[0:00]الفيديو ده ان شاء الله هاعلمك فيه ازاي تستخدم الفيجوال ستوديو كود بشكل احترافي، هاحاول اجمع لك اهم التريكات والاختصارات اللي ممكن تستخدمها في البرنامج، الكلام ده فائدته إيه؟
[0:10]أولًا هيسهل عليك الدنيا بشكل كبير جدا، هيسرع جدا من كتابة الكود بتاعك، هيخليك تعدل على أي كود مهما كان حجمه بشكل أسهل وأسرع. هيخليك كمان تفهم الخصارات اللي بيستخدمها الأجانب وهم بيشرحوا، وساعات ما بتكونش فاهم هو بيعمل كده ازاي. ما تقلقش، ان شاء الله الفيديو هيكون بسيط وممتع وهتستفيد جدا من الفيديو ده. السلام عليكم يا شباب، معكم مهندس صبري حسني من كورسات في البرمجة ونبدأ على بركة الله ونقول بسم الله. طيب يا شباب، أنا دلوقتي فاتح الفيجوال ستوديو كود وفاتح جواه مشروع كنت شغال عليه، المشروع ده فيه ملفات كتير زي ما احنا شايفين، فان شاء الله يكون مناسب معانا. طيب يا شباب، وأول شورت كاب معانا وهو كنترول شيفت بي أو كوموند شيفت بي لو أنت بتستخدم الماك. لاحظ إن أنا خلال الفيديو ان شاء الله لما أذكر كنترول لأني بستخدم الويندوز، فده هتستخدم مكانه الكوموند لو أنت بتستخدم الماك، تمام يا شباب؟ طيب الأمر بتاع كنترول شيفت بي بيعمل إيه؟ بيفتح لك الكوموند باليت. ولو أنت ما استخدمتش الكوموند باليت قبل كده، فأنت فاتك نص عمرك، لأن الكوموند باليت من أكتر الحاجات اللي ممكن تستخدمها في البرنامج وأنت شغال. طيب بتعمل إيه الكوموند باليت؟ بص يا سيدي، الكوموند باليت بتقدم لك تقريبا كل الوظائف اللي ممكن تعملها في البرنامج وجميع الشورت كاتس بتاعتها على شكل ليست ممكن تبحث فيها بالشكل ده. تقدر توصل للكوموند باليت من خلال الضغط على كنترول شيفت بي، وبعد كده تقدر تبحث هنا عن أي أمر عاوز تعمله. ولنفترض مثلا إن أنا عاوز أفتح ترمنال جديد ومش فاكر بعمل كده ازاي. بكل بساطة بتكتب هنا ترمنال هتلاقي ظهر لك كل الأوامر المتعلقة بالترمنال، تقدر تختار منها من هنا مثلا كرييت نيو ترمنال. كمان هيعرفك الشورت كات اللي ممكن تستخدمه مع الأمر ده. ممكن تعمل كده برضه مع أي حاجة عاوز تعملها في البرنامج، ولنفترض مثلا إني عاوز أوصل للسيم اللي بستخدمه عندي. بكل بساطة هكتب سيم وهنا هلاقي الكالر سيم لو اخترتها هيظهر لي الكالر سيم اللي بستخدمه حاليا بالشكل ده، وطبعا ممكن أختار من هنا سيم ثاني لو حابب. طيب ثاني كومند معانا النهارده وهو الكنترول بي وده فائدته إيه؟ بص يا سيدي، لو أنت حابب إنك تفتح فايل معين داخل المشروع بتاعك. هتيجي تفتح الفايل إكسبلورر من هنا وهتبدأ تدور على الملف اللي عاوز تفتحه ضمن المشروع كله، ولكن في طريقة أسهل وأسرع، هتضغط كنترول بي، هيفتح لك سيرش بار. تقدر إنك تبحث عن أي ملف داخل المشروع عندك بالشكل ده، وتقدر تستخدم الأسهم لفوق ولتحت وتضغط إنتر على الملف اللي عاوز تفتحه وهيفتح معاك بسهولة وسرعة. وتعالوا نجرب ملف ثاني، وليكن السايد بار مثلا، هأكتب سايد بار هيظهر لي هأختاره بالشكل ده. ثالث شورت كات معانا النهارده وهو كنترول بلس بي، فبدل ما كل شوية بتفتح وتقفل السايد بار من هنا كده علشان تدي لنفسك مساحة أكبر لرؤية الكود بتاعك، لا، كل اللي هتعمله هتضغط كنترول بلس بي. هيفتح ويقفل معاك السايد بار بالشكل ده، وده أسهل وأسرع من إنك كل شوية تروح بالماوس تفتح وتقفل السايد بار. طيب يا شباب، الشورت كاتس اللي معانا بعد كده وهي خاصة بأنك تعمل سيلكت الووردز أو كلمات معينة ضمن الكود بتاعك. فأول حاجة معانا وهو اختصار الكنترول بلس دي، فخلينا في الملف ده مثلا هأفترض إني عاوز أختار كلمة فليكس علشان أغيرها في الملف كله مثلا. هاجي أحددها بالشكل ده كده ولاحظ هأضغط على كنترول بلس دي، فهيحدد لي كمان الكلمة اللي شبهها اللي بعدها، ولو ضغطت كمان كنترول بلس دي هيحدد لي اللي بعدها وهكذا لحد ما أحددهم كلهم بالشكل ده. وأقدر دلوقتي أعمل باك سبيس علشان أمسحهم وأغيرهم زي ما أحب. طيب ولنفترض بقى إني عاوز أحدد الكلمات الشبيهة كلها مرة واحدة من غير ما أقعد أحدد واحدة ورا واحدة بالشكل ده. هأعمل إيه؟ هاجي أختار الكلمة اللي عاوز أحددها والمرة دي بقى هأضغط على كنترول شيفت إل، فهيحدد لي الكلمة دي وجميع الكلمات الشبيهة بها مرة واحدة بالشكل ده. وأقدر طبعا أغيرهم أو أعدل عليهم براحتي. طيب يا شباب، الطريقتين اللي فاتوا دول ممكن يحصل فيهم مشكلة، وتعالوا أوريها لكم، لو أنا هنا مثلا عاوز أغير اسم الأيقون اللي مستدعيها دي. عاوز أغير مثلا كلمة هيدر دي، فلو اخترتها وجيت بقى معلم أضغط كنترول بلس دي، هلاقيه بيختار لي أي حاجة اسمها هيدر أو فيها كلمة هيدر بما فيهم الفنكشن دي وكمان الهيدر تاج ده. ولو ضغطت برضه على كنترول بلس شيفت بلس إل علشان أختارهم كلهم، كذلك هيحصل معايا نفس المشكلة، فهيختار لي أي حاجة فيها كلمة هيدر بما فيهم اللي عاوز أغيره زي دول كده واللي مش عاوز أغيره برضه زي دول زي ما اتفقنا. طيب علشان أحل المشكلة دي هأعمل إيه؟ بص يا سيدي، هأختار الهيدر من الهيدر أيكون دي وبعدين هأضغط على إف اتنين من الكيبورد، ف هيظهر لي المربع ده علشان تغير منه، والفيجوال استوديو كود ذكي كفاية وهيفهم إنك عاوز تغير كلمة هيدر الموجودة في الهيدر أيكون فقط. هتغيرها مثلا بالشكل ده كده وهتدوس إنتر، هتلاحظ إنه غيرها لك هنا بس وهنا وهنا ما غيرش فيهم حاجة، ولو نزلت تحت هتلاقيه غير لك الهيدر أيكون كلها بس بذكاء. لهالو أيكون بالشكل ده. طيب يا شباب، الشورت كات اللي معانا بعد كده وهو الكنترول بلس تيلدا أو علامة الهمزة الطايرة الموجودة مع حرف الذال على الكيبورد. طيب الأمر ده بيفتح ويقفل الترمنال عندك في الفيجوال ستوديو كود، غالبا أنت بتحتاج تفتح وتقفل الترمنال كتير وأنت شغال علشان تكتب فيه بعض الأوامر أو ممكن علشان توفر مساحة أكبر لرؤية الكود فده هيوفر عليك وقت كبير. طيب يا شباب، الأمر اللي بعد كده معانا وهو كنترول بلس فوروورد سلاش وده باختصار بيعمل كومنت للكود بتاعك ببساطة. بتختار السطر اللي عاوز تعمل له كومنت وتضغط على كنترول فوروورد سلاش أو مش لازم حتى تختار السطر، بتيجي توقف بس بالكرسر على أي حتة في السطر بتاعك وتضغط على كنترول فوروورد سلاش بالشكل ده. وبالتأكيد لو عاوز تعمل كومنت لأكثر من سطر بتحددهم الأول وبعدين تضغط على كنترول فوروورد سلاش، والميزة هنا إنك لما بتعمل كومنت بالأمر ده بيعمله بشكل أوتوماتيك بالشكل السليم. يعني أنا هنا لو رحت علشان أعمل كومنت على جزء من كود الاتش تي إم ال هتلاحظ إنه حط لك الرموز المناسبة لعمل كومنت في كود الاتش تي إم ال. فأنت مش محتاج تعرف الكومنت ده بتعمله إزاي، ودي الميزة في استخدام الشورت كات ده. طيب نيجي بعد كده لشورت كات مهم جدا وهو الكنترول بلس سبيس واللي بيستخدم علشان يظهر لك الاقتراحات. خلينا مثلا هنا نعرف متغير هنسميه سترينج ونقول بيساوي هلو ورلد مثلا، دلوقتي لو كتبت اسم المتغير وعملت دوت بعدها، هتلاقي ظهر لك الليست دي واللي فيها جميع الاقتراحات اللي ممكن تستخدمها بعد كده. طيب لو جيت وضغطت في أي حتة بالماوس دلوقتي هتلاحظ إن القايمة دي اختفت بالشكل ده. طيب لو القايمة دي اختفت وأنا عاوز قايمة الاقتراحات دي تظهر لي ثاني، بكل بساطة هأضغط على كنترول بلس سبيس هتلاحظ إنه ظهرها لي ثاني بالشكل ده. أقدر أختار الفنكشن من هنا، ولو جيت هنا وضغطت على كنترول بلس سبيس مرة كمان، هيديني معلومات أكتر عن الدالة دي واستخداماتها. وأقدر طبعا أستخدم الكنترول بلس سبيس ثاني علشان أقفل أو أفتح المعلومات الإضافية دي بالشكل ده، وده مهم جدا طبعا لو أنت ناسي وعاوز تفتكر الدالة دي أو الفنكشن دي كانت بتعمل إيه. الأمر اللي بعد كده معانا وهو كنترول بلس شيفت بلس أوبنينج أو كلوزينج سكوير براكت وخلينا نشوف بيعمل إيه. ده بيعمل فولد أو أنفولد لجزء أو بلوك معين في الكود، وده بيخليك تنظم الكود بتاعك وبيساعدك على قراءته بشكل أفضل. هنيجي مثلا هنا في البلوك بتاع الفنكشن ده وتضغط على كنترول شيفت مع الليفت سكوير براكت هتلاقيه عمل لك فولد للفنكشن دي ولو ضغطت على كنترول شيفت والرايت سكوير براكت هيعمل لك ليها أنفولد بالشكل ده كده. يعني مثلا لو جيت داخل الديف ده وعملت له فولد وده برضه عملت له فولد وكذلك ده. لاحظ إن الكود بقى أوضح عندي وبدأت أقرأه بشكل أفضل بالشكل ده كده. طيب يا شباب الكوموند اللي معانا بعد كده وهو كنترول بلس كومه وده بيستخدم علشان يفتح لك الاستنجس في الفيجوال ستوديو كود. الطريقة العادية إنك بتيجي من فايل بعدين ريفرانسز بعدين تختار سيتنجز من هنا كده والفيجوال ستوديو كود فيه العديد من السيتنجز اللي ممكن تستخدمها وأنت شغال في المشاريع بتاعتك. فاختصارا للوصول للستنجس على طول بتضغط كنترول بلس كومه بالشكل ده كده. طيب يا شباب، الشورت كاتس اللي جاية وهي متعلقة بعمل كوبي وبيست للسطور عندك بشكل أبسط وأسرع. فلو عاوز تعمل كوبي أو كت لسطر معين بتيجي تختاره وبعدين تضغط كنترول بلس سي أو كنترول بلس اكس. وبعد كده بتعمل كنترول في علشان تعمل له بيست، وممكن كمان تعمل كنترول سي وأنت واقف بالكرسر على السطر مش لازم تحدده كله. طيب الطريقة الأفضل والأسرع لعمل كوبي وهي إنك تختار السطر وبعدين تضغط على شيفت بلس ألت، بعدين السهم لفوق أو لتحت وهي يعمل لك كوبي بشكل أوتوماتيك للسطر ده فوقه أو تحته، ومش لازم كمان تحدد السطر كله، لا، مجرد إنك واقف بالكرسر بس على السطر بالشكل ده. طيب لو عاوز تعمل موف أو تحرك سطر معين، هتقف بالكرسر على السطر ده وبعدين هتضغط على ألت وبعدين السهم لفوق أو لتحت، فهيتحرك معاك بالشكل ده كده. وكذلك لو عاوز أحرك أكتر من سطر مع بعض بالشكل ده. طيب اختصارا قلنا لو عاوز أعمل كوبي بحدد السطور بتاعتي وبعدين بضغط على ألت وشيفت مع السهم اللي فوق أو لتحت، ولو عاوز أحرك بضغط على ألت بس مع برضه السهم اللي فوق أو لتحت. طيب يا شباب، الشورت كات اللي عندنا بعد كده وهو الألت بلس كليك بالماوس، وده باستخدمه علشان تحط الكرسر في أكتر من مكان مرة واحدة علشان تعمل أي تعديل أنت عاوزه في الأماكن دي كلها مع بعض. وده بيوفر عليك وقت ومجهود كبير جدا. بتضغط ألت وبعدين بتدوس بالليفت كليك على أي مكان عاوز الكرسر يكون عنده بالشكل ده كده وتقدر طبعا تعمل التعديلات اللي أنت عاوزها في الأماكن دي كلها مع بعض بالشكل ده. ممكن كمان تستخدم معاها الكنترول بلس شيفت مع الضغط على السهم يمين أو شمال علشان تضيف للتحديد أكتر من كلمة جنب بعض بالشكل ده. طيب لو عاوز بس تحط الكرسر فوق أو تحت الكرسر بتضغط على كنترول بلس ألت بلس شيفت مع السهم لفوق أو لتحت، وده بيضيف لك أكتر من كرسر فوق أو تحت الكرسر بتاعك بالشكل ده. طيب ولنفترض إني حطيت أكتر من كرسر بالشكل ده وعاوز أعمل أندو لآخر واحد أو حطيته في مكان غلط مثلا وعاوز أتراجع بكل بساطة بتضغط كنترول بلس يو، وده بيمسح لي آخر كرسر حطيته. أو ممكن بكل بساطة وأنت ضاغط لسه على ألت بتيجي تضغط بالماوس على الكرسر اللي عاوز تحذفه بالشكل ده. طيب يا شباب، الشورت كات اللي معانا بعد كده وهو مهم ومفيد جدا وخلينا الأول نروح نفتح شوية ملفات كتير جنب بعض زي ما بيحصل معانا وإحنا شغالين. ولنفترض دلوقتي إني عاوز أتنقل ما بين الملفات دي أو تروح لملف فيهم، بتيجي بالماوس وتروح تدور على الملف اللي عاوز تفتحه وده بيعطلك طبعا. ولكن بكل بساطة وسهولة لو ضغطت على كنترول بلس تاب، ولاحظ هتفضل دايس على زرار الكنترول مش هتشيل صباعك من عليه. هيفتح لك قايمة بالشكل ده، فيها جميع الملفات اللي أنت فاتحها دلوقتي، تقدر تروح بالسهم لفوق أو لتحت لأي ملف منهم بسهولة بالشكل ده، وطبعا هتشيل إيدك من على زرار الكنترول بعد ما تختار الملف. طيب خليك مثلا وأنت شغال قفلت ملفات معينة وعاوز تروح تفتحها تاني، بكل بساطة هتضغط على كنترول بلس شيفت بلس تي، وده هيفتح لك آخر تاب كنت قفلتها بالترتيب بالشكل ده. وده مفيد جدا خصوصا لو قفلت ملف بدون قصد وعاوز ترجع تفتحه تاني بسرعة، كمان اختصار مفيد جدا وهو لو عاوز تقفل التابس المفتوحة عندك لو الموضوع كبر منك يعني وعاوز الدنيا يكون شكلها أفضل. فبتيجي تضغط على كنترول بلس دبليو أكتر من مرة، فهيقفل لك التابس اللي عندك واحدة ورا التانية بالشكل ده، وطبعا لو عاوز ترجع تفتح تاني آخر ملفات كنت فتحتها زي ما قلنا بتضغط على كنترول بلس شيفت بلس تي. طيب يا شباب، دول كده كانوا أهم الاختصارات والشورت كاتس اللي معانا النهارده، واللي بتمنى تكونوا استفدتوا واستمتعتم بيهم بشكل كبير. طيب وبما إن أنت زي العسل ووصلت معايا في الفيديو لحد هنا، فأنا عامل لك هدية بسيطة مع الفيديو وهو شيت مختصر فيه جميع الاختصارات اللي شرحناها مع بعض النهارده علشان تحمله علشان يكون معاك جنب الفيديو ده. هتلاقي رابط التحميل المباشر في وصف الفيديو إن شاء الله، بتمنى يا شباب الفيديو يكون مفيد ويفيد الناس كلها في شغلها، بتمنى تكونوا استفدتوا واستمتعتم معايا النهارده. وما تنساش طبعا تعمل لايك للفيديو لو عجبك، شير الفيديو مع أكبر عدد علشان الكل يستفيد، وأهم حاجة تشترك معانا في القناة علشان ما يفوتكش المحتوى المهم اللي بنقدمه. كان معكم صبري حسن كورسات في البرمجة وفي الختام اللهم صل وسلم على خير الأنام وأشوفكم في فيديوات تانية أجمل وأمتع إن شاء الله، وإلى ذلك الحين أستودعكم الله والسلام عليكم ورحمة الله.
