المُخبر الاقتصادي+ | لماذا قد تدمر الحرب على إيران الاقتصاد العالمي وترفع أسعار كل شيء؟

[0:00]بعد أكثر من أسبوعين من انطلاق الحرب الأمريكية الإسرائيليه على ايران، وتحديدا في 16 مارس 2026، الرئيس الامريكي دونالد ترامب كتب منشور غاضب جدا على حسابه على منصه السوشيال. هاجم فيه وسائل الاعلام الامريكيه بشده واتهم بعضها بالفساد والكذب والتضليل وحتى الخيانه العظمى. بسبب انها على حد كلامه بتنشر تقارير عن نجاحات عسكريه مزيفه لايران في المنشور ده ترامب قال نصا: الحقيقه هي ان ايران تدمر والمعارك الوحيده التي تنتصر فيها هي تلك التي تولدها عن طريق الذكاء الاصطناعي وتبثها وسائل اعلامنا الفاسده. غضب ترامب من وسائل الاعلام الامريكيه مش شيء جديد، ولكنه واضح جدا انه خلال الحرب على ايران بالذات غضبه تجاه اشد من اي وقت فات. ترامب بيتهم وسائل الاعلام الامريكيه بشكل واضح انها بتضخم الضربات الايرانيه وفي نفس الوقت بتتجاهل النجاحات اللي بيحققها الجيش الامريكي هناك. المهم فضل غضب ترامب الشديد من تغطيه وسائل الاعلام الامريكيه للحرب على ايران لغز لاسابيع وتحديدا لغايه يوم 25 مارس 2026. في اليوم ده ام بي سي نيوز الامريكيه نشرت تقرير بيوضح كواليس متابعه الرئيس الامريكي دونالد ترامب لمجريات الحرب على ايران. التقرير ده يمكن ادق وصف ليه وانه تقرير مخيف لانه بيشير الى ان الرئيس الامريكي قد يكون عايش في عالم موازي وغير مطلع بشكل كامل على حقيقه مجريات الحرب. حسب التقرير ده الرئيس الامريكي بيستقي معلوماته عن تطورات الحرب بشكل اساسي من خلال مقاطع فيديو قصيره عاده طولها بيكون دقيقتين بيبعتها ليه المسؤولين العسكريين الامريكيين. مقاطع الفيديو دي المسؤولين العسكريين الامريكيين بينتجوها وبعتوها لترامب يوميا عشان يتفرج على انجازات الجيش في الحرب على ايران. ووفقا لما نقلته ام بي سي نيوز عن مصادر مطلعه، الفيديوهات دي عباره عن سلسله من اشياء بيتم تفجيرها او ستاف بلونج اب على حد تعبير احد المصادر. يعني باختصار مساعده ترامب بيفرجوه يوميا على فيديوهات كل اللي فيها بوم بوم بوم. ووفقا للتقرير الفيديوهات اللي الرئيس الامريكي بيتفرج عليها كل يوم دي عامله قلق كبير عند عدد من حلفائه والقريبين منه اللي خايفين ان ترامب اما لا يستوعب الصوره الكامله لمجريات الحرب مع ايران او لا يتلقى معلومات كفايه عنها. وفي السياق ده ام بي سي نيوز اشارت الى ان الفيديوهات دي ساهمت في غضب ترامب من تغطيه وسائل الاعلام للحرب وذكرت ان ترامب خلال جلسات خاصه مع اعضاء ادارته حوالين فشل الاداره في التاثير بشكل افضل على الراي العام الامريكي. سالهم ليه النجاحات اللي هو بيشوفها كل يوم في الفيديوهات دي وسائل الاعلام مش بتركز عليها وفي السياق ده ام بي سي نيوز نقلت تصريح عن مسؤول امريكي حالي قال نصا: وي كانت تل هم افري سينجل ثينج ذات هاز. يعني احنا ما نقدرش نقول للرئيس كل حاجه بتحصل واعترف بان المعلومات اللي بتوصل لترامب عن الحرب بتميل للتركيز على نجاحات الجيش الامريكي وبتشمل تفاصيل قليله نسبيا عن الضربات الايرانيه.

[3:07]على سبيل المثال التقرير بيحكي انه خبر تعرض خمس طائرات للتزود بالوقود تابعه لسلاح الجو الامريكي للقصف في قاعده الامير سلطان الجويه في السعوديه اللي نشرته ستريت جورنال في 13 مارس اللي فات ترامب سمع عنه لاول مره زيه زينا من وسائل الاعلام مش من الجيش او الاستخبارات. طبعا ده كلام خطير ويخوف لان لو الرئيس الامريكي بيجهل او ما عندوش فكره كامله عن تطورات الحرب فده هيقوده قطعا لاتخاذ قرارات هتتسبب في مشاكل كتير من بينها اطاله امد الحرب. والحرب دي كل ما طالت كل ما اثارها الكارثيه تسعت وامتدت في وسط ما الايرانيين والامريكيين والاسرائيليين بيتبادلوا الضربات مضيق هرمز مقفول امام حركه الملاحه بقرار ايراني ومفيش حد قادر يحوب ناحيته ودي ازمه بيدفع تمنها العالم كله مع الاسف ولسه هيدفع اكتر لو استمرت لفتره اطول. طريقه اداره الرئيس الامريكي للحرب على ايران لو استمرت بالشكل ده هتخليه يورط العالم كله في ازمه اقتصاديه عنيفه جدا. ازمه قادره بدون مبالغه على تدمير الاقتصاد العالمي، طب ازاي؟ ده اللي هندردش فيه مع بعض في حلقه النهارده انا اشرف ابراهيم ده المخبر الاقتصادي بلس.

[4:22]في عاشر ايام الحرب الامريكيه الاسرائيليه على ايران وتحديدا في 9 مارس زبي دوفال رئيس الاتحاد الامريكي لمكاتب المزارعين بعت رساله استغاثه عاجله للرئيس الامريكي دونالد ترامب كان فحواها باختصار هو الحقنا يا ريس. في الرساله دي دوفال وضح لترامب ان المزارعين الامريكيين واقعين في ورطه كبيره لانه في الوقت اللي كانوا بيستعدوا فيه لموسمهم الزراعي في فصل الربيع اتفاجئوا بارتفاع اسعار المدخلات الاساسيه زي الاسمده والوقود بسبب اغلاق مضيق هرمز. وبعدين الراجل حذر ترامب وقال له اللي بيحصل ده مش بس بيهدد امننا الغذائي وانما كمان بيهدد امننا القومي بانخفاض انتاجيه المحاصيل الامريكيه وبالتالي ارتفاع اسعارها هيتسبب في زياده الضغوط التضخميه في كافه انحاء الاقتصاد الامريكي.

[5:09]وعلى هذا الاساس دوفال طلب من ترامب انه يبعت البحريه الامريكيه لمضيق هرمز علشان تامن شحنات الاسمده وتضمن استمرار تدفقها للاسواق. ده قبل ما يحذره من ان تقاعسه عن التحرك بشكل عاجل في المساله دي ممكن يؤدي لحدوث اضطرابات في سلسله الامداد الغذائي العالم ما شافش زيها من 2022 لما اسعار المواد الغذائيه وصلت لاعلى مستوياتها من 40 سنه.

[5:33]الشاهد هو ان الرساله دي القت الضوء على جانب مهم جدا ولكن منسي من جوانب الازمه العالميه الناتجه عن اغلاق ايران في اطار حربها ضد امريكا واسرائيل لمضيق هرمز قدام حركه الملاحه من والى الخليج العربي. هو الجانب المتعلق بالامدادات الخليجيه من مدخلات صناعه الاسمده العالميه. معظم وسائل الاعلام ركزت على تاثير الحصار المفروض على النفط والغاز الخليجي من خلال غلق مضيق هرمز على الاقتصاد العالمي وده شيء كارثي بلا شك ولكن في حقيقه الامر مش هو اخطر شيء حاصل في الوقت الحالي بسبب ازمه مضيق هرمز. الجانب الاخطر من الازمه دي هو انها بتهدد الامن الغذائي العالمي وممكن تتسبب في ازمه غذاء عالميه عنيفه. ازمه مش بس هتتسبب في نقص المحاصيل وارتفاع اسعار الغذاء وانما كمان ممكن تؤدي لخساره الملايين حوالين العالم لحياتهم وموتهم من الجوع. اغلاق مضيق هرمز بياثر على امدادات الغذاء العالميه بطريقتين الاولى هي من خلال رفع اسعار الوقود. اغلاق ايران لمضيق هرمز تسبب بطبيعه الحال في ارتفاع اسعار النفط والغاز الطبيعي ومشتقاته واللي على راسها انواع الوقود المختلفه لمستويات قياسيه. وقود اغلى معنا تكاليف اكبر على المزارعين لان المحصول من لحظه زراعته في الارض ولحد ما يوصل لمائده بيحتاج وقود. الوقود هو اللي بيشغل ماكينات الري هو اللي بيشغل الجرارات اللي بتحرث الارض هو اللي بيشغل معدات الحصاد هو اللي بيشغل الشاحنات والسفن اللي بتنقل المحصول من الارض هو اللي بيشغل المحطات اللي بتوفر كهرباء لمنشات التبريد والمطاحن وغيرها من المنشات الزراعيه المرتبطه بالتصنيع الزراعي. من الزاويه دي اغلاق مضيق هرمز وحصار جزء كبير من طاقه انتاج النفط والغاز الطبيعي ومن طاقه التكرير في الخليج بيشكل عامل ضغط كبير على المزارعين في كل مكان في العالم سواء كانوا افراد او شركات. في الوقت الحالي اسعار الغذاء العالميه متتاثره بشكل اساسي بارتفاع اسعار الوقود ولكن خلال الفتره القادمه هيظهر عامل ضغط ثاني اكثر اهميه واكثر خطوره على اسعار الغذاء وده ياخدنا للطريقه الثانيه اللي بتاثر من خلالها ازمه مضيق هرمز على امدادات الغذاء العالميه. وهي متعلقه بالمغذيات الزراعيه او الاسمده. الزراعه النهارده في كل مكان في العالم تقريبا بتعتمد على ثلاث انواع من الاسمده. بنتكلم على الاسمده النيتروجينيه والاسمده الفوسفاتيه والاسمده البوتاسيه. دول الخليج العربي بتعتبر من اكبر منتجي العالم لاول نوعين اللي هم الاسمده النيتروجينيه زي اليوريا ونترات الامونيوم والاسمده الفوسفاتيه زي ثنائي فوسفات الامونيوم واحاد فوسفات الامونيوم. الانتاج الخليجي من الاسمده بيوصل للاسواق العالميه بطبيعه الحال من خلال الشحن البحري وده اللي بيخلي مضيق هرمز نقطه اختناق مهمه لصناعه الاسمده العالميه. على سبيل المثال اشهر سماد في العالم هو اليوريا السماد ده بيستخدم في زراعه نص الانتاج الغذائي في العالم ما يقرب من 50% من اليوريا المتداوله عالميا مصدره الخليج وفي طريقه للاسواق بتمر عن طريق مضيق هرمز. في السياق ده الحرب على ايران اتسببت اولا في حرمان الاسواق العالميه من جزء ضخم من الامدادات العالميه من سماد مهم زي اليوريا وثانيا الحرب عطلت الانتاج. في رابع ايام الحرب الامريكيه الاسرائيليه على ايران وتحديدا في 3 مارس قطر للطاقه الشركه الام لشركه قطر الاسمده قافكو اللي بتدير اكبر مصنع لانتاج اليوريا في العالم بانتاج سنوي بيوصل ل 5.6 مليون طن متري بيعدلوا 14% من الامدادات العالميه اعلنت وقف انتاج بعض عدد من منتجاتها كان من ضمنها اليوريا. واللي بيعقد الازمه دي بشكل اكبر هو ان غلق المضيق مش بس بيمنع وصول الاسمده الخليجيه للاسواق العالميه وانما كمان بيمنع وصول مدخلاتها الاساسيه للمنتجين اللي ممكن يعوضوا ولو بشكل جزئي الانتاج الخليجي المفقود من الاسمده. يعني مثلا الاسمده النيتروجينيه زي اليوريا ونترات الامونيوم الاثنين دول بينتجوا من الامونيا. دول الخليج بتنتج 30% من الامونيا المتداوله في العالم وفوق كده الامونيا بتنتج من الغاز الطبيعي. زي ما انتم عارفين جزء كبير من الامدادات العالميه من الغاز محاصره حاليا بسبب ازمه مضيق هرمز بنتكلم على 20% من الصادرات العالميه من الغاز الطبيعي المسال اللي بيتم تصديرها من خلال قطر والامارات. قطر لوحدها نسبتها من اجمالي الصادرات العالميه من الغاز الطبيعي المسال تقترب من 19%. قطر للطاقه وقفت انتاجها من الغاز الطبيعي المسال في ثالث ايام الحرب بسبب هجمات ايرانيه طالت منشاتها في راس لفان ومسعيد. الهجمات دي اجبرت الشركه على انها توقف انتاجها في وقت مبكر من بدايه الحرب ولكن عاجلا او اجلا التوقف ده كان هيحصل في ظل استمرار اغلاق مضيق هرمز اللي بيعتبر الطريق الوحيد لخروج الغاز الطبيعي المسال من الخليج. خروج الغاز القطري من السوق في الوقت الحالي اتسبب بطبيعه الحال في ارتفاع الاسعار العالميه للغاز. والاهم من كده اتسبب في حرمان عدد من كبار منتجي الاسمده خارج المنطقه من امدادات الغاز بدون الغاز الطبيعي مصانع الاسمده مش هتعرف تصنع اسمده نيتروجينيه. ده اللي دفع عدد من الشركات المصنعه للاسمده في الهند اللي هي ثاني اكبر مستهلك للاسمده في العالم بعد الصين انها تخفض انتاجها فورا بمجرد ما فقدت الامدادات القطريه من الغاز الطبيعي المسال. لو الازمه دي طالت هنلاقي مصانع للاسمده في الهند بتقفل قريب جدا. ولو اسعار الغاز الطبيعي زادت بشكل اكبر هنلاقي مصانع اسمده اكتر في اماكن مختلفه حوالين العالم بتقفل خصوصا وان حكومات كتير بدات مؤخرا انها تخفض امدادات الغاز اللي بتوصلها لمصانع الاسمده. نفس الكلام ينطبق على الاسمده الفوسفاتيه معظم الاسمده الفوسفاتيه لا يمكن انتاجها بدون الكبريت اللي هو منتج ثانوي لعمليه تكرير النفط وعمليه معالجه الغاز الطبيعي. الكبريت ده هو اللي بينتج منه حمض الكبريتيك اللي بيستخدم في تفكيك صخور الفوسفات الخام وتحويلها لصوره ذائبه وسهله الامتصاص للنبات. 45% من صادرات الكبريت العالميه بتمر عن طريق مضيق هرمز والكميه الضخمه دي محاصره في الوقت الحالي وده سبب ارتفاع اسعار الكبريت العالميه بشكل صاروخي خلال الايام والاسابيع الاخيره. غلاء السماد هيخلي نسبه كبيره من المزارعين اما يزرعوا بدونه وساعتها انتاج محاصيلهم تنهار واما ما يزرعوش اصلا لانه مش هيكون فيه جدوى اقتصاديه من الزراعه بدون اسمده. يعني باختصار تجيبها يمين تجيبها شمال صناعه الاسمده العالميه وبالتبعيه امدادات العالم من الغذاء بتواجه كارثه محققه لو ازمه مضيق هرمز فضلت مستمره لفتره طويله واثرت على اكثر من موسم زراعي في اكثر من منطقه حوالين العالم. الكارثه دي هتطال العالم كله بلا استثناء ومع الاسف اثارها مش بس هتكون مجرد ضغوط تضخميه وانما هتؤدي لمعاناه الملايين من الجوع بسبب ارتفاع اسعار الغذاء. في 17 مارس 2026 الامم المتحده حذرت من ان الحرب في الشرق الاوسط لو استمرت لحد شهر يونيو القادم فساعتها اسعار الغذاء المرتفعه هتؤدي لزياده عدد الاشخاص اللي بيعانوا من الجوع الحاد على مستوى العالم بواقع 45 مليون شخص. واسعار الغذاء المرتفعه مش المقصود بيها الحبوب او المحاصيل الزراعيه فقط لا ده مقصود بيها كل الامدادات الغذائيه وده ببساطه لان سلاسل التوريد مرتبطه ببعضها. على سبيل المثال محصول زي الذره المحصول ده بيعتمد بشكل اساسي على الاسمده النيتروجينيه اللي سعرها ارتفع ولسه هيرتفع كمان لما تبدا تعاني من الشح قريب. غلاء الاسمده هيؤدي لارتفاع تكلفه انتاج الذره وانخفاض المساحات المزروعه منه وانخفاض المحصول وبالتبعيه ارتفاع سعر الذره. ارتفاع سعر الذره هيؤدي بطبيعه الحال لارتفاع سعر الاعلاف اللي الذره مدخل رئيسي من مدخلات انتاجها. ارتفاع اسعار الاعلاف معناها ان اللحوم الحمراء ومنتجات الالبان والدواجن اسعارها هتزيد. ودي مع الاسف ازمه اخطر من ازمه الطاقه لانه على حد تعبير مايكل ويرز الباحث في مجلس العلاقات الخارجيه انت تقدر تعيش بدون ثلاجه او بدون سياره لفتره ولكنك ما تقدرش تعيش بدون المواد الغذائيه الاساسيه. الناس بطبيعه الحال هتضطر خلال الفتره القادمه انها توجه جزء اكبر من دخلها ناحيه سد احتياجاتها من الغذاء اللي اسعارها بقت اغلى. وفي احتمال كبير انها هتزيد بنسبه اكبر خلال الاسابيع والشهور القادمه لو الحرب فضلت مستمره وفضل هرمز مغلق. ارتفاع اسعار الغذاء هيغذي بلا شك التضخم خصوصا في الدول الناميه اللي سكانها بيصرفوا الجزء الاكبر من دخلهم على تلبيه احتياجاتهم الغذائيه. ولكن حتى الدول الغنيه اللي كانوا بيصرفوا نسبه اقل من دخلهم على الغذاء هيتضرروا برده من الاسعار والتضخم بشكل كبير. وده ببساطه لان ازمه مضيق هرمز عامله ما يشبه الزلزال في جزء كبير من سلاسل التوريد العالميه الخاصه بصناعات كثير. على سبيل المثال واحد من المنتجات اللي الايرانيين محاصرينها في الخليج ومانعين خروجها من خلال غلق المضيق واستهداف المنشات المرتبطه بيها هو غاز الهيليوم. الهيليوم هو منتج ثانوي للغاز الطبيعي وقطر باعتبارها من اكبر منتج ومصدري الغاز في العالم بتعتبر برده من اكبر منتجي ومصدري الهيليوم في العالم. القطريين مسؤولين لوحدهم عن ما يقرب من ثلث الامدادات العالميه من الهيليوم بنتكلم على حوالي 63 مليون متر مكعب من الهيليوم انتجتهم قطر في سنه 2025 من اصل ما يقرب من 190 مليون متر مكعب على مستوى العالم. الهيليوم ده بيدخل في تصنيع اشباه الموصلات او الرقائق الالكترونيه وزي ما انتم عارفين بدون رقائق الكترونيه لا في هواتف ولا اجهزه كمبيوتر ولا سيارات ولا اجهزه كهربائيه ولا اي منتج الكتروني اخر الرقائق بتدخل في تصنيعه. اختفاء جزء كبير من امدادات الهيليوم وارتفاع سعره هيؤدي بطبيعه الحال لارتفاع تكاليف انتاج الرقائق الالكترونيه وبالتبعيه ارتفاع اسعار كل الاجهزه الالكترونيه. والاخطر من كده هو انه الهيليوم له علاقه مباشره بصحه الناس. الهيليوم بيستخدم في تبريد المغناطيسات الموجوده داخل اجهزه التصوير بالرنين المغناطيسي الام ار اي المستخدمه في المستشفيات. وفي نفس السياق بتاع صحه الناس احنا عندنا ازمه ثانيه بتلوح في الافق بسبب اغلاق هرمز. ارتفاع اسعار النفط والغاز بيؤدي بطبيعه الحال لارتفاع اسعار المشتقات البتروكيماويه زي الميثانول والاثيلين اللي هم مواد اساسيه مهمه في صناعه الادويه العالميه وبيدخلوا في صناعه المسكنات والمضادات الحيويه واللقاحات. ضيفه على كل اللي فات ده اسعار الكهرباء. في حاليا سباق عالمي في سوق الغاز الطبيعي المسال على تامين امدادات بديله للامدادات المفقوده نتيجه خروج الغاز القطري في الوقت الحالي من السوق. ولكن المشكله هي ان السوق ده هو سوق عقود بالاساس. انتاج منتجي الغاز بيكون موجه لاطراف متعاقد معاهم بالفعل عقود غالبا بتكون طويله الاجل. ما فيش كميات كبيره من الغاز المسال متاحه في السوق الفوري وده بيخلي اسعارها عاليه جدا ما تقدرش عليها دول كتير. كمان ما فيش مساحه لتعاقدات جديده طويله الاجل يعني الدول المتضرره من غياب الغاز القطري سواء في اوروبا او اسيا منتجي الغاز المسال في امريكا ما يقدروش يساعدوهم كتير وده ببساطه لان الطاقه الانتاجيه الامريكيه محجوزه بالفعل بعقود طويله الاجل في معظمها والكميات الحره منها محدوده. وما فيش مجال لزياده الانتاج بسرعه. وبما ان الغاز الطبيعي هو الوقود المشغل لكثير من محطات الطاقه حوالين العالم فاحنا خلال الفتره القادمه هنلاحظ ان اسعار الكهرباء هتبقى اغلى. او ان الكهرباء الكميه المتاحه منها اصبحت اقل او مش موجوده اصلا بسبب عدم قدره البلد على تامين امدادات كافيه من الغاز. او نلاقي ان المحطات بيتم تشغيلها بالفحم مثلا لو بنيتها التحتيه تسمح بده. اللي فاتت دي كلها ازمات خطيره جدا مع الاسف حدتها هتزيد خلال الفتره القادمه مش بس بسبب اغلاق مضيق هرمز وانما كمان بسبب تراجع حركه التجاره العالميه ورفع دول كتير لشعار نفسي اولا ولجوئها لاجراءات حمائيه بغرض الاحتفاظ بامداداتها المهمه لنفسها بدلا من تصديرها خوفا من ان الازمه الناتجه عن الحرب الامريكيه الاسرائيليه على ايران تطول. ده اتجاه بقى ملاحظ جدا خلال الاسابيع الاخيره على سبيل المثال الصين وكوريا الجنوبيه وتايلاند فرضوا بالفعل قيود على بعض صادراتهم من الوقود. روسيا والصين فرضوا قيود على صادراتهم من الاسمده. ازمه الاسمده لسه اثارها ما ظهرتش ولكن لو الحرب طولت والازمه دي ظهرت هنلاقي دول كتير في العالم بتفرض قيود على صادراتها من عدد من المحاصيل الغذائيه بغرض الحفاظ على مستويات الاسعار في اسواقها المحليه. الهند مثلا كل ما تتزنق بتعمل الحركه دي مع الرز ووارد تلجا لنفس الحركه لو اسعار الاسمده زادت بشكل كبير والمحصول قل. الاجراءات الحمائيه اللي من النوع ده مع الاسف هتتسبب في رفع الاسعار اكتر واكتر مما يجب او بعيدا عن اساسيات السوق الحقيقيه والنتيجه هي تضخم اعلى. ارتفاع التضخم هيساهم مع الاسف في دفع البنوك المركزيه العالميه في قياده مجلس الاحتياطي الفيدرالي بعكس مسارها الحالي واللجوء للتشديد النقدي. ورفع اسعار الفائده بغرض السيطره على التضخم وده ممكن يورط الاقتصاد العالمي في ازمه ركود. في الحقيقه الفيدرالي وغيره من البنوك المركزيه العالميه واقعين حاليا في ورطه لا يحسدوا عليها. عاده رفع اسعار الفائده بيكون الهدف منه هو كبح جماح الطلب ولكن الازمه الحاليه الناتجه عن الحرب الامريكيه الاسرائيليه على ايران هي ازمه عرض مش ازمه طلب. الاسعار بترتفع وهترتفع لان في مشكله على جانب العرض مش لان الناس بقت بتستهلك اكتر من الاول. في السياق ده الفيدرالي وغيره من البنوك المركزيه لو اتدخلوا ورفعوا اسعار الفائده هيحصل ركود ولو وقفوا يتفرجوا من بعيد التضخم هيزيد. وضع ابن لذيذه مربك جدا ومحير ولكن على اي حال الركود الاقتصادي اللي كان مستبعد او احتماله ضعيف قبل اسابيع قليله فقط اصبح النهارده محتمل جدا. في مقابله اجراها قبل ايام مع بوليتيكو الرئيس الفنلندي الكسندر ستوب المعروف بتصريحاته المتفائله قال ان الحرب الامريكيه الاسرائيليه على ايران بتنذر بخطر اشعال ركود عالمي من صنع ايدينا. عواقبه الاقتصاديه ممكن تكون اسوا من الازمه اللي نتجت عن جائحه كورونا. في نفس السياق لاري فينك الرئيس التنفيذي لشركه بلاك روك اللي تعتبر اكبر شركه اداره اصول في العالم قال ان الاقتصاد العالمي هيعاني من ركود لو سعر النفط وصل ل 150 دولار للبرميل. سعر خام برنت واحنا بنصور عامل 112 دولار للبرميل. قد يبدو للبعض ان المسافه بين 112$ و150$ كبيره وممكن نستغرق وقت طويل علشان نوصلها او ما نوصلهاش خالص. ولكن مع الاسف 150 دولار للبرميل ده يظل احتمال وارد ومش هو كمان الاحتمال الاسوا في ظل استمرار الحرب. في 28 مارس جماعه انصار الله في اليمن او الحوثيين انضموا رسميا للحرب من خلال اطلاق صواريخ على اسرائيل. ووارد ان الحوثيين ينخرطوا بشكل اكبر في الحرب خلال الايام القادمه وينفذوا السيناريو اللي العالم كله خايف منه هو قفل مضيق باب المندب وتعطيل حركه الملاحه في البحر الاحمر بهدف الضغط على الولايات المتحده لوقف الحرب. غلق مضيق باب المندب سيناريو كارثي اولا لحركه التجاره العالميه اللي جزء كبير منها بيمر من قناه السويس وثانيا سيناريو سيء جدا لاسواق الطاقه لانه هيقفل الطريق البديل اللي بيستخدمه حاليا النفط السعودي الخارج من ينبع في التصدير لاسيا ومش هيبقى فيه طريق مفتوح قدامه غير طريق راس الرجاء الصالح اللي هو لفه طويله جدا ومكلفه. في سيناريو مضيق هرمز ومضيق باب المندب بيتقفلوا مع بعض اسعار النفط هتوصل بسهوله ل 150 دولار ويمكن لمستويات اعلى وده مع الاسف هتكون نتيجته خراب اقتصادي عالمي في كل مكان تقريبا. دي اسعار يصعب قوي ويستحيل معاها ان الاقتصاد العالمي يشتغل بشكل طبيعي. وعلى حسب مده الازمه وحدتها الاسعار دي ممكن تتسبب في تورط اقتصادات كتير وخصوصا اقتصادات الدول الناميه في ازمات اقتصاديه عنيفه التعافي منها هيكون صعب والنقطه دي تاخذني لسؤال الحلقه. بعد نهايه الحرب الامريكيه الاسرائيليه على ايران برايك هل نفوذ الولايات المتحده عندنا هنا في الشرق الاوسط هيكون اقوى ام اضعف بالمقارنه مع درجه نفوذها قبل انطلاق الحرب؟ هتابع كل اجاباتكم في التعليقات في النهايه يا ريت لو عجبتكم الحلقه وحابين تشوفونا اشتركوا في القناه واستنونا في حلقات جديده باذن الله سلام.