[0:11]You need to dress smart, jo apka first impression hai. usmein kya dikh raha hai? Apke kapde dikh rahe hain sabse pehle to. Samjhe na? Apki body language bhi baad mein dikhti hai. Body language to tab dikhegi jab aap chalna shuru karoge. Agar aapne us kamre ke andar entry maari hai, koi job interview ke liye aapne ek kamra khola aur ghuse, ekdum se dikhana. Jo dikha, upar se niche tak jaise hi unhone aapko dekha, to kahi na kahi to mind mein ek image ban gayi na? Sir nice jacket. Meri? It must be presentable. What do we mean by presentable? Comfortable, what do you wear? Comfortable matlab nikkar t-shirt mein chale jaayein job interview ke liye? Usse zyada comfortable kya hoga? Situation ke hisaab se dress karna chahiye. Abhi agar ek situation ko hum pakde job interview. Wahan par aap ja rahe ho, wahan par achi, yeh bhi sabko pata hai ki formal hona chahiye, but main yeh puch raha hu ki badhiya dressing sense ka matlab kya hai? Wahan par 100 log aaye hain, saare formal mein aaye hain. Sabne tie lagayi hui hai, sabne shirt pehni hui hai, sabne trousers pehne hue hain, sabne formal shoes pehne hue hain. It must be in your size. It should not be too tight fitted. It should not be too loose, it should not be too tight. One, excellent point. Aur, colour, bahut zyada bright nahi hona chahiye. Matlab Govinda style ke kapde nahi hone chahiye. Laal peele nahi hone chahiye. Aur, neat and clean. Neat and clean hona chahiye, extremely important. Aur uske alawa? Iron, iron honi chahiye. Iron hone chahiye, ye toh basic si cheeze ho gayi. Ab main aapko ek aisa secret bata raha hu, jo agar aapko samajh aa jaye to ekdum se hi aapka first impression hai, woh maan lo hazaar guna better ho jayega, ek jhatke mein. Dekho jo banda interview aapka lene wala hai, woh ek achhi position pe hai ya woh ek kharab position pe hai? Achhi position pe hai. Ismein koi doubt nahi hai. Achhi position matlab financially main baat kar raha hu. Ki financially, uske paas mein achha khaasa paisa hoga. Ismein koi doubt nahi hai. Toh achha paisa hoga to woh branded kapde pehnta hoga ya non-branded pehnta hoga? Branded pehnta hoga. Dekho, aur bhi cheeze matter karti hai. Main yahan par yeh nahi keh raha ki sirf aap badhiya si dress pehan karke chale gaye aur programming ki job ke liye ja rahe ho, aapko A, B, C, D bhi nahi pata programming ki aur aapko job mil jayegi aapke kapde dekhte hi. That is not what I am saying. I am saying sab logon ke paas mein ek jaisi hai, lekin yeh cheeze add hoti ja rahi hain. Matlab 1 + 1 + 1 yeh jo cheeze hum discuss kar rahe hain na smile aur yeh eye contact, handshake, yeh sab cheeze add kar rahi hain. Toh yeh aapke points badhte chale ja rahe hain, overall. Toh ab kapde badhiya hone ka matlab kya hai? Sabne formal pehne hue hain. Dekho, ek bahut bada secret batata hu. Aapko kya karna hai, window shopping ke liye jao. Badhiya se badhiya shopping malls mein. Kharidna nahi hai wahan par jaa karke, jao. Aur wahan par aapko kya karna hai? Sirf yeh dekhna hai ki jo branded kapde hain, unko bariki se observe karna hai. Ki Rs 5,000 ki shirt kaisi hoti hai, Rs 10,000 ki trouser kaisi hoti hai. Rs 12,000 ki belt kaisi hoti hai, Rs 20,000 ke joote kaise hote hain? Dekhne mein tax thodi na lag raha hai. Dekhne mein paise bhi nahi lag rahe hain. Aapne dekha, ab wahan par photo-voto mat kheechana, nahi to woh police bula kar ke jail jaoge saare ke saare. Dekho, dhyan se observe karo ki yeh jo kapde hain, unke colors kaise hote hain, texture kya hota hai. Aur phir aapko jab bilkul clear ho jata hai, ki yeh jo branded kapde hain, ismein aapko ek pattern nazar aayega. Aap dekhoge, dekho yeh aajkal market mein chal raha hai. Toh iska matlab jo banda aapka interview lene wala hai, usne branded kapde hi pehan rakhe honge. Woh Rs 200 ki shirt pehan ke to nahi baitha hoga, for sure. Rs 200 ki aati hai aajkal, nahi aati hai vaise? Aati hai sir. Aati hai? Achha, kya baat hai! Toh mere time mein aur aaj ke time mein zyada farak nahi aaya hai. Kyunki mujhe yaad hai, main paise bachane ke liye, matlab Rs 50 bachane ke liye, yahan pe Delhi mein aapne, aap mein se kisi ne suna hai Mohan Singh Palace ek jagah hai? Haan sir. CP mein hai. CP mein hai. Abhi bhi hai? Haan. Wahan to Rs 100 ke bhi milte hain abhi. Rs 100 ka kya milega? Rumaal? Rs 100 ke quality waise milte hain. Shirt, t-shirt, jeans, mil jaati hai Rs 100 mein? Rs 100 ke cotton milte hain lekin ek to kapda milta hai. Ek mil jaata hai? Arre! Yeh to aur sasta ho gaya matlab mere time se bhi. Mujhe yaad hai aaj se kareeban 20-22 saal pehle main wahan pe jaata tha specially bus pakad kar ke, kyunki wahan pe mere paise bachte the. Pehle main branded jeans dekhta tha ki yeh Rs 10,000 ki jeans kaisi hai. Phir usko dekh kar ke, waisi hi jeans Rs 200 mein banwa kar ke wahan se le aata tha. Same cloth material. Rs 200. Nahi nahi, same nahi hoga. Arre, aap marwaoge yaar. Band karwaoge saare shopping malls. Saare brands bechaare mar jayenge. Same nahi hota, milta julta hota hai. But dekh kar ke koi nahi bata sakta. Kyunki jo aapka interview lene wala hai woh aakar ke chhuega to hai nahi aapke kapde. Ye kya pehan ke aayi hai? Kya hai yeh? Nahi ji, aisa kuchh nahi hone wala hai. But dekh kar ke aapki appearance se ek idea lag jaata hai, dressing sense aapki achhi hai ya buri hai. Toh aapko dekhna hai ki agar tie lagani hai to kaisi tie pehnni hai? Aap ek chamkeeli si tie wahan par pehan kar ke chale ho. Samjhe, ye bahut basic si galtiyan hain jo log karte hain. Woh samajhte nahi hain. Phir kehte hain hamara selection nahi hota hai. Ajeeb se aap ban kar ke wahan pe chale gaye ho. Main yeh keh raha hu ki jitne ki aapne woh tie li hai, woh chamkeeli tie, jo bhi jo satin ki hai ya silk ki hai, usse saste mein aapko aisi tie mil sakti hai jo dekhne mein bilkul branded lage. Dekhne mein Rs 5,000 ki lage. Toh aapki look badal gayi. It also build your confident. It makes you a hell lot of confident. Matlab aapka confidence bahut badh jaata hai iski wajah se. The way you dress, waisa hi aapka confidence nikalne lag jaata hai. If you dress as per the occasion, jo occasion hai, agar usse alag aap dress kar ke jaoge kahi par bhi, to aapka confidence kam ho jayega. Samajh gaye? Kisi disc mein jaoge jahan par sabne party wear pehna hua hai, wahan par aap formal pehan kar ke chale gaye. Jitna marzi dikha lo confidence, baar baar aap yahi sochte rahoge, yaar main kya bevkuf lag raha hu, bevkuf lag raha hu. Sab mujhe hi dekh rahe hain. Sab mujhe hi dekh rahe hain. Aur aap aur conscious hote chale jaoge. Aise hi, agar aap kisi job interview ke liye ja rahe ho aur aapko meri yeh itni si baat samajh aa gayi hai, ki branded jo kapde hain, uski window shopping karo. Joote se lekar ke, aapke socks se lekar ke, aapki jo trouser hai usse lekar ke, belt se lekar ke, uske andar ki cheezon ko chhod do woh dikhega nahi. Aur shirt hai aapki, tie hai. Agar specs pehan rahe ho to specs hain. Hair style. Hair style hai. Hai na? Dekho jahan pe aap branded showrooms mein jaate ho, wahan par jo photographs lagi hoti hai, wahan par dekho un logon ke kaise hair style hote hain, agar formal hai to. Theek hai na? Casual mein alag hoga. Ab casual ke jo hair style hai, woh formal mein mat chipka dena jaa kar ke. Baalon ko colour karaya.
[6:39]So that matters a lot. Aur iska aapko secret samajh aa gaya na? Kya karna hai? Paise utne hi lagenge. Utne ki hi trouser hogi, utne ki hi shirt hogi, utne ki hi tie hogi, utne ke hi joote honge. Bas jo aap le rahe ho usse bilkul alag honge. Strong possibility. Kyunki jab aapne kabhi dekha hi nahi ki is tarah ke kapde kya hote hain, to aapko pata kya hai. Samajh gaye? Jaise maine yeh pehna hua hai, kaisa lag raha hai? Bohot acha. Bohot achha lag raha hai? Yahi Dekho main abhi bhi paise bachata hu. Kitna kanjus hu. Yahi maine ek showroom mein dekha tha. Wahan par yeh tha kareeb kareeb Rs 35,000 ka. Main naam nahi bataunga brand ka, woh thoda marketing ho jayegi. Same, ditto. Aur jo yeh maine liya hai, woh liya hai Rs 2,500 ka, sale mein. Sir, kya baat hai! Badhiya hu ji. Badhiya ka dimag aur Miyan Bhai ki daring. Yahan tak clear ho gaya? Hmm. Ab aage badhte hain. Dressing sense pe bhi hum aa gaye, dressing sense ka pura humne define kar diya. Should wear the decent accessories. Haan, should wear a decent accessories. Ki matlab yeh nahi ki hum ek, ek formal ek interview ke liye ja rahe hain, wahan par tattoo-vattoo banwa ke aur phir pahuch gaye. Agar hamare paas mein aa rahe ho, stylist ki job hai, uske liye aa rahe ho, makeup artist ke liye aa rahe ho, to tattoos hon to achha rahega thoda sa. Toh depending upon ki kya work hai, uske according phir humko woh dekhna hota hai. Hmm. Agar creative kaam hai to wahan pe thoda bahut agar aapne kuchh kar bhi rakha hai ulta seedha to achha hai aapke liye. But agar creative nahi hai, kuchh thoda serious hai to woh company ke culture ko samajhna padega. Uss company ka culture kya hai? Uske according aapko woh dekhna hai, taaki saamne wale bande ko yeh lage ki yeh ismein fit ho jayega ya ho jayegi. Hai na? Aisa nahi hai ki yeh bilkul hi alag ek woh lagegi. Aur koi point reh gaya hai kisi tarah ka? Rap up karein session ko? Hygiene. Extremely important. Let's give a big hand for her yaar. Bahut important. Ab main bataunga nahi kaun hai, but hamari company mein ek banda hai. Main uske sath zyada der tak baith nahi sakta, kyuki woh banda, he's, he's brilliant. Lekin shayad woh jitna bhi deodorant lagata hai woh kam pad jaata hai. Aur shayad mouth wash bhi nahi karta hai dhang se. Toh this is extremely important. Matlab aapko kya karna hai, kahin par bhi jaa rahe ho, achhe se mouth wash karna hai, achhe se. Chaahe chewing gum khao, yeh kaho, yeh soch lo date pe hi jaa rahe ho. Don't think ki aap interview pe jaa rahe ho. Wahan par pyaz kha kar ke nahi jaana hai, lahsun, pyaz, garlic, yeh, woh. Bandhe vaise hi dar jayenge saamne jo bande baithe honge. Yeh kya hai, kaun ghus gaya andar kamre mein? Woh kya, woh kya sochenge? Agar supposingly aap imagine karo ke aap interview le rahe ho kisi ka aur ek aise bande ne entry maari jiske muh se smell aa rahi hai, jiske idhar udhar har jagah se smell aa rahi hai. Aap kya chahoge? Isko bhagao. Jaldi se bhagao. Kya talent hai, kya skill hai, mujhe usse koi matlab nahi hai. Hatao isko mere saamne se. Toh extremely important. Matlab achha deo use karo. Again woh bhi yaad rakhna phoolon ki khushboo ka deo nahi lagana hai. Hota hai na woh phoolon ki khushboo wala perfume hota hai jo ladkiyon ko lagana chahiye aur ladke laga laga kar ke ghum rahe hote hain. Yeh kaun aaya hai, aayi hai, samajh nahi aa raha hai. Dekhne mein to aaya lag raha hai. Chalo isko Aaya hi bana dete hain apne yahan pe. Chal beta toilet saaf kar. Matlab jao kisi achhe shopping mall mein wahan par jaa kar ke dekho jo achhe perfume hain unki smell kaisi hoti hai. Ek achha perfume khareed lo. Aur mouth wash achhe se kar kar ke jao. Face aapka clean hona chahiye. Aap kahin se aaye ho, kahin door se aap travel karte hue wahan tak pahunche ho interview ke liye ya kahin bhi to aapko kya karna hai ke wahan par jaa kar ke thoda sa face wash kar lo fatfat se. Wet tissues hote hain, to woh rakho apne face ko thoda sa clean karo, halka sa sukha lo aise aise kar ke, yeh kar ke. Kehne ka matlab hai ki you should not look unhygienic. You must look hygienic.
