[0:00]ازيكم ايه الاخبار؟ النهارده بنتكلم عن الديزاين ثينكينج. ايه هو الديزاين ثينكينج وليه بيعتبر من افضل اساليب حل المشاكل لحد النهارده في 2022؟
[0:10]ده موضوع الحلقه بتاعت النهارده، استنوني بعد الفاصل.
[0:19]سلام عليكم. انا اسمي احمد رمزي وبشتغل يو اكس ديزاينر ودي قناتي على اليوتيوب. في القناه دي هقدم محتوى يخص اليو اكس ديزاين بالتحديد والبرودكت ديزاين بوجه عام. لو انت ديزاينر، بروجيكت مانجر، ديفيلوبر، سكرام ماستر، او ليك علاقه بالسوف وير عامه او حتى مالكش علاقه بالسوف وير بس نفسك تسمع مواضيع تخص الحاجات اللي انا قلت عليها دي سواء كان اليو اكس ديزاين او البرودكت ديزاين. تابعني على القناه، اعمل سبسكرايب وفعل الزرار بتاع النوتيفيكيشنز تحت عشان يوصلك اخر فيديوهاتي. طيب، من غير ما نتكلم كتير تعالوا مع بعض نبدا الفيديو ونتكلم عن الموضوع بتاع النهارده. خلينا نرجع خطوه لورا كده الاول ونفهم يعني ايه ديزاين اصلا. مفيش حد فينا تقريبا ما قابلوش مشكله ليها علاقه بالتصميم في حياته. نقدر نقول ان احنا علشان نلاقي حلول للمشاكل اللي عندنا في حياتنا، لازم نتبع طريقه او منهج معين او اسلوب معين لحل المشاكل دي. في اكتر من طريقه او مدرسه او منهجيه ممكن نتابعها علشان نلاقي حلول للمشاكل. من اشهر الطرق دي واللي فعلا في ناس كثيره جدا في العالم بتستخدمه هو الديزاين ثينكينج. بس اشمعنى يعني يا احمد يا رمزي الديزاين ثينكينج؟ ليه اخترت المنهجيه دي بالتحديد لحل المشاكل؟ لان الديزاين ثينكينج بيتمحور بشكل اساسي حوالين المستخدم. موجه بشكل كبير جدا لدراسه مشاكل المستخدمين واحتياجاتهم. هدي لك مثال بسيط. تخيل ان انت واقف دلوقتي وفي قدامك شويه مشاكل بتواجه المستخدم. الديزاين ثينكينج بقى تخيل معايا كده هو عباره عن نظاره بتلبسها بتخليك تشوف حلول للمشاكل اللي قدامك دي من خلالها. النظاره دي بتشتغل بطريقه اسمها الهيومان سنتر ابروتش او بالعربي المنهجيه المتمركزه حوالين الانسان. ايه يا عم الكلام الكبير ده؟ منهجيه ايه ومتمركزه ايه وانسان ايه؟ عايزين نفهم يا عم كده ادينا مثال بسيط. الهيومان سنتر ابروتش ده هو عباره عن طريقه لايجاد الحلول اللي بتقرب اكتر لاحتياجات الانسان. يعني بندرس احتياجات الانسان والمشاكل اللي بيقابلها وبنقدم حلول عشان تسد الاحتياجات دي او تحل المشاكل دي. الديزاين ثينكينج من كتر ما اثبت كفاءته في حل المشكلات، خلى شركات كبيره جدا زي ابل وجوجل وغيرها من الشركات اللي بتشتغل في التكنولوجيا ان هي تستخدمه كاسلوب اساسي ويومي لحل المشكلات اللي بتقابل المستخدمين عندها. مش كده وبس ده حتى الاشخاص العاديين مش شرط يكونوا بيشتغلوا مصممين يعني يقدروا ان هم يستخدموا المنهجيه دي في ان هم يحلوا بعض المشاكل اللي بتقابلهم في يومهم او حتى في شغلهم. عندك كل المهندسين والفنانين والمبدعين واي حد بيفكر في مشكله معينه يقدر ان هو يستخدم الديزاين ثينكينج ويفيده جدا جدا جدا في حياته العمليه. برضه من الحاجات المهمه الجديره بالذكر ان الديزاين ثينكينج ملوش طريقه معينه بيشتغل بيها. يعني كل واحد يقدر ان هو يشتغل بالطريقه اللي تريحه طالما ان هو بيستخدم نفس الفلسفه ونفس الاسلوب في حل المشاكل اللي عنده باستخدام الديزاين ثينكينج. طيب عشان نلخص بقى كل اللي قلناه نقدر نعرف الديزاين ثينكينج كالاتي وركز معايا قوي في التعريف ده. الديزاين ثينكينج هو عباره عن طريقه او منهجيه او فلسفه، بتتكون من مجموعه من عمليات تكراريه، الهدف منها هو حل المشكلات اللي بيتمحور حوالين المستخدم. ده كمان قال لك ان اليوزر اكسبيرينس اللي انت اصلا بتعمل كل ده عشان تحسنها هي جزء من حاجه اكبر بكتير اسمها الكاستمر اكسبيرينس. ودي بشكل مختصر هي عباره عن العلاقه بين الكاستمر او العميل وبين البزنس اللي هو بيتعامل معاه. وده موضوع كبير شويه نقدر ان احنا نتكلم عنه في حلقات كتير جايه ان شاء الله. طيب بيكون عندنا في الديزاين ثينكينج خمس خطوات متعارف عليهم ما بين كل الناس. الخطوات دي بننفذها بشكل متكرر ولكن بطريقه نون ينير. طيب ليه قلنا عليها نون ينير او لا خطيه؟ لان انا بشكل بسيط اقدر ان انا انتقل من اي خطوه في البروسيس دي، احنا قلنا هم خمس خطوات، اقدر ان انا انتقل من اي خطوه لاي خطوه مش لازم ان انا امر بالترتيب على كل الخطوات. طبعا ده بيكون بناء على المعطيات اللي عندي في كل مرحله وبرضه بيكون مبني على انا عايز اوصل لايه بالظبط في النهايه. وده نوعا ما بيدي برضه فليكسيبيلتي او مرونه للمصمم ان هو يفكر بره الصندوق شويه. نبدا بالخطوه الاولى في الديزاين ثينكينج وهي الامباثي او التعاطف. في الخطوه دي ببساطه احنا بنحاول نفهم مين هم المستخدمين او اليوزرز اللي هيستخدموا البرودكت بتاعنا او المنتج بتاعنا. بنحاول نفهم مشاكل اليوزرز دي واحتياجاتهم بوجه عام. برضه في الخطوه دي معظم الوقت بنقضيه في تجميع المعلومات عن طريق ان احنا بنعمل مقابلات مع المستخدمين دول او انترفيوز او يوزر انترفيوز. بنحاول نعمل يوزر برسوناز او نكون شخصيات المستخدمين دي. بنحاول نفهم مين هم مجموعه الاشخاص اللي هتبقى بتنتراكت مع البرودكت اللي احنا بنعمل له الديزاين او اللي احنا بنصممه. وايه هي المشاكل او التشالنجز او التحديات اللي الناس دي ممكن تكون بتقابلها دلوقتي. بننتقل بعد كده للخطوه الثانيه وهي الديفاين او التحديد. في الخطوه دي احنا بناخد كل حاجه احنا اتعلمناها عن المستخدم في الخطوه الاولى وبنبدا نعمل تحديد او تعريف او بريك داون لكل الحاجات اللي احنا اتعلمناها دي في الخطوه الثانيه. وبنبدا نطلع باستنتاجات عن كل حاجه اليوزرز بتوعنا بيكونوا محتاجينها. وده بيكون عن طريق المشاكل اللي احنا درسناها في الخطوه الاولى من خلال الانترفيوز اللي احنا عملناها مع اليوزرز او المقابلات اللي احنا اتكلمنا فيها مع اليوزرز. يعني تخيل معايا كده كل المعلومات وكل مشاكل وكل التشالنجز اللي احنا عرفناها عن اليوزرز في الخطوه الاولى بندخل كل المعلومات دي في ماشين بنعمل عليها بروسيسنج عشان نطلع منها بمعلومات او بانسايتس مفيده تقدر ان هي بعد كده تفيدنا في المراحل الجايه من التصميم. المعلومات اللي ممكن نطلع بيها دي بتكون حاجات زي اليوزرز بيقابلوا مشكله ما زي كذا. او ان والله في مشكله كمن بروبلم او كمن ايشيو قابلت معظم اليوزرز اللي عندنا او ان 90% من المستخدمين اللي عندنا عندهم مشكله في واحد 2 3. وبنبتدي نطلع بملاحظات وحاجات المفروض ان احنا نركز عليها في الخطوات الجايه في البروسيس بحيث ان هي تساعدنا او ان هي تسهل علينا شويه احنا ممكن ازاي نخلي تجربه المستخدمين دول احسن. يعني في الخطوه دي من الاخر بناخد كل اللي اتعلمناه من مشاكل وتشالنجز واحتياجات لليوزرز وبنحولها ليوسف الانسايتس نقدر ان احنا نستخدمها بعد كده. نيجي بعد كده للخطوه رقم 3 وهي الايديشن او التفكير. وهنا بناخد كل اللي اتعلمناه في الخطوه الاولى وكل اللي استنتجناه في الخطوه الثانيه ونضربهم مع بعض في الخلاط ونطلع اخيرا بحلول او افكار او بوتنشال سلوشنز. مش كده وبس احنا بنحاول نربط الحلول المقترحه دي او البوتنشال سلوشنز دي بالاستنتاجات اللي احنا طلعنا بيها في المرحله الثانيه او في الخطوه الثانيه. الخطوه دي بصراحه من اكتر الخطوات اللي انا بفضلها جدا في الديزاين ثينكينج بروسيس. هتلاقي في الخطوه دي برين ستورمينج كتير جدا، ناس كتير بتشتغل مع بعضها، ناس كتير بتحاول تطلع ايدياس بغض النظر الناس دي ممكن يكون الدور بتاعها ايه او الرول بتاعها ايه في الديزاين. حرفيا اي حد عنده فكره مقترحه في المرحله دي يقدر ان هو يطرحها وتقدر ان هي بعد كده الفكره دي تكون محل نقاش ما بين كل اعضاء التيم بحيث ان احنا نوصل لافضل حل. وبنوصل مع بعض للخطوه رقم اربعه وهي البرو توتايبينج او النموذج الاولي. في الخطوه دي بناخد كل الحلول المقترحه اللي اقترحناها او اللي عملناها في الخطوه الثالثه وبنختار منهم افضل فكرتين او ثلاث افكار اللي احنا حاسين يعني ان هم اقرب لحل مشاكل اليوزر واقرب لتوفيه احتياجاتهم يعني. وبنحول الافكار دي وركنج بروتوتايبس او نماذج شغاله نقدر ان احنا نجربها ونوعا ما نخلي المستخدمين بتوعنا يقدروا يجربوها. البروتوتايب بتاعنا بيكون نموذج بسيط جدا للفكره اللي احنا بنحاول نطبقها. ما بيكونش كود طبعا مفيش ديفلوبرز او في ديفلوبمنت يعني بيكون انفولف في الستيب دي. احنا بس بنعملها عشان نقدر نبرزنت الفكره بتاعتنا لليوزرز وكمان ستيك هولدرز او اصحاب المصلحه اللي شغالين معانا في الشركه او في البروجيكت بتاعنا. ومن هنا تيجي اخر خطوه في الديزاين بروسيس وهي التستنج او التجربه. في الخطوه دي بناخد كل البروتوتايبس او كل النماذج اللي شغاله اللي عملناها في الخطوه الرابعه اللي هي اصلا كانت مبنيه على الافكار اللي جمعناها في الخطوه رقم 3 اللي هي الايديشن. لو انتوا مركزين معايا بنبدا ان احنا نحط البروتوتايبس دي في اختبارات حقيقيه مع مستخدمين حقيقيين. هيجي حد هنا يسالني سؤال. يا احمد يا رمزي هو الناس اللي انت هتعمل معاهم تيستينج او اختبار دول هتختارهم على اساس ايه؟ ام سؤالك حلو وذكي جدا انا سعيد جدا انك سالت السؤال ده. فاكر الناس اللي انت عملت معاهم مقابلات وانترفيوز في الخطوه الاولى امباثايز الناس اللي انت كنت بتحاول تفهم مشاكلهم. اهو نفس الناس دول هم اللي انت هتعمل معاهم تيستينج للحلول بتاعتك. اه والله ما احنا درسنا اصلا مشاكلهم ليه مش عشان نطور حلول تقدر ان هي تحل المشاكل دي ونرجع نختبر الحلول دي معاهم ونشوف هل الحلول دي فالد ولا لا؟ هل الحلول دي يوزابول ويقدروا يستخدموها ولا لا؟ طيب الناس دي او اليوزرز دي هيبداوا ان هم يستخدموا السلوشنز بتاعتنا او البروتوتايبس اللي احنا عملناها في الخطوه اللي قبل كده وبنبتدي ان احنا ناخد منهم فيدباك. طبعا التستنج ده بيحصل في الريل تايم واثناء ما هم بيستخدموا الايديا بتاعتنا او البروتوتايب بتاعنا. بنبتدي ان احنا ناخد نوتس وملاحظات وبنبتدي ان احنا نسالهم شويه اسئله اثناء ما هم بيجربوا السلوشن بتاعنا. بعد ما بنخلص التستنج بناخد كل النوتس وبناخد كل الفيدباك وبناخد كل اراء اليوزرز بتوعنا. وبنرجع ندخل الفيدباك ده تاني في البروسيس ونرجع للستيب رقم 2 لو انتوا فاكرين. ايوه صح ستيب رقم 2 اللي هي ديفاين وبنبدا نحلل من تاني في الخطوه دي المشاكل اللي قابلت اليوزرز اثناء ما هم بيستخدموا السلوشن بتاعنا. ونبدا نطلع انسايتس من تاني او ارقام من تاني مثلا ان 30% من اليوزرز اللي عملنا معاهم تيستينج لقوا ان في تشالنج في الحته دي. ومن ثم نروح للخطوه الثالثه ونبتدي نعمل ايديشن ونطلع افكار للمره الثانيه احسن وافضل من الافكار اللي طلعناها في المره الاولى. ومن ثاني طبعا نبدا ناخد الافكار دي ونعمل لها بروتوتايبس ونخش بعد كده نعمل لها تيستينج ثاني مع اليوزرز وناخد منهم فيدباك وهكذا بتكمل معانا البروسيس في لوب ترايل ان ايرور لحد ما نوصل لافضل بوسيبل سلوشن او افضل حل اليوزرز او المستخدمين كانوا مرتاحين وهم بيستخدموه. وهو ده ببساطه الديزاين ثينكينج بشكل نوعا ما مختصر. هو ده الاساس او الفكره اللي اتبنى عليها الديزاين ثينكينج اصلا كمنهجيه لحل المشكلات. الخمس خطوات اللي اتكلمنا عليهم دول هم تقريبا الخطوات اللي متعارف عليهم من كل المصممين او من كل الناس اللي بتستخدم الديزاين ثينكينج ميثودولوجي في العالم كله. ولو دخلت على جوجل وعملت سيرش على ديزاين ثينكينج بروسيس هتلاقي نفس الخطوات دول دايما بيتكرروا معاك. ده ببساطه كان الجزء الاولاني من سلسله حلقات الديزاين ثينكينج. لازال طبعا في حاجات وتفاصيل كتيره جدا جوه كل ستيب من الخمسه اللي اتكلمنا عليهم دول. لسه طبعا ما تكلمناش عليهم لان مش هيعرف نغطيهم في حلقه واحده ولكن في الحلقات اللي جايه ان شاء الله هنتكلم عن كل خطوه من الخطوات دي بالتفصيل. لو مهتم تسمع اكتر او تتابع الحلقات اللي جايه في السلسله دي ما تنساش تعمل اشتراك في القناه. وبرضه ما تنساش تفعل زرار النوتيفيكيشنز عشان يوصلك اخر فيديوهاتي اول باول. لو عجبك الفيديو ده يا ريت تدعمني باللايك ولو عندك اي سؤال او استفسار او حتى اقتراحات لفيديوهات جايه اكتب لي تحت في الكومنتس اي حاجه انت عايز تقول لي عليها. شكرا لكم على المشاهده واشوفكم في الحلقه اللي جايه ان شاء الله. باي باي.
