[0:01]فاطمه مسعد مطر ست مصريه الشيطان يتعلم منها ست صحت جوزها من النوم فجاه وقالت له ان في حرامي في بير السلم. ولما نزل يشوف الحرامي ضربته بالسكينه فوقع على الارض ولما لقيته انه لسه فيه الروح راحت جابت فاس وضربته على دماغه هو اللي ضرب الاول يا ريس والله انا ما موته والله انا ما جت يمه يا قلب 2024 وتحديدا 1 اكتوبر صحى اهالي قريه ابو نور الدين في مركز الساموني في محافظه الاهليه. على صوت راجل بيصرخ في نص الليل والراجل كان بيصرخ باعلى صوته وقتها اهالي القريه خرجوا من بيوتهم لقوا صوت الصريخ ده جاي من بيت الغفير سيد. ولان سيد كان معروف بادبه واخلاقه اهالي القريه طلعوا يجروا علشان يلحقوه. بس وهم في السكه الصوت اختفى وبعد ثواني سمعوا صوت تاني والمره دي الصوت كان صوت واحده ست. في اللحظه دي اهالي القريه عرفوا ان في مصيبه في بيت سيد فطلعوا يجروا على البيت علشان يلحقوه هو ومراته. ولما وصلوا عند بيته لقوا ان البيت بابه مقفول ومراته كانت بتصوت من جوه كان في قاتل بيجري وراهم وعايز يخلص عليهم. علشان كده اهالي القريه اتجمعوا وخبطوا باب البيت كتف كسروه وجابوه على الارض ودخلوا البيت وهم معاهم اسلحه. كانوا فاكرين ان في قاتل او حرامي ينط على البيت واول ما دخلوا البيت اتصدموا لانهم شافوا الدم مغرق الارضيه. كان في حد غاسل الارض بالدم وقتها دخلوا يفتشوا في البيت وفضلوا ماشيين ورا اثار الدم والاثار دي كانت بتوصلهم لبير السلم. ولما راحوا هناك شافوا منظر ما حدش يتخيله سيد الغفير واللي هو صاحب البيت مرمي والدم مغرقه ودماغه كانت مفتوحه. والاصعب ان مخه كان طالع بره دماغه وكان مضروب بالسكينه في جسمه عده طعنات. وقتها اهالي القريه اتصدموا من المنظر وطلبوا الاسعاف بعدها بداوا يدوروا على فاطمه مرات سيد اللي كانت بتصرخ من شويه. وسكتت لما اهالي القريه كسروا الباب ولقوا فاطمه قاعده لوحدها في الدور الثاني وكانت مصدومه وكانت بترتعش وبتقول قتلوا جوزي. في اللحظه دي دخل عليها اخوات سيد الكبار وسيد كان له اربع اخوات وواحد فيهم لما شاف حالتها قال لها تعالي معانا نروح به المستشفى. الغريب بقى ان فاطمه قالت لهم روحوا انتوا وانا هاجي وراكم وده غريب جدا لانه جوزها لسه مقتول يعني في حاجه اهم من ان جوزها مات. تخيل بقى ان فاطمه غيرت هدومها وظبطت مكياجها كانها رايحه فرح مش رايحه مستشفى. وركب في العربيه مع اخوات سيد والمفاجاه ان سيد كان لسه في الروح وكان بيتالم ويصرخ بصوت عالي. طبعا فاطمه كانت بتتلغوش على صوته وكانت بتبكي بصوت عالي ولما وصلوا المستشفى للاسف سيد مات. وسيد دخل الثلاجه ورجعت فاطمه واخوات سيد على القريه تاني لانه الشرطه استدعتهم علشان يحققوا معاهم. مسرح الجريمه اللي هو بيت سيد هناك بقى حصلت مفاجاه الشرطه لما وصلت في شاب من الجيران كان واقف بيحكي للضابط على اللي حصل. وقتها ظابط المباحث خد باله ان الشاب ده في جسمه خرابيش كتير كانه كان بيتخانق مع حيوان مش بني ادم والجروح كانت ماليه ايده ووشه.
[3:46]وقتها الضابط المسؤول عن التحقيق ساله الخرابيش دي سببها ايه وقتها الشاب ارتبك وما عرفش يرد. في اللحظه دي الضابط بذكاء حس ان الشاب ده عارف حاجه وله علاقه بالجريمه وبسرعه قمر الشويش وقال له ياخد الشاب على البوكس. فريق من البحث الجنائي يوصل الشقه ويرفع البصمات والشرطه تبدا تاخذ اقوال والده المجني عليه الحاجه سيده. وحكت الحاجه سيده اللي تعرفه وقالت لهم صحيت على صوت ابني وهو بيصرخ بصوت عالي عقبال ما نزلت لقيت الاهالي كانوا فتحوا الباب. ولقيت ابني جثه في الارض وبعد ما الشرطه اخذت اقوال الشهود استدعت فاطمه واخوات سيد لاستكمال التحقيق في الاسم. وهناك اخوات سيد كلهم بالاجماع قالوا ان فاطمه ست محترمه وما بيطلعش منها العيبه ومستحيل يكون لها يد في اللي حصل. وخرجت فاطمه من الاسم ورجعت لبيتها وكانت طبعا عاوزه تعمل عزل زوجها زي اي ست اصيله بس عيله سيد رفضوا. وقالوا انهم مش هيعملوا عزا الا لما ياخذوا حق سيد وياشاء القدر ان ربنا يكشف ستر القاتل ويفضحه. الشاب اللي اتقبض عليه يوم التحقيق الشاب ده طلع اسمه محمد ناصف وعمره 20 سنه وبيشتغل عامل في الاراضي. يعني بيشتغل باليوميه ولما اتحقق معاه الشرطه في البدايه ما كانتش شاكه فيه قوي وكانوا فاكرينه انه اتخانق مع حد او حد ضربه في خناقه. بس المفاجاه ان الضابط اتصدم لما لقوا محمد ناصف بينهار وبيقول لهم على تفاصيل حل لغز جريمه سيد. بدا يعترف لهم باللي يعرفه محمد ناصف حكى حكايه غريبه جدا حكايه لو الشيطان هو اللي كتبها مش هتطلع كده. حكايه عدى عليها 18 سنه فتعالوا نرجع بالزمن ونشوف ايه اللي حصل قبل 18 سنه كان في بنت اسمها فاطمه عندها 16 سنه. اهلها جوزوها مع انها كانت لسه قاصر فاطمه ما كانتش مبسوطه مع سيد مع ان سيد كان بيجيب لها كل اللي نفسها فيه. وما كانش بيخليها تشتغل في الارض بتاعته يعني كان معيشها ملكه وهي كانت بتقف تتفرج عليه من البيت وهو شغال في الارض. كانها اميره بتشوف العمال الغلابه من شباك قصرها المهم ان اخوات سيد كانوا دايما بيتخانقوا معاه بسببها. وكانوا بيقولوا له انت مدلعها جدا ومش بتخليها تشتغل زي مراتنا في الارض وهو كان بيقول لهم انها مش هتقدر تشتغل وانه هو بيقوم بالشغل مكانها. وعلشان سيد كان طول الوقت تقريبا بيشتغل في الارض بتاعته يعني كان بره البيت معظم الوقت فاطمه استغلت الفرصه وبدات تخرج لوحدها من البيت وكانت بتتفسح في البلد. وفي مره من المرات فاطمه شافت شاب اصغر منها في السن اسمه محمد ناصف فاطمه اول ما شافت محمد وقعت في حبه. وبدات تقرب منه ومش بس كده دي قررت تنزل تشتغل في الارض مع جوزها مش علشان تساعده لا علشان تشوف محمد. ومره في الثانيه عينيها جت في عينه وهنا الشيطان اتدخل ومحمد وفاطمه بداوا يتكلموا مع بعض. ولما قربوا من بعض محمد قال لفاطمه ما تيجي نتقابل في البيت عندي فعلا فاطمه توافق. وخرجت فاطمه من ورا جوزها سيد وهناك قضوا ليله مع بعض وحصل بينهم علاقه والموضوع ده اتكرر اكتر من مره. وفضلوا في علاقه مع بعض لمده سنه وع10 شهور والاكبر من كده انهم كانوا بيستغلوا اهلهم. يعني فاطمه كانت بتستنى لما جوزها يخرج من البيت وتدخل محمد ومحمد نفس الكلام كان بيسرب امه ويخليها تخرج من البيت باي حجه ويدخل فاطمه. واستمر الحال ده لحد ما الشيطان لعب في عقل محمد وانا اقصد هنا بالشيطان فاطمه لان فاطمه قالت لمحمد انت هتقتل جوزي. وانا هورثه وهنعيش سوا مع بعض طول العمر وخططت وقالت له على الخطه وقبل ميعاد تنفيذ الخطه دي بيوم فاطمه من جبروتها راحت قالت لسيد تعال نجيب سكينه للمطبخ علشان ما فيش سكاكين حاميه في البيت. وسيد بمنتهى البراءه خدها جنبه على الموتوسيكل وراحوا المحل يشتروا السكينه وبعد ما اشتروا السكينه دي بيوم وفي عز الليل وتحديدا الساعه 11. محمد نط من على السطح وفاطمه دخلته البيت ونزلته في بير السلم وفاطمه هتصحي السيد وقالت له ان في حرامي في بير السلم. واول ما سيد نزل طفت لمبه السلم ووقتها محمد بكل غباء مسك قالب الطوب وضرب سيد على دماغه لحد ما وقع في الارض سايح في دمه. وفاطمه شغلت التلفزيون وشغلت مروحه السقف والفكره ان فاطمه كانت عايزه تعمل صوت عالي يغطي على صوت جوزها وهو بيتقتل. وبعد ما سيد وقع في الارض سايح في دمه شاف فاطمه في وشه وبدل ما تنقذه اتفاجئ انها بتطلع سكينه كانت مخبياها تحت هدومها وفي ثواني بتخلص عليه بمنتهى الغد وطعنته بالسكينه ست طعنات.
[9:03]ولما لقيت لسه عايش وبيعياط وبيقول لها حرام عليك سيبيني اعيش علشان خاطر عيالنا بدل ما تسيب راحت جابت الفاس اللي بيشتغل يا عيني طول اليوم بالفاس في الارض. وخبطته على دماغه لحد ما مخه طلع من راسه ولما محمد قال الكلام ده في الاسم الشرطه راحت تقبض على فاطمه. ولما وجهوا فاطمه بالادله وباعترافات محمد اعترفت بكل اللي حصل وقالت لهم انها عملت كده علشان عاشقها. يعني بالبلدي كده الست دي قتلت جوزها علشان كيفها ورغباتها الحقيره ولما اهل سيد عرفوا اللي حصل كانوا هيموتوا ويخلصوا عليها. لولا ان الشرطه كانت خلاص قبضت عليها القاضي وقف في المحكمه وحكم على فاطمه ومحمد بالاعدام شنقا. ودي كانت نهايه جريمه من ابشع الجرايم اللي حصلت في مصر سلام عليكم.
