[0:00]Namaste. Iran ke alava ek aur desh aisa hai jahan par bijli nahin aa rahi hai, jahan par bachchon ke paas school nahin hai, college nahin hai, sadkon pe kachre ka dher pada hai.
[0:10]Oil ki supply nahin hai, gharon mein khana banane ke liye gas nahin hai, log bhag-bhag ke us desh ko chhodkar ja rahe hain.
[0:18]Desh ka naam hai Cuba aur ek baar phir se yeh wahi country hai jaise Iran is samay America ke nishaane pe hai, aise hi Cuba bhi America se dushmani ki saza ya keemat chuka raha hai.
[0:32]Sabse pehle baat kar lete hain ki Cuba hai kya bala? Toh dekhiye, Cuba ek chhota sa desh hai.
[0:38]Agar aap world map dekhenge toh kyunki hum world ko aise globe ki form mein dikhate hain aur is side agar hum dekhenge toh hume yahan par likhega jisko log bolte hain Great America.
[0:50]Ab is America mein Florida aur is Florida wale Eastern coast ke paas idhar California hai yeh Mexico, Guatemala, Honduras, Belize, chhote wali countries jo hain yahan Canada, yeh hai Florida.
[1:04]Ab yeh jo Florida hai yahan par, yahan pe main F laga deta hun, this is Florida of America. Florida ke paas mein agar aap dekhenge toh yahan hai Gulf of Mexico.
[1:14]Is Gulf of Mexico ke bilkul is side mein agar koi dekhega toh yahan milegi ek chhotu si country jiska naam hai Cuba.
[1:25]Ek question toh yahi yaad rakhna hai ki Cuba ki capital kya hai? Toh Cuba ke North-West side mein ek city hai jiska naam hai Havana. Havana is the capital of Cuba.
[1:34]Itna chhota sa desh hai yahan pe aur America se mushkil se yeh 100 kilometre ki distance pe hoga. Is country mein bhukhmari chal rahi hai aur aaj ki nahin hai, bahut puraani chal rahi hai.
[1:45]Toh jab bhi Cuba ka kissa aata hai toh mere dimaag mein ek cheez yaad aati hai ke history mein ek jagah aati hai Melos.
[1:53]Agar kisi ne Greek history padhi hai achchhe se, Athens ko padha hai, kisi ne Sparta ko padha hai toh Melos zaroor suna hoga.
[2:00]Toh Melos kya tha? Do bade kingdom the, Athens aur Sparta. In dono ke beech mein ek chhoti si jagah thi Melos.
[2:10]Athens walon ne Melos walon ko bola ki tum humari side mil jao, Sparta se war karenge. Melos ne kaha nahin, na main tumhari side hoon na main tumhari side hoon, main ek sovereign independent nation hoon.
[2:20]Main apne faisle khud lunga. Toh hua kya, Athens ne Melos pe attack kar diya aur Melos ke saare aadmiyon ko maar daala.
[2:28]Yeh kissa jab books mein likha gaya toh wahan par ek bahut gazab ki line aati hai, quote unquote karke main likh raha hun ki a strong will do, a strong man will do everything he can.
[2:38]And a weak man will suffer with every level he should, ki ek taqatwar aadmi har woh kaam karega jo woh kar sakta hai aur ek kamzor aadmi ko har woh dard sehna padega jo use sehna chahiye.
[2:53]Yeh kissa jo hai yeh Cuba ke case mein puri tarah fit baithta hai. Aaj hum baat karne wale hain history mein kisi country ko sabse zyada saza di gayi uski.
[3:02]Toh aaj ka apna topic hai The Cuba Blockade. Cuba Blockade kya hai? Cuba Blockade America Cuba ko saza de raha hai.
[3:13]Aur yeh saza kitne saalon se chal rahi hai? 60 saal ho gaye. 60 years se zyada ho gaye, aaj bhi Cuba ko saza mil rahi hai. Ise kaha gaya hai Blockade.
[3:21]Toh aaj hum iski baat karte hain ki kyun America Cuba ka dushman bana baitha hai aur kyun Cuba phir se news mein hai aur aisa kya hua ki Iran pe effect jo hua, Iran pe jo attack America ne ya Israel ne kar rakha hai uska asar Cuba par kaise ho raha hai?
[3:39]Toh bada interesting topic hai. Toh sabse pehle thoda sa jaise maine aapko bataya ki Cuba yahan padta hai aise hi thoda sa history mein jana padega.
[3:46]Koi zamane mein Cuba Colony hua karta tha, but country ki form mein Cuba sabse pehle news mein aata hai 1959 mein. Hua kya ki Cuba mein ek, ek shasak hua karta tha, ek wahan pe leader hua karta tha jiska naam tha Batista.
[3:59]Ab yeh jo Batista tha, yeh Batista US ka agent tha, America ka agent tha. Wahi, jo kahani Iran mein thi, wahi yahan thi.
[4:09]Cuba ke andar jitni bhi badi-badi companiyan thi, woh saari-saari companiyan America ki thi. Yani, yeh America tha, yeh Florida, yeh coastal area America ka, yeh California.
[4:24]Toh yahan main likh deta hun, America tha yeh aur iske bilkul pados mein yahan par yeh Cuba aaj bhi hai. Lekin Cuba se paisa nikal-nikal ke nikal-nikal ke America jaya karta tha. Everything was good.
[4:36]Phir wahan par Cuba mein ek revolution aata hai. Woh jo revolution laane wala leader tha, bahut logon ne naam suna hoga, Fidel Castro.
[4:47]Google pe dalenge toh aapko aayega bilkul, Fidel Castro. Fidel Castro jo hai yeh revolutionary ideology ke the aur communist the, kattar communist the.
[4:56]Toh Fidel Castro ne yahan par aandolan kiya aur log, Cuba ki janta jo thi woh sadkon par aayi aur unhone America samarthit Batista jo tha uski sarkar ko ukhaad ke phenk diya.
[5:06]Ab aap kahoge sir 2026 mein 1959 ki baat kyun la rahe ho? Bilkul laani padegi. Yahin se toh cheez nikal ke aati hai.
[5:15]Ab 1959 mein jab inhone is sarkar ko ukhaad ke phenk diya toh aate hi power mein Fidel Castro ne sabse pehla kaam kya kiya? America ki jitni bhi companiyan wahan par thi, Amerikiyon ne jitni bhi properties Cuba ke andar kharidi thi, illegally jo occupy kari thi, un sab ka nationalization kar diya, rashtriyakaran kar diya. Matlab Cuba ki zameen mein agar koi factory, badi factory, badi company Amerikiyon ne laga rakhi hai, toh Cuba ne declare kar diya yeh Cuba ki sampatti hogi.
[5:43]Bas, woh time tha 1960 ka jab America ne Cuba se dushmani kari aur yeh dushmani itni tagdi kari ki aaj bhi America us dushmani ko nibha raha hai. Lakhon log jo hain unki zindagi pe question mark lag chuka hai.
[5:56]Ab hua kya ki 1960 mein yeh dushmani shuru hui. Phir America mein dubara hasil karne ke liye apni satta America ne 1961 mein Bay of Pigs, wahan pe ek khaadi hai jisko bolte hain Bay of Pigs, wahan pe attack karwaya.
[6:12]Achchha, yeh jo attack karwaya tha is time Kennedy jo the woh Prime President hua karte the America ke. Yeh attack America ko utna hi mehanga pada jitna aaj Iran ke upar attack mehanga pad raha hai.
[6:24]Us time America ko buri tarah muh ki khaani padi aur America ko yahan se wapas jana pada. Toh Cuba jo tha woh is tarah nazron mein aaya.
[6:32]Ab us zamane mein aapko pata hai duniya mein do hi center of power hua karte the. Is taraf hua karta tha USA aur is taraf hua karta tha USSR jisko aaj aap bol dete ho Russia ya Russia.
[6:45]Ab USSR ka enemy agar koi hai, USSR ka enemy ban gaya Cuba aur Cuba agar iska enemy hai toh USSR bhi USA ka enemy hai.
[6:56]Toh USSR ne Cuba ko kaha ki you are my friend, because mitra ka mitra shatru hota hai, dost ka dost dushman hota hai aur dushman ka dushman dost bahut jaldi banta hai.
[7:05]Toh Cuba jo tha woh bahut achchha dost ban gaya Russia ka. Bahut baar question aata hai 1962 mein ek condition aayi thi jisko kehte hain Cuba Missile Crisis.
[7:16]Cuba Missile Crisis kya the ki yeh America hai, yeh Cuba hai. Toh hua kya ki Cuba Russia ka dost ban gaya toh Russia ne apni missilein jitni bhi atom wali missilein thi atomic weapon jo the woh laake Cuba ke andar set kar diye the.
[7:34]Aur in missileon ke nishaane pe the America ke saare shahar. America ke saare important city jo the woh in missileon ke nishaane pe the. America ne bhi badla lene ke liye kya kiya, laake aur samundar mein apni missilein set kar di.
[7:44]Yeh 13 din tak chala tha. Isko bolte hain Cuba Missile Crisis. Yahan se bhi America ko yeh pata lag gaya tha ki iska matlab yeh hai ki is duniya mein Cuba mere liye problem create kar sakta hai jo mere bilkul pados mein baitha hai.
[7:56]Toh America ne usi time thaan liya tha ki mujhe badla toh isse lena hai. Toh 1962 mein America ne isse badla lene ki yeh karwai shuru ki.
[8:05]Ek aur baat yaad rakhna, yahin se term aata hai nuclear deterrence. Nuclear deterrence kya hota hai ki jab do country ke paas equal power ke atom bomb hote hain toh dono country dhamka sakti hai ek dusre ko, jaldi se attack nahin kar sakti hain.
[8:19]For example, India-Pakistan, for example, India-China, yeh aapas mein ladte rehte hain, Galwan hua, Kargil hua. Ek dusre ke leader jo hain woh bolte bhi rehte hain, hum tum pe atom missile marenge, hum tum pe yeh attack karenge, lekin parmanu hamla ya atom attack jab dono ke paas hathiyar ho toh koi bhi jaldi se karta nahin hai.
[8:38]Isko bolte hain nuclear deterrence. Toh hua kya tha ki Cuba jo tha, Cuba ke paas nuclear weapon tha nahin toh Cuba tha non-nuclear weapon state aur America ke paas nuclear weapon bahut saare hain toh America hai nuclear weapon state.
[8:52]Toh ek nuclear weapon state dusre nuclear non-weapon state ko bahut non-nuclear weapon state ko bahut jaldi dara sakta hai. But Cuba ke sir pe aake baith gaya Russia.
[9:02]Isko IR ki language mein kaha jata hai nuclear umbrella. Nuclear umbrella ka matlab kya hua ki Russia keh raha hai ki Cuba ke paas nuclear weapon nahin hai.
[9:12]But humara nuclear weapon Cuba ki help ke liye bana hai. Aise hai jaise barish ho rahi hai aur mere paas chhata nahin hai lekin koi aap mein se koi aake apna chhata mere upar leke khada ho jaye.
[9:23]Aise Russia aake khada ho gaya tha. Toh us time jo condition banti hai usko kehte hain nuclear deterrence. Deterrence ka matlab dono ke paas hain, attack isliye ruka hai ki dono ke paas hathiyar hain.
[9:33]Toh us time 1962 mein yeh condition hui. Ab yeh condition hone ke baad 13 din baad dono pichhe hat gaye aur nuclear war jo thi woh ruk gayi. Yani hui hi nahin shuru. Lekin uske baad America ne Blockade lagana shuru kiya.
[9:44]Ab Blockade kya hota hai? Blockade ka matlab hota hai pratibandh ki Cuba ko ghot do buri tarah se, charon taraf se gher lo Cuba ko. Toh sabse pehla tarika America ne lagaya trade.
[9:59]America ne kaha sabse pehli cheez America ne kahi ki USA se Cuba ko koi export nahin hoga koi bhi cheez. USA se Cuba ko koi cheez import nahin hogi. Matlab, na toh Cuba se USA mein kuch aayega, na USA se Cuba mein kuch jayega.
[10:13]Aapko hairani hogi sunkar, lekin Florida se 100 kilometer ki duri par Cuba hai. Yahan se 100 kilometer ki duri par hai.
[10:21]Toh yahan se agar oil aata hai, yahan se agar tel aata hai toh usko ek din lagega. Subah chalega, sham tak oil yahan pahunch jayega. Lekin Cuba ko tel Russia se mangana padta hai.
[10:30]Cuba ko tel Venezuela se lena padta tha. Cuba ko tel Iran se laana padta tha, abhi puri kahani samajh mein aayegi. Ab Russia se jab tel aata tha toh lagte the approximately 40 din tel aane mein.
[10:43]Jab Venezuela se aata tha toh do do do ya teen din ke andar pahunch jata tha aur Iran se aata tha tab bhi 8 se 10 din lag jate the. Kyunki America ne saaf bola tha na hum export karenge, na kuch import karenge iske sath.
[10:54]Phir dusre number par inhone kaha finance. Finance matlab kya ki inhone kaha koi America ka bank Cuba ke reference mein Cuba ki koi company ke sath koi transaction nahin karega.
[11:05]Third country, koi aur country, matlab is tarah se jaise USA hai, yeh Cuba hai aur Cuba walon ko USA mein paisa bhejna hai. Toh Cuba wale kya karte the pehle jaise Dubai chale gaye.
[11:17]Dubai ki koi company ko paisa diya ki aap humare liye yeh cheez khareed ke lao. Toh yeh agar ho raha tha toh us par bhi USA wale jurmana lagane lag gaye.
[11:26]Ki tum directly toh khareed hi nahin sakte, kisi ke through bhi nahin mangwa sakte. Koi agar aapki help karega in transactions mein, US dollars arrange karne mein isme toh hum usko bhi jo hai penalize karenge, usko bhi hum dushman manenge apna.
[11:39]Aur phir Swift jo hai, Swift kya hota hai? Jo banks hote hain unke andar international transactions jab hote hain toh unke confirmation ke liye ek networking bana hua hai. Us communication ko kehte hain Swift.
[11:51]Toh Cuba ko usse bhi bahar kar diya. Jaise Iran ko bahar kiya tha, Cuba ko bhi America ne bahar karwa diya ki banking system use hi nahin kar sakte aap humara.
[12:00]Ab jo Cuba tha, uske paas ek do cheezen aur bachi ki bhai bahar ke jo desh hain unse dosti karte hain. Ke chalo theek hai. Toh us time America utha kar ke lata hai Monroe Doctrine.
[12:10]Ab Monroe Doctrine kya hoti hai iski baat abhi aage bataunga. Pehle yeh dekho. Toh inhone kaha ki koi bhi desh agar help karne aayega Cuba ki toh woh America ka dushman mana jayega.
[12:21]Koi bhi jahaz, yeh bahut important cheez thi, koi bhi jahaz agar Cuba ke andar aake rukta hai, kyunki Cuba samundar ke andar hai toh koi bhi jahaz Cuba ke andar aake rukta hai toh ready rehna.
[12:33]Woh country jo Cuba mein apna jahaz bhejegi America ki marzi ke khilaf, woh America ki dushman maani jayegi. Abhi dekhna UN kya kar raha hai yeh bhi bataunga aapko, ajeeb lagega sunke. Phir uske baad America ka jo law hai, US ka jo law hai, yeh jo law humne banaye hain, yeh puri duniya ke liye lagu hote hain.
[12:50]America ne yeh ghoshna kar di. Ab Cuba ka toh gala yun pakad liya apne. Chhota sa country hai. Theek hai, ab dekho. Cuba ke sath hua kya? Toh America ne kaha ki Cuba, yahan do cheezein aati hain, stated reason versus real reason.
[13:00]Stated reason matlab woh karan jo America bata raha hai, UN ke andar, meetings ke andar, discussions mein jo America ne karan bataye woh kya the? Ki kyun Cuba ke sath aisa kar raha hai? Sabse pehla reason ki Cuba toh communist hai.
[13:15]Ab jaise hi Cuba communist hai toh yahan ek sawal aata hai. America se sawal puchha jana chahiye ki agar Cuba communist hai toh kya communist hona gunah hai?
[13:26]Kisi ki koi bhi ideology ho sakti hai. Koi aadmi capitalistic ho sakta hai, koi aadmi mixed ideology ka ho sakta hai, koi socialist ho sakta hai, koi communist ho sakta hai. Hum democracy ki baat karte hain aur democracy mein aisa kaha jata hai ki agar ek aadmi ki opinion ek arab logon ki opinion ke against hai toh bhi us ek aadmi ko yeh right hona chahiye, adhikar hona chahiye ki woh bina dar ke yeh keh sake ki aap ek arab log bhale hi is ideology ke ho lekin main aapki ideology ke against hoon.
[13:55]Kisi ko toh democracy kehte hain, isi ko toh liberty kehte hain aur America kehta hai liberty term humne ijaad kiya hai. Liberty ki baat Olive Branch petition se woh lekar ke aata hai, lekin Cuba ke sath aisa kyun kiya ja raha hai?
[14:06]Sirf isliye ki uski ideology capitalistic capitalistic nahin hai. Toh maan lo woh communist ideology wala hai bhi. Toh usse America ko kya khatra hai? Phir agli cheez kya kaha jata hai?
[14:16]Ki Cuba ke andar human rights ka violation hota hai. Ki Cuba mein manav adhikar jo hain unka ullanghan kiya jata hai. Phir uske baad kaha jata hai ki Cuba jo hai Soviet Russia ka ya Russia ka bahut hi achchha dost hai aur yeh humare against unka dost bana hua hai.
[14:33]Toh yahan par sawal aata hai ki agar Cuba ne Russia ki help ki America ke against ya America ke against Russia ki help li toh aaj America bhi toh Ukraine ki help kar raha hai.
[14:44]Aisi condition mein sawal uthta hai ki aapke pados mein agar koi hai toh kya woh kisi aur ko dost nahin bana sakta? Kya woh kisi aur ke sath trade nahin kar sakta? Sirf isliye ki aapko woh pasand nahin hai, aap us country ko bilkul chok karke chhod doge, bilkul ekdam usko ghot ke rakh doge aap ki aap trade bhi nahin karoge, aapko finance bhi nahin milega, aapko oil bhi nahin milega?
[15:07]Aisi conditions jab aati hain toh us time zikr aata hai Monroe Doctrine ka. Monroe Doctrine kya tha? Monroe Doctrine mein America ka yeh kehna hai ki American area mein, ab American area kaun sa mante hain yeh? Yeh wala ilaka yahan, yahan do continent aate hain. Is jagah aata hai North America, aise aur iske pados mein yahin pe shuru ho jata hai South America. Yeh. Toh America ka yeh kehna hai ki North America, South America including yeh wala area Greenland wala area jo hai.
[15:40]Hai na? Is pure area ke andar woh keh raha hai yeh hai Western Hemisphere. Western Hemisphere bolte hain aadha, koi bhi gola hota hai uska aadha part, ki Western Hemisphere mein America wala jo area hai yahan par agar Europe ya koi bhi bahar wala aayega toh usko America ke against invasion samjha jayega.
[15:57]Toh America ka yeh kehna hai ki main thekedar hoon na sirf is area ka balki in countries ka bhi, in countries ka bhi, is area ka bhi, is area ka bhi, yeh pura area mera hai. Isko kehte hain Monroe Doctrine.
[16:11]Aur is pure area ko kyunki yeh mera area hai aur meri raksha karna mera adhikar hai toh is wajah se Cuba yahan par jo hai jo ki kiska dost hai? Ki sab jo Russia ka dost hai, jo communist ideology ka hai, theek hai jiski ideology humse alag hai us country ko hum tab tak pareshan kar sakte hain jab tak hum chahein.
[16:32]Ab in sab cheezon ke against kya argument aap baat kar sakte ho? Achchha, ek aur baat America ne kaha ki yeh jo Cuba jaise rashtra hain, yeh regional stability ke against hai, regional stability ka matlab humare kitte mein Urdu mein ek word aata hai kitta mein, kitta matlab area mein, ki humare area mein disturbance paida karte hain Cuba jaise rashtra.
[16:53]Theek hai, phir is taraf aate hain. Real baat kya hai? Toh Cuba walon ka yeh kehna hai ki real baat yeh hai ki humne Pax Americana jo hai usko haan karne se mana kar diya.
[17:03]Pax Americana kya hai? Yeh maine pehle bhi bataya tha ki America ki ek policy hai, specially Second World War ke baad America army ke through, NATO ke through, World Bank ke through, Bretton Woods conference ke through, economy ke through, capitalistic ideology ke through, investments ke through, neo-colonialism ke through, ek tarah ki yeh keh rahe hain ki apni grip hasil karna chahta hai duniya bhar mein.
[17:26]Usko kaha jata hai Pax Americana. Toh Cuba ka yeh kehna hai yeh saare bahane hain America ke. Main sirf is cheez ki saza bhugat raha hoon ki main jaise woh Melos khada tha aise main khada hone ki koshish kar raha hoon aur main yeh decide main karunga na ki mujhe Russia se dosti karni hai, America se dosti karni hai.
[17:42]Yeh kahan likha hua hai ki pados mein koi baitha hai toh kisi aur se dosti nahin kar sakta? Kya woh kisi aur ke sath trade nahin kar sakta? Sirf isliye ki aapko woh pasand nahin hai, aap us country ko bilkul chok karke chhod doge, bilkul ekdam usko ghot ke rakh doge aap.
[17:48]Toh yeh ek hui. Dusra Bandwagoning refusal. Bandwagoning kya hota hai ki kiske sath dosti karoge aap? America keh raha hai humse hath mila lo.
[17:55]Humse nahin mila rahe toh hum jin logon ke against hain unke against humare sath khade ho jao. Aisa nahin karega Cuba. Cuba ne mana kar rakha hai. Ab baat aati hai ki yeh toh purani baat ho gayi. Theek hai, ab dikkat kya aa rahi hai? Toh ab dhyan se sunna bahut hi important cheez hai.
[18:09]1962 mein main baar-baar bol raha hun, bachchon ke sath yeh cheez discuss kiya karo. Cuba Missile Crisis hue the. Cuba Missile Crisis kya the maine bataya ki dono country ne apne-apne missile wahan par leke khade ho gaye the.
[18:21]Puri duniya ki saansein yahan atak gayi thi. Sabko lag raha tha ki aaj agar ek missile chal gayi toh duniya barbad kar denge yeh log. Usko kehte hain Cuba Missile Crisis. Toh 1962 mein Cuba Missile Crisis hue aur Russia Cuba ka bahut achchha dost ban gaya.
[18:37]Ab Cuba ko chinta hi nahin thi kyunki us time Russia USSR hua karta tha. 1991 tak Cuba ekdam badhiya zindagi jee raha tha. Kyun jee raha tha? Kyunki USSR se har woh cheez aa jati thi jo America usko nahin deta tha.
[18:50]Lekin sab jante hain 1991 mein jaake khud USSR collapse ho jata hai. USSR ke tukde ho jate hain aur bachta hai uska dost Russia.
[19:00]Russia aaj bhi help karne ki koshish kar raha hai, lekin Russia ke sath problem kya hui hai? Ab dikkat kya aa gayi hai? Cuba ke bure din shuru kab se hue? Russia har cheez de raha tha.
[19:10]But Russia ne khud ek morcha khol diya Ukraine ke against. Ab jo mujhe bachaane ka wada kar raha tha, woh khud war mein laga hua hai. Toh Russia Ukraine ke sath ladne mein busy hai. Russia Europe walon ke samne busy ho rakha hai.
[19:28]Ab Russia Cuba ko kaise help karega? Toh Cuba ka ek hath kat gaya yahan se. Phir dusre number par Cuba ko Russia se jo cheezein nahin milti thi, unmein sabse important, USA se jo nahin milti thi sabse important cheez thi oil. Har country ko oil chahiye.
[19:38]Cuba mein khud mein bhi oil hai. Cuba ke andar 30-40,000 barrel oil per day nikalta hai. But Cuba ki khapat hai 1 lakh barrel. Ab woh jo oil hai woh aayega kahan se? Toh Cuba ko America deta nahin oil.
[19:48]Toh Cuba jo hai ya toh Russia se mangata tha. Ab Russia nahin hai toh Venezuela se aa raha tha. Toh Venezuela se khoob oil aa raha tha. Lekin aapko yaad hoga bure din shuru hote hain toh ek taraf se nahin charon taraf se aadmi ki dholak bajti hai.
[20:04]Ab Cuba ke bure din kaise shuru hue? Aaj se char saal pehle Russia busy ho gaya Ukraine war ke andar toh Russia help karni kam ho gaya. Phir dusre number par Venezuela jo tha, Venezuela ko aapko pata hoga ki Maduro jo hain Venezuela ke jo President hain unko USA ne kar liya arrest.
[20:20]Ab jaise hi USA ne arrest kar liya toh USA ne power mein apne aadmiyon ko bithaya aur oil deal jo thi woh kar di cancel. Ab jaise hi oil deal cancel kar di yahan se oil nahin aa raha, yahan se nahin aa sakta. Ab bacha kya?
[20:34]Toh ab inke paas ek option aur bacha tha. Cuba wale ab oil khareed rahe the Iran se. Iran se kyun aa raha tha oil? Iran se oil aane ki wajah Kautilya ne Arthashastra mein likhi hai.
[20:46]Uske andar aata hai ki kaun kiska dost hoga, kaun kiska dushman hoga. Toh us book ke anusar Iran isliye help kar raha hai, us book mein Iran ka reference nahin diya, usme sirf yeh diya hai ki ari mitra siddhant aata hai Saptang theory aati hai rashtra ki.
[21:02]Usme aata hai ki agar aap dono ke shatru ek hain toh aapko woh cheez mana nahin karega kuch mangne jaoge toh. Toh Cuba ne Iran ki side muh kiya. Iran ne kaha pakka, jitna oil chahiye mere se le le.
[21:13]Toh ab Cuba ke andar oil aur baki sari cheezein Iran se aa rahi thi. Lekin kai baar kehte hain na ki jab aapka naseeb kharab hai toh koi kuch nahin kar sakta. Ab aapko dhyan hoga ek mahina ho gaya, Iran khud war ke andar busy hai. Toh teen jagah se supply aa rahi thi.
[21:26]Russia woh war mein busy ho gaya. Venezuela uske upar USA ne attack kar diya ek tarah se indirectly. Wahan ke President ko lekar ke arrest kar rakha hai. Teesre number par bacha Iran. Iran wala khud hi Iran jo hai gadbad mein phasa hua hai.
[21:40]Toh ab supply aaye kahan se oil ki? Ab ek hi rasta bacha USA ya USA ke dost. Woh de nahin sakte supply. Achchha, aisi condition mein ab aisa mana ja raha hai ki Cuba ke paas ek hi option bachta hai China.
[21:52]Achchha, China jo hai woh partnership toh karke baitha hai inke sath. Cuba ke paas tourism bahut achchha hai. Sugar jo hai uska export karta hai. Lekin aisi condition mein jab puri duniya ke andar state of hormuz band padi hai.
[22:05]Pata hi nahin hai ki gas ka cylinder abki baar aayega ya nahin aayega. Aisi condition mein Cuba ki help China kyun karega? Aur China ne yeh prove kar diya hai, bahut saare cases mein prove hua hai.
[22:15]India-Pakistan ke beech mein Operation Sindoor ke time pe jab conflicts hue the us time China ne yeh prove kar diya ki China ko apna maal bechne se matlab hai. China chhotimoti cheezon mein sir nahin phasaane wala. China ko koi matlab nahin hai UN kya bolta hai.
[22:28]China ko matlab hai mera maal bikega ya nahin bikega. China ko matlab hai yeh cheez mujhe disturb karegi toh main isme hath nahin phasaunga. Isiliye China aap dekhenge Iran wale war ke andar kahin khul ke bol bhi nahin raha hai.
[22:39]China Ukraine aur Russia wale ke andar khul ke nahin bol raha hai. China kabhi nahin bolta hai jab tak ki uski jagah par ya uski cheez par koi hit nahin kare. China toh ulta aise time pe opportunity dhoondhta hai ki main kaun sa maal yahan bech sakta hun bulk ke andar.
[22:54]Ab baat karte hain UN ki ki kya UN kuch kar raha hai kya? Toh aapko jhatka lagega yeh jankar jab main yeh baat bataunga ki United Nations ki baat jab karoge toh aapko pata lagega.
[23:08]Ki UN mein 191, 191 vote, dhyan se sunna, 191 deshon ne Cuba ke sath jo ho raha hai iske against vote kiya hai.
[23:19]191 countries is baat ke against hain ki Cuba ke sath galat kar rahe ho. Yani UN mein resolution pass ho jana chahiye tha. Lekin nahin. USA kehta hai mera jo man hoga woh main karunga.
[23:30]Because mere paas veto power hai, Security Council ka member hoon. Russia keh raha hai main bhi member hoon. But karein kya? UN jab bana tha toh us time uske andar yeh baat likhi gayi thi koi bhi resolution aa raha hai uske against Security Council ka member jo hai woh veto karega aur veto kar dega toh woh resolution pass nahin mana jayega.
[23:47]191 desh Cuba ke sath khade hain, lekin kahan vote dalne wale case mein. Woh yeh kehte hain Cuba ke sath galat ho raha hai. Toh agar galat ho raha hai toh Cuba ke sath kandhe se kandha milakar khade kyun nahin hote?
[24:00]Shayad isliye nahin hote ki jab taqatwar aadmi kamzor ko marta hai toh jo log taqatwar se bhidne ki himmat nahin rakhte woh kamzor ko sirf dilase de sakte hain ki koi baat nahin bhai naseeb hai, kismat hai.
[24:13]Bahaduri se lada, tune yeh kiya. Ab Cuba ke jo log hain unke sath kya ho raha hai? Cuba ke logon ke sath ho raha hai lagbhag lakhon log har roz Cuba chhod ke ja rahe hain.
[24:25]Economy jo thi woh 130 billion dollar ka damage utha chuki hain. Aur Cuba ki baat jab aati hai toh yeh bhi yaad rakhna ki Cuba ke sath itna gadbad hua hai ki Cuba is time pe ladai lad raha hai ki mujhe kisi bhi tarah se koi bhi bacha lo.
[24:43]Yahan par humein sikhne ko kya milta hai? Yahan par humein sikhne ko milta hai ki IR ki duniya mein ideology kaam nahin aati.
[24:52]IR ki duniya mein aata hai compliance ka. Ki kaun aapke sath khada hai, na ki isse ki kiske sath aapke vichar milte hain. Dusri cheez jab bhi kabhi baat aati hai ki kya chhota desh, kya kamzor desh survive kar sakta hai? Yes, survive kar sakta hai.
[25:08]But us desh ke survival ki keemat chukani padegi us desh ke logon ko, us desh ke nagrikon ko. Phir aata hai ki international law without enforcement is just a suggestion. Ke jo international level pe law banaye jate hain, niyam banaye jate hain yeh saare ke saare kya hain? Yeh sirf suggestion hain agar inko implement na kiya jaye toh.
[25:28]Toh yeh thi Cuba ki quick kahani. Hopefully kuch sikha hoga, kuch aapke bhi vichar honge, apne opinions comments mein batana. Wahi mere liye booster ka kaam karte hain. Thank you. Stay happy, stay blessed. Love you all.
