اختصارات فيجوال ستوديو لازم تعرفها | VS Code

[0:00]في كده مجموعه من المهارات اللي وجودها عند المبرمج بيوفر عليه كتير جدا من الوقت الضايع. وتوفير الوقت ده بيخليه قادر يركز اكثر على الحاجات اللي مهم يركز عليها، المهارات دي زي التاتش تايبنج او الكتابه السريعه. وانه يكون بيستخدم الادوات او التوز اللي بيستخدمها بشكل اكثر فاعليه وشكل اسرع. وواحده من اهم الحاجات اللي ممكن تخليك تستخدم محرر الاكواد او الكود اديتور بتاعك بسرعه هي معرفتك بالشورت كاتس او الاختصارات بتاعته. علشان كده في الفيديو ده هقول لك على مجموعه من الاختصارات في فيجوال استوديو كود هتسهل عليك الدنيا وتخليك تستخدمه بشكل اسرع. يلا بينا. السلام عليكم ورحمه الله وبركاته، واهلاً بكم في فيديو جديد. في البدايه ما تنساش تدعمنا بلايك علشان ده بيفرق جدا في انتشار المحتوى وبيساعد بشكل كبير. فيجوال ستوديو كود هو محرر الاكواد الاشهر والمحبب عند كتير جدا من المبرمجين عشان كده اخترت اننا نتكلم عن الاختصارات بتاعته. طبعاً الاختصارات اللي هنستعرضها دلوقتي هي الاختصارات الاكثر شيوعاً واستخداماً ولكن مش كلها عشان بس وقت الفيديو ما يطولش. ولكن هسيب لك في الديسكربشن ان شاء الله برضه رابط فيه كل الاختصارات الخاصه بفيجوال ستوديو كود ودلوقتي يلا بينا نتعرف على شويه مهمين جدا من الاختصارات اللي انت هتساعدك لما تستخدمها في فيجوال ستوديو كود. اول اختصار معانا خالص وهو اختصار زرار الهوم. زرار الهوم لو انت واقف في وسط الكود بالمنظر ده كده او في الاخر وجيت ضغطت على هوم في الكيبورد هتلاقي المؤشر بتاع الماوس جه قدام خالص في اول السطر. وده ياخدنا للاختصار الثاني وهو زرار الاند. لو انت واقف في نص السطر كده او واقف في اول السطر وعاوز تروح لاخر السطر بتضغط على زرار الاند. بتلاقي مؤشر الماوس اتنقل لاخر السطر زي ما انت شايف كده. طيب ماذا بقى لو انت عاوز تعمل سلكت للرو ده كده على بعضه؟ هتيجي تقف في الاخر كده وبعد كده تعمل شيفت وبعدين هوم. شفت عمل سلكت للرو او الصف اللي انا واقف فيه كله او السطر اللي انا واقف فيه بضغطه الزرار. انا واقف كده في اخر الصف او في نصه مثلا وعملت كنترول هوم هلاقي بيعمل سلكت من اول النقطه اللي انا واقف فيها لحد اول السطر تمام كده. فلو انا واقف في اول السطر هيعمل سلكت للجزء الاولاني فعشان كده لما اجي استعمل الاختصار ده لازم اكون واقف في نص السطر او في اخر السطر او عند الحته اللي انا محتاج انسخ اللي قبلها. لو انا عايز انسخ مثلا الجزء ده من اول الجزء ده كده لحد الاول هعمل شيفت وبعدين هوم هينسخ لي الجزء ده. وبرضه بنفس الطريقه لو انا عايز انسخ من اول هنا كده لحد الاخر هعمل شيفت وبعد كده زرار الاند. هيحدد لي من اول ما انا كنت واقف لحد اخر السطر فعشان كده لو عاوز اعمل تحديد او سلكت للسطر كله هقف في اول السطر خالص وبعدين اعمل شيفت وبعدين اند هيعمل لي تحديد او سلكت للسطر كله للاخر. طيب ماذا لو بقى انا واقف في مكاني ما جوه الكود وعاوز ان انا اطلع لاول نقطه خالص جوه الملف بتاعي؟ هعمل كنترول وبعدين هوم هيودي لي المؤشر لاول نقطه خالص في الكود بتاعي في اول سطر خالص. طيب ماذا لو عاوز انزل لاخر سطر خالص في اخر السطر؟ هعمل كنترول وبعدين اند بنفس الطريقه هنزل لاخر سطر خالص على الجزء اللي في اخر الكود. الاختصار اللي بعد كده هو الكنترول وبعدين سهم يمين. لاحظت كده حصل ايه معايا؟ ان انا كنت واقف قبل كلمه كونتنت وبعدين لما عملت كنترول وضغطت السهم اليمين جه السهم وقف بعد كلمه كونتنت او بعد الكلمه اللي انا واقف قبلها. تعالى نجرب كده كمان كنترول وبعدين يمين هتلاقيه بيعمل ايه؟ بيعدي كل كلمه ويدخل على اللي بعدها. وبرضه بنفس الطريقه لو انا عاوز اروح للكلمه اللي قبلها بعمل كنترول وبعدين اعمل السهم الشمال هيرجع معايا يقف عند اول الكلمه اللي قبلها. طيب لو انا دلوقتي جوه الملف ده وعاوز اقفله بسرعه جدا؟ كنترول ومعانا الدبليو هيروح قافل الملف بتاعي بكل سهوله من غير ما اقعد اضغط على الاكس او علامه الكلوز. تعالى نفتح الملف بتاعنا تاني. لو انا دلوقتي جوه فيجوال ستوديو كود وعاوز اعمل نيو فايل من غير ما اروح اعمل فايل وبعدين نيو فايل والكلام ده. كنترول ان هي كفيله انها تعمل لي نيو فايل ووقت ما اجي اسيفه هيتسيف في المكان اللي انا عاوزه. فهاجي في اي مكان وانا فاتح الادتور كده واعمل كنترول ان هيعمل لي فايل جديد هيبقى اسمه انتايتلد 1 او 2 او اي رقم يعني. طيب ماذا لو انا عاوز افتح نافذه جديده او نسخه ثانيه خالص من الفيجوال ستوديو كود؟ هعمل كنترول وشيفت وبعدين ان هيفتح لي فيجوال ستوديو كود في نافذه ثانيه خالص غير اللي انا فاتحها فيه. طيب لو انا عملت دلوقتي مثلا شيفت واف 6 ايه اللي حصل؟ هلاحظ ان هو بيعمل عمل التاب في الويندوز العاديه يعني لو انا فاتح ويندوز عاديه خالص زي الويندو دي مثلا الويندو دي مثلا وعاوز اتنقل ما بين الجزء ده للجزء ده واختار الحاجات اللي انا عاوزها. بعمل تاب تاب تاب لحد ما ايه اتنقل ما بين كل جزء موجود في الويندو او الاكسبلورر ده. نفس الطريقه برضه الشفت والاف 6 هنا جوه الادتور بيعملوا نفس العمل يعني لو خدت بالك اهو شيفت واف 6 اهو بيتنقل ما بين الويدجتس اللي انا عايزها. يعني انا دلوقتي جوه الاريا بتاعت الكود عملت ويندوز وقصدي عملت شيفت وبعدين اف 6 لقيت نفسي رحت للجزء بتاع الفايل اكسبلورر اللي موجود هنا واقدر اطلع وانزل واختار الملف اللي انا عاوزه وافتحه من غير ما امسك الماوس. وبرضه اعمل شيفت اف 6 عشان ارجع جوه الكود تاني زي ما انا كل ده من غير ما امسك الماوس خالص. طيب الاكسبلورر ده بتاع فيجوال ستوديو كود اقدر ان انا اعمل له اكسباند واقفله من غير الماوس او من غير ما اضغط عليه. اه ينفع عن طريق كنترول بي. كنترول بي تقفل لي الاكسبلورر ده وبعدين تفتحه لي تاني بص بالمنظر ده كده. من غير ما انت تروح تعمله كلوز بنفسك بالماوس من هنا لا تعمل كنترول بي هيفتح ويقفل معاك بكل سهوله. طيب لو انا عاوز اعمل سلكت لكلمه معينه جوه الكود بتاعي هعمل شيفت وبعدين اروح يمين او شمال، هلاقيه بيتحرك معايا حرف بحرف لحد ما اختار الكلمه اللي انا عاوزها. اعمل شيفت وبعدين يمين عشان اوسع الاختيار بتاعي واعمل شيفت وبعدين شمال علشان اضيق الاختيار بتاعي. وبرضه لو انا واقف في اخر كلمه وعاوز كت الكلمه كلها من ورا اعمل شيفت وبعدين اعمل شمال كده هتلاقي الكلمه برضه باكسباند الناحيه اللي انا واقف عكسها. يعني لو انا واقف كده في النص وعاوز اروح اختار الكلمه اللي قبلي بعمل شيفت وبعدين شمال، لو انا عاوز اختار الكلمه اللي بعدي هعمل شيفت وبعدين يمين فهو باكسباند في الناحيتين الاثنين ناحيه اليمين وناحيه الشمال بيسلكت حاجه اسمها الهامب او كانه بيفتح دراعاته كده بيختار من اليمين والشمال الكلمه اللي من يمين واللي من شمال بيفتح لك او بيوسع لك الرينج بتاع الاختيار. انا بعمل يمين اهو كنترول وشيفت وبعدين يمين اهو شفت بيفتح دراعات يمين وشمال بنفس المنظر كده. وبرضه شيفت الت وبعدين شمال بيضيق الاختيار بتاع الهامب بيضيق الاختيار بتاعك. طيب لو انا عاوز اسيرش على حاجه جوه الكوماند باليت جوه فيجوال ستوديو كود اعمل ايه؟ هعمل شيفت كنترول وبعدين بي هيفتحها لي اكتب فيها اللي انا عاوزه. ونفس الحركه برضه تقدر تعملها عن طريق انك تضغط اف 1 في الكيبورد على طول وانا شايف ان ده اسهل بكتير. طيب ماذا لو انا عاوز اقفل مش الملف اللي انا فاتحه، لو انا عايز اقفل الملف اللي انا فاتحه بعمل كنترول دبليو. طيب كنترول دبليو قفلت الملف اهو لا انا مش عايز اقفل الملف اللي انا فاتحه. انا عاوز اقفل الهول ويندو بتاعت فيجوال ستوديو كود، عاوز اقفل فيجوال ستوديو كود على بعضه هعمل ايه؟ هعمل كنترول وبعدين شيفت وبعدين دبليو. بص ايه اللي حصل؟ البتاع كله قفل. طبعا مش محتاجين نعيد ونكرر موضوع انك ينفع مثلا تعمل سلكت لحاجه زي كده وتعمل كنترول سي فتعمل كوبي وبعدين تنزل هنا وتعمل بيست. كنترول سي كنترول في اظن حاجه شائعه جدا لمعظم الناس اللي بتستخدم الكمبيوتر عموما يعني وكنترول اكس بتعمل كت او بتشيل النص خالص او كنترول اكس بتشيله خالص تقدر تعمله بيست في اي حته ثانيه. دي حاجات بديهيه مش هنتكلم عنها او احنا بالفعل دلوقتي قلناها يعني فـ يعني خدها في الاعتبار. طيب لو انا دلوقتي واقف على سطر معين والسطر ده عاوز انقله فوق او تحت اعمل ايه؟ هعمل الت وبعدين فوق او تحت، هعمل الت وبعدين فوق او تحت. هقف في اخر السطر او حتى في اول السطر واعمل فوق او تحت مع ان انا ضاغط على الت. طيب ماذا لو انا عاوز اعمل دوبليكيت او اكرر السطر ده؟ الطريقه التقليديه ان انا بروح عامل كده وبعدين اخذه كوبي وبعدين انزل انتر واقعد انتر لحد ما اكرره لا. دي طريقه قديمه جدا ويعني مش هتخليك بني ادم يعني 10 اكس فاستر زي ما بيقولوا. احنا ايه اللي هنعمله؟ هنقف في السطر وبعدين نعمل الت وبعدين شيفت وبعدين لو عايز اكرره فوق هضغط فوق لو عايز اكرره تحت هضغط تحت تمام كده؟ الت شيفت فوق او تحت على حسب المكان اللي انا محتاج اكرر او اعمل دوبليكيت للسطر ده فيه. يعني مثلا بص كده السطر ده تعالى نحطه في النص هنا ما بين الاثنين دول اهو نزلناه في النص اهو انا عايز اكرر السطر ده لتحت او فوق اعمل ايه؟ الت شيفت فوق اعرف منين ان هو اتكرر فوق؟ هلاقي الارو بتاع الماوس في الحته اللي هو الجديده في الدوبليكيتد رو يعني الرو الجديد مش الرو القديم. تمام كده تعالى اوريك برضه الت شيفت تحت بص نزلت تحت لاني كررته هنا تحت كرررت ده اللي انا كنت واقف فيه تحت. والماوس جه واقف هنا معنى كده ان انا كررته ايه تحت. طيب لو انا عاوز امسح السطر اللي انا فيه؟ المفروض ان انا بسلكت السطر كده وبعدين اعمل له ديليت لا دي برضه طريقه قديمه. اقدر اقف في اي مكان في السطر وبعدين اعمل كنترول وشيفت وبعدين كي. السطر اتمسح بكل سهوله. خلينا ارجعه ثاني كده انا مثلا محتاج تعالى دوبليكيت الحته دي كده عشان خاطر ايه اشرح لكم عليها. اهو اعمل كنترول وبعدين شيفت وبعدين كي اتمسحت اطلع فوق ثاني اهو كنترول شيفت كي مسح برضه السطر اللي انا واقف فيه. طيب ماذا لو بقى انا عاوز اعمل كومنت؟ المفروض ان انا دلوقتي في اتش تي ام ال مثلا عاوز اعمل كومنت اعمل ايه؟ هعمل كنترول وبعدين سلاش هلاقي الكومنت بتاعي اتعمل باللغه اللي انا موجود فيها. اقدر استخدم الموضوع ده في ايه ثاني؟ استخدمه لو انا عايز الغي سطر معين من الكود اخليه ما يشتغلش بدل ما اروح اقعد اعمل الكومنت بتاعي بشكل مانوال او بايدي هقف على اللاين بتاعي وبعدين اعمل كنترول وبعدين سلاش. شوف ايه اللي حصل؟ اللي حصل ان هو حول لي السطر ده لكومنت، عايز الغيه بقى هعمل شيفت الت وبعدين اي هيلغي لي الكومنت ويرجع لي السطر زي ما كان. طيب اخر حاجه بقى عشان نختم الفيديو بتاعنا وهي ان انت لو انت عايز تسكرول جوه الملف بتاعك معظم الناس بتعمله انها بتعمل سكرول اب داون عن طريق الاسهم فوق وتحت كده ولكن ده بيحرك المؤشر بتاع الماوس معاك. لو انت عاوز تثبت مؤشر الماوس في حته معينه وما يتحركش معاك وتنزل تحت وتطلع فوق جوه الملف تقدر تضغط كنترول وبعدين فوق او تحت هتلاقي الملف بيتعمل له سكرول من غير خالص ما المؤشر الماوس يتنقل من مكانه اول ما ترجع في نفس الحته هتلاقي مؤشر الماوس واقف زي ما هو زي ما انت سايبه بالظبط. دي كده كانت مجموعه من الاختصارات اللي ممكن تفيدك لو انت بتستعمل فيجوال ستوديو كود. لو الفيديو ده عجبك ما تنساش تضغط لايك علشان المحتوى ينتشر لان ده بيفرق جدا في انتشار الفيديو. ونشوفكم ان شاء الله في فيديو جديد ودمتم.