[0:00]انا عبد الله. الله تخرجت كضابط في الدرك الملكي. دما را الكحله فاد الخدمه ومازال وحلين غير مع المشرملين ديال العروبيه. وكتلقاهم مقطعين الوراك شي شويه اكثر من الدراري ديال المدينه. ولكن واخا هكاك كنت متعين قريب للمدينه ديالي، فكنت مصبراني العيشه عند والدي حتى النهار اللي غادي نتصدم انه تم التعيين ديالي في بلاصه اللي معزوله. واحد القريه اللي خاويه في الجنوب غير الخلا والقفار اللي صعيب اكثر بالنسبه لي هو انه الله تزوجت ومرتي حامله والدي حتى هما ناس كبار. شكون اللي غادي يتسخر عليهم؟ هذه كلها افكار وحوايج اللي كدور في راسي وما مخليانيش ارتاح. تخيلوا معايا بلاصه اللي غادي نمشي ليها بعيده ب 1000 كيلومتر. فيا اما نخرج من هذه الخدمه اللي جايبه ليا غير الهم ولا نمشي لديك البلاصه ونقابل شغلي. انا اكثر واحد عارف الى اعطيت الدنيا بظهري غادا تعطيني بظهرها. سلمت على الواليد والمدام وكنشوف انه الوالده غير كتبكي. سولتها مالك وانا غير باغي نخفف عليها. الوالده راه غادي نجي في اقرب فرصه وما تخافيش اكيد غادي يجي النهار وغادي يردوني لهنايا. ولدي انا ما مرتاحاش وخايفه عليك وسبحان الله الاخوان الحدث ديال الام ما عمره كيخيب. سلام الاخوان نتمنى تكونوا بخير وعلى خير وشكرا بزاف على الدعم واللايك والبارطاج. معكم عماد كنقدم محتوى ديال القصص اللي فيه الغموض والتشويق فاذا كيعجبك المحتوى مرحبا بك في القناه خلي لي تعليق باش نرحوا بك.
[1:37]بصراحه ما بغيتش نطول قدام الوالده الى زادت غير دمع اخرى نقدر نسمح في الخدمه ونسمح في الدنيا كامله. اول ما وصلت الاخوان بصراحه والله ما عرفت واش وصلت ولا لا. الدنيا خاويه تماما حتى البريكاد ديالنا كتبان بحال شي مبنى اللي قديم ومتهالك. ما عرفتش واش جاي نخدم ولا جاي نقلب على الجنون في هذا المبنى المهجور. وهذا المركز اللي تعينت فيه كان هو السونترال لهذه المنطقه. يعني الا كان اي مشكل في هذه القرى المجاوره حنا اللي كتدخلوا. احسن حاجه في هذه الخدمه اللي انا فيها الاخوان هو انه احنا دايرين بحال شي عائله فهذا الشيء غادي يعاونني وبديت كنرتاح وكنتعرف على الدراري فيل بريكاد. ما عدا واحد واحد خونا مبرصني شي شويه. عندك يسحب لكم كان بحالي بحاله في الكراد ولكن كرملي الخدمه بزاف. انا باقي جديد وما بغيتش نخسر بلاصتي من الاول وحبذا انهم ما نديروا حتى مشكل. ولكن كيهضر معايا بواحد الطريقه خايبه على اساس انه زعما انا جاي من المدينه وماما غطيني. كنقول ديما مع راسي ماشي مشكل هذه البديه وغادي يعرفني من بعد على يشقاد. دوزت النهار الاول النهار الثاني النهار الثالث هذا خونا بصراحه طلع لي في راسي. انا نوضت معاه وبدا الغوات والصوت كيتسمع حتى غادي تدخل بيناتنا الشاف ديال بريكاد. سي سعيد الله يعمرها دار لاسيان وراجل قديم في السيرفيس عنده تقريبا 58 سنه. قال لنا انتما بجوج تدنو شي شويه وغادي تدخلوا معايا البيرو. سي سعيد كيبان راجل كيفهم ومتفاهمين وهذا خونا ما مسروطش ليه لمن جيتو اشاد معايا الضد. قال لي جمع راسك السيد راه مخلي مرته اللي حامله ووالديه انت ساكن غير في الضور هنايا. فالله يرضي عليك اولدي نضابط شي شويه وكنحذرك ما تبقاش تهضر ولا تقرب من عبد الله. غادي يدوز الوقت وبديت كنولف شي شويه هذه الاجواء حتى الوالدين ومولات الدار بدات كتولف العيشه بلا بيا. بصراحه بقى فيا الحال ولكن خبز كيبغي تماره. انا كنت ساكن في واحد البلاصه قريبه للمركز الكرا بصراحه غالي شي شويه وعاد زيد عليه الفلوس اللي خاصني نصيفط للدار. الخدمه ديالنا كانت تقريبا انه كل نهار كنمشوا للفيلاجات اللي قراب. كنديروا فيهم دوريات ولا كان شي مشكل كنحلوه وبديت كنتعرف على البلايص وخاصني اساسا نحفظ كل شيء بحال هذه الدار ديالنا. بقى عندي مشكل واحد كما قلت لكم الكرا غالي شي شويه. تفكرت واحد الفيلاج كنمشوا ليه مره في السيمانه، الطريق ديالو بوحدها فيلم شبانه. فيلاج غير 20 كيلومتر ولكن كيجيب لك الله بحال 300 كيلومتر. هذا الفيلاج بالضبط كان اكثر فيلاج فيه المشاكل اللي ما كيتقاوش. كاع القرى الاخرين داخلين سوق راسهم هنا بالضبط ما عرفتش مالهم. حتى البلاصه فين كاينه صعيبه شويه غير الطريق باش توصلها خاصك دوز بين الجبال والودان وبلايص مهجورين. بوحدهم يديروا لك بورشه معليش واحد المره كنت تما ورديت البال لواحد البيت صغيور. كان مكتوب عليه بصبغه كحله برا رقم ديال التليفون وانه للكراء او للبيع. قلت مع راسي تسنى هذا البيت مزيان غادي يكون الكرا ديالو رخيص. شكون هذا الحماق اللي غادي يزعم وغادي يسكن هنا وانا كنفكر في هذه الهضره الخاويه كيبان لي شويه واحد المراه اللي واقفه قدام الباب ديال هذا البيت. نزلت من الطوموبيل ديال السرفيس وانا نمشي عندها سمحي لي الحاج بغيت نسولك. قالت لي مرحبا بك اولدي اشنو بغيتي فاش نقدر نعاونك. قلت لها انا جديد هنا وقبل ما نكمل هضرتي قالت لي انت كتقلب على الكراء. انا استغربت باش عارفه انني كنقلب على الكراء. قالت لي شوف اولدي هاك السوار راه حتى واحد ما عايش هنا. قالت لي هذه النمره اللي كتشوفها في الحيط راه ديال ولدي اللي عايش في المدينه. فاذا بغيتي غير مسح ديك النمره عيش في هذا البيت انتما راكم معذبين معنا والله يجعلها في ميزان حسناتي. الا استغربتي انا ما استغربتش لانه هنايا الناس في شكل ديما كيجيبوا لنا البيض والخبز وزيت العود يعني ملين فينا. ناس في شكل كرماء وكيبغوا يحسوك انك واحد منهم. اتصلت بسي سعيد الشاف ديال لابريكاد اولتليه اشنو هو البلان وهو اساسا طبعا عارف كل شيء. قال لي ماشي مشكل غير تاكد انه الامور مزيانه وسد عليك مزيان في الليل. سي سعيد الله يعمرها دار عزيز عليا بزاف رجعت هذا المركز الدار اللي انا كاريه باش نهز الحوايج ديالي. جمعت حوايجاتي وانا نعطي الساروت لمول الدار ومشيت للدار اللي عطات لي المراه. كي وصلت الاخوان وحليت الباب تصدمت من داك الشيء اللي شفت. البيت الاخوان بحال شي قبر مظلم ومغبر وبونجه وحده كاينه شبعانه بخوش. فبديت كنحل الشراجم وكنخرج الغبره ما امكن. مور ما ساليت جبدت الحوايج وبديت كنحطهم في البلاكار. وصلت البلاكار كاين واحد الصندوق ديال الحديد ما عرفتش اشنو كيدير هنا. حاولت نحله ولكن الصندوق مسدود وصندوق ديال الحديد وكيبان من الوزن ديالو انه هو عامر. ما يستاهلش انه نهرس قفل ضرني الفضول في راسي ولكن حشومه السيده عاطيني البيت فابور. الاخوان كون غير هرست القفل وحليت الصندوق وشفت اشنو كاين فيه. في الخدمه ديالنا كل مره انت ممكن تخدم وعادي جدا انك ما تنعش يومين متابعه. بزاف كيسحاب ليهم ان الخدمه ديالنا زوينه ولكن الا كنت كنبغي ليك الخير ما غاديش نتمنى انك تخدمها. واحد الليله كنت خدام في الليل سي سعيد غادي يتصل بيا قبل ما يجي لابريكاد. قال لي عبد الله قبل ما تجي ضرب دوره في الفيلاج اللي قريب لك. قريه اللي صغيوره ماشي مشكل بالزربه درت الامور هانيه وما كاين حتى حاجه اللي ممكن نبلغ بها. صافي غادي نشد الطريق للمركز اللي بعيد ب 20 كيلومتر وندوز بين الجبال اللي قلت لكم. اول مره غادي نرد البال لواحد الحاجه في الراس ديال الجبل كاين واحد البيت اللي صغير وكيبان انه جاي منه الضوء. يمكن ما عمرني رديت البال ولا يمكن ما عمرني هزيت راسي باش نشوف مزيان اشنو كاين في راس الجبل. المهم ما عمرني رديت لها البال ما كنتش عارف اشنو واقع بانت لي واحد طلعه في البيست طلعت معها باش نشوف شكون اللي عايش تما. الاخوان من شفت هذا البيت ما بقيتش مرتاح عرفتي فاش كتمشي لشي بلاصه وكتحس انه ملعونه. هذا هو الاحساس اللي جاني وما كنتش انا فاهمه في ديك اللحظه. كنسمع الصوت ديال التراس ديال المواعن والغوات طبعا انا من حقي نشوف اشنو هو المشكل وندخل هذه خدمتي. كنطق على الناس اللي كانوا للداخل وكيخرج ليا واحد الراجل اللي كبير في العمر. سلام سلام ياك لاباس اشنو وقع انا دركي هذا الراجل الكبير شاف فيا واحد الشوفه شنو جابك لهنا. بصراحه كاين فرق عظيم بين كيفاش كيرحبوا بنا الناس في الفيلاج وبين كيفاش رحب بي هذا الشايب. قلت لي تسنى تسنى الحاج تفاتوا على اليمين وانا ندخل للدار كنشوف امراه كبيره جالسه في الارض وكتجمع شي حاجه مهرسه. وواحد الشاب اللي صغير تقدر تكون عنده 18 سنه جالس في واحد الركينه وكيبان مقموع. كيبان انه ماشي عادي وبللي عنده شي مشكل نفسي غادي نمشي غادي نسول المراه كبيره اشنو كاين اشنو واقع. قالت لي والو باس غير الراجل كيربي ولده. دورت عند الراجل اللي مازال واقف حدا الباب بحال كيقول لي الماء والطب وصافي خرج من الدار. قلت لها الحاج انت راجل كبير وعارف انه ماشي بلاصه كتقدر الامور والولد تبارك الله كيبان مؤدب فالا كان عنده شي مشكل ولا مريض راه ممكن يديه للطبيب. حتى هذا الولد الاخوان فاش كنشوف كيفاش خايف بديت كنفهم انه راه ممكن يكون المصدر ديال المرض النفسي هو هذا الشيب. حين فاش حاولت انه نهضر معاه ما كيجاوبني حتى الجواب كان كيشوف فيا وك كيشوف في اباه بحال كيتسنى زيون كيتسنى انه اباه يقول يهضر. انا مشيت عند الشيب وبديت كتعصب قلت له شوف اسيدي اذا كنت كتنف ولادك بطريقه انه يتاذى نفسيا ولا جسمانيا فالقانون كيعاقب على هذا الشيء. وممكن جدا انك تحاسب عليها وبصراحه ما بغيتش لك هذا الشيء فمن الاحسن انه ما عمرني نسمع بحال هذا صداع. الراجل الكبير ما داش فيا الهضره ديالي زايده ناقصه بالنسبه له وما كاين حتى ذره احترام. خرجت من البيت ديالهم من بعد ما وصلتليه المراه والولد باش الى بغاو يديروا اي شكايه غادي نكون اول واحد يوقف معهم. كملت الطريق ديالي وخرجت من الفيلاج ومشيت لابريكاد كما قلت لكم اليوم انا خدام في الليل. وصلت للمركز وما كاين حتى واحد كاين غير سي سعيد هذا الراجل في شكل ما عمرني شفت شي واحد كيبغي يخدم كما هو. وحتى انا كنت كنعتبره بحال الوالد من الناس القلال اللي كانوا كيخففوا عليا. احنا جالسين كنشربوا اتاي بالاعشاب المشروب الخاص ديالنا في هذا البرد. بغيت نعرف اكثر على هذه المنطقه واشنو كيوقع فيها. الحياه علمتني بصراحه انه البلاصه اللي فيها الثقيل هي اللي نخاف منها. عاودت لسي سعيد انه انا جاي من واحد البيت في الجبل في الخرجه ديال الفيلاج. ووقعت لي واحد ليستوار مع مالين هذ الدار قبل ما نجي. قبل ما نكمل الهضره سي سعيد وقفني وقال لي واش مشيتي لديك الدار وتلاقيتي مع ديك العائله. قلت لها اه وانا مستغرب اشن هي القصه ديالهم. قال لي شوف بلا ما تعذب راسك اي حاجه غادي تقول لي راه عشناها معاهم قبل. هذاك الشيب بالخصوص كنعه مزيان الراجل كبير ومفوت شي شويه. شحال من مره بيتنا معاه وما خلينا ما درنا اللي في راسه في راسه راه ما كيهمو حتى واحد. ضحايا بنفسهم هما اللي كيجيوا وكي بقاو يبكيوا باش نطلقوه. شنو بغيتي دير الا المعني بالامر هو اللي كيسامح في حقه وحتى الناس في الفيلاج را عارفين القصه ديالو ومطلع عليهم الدم. قال لي شوف غير نسا غادي نكوب لك كاس ديال اتاي راه ساليتي الكاس ديالك. انا استغربت بغات الهضر انه ولده ومرته كيجيوا يطلبوا عليه القانون خاص ياخذ المجرى ديالو. واخا يكونوا الضحايا ما بغاوش انا بصراحه تصدمت من هذا الشيء اللي واقع. يعني اسي سعيد شوف المراه وولدها كيتعدى عليهم هذا الراجل وعادي راه في شكل. قال لي لا ما هذهش ولكن راه كاينه واحد الحاجه اللي مازال ما قلتها لك. عندنا واحد القضيه اللي مغبره والخيوت ديالها مازال مشبكه عامين هذه ما لقيناش لها الحل. اما هذا الشيب يك فيا غير واحد البيضه قلي صغيور وسط هذه ليستوار. انا القلب ديالي بدا كيضرب بديت كنتفاجئ اشنو واقع في وسط هذا السكات. سي سعيد غادي ينوض وغادي يحل واحد المجر ديال الحديد كنشوف انه كيقلب وسط الملفات. وغادي يختار واحد الملف اللي كيبان عامر تبارك الله كييحطه قدامي الاوراق والتصاور كيغطوا السطح ديال المكتب. انا كنشوف قدامي وعيني على المكتب عقلي كان غادي يخرج. هذا الشيء اللي شفته مستحيل يكون فعل ديال البشر جثث اللي مسلوخه ومخيطه مع جلود ديال الحيوانات اللي مخلطه مع البشر. هي ك العظميه ديال الاطفال وريوسهم محيدين ليهم العينين وكاين بلاصتهم حجره. هذا الشيء اللي شفت كان اول مره نشوفه في حياتي. قال لي سي سعيد ولدي عبد الله انت الله جيتي وهذه هي خدمتنا. هذا الشيء علاش طلبت منك انك تضرب الدوره في الفيلاج قبل ما تجي. هذه التصاور اللي كتشوفهم خوها خوتك اللي معك في الخدمه في الليل. هذا فيلم الرعب اللي كتشوفوا حقيقي وحنا كنعيشوه تقريبا كل ليله. فاش كتكون الدنيا مقطوعه وما كاين حتى واحد لا شهود لا والو ولحد اليوم مازال ما عرفناش اشنو هو المصدر ديالها. حن قينشف شكون هذا ولا هذا الشيء اللي ممكن يدير هكا وماشي مره ولا جوج بزاف ديال المرات. قال لي عبد الله نقول لك واحد المعلومه اللي غادي تهمك ولكن بغيتك تاخذها بجديه انت عارفني ما غاديش نقول لك هضره خاويه. قلت لي سي سعيد بغات النظر على اي حاجه انا كنطيق في هضرتك فاي هضره غادي تقولها لي غادي نديرها حلقه في ودني. قال لي الهضره اللي غادي نقول لك هي الهضره ديال الاهل ديال القريه والهضره ديال الناس القلال اللي قدروا يشوفوا الفاعل. قلت لي اشنو الا الناس شافوا الفاعل علاش مازال ما شديتوش. قال لي تسنى حيت الفاعل ما عرفناش واش بشر ولا لا ولكن هنا كيقولوا عليه بولكرون. قلت لي سي سعيد الله يهديك راك عارف العجايب ديال الباديه والناس هنا راه كيزيدوا فيه. قال لي شوف عبد الله انت لاحضي البارح ما كنتيش معنا فاش شفنا الجثث وسمعنا الشهادات. هذه المنطقه الجبال ديالها والوديان ديالها فيهم صحاب المكان اللي عشنا احنا كدوره في الليل وكنقلبه راه ما كتقولش العقل. كل شهر كيوصلوا لنا بلاغات على الاختفاء ديال الاطفال وديال الاشخاص اللي كبار. حيوانات اللي مقتوله بطريقه باشعه والاثار ديال الاقدام كيبانوا ماشي اثار ديال البشر. على حسب الهضره اللي كتقال انه هذا المخلوق غادي يكون عايش في واحد المغاره اللي حدا الواد. مشينا لهما ما مره ما جوج ما ثلاثه ما عمرنا لقينا ولو اثر صغيور. والاهل ديال القريه لا سولتيهم غادي يقولوا لك ان بولكرون ماشي بشر. قلت لي سي سعيد هذه خ زعبلات الناس كالفوه باش يدقوا على الجهل ديالهم. قال لي تسنى وهو كيجبت لي واحد الملف وحطه قدامي. شديت تصويره من هذا الملف كندور فيها باش يبان لي شكل بوضوح. قلت له سي سعيد اشنو هو هذا الشيء انا ما فهمتش. قال لي هذا هو الاثار ديال الرجلين ديال هذاك المخلوق. قبل ما يكمل الهضره ديالو شفت فيه. قال لي صافي بلا ما تقلق هذا هو الاثار ديال المخلوق ولا ديال البشر سميه اللي بغيتي تسميه. ونزيدك من الشعر بيت هاك هذا الملف وركز مزيان في التفاصيل. حليت الملف وكنشوف والاخوان غادي يشوك لي الهامي. الطريقه الاخوان باش كتموت الضحيه مستحيل يكون البشر هذا ماشي قتل هذا افتراس. فاش شفت هذا الملف ما نكذبش عليكم بديت كنخاف من هذه القصه. قال لي شوف عادي غير تكالما احنا كلنا دزنا من هذه المرحله. شفتي التصويره ديال هذاك السراح خرج واحد النهار يرعى البايم كما مولف. في اغلب الاحيان يا اما كيطلع الجبل يا اما كيمشي في جنب الواد تما فين مولف يسرح البيم دياله. مرته غادي تبلغنا انه يومين ما رجع للدار. انا كي غادي نقول لها هذه الهضره قلت باللي القصه لها علاقه بذاك المخلوق. حيت كما قلت لك عبد الله الجثث كنلقاها يا اما في الجبل يا اما في جنب الواد حدا ديك المغاره. كان خاص غير اسبوع والمراه ديال السراح غادا تلقى الرجل ديال راجلها قدام باب الدار. فاش وصلنا البلاغ مشينا لهذا الفيلاج وبدينا كنجمعوا عضوا بعضوا من هذا السراح اللي مشدد فين ما مشيتي. بغيت نقول لك عبد الله هذا الشيء ماشي باش نخلعك ولكن اغلب الدراري اللي جاوا هنا وخدموا معايا كانوا كيطلبوا النقل ديالهم من بعد مده. وفاش كان كيترفض النقل كانوا كيقدموا الاستقاله ديالهم. اللي بغيت نقول لك عبد الله انت بحال ولدي القصه ديال بول كرون حقيقيه ماشي خيال. هذا الشيء داير الرعب للناس في الفيلاج مورا العشره مستحيل وكون لاحظتيها انك تلقى شي واحد كاين برا. ديه برد في يدي ما عرفتش واش بالخلعه ولا نسيت راسي فاش سمعت القصه. قلت في هذه اللحظه كون غير ما سولتش ولا عرفت اشنو واقع. انا كندوز يوميا من بين هذه الجبال وحتى هذا الواد باش نمشي لذاك البيت. فالاخوان جاني واحد الرعب ما يمكنش لدرجه بديت كنضحك على راسي حمينا المواطنين بكري. المهم اذن الفجر ونضت انا وسي سعيد نصليو. الوقت ديال الخدمه كيسالي عندي حتى السبعه ديال الصباح ولكن صافي مورا الفجر بصراحه عييت. كترت الخلعه وهذا التوتر عييت بزاف سي سعيد الا ممكن نمشي من دابا لان ما بقيتش قاد نخدم. مازال الطريق طويله وبصراحه الهضره اللي قلتي لي طيحت لي الماء في ركابي بلا ما نخبي عليك. قال لي ماشي مشكل غدا غادي تزيد ساعتين في الخدمه. اتفقنا قلت له اتفقنا صافي الله يرحم الوالدين بغيت غير نمشي. وانا غادي في ديك الطريق دك 20 كيلومتر ما بغاتش تسال وانا غادي وسط الجبل. خصوصا من بعد ما عرفت ديك القصه وشفت ذوك التصاور غادي وكنقول تخيل تسكت بيا الطوموبيل. تخيل يخرج لي هذا بولكرون ولا ما عرفتش اشنو ما وصلت للبيت حتى غفر لي الله الذنوب. دخلت نيشان حيدت حوايجي وطحت فوق الناموسيه كوما ما فقت حتى الليل على الصوت ديال الدقان. دقان مجد بزاف انا مريش ما عرفت شكون انا اساسا. كنحل الباب وكنشوف سي سعيد اركان وسخفان. قال لي عبد الله عييت ما نتصل بك كنت مغيب ولا شنو حسابي معك من بعد. واخا وقت الراحه في الخدمه ديالنا خاصك ديما تكون على بال وتليفونك حداك مهما يكون. فهمت انه سي سعيد مقلق قال لي بالزربه لبس حوايجك ويا الله غادي نمشي. بلا ما نغسل وجهي بالزربه لبست الحوايج ديال الخدمه وخرجت وركبت معاه كنشوف ريوسنا غاديين في ذاك البيت اللي كاين في راس الجبل. البيت ديال ذاك الشيب والمراه وولدها. قال لي عبد الله هز اللاح ديالك ونزل من الطوموبيل وتخيلوا الاخوان كي غادي نحل الباب وغادي ندخل. كنشوف المراه الكبيره معلقه من رجليها في السقف والشيب جالس في كرسي وشد في راسه وجالس كيبكي. بغيت نحط يدي نواسيه ونفهم اشنو كاين غادي يضرب لي يديا. قلت لها بشويه اشنو واقع؟ فين هو ولدك؟ قال لي انا هذاك الولد جريت عليه ما عندي ما ندير به وهو يرجع كيبكي. كنشوف في المراه اللي معلقه بطريقه قطع لك قلبك واخا يكون من الحجر. سي سعيد كيصور وكيفتش في الدار مشيت عنده وقلت له بشويه واش كتظن ان هذا الشيب هو اللي ضر لي الفريخ وقتل مرته. قال لي صراحه عبد الله ماشي مستبعده وممكن حتى ذاك الشيء اللي كنت عاودت لك عليه. ولكن بيني وبينك الطريقه باش تقتلات ماشي هو ذاك الشيء اللي مولفين مع هذاك المخلوق فيقدر يكون هو الله اعلم. هذا الشيء اساسا كان معيشها ومعيش ولده المرار انا فاش شفت في الوجه ديال الشيب وهو كيبكي بهذيك الطريقه بصراحه ما عرفت حسيت بحال ماشي هو اللي دار هذا الشيء. فقلت لي بلا ما نظلمه يمكن يكون شي حاجه اخرى. قال لي ماشي مشكل احنا غادي نعرفوا كل شيء فاش غادي يخرج التقرير ديال الطبيب الشرعي. واللي خلى سي سعيد يشك اكثر في هذا الراجل الكبير هو انه كان ديما كيحاول يلوح اللومه على ولده كيقول انه قبل ما يجرى على الولد دياله كان مخاصم مع امه وكان وصل معها حوايج خايبين. المهم مشينا للمركز ووالله بغينا نبداو التحقيق مع هذا الشيب.
