Child Labour in Pakistan

[0:12]Zindagi mein bachpan woh daur hota hai jismein insaan ko koi fikar lahaq nahi hoti. Khao piyo mauj urao, magar afsos kabhi kabhar aisa bhi hota hai ke bachpan naseeb hi nahi hota. Aur Pakistan mein aisa lakhon bachchon ke saath ho raha hai. Yahan child labour aam hai, yahan aapko chai ke dhabe, mechanic, factoryon, sadkon, gharon, garz ye ke har jagah bachche kaam karte hue nazar aayenge. Aur ye woh badnaseeb bachche hote hain jinse 24 ghante har qism ka kaam karwa liya jata hai. Aur badle mein jo tanqwa milti hai woh oont ke munh mein zeera ke manind hoti hai. Aur tanqwa kam hone ki wajah ye qaraar di jati hai ke woh bachche hain. Hatta ke woh bachche apne gharon ke bade hote hain aur badon se zyada kaam karte hain. Aqwaam-e-Mutahidda ke zeli idaare International Labour Organization (ILO) ke mutabiq duniya bhar mein ek andaaze ke mutabiq 168 million bachche mazdoori karne par majboor hain. Ye woh bachche hain jin ki umar 18 saal se kam hai, Pakistan mein bhi child labour mein musalsal izafa ho raha hai. Pakistan mein bachchon ke huqooq ke tahaffuz ke liye sargarm tanzeem ke mutabiq mulk bhar mein taqreeban 1 karod 2 lakh bachche mehnat mazdoori karte hain. In mein 60 lakh bachche 10 saal se bhi kam umar ke hain. Soorat-e-haal ye hai ke sarkari adad-o-shumar child labour ke baare mein janne ke liye ikatthe kiye gaye, woh 18 saal qabl kiye gaye the. Jis ke mutabiq 73% ladke aur 27% ladkiyan child labour ka shikar hain. Child labour ki sabse aham wajah ghurbat ko qaraar diya jata hai. Child labour ki kayi wajuhat hain, taleem ki kami ke saath yahan nichle tabqe mein bachchon ki ta'adad Mulk mein employment of children act ke mutabiq jo shakhs bhi 16 saal se kam umar ke bachchon ko kaam par rakhta hai, Ya uski ijazat deta hai to use 20 hazar rupay tak jurmana ya qaid ki saza sunai ja sakti hai. Aap ka kya naam hai aur aapki umar kya hai? Mera Muhammad Raza naam hai aur meri 11 saal umar hai. Achcha 11 saal umar hai, aap kya kaam karte ho? Main rabde lagata hoon. Kitne arse se laga rahe ho? Ye mujhe ho gaya ek saal. Aap saath padhte bhi ho? Jee. Achcha. Toh ye aap kaam karte kyun ho? Majboori hai is liye bahen ka ghirvi usne rakha hua na ghar usne lakh uske paise dene hain ek lakh rupay is liye main kaam kar raha hoon. Chand mah qabl International Labour Organization ke tehhat report shaya hui. Is mein duniya ke 67 aise mumalik ki fehrist jari ki gayi jahan child labour ke hawaale se khatarnak soorat-e-haal hai. Is fehrist mein Pakistan ka chhatta number hai. Mahireen ka kehna hai ke agar is soorat-e-haal ko behtar karne mein hukumumat sanjeedgi se koshish kare aur mo'assir qanoon saazi par tawajjo de to mulk mein child labour ka khatma mumkin hai. Pakistan mein factoryon aur chai ke dhabon par bachchon ka kaam karna aam baat hai. Ye bachche kam paison mein 10 se 12 ghante kaam karte hain. Is waqt lakhon ki ta'adad mein bachche mazdoori kar rahe hain. Lekin hukuumat ke paas aise adad-o-shumar nahi hain aur yahi wajah hai ke hukuumat ko ye ilm nahi ke ye bachche kahan kaam kar rahe hain. G Assalam-o-Alaikum, mera naam Muhammad Sharif hai, main yahan pe kaam karta hoon workshop mein aur choti si umar mein main aaya tha kaam karne ke liye. Aur Alhamdulillah abhi main ustad ban chuka hoon aur chhote bachche bhi hamare paas aate hain kaam karne ke liye. Aur yeh bhi chhota bachcha Ameed hamare paas aaya hai kaam karne ke liye, yeh bada ho ke ustad banega. Aur apne bachchon ke liye riza kamaayega, lekin walidain ko chahiye ke bachchon ko padhaayein. Aur hukuumat ko chahiye ke taleem itni aam kar de ke muft kar de ke har gareeb banda apne bachchon ko padha sake aur walidain mein sha'oor paida kare apne bachchon ko padhane ke liye. Jin bachchon ko ghar par rakha jata hai beshak yeh keh kar rakha jata hai ke thoda bahut kaam karwaya jayega. Magar inse bhi har qism ka kaam karwa liya jata hai aur woh bhi intehayi mamooli tanqwa par. Agar hukuumat un bachchon ke hawaale se eqdamaat nahi karegi to phir bachchon ka istemal drug trafficking aur jism faroshi jaise jaraim mein kiya jayega. Yoon to child labour amoomi taur par har jagah nazar aata hai aur woh shayad qabil-e-qabool bhi ho. Woh bachche jo jism faroshi mein istemal kiye jate hain aur kisi taur par qabil-e-qabool nahi ho sakte, kyunki isse mu'aashre mein kayi buraiyaan janam leti hain. Is liye is baat ki to ashad zaroorat hai ke har saal survey karwae jaen. Ye baat janne ki koshish ki jaye kitne bachche mehnat mazdoori kar rahe hain. Inke saath unke maalikaan kis qism ka salook kar rahe hain, to hi Pakistani bachchon ko ghalat aur ghair mehfooz haaton mein jaane se bachaya ja sakta hai. Inki taleem aur tarbiyat ka bandobast kiya ja sake, kyunki agar aaj hum in bachchon ka khayal nahi karenge, inka jismali zehni istehsal hone denge, to kal ko hamare paas woh bachche honge jo jismani aur dimaghi taur par is qadar maflooj honge ke chahte hue bhi mu'aashi mu'aasharti zindagi mein hamari madad nahi kar sakenge.