[0:21]حيو سيدنا حيو والاردن ما في زيهم حيو سيدنا حيو والاردن ما في زيهم حيو سيدنا حيو والاردن ما في زيهم
[0:39]ودير بالك على بلادك وبالعالي خليها زي ما بتحب اولادك جوات عيونك خبيها
[0:47]ودير بالك على بلادك وبالعالي خليها زي ما بتحب اولادك جوات عيونك خبيها
[0:56]قولوا الله قولوا الله الاردن حلو يا ما شاء الله قولوا الله قولوا الله الاردن حلو يا ما شاء الله
[1:13]يا عماني يا زرقاوي يا معاني ويا بلقاوي يا عقباوي يا ربداوي ويا كركي ويا مادباوي يا طفيلي ويا عجلوني ويا
[1:45]شو اللي صاير شو بينقال شو في عندنا بالشمال شو اللي صاير شو بينقال شو في عندنا بالشمال
[1:54]عندنا اذاعة مسموعة ما في مثله موضوعة عندنا الكيف ومعنا الكم بإذاعة اليرموك اف ام
[2:08]ناسك يحبونك حبك سطا بالقلب ناسك يحبونك
[2:16]عبد الله يا عونك حنا فدى عيونك حبك سطا بالقلب ناسك يحبونك حبك سطا بالقلب
[2:31]بسم الله الرحمن الرحيم مستمعي ومشاهدي اذاعة اليرموك اف ام معكم رنيم العزام من برنامج اوراق الثقافة
[2:39]وضيفنا الكريم الدكتور سلطان الزغول. دكتور يعطيك العافية
[2:46]يا هلا رنيم، الله يعطيك العافية.
[2:50]اليوم نستضيف شخصية بارزة تحمل على عاتقها مسؤولية رعاية الثقافة وتنميتها في المحافظة.
[2:58]ضيفنا رجل يؤمن أنه الشباب هم وقود الحقيقي لأي نهضة ثقافية، وأنه إربد بتاريخها العريق وجامعاتها المتميزة بحاجة الشباب. دكتور سلطان، حدثنا عن نفسك ومسيرتك قبل ما تتولى هذا المنصب.
[3:15]يعني أنا سعيد إني أكون في هذه الإذاعة العريقة والجميلة والمتميزة ودائما فيها طاقات متجددة وشبابية بتسلم الراية لجيل بعد جيل.
[3:30]الله يسعدك.
[3:34]أنا درست في سوريا بكالوريوس في اللغة العربية وآدابها وأكملت الماجستير والدكتوراة في جامعة اليرموك.
[3:43]ما شاء الله. وبعتز أنه كان المشرف على رسالة الدكتوراه الأستاذ الدكتور زياد الزعبي اللي هو يعني القامة المميزة على المستوى الثقافي في المملكة الأردنية الهاشمية، ودائما اليرموك يعني فيها قامات متميزة في مختلف صنوف الثقافة والعلم وغير ذلك.
[4:08]أنا بدأت مسيرتي في معلم في وزارة التربية ثم انتقلت لوزارة الثقافة وكنت رئيس لقسم النشاطات في إربد وعجلون، بعد ذلك توليت منصب مدير الثقافة في في إربد
[4:26]وبعد افتتاح مركز إربد الثقافي صارت المسؤولية أضخم، يعني أن مركز ضخم ويستقبل كل الفعاليات المهمة والمميزة على مستوى المحافظة إربد، عندنا مسرح مجهز قاعات
[4:47]ميز للندوات والمؤتمرات وعندنا جاليري للفنون التشكيلية وقاعة للتراث.
[4:56]ما شاء الله. ونحن طبعًا على تواصل دائم مع مكتبة جامعة اليرموك، مع كلية الآداب، مع كلية الإعلام، بنعمل مؤتمرات مشتركة، مكتبة الجامعة في بينا وبينهم رابط مميز له علاقة بدورات الكتابة الإبداعية، دائما بنستقطب الكفاءات والمواهب اللي بالجامعة وبنحاول نقدم لهم دورات لتطوير مواهبهم.
[5:22]وبنعمل أيضًا مؤتمر للرواية الأردنية على مستوى عربي يعني بيشارك فيه ضيوف من نقاد والكتاب من خارج الأردن ودائمًا بيكون بالشراكة مع مكتبة الجامعة.
[5:37]تمام دكتور سلطان، شو اللي جذبك للجانب الثقافي؟
[5:41]هسه أنا أصلًا شاعر وناقد، أنا عندي 10 كتب نقدية و أربع مجموعات شعرية، والحمد لله يعني أنا بكتب قصيدة وانكتب عنها رسائل ماجستير وأبحاث محكمة وأبحاث في مجلات
[5:46]ما شاء الله.
[6:01]وأنا أصلًا بمارس النقد يعني وتناولت الشعر الأردني والأدب الأردني والرواية الأردنية بالإضافة للرواية العربية والشعر العربي.
[6:12]دكتور سلطان، شو رأيك بواقع الثقافة في إربد اليوم؟
[6:17]هسه دائما احنا بنحكي بالتاريخ أن إربد هي مهد للثقافة، انطلقت منها أوائل بذور المسرح الأردني وعلى فكرة يمكن تقريبا اليرموك لها دور ببدايتها بهذا الجانب.
[6:33]مضبوط. بدايات الموسيقى إذا يعني رموزنا توفيق النمري وعبده موسى وكلهم من إربد انطلقوا، نيجي على الجانب الشعري يعني أبرز أسماء الشعرية في الأردن هي من إربد.
[6:50]مضبوط. على مستوى الرواية هاشم غرايبة وسميحة خريس والأسماء الجديدة اللي بتطلع يوميًا، فهذا الهاي التربة الخصبة على الجانب الثقافي رح تنتج مع الزمن دائما تجدد وكتاب وفنانين وموسيقيين وممثلين على مستوى عالي.
[7:11]مضبوط. طبعا على مستوى الإخراج أفضل مخرجين بالأردن فيصل الزعبي من إربد، فنحن يعني بنحكي أنه عندنا تكامل بجامع بجميع الجوانب الثقافية، طبعا الإعلام أنتم أعرف فيه.
[7:25]الله يسعدك، عندنا الموضوع.
[7:29]ف يعني إربد تربطها غير التربة طبعا الطبيعية اللي أكيد الخصبة تربتها الثقافية خصبة كمان كثير، ودائمًا بتمد الشارع الثقافي بأسماء متجددة ومميزة على المستوى عربي وعالمي حتى.
[7:44]مضبوط. إيه، ف إيه وقلت لك أشرت لمشروعنا مع مكتبة الجامعة، دائما بنكتشف مواهب ودائما بطلع عندنا كتاب جداد، يعني احنا بنعتز أنه بلشنا هذه الدورات بال 2019.
[8:00]أها.
[8:03]خلال كم سنة اللي راحوا طلع عندنا أسماء جديدة، إيه على مستوى كتاب قصة ورواية وشعراء من من خريجي هذه الدورات.
[8:15]طيب دكتور سلطان، يعني بنقدر نعتبر أنه إربد بخير ثقافيًا؟
[8:20]هي إربد بخير، بس احنا بدنا نحاول نتواكب ونتجدد مع الوسائل التكنولوجيا، لأنه الجيل الجديد صار يبتعد عن الكتاب، ويحاول يلجأ لوسائل أخرى للثقافة والمعرفة.
[8:31]صح.
[8:34]أحيانًا بتوفق وأحيانًا بتوه شوية يعني بالطريق، مع الأسف.
[8:39]اه صح، معك حق. دكتور رح نحكي بالجانب الثاني بس بعد الفاصل هو الشباب والثقافة، بعد الفاصل.
[8:47]إن شاء الله.
[9:11]عبد الله يا عونك حنا فدى عيونك حبك سطا بالقلب ناسك يحبونك حبك سطا بالقلب
[9:25]ناسك يحبونك حبك سطا بالقلب شعبك يحبونك حبك سطا بالقلب
[9:58]رجعنا لكم مشاهدينا ومستمعينا الكرام بعد الفاصل، وحكينا رح نحكي عن موضوع مهم كثير اللي هو الشباب والثقافة. دكتور سلطان، كيف ممكن للطالب الجامعي أنه يكون جزء من جزء فاعل من الحراك الثقافي في إربد؟
[10:15]يعني احنا كوزارة ثقافة دائمًا عندنا أشياء بنوجهها للشباب، يعني عندنا على مستوى المجلات الثقافية عندنا مجلة أفكار وعندنا مجلة صوت الجيل.
[10:25]أها. واللي بتهتم بالمواهب الشابة على مستوى الرسم، الفن التشكيلي وعلى مستوى الإبداع قصة ورواية وأبحاث ودراسات وحتى تقارير إعلامية.
[10:41]عندنا مسابقة الإبداع الشبابي واللي بتستهدف من 18 ل 25 اللي هي المرحلة، وعندنا طبعا إبداع طفولي بتستهدف العمر الأصغر اللي هو ل يعني طلاب المدارس.
[10:55]برامجنا دائما شهريًا لازم يكون في برنامج جزء للأطفال وجزء للشباب. فبنهتم بالشباب بنحاول أي موهبة نبحث عنها نستقطبها ونتبناها. يعني أنا مثلا اليوم صباحا كنت في احتفال
[11:29]واكتشفت انه واحدة بنت عمرها بالصف الثامن فايزة بتحدي القراءة على مستوى العربي، فعلى طول يعني تواصلت مع مديرة التربية عشان انه نشاركها باقرب نشاط ان شاء الله.
[11:32]ما شاء الله.
[11:42]صح، تمام. هل تشعرون دكتور سلطان انه الشباب اليوم مبتعدين عن الثقافة وشو ممكن نعمل دكتور لحتى نحاول نجذبهم او نرجعهم بطريقة يعني
[12:06]يعني احنا لازم نفكر بطريقة مبتكرة وخارج الصندوق، حتى انه نستقطب هذا الجيل، يعني أنا بعاني حتى على مستوى البيت، عندي بنات مثلا كانوا صغار موهوبين بالقصة بس مبتعدين عن القراءة، وأنا إذا ما قرأت لا يمكن أني أبدع، صح، فكانوا زمان يقولوا لازم تقرأ ألف كتاب عشان تقدر تكتب عشر صفحات، صح.
[12:35]مش طالبين منهم يكتبوا عشر صفحات حتى.
[12:39]بالضبط، فيمكن فيمكن لازم نفكر خارج الصندوق، نحاول نلاقي حلول مبتكرة، يمكن عن طريق وسائل التواصل الاجتماعي، أو عن طريق فيديوهات مختصرة، تكثيف كتب، الكتب الصوتية هي السمعية، لازم نلاقي حلول بطريقة جديدة حتى نقدر نوصل لهم لأني بلاحظ انهم ضايعين بعالم الانترنت يعني.
[13:01]ضايعين. طيب، هل باشرت مديرية ثقافة إربد بهاي الحلول؟
[13:08]لا صراحة احنا بنحاول إلى الآن أنه نتواصل معهم يعني احنا بنروج عن طريق وسائل التواصل عن طريق يعني أشياء إلكترونية
[13:21]لكن انه نستخدم خلينا نقول حلول مبتكرة يعني هي بدها إمكانات وبدها طاقات مختلفة على الطاقم الموجود.
[13:31]يعني إذا ممكن ألاقي أنا رنيم عندها تميز بهذا الجانب صعب ألاقي زيها كمان فريق يعني متكامل، يعني يمكن الزمن كفيل بأنه احنا بمرحلة تحول بجوز، والزمن كفيل مع الوقت انه ندرك أهمية هذه التطورات اللي بتصير ونواكبها ان شاء الله.
[13:51]إن شاء الله، تمام دكتور رح نحكي بالمحور الثالث الفعاليات والمشاريع بس بعد الفاصل.
[14:46]رجعنا لكم مستمعينا ومشاهدينا الكرام مع الدكتور سلطان بعد الفاصل، الموضوع الثالث اللي كنا رح نحكي فيه اللي هو رسائل وطموحات.
[24:43]دكتور سلطان ما رسالتك لشاب أو شابة عندهم إبداع وموهبة أدبية أو فنية وما بيعرفوا كيف يبلشوا أو من وين يبلشوا أصلًا؟
[24:56]يعني أول شيء أنه لا تستعجل تأنى وحاول أنه تكتسب معرفة أكبر. يعني أنا مثلا بعرف بعض الأطفال الموهوبين في الرسم لكن بيستعجلوا، في معهد تدريب فنون مثلا عندنا في إربد، هذا يعنى باستقبال أي مواهب فنية سواء بالرسم بالموسيقى بالتمثيل
[25:07]مضبوط.
[25:22]يعني ليش ما هؤلاء الطلاب ما ييجوا ياخدوا هذه الدورات ويطوروا مواهبهم، بدل ما يستعجلوا بانه يبلش يرسم ويفكر حاله صار فنان بسرعة، مشكلة جيلكم أنه مستعجل.
[25:35]صح، تعودنا على السرعة دكتور. اه بس يعني أنا عشان أصير مبدع، لازم أكتسب كمية كبيرة من المعرفة. صح معك حق، فما تستعجلوا بس. ان شاء الله بالتوفيق يا رب. طيب دكتور سلطان، هل ترى أن الكتاب الورقي لسا له حضوره في الواقع الرقمي؟
