أفضل طريقة للدراسة لكل مادة📚

[0:00]أفضل طريقة للدراسة لكل مادة. ده كان فيديو لجس بارك استفاد منه آلاف الطلاب فحبيت اترجمه لكم عشان تستفيدوا منه. ولكن قبل ما نبدا لو انت مش مشترك في القناه اشترك عشان يوصلك كل جديد.

[0:14]بيقول جو سبارك: المذاكرة دي حاجة واسعة قوي فإن الواحد يذاكر رياضيات بنفس طريقة مذاكرة الإنجليزي أو يذاكر فرنساوي بنفس طريقة مذاكرة الفيزياء، ده بجد حاجة غبية جدا. أنا كطالب على مدار السنين ولحد دلوقتي ذاكرت مواد كتير غريبة وعجيبة رياضة إنجليزي لاتيني فرنساوي أحياء كيمياء ياباني فيزياء لاهوت فلسفة تاريخ جغرافيا حاسب آلي مزيكا تصميم وتكنولوجيا أدب فنون اقتصاد علم نفس دي مجرد حاجات بسيطة من المواد اللي درستها وطبعًا من بين المواد دي كان في مواد بحبها جدا ومواد ما كنتش بحبها. بالنسبة لينا كطلبة الموضوع ده ما بيفرقش كتير لأنه طبيعي لازم تدرس مواد كتير بس كمان لازم تجيب فيها درجات كويسة. والحمد لله أنا قدرت أعمل ده زي ما أنتم شايفين عشان كده أنا اتعلمت شوية حاجات عن إزاي تذاكر لكل نوع من المواد دي وإزاي تجيب أحسن الدرجات في أقل وقت ممكن. وأنا هنا هشارككم السر ده كنت أتمنى أتكلم عن كل مادة لوحدها بس الفيديو كده هيبقى 36 ساعة. عشان كده أنا هقسم كل المواد لثلاث فئات رئيسية وهأقول لكم إزاي المفروض تذاكروا لكل واحدة فيهم. واحد: المواد المفاهيمية القائمة دي فيها مواد زي الأحياء الكيمياء الفيزياء علم النفس دي مواد مفاهيمية جدا جدا. وزي ما اسمها بيقول سواء كانت عملية التنفس، التفاعلات الكيميائية، الأطوال الموجية، المواد دي محتاج إنك تفهم وتتعلم مفاهيم كتير. طبعا عشان تذاكر المواد دي معرفتك بالمفاهيم دي هي مفتاح الموضوع فواحنا بنذاكر المواد دي ممكن نمشي على السلسلة دي. حفظ فهم وبعدين تطبيق. الحفظ في حفظ كتير في المواد دي سواء أسماء المركبات العضوية المختلفة مراحل تخليق البروتين خصائص المواد المختلفة في حاجات كتير محتاجين نحفظها وأحسن طريقة للحفظ هي استخدام الفلاش كاردز أو بطاقات المراجعة. الطلاب بتغلط لما بتحاول تحفظ بإعادة قراية الملاحظات لكن الدراسات بتوري إن ده مش فعال خالص. الدراسات بتثبت إن الفلاش كاردز أو البطاقات التعليمية كويسة جدا في الحفظ عشان هي بتستخدم مبدأ استرجاع المعلومات العملي. الخلاصة اللي محتاج تعرفها إن بطاقات المراجعة بتجيب نتيجة. نزل أي تطبيق على موبايلك وحط سؤال أو الحاجة اللي عايز تفتكرها على وش وحط الإجابة على الوش الثاني. وبص على البطاقات دي شوية صغيرين بس على فترات متقاربة وكلام بص عليهم كل ما تكون فاضي. وخلال ما أنت بتتعلم الحقائق الأساسية والتعريفات والمفاهيم ممكن ننتقل على خطوة الفهم. لو قدرت تفهم الموضوع فعلا الحفظ بيبقى أسهل بكتير. لو اضطريت تحفظ بالعافية كل مرحلة من مراحل تخليق البروتين من غير ما تفهمها ممكن تاخد وقت طويل. لكن لو فهمت ليه الـ mRna بيتكون تخليق البروتين هيبقى سهل جدا جدا وده اللي بيخلينا نتعلم أسرع بكتير والسر في كده هو الفهم فتأكد إنك فاهم. عشان كده في طريقة كويسة جدا للمذاكرة والمراجعة للعلوم والمواد المفاهيمية وهي استخدام الجداول. سواء كان جدول بيقارن بين البناء الضوئي والتنفس أو بيقارن بين كل الأطوال الموجية في الطيف الكهرومغناطيسي، الجداول حلوة قوي. عشان هي بتخليك تفهم إزاي الحاجة اللي بتحاول تحفظها بتتناسب مع الصورة الأكبر وإزاي كلهم مرتبطين ببعض. إزاي المجموعات الوظيفية المختلفة بتتفاعل بشكل معين ممكن تقارن بين التشابهات والاختلافات ودي طريقة مراجعة نشطة وبتخليك تتعلم بسرعة قوي. ممكن كمان تراجع وتذاكر بفاعلية بإنك تعمل لنفسك جداول فاضية وتملأ الفراغات فدي طريقة مذاكرة ممتازة. بالنسبة للتطبيق، دلوقتي لازم نطبق المعلومات دي. فاكرين السلسلة؟ قلنا حفظ فهم وبعدين تطبيق. بنعمل ده بإننا نحل أسئلة تدريب كتير قوي. دور عليها على النت أو حل اللي في الكتاب المدرسي. النقطة اللي لازم تعرفها هي إن المفاهيم اللي بيختبروها ممكن تكون عن التفاعلات الكيميائية أو الفيزياء. بس الطريقة اللي الامتحانات بتختبر بيها معرفتنا هي عن طريق إنهم بيخلونا نعمل تمرين عملي. ورقة بتجاوب فيها على أسئلة.

[4:39]هم بيختبروك عن طريق إنهم بيخلوك تحل أسئلة فأحسن طريقة عشان تطبق معرفتك هي إنك تتدرب فعلا بإنك تحل امتحانات سابقة. وتكرر حل أسئلة كتير لحد ما تحفظ وتقدر تعبر عن معرفتك والمفاهيم اللي تعلمتها بالطريقة الصح. وده عشان أنت ذاكرت الأسئلة وذاكرت كمان من نموذج الإجابة. اثنين: المواد التطبيقية. المجموعة الثانية من المواد هي المواد التطبيقية ودي بتضم الرياضيات الحاسب الآلي الهندسة الفرنساوي الفنون. زي ما ممكن تكون خمنت دي مواد بتحتاج إنك تعمل حاجات تكون شاطر في التنفيذ. الرياضيات مادة تطبيقية بشكل كبير عشان هي مش بتطلب منك إنك تقعد تفكر مثلا لنظرية فيثاغورس ظهرت وتكتب مقال عنها. هي عايزة منك تستخدم نظرية فيثاغورس وتحل أسئلة هي عايزة منك تحل رياضة نفس الكلام في الفرنساوي وده طبعًا بالنسبة للمنهج الكوري لازم تتكلم فرنساوي لازم تتفاهم بالفرنساوي. وبالنسبة للفنون لازم ترسم عمل فني بالنسبة للبرمجة لازم تكتب كود برمجة كل دي طرق بيتم بيها اختبار المواد التطبيقية. علشان تذاكر للمواد التطبيقية دي لازم تعملها كتير ليه بتفتكر إن الآسيويين فطريا شاطرين في الرياضيات الموضوع ملوش علاقة بالوراثة خالص. هي ببساطة أنهم من وهم صغيرين كتير من الأهل الآسيويين بيخلوا عيالهم إنهم يحلوا أسئلة رياضة كتير. فالموضوع لا شعوريا هو إنك من خلال التكرار والتعود على الأسئلة والحل الكتير هتكون شاطر في أي مادة تطبيقية. عشان كده كل أساتذة الرياضة اللي درسوا لي دايما بيقولوا إن أحسن طريقة تبقى بها كويس في الرياضيات هي إنك تحل أسئلة رياضة كتير. الفهم والتطبيق بس في نصيحة ثانية عندي لكل ده وهي إنك تفهم فعلا خصوصا في الرياضيات. وأنت بتذاكر المواد التطبيقية الفهم زي ما أنتم شايفين هو القطعة الأساسية اللي موجودة في كل المواد دي. لما بتفهم خصوصا في الرياضيات ليه الخطوة دي اتعملت ليه قسموا على جيب الزاوية ساين هنا ليه استخدموا اللوغاريتمات؟ وكمان إنك تشوف على يوتيوب حد بيشرح حد بيحل المسألة خطوة بخطوة وتشوف طريقة تفكيره فدي طريقة ممتازة للمراجعة. فتأكد أنك بتستغل المصادر دي ملحوظة المواد دي نادرا ما بتكون تطبيقية 100% فاستخدم الفلاش كاردز أو بطاقات المراجعة. وأي وسائل ثانية ضرورية للتفاصيل الأساسية بس الأهم من كل ده هو إنك تحل كتير. ثلاثة: المواد التحليلية، الأدب الإنجليزي التاريخ الفلسفة الاقتصاد كل دي مواد تحليلية أو اللي معروفة أكثر باسم مواد المقالات. وهي عبارة عن خليط من الحاجات المفاهيمية والتطبيقية اللي تكلمنا عليها. اكتساب المهارة. لازم تحفظ وتعرف إزاي تكتب مقال كويس دي حاجة تطبيقية شوية. في منحنى تعليمي بيوضح أن صعب نسبيا لما يتعلق الأمر بكتابة المقالات لأن طريقة الجدال وطريقة هيكلة المقال بتكون محددة قوي لكل مادة. بس بمجرد ما تتعود على الهيكلة دي الموضوع بيبقى مجرد تكرار. اسأل المدرسين عن الهياكل دي. زي هيكل فقرة بوينت، إيفيدينس الفكرة الأساسية والدليل إلى آخره. المذاكرة والممارسة اقرا كتير جدا من المقالات النموذجية. المقالات اللي جابت الدرجات النهائية وانسخ الهياكل دي بالضبط لو بحثت عن مقال جاب الدرجة النهائية هتلاقيه كتير. ممكن تسأل مدرسك أو تسأل زميلك اللي جاب درجات أحسن منك وانسخ اللي بيعملوه انسخ الهياكل واعرف إزاي بيكونوا أفكارهم. دي طريقة أنك تبقى شاطر في المقالات بس بعد كده الموضوع كله بيبقى ممارسة تطبيقية. حاول كمان تكتب كتير وده بمجرد ما تتعود على الطريقة خصوصا لما تعرف مثلا إزاي تقارن وإزاي تكتب بشكل مقنع. زي ما قلت إنك تتعلم الاختصارات دي ممكن ده يساعدك جدا في التحليل والمقالات. زي فقرات الـ P.E.E.L أو الـ APFC لعلم النفس. بس كده ده كان فيديو النهارده أتمنى الفيديو يكون مفيد لو وصلت لحد هنا فأنت أجدع واحد اكتب في تعليقات أنا هبدأ بجد عشان نعرف كم واحد هيبدأوا بجد شكرا للمشاهدة والسلام عليكم.