخصيه وتحس أن هي وترجع لها وهي والسيده خديجه كانت كده يعني واحنا بنتفرج على السيره هتلاقي فيه مواقف السيده خديجه هي اللي تجيب النبي صلى الله عليه وسلم وتكلمه عشان يهدى فاهمين الشخص؟ فالسيده خديجه ما كانتش أي حد وكانت غنيه وكانت من عائله كبيره بس كانت إيه؟ أرمله فما كانتش بتخرج لان العرب على قد ما قلنا العرب فاكرين قلنا إيه؟ مش معقوله ست هتخرج تسافر لوحدها وتتاجر
[20:41]يعني مش هتوصل بيهم للي احنا بنشوفه دلوقتي يعني فكانت بتعمل إيه؟ كانت تجيب رجاله شاطرين وتقس معهم وهم يتاجروا ووهكذا فحد قال لها النبي صلى الله عليه وسلم تاجر شاطر فجابت النبي صلى الله عليه وسلم واتفقت معاه وبعتت معاها حد يعني بعتت معاه حد اسمه ميسره غلام اسمه ميسره وروحوا تاجروا ورجعوا لي
[21:04]فميسره ده اا شاف من النبي صلى الله عليه وسلم حاجات غريبه يعني دي برضه من الحاجات اللي بحبها أوي في النبي صلى الله عليه وسلم هو بيقول للسيده خديجه يعني مـ عارفين البياع الشاطر؟ عارفين التاجر اللي ما بيهزرش؟ النبي صلى الله عليه وسلم كان كده أصل أنت متخيل طريقه النبي صلى الله عليه وسلم وهو قاعد بيبيع حاجه أو بيشتري حاجه أو بـ هو بيقول لها البضاعه ما بتقعدش في إيده بيروح كل خلاص يعني بيجيب أحسن حاجه وأعلى سعر و وانسان رهيب يعني أخلاقه وطريقته ميسره ده انبهر لان هو مش متوقع ده متوقع تاجر عادي حتى لو كويس أنت عمرك ما فكرت أن النبي صلى الله عليه وسلم لو حط قدراته دي في التجاره هيبقى عامل إزاي صح؟ فبالتالي النبي صلى الله عليه وسلم كان تاجر عجيب كان شخص عجيب في الحته دي في الشغل فميسره ده انبهر بيه فكل شويه يرجع يكلم السيده خديجه ده محمد ده كذا ده كذا ده كذا ده كذا لحد ما حصل مع النبي صلى الله عليه وسلم مواقف ما لهاش دعوه اصلا بالإيه؟ بالتجاره حاجات زي أن هو قال إيه؟ أن هم كانوا ماشيين فقعدوا في شجره في ظل شجره فجيه واحد راهب فيقول له الشجره دي بالذات ما كانش بيقعد تحتيها غير أنبياء الراجل ده مين؟ فميسره نفسه إيه؟ ينبهر أكثر من النبي صلى الله عليه وسلم يروح يحكي للسيده خديجه فالسيده خديجه نفسها إيه؟ أعجبت بالنبي صلى الله عليه وسلم بس السيده خديجه عندها كرامه وعفيفه وكانت كانت بتتلقب في مكه بالعفيفه الطاهره ست ست العفيفه الطاهره اللي عندها دماغ اللي شخصيتها توزن اللي عندها فلوس اللي عندها يعني سبحان الله
[23:10]فـ كان اتقدم لها كتير اتقدم لها كتير بس هي لفت نظرها النبي صلى الله عليه وسلم
[23:19]فعملت إيه؟ فكانت قاعده مع عارفين الخطبه؟ واحده صاحبتها يعني خلاص؟ وقالت لها فقالت لها طيب خلاص أروح أكلمها لك فقالت لها ماشي فراحت للنبي صلى الله عليه وسلم وقالت له كنت كاتب اه قد قالت يا محمد ما يمنعك أن تتزوج النبي صلى الله عليه وسلم 25 سنه ومش متجوز قال ما بيدي ما أتزوج به يعني أنا يعني الوضع المادي مش أحسن حاجه قلت فان كفيت ذلك ودعيت إلى الجمال والمال والشرف والكفاءه يعني يعني أنا لو لو دي ما فيهاش مشكله وحد كان كويس وحد إيه رأيك؟ فقال لها إيه؟ قالت تجيب فقال من هي؟ مين؟ فقالت خديجه قال وكيف لي بذلك؟ يعني إيه؟ الموضوع فيه السيده خديجه غنيه والسيده خديجه لها وضعها فالنبي صلى الله عليه وسلم بص التواضع يعني معلش يعني يعني واحد عنده 25 سنه عارفين السيده خديجه كان عندها كام سنه ساعتها؟ 40 سنه وأرمله مين المفروض يشوف نفسه؟ فاهم؟ فالنبي صلى الله عليه وسلم متواضع فقال إيه؟ قالت علي سيبها لي أنا دي يعني هي أصلا إيه؟ يعني هي اصلا إيه؟ هتعلم معاها ماشي؟ أصل هو الستات وحركاتهم قال ففعلي فذهبت إلى خديجه فإيه؟ فاخبرتها فـ فسبحان الله بصوا لما ربنا ييسر يعني دي من الحاجات الجميله فعلا ان انت انت هتشوف قدام إزاي السيده خديجه كان لازم كان لازم تبقى موجوده في حياه النبي صلى الله عليه وسلم كان لازم تبقى موجوده خلي بقى ربنا يختار لك هو كده ولا كده هيختار لك غصب عنك فاهمين؟ مش أنت اللي بتختار قدرك أنت قدرك هو اللي إيه؟ مكتوب لك غصب عنك وأنت وأنت يا إما يا إما ترضى بيه يا إما تفرك على الفاضي فمن الأول كده يعني ريح دماغك أنت انت لو مكتوب لك مش لما تتجوز أنت لو مكتوب لك تتجوز ماشي؟ هتتجوز اللي ربنا قال عليها في الوقت اللي هو قال عليه بالطريقه اللي هو قال عليها من غير ما تعمل حاجه ده رزق ده اسمه رزق ده دي حاجه كده يعني رزق حاجات منها ده ده اسمه رزق بيحصل لك من غير ما انت يعني يعني تتحرك الناس تبقى فاهم ده انت بتتحرك عشان ربنا قال لك اتحرك وهيحاسبك اتحركت ولا لا؟ أما الرزق فإيه؟ مكتوب مكتوب النبي صلى الله عليه وسلم قال إن الرزق لا يطلب ابن آدم كما يطلبه أجله مش أنت اللي بتروح له هيجيلك غصب عنك فأنت محتاج تبقى تبقى واثق في ربنا عشان ترتاح بس وانت بتسير في الأقطار كده في حته ظلمه تبقى فاهم أو في حته أنت فاكر أن هي مش حلوه أو مش عاجباك أو عايز حاجه تانيه بصت الدنيا بس انت كده كده ربنا لو كاتب لك هيجوزك وهيجوزك اللي هو فانت ليه تاخد قدرك وانت وأنت مش مرتاح؟ أو تاخد قدرك وتاخد معاه شويه معاصي صح؟ يعني أنت اصلا تبقى ماشي في سكه ربنا كاتبها لك كده كده بس انت رايح لها من لفه غلط هدي الدنيا كده هدي الدنيا وفي الاخر هيجي هو طب انا اتجوز إزاي لو ما عملتش كذا؟ ده واحد بيفكر أن هو إيه؟ أنا اللي بتحكم في القدر السؤال ده فيه كميه تشوهات غريبه هو مين قال لك أن انت اللي صايع وأنت اللي هتعرف تتجوز إزاي لما تصاحب وتعرف وتتكـ مين قال لك أن هو كده أنت القدر اا يعني مين قال لك أن أنت اللي بتتحكم في القدر؟ الرزق كده والجواز جزء من الرزق فالنبي صلى الله عليه وسلم قاعد في مكانه جات له واحده بتعرض على السيده خديجه
