[0:00]بسم الله الرحمن الرحيم، اهلا بكم يا باشمهندسين، النهارده هنتكلم عن موضوع جديد وهو اللاند سكيبنج ديزاين. طبعا ناس كتير بنشوفهم في السوق بيتكلموا عن اللاند سكيبنج وازاي بيعملوا الديزاين وفي ناس في جدل طبعا كبير جدا انه ايه علاقه المهندسين الزراعيين باللاند سكيبنج ديزاين واللاند سكيبنج ديزاين المفروض يكون اكثر له علاقه بالمهندسين المعماريين ولغط كبير على الموضوع ده، فهنا هندي نبذه بسيطه كده عن الموضوع والموضوع ماشي ازاي في الاسواق وعشان الناس اللي حابه يبدا المجال ده يبقى عارف هو هيبدا ازاي. اللاند سكيب بيتفرع لو انا عايز اشتغل في الديزاين بتاع اللاند سكيب هيبقى في كذا حاجه ممكن اشتغل فيها. اول حاجه ان انا اكون خريج طبعا هندسه معماريه وده بيكون دارس لاند سكيب بس مش دارس النباتات بشكل موسع زي ما احنا بندرسها في كليه الزراعه او في قسم الزهور ونباتات الزينه. بيقدر طبعا يعمل لاند سكيب شكله جميل جدا بس بيبقى عنده شويه في الناحيه النباتيه فيها مشاكل شويه. النوع الثاني اللي هما المخططين المعماريين او اللي هما خريجين الايربان بلانينج او التخطيط العمراني دي جامعه ثانيه مخصوص موجوده في القاهره تمام؟ برضه بيبقى خبرتهم اكبر باللاند سكيب ودول بيبقوا تخصصهم تخطيط المدن ودول اقدر ناس ان هم يعملوا شغل بمساحات كبيره جدا يعني زي بياخدوا المدن من بابها ناس بتاعه التخطيط العمراني بتقدر تشتغل على مدينه كامله ودول اقدر ناس ان هم يعملوا تخطيط للاند سكيب. بس برضه نفس الحكايه فيهم شويه ان هم ما عندهمش دراسه موسعه للعناصر النباتيه زي ما احنا بندرسها بس هم دول اكثر ناس بيشتغلوا على مساحات كبيره جدا وبيطلعوا شغل كويس جدا. النوع الثالث طبعا اللي هو احنا كمهندسين زراعيين بنشتغل في مجال اللاند سكيب واحنا بيكون الجزء بتاعنا اسمه اللاند سكيب جاردننج. او بمعنى ان احنا بيبقى تخصصنا اكثر للنباتات وان انت بتدي بقى النصائح ازاي نستعمل العنصر النباتي ده في الديزاين وايه اللي يحقق رؤيه المهندس سواء المهندس المعماري او مهندس التخطيط في وجهه نظره في التصميم. طيب انا كمهندس زراعي لو انا مثلا دلوقتي عاوز اشتغل بقى انا في في التصميم هل انا اقدر اشتغل في التصميم؟ مفيش مانع ان انت تقدر تشتغل في التصميم بس هتحتاج شويه تدعيم للمعلومات اللي عندك. في كورسات بتتاخذ في دبلومات بتتاخذ في موضوع اللاند سكيبنج ديزاين وساعتها تقدر تطور نفسك وتشتغل في موضوع الديزاين. هنا احنا هنتكلم على موضوع الديزاين بشكل عام وللاسف برضه انه عشان اشرح الديزاين نفسه لازم ورش لايف عشان ابين ازاي التكنيك بتاع الشرح بس انا هحاول هنا اشرح لكم الاساسيات وازاي ان احنا بنبدا نعمل التصميم والكلام ده كله. هنبص كده حاجه يعني مبدئيا على تعريف اللاند سكيبنج ديزاين هو طبعا في معظم الاماكن اللي في العالم بيعتبروه واحد من الفنون التطبيقيه عشان نعمل لانه طبعا فن في جزء فني كبير وفي نفس الوقت كمان هو داخل في تقنيات اللي هي ازاي احنا بنرتب العناصر كلها عشان نعمل مساحه جماليه موجوده في الطبيعه. بالنسبه لتوزيع العناصر ديت حاجه يعني ما فيهاش صح وغلط. دي حاجه راجعه وظيفيا يعني ايه وظيفيا يعني انا مثلا دلوقتي لو سي انا بعمل فيلا مثلا الفيلا ديت هتحتاج انا بقعد مع الشخص اللي هو طالب الحاجات ديت في الفيلا او صاحب الفيلا هيقول لك انا عايز واحد اثنين ثلاثه اربعه وانت كمهندس انت اللي بتوظف له الحاجات ديت وتكون بشكل علمي صحيح. فممكن حاجات كثير مثلا يكون هو طالب في حاجات طبعا بتكون ما بتتحققش وظيفيا فانت بتشرح له وانت كمهندس دورك ان انت والله ده الحاجه ديت مش هينفع تتحقق الحاجه ديت هتتحقق الحاجه ديت عشان نحققها لك ممكن نحققها لك بالشكل ده فتختلف من من شخص للثاني.
[9:32]طيب انا هنا هنتكلم بقى على التايبس او الانواع بتاعه اللاند سكيبنج ديزاين تايبس الفورمال ديزاين والناشرال ديزاين والميكس ديزاين.
[13:27]فديت من الحاجات المميزه للشكل الهندسي او الفورمال تمام؟ دايما بيكون كمان زي ما احنا شايفين ان هي مفتوحه عناصر العناصر كلها ظاهره كده قدامنا في الحديقه ومدى الرؤيه بتاعها واسع جدا. امثله كثيره جدا للنظام الهندسي في بعض الحدائق الفرنسيه بالشكل ده طبعا الحدائق الفرعونيه كانت بالشكل ده فديت من الحاجات المميزه للشكل الهندسي او الفورمال تمام؟ دايما بيكون كمان زي ما احنا شايفين ان هي مفتوحه عناصر العناصر كلها ظاهره كده قدامنا في الحديقه ومدى الرؤيه بتاعها واسع جدا. امثله كثيره جدا للنظام الهندسي في بعض الحدائق الفرنسيه بالشكل ده طبعا الحدائق الفرعونيه كانت بالشكل ده طبعا كانت بتتميز ان ليها نظام هندسي واحنا دلوقتي هنشرح التايبس بتاعته وفي كمان الحدائق الاشوريه والبابليه وكان من اشهر حاجه فيها ان هي طبعا بتتعمل حدائق معلقه زي حدائق بابل طبعا المعلقه والحدائق الفارسيه ديت كانت بعد ما غزو الفرس غزو الاشوريين وبعد كده خدوا الحدائق بتاعتهم وبداوا يتطوروا فيها وعملوا فيها شويه تطوير كبير وهم كانوا اول ناس عملوا وبداوا يعملوا الحدائق الغاطصه و واستعملوا عناصر كثيره جدا في الحدائق بتاعتهم وكمان في الحدائق الهنديه والحدائق الرومانيه والحدائق العربيه في الاندلس طبعا دي برضه كانت نقله كبيره في الاندلس للحدائق بناء على ايد العرب تمام؟ وكمان في حدائق ستايل ثاني خالص مختلف عن الحدائق الثانيه اللي احنا تكلمنا عليها ديت وهي الحدائق اليابانيه وكان فيها تركيز كبير جدا على الاشجار والصخور استخدموا الصخور بشكل كبير جدا وكمان في الحدائق الايطاليه والحدائق الفرنسيه والحدائق الانجليزيه زي ما قلت ده تاريخ الحدائق ممكن نبقى نتكلم عنه في محاضره ثانيه بشكل مفصل لكن سريعا انا حبيت بس اقول لكم نبذه سريعه كده عن تاريخ الحدائق لانه زي ما قلت في كتب خاصه اصلا مخصوص بتتكلم عن التاريخ هي ميزه التاريخ بتاع الحدائق ان هو بيوريلك المدارس التصميميه اللي هي للناس بتشتغل بها دلوقتي بدات ازاي؟ وايه الاساس كل واحده منها؟ دلوقتي احنا هنتكلم بقى على المدارس التصميميه او الطبيعه الاسلوب الديزاين في كل واحد من المدارس دي. هي بتنقسم في ناس بتقول ان هم نوعين تمام؟ وفي ناس طبعا حطت فصلت النوع الثالث ده لانه النوع الثالث ده هو ميكس ما بين النوعين الاولانيين فحطوه في نوع منفصل كده وهم الثلاث انواع دول الفورمال ديزاين والناشرال ديزاين والميكس ديزاين. هنشرحهم كده بالتفصيل على الرسومات والصور اللي قدامنا دي. اول حاجه الفورمال الفورمال ديزاين او الهندسي هتلاقيه زي ما احنا شايفين كده اشكال الهندسيه هي اللي طاغيه على التصميم. بنلاقي ممر رئيسي هو اللي قاسم الحديقه بالنص وبعد كده في الممرات الفرعيه حتى كمان بنقسمها الحديقه بشكل منتظم كل الحاجات فيها هتلاقي فيها حاجات منتظمه دوائر منتظمه الاشكال المربعات اشكال منتظمه بيتيح لنا هنا ان انت مثلا في تقليم الاشجار وكده هتلاقي التقليم مقصوص برضه باشكال هندسيه دايما بيستعمل فيها العناصر المائيه بشكل زي ما احنا شايفين كده كمان كل الحاجات ديت يعني من السمات المميزه للشكل الهندسي او الفورمال تمام؟
[13:45]دايما بيكون كمان زي ما احنا شايفين ان هي مفتوحه عناصر العناصر كلها ظاهره كده قدامنا في الحديقه ومدى الرؤيه بتاعها واسع جدا. امثله كثيره جدا للنظام الهندسي في بعض الحدائق الفرنسيه بالشكل ده طبعا الحدائق الفرعونيه كانت بالشكل ده
[14:03]حاول اقول ان الستايل الهندسي مش مش محبذ في اماكن كتير تمام؟ لانه بتحس ان هو فورمال يعني هو حتى من اسمه فورمال كده فمش كل الاماكن بتفضل ان هي تشتغل بالنظام ده. النظام الثاني على عكزه تماما اللي هو زي ما قلنا النظام الطبيعي. النظام الطبيعي زي ما احنا شايفين هتلاقي معتمد كله على الكيرفات صعب جدا انك تلاقي فيه خطوط هندسيه. حتى هنا في البلان او في الصوره اللي انا حطيتها لكم دي هتلاقي كلها كيرفات وحاجات طبيعيه صخور كده هتلاقي النباتات حتى معموله بشكل مش عشوائي بس غير منتظم عشان يبين كانه طالعه بشكل طبيعي. حتى هنا في البلانانت كمان باين التوزيع بشكل ايدي الكيرفات اللي موجوده اهيت والنباتات تحس ان هي بشكل غابه شويه. التداخل هنا كمان بين عناصر الهارد سكيب ومحطوط الصخور وكده كل ده بيديني الاحساس الطبيعي. وده مفضل لناس كثير جدا بتحب الستايل ده دايما بيبقى في يفضل في المساحات المتوسطه والصغيره لانه بيدي اختلاف شويه لان انت في المساحه الصغيره لو جيت تعمل مثلا نظام هندسي هتكون فورمال قوي وصعبه ان انت تعملها فيفضل ان انت تعمل النظام الطبيعي ده في حاجات الصغيره والمتوسطه وهيبقى شكله افضل كتصميم. النوع الثالث هو النوع بقى المودرن الجديد اللي الناس كلها دلوقتي متجهه ليه وهو ميكس ديزاين ميكس ديزاين بيدمج بين الناشرال والفورمال. لو هنشوف هنا في الديزاين اللي قدامنا ده هتلاقي في حاجات جايه كيرفيتشر اهيت زي ما احنا شايفين وفي حاجات ثانيه جايه خطوط مستقيمه وحاجات جايه فيها حاجات تدرجات كده اشكال يعني طبيعيه. فهو ده النظام الميكسد وده طبعا زي ما قلت هو المنتشر دلوقتي وناس كثير بتتجه للاتجاه ده لان هو ده الدارج دلوقتي وهو بي بيحقق اكبر كفاءه من الناحيتين ان انت كفاءه وظيفيه وكفاءه جماليه كمان في نفس الوقت. التنسيقات طبعا زي ما قلت بشكل عام ان انت لما بتيجي تعمل التنسيق لازم تكون دارس كويس جدا انت هتعمل ايه وبتخطط ازاي وهتقابل العميل عشان تعرف انت هتعمل ايه وتحدد بناء على المقابله بتاعتك ديت هنبقى نتكلم كمان بالتفصيل عن ازاي ايه الخطوات اللي احنا بنعملها لما بنيجي نبدا الديزاين بس احنا كل ده بنتكلم في الاساسيات الاول ازاي بنعمل الشغل او الافكار العامه للتصميم والناس اللي بتشتغل في التصميم بتشتغل بناء على ايه. طيب في حاجه بقى دلوقتي اللي هي القواعد العامه لتصميم وتخطيط الحدائق تمام؟ الاول البرنسبلز المبادئ تمام؟ المبادئ ديت لازم نكون عارفينها كويس جدا لان ما فيش مشروع اللي لازم تكون متحققه فيه المبادئ دي. المبادئ ديت هم سبع مبادئ معروفين في ناس كانت بتقول ان هم سته بس هو معظم الكتب والمراجع هم حاطينهم سبع مبادئ اوكي؟ اول حاجه اول المبدا الاولاني اللي هو الديزاين اكس الديزاين اكس او اللي هو محور التصميم. محور التصميم يعني ايه؟ الخط الرئيسي اللي بيعدي في الديزاين يعني انت مثلا هتلاقي تبص الديزاين كده حتى لو كان هندسي ولا طبيعي او اللي هو المكسد اللي احنا تكلمنا عليه هيكون باين هنا جدا معانا في الصورتين انا حاطط لكم معظم هتلاقي معظم المحاضره عباره عن صور لان هو اللاند سكيب بيعتمد على ان احنا بنتفرج على الشغل ونحلل الشغل تمام؟ ان احنا بنعمل زي كيس ستادس انت بتاخد الكيس دي معموله قبل كده وبتقعد تعمل لها دراسه وتحليل عشان تطلع افكار جديده ومثلا والله هنا كان في عيوب هنا في مميزات وبتبدا تسجل الحاجات دي كلها عندك عشان تبني رؤيه عندك انت كمهندس ديزاين بعد كده تقدر تستغل الحاجات ديت في تصميماتك بعد كده وتدخلها في تصميماتك وتبقى عارف والله ايه العيوب وايه المميزات. فهنا محور المحور التصميم هنا لو شفنا في التصميم الهندسي ده محور التصميم هو الخط ده تمام؟ لو هنبص كده هو اللي ممر ده او الووك واي ده من اوله لاخره هو ده اللي قاسم التصميم بشكل منتظم والناحيه الثانيه كمان في محور ثاني اهوت ثانوي محور ثانوي يعني ده محور رئيسي وده محور ثانوي. طيب بالنسبه لهنا للتصميم التصميم الطبيعي ده تمام؟ او المكسد تمام؟ في عندي برضه محور رئيسي. المحور برضه عشان نبقى عارفين هو مش شرط يكون قاسم المشروع نصين بس ممكن يكون هو رابط الحاجات العناصر المهمه في التصميم. يعني مثلا هنا اهوت ده المحور الرئيسي اهو تمام؟ هو رابط مثلا ما بين مدخل الحديقه او هنا المنطقه اللي هي منطقه الدخول بتمشي كده كده عشان توصل مثلا للسيتنج اريا الرئيسيه اللي موجوده مثلا في الحديقه. فده هو المحور الرئيسي اهوت بتاع الحديقه جاي كده وجاي كده وجاي كده ورايح كده فده مش لازم زي ما قلنا حتى في التصميم سواء الهندسي او المكسد فانت لازم بتحط المحور التصميم. وبيكون واضح عندك بيبقى زي محدد كده للمشروع تمام؟ الحاجه الثانيه رقم اثنين هي اليونتي اليونتي او الوحده او يعني ايه ان انت يكون التصميم بتاعك في اتحاد كده مش مش مبعثر التصميم لا ان هو لازم يكون مترابط مع بعضه تمام؟ ان انت انت بتعمل فكره انت لما بتيجي تعمل فكره فبتحط مجموعه افكار والله انا عندي ديت ودي الفكره دي والفكره دي والفكره دي فانت لازم تعمل ترابط ما بين الافكار دي تمام؟ وعشان تعمل ترابط بين الافكار ديت لازم يكون التصميم بتاعك في وحده او ترابط زي ما احنا شايفين هنا الديزاين اللي قدامنا ده حاطط عناصر كتير والوحده بتاعته ان هو عامل مثلا الكونسيبت ان هو شغال بالشكل الدائري فعامل الدوائر بتاعته في ترابط هنا بين العناصر اهوت المشيات الترابط ده واصل للمبنى هنا المبنى الرئيسي اهو ففي ترابط مع كمان عناصر النباتات وبدا يعمل الترابط ده بشكل كويس جدا فهو ديت موضوع اليونيتي او الوحده تمام؟ الحاجه الثالثه السمبليستي او البساطه يعني ايه انا مش مش قصدي البساطه انه يكون التصميم بسيط ان انا اقلل العناصر اللي فيه لا مش ده المقصود بتقليل العناصر وعشان كده انا حطيت لكم الصوره دي تبين ان هنا مش مش مقلل العناصر هو الراجل مستعمل عناصر كثير جدا بس البساطه في في الفكره في ايه ان هو رايح ناحيه الطبيعي اكثر. يعني مش مثلا انا اقعد اعمل كيرفات كثير كده مثلا عايز اعمل كيرفات واحد اثنين ثلاثه اربعه اعمل كيرفات كثير جدا لا انا مش عايز كده الكيرف هنا شوف ماشي بسيط كده سموس ناعم كده تحس ان هو ماشي ناعم اهوت من اوله لاخره الكيرف كده جاي مظبوط مش هاقعد بقى اطلع وادخل ادخل واطلع هنا ده هو ده اللي مقصود بالتعقيد في التصميم وملوش لازمه وبيضيع شكل التصميم لكن البساطه في التصميم هي ده المقصود بها ان هو يكون الخطوط متناسقه مع بعضها ومتماشيه مع بعضها حتى هنا لما حط عناصر كثير برضه شكل التصميم متناسق وشكله جميل وهي ديت ده المقصود بالبساطه في الموضوع ده. رقم اربعه تمام؟ عندنا البروبورشن والبنس البروبورشن اللي هي النسب تمام؟ او التنسيب والبالنس طبعا التوازن. فلازم تعمل حسابك ان انت تاخذ بالك من الحاجتين دول مهم جدا ليه؟ لان التناسب النسبه والتناسب في العناصر ماشي لو لو مفيش نسبه وتناسب هتحس ان الموضوع خرج عن السيطره والتصميم بتاعك بقى شكله وحش. يعني مثلا مثال هنا للنسبه والتناسب احنا شايفين البيت اهو انا حاطط هنا او يعني المصمم هنا حاطط النباتات اللي هي بتاع تجميل المبنى قدام المبنى بالشكل ده متدرجه بشكل كويس جدا واصله لغايه هنا الليمت بتاع الشرفه او النافذه اللي عنده فالنباتات ما وصلتش لغايه النافذه بحيث ان هي تدري على النافذه فالنسبه والتناسب هنا ماشيه بشكل كويس جدا.
[24:23]التوازن بقى او البالانس يعني ايه ان انا اكون عامل حسابي انه مثلا ده مثال هنا للتوازن في شجره هنا قدامها بترد عليها شجره هنا الناحيه الثانيه في شجره هنا وشجره هنا الناحيه الثانيه بشكل متوازن. بس مش معنى كده ان انا خصوصا لو رجعنا تاني هنا للسلايد بتاع التصميم التصميمات الهندسيه التوازن فيها بيكون بالشكل ده سيمتري يعني ايه سيمتري يعني اليمين زي الشمال شجره هنا يبقى شجره هنا شجره هنا يبقى شجره هنا شجره هنا يبقى شجره هنا لكن بالنسبه للتصميمات اللي هي الطبيعيه اكثر او المكسد بيكون التوازن مش شرط يكون فيها تقابل. يعني مثلا ممكن تكون شجره هنا بس في الناحيه الثانيه مثلا عنصر ثاني مثلا عنصر مائي او مجموعه ثانيه مجموعه شجيريه ثانيه بشكل مختلف يعني مش لازم نفس الشجره زي التصميم الهندسي. وده اللي بيدي الجمال برضه زي ما قلنا لتصميم المكسد يعني انا ممكن مثلا يكون عندي شجره هنا يبقى الناحيه الثانيه مثلا احط نافوره بنفس القوه بحيث ان انا يبقى عنصر الجذب اليمين نفس عنصر الجذب الشمال او يعني بنفس القوه ف ايه يديني التاثير انه في توازن من الناحيتين وهو ده المقصود بالتوازن. رقم خمسه الفرايتي الفرايتي يعني ايه؟ التنوع تمام؟ التنوع بيدي قوه جدا للمشروع بتاعك بس ده مش معناه ان احنا نعمل تنوع بقى بشكل كبير جدا. التنوع بيكون في ايه؟ في النباتات بس انت مثلا لما تيجي تشتغل مش معنى كده ان انت هتحط والله نباتات كثير بالتالي ان انت مثلا هتبقى طلعت من المجموعات النباتيه من المجموعه النباتيه الثانيه الثالثه الرابعه ساعتها هتلاقي نفسك مش عارف تظبط التصميم بتاعك ويطلع شكله ملخبط زياده عن اللزوم. لكن لا المقصود ان انت انت هتعمل تنوع بس تنوع بشكل مقبول بحيث ان انت تعمل تنوع بين النباتات مع الوان الازهار كمان الالوان بتاعتك بتاعت عناصر الهارد سكيب كل ده بيعمل تناغم مع بعضه وبيدي الفرايتي او التنوع بشكل كويس جدا تمام؟ احنا هنشوف هنا في فاريشن بشكل كويس جدا في عناصر الهارد سكيب اختار اللونين الابيض والدارك جراي طالعين شكلهم جميل جدا حتى في النباتات لما اختار النباتات هنا المسطح الاخضر وبعد كده حط نباتات هنا مستخدم اشباه نخيل ونخيل كثير جدا شكلها جميل جدا و ادى العنصر الالوان كثير.
[28:00]اللي عايز اقوله كمان ان انت لو لو هنلاحظ وانا بتكلم على اي واحد على اي مبدا من المبادئ اللي انا بتكلم عليها دي في اي صوره من الصور اللي انا عرضتها قبل كده او العناصر او الصور اللي انا عرضتها بعد اللي هعرضها بعد كده هتلاقي ان الموضوع متحقق في كل العناصر اللي احنا تكلمنا عليها يعني مثلا اول حاجه احنا قلنا محور التصميم رقم واحد لو بصينا في الصوره دي هنلاقي ادي محور التصميم اهو اللي هو الخط الرئيسي اللي ماشي مبين للمشروع كله وهكذا وهنا برضه نفس الحكايه فكل حاجه كل عنصر من العناصر اللي احنا اتكلمنا منها ان احنا تكلمنا عليها في كمان الوحده اللي هي اليونيتي برضه هتلاقي ان هنا في ترابط بين العناصر كلها عشان كده معمول الوحده متحققه كمان البساطه السمبليستي زي ما احنا شايفين شكل الشكل جميل جدا ومحقق البساطه بتاعته حتى هنا اللي احنا نحسه ان هو شويه يعني مستخدم عناصر كثير جدا لكن الكيرفات بتاعته جايه سلسه جدا بشكل جميل والنباتات جايه متداخله مع بعض بشكل جميل جدا في توازن وفي كمان تناسب فزي ما قلت اي صوره من الصور اللي احنا هنشوفها في البرزنتيشن هتلاقيها محققه معظم العناصر اللي احنا بنتكلم عنها في المحاضره دي. هندخل بعد كده على الكومبينيشن الكومبينيشن يعني ايه؟ يعني الترابط او الارتباط. انت لازم تحقق الترابط ما بين العناصر بتاعتك يعني ما ينفعش تكون الحديقه بتاعتك او الديزاين بتاعك تحس ان انت العناصر بتاعته متباعده لا لازم العناصر دي كلها يكون فيها ترابط ازاي؟ ان انا مثلا الخطوط بتاعتي تبقى متداخله او او فيها تماس بحيث ان انا مثلا اوصل من نقطه للثانيه بسهوله تمام؟ همم ما يبقاش مثلا من في نقط كده في ناس مثلا تلاقي عامل الووك وي ماشي ملوش ملوش قصدي ملوش قصدي هدف رايح كده الى ما لا نهايه او مثلا رايح ماشي ماشيه الووك وي خبط في حيطه او كده كل الحاجات ديت بتبقى غلط في الكومبينيشن بتاع التصميم او اللي هو الارتباط بتاع التصميم. انا برضه هنا لو هنشوف الترابط عامل ازاي؟ ممكن يستخدم الترابط النباتي شكله جميل جدا هنا القص شكله جميل جدا عامل فيه ترابط بشكل كويس جدا ومترابط العناصر عناصر ده هنا في عنصر مائي مع الهارد سكيب هنا وادي العنصر النباتي ومترابطين بشكل جميل جدا مع المبنى كمان هنا البرجوله اللي احنا شايفينها ديت معموله سيتنج اريا شكلها جميل جدا مع عنصر مائي بسيط وفي نفس الوقت المشيات بتربط ما بين هنا وهنا وواضح ان ديت كمان مشايه ثانيه رايحه لاتجاه ثاني بتكمل الشغل فده الترابط اللي مقصود اللي مقصود هنا وزي ما قلنا كل صوره هتلاقيها محققه معظم العناصر الثانيه اللي احنا بنتكلم عليها. الحاجه الاخيره المبدا الاخير اللي هو الاتساع الاتساع اكثر احنا بنستعمله في الحدائق الصغيره. طبعا الحدائق الكبيره هي كده كده انت عندك مساحه واسعه فبالعكس ساعات كمان بتحتاج ان انت تبقى عامل بتحط شويه حواجز نباتيه او كده عشان تدي خلق عنصر المفاجاه ان انت مثلا وانت ماشي يبقى دي كانها مرحله اولى في التصميم دي مرحله ثانيه في التصميم دي في الحاجات المساحات الكبيره لكن المساحات الصغيره بنحتاج ان احنا نعمل شويه خداع بصري عشان يدي لنا احساس بالاتساع وده بيتحقق عن طريق شويه حاجات زي ان احنا مثلا نحط البلانت او النباتات اللي احنا هنزرعها تبقى على الجناب شويه وبتدي بتخلي الشجر مثلا في اواخر الحديقه هنا هتبان معانا شويه زي ما قلنا البلانتات محطوطه جانبيه وهنا في نفس الحكايه برضه هتلاقي هنا السيتنج اريا ديت بشكل كبير اكيد ديت اللي هي مرتبطه بالبيت على طول او اللي هو التراس المرتبط بالبيت وحاطط سيتنج اريا ثانيه هناك في الاخر اهيت بحيث ان اللي قاعد هناك هيبقى عنده الفيو ده كله واللي قاعد هنا عنده الفيو ده كله قدامه وبال
[33:55]التالي هيقدر ان هو يبان قدامه المساحه بشكل كويس. همم ديت كانت المبادئ الرئيسيه في التصميم اتمنى ان شاء الله ان انتم تستفيدوا منها وباذن الله نكمل مع بعض في محاضرات جايه باذن الله والسلام عليكم ورحمه الله وبركاته.
