[0:00]دي أفضل طرق الربح من الإنترنت للمبتدئين اللي ممكن تبدأها في 2026. العجوز الماكر وارم بافت بيقول: Great Businesses Have Great Hight Margins أنجح المشروعات التجارية هي اللي عندها هامش ربح عالي. طيب يعني إيه هامش ربح عالي؟ يعني لو بعت منتج بـ 10 دولار وكلفني 2 دولار يبقى هامش الربح بتاعي هنا 8 دولار أو 80%. طب يا هندسة ده أول شرط معانا عشان نقول إن طريقة الربح أو البزنس ده حلو إنه يكون هامش الربح بتاعه عالي. تاني حاجة هي إن البزنس ده يكون بيبيع بسعر عالي يعني المنتج أو الخدمة اللي بيقدمها تمنها غالي. نفرض مثلًا إنك عايز تحقق ربح 10.000 دولار ممكن تحقق 10.000 دولار من بيع 1000 منتج تمن المنتج الواحد 10 دولار. وبرضه ممكن تحقق نفس الـ 10.000 دولار دول من بيع 10 منتجات سعر الواحد 1000 دولار. وبالتأكيد الأسهل وخصوصًا لو كنت بتبدأ بزنس صغير وعايز تكسب فلوس كتير في نفس الوقت. هي إنك تبيع لـ 10 أشخاص منتج أو خدمة بـ 1000 دولار. ده أسهل بكتير جدًا من إنك تحاول تبيع منتج بـ 10 دولار لـ 1000 شخص. ودول كانوا أول شرطين لازم يكونوا موجودين في أي بزنس لو أنت مبتدئ وعايز تعمل بزنس ممكن يحقق أرباح كبيرة في وقت قصير. ماشي يا هندسة بس مش الفيديو ده عن الربح من الإنترنت؟ فين بقى المواقع الربحية ونسخ البتاعة دي وسجل هنا وروح هناك عشان تكسب؟ فين الحاجات ده هي؟ ده هي ماشي يا صديقي ما هو دي بقى تاني حاجة عايز أقول لك عليها، الربح من الإنترنت اللي بجد هو ببساطة عمل بزنس. مشروع تجاري بس على الإنترنت 100%. أما كل الطرق اللي بتسمع عنها وبتشوفها وبتدور عليها دي كلها بلح وكلام فارغ مش هتفيدك في حاجة غير تضييع وقتك وفلوسك. فلو عايز المفيد والصح منه مش هتلاقيه غير هنا. معاكم ياسر سليم أنشأت بفضل الله واحدة من أكبر وكالات الإعلانات الرقمية في العالم العربي. وقدرنا ميزانيات إعلانات بأكثر من 10 مليون دولار. شغالين مع كل الناس من أصحاب البزنس الصغيرة لحد الشركات الكبيرة في مختلف المجالات وفي مختلف الدول العربية وخارج الدول العربية. وبفضل الله قدرت أبني واحد من أقوى البيرسونال براندز في مجال الأونلاين بزنس وريادة الأعمال من خلال قناتي دي على اليوتيوب. ومؤخرًا أطلقت سودا ماركتينج Ai وهو واحد من أقوى وأفضل التطبيقات لصناعة المحتوى والإعلانات بالذكاء الاصطناعي. تدخل رابط الموقع بتاعك رابط المنتج بتاعك وهوب يكون عندك منشورات وإعلانات بالفيديو والصور في منتهى الروعة وفي دقائق. وفي الفيديو ده هقول لك على أفضل ثلاث طرق للربح الحقيقي من الإنترنت للمبتدئين. يلا نبدأ بسم الله الرحمن الرحيم. الشرط الثاني في البزنس الناجح هو إنك تبيع حاجة مطلوبة بالفعل جدًا ومطلوبة من فئة كبيرة من الناس اللي تقدر تدفع تمنها. أكيد طبعًا يا هندسة دي حاجات بديهية أنا عارفها كويس ادخل في الموضوع بقى. ماشي يا سيدي أحبك وأنت مركز بس خليك فاكر إن أنت اللي قلت إن أنا ادخل في الموضوع على طول. أول طريقة التجارة الإلكترونية في المنتجات الملموسة E-Commerce Brand. يعني تفتح متجر إلكتروني متخصص في بيع نوع واحد من المنتجات. بس متجر متخصص أوي يعني مش متجر إلكتروني لبيع الملابس ولا متجر إلكتروني لبيع ملابس السيدات بشكل عام. لا يبقى متخصص قوي يعني متجر إلكتروني لبيع ملابس السيدات الحوامل. مثال تاني بدل ما تعمل متجر إلكتروني لبيع المكملات الغذائية بشكل عام لا اعمل متجر إلكتروني لبيع المكملات الغذائية الطبيعية فقط. أو متجر إلكتروني لبيع المكملات الغذائية للرجال الرياضيين فقط. وصلت الفكرة أكيد وصلت إن شاء الله. أمثلة زيادة على موضوع النيش إي كوميرس براند ده. متجر إلكتروني متخصص في أدوات تنظيم المكاتب المنزلية للناس اللي بتشتغل من البيت كتير. متجر إلكتروني متخصص في في اكسسوارات القطط بس. ألعاب بيوت قطط رمل مخدات كل حاجات القطط وبس. متجر إلكتروني متخصص في أدوات الرحلات الصحراوية والكمبينج لعشاق السفر والصحراء. متجر إلكتروني متخصص في أحذية الجيم للرجال. أو حتى أضيق أحذية الكروس فيت بس. كل ما النيش يبقى أوضح وأضيق كل ما التسويق يبقى أسهل والعميل يحس إن المتجر معمول عشانه هو بالذات. استنى يا هندسة أنت مش قلت للمبتدئين ده موضوع صعب جدًا نشتري منتجات ونحدد نيش معين وشغلانة كبيرة أوي. متسرع جدًا أنت يا صديقي اصبر معايا هقول لك كل حاجة حالًا. ركز معايا بس وما تقاطعنيش تاني بقى يا برنس. كنا بنقول إيه يا رجالة؟ اه متجر متخصص قوي Very Specific Niche! أو ممكن متجر بيع منتج واحد بس Single Product Store! بس بيبيعوه بألوان وأحجام وخصائص مختلفة. زي مثلًا المتجر ده. ده واحد من ألمع الأمثلة اللي حصلت في السنين اللي فاتت. لأن المتجر ده حقق مبيعات بملايين الدولارات من بيع منتج واحد فقط واللي هو البورتابل بلندر اللي احنا شايفينه ده. وهنا أنت بتعمل e-Commerce Brand مش مجرد متجر إلكتروني عادي. طيب نكمل بقى إزاي تبدأ e-Commerce Brand وأنت لسه مبتدئ؟ هديك خطوات ببساطة. واحد اختيار النيش الصح. دور على فئة معينة من الناس عندها مشكلة أو احتياج واضح ومستعدة تدفع فلوس عشان تحل المشكلة دي. بص على السوشيال ميديا أمازون نون جوميا شوف إيه المنتجات اللي الطلب عليها عالي والتقييمات بتاعتها كتير. 2 ابدأ في عمل تحليل للمنافسين. شوف المتاجر اللي بتبيع نفس النوع ده من المنتجات. إيه نقاط قوتهم إيه نقاط ضعفهم وأنت هتتميز في إيه؟ الجودة مثلًا سرعة الشحن خدمة عملاء. أو الـ Branding! هتعمل براندنج قوي ومختلف. 3 اختبار الفكرة قبل ما تصرف فلوس كتير. في البداية ما تشتريش كميات كبيرة من المنتج. تقدر تشتغل في البداية بـ Pre-Order أو دروب شيبنج بحيث العميل يدفع وبعدين أنت تشتري وتسل. اعمل لاندنج بيدج بسيطة زائد صفحة انستجرام وتيك توك وابدأ تجرب بإعلانات بسيطة أو محتوى وتشوف هل في ناس مهتمة فعلًا في طلب في رسايل في استفسارات في حد بيشتري بجد. رابع حاجة هي بناء المتجر الإلكتروني. استخدم منصات جاهزة زي شوبيفاي أو ووكوميرس أو إيزي أوردر أو سلة. اهتم إن المتجر يكون شكله محترف. سهل التصفح. في صور حلوة ووصف قوي للمنتج. وطرق دفع موثوقة وسهلة ولو قدرت تضيف دفع عند الاستلام بيفيد جدًا في العالم العربي. خمسة تصميم براند محترم. اسم مميز لوجو بسيط ألوان ثابتة وطريقة كلام ثابتة في كل مكان. ده بنسميه الـ Brand Voice. خلي العميل لما يشوف الإعلان أو البوست أو الفيديو يعرف إن ده من البراند بتاعك حتى من غير ما يقرأ الاسم. ستة التسويق والإعلانات. ابدأ بمحتوى قصير انستجرام ريلز وتيك توك. بيوري المنتج في الحياة الواقعية بيوريه وهو بيستخدم. وتقدر طبعًا تستخدم الذكاء الاصطناعي عشان تولد الحاجات دي بسهولة.
[5:36]بعد كده شغل إعلانات ممولة على فيسبوك انستجرام وتيك توك واستهتف بيها جمهورك المحدد. اختبر أنواع مختلفة من الكريتيفز والإعلانات والمحتوى. حاجات بقى زي بيفور وأفتر. يو جي سي فيديو اللي هي اليوزر جنريتد كونتنت اللي هو شخص عادي بيحكي تجربته مع المنتج. عرض مشكلة وبعدين الحل بتاعها. سبعة التحسين والتطوير. تابع الأرقام كويس شوف الكوست بير بيرشيز الكونفرجن ريت الافريج اوردر فاليو بتوعك. حسن صفحة المنتج جرب عروض أكثر جرب تعمل باندلز اب سيلز كروس سيلز. بكدة هتبدأ البزنس بتاعك. ولما البزنس يبقى شغال كويس تبدأ ساعتها تزود استثمارك وتعمل برايفيت ليبل أو وايت ليبل وهو إنك تطلب المنتج ده بس يبقى عليه البراند بتاعك. معمول مخصوص ليك ومحطوط عليه الشعار بتاعك كأنك أنت المصنع بتاعه وممكن تبقى بالفعل أنت المصنع بتاعه بس هتصنعه في الصين مثلًا. بكدة هتبني براند حقيقي طويل المدى. نرجع بقى لسؤالك الموضوع ده صعب إزاي حد مبتدئ ممكن يعمله؟ لو أنت مبتدئ ومعاك راس مال محدود وعايز تبدأ تجارة إلكترونية في البداية ما تشتريش المنتجات خالص قبل ما تبيع. وما تعملش وايت ليبل أبدًا ولا أي حاجة ثقيلة ولا تستورد ولا أي حاجة لحد ما تتأكد بشكل أكيد من قوة المشروع. يعني تحقق مبيعات بالفعل وبعد كده تبدأ في خطوات تحويل المشروع بتاعك لـ e-Commerce Brand كامل. وعشان الموضوع ده عايز شرح مفصل فده أنا بشرحه بالتفصيل في تدريب مدته 60 دقيقة هتلاقي الرابط بتاعه موجود في وصف الفيديو. تعال بقى نقيم نموذج العمل ده أو الطريقة دي قبل ما ندخل على اللي بعدها. كل طريقة هنتكلم فيها في الفيديو ده النهارده هنقيمها على أساس أربع حاجات. واحد تكلفة البدء اللي هي الـ Cost To Start. اثنين متوسط الوقت المطلوب للوصول لأرباح كويسة Time it takes till it makes money أو هنختصرها بكلمة Time. ثلاثة المجهود المطلوب الـ Effort. أربعة البوتنشل اللي هو حجم الأرباح المتوقع. بالنسبة لإنشاء e-Commerce Brand فالـ Cost To Start تعتبر مرتفعة بالنسبة للطرق التانية اللي معانا النهارده. هنكتب هنا High عند Cost To Start. الـ Time الوقت هنا بيكون متوسط فهنكتب Medium. المجهود المطلوب الـ Effort نسبيًا قليل بعد ما السيستم يشتغل فهنكتب هنا Low. الـ Potential هنا ممتاز من حوالي 3000 دولار لحد 30 و40 ألف دولار شهريًا وأكتر لو عرفت تبني فعلًا براند قوي. نروح بقى على الطريقة اللي بعدها. الطريقة التانية بيع المنتجات الرقمية Digital Products ودي بالتأكيد واحدة من أفضل الطرق. طب تعال نشرح يعني إيه أصلًا منتج رقمي؟ المنتج الرقمي هو منتج بيتسلم للعميل أونلاين ليس له وجود مادي ملموس. مفيش شحن ولا مخازن ولا توجد تكلفة إنتاج متكررة. يمكن بيعه عدد لا نهائي من المرات. يعني أنت بتبذل مجهود مرة واحدة بس في صناعة المنتج وبعدين تقدر تبيعه لـ 10 لـ 100 لـ 1000 لـ 10.000 عميل من غير ما تكلفتك تزيد غير حاجات بسيطة جدًا. تعالوا نقول أمثلة عن المنتجات الرقمية. الكورسات أونلاين زي كورس تعليم تجارة إلكترونية التسويق الرقمي تعليم اللغة الإنجليزية الرسم البرمجة إلى آخره. الكتب الإلكترونية الـ PDF. زي كتاب PDF عن خطة نزول وزن في 12 أسبوع دليل كيف تبدأ بزنس خدمات أو دليل شامل للربح من اليوتيوب. الـ Templates والفايلز أو القوالب الجاهزة. قالب جاهزة على Notion لتنظيم حياتك أو شغلك قوالب باور بوينت أو Keynotes. قالب Canva جاهزة لبوستات السوشيال ميديا. اشتراكات شهرية Memberships زي مجتمع خاص لأصحاب البزنس أو اشتراك شهري في مجتمع تعليمي بيتحدث بشكل مستمر. منتجات صوتية زي برامج تأمل تسجيلات تدريبية أوديو بوكس وكتب صوتية. ملفات عمل اللي هي الـ Spreadsheets. زي مثلًا شيت جاهز لإدارة ميزانية الإعلانات أو شيت لتتبع التمارين الغذائية. كل ده يعتبر منتجات رقمية والميزة القاتلة هنا إن هامش الربح بتاعها عالي جدًا لأن التكلفة الحقيقية بتبقى مرة واحدة في صناعة المنتج نفسه. طيب إزاي نبدأ في بيع المنتجات الرقمية؟ الخطوة الأولى هي إنك تختار نيش ماركت مجال تخصص أنت بتحبه وعندك فيه شغف وليه جمهور كبير. زي مثلًا الصحة والجمال أو الـ Nutrition اللي هي التغذية بناء الأجسام التسويق الرقمي التجارة الإلكترونية الذكاء الاصطناعي التنمية الذاتية إلى آخره. أهم حاجة لازم المجال يكون أنت بتحبه وعندك فيه شغف أو هو بالفعل مجال تخصصك ويكون كمان ليه جمهور كبير. بعد ما تحدد المجال ده هتفتح قناة على اليوتيوب وحساب على انستجرام وتيك توك وتعملهم كلهم بنفس الاسم. والاسم ده ممكن يكون اسمك الشخصي أو اسم من ابتكارك مناسب للمجال. هتلتزم بإنشاء محتوى من الفيديوهات القصيرة اللي هي الفيديو ريلز أو الفيديو شورتس. والمطلوب في البداية عشان تقدر توصل لنتائج في وقت معقول إنك تلتزم بنشر فيديو واحد يوميًا. الميزة هنا في الفيديوهات القصيرة غير إن تنفيذها سهل نفس الفيديو اللي هتعمله هترفعه هو هو على اليوتيوب وانستجرام وتيك توك. يعني بتعمل فيديو واحد وبيشتغل لك على ثلاث منصات في نفس الوقت. ولو معاك راس مال ممكن تعمل الحركة دي هتسرع جدًا انتشار أنك تمول الفيديوهات بإعلانات مدفوعة بالميزانيات اللي تقدر عليها. ده هيسرع وصولك لعدد كبير جدًا من المتابعين في وقت قصير لكن لو معاكش فلوس فدي خطوة اختيارية ومش لازم خالص تعملها. تعال نعمل حسبة بسيطة. أنت دلوقتي بالفعل التزمت بنشر فيديو يوميًا على الثلاث منصات. يعني فعليًا بتعمل فيديو واحد بس موجود على ثلاث منصات. في ثلاث شهور هتكون رفعت تقريبًا 90 فيديو على كل منصة يعني 270 فيديو. لو في المتوسط الفيديو الواحد عمل 1000 مشاهدة فده معناه إنك عملت 270 ألف مشاهدة كده مبروك بقى عندك جمهور ومتابعين. في المرحلة دي تقدر تطرح أول منتج رقمي ليك. مثلًا لو اخترت مجال التغذية ممكن يكون المنتج الرقمي كورس عن خطة خسارة 10 كيلو في 8 أسابيع أو برنامج غذائي جاهز زائد فيديوهات شرح. بعد كده تطرح منتج رقمي ثاني أقوى وبسعر أعلى زي كورس متقدم أو ممبرشيب أو اشتراك شهري. بكدة هيبقى عندك مصدر دخل قوي ومستمر ومستدام وتقدر تطور بعد كده البيرسونال براند بتاعك ده إلى ما شاء الله. طيب يا هندسة لو عايز اعمل كده بس مش عايز أصور أنا الفيديوهات. رغم إن تصوير الفيديوهات القصيرة ده موضوع مش صعب خالص لكن تقدر النهارده تنتج الفيديوهات بالذكاء الاصطناعي 100%. تقدر بقى تستخدم أدوات بقى الـ AI Avatars وتستخدم أصوات الذكاء الاصطناعي. بأدوات زي Elevenlabs تستخدم تولز بتطلع لك الفيديو كامل بالاسكريبت مكتوب. وبكده مش هتحتاج تصور أي فيديوهات ولا تظهر بنفسك ولا حتى بصوتك في الفيديوهات دي. وبرضه تقدر بالطريقة دي تحقق نتائج كبيرة جدًا. بس الطريق ده أو نموذج العمل ده عشان ينجح فيه الثلاث شروط لازم تعمله. واحد التزام حقيقي وانضباط. لازم تبقى عارف إن أول 50 فيديو مثلًا هتعملهم هتكون نتائجهم ضعيفة جدًا وده طبيعي. بس عند النقطة دي معظم الناس بتستسلم لكن اللي بيكمل بانضباط بيوصل بإذن الله. وأنا شخصيًا ابتديت بطريقة مشابهة جدًا وشفت وسعدت بفضل الله مئات الناس إنها تمشي الطريق ده. وشفت بعيني ناس حياتهم بتتغير 180 درجة من موظف كل شهر دايماً معاهوش فلوس آخر 10 أيام في الشهر لشخص مشغول. دخله بيتخطى الـ 10 آلاف دولار شهريًا. ده كلام حقيقي وأكيد أنتم بتشوفوا أمثلة منه كل يوم. تاني شرط إنك تتعلم كويس عشان تنجح. لازم تتعلم تختار نيش ماركت صح ومناسب من الأول. لازم تتعلم صناعة المحتوى بشكل مظبوط. لازم تتعلم استخدام أدوات الذكاء الاصطناعي باحترافية شديدة في كل خطواتك لأن ده هيوفر عليك وقت ومجهود وفلوس كتير جدًا لما تستخدمها بشكل صح. ولازم تتعلم إزاي تعمل أو تصنع منتج رقمي ناجح وإزاي تبيعه بشكل صحيح وتسعره إزاي؟ وده محور اللي بشرحه في دورة ذا فاوندير AI خطوة بخطوة إزاي تختار نيش ماركت مناسب. إزاي تبقى صانع محتوى قوي إزاي تستخدم الذكاء الاصطناعي باحترافية شديدة. إزاي تصنع منتجات رقمية قوية بياعة يعني وتبعها بشكل فعال وكل اللي أنت محتاجه من معلومات وأدوات عشان تنجح بإذن الله. فشوف دورة The Founder AI هتلاقي الرابط بتاعها موجود في وصف الفيديو هتساعدك جدًا في مشوارك. ثالث شرط الصبر على النتائج. المحتوى والبيرسونال براند بياخدوا وقت لحد ما يجيبوا عائد كبير. بس لما بيمسك بيبقى أصل بيجيب لك فلوس طول حياتك. تعالوا بقى نقيم نموذج العمل الثاني بتاعنا بتاع بيع المنتجات الرقمية من خلال Personal Brand. نبدأ بالـ Cost To Start أو تكلفة البدء. هنا بتكون قليلة جدًا وممكن تبقى صفر تقريبًا عشان كده هنكتب هنا Very Low. الوقت المطلوب عشان تبدأ تشوف أرباح كويسة اللي هو Time هنا هنكتب إنه Long لأنه في المتوسط هتحتاج حوالي ست شهور على ما توصل لنتائج كويسة. يااااااه يا هندسة ست شهور؟ بص يا صديقي لو عايز تعمل جسم رياضي حلو وـ 6 Packs والحاجات دي ورحت الجيم ورحت لمدرب كويس ومحترف. فاتفق معاك على نظام تدريب أربع مرات في الأسبوع ونظام غذائي معين عشان نوصل للفورمة المطلوبة في ثلاث أو ست شهور. لو التزمت بالتدريب والنظام الغذائي مع المدرب ده التزام صارم النتيجة هتكون إنك فعلًا بعد ست شهور هتوصل للفورمة اللي أنت عاوزها. مظبوط نفس الحكاية بالظبط بتنطبق على موضوع صناعة المحتوى وبيع المنتجات الرقمية. فكر في كل أحلامك وطموحاتك المالية. نفسك تجيب عربية عاملة إزاي وبيتك يكون فين وتلف العالم أيًا كانت أحلامك. لو قلت لك إن كل أحلامك دي ممكن تكون على بعد ست شهور بس من الانضباط والشغل الجاد إجابة معظم الناس هتكون هنفذ طبعًا. بس مش كل الناس هتنفذ بجد وصلت الفكرة فالموضوع بتاعك أنت. نكمل الـ Effort المجهود المطلوب هنا هنكتب إنه Medium لأن صناعة المحتوى اليومية محتاجة التزام ومجهود. بس مش مجهود جسدي كبير هو مجهود ذهني وشوية نظام. الإمكانيات أو الـ Potential هنا هايل جدًا. في المتوسط الأرباح ممكن تكون ما بين 3 لـ 10 آلاف دولار شهريًا وفي ناس بتوصل لـ 100 ألف دولار شهريًا وأكثر من صناعة المحتوى وبيع المنتجات الرقمية. الطريقة الثالثة معانا بيع خدمات الذكاء الاصطناعي للشركات AI Services. يعني إيه خدمات ذكاء اصطناعي تقدمها للشركات؟ النهاردة كل الشركات خصوصًا الـ Small And Medium Businesses الشركات الصغيرة والمتوسطة عايزة تقلل التكاليف تزود الإنتاجية تزود المبيعات وتسرع الشغل. وهنا يا سيدي بيجي دورك إنك تقدم لهم خدمات مبنية على الذكاء الاصطناعي. زي مثلًا AI Chatbots أو AI Agents عشان يعمل خدمة عملاء لمدة 24 ساعة 7 أيام في الأسبوع يرد على أسئلة كل العملاء على الواتساب والفيسبوك ماسنجر وانستجرام. ردود طبيعية وقوية جدًا باستخدام الذكاء الاصطناعي والميزة هنا إنك تقدر تبني الحاجات دي بمنصات جاهزة من غير أي برمجة. مثال ثاني الـ AI Agents اللي هي تقدر تتابع العملاء تسألهم وتجمع بياناتهم وتحولهم لـ Leads جاهزة لفريق المبيعات. الـ AI Automation اللي هي أتمتة ردود على الإيميلات مثلًا أو أتمتة متابعة العملاء بعد الشراء أو أتمتة حجز المواعيد. أو ربط الـ CRM بأدوات ذكاء اصطناعي أو أنظمة التوصية اللي هي الـ Recommendation Systems. زي منتجات مقترحة هتظهر للزائر بتاع متجر إلكتروني بناءً على اللي شافه قبل كده أو اللي اشتراه قبل كده. تحليل البيانات بالذكاء الاصطناعي أنك تاخد البيانات من تقارير وتطلع منها ملخصات ذكية للشركات. كل ده أنت تقدر تقدمه كـ Service أو خدمات لناس ما عندهاش وقت ولا خبرة تتعامل مع الأدوات دي. طيب إزاي تبدأ في المجال ده خطوة بخطوة. نمرة واحد ابدأ بتعلم خدمة واحدة فقط في البداية. ما تحاولش تبقى سوبر مان من أول يوم ابدأ بخدمة واحدة سهلة ومطلوبة. وأبسط مثال هو الـ AI Chatbots أو الـ AI Agents اللي ممكن تبنيها للشركات. دي ممتازة جدًا للمبتدئين عشان في منصات كتير جاهزة بتعملها من غير أي أكواد. في شروحات كتير جدًا على اليوتيوب شروحات كاملة من الألف إلى الياء بتشرح لك بالتفصيل إزاي تعمل شات بوت أو AI Agent قوي جدًا بمنتهى السهولة. تقدر تقضي أسبوع أو اثنين بس بتتعلم وتطلع بمستوى يسمح لك إنك تقدم خدمة حقيقية. ودورك هنا هيكون إنك تحدد نوع البزنس هيئات مطاعم متاجر متاجر إلكترونية شركات خدمات. تقعد مع أصحاب البزنس دول أو تبعت لهم فورمة تجمع منهم الأسئلة المتكررة والخدمات والأسعار. وتروح باني له بوت يرد على كل ده تلقائيًا يعملوا خدمة العملاء يعملوا المبيعات زي ما شرحنا. طيب إزاي نقدر نوصل للعملاء؟ بعد ما تتعلم خدمة واحدة بس تبدأ في مرحلة الوصول لأصحاب الشركات. هنا هنعتمد على حاجتين واحد الكولد إيميلز اثنين الـ DM الـ Direct Messages على انستجرام ولينكد إن. في أدوات قوية جدًا دلوقتي بتساعدك تعمل حملات كولد إيميلز بشكل منظم وتحافظ على الـ Deliverability وتديك تحليلات قوية. منها مثلًا Smart Leads. دي منصة كولد إيميلز قوية جدًا بتسمح لك تدير أكتر من دومين وأكتر من إنبوكس وتبعت آلاف الإيميلات. مع تركيز كبير على إن الرسائل توصل في الانبوكس مش في السبان. وفيها أوتوميشن وذكاء اصطناعي لتحسين الرسائل والحملات بتاعتك. أداة تانية مشهورة جدًا وقوية جدًا Instantly AI برضه من أقوى منصات الكولد إيميلز. والميزة هنا أنك مش محتاج تدفع في البداية فلوس كبيرة. أنت بتختار البلان اللي تناسبك وكل الأدوات دي بتبدأ بأسعار بسيطة. طيب منين بقى نجيب بيانات الشركات والعملاء المحتملين اللي هي بنسميها الـ Sales Leads وعايزين نجيبها بدقة ونجيبها بيانات قوية عشان نجيب نتيجة. من أفضل الأدوات اللي ممكن تجيب منها بيانات أداة اسمها أبولو. دي منصة فيها أكثر من 200 مليون كونتاكت في كل الصناعات وفي كل حتة في العالم. تقدر بقى تعمل بحث بالدولة والصناعة وحجم الشركة والوظيفة إلى آخره وتطلع ليدز مستهدفة جاهزة للأوت ريتش. وبس يا سيدي لما بتجيب البيانات دي بتاخد البيانات دي اللي هي الداتا أو اللييدز دي وتحطها في أداة من أدوات الكولد إيميلز وبتعمل بعض الخطوات عشان تقدر تبعت الإيميلز دي. تعال أقول لك مثال عن شكل الرسالة دي ممكن يبقى عامل إزاي. في العنوان ممكن نكتب زيادة حجوزات العيادات باستخدام AI خلال 30 يوم. ده العنوان بتاع الإيميل اللي أنت بتبعته. نص الإيميل: أستاذ/دكتور {{first_name}} أنا {{your_name}} متخصص في بناء أنظمة ذكاء اصطناعي بتساعد العيادات على الرد على استفسارات المرضى 24/7. حجز المواعيد تلقائيًا تقليل ضغط التليفونات على الريسيبشن. اشتغلت مؤخرًا مع عيادات شبيهة بعيادتكم وقدرنا نزود عدد المواعيد المؤكدة بنسبة 25% في أول شهر من تشغيل الـ AI Bot. حابب أوري لحضرتك ديمو بسيط إزاي النظام ده ممكن يشتغل معاكم هل مناسب لحضرتك مكالمة 15 دقيقة على Zoom؟ {{two_options}} تحياتي. نفس الفكرة تقدر تطبقها في رسائل الـ DMs الـ Direct Messages على انستجرام ولينكد ان بس بصيغة أقصر. وأهم حاجة في الموضوع ده إنك تستهدف شركات صح مش أي حد ركز على نوع واحد من البيزنسز في البداية. واستخدم رسائل واضحة ومختصرة تبين القيمة من أول سطرين. واعمل إيميل فولو أبس بتتبعت برضه أوتوماتيكي بيكونوا من ثلاث لخمس رسايل بيتبعتوا على مدار أسبوعين أو ثلاثة يفكروا الشخص اللي ما ردش عليك إنه هو يبدأ يتواصل معاك. دمج الأوت ريتش مع المحتوى. تقدر في نفس الوقت اللي بتبعت فيه كولد إيميلز وDMs تعمل محتوى تعليمي قصير موجه لأصحاب البزنسز. يعني فيديو ريلز بتشرح فيها إزاي الـ AI Bot ممكن يوفر على شركتك 30% من الوقت فريق خدمة العملاء. ثلاث طرق تستخدم بيها الذكاء الاصطناعي في مشروعك النهارده وهكذا. وتقدر تقول كولتوا أكشنز في آخر الفيديو ريلز بتاعتك إنك لو عايز AI بوت جاهز لمشروعك ابعت لي رسالة أو احجز مكالمة. وبكده هتزود مبيعاتك وتقوي فرص بيعك بشكل كبير. الموضوع ده برضه أنا بشرحه بشكل مفصل في دورة The Founder AI. إزاي تستخدم صناعة المحتوى في التسويق للخدمات وبالأخص خدمات الذكاء الاصطناعي. فشوف دورة The Founder AI هتساعدك جدًا في مشوارك. تعالوا بقى نقيم نموذج العمل الثالث بيع خدمات الـ AI. زي ما عملنا قبل كده هنعمل تقييم للنموذج ده. تكلفة البدء أو الـ Cost To Start هنا تقريبًا برضه قليلة جدًا. أنت محتاج لاب توب وإنترنت بس وهتدفع بعض المصاريف لبعض الأدوات اللي ذكرناها هنا مش هتتخطى الـ 50، 60 دولار في الشهر وأنت في البداية. فهنا هنكتب عند Cost To Start Low. نيجي نشوف الـ Time الوقت المطلوب عشان تبدأ تشوف نتائج. هنا ممكن تشوف أول عميل خلال من 30 لـ 90 يوم لو اشتغلت بجد. واتعلمت إزاي تقدر تعمل أوت ريتش بشكل مظبوط. فهنكتب هنا Medium. المجهود المطلوب اللي هو الـ Effort مجهود عالي في الأول لأنك هتحتاج تتعلم وتبني سيستم. وهتحتاج تتعلم برضه موضوع الأوت ريتش وتنفذه باحترافية فهنعتبر الـ Effort هنا High. الإمكانيات أو الـ Potential ممتازة جدًا. لأنك هنا هتبيع الخدمات دي بـ 500 دولار وـ 1000 دولار شهريًا كمان للعميل الواحد. فلو حضرتك جبت خمس أو 10 عملاء فأنت بتتكلم في دخل ما بين 3 آلاف لـ 15 ألف دولار وقابل جدًا للزيادة مع الوقت لو زودت الأسعار وزودت الفريق بتاعك وطورت كل شيء في مشروعك. تعالى نراجع بسرعة بقى عشان الصورة تثبت في دماغك. نمرة واحد عندنا التجارة الإلكترونية الـ e-Commerce Brand في المنتجات الملموسة في سوق متخصص. تبني متجر إلكتروني متخصص في نيش واضح. تستهدف جمهور قادر يدفع بمنتج المارجن بتاعه أو هامش الربح بتاعه عالي. تكلفة البدء هنا بتكون High الوقت بيكون Medium والـ Effort أو المجهود المطلوب بيكون Low لما السيستم بتاعك يمشي. والبوتنشل من 2000 لـ 20 ألف دولار شهريًا وأكتر كمان. نمرة اثنين الـ Digital Products أو بيع المنتجات الرقمية. تبني Personal Brand ومحتوى قصير على اليوتيوب وانستجرام وتيك توك. تصنع منتجات رقمية زي كورسات وجايدز وتمبلتس وميمبر شيبس وخلافه. تكلفة البدء هنا Very Low لأن تقريبًا مفيش مصاريف خالص. الوقت Long ممكن تاخد ست شهور في المتوسط على ما تبدأ تشوف نتائج كويسة. الـ Effort Medium مجهود متوسط. والـ Potential كبير جدًا من 3 آلاف لـ 10 آلاف دولار شهريًا وفي ناس بتعدي الـ 100 ألف دولار شهريًا من الموضوع ده. ثلاثة الـ AI Services أو بيع خدمات الذكاء الاصطناعي للشركات. تتعلم خدمة واحدة قوية زي الـ AI Bots أو الـ AI Agents أو الـ AI Automation. تستخدم تولز للـ Cold Emails وقواعد بيانات تجيب منها الـ Leads زي أبولو وأبي فاي. تبني نظام أوت ريتش متكامل وتتعلم أكثر عن موضوع الأوت ريتش ده. زائد محتوى يدعم ثقتك قدام العميل. تكلفة البدء هنا Low الوقت هنا بيكون Medium شهر لثلاث شهور والـ Effort اللي هو المجهود هنا هنعتبره High. والـ Potential ممتاز جدًا في المتوسط من 3 آلاف لحد 15 ألف دولار شهريًا وأكثر. الثلاث طرق دول لو ركزت في واحدة بس منهم خلال السنة الجاية ومسكت فيها بجد ممكن تغير مستقبلك المالي بالكامل بإذن الله. بص يا صديقي في لحظة كده في حياة كل واحد فينا بيكون قاعد لوحده ماسك الموبايل بيشوف فيديو زي ده. يا إما يقفله ويكمل نفس حياته نفس الشغل نفس المرتب نفس الشكوى. يا إما يحط الموبايل جنبه ويفتح نوتة كده ويكتب أنا هبدأ من النهارده. وادي نفسي من ست شهور لـ 12 شهر ادي فيها كل اللي أقدر عليه. ما فيش حد بيبني جسم رياضي أو بيبني بزنس ناجح أو بيبني حرية مالية وهو قاعد مستني المعجزة تحصل لوحدها. اللي بيفرق بين اللي بيحلم واللي فعلًا بيوصل هو القرار زائد الاستمرار والانضباط. لو وصلت لحد هنا في الفيديو فأنا متأكد إن جواك حاجة بتقول أنا مش عايز أكمل حياتي زي ما هي. أنا عايز أبدأ ابدأ باختيار طريق واحد من الثلاثة اللي كلمتك عنهم هنا. اختار الطريق اللي حسيته أنسب لشخصيتك وإمكانياتك دلوقتي. وابدأ فيه حتى ولو بخطوة صغيرة. ولو حابب تمشي الطريق ده مع سيستم واضح ويبقى معاك حد ماسك بإيدك خطوة بخطوة في اختيار النيش بناء المحتوى استخدام الذكاء الاصطناعي وصناعة المنتجات الرقمية أو خدمات مربحة. ساعتها أنصحك تشوف دورة The Founder AI هتلاقي الرابط موجود في وصف الفيديو وممكن تكون هي النقلة اللي كنت مستنيها من زمان. ما تنساش تشوف الروابط الموجودة في وصف الفيديو هتلاقي حاجات فيها تساعدك جدًا في مشوارك. وما تنساش تعمل لايك وشير عشان الكل يستفيد ولو لسه ما اشتركتش في القناة اشترك دلوقتي وفعل الجرس عشان توصلك فيديوهات قيمة جدًا مش هتلاقيها في أي حتة شكرًا جزيلًا أشوفكم على خير في فيديو جديد وكان معاكم ياسر سليم والسلام عليكم ورحمة الله وبركاته.
