[0:05]السلام عليكم ورحمه الله وبركاته، اهلا وسهلا بكم في الحلقه الاولى بعد المقدمه اللي شرحنا فيها فكره البرنامج، الحلقه الاولى من برنامج هدى للناس. اسال الله سبحانه وتعالى ان يهدينا وان يهدي بنا وان يجعلنا سببا لمن اهتدى. ومن اسم البرنامج مساله هدى للناس، الهدى اعظم شيء بتبحث عنه البشريه. سواء ان هي عايزه تهدى في امور دنياها او عايزه تهدى في امور دينها، وبما ان المسلم قضيه الدين بتشغله، قضيه الهدى قضيه بتشغله. ولذلك كانت فكره البرنامج هدى للناس وزي ما قلنا اول وصف جاء للقران في القران لما جاء القران بوصف باسم القران جاء ان القران هدى للناس وبينات من الهدى والفرقان. وقلنا هنبدا بالمفصل ودي كانت لحظه التغيير الاولى اللي غيرت التاريخ والجغرافيا في الارض وغيرت شكل الارض وغيرت المعايير في الارض كان نزول المفصل على النبي صلى الله عليه وسلم وده اول ما نزل وغير حتى اذا ثاب الناس والناس عندهم قابليه للتغيير. لكن ما ينفعش ندخل في المفصل بدون الفاتحه وهي من اسمها يستفتح بها في كل شيء. واستفتح الله سبحانه وتعالى بها القران ويستفتح بها في الصلاه، وهي اصلا من الصور القصيره. فبالتالي ما ينفعش ان احنا ندخل الى شرح القران او شرح المفصل بدون ان احنا ما نمرش على الفاتحه فقلنا ان احنا ولا سيما البرنامج اسمه الهدى وهي الفاتحه الكلام المحوري فيها طلب الهدى. فاحنا اصلا بنطلب من الله الهدى يعني كل اللي بنعمله ده سواء لانفسنا في ديننا في دنيانا في قبورنا احنا عايزين ربنا يهدينا اصلا. والبرنامج ده عشان ربنا سبحانه وتعالى يبصرنا بما يرضى به سبحانه وتعالى عنا احنا عايزين ايه من هذه الدنيا ولا كل البرنامج والتصوير ده. ان احنا عايزين نهدى، وربنا سبحانه وتعالى علمنا الدعاء بصوره واضحه وصريحه، قال لنا قولوا اهدنا الصراط المستقيم. فبالتالي احنا عايزين نتكلم يعني سريعا كده عن الفاتحه في الحلقه الاولى من هذا البرنامج من باب الاستفتاح من باب طلب الهدى من باب البركه من باب ان هي اصلا فيها تلخيص لكل شيء زي ما هنشرح. يبقى ان شاء الله الحلقه دي كلام سريع عن سوره الفاتحه قبل ما ندخل للمفصل واللي قلنا ان احنا ان شاء الله هنبدا من الحجرات مش من سوره قاف. سوره الفاتحه سوره عظيمه هي لو جينا نتكلم عن الفضائل والمعاني احنا مش هنخلص. ولما اقول مش هنخلص مش عشان انا عندي علم لا ده عشان العلماء كتبوا فيها كتب يعني بعض العلماء كان بيجمع الكتب والتفاسير ورسائل الماجستير والدكتوره اللي اتكتبت في كل سوره من السور وعمل احصائيه وجد ان اكثر سوره اتكتب فيها سوره الفاتحه وبعضهم وعمل احصاء قالوا سوره يوسف او سوره الكهف تمام، فسوره الفاتحه عليها اقبال ولما نيجي نبص على خصائص سوره الفاتحه وبعضهم بيسميها خواص السور يعني لما تبقى عايز تعرف سوره كتب كتب كده سواء الاحاديث والفضائل الوارده في سوره كذا او خواص سوره كذا. فدي بيسموها الفضائل اكثر سوره اتكتب فيها في الفضائل سوره الفاتحه. طب العلماء اللي كتبوا في الفضائل كتبوا منين؟ يعني قعدوا كده يمخمخو احنا حاسين كده ان السوره خلي انا بالفاتحه لا ده النبي صلى الله عليه وسلم صلوا عليه قال لنا بكل وضوح وكان بيعلم اصحابه زي ما علم ابا سعيد لما ساله قال له اعظم كان بيدي له هديه النبي صلى الله عليه وسلم، قال له انا هديك هديه، اعظم سوره في القران سوره الفاتحه. وفي حديث تاني ان اعظم ايه ايه الكرسي يبقى احنا عندنا اعظم سوره واعظم ايه. طيب احنا النهارده بنتكلم عن السور اعظم سوره في القران سوره الفاتحه فلما بيجي يتكلموا عن الفضائل ويجمعوا الاحاديث بيجدوا احاديث واثار ورده عن سلف كتير جدا في سوره الفاتحه ولما يجي يتكلموا عن الاسماء يقولوا اكثر سوره ورد ليها اسماء سوره الفاتحه وعند العرب الحاجه اللي ليها اسماء كتير معناها ان هي مهمه جدا. تمام؟ طيب انا طبعا مستحيل اتكلم لان احنا قلنا منهجنا في البرنامج ده ان احنا نمر مرور سريع مستحيل ان انا اجيب كل الاحاديث ارجعوا لها بقى تمام؟ طيب النبي صلى الله عليه وسلم بيقول ان سوره الفاتحه ما انزل في التوراه ولا الانجيل ولا الزبور ولا الفرقان مثلها. ما فيش سوره زي سوره الفاتحه في اي كتاب سماوي. يعني كل رسالات الله لاهل الارض كل رسالات الله لاهل الارض اعظم سوره في هذه الرسالات سوره الفاتحه. لو انت ما تعرفش سوره الفاتحه دي انت واحد بتسمع، ايه اللي ربنا قاله للبشريه؟ يعني ايه اللي اتقال للبشريه من لحظه خلق ادم الى ان تقوم الساعه ما فيش حاجه اعظم من سوره الفاتحه. ما فيش سوره في اي رساله نزلت من السماء الى الارض ولما اقول ما فيش رساله نزلت يعني ما فيش سوره اعظم من في الرسالات التي نزلت من السماء الى الارض اذا كان انا بتكلم هنا عن كلام الملك. فده طبيعي جدا مهما البشر يقولوا بقى يعني احنا بنتكلم في التفاضل ما بين الرسالات السماويه التي تكلم الله بها فسيبك بقى من كلام البشر يعني اعظم كلام على الاطلاق هو في سوره الفاتحه. العلماء قالوا ايه ده؟ ليه؟ قالوا لان كل المعاني اللي في الكتب السابقه كلها علمناها او لم نعلمها حرفت او لم تحرف كل المعاني دي موجوده في القران. فنحن في غنى عن الرجوع للكتب السابقه احنا مش محتاجين نرجع للكتب السابقه، كل المعاني القران مهيمن على الكتب السابقه، تمام؟ طيب وقالوا ان مجمل كل معاني الوحي مذكوره في سوره الفاتحه ايه ده؟ ده يا جماعه من الرحمه عشان كده السوره مليانه رحمه وبنستفتح بسم الله الرحمن الرحيم وبدات السوره بالرحمن الرحيم من الرحمات ان انا اديك الملخصات. انشوف الطلب يروح للدكتوره يقول طب ما فيش ملخصات طب نذاكر والدكتور لو عايز يرحمهم يديهم ايه؟ الخلاصه بتاعه المنهج. فخلاصه المنهج كله لذلك من اسماء الفاتحه التي وردت في الاحاديث الصحيحه اسمها ام الكتاب. السبع المثاني وام الكتاب ام الكتاب يعني اصل لكل الكتب والسبع المثاني قالوا ان هي سبع ايات. يعني انت في سبع معاني محوريه في حياتك ما ينفعش تسير الى ربنا من غيرها. في تاني بكرر في سبع ايات احنا قلنا في المقدمه الايه علامه بتشاور لك. في سبع منارات في سبع علامات بيشاوروا لك في الطريق اوعى تخسر اي علامه منهم. فقدان علامه من العلامات السبعه دول معناه انك بدات تفقد الطريق ضياع السبع عمرك ما هتوصل. كل ركعه لا يقرا فيها بفاتحه الكتاب فهي خداج خداج خداج كما قال صلى الله عليه وسلم. خداج يعني ناقصه كل سير في الطريق بدون الفاتحه لن تصل. تمام ايه بقى السبع معاني اللي ربنا قال لك انا هوفرهم لك بدل قبل ما تدخل وتوه في التفاصيل انت تكون مركز في سبع معاني مجمله موجوده في سوره الفاتحه ومفصله في القران كله تمام؟ طيب ربنا بيقول بسم الله الرحمن الرحيم احنا هنبدا الفاتحه هنشرح السبع ايات مش هنعتبر بسم الله الرحمن الرحيم وفي خلاف هي الايه من الفاتحه لا وانا قلت ان منهجنا في البرنامج ده مش هطول كتير في الخلافات. فاحنا هناخد ان السبع ايات كما ان احنا عندنا في مصحف اللي موجود عندنا مصاحف الكوفه مصاحف حفص موجود في ان البسمله ايه البس بسم الله الرحمن الرحيم احنا ذلك الحديث لما قال وده اللي احنا هنشرحه حديث النبي صلى الله عليه وسلم ان ربنا بيقول لنا قسمت الصلاه بيني وبين عبدي. قسمت الصلاه هنا قالوا الصلاه الفاتحه. ايه ده ازاي الفاتحه تسمى صلاه زي ما النبي صلى الله عليه وسلم قال الحج عرفه. ما فيش حج من غير عرفه، ما فيش صلاه من غير فاتحه، ما فيش وصول من غير فاتحه، ما فيش هدى للناس من غير فاتحه، ما فيش اي هدى في حياتك من غير استفتاح من غير هذه الفاتحه. وعايزين نشوف ايه اللي موجود؟ ايه الكنوز دي؟ انا قاعد اشوقك بقول لك في كنز اعظم كنز نازل من السماء للارض، ايه اللي في الكنز ده؟ هنحاول نشوف مع بعض، تمام؟ طيب يبقى هم سبع ايات قال الله سبحانه وتعالى في الحديث قسمت الصلاه قالوا لي الفاتحه بيني وبين عبدي. يقول عبدي العبد هيبدا هنا الاستفتاح: الحمد لله رب العالمين، فالايه بدات هنا الحديث بدا بالحمد لله رب العالمين، يبقى دي رقم واحد ده اول معنى ما ينفعش الضياع، احنا قلنا معانا ايه؟ سبع علامات، سبع ايات، سبع منارات. الحمد لله رب العالمين يقول الله حمدني عبدي. الرحمن الرحيم فيقول الله اثنى علي عبدي. مالك يوم الدين القراءه المتواتره اخرى ملك يوم الدين فيقول الله مجدني عبدي وفي روايه فوض الي عبدي. دول ثلاثه هم احنا قلنا هم كام؟ هم سبعه. فاذا قال اياك نعبد واياك نستعين قال الله هذا بيني وبين عبدي دي اللي في النص. ولعبدي ما سال يبقى في ثلاثه العبد قالهم لربنا. وفي حاجه في النص اياك نعبد احتاج العبد واياك نستعين عطاء الرب للعبد. وبعد كده العبد عايز ايه؟ العبد له ثلاث حاجات يعني قدم لربنا بثلاث حاجات واحده في النص وبعدين ثلاثه اهدنا الصراط المستقيم دي كام؟ دي هتبقى كام؟ احنا لسه لنا خمسه وسته وسبعه واحده في النص وثلاثه في الاول، تمام؟ اهدنا الصراط المستقيم صراط الذين انعمت عليهم غير المغضوب عليهم ولا الضالين ده الترقيم اللي موجود في المصاحف الاخرى. اللي احنا هنشرح الصوره على انهم سبع ايات يبقى انا عندي ثلاثه ثناء وثلاثه طلب وفي النص بتحدد وجهتك وبتعرف نفسك. تمام؟ يبقى سوره الفاتحه ببساطه ثلاث ايات لربنا وثلاث ايات طلبك وايه في النص قسمت الصلاه بيني وبين عبدي. ومن اداب العبد من اداب العبد مع الله انه قدم اللي لربنا قبل ما يقول لنفسه ما دخلش على طول يقول اهدنا الصراط المستقيم. تمام؟ يبقى الفاتحه سبع حاجات اول علامه اول مناره في حياه اي مسلم الثناء على الله. هنكتشف يا جماعه ان الفاتحه عشان اجيب لكم الخلاصه الفاتحه ثناء ودعاء والمعلومه اللي في النص اياك نعبد واياك نستعين، الفاتحه عباره عن ايه؟ ثلاثه ثناء وثلاثه دعاء. حياه المسلم تدور بين الثناء والدعاء، هذا من علامات فتح الله على العبد ان معظم حياته تكون ثناء ودعاء. اللي حياته تخلو من الثناء وتخلو من الدعاء حياته مقفوله ما فيش فتح ما فيش فاتحه في حياته، حياته مضلمه حياته ما فيش فيها هدى. مش هتوصل من غير ثناء ودعاء حياه المسلم حياه العادي الموظف الداعيه المجاهد حياه اي انسان لازم تدور بين الثناء والدعاء. ولما ربنا اختار لك تثني عليه بايه؟ يعني ربنا ما قالكش اثني علي بثلاث ايات واختار طلب وده يكون هو اللي انت هتمشي عليه في كل ركعه لا. ربنا اختار لنا نعمل ايه؟ اختار لنا كيف نثني عليه علمنا الله يا رب انا بحبك.
[11:48]ونفسي اثني عليك بس مش عارف اقول ايه فربنا علمنا لذلك بعض العلماء يقول الحمد لله رب العالمين معناها قولوا الحمد لله رب العالمين يعلمنا الله كيف نثني عليه تمام؟ طيب. الحمد لله الثناء الكامل لله. الثناء يقول غير الشكر، الشكر انا عملت لك حاجه، لا الحمد لله ده تثني على الله سبحانه وتعالى لانه هو الله. لذلك الحمد لله ايه؟ يعني الحمد لله الذي انزل على عبده الكتاب ولا الحمد لله الذي خلق السماوات والارض؟ ولا الحمد لله فاطر السماوات والارض ولا الحمد لله الذي له ما في السموات يعني الحمد لله الاربع سور اللي انا قلتهم دول اللي بدات بالحمد الانعام والكهف وسبق وفاطر الحمد لله على حاجه معينه هنا الفاتحه لا الحمد لله رب العالمين الحمد لله ان هو ربنا. الحمد لله ان انت ليك رب انت بتروح لواحد تقول له احمد ربنا ان انت في اسره بتهتم بيك او واحد احمد ربنا انك في مدرسه كويسه او واحد احمد ربنا انك في جامعه كويسه. احمد ربنا ان انت ليك رب الحياه بدون الرب مش مش متصوره ولن تكون الحياه باعراضك عن الرب جحيم. اذا كان انت الرب سبحانه وتعالى موجود ويبسط يده بالليل يتوب مسيء النهار ويبسط يده بالنهار يتوب مسيء الليل والحياه بالاعراض عن الرب ده جحيم. فانت بتقول الحمد لله ان هو رب رب يقولوا المالك المصلح المدبر ويعيش بقى مع معنى الرب اللي بيدبر لك كل حياتك اللي بيربيك بكل حاجه. بيربيك انت بس لا لا لا رب العالمين كل ما سوى الله عالم. ويقولوا العالم ده زي الخاتم بيدل على ربنا الخاتم ده اسم اله فالعالم ده له وظيفه زي ما الخاتم له وظيفه العالم له وظيفه ايه وظيفه العالم؟ بيعرفك ربنا. بتبص على السماء من الذي خلق السماء بتبص على الارض بتبص على الجبال بتبص على الزرع بتبص في نفسك وفي انفسكم افلا تبصرون العالم كله يدل على الله سبحانه وتعالى. فانت بتقول اول علامه للسير الى الله الحمد لله رب العالمين تاني حاجه هذا الرب رحيم الرحمن الرحيم. يعني ما ينفعش تمشي في الطريق من غير رحمات ومش هنفصل بقى ما بين يعني الرحمن الرحمه الواسعه والرحيم الخاص بالمؤمنين زي ما قلنا احنا منهجنا المشي السريع، ربنا اختار ثلاث اوصاف. الحمد لله رب العالمين الرحمن الرحيم مالك او ملك يوم الدين لان الناس بتقول ايه ده؟ رحمن رحيم فين الرحمات اللي في الحرب اللي موجوده في غزه؟ فين الرحمات اللي موجوده في المجاعات؟ فين الرحمات وانا حقي ما رجعليش وانا اتظلمت؟ ايوه ما ربنا بيقول لك في حاجه اسمها يوم الدين كله هيخضع كله. كل الناس هتخضع تاتي لحظه يقول الله فيها لمن الملك اليوم. ما حدش هينازع دلوقتي في ناس بتنازع والله سبحانه وتعالى يمهلهم دلوقتي في ناس بتدعي انها تملك من الامر شيئا. سوف ياتي يوم يعترف الكل انه ليس له من الامر شيء، ما لهوش حاجه، الكل خاضع، الكل ذليل. بل المتكبر ده يحشر كامثال الذر النمل الناس تدوس عليه يطاهم الناس باقدامهم، مالك يوم الدين كله خاضع. ربنا سبحانه وتعالى فقط يملك هذا اليوم يبقى انت في ثلاث علامات في حياتك انت محتاجهم قبل ما تطلب من ربنا. ايه؟ انك تكثر من الثناء على الله. دايما تحسن الظن بالله الله رحيم ربنا عمل لنا التكليفات دي لانه رحيم، اوعى تسيء الظن باي شرع من تشريعات ربنا. اوعى تبص على اي تكليف من التكاليف وتقول ده ليه وده صعب انت مش عارف بس ان هو رحمن رحيم. قبل ما ربنا يكلمنا عن التكليفات في سوره البقره ويقول في اخرها لا يكلف الله نفسا الا وسعها يقول لك انا الرحمن الرحيم. وكل حاجه بتعملها ما بتضيعش عند ربنا مالك يوم الدين، طيب انت قدمت الثلاث علامات اللي انت محتاج تدور فيهم في حياتك الحمد لله رب العالمين الرحمن الرحيم مالك يوم الدين. من انت وماذا تريد؟ يا رب انا عبدك واريد منك المعونه ببساطه. انا داخل اتقدم لوظيفه وبقول لهم انا دي وظيفتي بس عايزكم تساعدوني. ما حدش هيشغلك كده غير ربنا. يعني انت رايح تشتغل وريني مؤهلاتك انا مؤهلاتي ان انا فقير انت جاي تقدم السي في بتاعك وريني كده السي في بتاعك في ايه؟ ايه ده السي في بتاعك انك غلبان؟ انك ما بتعرفش تعمل حاجه؟ انك عايزني انا اللي اساعدك في كل خطوه؟ اه ده السي في بتاعي ده السي في اللي هيدخلك عند ربنا. دي الحاجه اللي تقبل بيها. اكثر باب تدخل بيه لربنا باب الفقر باب الاحتياج انك تقوله انا عبدك ومعيش حاجه انا غلبان. يعني انا جاي لوظيفه العبوديه بلا شيء. بلا اسباب اياك نعبد انا عبدك فقط لذلك قال اياك الاول يعني اعبدك وحدك. الكلمه دي اياك نعبد توقع حاجات كتير قوي توقع عبد الدينار والدرهم والمناصب والمراكز. اياك نعبد دي تخليك الوجاهات الاخرى تسقط. واياك نستعين توقع كل الاسباب فخلاص بقيت تقول ايه؟ انا بك واليك، انا ما ليش غيرك وجهتي واحده. تخيل الكلمه دي انت بتكررها في كل ركعه. تخيل تعريفك لنفسك عشان ما تنساش من انا وماذا اريد انت كل ركعه بتقولها بس احنا بنقولها بسرعه وبننسى. اياك نعبد واياك نستعين، عايز ايه؟ انا يا رب عبدك واطلب منك المعونه واياك نستعين. طبعا اياك نستعين دي انا بحب الكلمه دي قوي يعني نفسي اعمل درس كامل عن اياك نستعين لانها فعلا كلمه مريحه. كلمه في ظل الاسباب الكثير والسي فيهات والوظائف والمناصب وتقلبات الحياه وظائف تطلع وظائف تنزل ودول تطلع ودول تنزل. التقلبات دي تخلي القلب قاعد هلوع طب ما اتعلق بده ولا بده ولا بده ولا فلان هو اللي هيضبط لي مصلحتي ولا فلان ده اللي هيشغلني؟ انا كنت قاعد بظبط السي في بتاعي عشان شغلانه وطلع كل ده راح الشغلانه دي طير كل ده ده انا همشي في المسار ده ده انا هكلم فلان فلان ده هيظبط لي فلان مات. اياك نستعين تخليك هادي. حتى فلان اللي معاه ده هو عبد عند ربنا. المنصب اللي معاه ده وديعه عند ربنا. ربنا ممكن يخليه يجيبها لك غصب عنه. ربنا ممكن يخليها تاتي اليك وهي صاغره الدنيا. تاتي اليك وهي ذليله واياك نستعين فعلا كلمه في الزمن اللي احنا فيه ده ان الانسان خلق هلوعا. اذا مسه الشر جزوعا ايه ده مسه الخير منوعا، قاعد يحوش شويه حاجات والعمله تروح وبعدين يكلم فلان قاعد مضطرب. اياك نستعين قدمت بالثناء على الله، حددت وجهتك وعرفت نفسك، ايه طلبك؟ ايه الطلب اللي ربنا اختاره؟ الطلب الوحيد اللي ربنا قال لك مش هتوصل لي من غيره. ايه الطلب اللي انت كمسلم الطلب ده لازم يبقى شاغلك؟ الطلب اللي انت لما ترفع ايدك وتدعي طبيعي انه يكون اول طلب على لسانك. اللهم اهدنا في من هديت طبيعي ان يكون اول دعاء عندك اهدنا الصراط المستقيم. يعني طلع الكنز اللي متحوش في كل الكتب السماويه وكل مجمل معاني القران طلع الموضوع طلب الهدايه بعد الثناء على الله، اه هو ده. يعني البشريه لو تاهت عن طلب الهدايه كل الحياه دي تطلع ما لهاش لازمه، اه ما لهاش لازمه. انت عايز تقنعني ان كل الملايين والمليارات والعمارات ايوه كل ده حضرتك هينهار اخر الزمان. ان شاء الله لما نوصل لجزء عامه وتقرا اذا الشمس كورت واذا النجوم انكذرت واذ واذا السماوات انفطرت واذا السماوات انشقت كل ده هيروح. انت اللي معظم الحاجات دي هيجي تخيل كده لو قاعد يوم القيامه وبتفرج على الحاجات دي وبقت انهار يا خساره الامارات دي وقعت والحاجات دي باظت، ايوه ما هي جايه عشان ان جعلنا ما على الارض زينه لها لنبلوهم ايهم احسن عملا وبعدين وانا لجاعلون ما عليها اللي هي الزينه دي صعيدا جروزه كل ده خلاص، عارف انت لما قاعدين متظبط لجنه الامتحان وقاعدين نرص الترابيزات وبتاع وتعبنا في رص لجنه الامتحان وعملنا كاميرات مراقبه وحطيت مش عارف ايه وقعدنا فتره طويله نجهز في الامتحان. كل ده تجهيز للامتحان بعد الامتحان شيل بقى الكاميرات وايه ده انت هتهد ده ما خلص مالهوش لازمه ده كان عشان الامتحان. لنبلوهم ايهم احسن عمل ده كان امتحان شيل بقى اللجنه خلاص، الارض دي اتغير بيضاء نقيه وتروح بقى مكان ثاني وخلاص اليوم الدين الجزاء. مالك يوم الدين كلمه محوريه بعد الرحمن الرحيم مش معنى انه هو رحمن ومش هيحاسبك مش معنى انه هو رحيم مش هيسالك ده بالعكس هذا من كمال رحمته وعدله سبحانه وتعالى. تمام؟ يبقى انت قلت اياك نعبد واياك نستعين اهدنا الصراط المستقيم. يعني ربنا له صراط مستقيم بيوصل له منهج له طريقه انت عايز تعرفها. يعني ربنا سبحانه وتعالى ما ينفعش تعبده بهواك بمزاجك باختياراتك لا لا لا ربنا له صراط مستقيم عايز اعرفه قول اهدنا. عايز اوصل قول اهدنا، ايوه طب ما في ايات نزلت وفي احاديث واحنا مسلمين. يعني معلش في سؤال هو اللي يقول اهدنا الصراط المستقيم ده اللي هو احنا يعني اللي هو انا وانت وكده لكن العلماء بقى الكبار دول معقول هيقولوا اهدنا يعني الصحابه كانوا بيقولوا اهدنا دول الصحابه ايوه بيقولوا اهدنا. والنبي صلى الله عليه وسلم كان بيقول اهدنا، ايه ده؟ يعني كل الناس محتاجه الهدايه في كل لحظه في كل حاجه اه. هو انت لذلك بعض المفسرين اعترض قال في ناس بتفسر اهدنا زدنا هدى. عشان يعني المؤمنين لما يقولوا اهدنا يبقى زدنا هدى لكن الكافر لما يقول اهدنا يعني وصلنا لا لا قال حتى المؤمن في تفاصيل تفاصيل حياته محتاج الهدايه. ايوه الايات والاحاديث بتشرح لك المنهج تفاصيل المنهج واللي يناسبك ايه ما يعرفوش غير ربنا سبحانه وتعالى. انت في كل اختيار المفروض كان يعلمنا الاستخاره كما يعلمنا السوره من القران انت زي ما انت محتاج القران محتاج الاستخاره محتاج الاستعانه هي دي واياك نستعين. انت ما تعرفش اي حاجه. القران اول لما نزل قال لك خد بالك انت ما تعرفش حاجه، اقرا باسم ربك الذي خلق خلق الانسان من علق، اقرا وربك الاكرم الذي علم بالقلم علم الانسان ما لم يعلم، قال لك انت ما بتعرفش حاجه. انا القدير وانا اعلمك اول ايات نزلت بتعرفك من انت اي حقيقتك. فبالتالي اهدنا الصراط المستقيم ده دعاء اصطفاه الله في كل ركعه. الكنز اللي مجموع فيه معاني الوحي ومجموع فيه معاني الكتب السابقه اللي هو ايه؟ ثناء ودعاء ايه الدعاء؟ الدعاء اهدنا وايه الثناء؟ رب العالمين والرحمن الرحيم ومالك يوم الدين. الثلاث حاجات دول ما يتنسوش، انه رب العالمين اوعى اي مشكله تنسيك ان رب العالمين. اوعى اي ازمه تناسيك ان الرحمن الرحيم، اوعى اي ظلم يناسيك مالك يوم الدين، اوعى اي اسباب تخليك تغطى وتنسى مالك يوم الدين، اوعى تنسى الثلاث حاجات دول، اوعى تنسى انك عبد. اياك نعبد واياك نستعين، اهدنا الصراط المستقيم، اسال الله سبحانه وتعالى ان يهدينا الصراط المستقيم، صراط الذين انعم الله عليهم. ونعوذ بالله ان نكون من المغضوب عليهم ونعوذ بالله ان نكون من الضالين، اقول قولي هذا واستغفر الله لي ولكم سبحانك اللهم وبحمدك اشهد ان لا اله الا انت استغفرك واتوب اليك والسلام عليكم ورحمه الله وبركاته.
