[0:00]أتوقف عند هذه النقطة وناخد شوية أسئلة.
[0:05]يا فندم حضرتك اتطرقت لموضوع مهم جدا اللي هو آخر يعني حاجة اللي هو بتاع القطاع العقاري، آآ ففي بعض الانتقادات والأسئلة يعني هي جمعت بعض منها عشان حضرتك ترد عليها يعني وده بيه الشارع المصري كله. آآ هي يعني كان في بيقول لك لماذا تنفق الحكومة آآ تريليون و4 من في آآ جنيه في هذا المشروع؟ ومكاني الأفضل أن يتم الإنفاق على الاستثمارات والزراعة والحاجات دي. وكمان ليه ليه ال يعني المشروعات العقاريه؟ مصر مش محتاجة مشروعات عقارية ثاني. وآخر حاجة يعني ليه ال يعني البنوك بتمنح مواردها لهذه المشروعات؟ شكرًا. طيب أولًا زي ما قلت لحضراتكم هذا المشروع الدولة ما بتنفقش فيه جنيه واحد. ده مشروع قطاع خاص، احنا فقط كنا بنرعى وبنشجع هذه النوعية من المشروعات زي ما احنا النهارده موجودين هنا عشان نشجع الصناعة وزي ما انا ثاني بأكد ان انا قابلت رئيس شركة فالي عشان أشجع قطاع الاتصالات وتكنولوجيا المعلومات. الأهم حضراتكم بتتابعوا جوه مجلس الوزراء وجوه القاعة اللي احنا كنا فيها، شهدنا توقيع العديد من المشروعات في مختلف القطاعات. وبالتالي احنا يمكن كل أسبوع قبل مجلس الوزراء بيتوقع بروتوكولات وبنشهد توقيع مشروعات كبيرة بتخص القطاع الخاص في مختلف المجالات. فاحنا بنشجع هذه النوعية من الموضوعات وده اللي انا بأكد عليه. الجزء الثاني وانا جاوبت عليه موضوع التطوير العقاري وليه دايما عندنا في مصر يعني ده شيء انا عايز أقول وليه ما نبقاش عندنا حاجة احنا ناجحين فيها ونشجعها وأنها تفضل تبقى موجودة. انا أهم حاجة عندي إن انا بشجع بقية القطاعات الثانية وده اللي حاصل. لكن طالما احنا شاطرين في حاجة في مصر طب أنا يعني أنتقدها ليه؟ ده بالعكس. احنا نشجعها ولكن نشجع معاها صناعة وزراعة وسياحة واتصالات وتكنولوجيا المعلومات وكل القطاعات الأخرى اللي احنا بنقول الاقتصاد المصري يقوم عليها. فبالتالي بالعكس احنا لازم نشجع كل القطاعات انها تقوم لان هو ده اللي بيحقق التنمية المتكاملة والمستدامة للاقتصاد المصري. آخر جزء الخاص بالبنوك طبيعة عمل البنوك في كل القطاعات انها بت بت بتمول المشروعات اللي بتشوف انها دراسات الجدوى بتاعها بتجيب العائد. القطاع المصرفي قايم على ايه؟ على عملية الإقراض علشان يحقق أرباح للمشروعات المختلفة ومش فقط التطوير العقاري بل بالعكس هنلاقي ان قطع التطوير الإقراض في كل محفظة البنوك في كل القطاعات. في سياحة وصناعة وزراعة وكل حاجة فهو هو ده طبيعة عمل القطاع المصرفي انه قائم على هذه الفكرة. فضل.
[2:50]يوم 27 المقبل المهلة اللي حضرتك كنا تكلمنا فيها بخصوص الترشيد إغلاق المحلات 11:00 والعمل أونلاين بالنسبة للموظفين. هل في قرار بخصوص يوم الأحد؟ ان شاء الله اللجنه لجنه الأزمة يعني هتجتمع في خلال الأيام القليلة جدا القادمة قبل هذا الموعد عشان تقر القرارات الخاصة بهذا الأمر واحنا طبعا يعني بنقيم اللي حصل على مدار الشهر وبنشوفه. موضوع طبعا زي ما عرضنا العمل عن بعد الحقيقة عمل وفر مجدي في العملية وبيقلل مش فقط في الكهرباء لكن بيقلل كمان في حركة السيارات فاحنا هنبقى غالبا مستمرين في هذا الأمر إن شاء الله. إن بقية القرارات هنراجعها في لجنة الأزمة وإن شاء الله نعلن في اليومين الثلاثة الجايين القرارات النهائية ليها. اتفضلي.
[3:52]حضرتك تكلمت عن خطاب حضرتك أو بيان حضرتك قدام مجلس النواب ورغم ان كان في اشادات كتيرة جدا بصراحة حضرتك والشفافية اللي كانت في البيان، ولكن حضرتك عارف ان كل واحد بياخد الجزء اللي يخصه هو فالناس وقفت عند جملة حضرتك ان حتى مع انتهاء الحرب هيبقى انتهاء شكلي واحنا مستمرين أو التداعيات بتاعتها مستمرة لحد آخر السنة. فوقفوا عند جزئين هل ده معناه ان احنا عندنا مزيد من الإجراءات الصعبة؟ الحاجة الثانية هل الاقتصاد المصري هيكون قدر ان هو يحافظ على ما حقه من إنجازات خلال الفترة دي لحد نهاية العام؟ حتى لو الحرب خلصت؟ شكرا. هنا كان الكلام كله حضرتك أنا اه مقصود به إن التنبؤ إن إذا الحرب انتهت أسعار الوقود والطاقة لن تعود إلى ما كانت عليه قبل الحرب قبل نهاية العام ده على يعني الأحوال المتفائلة. بسبب تضرر حضراتكم شفتوا البنية الأساسية الكبيرة للطاقة اللي موجودة في دول الخليج وحتى في إيران نفسها.
[5:03]وبالتالي المقصود بهذا الأمر ان احنا يعني مش هنلاقي ان بعد انتهاء الحرب مباشرة ان سعر البرميل رجع ثاني للستينات أو سعر الغاز رجع لأن عقبال ما الأسواق تستقر هتاخد وقتها. الخبراء العالميين والمؤسسات الدولية بتقدر ان يعني أحسن السيناريوهات تفاؤلًا ان الموضوع ممكن يرجع لطبيعته في نهاية عام 26. وبالتالي احنا هنبقى كدولة مضطرين نتعامل مع هذه الأسعار العالية اللي موجودة حاليا ونتعامل معاها. هو ده اللي احنا بنتكلم فيه وبالتالي اجراءات الترشيد اللي احنا كلنا بنحاول ان احنا نعملها اجراءات التقشفية اللي احنا بنشتغل عليها محاولة قد ايه الوفر في عملية الطاقة هتستمر. وهو ده اللي انا بأكد عليه ان احنا مش بكره الحرب هتخلص هنلاقي كل حاجة رجعت الى ما كانت عليه ولكن بالعكس احنا كدولة ملتزمين بالإجراءات اللي احنا عملناها بنحاول ان احنا نحافظ على ثبات واستقرار الاقتصاد المصري اللي هو الحمد لله حتى هذه اللحظة باعتراف الجميع ويمكن انا بس حابب ان انا بقى اتكلم في هذه النقطة لان برضه طلع كده على أحد مواقع التواصل ان هناك خبر ان هناك تعثر الآلاف من المصانع وان في مشكلة في المصانع. والحقيقة طبعا معالي معايا كل الزملاء هنا المجموعة الاقتصادية وطبعا على رأسهم نائب رئيس الوزراء لشؤون الاقتصادية معالي وزير الصناعة يعني كنا بنتكلم على هذا الأمر وكنا بنتكلم أيضا مع رئيس اتحاد الصناعة.
[6:24]الحقيقة الحمد لله يعني احنا يعني دايما يعني بنقولها ويعني ان الصناعة المصرية في المرحلة دي بالعكس هي في عصرها الذهبي والإجراءات بالعكس الظروف اللي موجودة النهارده مكنت ال يعني ان يبقى في منافسة أكثر وفي فرص أكثر للصناعة المصرية.
[6:47]والأهم اللي هو قاله السيد رئيس اتحاد الصناعة الدولة خدت القرار السليم تماما انها ما تقللش توفير الاحتياجات الدولارية والعملة للمصانع في صورة انها تجيب المواد الخام ومستلزمات الإنتاج وتدبير الطاقة اللي محتاجاها المصانع بحيث ان المصانع الحمد لله النهارده شغالة بأقصى طاقة ليها وبالتالي ان شاء الله الاقتصاد المصري يكون مستمر في الاستدامة والثبات في خلال هذه الفترة. فضل.
[7:22]الحكومة دلوقتي بت بتقوم بعمل دراسات لإنشاء مركز لوجستي عالمي لتخزين الحبوب فازاي ده هيساهم في توفير الأمن الغذائي وجذب الاستثمارات لمصر؟ وبالنسبة للمصانع المتعثرة كانت الحكومة برضه بصدد إطلاق صندوق لدعم المصانع دي فازاي الصندوق ده هيوفر دعم ليها؟ شكرًا. طبعا موضوع المركز اللوجيستي للحبوب ده يمكن يعني في توجيه من فخامة السيد الرئيس عبد الفتاح السيسي ب سرعة العمل على هذا الأمر وده شيء مهم جدا ان بيخلي مصر يعني إن شاء الله مع نجاحنا في تطبيقه وتنفيذه ان احنا نكون يعني مركز إقليمي لتداول الحبوب في المنطقة بتاعتنا الخاصة بشمال أفريقيا والشرق الأوسط.
[8:14]وبالتالي احنا يمكن كان في اجتماع يعني تم في خلال اليومين اللي فاتوا وتم تكليف اا وزارة التموين وجهاز مستقبل مصر بعمل دراسة الجدوى التفصيلية لتنفيذ هذا المشروع. المقترح ان هو هيبقى في المنطقة الاقتصادية لقناة السويس وبالفعل يعني في تخصيص للأرض لهذا المشروع وبنشوف النهارده في طلبات من عدد كثير من الدول بمشاركة مصر في تنفيذ هذا المركز. وبالتالي احنا بنحاول كل جهدنا النهارده ان احنا نسرع الخطى لان هذا الموضوع هيساعد فعلا أولا انه لما يبقى موجود على أرض مصر بيؤمن وجود موارد أو مواد غذائية مهمة بتبقى موجودة ممكن مصر تستفيد منها ولكن الحركة التداول نفسها جوه المكان ده بيخلق قيمة مضافة وعائد اقتصادي للدولة المصرية.
[8:58]الجزء الآخر كان الخاص
[9:03]الصندوق الخاص بتعثر المصانع وده معالي وزير الصناعة يعني بالفعل احنا يعني شغالين عليه والأهم دلوقتي ان احنا بندقق وده شيء مهم بالتنسيق مع البنك المركزي بندقق فعلا ال المصانع اللي تعثرت بسبب بسبب الأوضاع الاقتصادية الاستثنائية اللي مرينا بيها في خلال الكام سنة الماضية بحيث نشوف ايه البرنامج اللي احنا إن شاء الله هندخل نساعد بيه هذه المصانع علشان انها يعني تعود للإنتاج. لان خلينا نعترف هناك عدد آخر من المصانع وده ليس بالقليل كان من البداية هو متعثر هو يعني ما كانش مرتبط بسبب الظروف الاقتصادية اللي حصلت ولكن كان نتيجة لأن القائمين عليه ما كانوش عملوا الدراسات الكافية أو أخدوا قرارات ليست بالصحيحة في هذا التوجه. لكن اللي يهمني النهارده فعلا المصانع اللي هي تأثرت بسبب الظروف الاقتصادية ودول اللي احنا هيبقى الأولوية القصوى لمساعدتهم في خلال الفترة الجاية. آخر سؤال يا فندم في ظل التنافس المتزايد في منطقة الشرق الأوسط وشمال أفريقيا لجذب المزيد من شركات صناعة السيارات الشركات الكبرى، إيه الميزة التنافسية اللي مصر قدمتها علشان تجذب الشركات دي وايه البنود اللي احنا بنحطها علشان نضمن ان السيارات دي تكون موفرة للطاقة؟ طيب احنا طبعا يعني كان برضه منذ أيام بنراجع البرنامج الخاص بدعم ال صناعة السيارات وكان معالي وزير الصناعة بيعرضوا عليا وازاي ان احنا يعني الحمد لله دلوقتي مطمنين ان الحوافز اللي الدولة وضعتها تعتبر حوافز كافية جدا لتشجيع الشركات الكبرى. بالفعل يمكن كان التوجيه لمعالي وزير الصناعة لدينا حاليا يعني نقدر نقول عليهم شركتين من الشركات العالمية الكبرى اللي عايزين بقدر الإمكان نصل الى الاتفاق النهائي معاهم لان التجربة اللي شفناها في كل دول العالم وبالذات الدول اللي موجودة في منطقتنا أو في أفريقيا اللي نجحت في ان يكون عندها صناعة متقدمة انها بدأت انها نجحت في استقطاب شركة أو اثنين من الشركات العالمية انها تنتج عدد كبير من العربيات. الموضوع هنا شيء مهم جدا لازم نف نفهمه ان الصناعة دي عشان تقوم بقوة وتنطلق مش هينفع الشركات اللي بتقول انا هنتج 10,000 ولا 15,000 سيارة في السنة. دول كلهم كويسين وجيدين ومرحب بيهم لكن عشان ابدأ يبقى عندي صناعة حقيقية لازم أبدأ من على الأقل 100 و100 و50 و200,000 سيارة في السنة. هما دول اللي احنا بنركز عليهم النهارده من خلال فعلا عروض مقدمة من شركتين عالميتين عشان نقدر ان هم دول لو بداوا معانا إن شاء الله في القريب العاجل هيبقى دول لوحدهم اللي بيشجعوا بقية الشركات انهم يجوا وده اللي احنا شفناه كتجربة في عدد كبير من الصناعات وهنا على أخص في المنطقة الاقتصادية لقناة السويس لما نجاحنا ان احنا نجيب بعض الشركات الكبرى انها تبقى موجودة بدات الشركات الأخرى يعني تتوالى وتيجي معانا وتتشجع في هذا الأمر. فاحنا بالنسبة للبرنامج الخاص بتحفيز صناعة السيارات بالفعل انهينا هذا البرنامج بتعديلاته اللي احنا شفناها وبالذات على الأخص حوافز يعني نقدر نقول عليها اضافية لصناعة السيارات الكهربائية عشان هو كل اللي يهمنا دي المعتبرة صناعة المستقبلية وبالتالي محتاجين ان احنا نديها حوافز اكثر وده اللي احنا اعتقد حاطينه الحمد لله في البرنامج. انا بشكر حضراتكم جميعا وكل سنة وحضراتكم والشعب المصري كله بخير بمناسبة يعني ذكرى عيد تحرير سيناء ودايما وابدا تحيا مصر.
