ضروري تعرف الفرق بين الفوندو و الكاسطري في الضالة هوردي باش تجنب خطأ كيوقع في مرحلة الإنجاز ديالها

[0:00]السلام عليكم ورحمه الله وبركاته، الاخوان والاخوات اهلا ومرحبا بكم. في هذا الفيديو غادي نعرفوا أو غادي نفهموا شنو هو الفرق بين الفوندو وبين الكاستري. اذن الفوندو والكاستري بجوجهم كيكونوا في الضاله، وحنا كنتكلموا على الضاله هوردي. اذن اليوم غانديروا واحد المقارنه بيناتهم باش نفهموا بالضبط شنو هما الاختلافات اللي كيكونوا بيناتهم. لغاية الإفادة بطبيعة الحال بالنسبة للناس المقبلين على البناء. علاش غاندير هذه المقارنة وبغيت نديرها؟ هذا الأمر غانقوله لكم في الآخر ديال الفيديو، لأن كين سبب يعني مهم جدا. علاش غانتكلم على هذا الموضوع؟ أو نقدر نقولوا بأن كاين واحد الخطأ كيدار. بسبب الجهل بالفرق بين الفوندو والكاستري وكيدار في مرحلة ديال إنجاز الضاله، وهي من الأخطاء اللي كيوقعوا في يعني في إنجاز الضاله. وان شاء الله غاندير فيديو مفصل على جميع الأخطاء اللي كيوقعوا في مرحلة ديال إنجاز الضاله هوردي من بعد ان شاء الله. اذن بلا ما نطول عليكم، ندخلوا في صلب الموضوع، الله يحفظكم ما تنساوش هذا الفيديو بواحد الإعجاب تشجيعا لهذا المجهود ونبداوا على بركة الله. اذن الفوندو والكاستري باللغة ديال البنائين و يعني اللغة ديال الشونتي كيف ما كنقولوا. الفوندو هو واحد واحد المسطح اللي كيكون مخدوم بالبيطون أرمي يعني الخرسانة المسلحة الحديد والبيطون. ونفس الشيء بالنسبة للكاستري غير هو أن الفوندو كيف ما كتعرفوا كيكون نازل، يعني كيبان هابط كيف ما كنشوفوا في الصورة، بينما الكاستري كيكون صامت، يعني فاش كتخدم الضاله ما كيمشي مع النيفو ديالها. اذن هذا هو الفرق من الناحية ديال الشكل. من الناحية ديال التحمل فالفوندو كيكون كتحمل أكثر، أو القدرة ديال التحمل ديال الفوندو كتكون كبيرة على القدرة ديال التحمل ديال ديال الكاستري. وحتى في المرحلة ديال الإنجاز تاتكون مختلفة. الفوندو كيتخدم في المرحلة الأولى فاش كندوزوا دائما بلغة الشانتي التكحيلة اللي هي الشناجات اللي كيكونوا في المحيط وتندوزوا الفوندوات في الوسط. دونك هنا كنخدموا الفوندو، كنخدموا النص ديالو، لأن النص الآخر كيعمر في المرحلة الآخرة. دونك الفوندو كيعمر في المرحلة الأولانية فاش كنبغيوا نوجدوا الضاله ونقادوها، وبعد ما كينشف كيتقوى مع الشناجات اللي كيكونوا في المحيط هو اللي كيتحطوا هذوك لي بوتريل وكيتحط الوردي يعني ديك الزوليمة، ثم كتهدر ديك الكوش ديال البيطون. اذن فالفوندو كيكون مخدوم أو كيتخدم في المرحلة الأولى وعليه كيكون كيتحطوا كيف ما قلنا الباقي الأجزاء ديال هذيك الضاله. بينما الكاستري الكاستري ماكيتخدمش في المرحلة الأولى، ماكيتخدم حتى للمرحلة الآخرة يعني فاش كنحطوا الزوليمة وكنحطوا لي بوتريل الوردي عاد كنحطوا معهم الحديد ديال ديال هذا الكاستري هذا. دونك هو كيتخدم في المرحلة الآخرانية، اذن حتى الدور ديالو مايكونش واحد الدور اللي هو كبير، مايكونش الاعتماد عليه بواحد الطريقة كبيرة. دونك هو بحال قلتي غير كيكون واحد واحد العامل المساعد أو مدعم لواحد المساحات اللي ماكيتدارش فيهم الفوندو. دونك باش مايكون واحد المساحة كبيرة كنجتمعوا وتنديروا في الوسط ديالهم واحد الكاستري باش يجمع هذيك المساحة مزيان. اذن هذه هما الاختلافات أو هذا هو الفرق بين الفوندو وبين الكاستري اللي كيكونوا في الضاله. وكيف ما قلت لكم علاش أنا تكلمت على هذه المقارنة ودرتها، لأن كيكون واحد الخطأ للأسف كيرتكب، وهو أن بعض المرات. ربما كيجي الأمر من من مول الدار اللي كيبني أو من حتى المعلم وبالخصوص من مول الدار. كيلقى الكاستري عفوا كيلقى الفوندو دايز من واحد الطرف لواحد الطرف ولا هو في البلان ديالو في التصميم ديالو بغا يدير هذيك البلاصة مثلا بها واحد الصالون كبير أو شي حاجة. ف كيبان ليه بأن ذاك الفوندو غيعيق ليه هذاك هذيك المساحة وغادي يخسر ليه الديكور ديال ذاك السقف ديالها. فكطلب من المعلم أنه يرده ليه كاستري. اذن إذا كان كيفهم شوية يقول لي شي حل، المعلم يقدر يقول لي كاستري ولا هو يقول لي ديروا لي كاستري باش هكذا كيجي صامت مع مع الضاله. اذن هنا الخطأ اللي ماخصوش يوقع، راه ما يمكنش تغير أو تبدل الفوندو بكاستري لأن كي اختلافات كبيرة بيناتهم. فوندو فوندو كاستري كاستري، دائما كنتبعوا شنو كاين في البلان الحديد. داكشي علاش تكلمت على هذه المقارنة باش ننصح الناس اللي كيفكروا في هذه المسالة مايديروهاش. ما عمرك تبدل الفوندو بالكاستري في مراحل ديال البناء لأنك تنقص بزاف التحمل ديال الضاله أو ديال المسالك بالضاله في هذيك المرحلة. أنا دائما نعاود نكررها، الفوندو راه كيتحمل أكثر وباش مخدوم بواحد الطريقة قوية، دونك كيكون أفضل بكثير من الكاستري. اذن مانديروش هذا التغيير هذا. الفيديو وصل للختام، كنتمنى ان شاء الله يكون مفيد ويعجبكم، نتلاقاو في فيديو آخر الى اللقاء.