الحياة باكيدجات .. والوجود حِزَم مش بتتجزأ !

[0:00]بسم الله الرحمن الرحيم. النهارده الحياة علمتني إيه؟

[0:04]علمتني إن هي ماشية بنظام الباكجات.

[0:08]يعني إيه نظام الباكجات؟ يعني مفيش حلاوة خالصة، ومفيش بؤس خالص.

[0:14]مفيش حاجة كده بيور.

[0:18]خالصة مخلصة، هي أنت دايما اختياراتك كده بتبقى باكجات.

[0:23]كل باكدج ليه مميزات كتير جدا جدا، ومعاه ضريبة.

[0:27]وكل باكدج فيه حاجات ناقصة عن الباكدج التاني، وفي حاجات موجودة مش موجودة في الباكدج التاني.

[0:34]وصعوبة الحياة الأساسية إنك مش هتعرف مهما حاولت ولابد تقبل ده.

[0:41]إنك تختار الحاجات الحلوة من كل باكدج. دي مثالية مفرطة مرفرفة غير واقعية.

[0:48]كل ما حد بيبتدي يعني يحطها في دماغه ومتخيل إنه يقدر يحقق كل ده وياخد الحلو في كل الباكجات هيلبس.

[0:55]فبالتالي هيعيش بائس وهيعيش مش مبسوط؛ لأنه مش عارف يتفاوض مع الحياة.

[1:02]أساسي الوجود أساس التعامل مع الحياة بيقوم على التفاوض.

[1:06]تعرف تختار الباكدج المناسبة بالنسبة لك.

[1:10]وعشان تعرف تختار الباكدج لازم الأول تبقى عارف أنت الأولوية بتاعتك إيه.

[1:14]بص الحياة بالظبط كده زي ما تروح تشتري عربية.

[1:18]أنت لو من الطبقة المتوسطة اللي زي حالاتنا فهتبقى دايما بتختار.

[1:22]حضرتك عايزها أوتوماتيك ولا عايز الإزاز اللي ورا بي يعني أوتوماتيك.

[1:29]عايز العربية نفسها بتمشي أوتوماتيك ولا الإزاز اللي ورا فيه مكنة رفع يعني.

[1:34]حضرتك عايز إيموبلايزر عشان ما تتسرقش ولا حضرتك عايز سيفتي أكثر وعايز إير باج ولا حضرتك أنت بتختار.

[1:42]مش هتلاقي بناءً على الإمكانات اللي معاك حاجة فيها كل ده.

[1:46]فتلاقي دايما في كل فئة كده اختيارات.

[1:50]فتلاقي نفسك محتار فبتميل لإيه أكتر.

[1:53]فاللي بيميل للرفاهية بياخد حاجة معينة، اللي بيميل للأمان بياخد حاجة معينة، اللي الأولوية عنده الراحة، الأولوية عنده السرعة، الأولوية عنده الشكل.

[2:04]كل واحد بياخد الحتة اللي حاططها أولوية في الباكدج بتاعه.

[2:08]لما تروح تشتري الموبايل فهتاخد كاميرا نظيفة يا تاخد بروسيسور محترم يا تاخد إمكانات معينة أنت بتدور لكن مش هتلاقي بناءً على إمكاناتك الوجودية تاخد المعنى بقى بتاع الحياة.

[2:22]بناءً على إمكاناتك الوجودية مش هتلاقي الباكدج اللي فيها كل الحاجات الحلوة مستحيل.

[2:28]بفكر النهارده جتلي ليه لإن تلاقي العازب عنده حاجات حلوة كتير جدا الأعزب يعني، عنده حاجات حلوة كتير قوي حرية ويرجع وقت ما هو عايز مفيش إلتزامات.

[2:39]إحنا بنتخيل إنه معندوش ضغوط زي اللي موجودة مثلا عند حد متزوج وعنده أولاد.

[2:44]وتلاقي المتزوج اللي عنده أولاد عنده حاجات يعني مغلسة عليه، الأولاني وحيد.

[2:50]الأولاني عايز برضه اللي ياخد باله منه ويصحى وينام عليه، آه جميل المورنينج تيكست والارتباط أنا بتكلم على حد سينجل يعني.

[2:58]وتلاقي التاني عنده إلتزامات وعنده اضطرارات، بس في نفس الوقت عنده حاجات حلوة.

[3:03]لدرجة إن مثلا من الإحصاءات الجميلة أوي إن نسبة الاكتئاب إحنا متخيلين هي هتكون، نسبة الإكتئاب عند العزاب أكثر منها عند المتجوزين.

[3:12]ونسبة الاكتئاب عند الديفورسيد أو الأرامل عند المنفصلين أو الأرامل أعلى من الاتنين.

[3:20]اللي هو ده الإرتباط بشخص والاتحاد مع بني آدم والصحبة والاختلاط والدفء وبعدين اتحرم منه ده بيبقى نسبة الاكتئاب عنده أعلى.

[3:30]فالأعزب نسبة الإكتئاب عنده أعلى من المتزوج، رغم إن العصبية والقلق موجودة عند المتزوج أعلى.

[3:36]الموضوع ما فيه هي الباكدج.

[3:39]كل باكدج هتاخده، كل قرار هتاخده أنت بتخسر قصاده بعض الحاجات متقبلها ولا لا بناءً على الحاجات اللي بتشتريها بيه.

[3:47]فلو هتاخد راحة وحد ياخد باله منك وألفة وونس وغيره هتدفع قصادها إلتزامات وبعض الضغوط وأحيانا توتر وأحيانا فلوسك مش هتبقى بتاعتك.

[4:00]فهترضى ولا مش هترضى. اللي متخيل إنه هيلاقي كل مساحات الحرية وكل مساحات الراحة وكل مساحات الانتخة وهو بياخد التانية هنا أنت داخل الباكدج دي بالعرض بالبروبوزال بتاع الباكدج التانية لازم هنا يحصل خلل.

[4:16]لو سمحت بطل تخلي كل حاجة في الدنيا لازم تمشي على دماغك وتبقى متفصلة مخصوص عشانك.

[4:24]كتير قوي من خيارات الحياة بتمشي بنظام الباكدج.

[4:30]ومفيش حاجة حلوة من غير بعد آخر من الضرايب ومن الثمن اللي بيدفع عشانها، ومفيش حاجة وحشة ومفيش معاناة ومفيش ميزوري من أي نوع، مفيش بؤس من أي نوع من غير حاجة حلوة فيه.

[4:44]لازم في حاجة حلوة. ومفيش ضغوط من غير حاجات تانية بتديها لك يعني.

[4:52]اللي عايز أوصل له أنك لو مركز مع بؤسك ومركز مع الديس أدفانتجز أو أو الحاجات السلبية اللي موجودة في الباكدج بتاعك يبقى أنت غافل عن حاجات كتير جدا إيجابية.

[5:03]كل اللي أنت محتاجه أنا مش عايز بقى نشتغل نظام بتوع التنمية البشرية وبص لنص الكوباية المليان، بص للكوباية كلها، بص للباكدج اللي معاك كلها.

[5:10]أنت دافع حاجات كتير آه وفي بؤس وفي أذى وفي معاناة وفي ضغوط بس أنت واخد إيه؟

[5:16]مركز مع اللي معاك ولا مركز على اللي أنت مفتقده واللي موجود في الباكدج التانية؟

[5:21]مشكلتنا الأساسية إن إحنا دايما بنركز على اللي مش معانا، على اللي نفسنا نوصل له، على ما نريد.

[5:27]الطموح أحيانا بيعمينا عن الحاجات اللي معانا.

[5:31]مش معنى كده ما تطمحش، مش معنى كده ما تغيرش، بس دايما تعرف إن كل حاجة هتجيبها ليها ضريبة وليها ثمن وهتدفع قصادها.

[5:39]وكل حاجة حلوة بتاخدها ليها بعض الإيه؟

[5:44]بعض المنغصات والمعكرات. وأحيانا بعض الإضافات اللي بتعملها في الباكدج بتاعتك بتشيل لك بعض المميزات برضه اللي كانت موجودة في الباكدج بتاعك.

[5:53]فالحياة باكدجات لازم نقبل ده، لازم نحترم ده جدا، ولازم نتصالح معاه جدا ونحبها زي ما هي بشروطها.

[6:04]ونشوف الباكدج بتاعنا عشان نرتاح ونعرف نختاره لازم تعرف إيه هي أولوياتك.

[6:10]وتروح تشتري أولوياتك وأنت مش زعلان إنك بتخسر حاجات تانية.

[6:16]اللي هي تحسينات أو إضافات مش من أولوياتك الضرورية الملحة.

[6:23]فأنت بتدفع تمنها ما تبقاش زعلان، وأنت بتدبح كده عزوبيتك وبتدبح حريتك وبتدبح السنكحة عشان تاخد حاجة تانية بالنسبة لك مهم وهي استقرار أو ألفة أو غيره ما تبقاش زعلان.

[6:33]بالعكس ما تقعدش بقى تذل أنفاسنا يعني وتذل أنفاس الحياة وإن أنت مجبي عليها عشان دفعت كذا.

[6:40]لا، أنت خدت الباكدج دي اخترتها من وسط الأوبشنز اللي كانت متاحة قدامك التزم باختيارك واحترمه جدا جدا.

[6:49]وتصالح معاه وخدها كده لكشة واحدة هتحس ساعتها إن أنت أسعد كتير جدا لإن أنت بقيت قرارك عقلاني وأنت راضي عنه وكمان شبهك ولايق عليك.

[7:07]صعب يجي لك بعد كده كتير من التردد لإنك مش هتقارن نفسك بغيرك ومش هتقارن الباكدج اللي معاك بالباكدجات التانية.

[7:15]هشوفك بكرة.