إزاي تبقى بارد؟ ملخص كتاب فن اللامبالاة (التناحة الإيجابية)

[0:00]بتحصل لك صح؟ تبقى قاعد في امان الله، وفجاه تفتكر خناقه حصلت من ثلاث سنين. وتقعد تغني وترد على نفسك يا ريتني كنت قلت له كذا، يا ريتني كنت مسحت بكرامته الارض. او تبقى ماشي في الشارع وحاسس ان عيون الناس كلها عليك وتقعد تقول لنفسك يا ترى لبسي مظبوط؟ يا ترى شكلي عبيط؟ وبتروح البيت كانك كنت بتكسر حجر مع انك قاعد على المكتب طول اليوم. عارف ليه؟ عشان انت حمال اسيه بتاخد كل كلمه على اعصابك. بتعمل حساب للي يسوى واللي ما يسواش وعامل فيها بطل وعاوز ترضي الكل. وفي المقابل بتشوف الشخص البارد اللي الدنيا بتولع حواليه وهو قاعد بيشرب قهوته ولا في دماغه. المدير يزعق هو هادي، الناس تنتقده هو مبتسم. الكل بيجري متوتر وهو بيمشي على مهله. الناس بتقول عليه مغرور او واكل سد الحنك او قلبه ميت او مجنون. لا يا صاحبي هو قلبه مش ميت ولا مجنون هو بس معاه الدرع الواقي. الشخص ده فهم بدري ان كلام الناس زي التراب لو نفضته هيطير. ولو ركزت معاه هيدخل في عينك ويعميك. والنهارده انا جاي البسك الدرع ده. عارف مشكلتك ايه؟ مشكلتك ان الريموت كنترول بتاع مشاعرك مش في ايدك. الريموت ده في ايد الناس، واحد يرمي لك كلمه باايخه يعكنن عليك يومك كله. واحده تتاخر في الرد عليك تشك في نفسك وتحس انك قليل او العكس. بوست ما يجيبش لايكات تحس انك فاشل او ان الناس مش بتحبك. انت عامل زي ريشه اي حد ينفخ فيك يطيرك يمين وشمال. عشان كده احنا محتاجين نثبتك، محتاجين نحطك جوه ثلاجه ونفصل فيشه الناس عنك. والحل الوحيد هو الفلسفه الرواقيه او بالبلدي فن التناحه الايجابيه. يعني ايه تناحه ايجابيه؟ مش معناها انك تبقى قليل الذوق او تبلط في الخط لا. احنا ناس ذوق ومتربيين، التناحه الايجابيه هي انك تعرف تفرق بين الحاجه اللي تخصك. والحاجه اللي مالهاش 60 لازمه، توفر حرقه دمك للحاجات اللي تستاهل بجد. مش لواحد كسر عليك بالعربيه او لزميل رخم معاك في الشغل. طيب عشان نلخص الحوارات دي محتاجين روشته البرود. عايز اعصابك تبقى حديد يبقى ننفذ الثلاث قواعد دول. القاعده الاولى قانون طز. ايوه الكلمه السحريه، بس مش هتقولها بلسانك عشان عيب، هتقولها بعقلك. لما حد ينتقدك نقد ما لوش لازمه قول لنفسك طز وايه يعني؟ لما تغلط غلطه صغيره والناس تضحك قول طز كلنا بنغلط. القاعده دي بتشيل جبل من على كتافك. بتفكرك ان راي الناس ده مجرد صوت هو طالع من بقهم. لا بيزود في رصيدك في البنك ولا بينقص من عمرك يوم. فمن هنا ورايح خلي فلتر طز شغاله 24 ساعه. القاعده الثانيه دايره السيطره. بص يا بطل الحياه مقسومه نصين، نص بتاعك افعالك، كلامك، مجهودك، رد فعلك. ونص مش بتاعك زي راي الناس، الجو النهارده عامل ايه؟ الزحمه، مين حبك ومين كرهك. الغباء هو انك تحرق بنزين في النص اللي مش بتاعك. بتتعصب ليه من الزحمه؟ هو انت وزير النقل؟ بتزعل ليه ان فلان ما قدرش معروفك؟ هو انت ماسك قلبه؟ ركز في دايرتك وبس والباقي ارميه البحر. القاعده الثالثه الثلاث ثواني الصامته دي بقى حركه المعلمين. لما يحصل موقف يستفزك او حد يغلط فيك اوعى ترد على طول. عد في سرك واحد اثنين ثلاثه. الثلاث ثواني دول هما الفرق بين رد فعل طايش هتندم عليه. وبين نظره ثقه ترعب اللي قدامك، الصمت في المواقف دي اقوى من الف شتيمه. بيوصل رساله للي قدامك انت ولا هزيت فيا شعره. طبعا الكلام سهل بس الفعل صعب. اول ما تبدا تطبق ده هتحس انك بتغلي من جواك وعايز تنفجر. وتقول لنفسك ازاي اسكت؟ ازاي ما ردش عليه؟ شيطانك هيقول لك انت كده ضعيف. انت كده حقك ضاع، صدقني بيكذب عليك. القوه الحقيقيه مش في الزعيق والخناق، القوه في التحكم. انك تبقى قادر تهد الدنيا بس تختار انك تبتسم وتمشي. عشان الناس دي اصغر من انك تضيع وقتك معاهم، ده البرود الملكي. بعد فتره من التدريب هتلاقي نفسك بقيت شخص ثاني. الناس هتبدا تعملك الف حساب، مش عشان بتخوفهم لا. عشان بقيت لغز، محدش عارف يمسك عليك كلمه. محدش عارف يعصبك هتبقى ماشي وسط العواصف وانت ناشف وثابت. هتحس بسلام نفسي عمرك ما دقته قبل كده، وكانك كنت عايش في سوق خضار وفجاه عزلت الكومباوند هادي. السؤال ليك دلوقتي هافضل لحد امتى مستباح؟ هافضل لحد امتى ريموت مشاعرك في ايد اي عيل معدي في الشارع؟ الحياه اقصر من اننا نضيعها في حرقه الدم. خد قرارك دلوقتي يا تعيش محروق دمك يا تعيش رايق يا ابيض يا اسود.