[0:01]يا اهلا وسهلا بحضراتكم كل سنه وانتم طيبين رجعنا بعد اجازه العيد عشان نكمل سلسله شرح نظام الاثبات السعودي الجديد. الحلقه الخامسه الشروط الاساسيه في الواقعه محل الاثبات. الواقعه اللي انت عايز تثبتها لازم يتوفر فيها مجموعه من الشروط نصت عليها الفقره اثنين من الماده اثنين من نظام الاثبات الجديد. تعالوا نشوف هي الشروط ديت ايه؟ يلا بينا وما تنساش تشترك في القناه يلا بينا
[0:52]طيب الماده 2 فقره 2 من نظام الاثبات الجديد تقول لك يجب ان تكون الوقائع المراد اثباتها متعلقه بالدعوه و و منتجه فيها وجائز قبولها. خد بالك من حرف الواو ده يعني مش او لا ومش او ومنتجه فيها وجائز قبولها. يعني ايه الواقعه اللي انت عايز تثبتها تكون متعلقه بالدعوه؟ يكون لها علاقه بالقضيه، يكون لها علاقه بالوقائع اللي انت بتدعي بيها. الكلام ده يا جماعه يفرق معايا في فكره انها الواقعه متعلقه بالدعوه ومنتجه فيها في مساله تحويل الدليل، في عندنا حاجه اسمها تحويل الدليل، يعني ايه تحويل الدليل؟ يعني الدليل اللي انت بتقدمه مش هو مصدر الالتزام اللي انت بتطالب به، يعني ايه الكلام ده؟ يعني مثلا لو انا بطالب باثبات علاقه تعاقديه بيني وما بين حضرتك وقدمت العقد ده انا كده ما بعملش تحويل دليل ده انا بقدم اصل الشيء المراد الحكم به، يعني انا عايز حكم باثبات تعاقد بصحه تعاقد باثبات شراكه وبقدم لك العقد وبقدم للقاضي العقد انا كده ما بعملش تحويل الدليل امال تحويل الدليل ده ايه؟ انا مش عارف اثبت اصل الحكايه اللي انا بدعي بيها اروح اجيب لك واقعه اخرى تحاول تقرب من الموضوع لاثبات الواقعه الاصيله اللي انا الواقعه الاصيله اللي انا بطالب الحكم بيها.
[2:36]ده فكره ان تكون متعلقه بالدعوه ومنتجه فيها تخلي القاضي يحكم لك. ومنتجه فيها يعني ايه؟ يعني خلاص انت اثبت اصبح هناك اليقين القضائي ان القاضي هيبقى ضميره مطمئن انه يحكم لك بالحق اللي انت مدعي به. يعني ايه الكلام ده؟ تعال اديك مثال عشان نبسط الامور شويه. لو واحد مثلا بيطالب باجره الم واحد رافع عليك دعوه وبيقول لك ادفع لي اجره سنه 2021. تروح انت تيجي للقاضي تقول له بص يا قاضي ده انا دافع اجره سنه 19 و18 و19 و20. ايوه بس هو الراجل بيطالب بسنه 2021 انت عايز تثبت له انك انت ملتزم، بص يا قاضي ده انا ملتزم معاه بقى لي ثلاث سنين بدفع الاجره دفعت 18 و19 و20. دي متصله بالدعوه بس مش منتجه فيها يعني هتخلي القاضي مش هيحكم براءه ذمتك لا اه بس انت دفعت 18 و19 و20 الراجل ما بيطالبش بدول الراجل بيطالب بايه؟ باجره 21. فين اجره 21؟ يبقى ده دليل متصل بالدعوه ولكنه غير منتج فيها. ده ما يقبلوش القاضي، ده هيعمل لك بيه ايه؟ يعني هو مش هيحكم بيه، هو انت بس بتظهر بتظهر ايه؟ التزامك بالوفاء بالاجره المطالب بمثيلتها. واضح كده؟ طب لو جيت انت قلت له ايه؟ لا يا قاضي بص انا دفعت كل القروض اللي عليا للراجل دوت. ايوه دي لا متصله بالدعوه ولا منتجه فيها، انت دفعت القروض اللي عليك بس هل انت بتدفع الاجره اللي عليك؟ دي ما لهاش علاقه بالقضيه يبقى ده دي واقعه ايه بقى؟ دي واقعه اسمها غير متصله وغير منتجه لكن انا دفعت الاجره اللي فاتت بس ما جبتش دليل على ان انا دفعت الاجره الجديده، دي متصله بس غير منتجه. يبقى الاولانيه لا متصله ولا منتجه، الثانيه متصله وغير منتجه، طيب لو هو بيطالبني باجره سنه 18 وانا مثلا رافع عليا القضيه بيقول لي ادفع اجره سنه 2018 وانا ما معييش الايصال بتاع 2018 بس قدمت له ايصال 19 و20 و21 و22. دي بقى متصله بالدعوه وهي منتجه، ليه منتجه؟ لانها ملاقيه لفكره القرينه اللي هنبقى نشرحها بعد كده.
[5:25]يبقى فكره ان الواقعه تكون، خد بالك في النص المصري قال لك ايه؟ متعلقه بالدعوه نقطه منتجه فيها نقطه وجائز قبولها. في النص السعودي يقول لك ايه؟ متعلقه بالدعوه نقطه و منتجه فيها نقطه و جائز قبولها. المشرع السعودي اضاف الواو قبل و منتجه فيها المشرع المصري ما حطش الواو قبل المنتجه فيها، ده معناه ايه؟ معناه ان المشرع المصري يسمح بالوقائع المتصله بالدعوه ويقعد يجمعها جنب بعض على اساس انشاء فكره القرينه. في في السعودي القرائن وهنتكلمها بس فكره تجميع الادله ووزن الادله تمام؟ في السعودي لا عايز الاثنين، عايز متصله وهو منتجه مش او منتجه لا الواو يصيد العطف يفيد العطف مش المغايره. يعني لازم اجتماع الثلاث شروط، لازم الواقعه اللي انت عايز تثبتها يكون فيها الثلاث شروط متصله زي ما قلنا ليها علاقه بالدعوه منتجه تخلي القاضي يوقن او يطمن الى انك مطالبتك صحيحه تمام؟ وانها تكون جائزه الاثبات، يعني ايه جائزه القبول؟ الوقائع ممكن تكون منتجه في الدعوه بس غير مقبوله لانها غير متعلقه بالنظام العام او الاداب العامه، يعني ما تجيش تثبت لي دين المخدرات، ما تجيش تثبت لي دين ربا فوائد ربويه دي مساله دين قمار. اه احنا لعبنا قمار وانا ليا فلوس، ده ده اه عندك دليل ماشي بس غير جائز غير غير ده مخالف للنظام العام ده ما ينفعش. او انها او انك تثبت وقائع مخالفه لحجيه الامر المقضي انت مش من حقك غير مقبول منك انك تثبت وقائع مخالفه لاحكام نهائيه باته متصله بهذه الوقائع. يعني لو عندك حجيه امر مقضي وحكم نهائي بات هنتكلم في حجيه الامر المقضي بس انا بتكلم لك دلوقتي على فكره انها انها جائزه.
[7:27]مخالفه للنظام العام غير جائزه مخالفه لحجيه الامر المقضي غير جائزه حتى وان كانت منتجه فهي غير جائزه.
[7:38]مخالفه ايضا لما فرضه لما فرضه القانون من قرائن زي ايه؟ يعني زي مثلا في بعض الدول يقول لك ان القاصر ان لو القاصر اخطا الطفل القاصر ده هيجي في القانون المدني اظن موجود في المشروع بتاع القانون المدني السعودي الجديد لسه لسه المشروع بتاعته لم لم ينشر على ما اعتقد. يقول لك ان لو القاصر اخطا ورفعت دعوه لمسؤوليه ضد المسؤول عن القاصر وليه ما بيقدرش وليه يتحلل من فكره انه لم يقصر في رقابته لا طالما الواد غلط يبقى انت قصرت في رقابته. تقول لك لا ده انا ما قصرتش ده انا كنت ملتزم في رقابته بس هو اللي غلط واعرف تثبت دوت لو عرفت لكن تقول اه الولد غلط بس انا ما قصرتش في رقابته وبالتالي ما تاخدش مني تعويض ده قد يكون معاك الدليل على ده ولكن دي مساله ايه غير مقبول انك انت تثبتها لانها مخالفه لقرينه قانونيه اذا كانت القرينه دي منصوص عليها. يبقى فهمنا يعني ايه الدليل متصل بالدعوه ومنتجا فيها وجائز قبوله دي الثلاث شروط اللي لازم تكون موجوده في الواقعه اللي انت عايز تثبتها. اذا الشروط دي مش موجوده وقعتك غير قابله للاثبات غير قابله للاثبات.
[9:03]اشكركم جزيلا وزي ما نوهنا قبل كده ان شاء الله هيكون عندنا يومين في الاسبوع نشرح فيهم نظام الاثبات اللي احنا شغالين فيه السلسله ديت هيبقى الاثنين والخميس وهيبقى في يومين ثانيين ان شاء الله لشرح نظام الشركات الجديد. ما تنساش الاشتراك في القناه واشوفك الحلقه الجايه ان شاء الله شكرا جزيلا.
