[0:00]Namaskar dosto, aap sabhi ka swagat hai aapke apne YouTube channel Vacancy Guru mein.
[0:09]Dosto, aaj ki ye jo class hai, ye video aapke liye hai, ye marathon class hai. Isme hum RSCIT ke un mahatvapurn prashno ke baare mein janenge, jo RSCIT exam mein kai baar puche ja chuke hain aur is baar puchne ke jyada se jyada inke chance ban rahe hain. Toh aise prashno ko aap samajhne ke liye pure video mein dhairya banakar baithe rahiye. Dhyaan se video ko dekhiye aur ek-ek prashn ko bilkul vishleshanatmak tarike se main samjhaunga, toh aap aaram se inko samjhna. Theek hai, chalte hain hum pehle prashn pe. Question number ek hai, CPU ka mukhya karya kya hai? What is the main function of the CPU? Options hain, data store karna, storing data, B. data process karna, processing data, C. data bhejna, sending data, aur D. data dekhna, viewing data. Aap sabko malum hona chahiye ki CPU ka pura naam hota hai Central Processing Unit, jo aisi unit jo processing karti hai, process karne ka kaam karti hai. Toh iska sahi jawab option A hai, data process karna. Dusra prashn hai, computer ka mukhya storage device kaun sa hai? What is the main storage device of a computer? Yaani computer mein jahan hum data store karte hain, woh sabse main device kaun sa hai? Toh dosto, store karne mein RAM aur ROM toh nahi hai. Theek hai, hard disk hota hai, option C, hard disk. Hard disk mein hum kya karte hain, data store karte hain computer ke sabhi prakar ke. Teesra prashn hai, Word document save karne ke liye kis format ka prayog hota hai? Dosto, aap MS Word mein aap jo bhi file banate ho, us file ko document ke naam se jana jata hai. Toh yahan par puch raha hai Which format is used to save a Word document? Iska sahi jawab hai, document save karne ke liye hum .docx format ka istemal karte hain. Theek hai, docs format hota hai MS Word mein jab data save karte hain. Chautha, Microsoft Word mein naya document banane ka shortcut kya hai? What is the shortcut to create a new document in MS Word? Toh dosto, agar aapko MS Word mein naya document banana hai toh aap Control ke sath N dabate ho. Theek hai, agar aapko save karna ho toh Control S dabate ho. Agar aapko open karna ho kisi file ko, yaani jo aapne pehle se save kar rakhi hai, toh aap Control O dabaoge aur agar aapko print karna hai toh aap Control ke sath P dabaoge. Toh iska sahi jawab option B Control N rahega. Paanchva dekhiye, internet se file download karne ke liye kis protocol ka upyog kiya jata hai? Yaani Which protocol is used to download files from the internet? Aur iska sahi jawab hai dosto, internet se files download karne ke liye jis protocol ka istemal karte hain, uska naam hai FTP. FTP ka pura naam hota hai dosto File Transfer Protocol, theek hai. File Transfer Protocol FTP ka pura naam hota hai. Toh option B iska sahi jawab hai. Baki HTTP jo hai, ek side se dusri side par navigate karata hai. Aap internet par jab ek website se dusri website par jaate ho, toh isko navigate karna kehte hain, theek hai na? Aur HTTP ka pura naam hota hai Hypertext Transfer Protocol. Aur isme S aur jud jaye baad mein toh secure. HTTPs ka pura naam hota hai Hypertext Transfer Protocol Secure. TCP ka pura naam kya hota hai? TCP ka pura naam hota hai Transmission Control Protocol. Theek hai, Transmission Control Protocol ye iska pura naam hota hai. IP ka pura naam hota hai Internet Protocol. Kya hota hai? Internet Protocol. Toh download karne ke liye yahan par FTP ka istemal karte hain kisi bhi file ko. Chhatha prashn hai, pen drive kis prakar ka device hai? Pen drive jo hota hai dosto, ye kis prakar ka device hota hai ye aapko batana hai. Pen drive is which type of device? Options hain, input device hai, dusra output device hai, teesra storage device aur chautha hai processing device. Dosto, pen drive jo hai, woh na toh input device hota hai, na output device hota hai, na processing hota hai. Kya hota hai? Storage device. Kyunki pen drive mein aap kisi bhi file ya pictures ko, videos ko store kar sakte ho, save karke rakh sakte ho. Theek hai, save karke ek jagah se dusri jagah bhi le ja sakte ho. Toh is prakar se pen drive ek storage device hota hai. Pen drive ko computer se jodne ke liye hum USB plug ka istemal karte hain dosto. USB ka pura naam kya hota hai? Comment karke batana agar aapko dhyan hai toh USB ka pura naam kya hai. Maine pichhle wale videos mein bataya tha. Saatva prashn hai, computer mein kaun sa memory sthayi (permanent) hoti hai? Which memory is permanent in a computer? Yahan par char option hain, inme se aapko ye batana hai ki computer ke permanent memory kaun si hai? Toh option A, RAM. Dosto, RAM jo hoti hai asthayi hoti hai. Kaisi hoti hai? Asthayi, permanent nahi hoti hai, theek hai, temporary hoti hai. ROM hoti hai sthayi. ROM kaisi hoti hai dosto? Sthayi. Ek hoti hai cache memory, ye bhi asthayi hoti hai. Theek hai, cache memory asthayi hoti hai, aur USB ek memory nahi hai. USB toh ek plug ka naam hai jismein hum kisi bhi device ko laga sakte hain. Toh yahan par option sahi jawab hoga permanent hoti hai woh hai ROM. Theek hai, agar RAM ka pura naam puche toh Random Access Memory. ROM ka pura naam puche toh Read Only Memory. Theek hai, ek hoti hai cache memory, cache memory kya hoti hai dosto? Cache memory hoti hai CPU aur RAM ke beech buffer karne ka kaam karti hai. Theek hai, yaani ye usi data ko save karti hai jo RAM dwara baar-baar prayog mein liya jata hai. Cache memory us data ko save karti hai jo RAM dwara baar-baar prayog mein liya jata hai aur iski speed jo hoti hai woh primary memory se tez hoti hai. Aur iska jo timing hoti hai access karne ka, data ko access karne ka time hota hai woh kam hota hai, kyunki ye tez gati se kaam karti hai. Aathva, Data processing chakra mein sabse pehli avastha kya hai? Dosto, data processing chakra. Aapko main batata hoon, aap computer ko sabse pehle input dete ho. Computer ko aap sabse pehle input dete ho. Input dene ke baad computer usko process karta hai data ko. Theek hai, process karta hai. Uske baad kya hota hai dosto? Uske baad hota hai output, aur uske baad hota hai chautha storage. Theek hai, computer mein sabse pehle input, phir process, phir output, phir storage. Toh sabse pehli avastha kya hai dosto? Input hai. Pehle input hota hai, jaise main aapko bolun panch aur panch kitna hota hai? Toh aapke dimag mein pehle input hua na kaan ke madhyam se. Phir processing hui panch aur panch kitna hota hai, aapne socha das hota hai. Phir aap jawab doge ki das hota hai, output nikaloge. Aur aapke dimag mein save bhi ho jayega ki kitna hota hai, panch aur panch das hota hai. Ab dobara puchhunga toh bina processing hi aap jawab de doge ki das hota hai. Toh ye puri computer ki prakriya hoti hai. Nawa, computer mein file ko punah prapt karne ke liye kiska prayog karte hain? Agar aap computer mein kisi file ko punah prapt karna chahte hain. Toh kiska istemal karoge? Arthat What is used to recover a deleted file in a computer? Aapko dhyan hona chahiye, computer mein hum kisi bhi file ko delete kar dete hain na, toh woh recycle bin mein chali jati hai. Kahan chali jati hai? Recycle bin mein. Aur recycle bin se use wapas prapt kar sakte hain, wahan se usko kya kar sakte hain dosto? Restore kar sakte hain. Toh option B iska sahi jawab hai. Dasva, computer mein hardware aur software ko jodne wala kaun hai? Who connects hardware and software in a computer? Ek computer mein jo hardware aur software dono ko jodta hai, yaani dono se jo kaam karane ka kaam karta hai, dono ka jo mediator hai, uska naam hai Operating System. Theek hai, Operating System, hardware aur software dono ko combination bitha kar dono ke sath kaam karane ka kaam karta hai. Gyrahva, computer mein 'Cut' karne ka shortcut kya hai? Bilkul easy prashn hai, computer mein agar aapko kaatna ho toh kaatne ki shortcut kya hoti hai? What is the shortcut of for 'Cut' in a computer? Dosto, kaatne ki shortcut hoti hai Control + X. Ab dekho aap, ye X ki jo aakriti hai is prakar se hai. Dekho main idhar idhar do gole bana diye, toh ye kainchi ban gayi na, scissor jise hum kehte hain. Ab kainchi ka kaam kya hai? Kaatna hai. Toh Control X aap aise yaad rakh lena ki kaatne ki shortcut hoti hai. Theek hai, copy karne ki shortcut hoti hai Control C, copy. Theek hai, aur paste karne ki shortcut hoti hai Control V. Yaani cut aur copy kiya usko kahan le jaakar rakhna hai, kahan chipkana hai, toh paste kar doge. Aur undo karna ho na aapko last action ko wapas lana ho, undo. Undo karne ki shortcut hoti hai Control + Z. Cut karne ke liye Control + X, aur copy karne ke liye Control + C. Aise shortcuts hain. Barahva, Computer network mein file sharing ke liye kiska upyog hota hai? Dosto, agar aap computer network mein file ko share karna chahte ho. Theek hai, computer network par share karna chahte ho, toh aap cloud storage ka istemal karoge.
[9:28]Theek hai, cloud storage ke madhyam se aap file ko share kar sakte ho.
[9:34]Next hai, MS PowerPoint kis karya ke liye prayog kiya jata hai? MS PowerPoint is used for Typing, Calculation, Presentation, Programming. Dosto dekho, typing ismein typing ke liye kaam mein aata nahi hai, calculation ismein nahi hoti hai. Presentation ismein banaye jaate hain. PowerPoint mein kya banaye jaate hain mitron? Presentation banaye jaate hain. Yaani option C iska sahi jawab hai, Presentation. Chauhdava prashn hai. Aur chauhdava prashn bataun usse pehle ek baat dhyaan se suniye aap sabhi, ki aap agar Vacancy Guru website se taiyari karte hain. Ye apne Rajasthan ka RSCIT ke liye number one RSCIT web portal hai jahan par aapko total free 10 online test milenge. 600 plus important questions milenge, aapko pichhle saalon ke old paper yahan par dekhne ko milenge, model test paper dekhne ko milenge. Agar aap ye dekhna chahte ho, toh aapko kya karna hai, Google mein search karna hai Vacancy Guru aur aap dekhoge Vacancy Guru ki is website par pahunch jaoge. Yahan par aapko RSCIT exam ke important questions dekhne ko milenge, RSCIT ke old paper dekhne ko milenge aur free mein aap yahan par online test bhi de sakte ho. Toh agar aapko bhi ye test aapne nahi diye aur dena chahte ho toh Vacancy Guru website ko jarur visit karna. Chalte hain dosto apne video mein wapas se. Toh apna chauhdava prashn hai dosto, computer mein database management system ka karya kya hai? What is the function of a Database Management System in a computer? Dosto, database management ka kaam hota hai data ko manage karna. Theek hai, yaani data ko store aur prabandhit karna, store and manage data. Ye kiska use hai? Database Management System ka. DBMS. Database Management System ka short naam jo hota hai woh hota hai DBMS.
[11:27]Panchvah, computer mein Undo karne ka shortcut kya hai? Abhi maine bataya tha thodi der pehle hi, what is the shortcut for 'Undo' in a computer? Control + Z. Theek hai, undo karne ke liye Control Z. Chalo, redo karne ke liye, yaani jo undo hua usko wapas karne ke liye Control + Y. Cut karne ke liye Control + X aur copy karne ke liye Control + C. Aise shortcuts hai. Solvah, computer network mein sabse badi network sanrachna kaun si hai? Which is the largest network structure? LAN, MAN, WAN ya Internet. Dosto, yahan par jo sabse bada network hai, structure hai, uska naam hai WAN, W A N. WAN ka pura naam hota hai Wide Area Network. Wide Area Network. Theek hai, aur LAN ka matlab hota hai Local Area Network, theek hai Local, aur MAN ka matlab hota hai Metropolitan. Metropolitan yaani ek pure shehar ka network, ek city ka network. Pure agar shehar ka network hai toh Metropolitan MAN hota hai. Kisi ek campus ka ya kisi ek building ka network hai toh LAN ho gaya Local Area. Aur pure vishv ka network ho gaya toh WAN ho gaya, W A N, jo sabse bada network hai. Theek hai, toh network ki sanrachna puchh raha hai yahan par, network ka naam puchhta toh internet batate aap. Par network ki sanrachna ke bare mein puchh raha hai toh WAN batana hai. Agla hai, Bluetooth ka upyog kis liye kiya jata hai? What is Bluetooth used for? Data sharing karna, internet browsing, printing ya gaming. Dosto, aapko malum hona chahiye ki data share karne ke liye hum Bluetooth ka istemal karte hain. Atharahva hai, Internet par video calling ke liye kis app ka prayog kiya jata hai? Which app is used for video calling over the internet? Dosto, internet par video call karne ke liye hum WhatsApp ka istemal karte hain, bilkul theek hai. Google Chrome ka istemal nahi karte, Google Chrome toh browser hai, iska toh browse karne internet chalane ke liye kaam mein lete hain. MS Word ka use nahi karte, ye document banane ke kaam mein aata hai. Aur Adobe Reader ka istemal nahi karte, ye PDF fileon ko dekhne ke kaam mein aata hai dosto.
[13:48]PDF ki filein Adobe Reader mein dekh sakte hain. Aisa bhi prashn bola puchha jata hai ki PDF fileon ko dekhne ke liye kaun sa ek software kaam mein aata hai? Toh batana Adobe Reader. Theek hai, Adobe Reader. Unnisva, Computer ko band karne ka sahi tarika kya hai? What is the correct way to shut down a computer? Aap computer ko band kaise kar sakte hain? Toh seedhe power button daba doge kya? Computer mein ek power button hota hai, direct woh dabaoge kya? Dusra, aap start button mein jaoge, usmein shut down button par click karoge. Teesra hai, monitor keval band karke chale jaoge aur chautha hai, keyboard nikalna, keyboard hi remove kar doge usse. Toh dosto, charon mein se kya karenge? Aap karoge start button mein jaoge, wahan par ek shut down naam ka option hota hai, us par click karoge toh computer band ho jayega. Ye ek achcha tarika hai computer ko band karne ka. Beesva, computer shiksha mein IT ka full form kya hai? Computer ki shiksha mein jo ek IT shabd hai, ye IT kya hota hai? IT ka matlab kya hota hai? Theek hai, angrezi mein What is the full form of IT in computer education? Dosto, Information Technology. IT ka pura naam hota hai Information Technology. Hindi mein kehte hain Suchna Evam Prodyogiki. Suchna Evam Prodyogiki, theek hai.
[15:09]Ikkeesva dekhiye, MS Excel mein woh tool jo value ka purvanuman lagata hai? Ab Excel ka prashn hai, ye puchh raha hai jo value ka purvanuman lagata hai, yaani predicts the value. Predict karta hai value ka pehle se hi pata kar leta hai ki value kya rahegi. Dosto, value ka purvanuman lagane ke liye Goal Seek ka istemal kiya jata hai. Option B, Goal Seek. Theek hai, Vlookup kaam mein aata hai sambandhit maan ka pata lagane ke liye. Sambandhit maan ka pata lagane ke liye, theek hai. Trim hota hai unwanted space ko hatane ke liye, remove the space. Theek hai, toh Goal Seek kaam mein aata hai kya? Value ka purvanuman lagane ke liye. Baisva question, Malware ka woh prakar jo hamlawar dwara aapke computer mein jasoosi karne ke liye bheja jata hai? Malware ka ek prakar batao jo kisi bhi hamlawar dwara aapke computer mein jasoosi karne ke liye bheja jata hai. Yaani aapke computer ki jasoosi karta hai. Options hain, Antivirus, Spyware, Trojan Horse ya phir DNS Poisoning. Aapko bataunga dosto, ki malware ka waha prakar jo hamlawar dwara aapke computer mein jasoosi karne ke liye bheja jata hai, usko Spyware kehte hain.
[16:25]Theek hai, aap angrezi mein jasoos ko spy kehte hain, kya kehte hain dosto? Spy. Aisa software jo computer mein jasoosi karta hai, aise software ko Spyware ke naam se jana jata hai. Antivirus kya hota hai? Antivirus kya hota hai? Virus ko hatane ka kaam karta hai computer se. Theek hai, Trojan Horse bhi ek prakar ka malware hota hai jo aapke computer ko nuksan pahunchata hai. Aur DNS poisoning ek prakar ka cyber threat hota hai, cyber khatra hota hai. Theek hai, aap toh jaana chahte ho kisi dusri website par, aur DNS mein poisoning ho jati hai is vajah se aapko dusri website par le jaya jata hai.
[17:28]Toh iska sahi jawab rahega kya aapka option D, DNS Poisoning.
[17:43]Next dekhiye, chauvvisva question hai, computer code ke sath chhedchhad karne par kaun si dhara lagayi jati hai? Matlab agar koi bhi aapke computer ke sath chhedchhad kar deta hai, toh uspe kaun si dhara lagegi? Which section is applied for tampering with computer code? Dhara 65, dhara 420, dhara 66 ya dhara 406. Dosto, dhara 65. Ye jo kanoon hai, iska naam hai Indian IT Act 2000. Ismein dhara 65 aapko lagayi jati hai agar aap kisi computer ke source code ke sath chhedchhad karte ho. Agla hai, next prashn pachchisva, Cyber apradh ke tahat dhara 406 kab lagayi jati hai? Agar koi bhi cyber apradh ke tahat dhara 406 lagayi jati hai, iska matlab kya hai? Dhara dhara 406 ka matlab hota hai dosto, aapne kisi ke sath vishwasghat ka apradh kiya ho. Yaani online aapne kisi ko jo kisi baat ka vishwas de diya aur phir aapne ghat kar diya toh 406 dhara lagayi jati hai. Aur agar dhokadhadi aap karte ho kisi ke sath toh dhara 420 lagayi jati hai 420, theek hai. Aage chalte hain apan next question pe. Next hai chhabbisva prashn, chhabbisva prashn hai, Suchna suraksha prabandhan pranali ke liye nimn mein se kaun si ek ISO manak hai? Dosto, suchna suraksha pranali mein ISO jo standard hai woh hai 27001. Option D, 27001.
[19:24]Aage, Windows 10 mein kaun-kaun se user account hote hain? Aapko ye batana hai dosto, Windows 10 mein kaun-kaun se user account hote hain? Char options aapke samne hain, Standard, Administrator, A aur B dono ya None of the above. Dosto, Windows 10 mein standard account bhi hota hai, Administrator account bhi hota hai. Toh uska sahi jawab hoga A aur B dono. Dono prakar ke user account hote hain, standard aur administrator. Antar kya hai dono mein dosto? Agar aap apne computer ki sabhi settings ke paas pahunchana chahte ho, yaani sabhi settings mein badlav karna chahte ho toh aap administrator ho, admin jise hum kehte hain short mein. Admin. Aur agar aap keval unki settings ko badlav nahi kar sakte, keval dekh sakte ho, aur usmein apna kaam kar sakte ho, toh woh standard user hota hai. Jo sabhi prakar ki setting mein badlav karega woh toh hota hai admin, jaise WhatsApp mein admin kisi bhi prakar ki settings mein badlav kar deta hai. Aur anya jo member hote hain jinhe hum kehte hain standard user, woh keval usko chala sakte hain. Atharahva, LCD projector ko computer se jodne ke liye nimn ke bal ka istemal kiya jata hai? Dosto, kaun si ek aisi cable hai jo LCD projector ko computer se jodne ke kaam mein aati hai? HDMI, VGA, A aur B dono, uprokt mein se koi nahi. Dosto, iska sahi jawab hai option C. A aur B dono, yaani HDMI aur VGA, dono cable se hi hum LCD projector ko computer se jodte hain. Theek hai, HDMI ka pura naam kya hota hai? HDMI ka pura naam hota hai High Definition Multimedia Interface. Theek hai, aur VGA ka pura naam hota hai Video Graphics Array. Video Graphics Array. Dosto, aapko main vishwas dilana chahunga, pichhle 11 varshon mein, jinhone bhi Vacancy Guru se padhai kari hai, 100% parinaam raha hai. Aur sab bachche agar dhyaan se puri classon ko lete hain aur jaisa hum instruction dete hain aapko, 80 plus percentage banna normal baat hai. Toh aap bilkul dhyaan se padhiye, achhe percentage banegi aapki. Aage dekhiye, 39va question hai. Prashn number 39, MS Access mein default data prakar hai?
[21:50]Yaani Microsoft Access mein data ka default jo prakar hai woh kya hai? What is the default data type in MS Access? Text, Currency, Number, Yes/No. Dosto, iska sahi jawab hai data ka default prakar MS Access mein jo hota hai woh hota hai Text. Toh Text agar aapne jawab diya ismein toh bilkul aapka theek jawab hai. Agla dekhiye, 40va prashn. 40va ek easy prashn hai, bas thoda sa samajhna chahiye. MS Excel mein maan lo ki kuch cells hain, B1, B2 aur B3 mein kuch sankhyatmak maan hain. In cells mein maujood mulyon ki औसत paane ke liye sahi sutra kya hai? Yaani average nikalna hai. Toh aap kaun sa formula lagaoge? Angrezi mein prashn hai, In MS Excel, if cells B1, B2 and B3 contain numeric values, what is the correct formula to find their average? Dosto, iska sahi jawab hai option C. Aap average nikalne ho toh aap average formula lagaoge. Option C iska sahi jawab hai, B1 se B3 tak ka. Iktaalisva question hai, nimn mein se kaun si sabse adhik gati ki mobile sanchar taknik hai? Which is the fastest mobile communication technology? 5G, 4G (WiMAX), 4G (HSPA+), aur 3G. Sabse tez jo gati ka mobile sanchar taknik hai, woh hai 5G ab tak apne Bharat mein. Aapne bhi dekha hoga ya phir aap bhi jante honge, 5G network speed mein sabse, vartaman mein sabse fast hai. Biaalisva question hai, MS Excel 2010 mein nimn mein se kis chart mein keval ek chart data shrinkhala hoti hai aur sabhi maan sakaratmak hona chahiye? Yaani ki aap Excel mein jo chart banate ho, toh chart banate ho aap yahan par kuch sankhyayein likhi hoti hai uske aadhar par. Sankhyao ke aadhar par banate ho na? Toh jismein keval ek hi jo hai data ka prakar hai aur usmein negative aur positive ka koi effect nahi padta dosto. Usko kehte hain apan Pie Chart. Kya kehte hain mitron? Pie Chart. Is prakar se ek chart banta hai. Theek hai, maan lo ye 25% hai, ye 20% hai, ye 30% hai, aur ye aapka ho gaya 20%. Theek hai, toh is prakar se ye aapka kya ho gaya? Ye aapka ho gaya dosto 25%. Ye aapka ho gaya Pie Chart. Isko hum Pie Chart ke naam se jante hain. Option B Pie Chart. Aisa ek chart jo banta hai usko Pie Chart kehte hain. Tettaalisva prashn, Footnotes aur endnotes ka upyog kis ke liye kiya jata hai? Footnote and endnotes are used for reference ke liye, reference dene ke liye, suchna ke liye, point ke liye, ya list ke liye. Dosto, aapne dekha hoga ki ek kitab jab hum padhte hain usmein yahan par koi kathin shabd aa jate hain na. Theek hai, hard spellings, hard meanings. Toh unka arth yahan niche likh diya jata hai is prakar yahan ki uska arth kya hai. Inko hum kehte hain footnote. Kya kehte hain? Footnote. Aur agar pure document ke end mein likh diya jaye, teen char page hai, sabse last mein jaake likha gaya uska arth kya hai, isko kehte hain Endnote. Niche likhenge page mein toh footnote, pure document ke last mein likhenge toh Endnote. Toh ye kisi bhi Word ka jo kathin shabd hai uska reference yaani uski jankari upalbdh karata hai. Toh reference deta hai uska. Option A iska sahi jawab hai. Chauvvalisva, MS Word 2010 mein dastavez ko save karte samay kaun sa character file naam mein shamil nahi kiya ja sakta hai? Which character cannot be used in file name in MS Word 2010? Yaani MS Word mein koi bhi file save karoge toh kaun sa chihn aap use nahi kar sakte? Dosto, question mark aap use nahi kar sakte. Alphanumeric aap use kar sakte ho, yaani alphabet yaani text aur numbers aap use kar sakte ho. Dot ka chihn jo hota hai woh bhi use kar sakte ho, space bhi use kar sakte ho. Par question mark agar aap kisi bhi file ko save karne mein laga doge toh woh file save hi nahi hogi. Pachchisva prashn main bataun usse pehle aap sabhi se main kehna chahunga, aapne abhi bhi video ko like nahi kiya hai toh kar lijiye aur channel ko subscribe kar lijiye. Kyunki aapke liye bahut hi mahatvapurn ye channel hone wala hai. Pachchisva prashn hai, nimn mein se file/folder ko Recycle Bin se bhi sthayi roop se hatane ke liye shortcut kunji kaun si hai? Aap chahte ho ki aapke dwara delete ki gayi file Recycle Bin mein jaye hi nahi, seedha permanent delete ho jaye. Toh kisi bhi file ko permanent delete karne ke liye hum Shift ke sath delete button dabate hain dosto. Kya dabate hain? Shift ke sath delete button, option A. Permanent delete ke liye, theek hai.
[26:48]Chhabbisva, Windows 10 ka kaun sa inbuilt option hume ekal screen par char window tak sthanantarit karne ki anumati deta hai? Yaani ki aap kiska upyog karke ek screen ko hi char bhagon mein baat sakte ho. Theek hai, aur charon mein aap alag-alag kaam kar sakte ho. Toh dosto, uske liye hum Snap Assist ka istemal karenge, option C, Snap Assist. Yaani ki aap apne computer ki window ko char bhagon mein baat do aise. Yahan aap alag kaam kar sakte ho, yahan alag kar sakte ho, yahan alag aur yahan alag. Charon jagah alag-alag kaam kar sakte ho toh Snap Assist ye hoga. Agla hai, MS PowerPoint 2010 ki file ko band karne ke liye kis tarike ka istemal kiya jata hai? PowerPoint mein agar kisi file ko aap band karna chahte ho, toh kiska use karoge? Options hain, File tab mein jaake close karenge, Control ke sath W dabayenge, Close button jo corner mein hota hai usko dabayenge ya all of the above. Dosto, in sabhi ka jawab sahi hai. Aap in sabhi ka istemal karke MS Word ya PowerPoint ya Excel mein kisi bhi file ko band kar sakte hain.
[28:07]Next dekhiye, 48 number question hai, PowerPoint drishya jo keval path pradarshit karta hai? Yaani aisa kaun sa PowerPoint ka view hai jismein keval keval text hi dikhta hai aur kuch nahi dikhta. Slide Show, Summary, Outline ya Slide Sorter. Dosto, iska sahi jawab hai Outline. Outline view mein keval text dikhai dega baki designing formatting nahi dikhengi, text aur bullets do hi cheezein dikhti ismein, text and bullets. 49va prashn hai, MS Excel mein panktiyon aur stambhon ka pratichedan hai? Dosto, puchh raha hai MS Excel mein aisi linein hoti hai na panktiyan is prakar aur is prakar se columns hote hain.
[29:19]Is prakar se, theek hai.
[29:26]Ye columns ho gaye. Ab yahan par puchh raha hai ki yahan par jo ye column hai jo row ko kaat raha hai. Toh column row ko kaatta hai toh ek box ban raha hai, ye dekho box ban gaya na. Column row ko kaatne se box ban gaya na. Is box ko kya kehte hain? Dosto, is box ko kya kaha jata hai? Cell. Kya kaha jata hai? Cell kaha jata hai. Theek hai, yahan par jo columns hote hain unko aise A B C D kehke naam dekar define kiya gaya. Aur yahan par jo ye row hai unko 1 2 3 kehke yaani number dekar define kiya gaya. Toh yahan par jo pehli cell hai, iska naam hai A1. Aur ye wali cell jo hai jaise D mein ye do number ki hai toh iska naam hai D2. Ye C mein teen number ki hai ye wali toh iska naam hai C3. Theek hai, toh pehle column ka naam aata hai, baad mein row ka naam aata hai. 50va prashn dekho, aamtaur par kis prakar ki niji email khate hain, personal email account ka upyog aapke computer par email download karne ke liye kiya jata hai? Yaani ki niji email khate ho mein agar aapko email download karna hai toh kaun sa protocol kaam mein lete hain? Toh dosto, iska sahi jawab hai POP3. Post Office Protocol. Usmein POP3 jo protocol hai, isse aap kya kar sakte ho? Aap niji email download kar sakte ho. Ikkyavan number question, nimn mein se kaun sa vikalp prastuti mein ek se adhik slide ka chayan karne mein saksham hai? Yaani aap PowerPoint mein ek se jyada slides ko ek sath select karna chahte hain. Toh aap kya karte ho? Jab ek slide par click karte ho toh dusra hat jata hai, yaani select hat jata hai. Is par click karoge toh dusra pehla bhi hat jayega. Teesre pe click karoge toh dusra pehla bhi hat jayega. Toh iske liye aap kya karoge? Control dabaao aur sabhi slides par click karo. Toh sabhi select ho jayengi. Toh agar aapko ek se adhik slides ko select karna hai, toh aap Control ke sath click karenge toh sabhi select ho jayengi. Prashn number bavan, MS Word 2010 mein kaun sa vikalp prishth ki samagri ke pichhe bhoottit chhawi dalta hai? Bhootia text jise ghosted text kehte hain. Options hain, Hibernation, Indentation, Watermark ya Orientation. Toh dosto, iska sahi jawab hai Watermark. Aap apne document mein text ke piche aise aada jo ek text likhte ho na jaise idhar RSCIT likha hua hai. Toh ye jo likha jata hai na background mein likha jata hai, isko Watermark ke naam se jana jata hai. Next dekho, 53 number, Optical disk ka udharan kaun sa hai? Yahan par aapko ye batana hai ki kaun sa ek optical disk ka udharan hai? Options hain, Hard disk, ROM, RAM, CD-R. Dosto, optical disk ka yahan par udharan hai CD. CD, DVD aur Blu-ray disk. Ye teeno hi optical disk ke udharan hain. Yahan par CD ka pura naam hota hai Compact Disk. Mere sath boliye ek baar Compact Disk. DVD ka pura naam hota hai Digital Video Disk ya Digital Versatile Disk. Toh ye teeno hi kya hai dosto? Optical disk ke examples hain.
[33:23]Agla, 54 number prashn hai, MS Word 2010 window ke shirsh par kya dikhai deta hai? Dosto, MS Word hai ye wala. Ab window ka shirshak hai na ye sabse upar wala, iska ye kya hai ye? Ye sabse upar jo aa raha hai. Dosto, isko kehte hain Title Bar. Kya kehte hain? Title Bar. Is title bar par idhar aise minus ka chihn hota hai jise minimize kehte hain. Aisa hota hai jisko maximize kehte hain aur ek aisa hota hai cross jisko close kehte hain. Toh ye sabse upar wala bar hota hai isko Title Bar kehte hain. Aur idhar jo button hote hain Control keys, inko kehte hain minimize, maximize aur close. 55 number question hai, Windows 10 mein Windows Defender kya hai? Windows 10 mein ek Windows Defender naam ka option hota hai. Ye kya kaam mein aata hai? Options dekhiye aapke samne hain, Real time antivirus hai ye. Dusra firewall hai, game hai ya recovery software hai. Dosto, Windows 10 mein Windows Defender, Windows Defender jo Windows ko virus se defend karta hai. Toh ye ek real time antivirus hota hai. Theek hai, kya hai dosto? Real time antivirus. 56 number, kyon koi aapke computer mein ek bina anumati pravesh kar sakta hai? Yaani, Why can someone enter your computer without permission? Aapki anumati ke bina aapke computer mein koi bhi kyon ghusne ka prayas karega? Ya toh inhe aap pasand nahi hain, yaani aap unki pasand ke layak nahi hain, woh aapko dislike karte hain. Ye bhi karan ho sakta hai. Ya phir apradh karne ke liye koi aapke computer mein ghus sakta hai, ya phir durbhavnapurn karyakramon ko vitrit karne ke liye, taaki aapke computer ko nuksan pahunchane ke liye aapke computer mein woh pravesh karne ka prayas karta hai. Toh iska sahi jawab hai uprokt sabhi. In sabhi karanon se koi bhi vyakti hamare computer mein ghusne ka prayas karta hai. Agla hai, yadi aapko ek mail prapt hota hai jismein aapse aapke user password ki maang ki jaati hai aisi paristhiti mein aap kya karenge? Dosto, aapko ek email prapt hua hai dhyaan se sunna. Email prapt hua usmein aapko bola ki aap na apna ID aur password humein share karo. Toh aap kya karoge? Use apne email pradata ke madhyam se spam ke roop mein report karenge. Pehla hi sahi hai. Aap apna jo Gmail hai ya phir jo bhi ek user hai na, matlab kya hai? Email pradata hai, email service provider hai. Usko aap uski report kar denge spam ke roop mein. Dusra sandesh ko hatayenge. Nahi, sandesh ko mat hatao. Baad mein hata lena, pehla kaam ye karo. Phir sandesh ko apne email ko password ke saare uttar de doge? Nahi, aisa nahi karna. Toh option A iska sahi jawab hai. Agla dekho, nimn mein se kaun sa asli suraksha aur privacy risk ka udharan nahi hai? Matlab jismein aap kitni bhi security laga lo privacy rakh lo phir bhi woh aapko nuksan pahuncha sakta hai. Aisa kaun hai? Dosto, aisa jo hai in char options mein hai woh hacker hai. Hacker kisi bhi suraksha ko todne mein saksham hota hai. Woh kisi bhi security ke andar ghus sakta hai, toh ye purnataya privacy ka udharan nahi hai. Ye toh risk hai ek prakar ke, theek hai. Aage, 59va question, Windows 10 mein ek software installed nahi kiya ja sakta hai. Agar aapko Windows 10 mein ek software install karna hai toh aap kahan se kar sakte ho aur kaun si jagah se nahi kar sakte ho? Toh dosto, dekho aap kisi bhi software ko download karna hai toh internet se download kar lo. Dusra, Windows Store se bhi download kar sakte ho, aap Windows Store naam ka jaise Play Store hota hai na waise computer mein Windows Store hota hai. CD, DVD, pen drive se bhi aap install kar sakte ho, sahi hai. MS Word ki file se aap install nahi kar sakte. MS Word ki file mein toh hum document banate hain, yahan se hum nahi kar sakte. Baki sabhi jo yahan par options hain, wahan se hum kar sakte hain. Toh iska sahi jawab hona chahiye option D, Word ki file se. Aur agla prashn main bataun usse pehle main phir se batana chahunga, agar dosto aapne abhi bhi Vacancy Guru channel ko subscribe nahi kiya hai toh kar lijiye. Aur RSCIT ke importance questions agar aapko padhne hain toh Vacancy Guru website Google mein search karna aur wahan par chale jana. Vacancy Guru website par aapko sabhi prakar ke important questions, online test, old paper. Aur saare questions wagera sabhi yahan par aapko mil jayenge. Kaise jana hai? Google mein search karna Vacancy Guru aur is website par chale jana. Chalte hain antim prashn padhte hain aaj ki is video ka aapke samne hai. Nimn mein se kaun sa ek e-commerce website ka udharan hai? Flipkart, Amazon, Snapdeal ya All of the above. Dosto, Flipkart ek e-commerce ki website hai, Amazon bhi e-commerce ki website hai, Snapdeal bhi hai. Uprokt sabhi. Ye saari hi e-commerce ki websites hain. Toh aise karke total aaj ki marathon mein humne 60 prashn padhe. Aapko comment karke ye batana hai kitne prashn aapke sahi hain. Aur aap kaun se institute mein padhai karte hain, kaun se jile Rajasthan mein, kis institute mein aap padhai karte hain, aisa comment karke bataiye. Namaskar, Ram Ram. Hum aapki isi prakar sahayata karte rahenge sabhi computer exams ke liye. Sabhi ko namaskar, Ram Ram Sa. Radhe Radhe.
