[0:00]معالي وزير الصناعه.
[0:05]اشكرك دوله الرئيس. طبعا احب ارحب بكم واسمحوا لي كده بايجاز استعرض مع حضراتكم تحديث الاستراتيجيه الوطنيه للصناعه. وانا بقول تحديث عشان برضه ابقى واضح ان احنا رؤيه الدوله هي واحده وثابته بالنسبه للصناعه. وتقدير ثقل الصناعه في الاقتصاد الوطني ولكن طبعا احنا بنحدث الاستراتيجيه عشان ناخذ في الاعتبار المتغيرات الموجوده سواء محليه او دوليه او اقليميه. وطبعا كل المؤثرات على الصناعه، فبالتالي احنا عشان انا سمعت طبعا استعانه بمكاتب عالميه، وهو الموضوع مش مش كده ولا بدايه استراتيجيه جديده. ولكن احنا مجرد تحديث بنبني على كل اللي كان موجود برؤيه ثابته للدوله على مستقبل الصناعه الوطنيه.
[1:05]خلينا نبتدي احنا عندنا الاستراتيجيه مبنيه على ست ركائز. الا وهي البرامج الاستراتيجيه، العنصر البشري، المنتج، العمليات والاجراءات، الاليات، معايير القياس. مستهدفنا هو الوصول لصادرات من مصر غير بتروليه نوصل ل 100 مليار دولار ان شاء الله. طيب، الكلام ده 20 30 طبعا.
[1:31]المبادئ الحاكمه لنا في هذا الموضوع هو المنهج العلمي والشراكه مع القطاع الخاص. في الاستراتيجيه وفي تنفيذها طبعا التكامل المؤسسي بين كل الوزارات، والتوازن الاستراتيجي بناخذ في الاعتبار كل العوامل الاقتصاديه والاجتماعيه في كل القرارات. خلينا نبتدي بالبرامج الاستراتيجيه، اول محور في هذا البرنامج هو الخريطه الصناعيه. النهارده احنا بناء على اسس علميه قدرنا نوصل لتحديد قطاعات ذات اولويه ومش بس القطاعات نفسها ولكن بنوصل لمرحله ان احنا بنحدد القطاعات نفسها، الصناعات اللي موجوده فيها اللي احنا هنبقى مركزين عليها. بالصناعات المغذيه واللي بنسميه الصناعات التمكينيه اللي هي بتمكننا من نمو هذه الصناعات والصناعات التكميليه اللي هي ضروره وجزء من احلال الواردات. طيب، الخطوه اللي بعد كده هيبقى استهداف المصنعين العالميين والمحليين. ذو خبره كبيره في هذا المجال، ونقدر ان احنا نعمل لهم دراسات جدوى جاهزه عشان نجذبهم للاستثمار في هذه الصناعات في مصر. هيبقى في انشاء مناطق صناعيه متخصصه بالنسبه للصناعات ذات الاولويه. وهيبقى في طبعا كمان رسم خريطه الطاقه، لان زي ما احنا عارفين الطاقه هي عامل اساسي للتكامل الصناعي، فبالتالي برضه هيبقى رسم خريطه للطاقه، وده بيحصل حاليا فعلا بالتعاون مع وزاره الكهرباء ووزاره البترول. على توافر الطاقه جغرافيا وقطاعيا في الدوله المصريه، نفس الشيء بالتعاون مع هيئه الاراضي ومع الجهات المعنيه احنا برضه بنعمل حصر جغرافي وخريطه صناعيه بالماده الخام اللي موجوده في مصر.
[3:12]حاجات زي خام الحديد، الفوسفات، والبعض الخامات الاخرى، عشان النهارده نقدر نحدد الاماكن المثلى لوجود المناطق الصناعيه في الدوله.
[3:27]طيب، ايه اللي احنا عملناه الفتره اللي فاتت؟ احنا حطينا منهج علمي بحت عشان نقدر نحدد ايه الصناعات اللي احنا محتاجين ان احنا نركز عليها او نخليها صناعات مستهدفه. ولما بقول هنا صناعات مستهدفه طبعا كل الصناعات مهمه بالنسبه لنا، الصناعات المستهدفه هتبقى الصناعات اللي احنا شايفين ان احنا عندنا ميزه تنافسيه، وبناء على عوامل كثيره جدا في خلال فتره ممكن يعني على على الامد المتوسط وطويل الاجل. وتكون مصر على الخريطه العالميه لهذه الصناعات. فاختارنا بعض المقاييس والمعايير اللي حطينا طبعا وزن بطريقه علميه لكل محور فيهم عشان نقدر نوصل لهذه القطاعات.
[4:11]طيب، خلينا هنا بقى نبتدي نتكلم على القطاعات نفسها، احنا وصلنا لسبع قطاعات اساسيه اللي هي الاولويه. الملابس الجاهزه، المنسوجات، الصناعات الغذائيه، السيارات، المعدات الكهربيه والهندسيه، تجميع الالكترونيات، والصناعات الدوائيه. زي ما قلت هي دي الصناعات اللي احنا هنبقى مستهدفين واحنا هنبقى بنحاول نجذب الاستثمارات واكبر مصنعين سواء محليين او عالميين في العالم. لتوطين هذه الصناعات. طبعا بالتوازي في الصناعات التمكينيه، زي ما كان دوله رئيس وزراء بيقول احنا النهارده عندنا بنحاول ننمي صناعه الطاقه المتجدده في مصر سواء رياح او طاقه شمسيه.
[4:54]محتاجين برضه معدات لمحطات المياه وترشيد المياه، الميكانات والتصنيع المعدني ده شيء مهم جدا لتمكين الصناعه. وطبعا الربوتكس هيبقى في المستقبل برضه القريب ان شاء الله صناعه تمكينيه مهمه جدا. في نفس الوقت عندنا القطاعات الاستراتيجيه اللي بنسميها الفاونديشنال اندستريز اللي هي الحديد والصلب، الالومنيوم، الكيماويات والاسمده، مواد البناء، والمعادن المنجميه. دي صناعات اساسيه في الدوله بتمثل قطاعات شديده الاهميه استراتيجيه للدوله. فبالتالي هيكون طبعا من الصناعات الاساسيه عندنا كتركيز من الصناعه. ثم عندنا الصناعات التكميليه، زي ما قلنا المحركات الكهربيه، السبايك والمسبوكات، الاسلاك والضفائر، الموصلات، المنتجات الكابس والتشكيل المعدني، المنتجات الحراريات، الصمامات والمحابس، المنظفات، الزجاج، والتعبئه والتغليف، المنتجات الكيماويات المتخصصه. دي الصناعات اللي بتبقى مشتركه ما بين صناعات اخرى كثيره وهنا بنشوف اكثر جزء احلال الواردات، لان النهارده صناعات كثيره جدا بتبقى معتمده على هذه الصناعات التكميليه. واحنا بنضطر نستورد بعض هذه الصناعات، فبالتالي هيبقى في ان شاء الله خطه مهمه جدا لتوطين هذه الصناعات عشان نعمل احلال الواردات ونقلل الضغط على العمله الصعبه. وطبعا في كل هذه الصناعات هيبقى في اهتمام كبير بالاقتصاد الدائري واعده التدوير.
[6:17]طيب، لما دلوقتي بما ان احنا حددنا الصناعات، هنعمل بيها ايه؟ النهارده ده هيتقسم لثلاث قطاعات، ايه اللي احنا النهارده موجود عندنا بالفعل بس محتاجين ان احنا يبقى يبقى ينمو بصوره سريعه؟ الملابس الجاهزه والمنسوجات، احنا عندنا قاعده قويه فعلا، بس محتاجين ان احنا نحدث التكنولوجيا وننمو في هذه الصناعه. نفس القصه بالنسبه للصناعات الغذائيه، في صناعات احنا محتاجين تعميق ليها اكثر، اوريدي موجوده في صوره منتج نهائي اكثر من والمكون المحلي محتاج يزيد، زي المعدات الكهربيه والكابلات، المنسوجات، الادويه بما فيها طبعا الماده الفعاله. واحنا ان شاء الله قريب هنعلن عن التعاقد مع احدى الشركات العالميه في توطين الماده الفعاله للادويه. وفي صناعات احنا بنبنيها زي صناعه السيارات ومكوناتها وزي صناعه الالكترونيات. دي صناعات احنا بنستهدف ان شاء الله ان احنا زي ما اعلنا قبل كده نبقى على الخريطه العالميه لهذه الصناعات.
[9:25]خريطه الطاقه اللي بنتكلم عليها، دي النهارده بتتعمل بشكل علمي جدا بالشراكه مع وزاره الكهرباء، بنشوف النهارده بنحاول نقسمهم لاماكن انواع مختلفه. في الاماكن اللي احنا النهارده هنقدر ان احنا ناخذ من الشبكه الشبكه الكهرباء اللي موجوده، في الاماكن الاخرى اللي احنا لازم هيبقى في توليد كهرباء من المنطقه الصناعيه نفسها عن طريق الطاقه المتجدده، وفي مناطق هتبقى بعيده عن الشبكه هتبقى مناطق اوف جريد، بحيث ان احنا النهارده هتبقى قايمه بنسبه 100% على الطاقه المتجدده. كل الكلام ده طبعا بيتم بالتنسيق مع وزاره الكهرباء بناء على الاعمال الاضافيه اللي بتضاف للشبكه، بال زي ما احنا شايفين بالاحداثيات، بالاماكن فين بالضبط عشان ده اللي هيبقى منهجنا في الشغل على كل هذه المناطق. طيب كل ده اللي احنا اتكلمنا عليه ده ده تحت البرامج الاستراتيجيه.
[19:22]النهارده بنتكلم على العنصر البشري كركيزه اخرى وطبعا ده اهم ركيزه، تاهيل الكوادر الفنيه سواء تاهيل الكوادر في الوزاره نفسها او تاهيل الكوادر الفنيه للمصانع. احنا النهارده عندنا ناس كثيره جدا من القطاع الخاص في مدارس وفي مجهود كبير لتنميه الصناعات الصناعيه. احنا عايزين دلوقتي عندنا بننشئ استراتيجيه متكامله لهذا الموضوع، بحيث ان احنا النهارده نقدر نتحكم في احتياجاتنا من القطاع الخاص ومن مدارس العالميه حتى اللي احنا محتاجينها في بعض المواهب، وتوطين الكوادر والكفاءه في هذا الموضوع. وهيبقى في طبعا شهادات تلمذه صناعيه، هتبقى ثلاث سنين، اهم حاجه فيها ان يبقى اكثر من 70% منها عملي في المصانع. عشان في الاخر يقدر ياخذ شهاده تلمذه صناعيه تبقى فعلا عمليه ويبقى ذات كفاءه ويبقى عملنا خلق المهارات المطلوبه للصناعات اللي احنا مركزين عليها. المنتج النهارده هيبقى في تفعيل كبير جدا على موضوع الرقابه والجوده وده شيء احنا يعني متبنيينه بمنتهى الحسم زي ما بنقول. سمعه المنتج المصري لازم تبقى سمعه عاليه جدا، قويه جدا، ولازم يكون نتلافى اي اخطاء وده دورنا كوزاره ودور هيئات الرقابه على على الرقابه الصناعيه والجوده ان احنا نضمن ان ده خلاص مفعل في كل صناعتنا. طبعا سلاسل الامداد الخضراء ده شيء مهم جدا عشان سواء جوه مصر او حتى للتصدير وده ليه نظام متكامل للصناعات كلها. واخيرا في هذا الموضوع وتوطين الاختبار والاعتماد وده جزء تمكيني مهم جدا للتصدير، زي ما احنا عارفين دي بتبقى اشتراطات للتصدير فبالتالي ان انا اقدر اوطن الاعتماد والاختبارات في مصر ده مكسب اساسي وشيء مهم جدا. الحمد لله حصل فيه بعض المكتسبات زي الاعتماد الاوروبي اللي حصل من حوالي ثلاث اسابيع واحنا مكملين ان شاء الله نفس الطريق.
[21:15]العمليات والاجراءات هنا احنا بنسلك اتجاه يعني زي ما نقول كده بنمشي مع المصنع من اول ما يفكر ان هو هيبقى مستثمر في الصناعه. فالنهارده يعني زي ما بنقول كده بنمشي بمبدا الكاستمر اكسبيرينس، النهارده هو من اول ما افكر انا النهارده محتاج ايه محتاج ان انا زي ما قلنا في اداره التنميه الصناعيه هيقعد معاها يشوف النهارده هو بيفكر في الصناعه. طب ايه الصناعات المتاحه اللي ممكن ان هو يبتدي يدخل فيها؟ طب هو اوريدي وصل للقرار ده؟ يبقى ثاني خطوه هي الاراضي. فزي ما قلت هيبقى عندنا تملك بنظام الايجار، اليه متكامله لطرح الاراضي اللي بتحصل كل ثلاث شهور، حصر كامل للاراضي اللي احنا بنحاول دايما يكون في اراضي متوفره.
[22:03]وزي ما احنا بنعمل تيسيرات انا برضه عايز اقول ان التيسيرات دي احنا بندي منح وتيسيرات عشان الناس الجاده تشتغل. ولكن بالتوازي هيبقى في اجراءات صارمه جدا مع الناس اللي معاها اراضي وما بتشتغلش عليها، لان احنا محتاجين هذه الاراضي. ومحتاجين ان الناس الجاده في الصناعه تستفيد من هذه الاراضي، فبالتالي برضه هيبقى في اجراءات ممكن توصل حتى لسحب اراضي حاسمه حاسمه جدا عشان نقدر نوفر هذه الاراضي للجادين. تيسير طبعا وميكانه في اجراءات الترخيص وده شيء مهم جدا، وهيبقى في طبعا احنا عندنا مشكله وتحدي كبير في موضوع المرافق والترفيك للاراضي، وده دلوقتي في حلول مختلفه وفي اولويات بنشوف كل المناطق اللي على مستوى الجمهوريه اللي فيها مشاكل في المرافق وبنبتدي نحط لها خطه عشان ترفقها ان شاء الله. المناطق اللي ما فيهاش مطور صناعي احنا بنتوسع في مطور الصناعي، بس احنا طبعا بنزود العدد عشان يبقى فيه تنافسيه. والمناطق اللي ما فيهاش مطور صناعي بنخلق لها دلوقتي مجالس امناء عشان نتاكد ان احنا النهارده المنطقه الصناعيه مستدامه، ليها صيانه، ليها مركز يقدر النهارده يحدد اولوياتها وايه اللي محتاجاه عشان تفضل محافظه على نفسها كمنطقه صناعيه ونقدر ان احنا ننمي الصناعه فيها. ده اول عنصر.
[23:12]خلصنا النهارده خلاص الراجل بقى معاه ارض عايز هيشتغل، التمويل. طيب، التمويل احنا دلوقتي بنخلق اليه جديده للتمويل، غير طبعا المبادرات اللي احنا بنشوفها دلوقتي ومبادرات احنا بنحاول نكون عمليين يعني. احنا في مبادرات كثيره كنا عملناها في الدوله بنشوف ايه اللي منها فعلا كان مفيد وايه اللي استخدم فعلا من قبل المصنعين وبنعيد بناء على اول امبارح كان في اجتماع مع مصنعين كثير، والاسبوع اللي فات كان في اجتماع اخر وعلى طول في احنا بنسمع لكل اراء وافكار المصنعين على ايه الحوافز اللي فعلا تقدر يستفيدوا منها بشكل كبير. سواء كنا بنتكلم على الات ومعدات راس مال عامل حتى حوافز جغرافيه لبعض المناطق وهكذا. الموضوع الاخر هو انشاء صندوق الاستثمار الصناعي، ده هيبقى اول مره موجود عندنا في مصر هو احنا بنخلق اليه بمنتهى البساطه عشان السيوله المواطن المصري يقدر النهارده يحول استثماراته ويبتدي ان هو يجذب استثماره في المجال الصناعي. اللي هو احنا عاده مش متعودين عليه ان احنا يبقى استثماراتنا كمواطنين في المجال الصناعي وطبعا دي ده اتجاه مهم جدا لنمو الصناعه. فبالتالي احنا بنخلق صندوق، صندوق ده يقدر ان هو يستثمر في الصناعات اللي احنا مركزين عليها للناس اللي موجوده وبتتوسع اللي هم عندهم امانه قويه وعندهم تاريخ صناعي قوي. ومحتاجين طبعا توسع فبالتالي محتاجين تمويل وفي نفس الوقت المواطن يستفيد من هذه المصانع عن طريق صندوق بيشتري اسهم في هذه المصانع اللي بتتوسع. والاسهم دي بتبقى متنوعه او الشركات دي متنوعه من شركات صغيره ومتوسطه وكبيره متنوعه على مصانع على صناعات اخرى كثيره بحيث ان احنا ما بقاش فيها مخاطر عاليه ويقدر الاستثمار ده ينمو ويبقى مستدام. ان شاء الله اول صندوق من النوع ده هيتم انطلاقه ان شاء الله بالتعاون مع وزاره الاستثمار والتجاره الخارجيه في اخر شهر سبعه يونيو ان شاء الله. في مبادره اللي دوله الرئيس اشار ليها مبادره تمويل الطاقه المتجدده، ودي ان شاء الله دلوقتي احنا شغالين عليها واطارها الواضح جدا هيكون ان شاء الله هتطلق في القريب العاجل. انا اتكلمت برضه على موضوع تطوير وتفعيل دور مركز تحديث الصناعه زي ما قلنا في موضوع الذكاء الاصطناعي والاي او تي وربط المصانع بالكورربط المصانع ببعض. دور تحديث الصناعه عامه هيبقى دور كبير جدا الفتره اللي جايه. وهيبقى عندنا طبعا بقى تدليل العقبات اللي احنا كلنا عارفينها وكلنا بنشوف مصنعين بيشتكوا منها، طبعا ده جزء كبير من ده جدا جدا هيبقى عن طريق الميكانه والرقمنه. ودلوقتي في انشاء لمنصات كثيره بيبقى فيها شكاوى يقدر النهارده ودي بتبقى فيها نظام ان احنا النهارده بنشوف الشكاوى اللي موجوده كل واحده منهم الطبيعي بتاعها متوسط يبقى كم كم يوم الطبيعي ان هي تتحل.
[26:10]دي ممكن تبقى مع هيئه التنميه الصناعيه مع وزاره مثلا اسكان الكهرباء او غيرها اي حاجه ريليتد للصناعه او لهذا المصنع. وبنشوف لو هي مثلا تاخد 10 ايام او الموضوع ده بيزيد بتبتدي ان هي طبعا تبقى تدي انذار ان في مشكله هنا. واحنا بنتابع ايه المشكله واذا كان الموضوع محتاج تدخل حتى من الوزراء عشان يحل هذه المشاكل بسرعه. وانا طبعا شخصيا هابقى بتكلم وبشوف المصنعين كل اسبوع سواء اللي اتحلت مشاكلهم او لسه ما اتحلتش عشان اتاكد من متابعه هذه المنصه وان هي فعلا فعاله وعمليه في حل المشاكل.
[26:53]طيب، ايه الاليات زي ما قلنا قاعده بيانات الانتاج، ميكانه بصوره كبيره جدا خريطه الطاقه الصناعيه، شركات الترشيد اللي هو الاسكو الانرجي سيفينج كومبنييز، وده نموذج منتشر في العالم يمكن في الولايات المتحده بالذات.
[27:10]الاسكو هنا بنتكلم عن اسكو الصناعي، يعني ايه الكلام ده؟ يعني احنا النهارده شركات قطاع خاص احنا احنا عايزين نوصل للترشيد في الطاقه. شركات القطاع الخاص دي بتقدر ان هي النهارده تخش على المصانع تعمل حاجه اسمها انرجيت بتقيس كل جهاز في بيستهلك طاقه في المصنع وتشوف النهارده هو استهلاكه ده يقارن بايه بالنسبه للاستهلاك العالمي. وابتدي نحط خطه ان من خلال التوفير في الطاقه لهذا المصنع، المصنع بيستفيد من جزء من هذا التوفير، الشركه اللي بتعمل الحلول عن طريق تغييرات او عن طريق تظبيط حاجات في الكهرباء باور فاكتور او غيره بتستفيد الجزء الثاني واحنا كدوله طبعا بنستفيد ان في الاخر الطاقه قلت. فده نموذج مستحدث جديد بالنسبه لمصر، وان شاء الله في توسع فيه واوريدي في مصانع دلوقتي بتتعمل لها اتعمل لها الانرجي اوديت وبنحاول نتوسع في هذا الموضوع بصوره سريعه لان ده هيؤدي الى ترشيد كبير ان شاء الله في حجم الطاقه لمصنع في مصر. مؤشرات القياس واضحه جدا قابله للقياس ودي اهم حاجه عشان نقدر نقيس اللي كل اللي احنا بنتكلم عليه ده عظيم ولكن اهم حاجه النتائج الفعليه على الارض، فبالتالي مؤشرات القياس هي اساس كل اللي احنا بنتكلم عليها. واخيرا ليه النهارده احنا بنتكلم على استراتيجيه مختلفه شويه للمره دي ان احنا بنتكلم عن قطاعات وليس منتجات. زي ما انتوا زي ما حضراتكم شفتوا احنا بنتكلم على عمق شديد جدا في تحديد الصناعه، صناعه مغذيه، صناعه تمكينيه، صناعه تكميليه والصناعه المغذيه لغايه ليفل اتش اس كود، فبالتالي بتسهل النهارده بنحط قاعده لكل الفتره اللي جايه ان احنا نقدر نوصل لاستهداف حقيقي علمي للي احنا محتاجينه عشان نقدر نوصل لهدفاتنا. الموضوع مش بس احلال الواردات، الموضوع ان احنا النهارده كدوله عايزين نبقى فين من سلاسل الامداد الدوليه. يعني النهارده انا في صناعه زي الملابس الجاهزه او صناعه زي صناعه السيارات انا عايز ابقى فين على الخريطه الخريطه العالميه لهذه الصناعات مش مجرد ان انا بعمل احلال للواردات فقط. الاستراتيجيه اهم حاجه فيها ان هي تبقى قابله للتحديث على طول لان زي ما احنا شايفين المتغيرات العالميه سريعه جدا وكبيره جدا فبالتالي ما ينفعش ان انا اعمل استراتيجيه النهارده. زي ما قلت دايما الرؤيه هي اللي ثابته، رؤيه الدوله ثابته ولكن اللي ممكن دايما ما تطلب تحديث على طول هو الاستراتيجيه عشان تتناسب مع المتغيرات العالميه. واخيرا المسائله زي ما قلت اهم حاجه النهارده احنا بنقيس ادائنا ازاي وبصوره مستمره عشان نعرف احنا على الطريق الصحيح ولا احنا في حاجه محتاجين نغيرها.
