ملخص شامل لوحدة الحصول على الطاقة عند النبات الأخضر سنة أولى متوسط.

[0:00]السلام عليكم ورحمه الله تعالى وبركاته نلتقي في ملخص جديد من ملخصات السنه الاولى متوسط غادي نشوفوا كل ما يخص وحده التحصل على الطاقه عند النبات الاخضر. في هذه الوحده غادي نشوفوا المبادلات الغازيه التنفسيه غادي نشوفوا التخمر والفرق بين التنفس والتخمر. نبدا بأول عنوان معنا المبادلات الغازيه التنفسيه عند النبات الاخضر ومقرها شوف واش عندي يقوم النبات الاخضر بمبادلات غازيه تنفسيه ودرت لكم عليها هاكا بالحمر باش ما نخلطوهاش مع اليخضوريه.

[0:41]عندي مبادلات غازيه تنفسيه وعندي مبادلات غازيه يخضوريه فانا نعرف باللي اليخضوريه امتصاص الـ CO2 وطرح الـ O2. فالتنفسيه هي العكس كيما الانسان انا نحطها في راسي باللي المبادلات الغازيه التنفسيه كيما الانسان انا واش ندير نمتص الـ O2 ونطرح الـ CO2 فكيف كيف مع بخار الماء. درك انت تحكم الزجاجه وتنفس فيها غادي تشوف بخار يتكون فكيف كيف عند النبات الاخضر. معناتها المبادلات الغازيه التنفسيه عند النبات الاخضر هي امتصاص الـ O2 وطرح الـ CO2 مع بخار الماء. بغيت نعطيكم هذه المعلومه تتكرر بزاف في التجارب تعكر رائق الكلس لانه يقوم بامتصاص الـ CO2 واش معناتها الهضره دائما من يحطوا النبات الاخضر يبغوا يشوفوه اذا طرح الـ CO2 ولا ما طرحش يحطوا معه رائق الكلس. اذا لقوه تعكر معناتها امتص لي الـ CO2 معناتها النبات طرح الـ CO2 اذا لقوه ما تعكرش معناتها ما كاينش الـ CO2 معناتها النبات تاعي ما طرحليش الـ CO2. فكا ندير في التجارب فنكشف على الـ CO2 عن طريق رائق الكلس كون يقولوا لي كيفاش نكشفوا على الـ CO2 نقول لهم عن طريق رائق الكلس. كون يقولوا لي ما هو دور رائق الكلس غادي نقول امتصاص الـ CO2 ولا تثبيت الـ CO2 كيف كيف. صح دروك نشوفوا مقر المبادلات الغازيه التنفسيه عند النبات ماشي كيما عند الانسان عند الانسان الاسناخ الرئويه هي مقر المبادلات الغازيه. ولكن عند النبات شوفوا واش عندي يتم التنفس التنفس على مستوى الاوراق السيقان الجذور الثمار البراعم عن طريق المسامات. المسامات ولا الثغور كيف كيف انا حافظها المسامات كيف كيف مع الثغور فهنايا التنفس يتم على مستوى تقريبا كل اعضاء النبات. مش كيما الانسان كاين مقر بصح في كل على كل مستوى عندنا مسامات هذيك المسامات تنفس منها احنا نقضوا الحبه تاع التشين شو الحبه تاع التشين تجي متقبه الحبه تاع الليم تجي متقبه. فالثمار هكا تجي فيها هكا ثقوب صغيره هذيك باش يتنفس منها فتنفس النباتات على مستوى كامل تقريبا اعضاء تاعها. ولكن المقر هو المسامات الثغور هنايا نشوفوا كلما زادت عدد الاوراق زاد التنفس بسبب الثغور الورقيه المسامات. الاوراق منين تكون بزاف ولا تكون كبيره الثغور تكون بزاف من الثغور تكون بزاف التنفس غادي يكون بزاف كون يقولوا لكم اعطونا علاقه. دروك نشوفوا المعنى الحقيقي للتنفس علاه نتنفسوا. هل التنفس هو فقط امتصاص الاو2 وطرح الـ CO2 هذا مكان هذا هو التنفس لا التنفس المعنى الحقيقي تاعوا هو باش يتحصل النبات على الطاقه باش يقوم بالنشاطات تاعوا كيف كيف مع الانسان. الانسان علاه يتنفس باش يحصل على الطاقه باش يقوم بالنشاطات تاعوا فالنبات كيف كيف هو عمليه الحصول على الطاقه في وجود الاكسجين عن طريق استهلاك الغذاء.

[4:16]نستهلك الغذاء فينتج طرح الـ CO2 وبخار الماء من اجل النشاط الفيزيولوجي باش تقوم بالنشاط تاعها قدره تكون الانتاج قدره تكون التكاثر المهم باش تقوم بالنشاط تاعها.

[4:32]نشوفوا معادله التنفس معادله التنفس نبدا من عندي اكسجين نقدر نكتبها بالعربيه هذا فقط اختصار اكسجين زائد غذاء واش يعطيني يعطيني الـ CO2 اش دو او طاقه. خلص قلنا كيف كيف مع الانسان التخمر التخمر عندنا بعض الكائنات الحيه تقدر تتحصل على الطاقه تاعها في غياب الاكسجين. احنا دينا كمثال الخميره ففي غياب الاكسجين واش دير الخميره تقوم بظاهره التنفس غير يعطيكم خميره في غياب الاكسجين يقول لكم شنو هي الظاهره قولوا لهم التخمر نعرفوا التخمر. هو عمليه الحصول على الطاقه كيف كيف بنحصل على الطاقه ولكن مش في وجود في غياب الاكسجين عن طريق استهلاك جزئي للغذاء ما غاديش نستهلك كامل الغذاء كيما التنفس. فينتج طرح للـ CO2 نطرحوا الـ CO2 وكحول الايثيلي من اجل النشاط الفيزيولوجي كيف كيف هنا فقط عندنا مشي بخار الماء عندنا طرح الـ CO2 مع الكحول الايثيلي فهو نفسه نفس التنفس ولكن فقط الاستهلاك يكون جزئي وطرح يكون عندنا الـ CO2 كحول الايثيلي معادله التخمر. شنو هي معادله التخمر عندي جلوكوز انه شفنا باللي الخميره تستعمل الجلوكوز من نحطها في الخبز. فهي تستعمل الجلوكوز هذاك السكر اللي نحطه تستعمله باش تقوم بالنشاط تاعها اللي هو التكاثر. خاص تزيد شفتوا لاباط تاعنا تزيد في الحجم فعندي جلوكوز يعطيني الـ CO2 يعني خميره زائد جلوكوز ولا جلوكوز يعني ما كاينش جلوكوز مع الـ O2 هنا قلنا في غياب الاكسجين. فجلوكوز يعطيني الـ CO2 يعني مع الخميره جلوكوز مع الخميره يعطيني الـ CO2 زائد كحول ايثيلي زائد طاقه دروك واش نديروا نروحوا نقارنوا بين التنفس والتخمر. شوفوا باش نحسي انا بالمقارنه نقول باللي التنفس هو الكبير والتخمر هو الصغير خلص التنفس هو الكبير والتخمر هو الصغير نبدا في الوسط. في الوسط كيف يكون داير عندي فالتنفس دائما يقول وسط هوائي والتخمر نقول وسط لا هوائي علاه ما قصديش الهواء قصدي الاكسجين معناتها نجي هنا نقول التنفس في وجود الاكسجين والتخمر في غياب الاكسجين. دروك نشوفوا واش يصرى شوفوا انا ندي المعادله تاعي ونبدا نخدم عليها شوفوا من بعد واش واش عندي نهضر بين نهضر انا على الجلوكوز فهنايا واش عندي هدم كلي للجلوكوز ومن هنا عندي هدم جزئي للجلوكوز. صح هنا واش معناتها هدم كلي للجلوكوز وهنا هدم جزئي للجلوكوز واش معناتها هدم كلي للجلوكوز معناتها كاع الجلوكوز اللي عطيناه له ولا اللي عنده يستهلكوه كامل. بصح في الهدم الجزئي للجلوكوز لا يخلي منه شويه ما يعطيكش يستهلكوه كامل هذا هو الفرق النتيجه واش تعطيني انايا ندير كاع هذه الحاجه علاه باش نتحصل على طاقه فهيا هنايا عندي طاقه كبيره قلت لكم التنفس هو الكبير وهنايا عندي طاقه قليله التنفس التخمر قليل فيعطيني طاقه قليله لان عندي هدم جزئي للجلوكوز. ام بعد واش نتحصلوا هنايا عندي طاقه كحول ايثيلي و الـ CO2 فهنايا نقول ينتج يعني المعادله ونفككها هذا مكان نجيب معادله التنفس ونفككها ونجيب معادله التخمر ونفككها هنا ينتج الـ CO2 وبخار الماء وهنايا ينتج الـ CO2 وكحول الايثيلي في التخمر. فوالا وهكا نكونوا كملنا الترخيص تاعنا تاع نهار اليوم نتمنى تكونوا استفدتوا منه نتلاقاو في تلخيصات اخرى ان شاء الله والسلام عليكم ورحمه الله تعالى وبركاته.