[0:00]الراجل مخلوق غامض ومفهومش كنحيرو في التعامل معاه باش نكسبوه كنبقاو نقولوا مع راسنا واش خصني نهتم به بزاف باش نلقى المفاتيح ديال قلبه اولا خصني نكون ثقيله ونبعد وندفع كبير باش هو يزيد يقرب ليا شي مرات كتلقي شي وحده مع راجلها اولا حبيبها كيتعامل معها تعامل صعيب تيكون قاصح خايب ما يتعاملش مزيان لا لا لا الهضره حلوه لا تعامل زوين مسخيش ما يتهلاش فيها ونفس الراجل كيمشي كيتعرف على مراه اخرى وتيكون قدامها بحال طفل صغير تيكون فرحان وتيبغيها بكل الجوارح ديالو الدنيا كلها يحطها قدامها حنا تنقولوا السيده راه سحرت ليه راه موكل له زغب الفار اليتيم دارتليه بخه باش يقولوا واخا وشوف مرتو الاولى ولا حبيبته الاولى على مزينتها الزين والتبوغيسه والحداكه ولا طاي كي دايره وهذيك اللي ولا يبغيها شو كي دايره خايبه زينها عادي ماشي شي حاجه ودير عليه هذيك الحاله ما يمكنش يكون ما مسحورش شوف حبيبه ما كاين لا سحور لا شعويض القضيه كلها هذيك السيده عندها الذكاء الانثوي قاريه الراجل قاريه عارفه شنو هي قاريه عارفه مخه كيفاش مركب العقل دياله عارفه اش كيدور فيه وكيفاش كيفكر هذاك الراجل اذا انت علاش ما تكونيش بحالها اولا احسن منها ياك هي مراه وانت مراه العقل اللي عندها عندك الرجلين واليدين اللي عندها راه عندك داكشي اللي عندها راه عندك انت شنو الفرق الفرق هو خدمي لي ذاك العقل مزيان واسمعني اش غانقول لك بغيتي تعرفي كيفاش تجذبي الراجل اللي عندك وتكسبي قلبه وتطيري عقله وتولي انت ادمان بالنسبه ليه شتي واخا يشوف حتى يعيا في بنات الدنيا كامله انت كتبقي مميزه وما بحال حتى شي وحده بغيتي تضمني الحب دياله تضمنيه مدى الحياه وتدوم العشره بيناتكم بدون مجهود منك بلا سحور بلا شعويض وباش تعرفي الحل ديال هذا اللغز تبعي معايا الفيديو حتى الاخر ايوا يا الحبيبه ديالي خاصنا اول حاجه قبل ما نبداو نعرف هذا المخلوق هذا الراجل هذا كيفاش كيفكر حيث راه عقليتك راه ماشي هي عقليته انت والراجل راه مختلفين تماما حيت انت في العاده كتحكمي عليه انطلاقا من عقليتك لا يا الحبيبه ربي خلق المراه والراجل مختلفين في الطريقه ديال التفكير ماشي ماشي ماشي المراه احسن من الراجل اولا الراجل احسن من المراه لا كل واحد والمميزات اللي عنده الاختلافات دياله وفي نفس الوقت راه كيكملوا بعضياتهم وباش نعرفوا عقليه الراجل خاصنا نرجعوا بالزمن للوراء ونشوف هذا الراجل تاريخيا من العهد الحجري منلي كان راجل الكهف كيفاش كان كيفكر وشنوا كان يدير وكيفاش كيتعامل ملي غادي نمشي ل ذاك الزمان غنلقاو هذا هذا هذا الراجل كان صياد هو اللي كان كيتكلف يجيب الفريسه او الوليمه للعائله دياله هو اللي كيخاطر هو اللي كيغامر في الغابه اذا هو صاحب مهمات وانجازات وملي هو صاحب مهمات ربي خلقه يكون صاحب مهمات وانجازات ملي غادي يدير هذه المهمات هذو خصه يسمع المديح والتقدير والشكر انا غادي نزيد نعطيك مثال باش نزيد نقربك ملي هذا الراجل الكهف كيجيب الولييمه للكهف دياله لمرته ولاد المراه هنايا المراه دياله كتقول لي شكرا لك هذا النهار سعدت العائله ديالك وقبيلتك وانقذتهم من الجوع ومن الموت هنا الراجل الكهف باش غيحس غيحس بالنجاح غيحس براسه دار شي حاجه واو غيحس بالرجوله دياله كطلع وبغي مره اخرى يمشي يزيد يخرج في مهمات اخرى ومخاطر اخرى باش يزيد يفرح العائله دياله ويسمع عاوتاني التقدير والمديح وفي الاخير كيحس بانه ناجح راه شوف راه ما تصوريش شوفي سمعيني وحلي ودنك ما تصوريش شحال الراجل كيبغي المديح والنفخ تنفخي واش فهمتيني دابا تقولي لي ه الشي راه في قديم الزمان دابا راه كل شي تبدل والعقليه دياله راه تبدلات شوفي شوفي حبيبه صدقيني دماغه مازال خدام بديك السيكولوجيه راه كما الراجل كما كان راه هو كما بقى تهلي لي غير في النفيخ الراجل تاريخيا تاريخيا منفوخ يعني بحال ذاك الفروج اللي نافخ ريشه نافخ ريشو تيقول لك انا اللي كندير المهمات انا اللي عارف انا اللي فاهم انا اللي داير انا واش فهمتيني اصلا هو الفطره دياله منفوخ وزيدي عليها المجتمع ديالنا والمعتقدات ديالنا زادوا نفخوه مزيان من صغرنا وحنا كنسمعوا ديري خوك اعطي خوك فعلي خوك والذكر كابر في المجتمع ديالنا ومنفوخه مزيان اذا انت جيتي ضد هذا الشي كامل ضد الفطره دياله وضد القاعده اللي كبر فيها والطبيعه دياله غتولي عدوته وما عمرك تكوني حبيبته اذا اول حاجه طري عليها وكتبيها اول حاجه لازم تكوني كتقنيها وتعلمي ليها هي المديح والنفخ ثم النفخ ثم النفخ الراجل كيعشق المديح في كل شيء مثلا شي حاجه كيعرف يديرها انت تقولي له استي حبيبه كتعرف دير هذ الحاجه تبارك الله عليك ما شاء الله عليك واو
[6:22]لبس شي قميجه ولا شي شوميزه ولا شي حاجه جاتك القميجه واعره كون شتي شي حد خر والله ما تجي معه كما جات معك مثلا ساعد شي ناس ساعدهم وقعوا في شي مشكل مثلا وراجلك وقف معهم سواء بالفلوس اولا معنويا وانت كتقولي لي ياه شوف شوف انت شحال ولد الناس وقفتي معهم راجل انا كنفتخر بك ربي غيدير لك الطريق وسط البحر واش فهمتيني مثلا راجلك كي حافظ على الصلوات كيصلي
[7:24]بقى انت تبارك الله عندي راجل صالح ويحافظ على الصلوات وعارف بينه وبين الله ربي عمره ما يخيبك واش فهمتيني شوفي اي حاجه فيها المديح مدحي
[7:40]شوفي حتى في النعاس حتى في النعاس في الناموسيه مع راجلك واو واش فهمتيني واو راك فهمتيني بلا ما نزيد نشرح لك المدح والتقدير والشكر ما يفارقش لسانك واش فهمتيني شوفي هذا المدح شنو الغايه راه هذا المدح كله راه تخليه اولا يزيد اكثر يدير ذاك الشي اللي مدحتيه فيه يزيد يعطي اكثر وثاني حاجه كيحس براسه ناجح معك انت هنا كتعطيه واحد كتعطيه اعلى وافضل احساس اللي يقدر يوصل ل اي راجل وعرفي شنو هي يوصل افضل واعلى احساس راه كيحس معك بالرجوله طالعه ما يحس بها مع حتى شي وحده واش فهمتيني نجيوا لثاني نقطه ثاني نقطه الراجل الكهف الا بغيتي تكسبيه وتاسري قلبه خاصك تحسي انه ما كاينش بحاله في الدنيا الراجل كيعشق الانبهار واو كل نهار كتنبهري به حيت التركيبه السيكولوجيه دياله تي حساب لي راسه هو اللي فاهم وهو اللي عارف حسن منك راه كما قلتلك قبيله نافخ ريشو تيقول لك انا اللي عارف وانا اللي فاهم اذا هو مايتقبلش النصائح وما يتقبلش التغيير عندك تبقي تفرضي عليه النصائح غير من راسك وتبيني انك انت اللي على حق باش تربحيه هذا راه ماشي ذكاء انثوي بتاتا ايه غ تقولي لي مايمكنش انا نسكت على الخطا اولا شي حاجه غالطه نشوفها بعيني ان غ في شي حاجه ونسكت ونقوله برافو لا ولكن هنا فين يتجلى الذكاء ديالك كدوزي ليه الميساج غير بالفن الذكاء الانثوي ديالك هو باش كتمري الميساج ولكن في الظاهر في الظاهر كيبان لي هو الانبهار كيبان لي انك واو منبهره به واش فهمتيني دائما بيني انك ضعيفه قدامه وانه هو السبع ديالك في كل شيء شوفي هذو ثغرات هذه ثغره من الثغرات ه الشي اللي كنعطيك ثغرات مهمه اللي تقدر تسل بيهم اي امراه للقلب الراجل ويولي يشوفها غير هي البنات راه ماكين لا سحور لا والو راه كل شيء بالعقل راه تجي وحده تقول لك راجلي داتو لي وحده وانا راح احسن منها وهي خايبه وما عرفتش شنو شنو شاف فيها وانا احسن منها وكيفاش راه هذو هما الثغرات والاساليب اللي كتستعمل ذيك الانثى اللي انت كتقولي لها راه ساحره واش فهمتيني نجيوا دابا للنقطه الثالثه النقطه الثالثه يا اختي او العارضه الثالثه قيدي معايا راجل الكهف خاصك توحي ليه بالثقه واخا تكوني مزوجه به 50 عام بداي تقولي لي انا تيقه فيك في هذ الحاجه اولا انا تيقه فيك حل معيا هذا المشكل انا وادعه تيقه ديالي كامله فيك حيت انت راجل اهل الثقه الخطا اللي كديروه يا البنات ويا العيالات كتقولي لي الرجال ما فيهم ثقه الرجال كلهم عينيهم زايغ اولا علاش كتشوف في هذيك كتقي خارجه معه خارجين خارجين في امان الله علاش دورتي وجهك علاش شفتيه انت عينيك زايغين انت علاش شفتي هيه علاش شفتي في هذيك شوفي اكبر غلط ممكن تديريه هو هذا شتي كنت تعرفي الخطوره ديال هذا الشي والله والله عمرك تخرجي هذا الكلام من فمك علاش حيت اول حاجه كتبان مهزوزه وما عندكش ثقه في راسك انك زوينه وثاني حاجه ملي كتقولي له علاش كتشوف هنا ولا الراجل ما فيهم ثقه هنا راه كتعطي ليه واحد الرساله غير مباشره للعقل اللاوعي دياله انه عاد غادي يزيد يشوف وعاد غادي يخونك واش فهمتي البنات اللي تقفوا راسهم بزاف في هذا الجانب ديال في قراو على قوه العقل الباطن كيفاش كيخدم وكيفاش غيعرفوني علاش كنهضر شوفي الراجل اللي كتبقي تقولي له علاش شفتي في هذيك شفتك دورتي وجهك باش تشوف هذيك راه شوفي فاش كتقولي هكا راه كتقولي ليه بطريقه غير مباشره كتقولي ليه شوف راه كاينه وحده احسن مني راه كاينه وحده اخرى احسن مني فين نبان انا خصك تشوف فيها وتكون معها واش فهمتي هكا فهمها العقل دياله الباطني شوفي خدمي على الثقه في النفس ديالك تيقي في راسك راه هو اول مره فاش جا عندك راه شافك واعره وزوينه عاد جات طلبك للزواج عاد جا بغك تيقي في راسك اولا ومنحيه الثقه ثانيا قولي لي انا عارفه ما كايناش شي وحده تعمر لك العين قددي بحالي انا تيقه فيك حيت انت راجل اهل الثقه
[13:14]واخا تكوني مهزوزه واخا تكوني مهزوزه من الداخل بيني ليه انك تيقه فيه واش فهمتي راه شوفي انت براسك يجي عندك شي حد يقول لك انا تيقه فيك انا تيقه فيك فلانه تيقه فيك وشوفي كي غ تحسي واش فهمتي هذا الشي اللي كدير راه هذا الشي اللي كنقول لك راه كدير المراه اللي عندها ذكاء انثوي في الاخر كيشوفها غير هي راه الرجال كلهم كيشوفوا انت براسك كتشوفي شكون اللي ماكيشوفش ولكن عرفي كيفاش تصرفي العارضه رقم اربعه او النقطه رقم اربعه اعطيه مساحته راجل الكهف تيبغي تيبغي يتخلوى براسه كاينه واحد المقوله كتقول اذا احببت رجلا بقوه فاطلقي صراحه غنرجع لراجل الكهف ملي تيمشي يخرج راجل الكهف يجيب الوليمه العائله دياله او الفريسه كيبغي يرجع ينعزل في الكهف بوحده يختل بنفسه هكا مخلوق انت ما تبقيش تزن زني عليه فوق راسه مالك جالس بوحدك مالك حاضي ذاك التليفون مالك ماباغيش تهضر معايا مالك مميك عليا وا عطيه المساحه دياله هو حر طلب منك شي حاجه اعطيه سواء طلب منك نصيحه او اهتمام او ما طلب ما طلبش منك ما تعطيهش واش فهمتيني ما طلبش منك ما تكونيش شمعه كتحترق على الفاضي حيدي منك ذيك الخفه وثقلي راسك خليه يمشي الكهف دياله حيت راه كيبغي يجلس مع راسه يفكر هو شوفي الراجل ماكيبغي يفكر في حتى حاجه كيبغي يدخل من الخدمه يجلس يتكوان مع راسه يشد الكوان دياله ما يفكر في حتى حاجه زيرو زيرو شحال من مره كتلقي راجلك مثلا ساهي وحل عينيه ولا كيتفرج بوحده في التلفازه او داير شي موسيقى هادئه ديال فيروز وانت كتجي كتبقي تقولي لي مالك شفتك ساهي ا شكون هي هذ اللي كتفكر فيها ما يمكنش تبقى في هذه اللحظه بدون ما تفكر في حتى شي حاجه شوفي حبيبه راه فعلا ما كيفكر في والو واش فراسك راه فعلا ما كيفكر في والو راه هو هكاك داير كيبغي ياخذ بوز وانت كتسحب لك كيفكر في شي مراه اخرى وكتجبد الصداع فابور وخلي السيد في الكهف يرتاح راه هكاك داير وانت ديري لك شي حاجه تنفعك خليه يتوحشك شويه خليه مساحته وديري مساحه لراسك واش فهمتيني ما تبقيش تزن زني ليه فوق راسه خليه المساحه باش يرجع لك راه هو بحال الستيك شتي الستيك الستيك كتبقي تجبدي الستيك وتطلقيه ويضربك يرجع لك هو بحال هكاك راه يبعد شحال ما يبعد يتخلوى مع راسه ويدخل الكهف دياله شحال ما يدخل راه راجع راجع وراجع لك غ يتوحشك بكثر اذا كما قلت لك نفخيه انبهر به مدحيه قدريه شكريه اعطيه الثقه اعطيه المساحه هذا الشي كامل اللي قلت لك في هذا الفيديو الى استوعبتيه وطبقتيه في الكوبل ديالك ذاك الراجل اللي معك كتساهدي يعيش الطاقه الذكوريه دياله والرجوله دياله وكتساعده يزيد يكتشف المشاعر دياله ويزيد يعطيك كثر وكثر وكثر ويتنشوى معك واش فهمتي كتنشوى في ذاك العطاء اللي كيعطيك كتنشوى حيت انت خليتيه يحس بدوك الاحاسيس ويخرج ذوك المشاعر اللي انتي منحتيه ليهم بالذكاء ديالك وبالحكمه ديالك بالانوثه ديالك وبالاغراء ديالك خليتيه يخرج احسن وافضل ما عنده الا طبقت هذا الشي هذا غ تجبدي العسل من ذاك الراجل حيت تيقول واحد المثل اللي جبدني لقاني جبدني في الخير غيلقاني جبدني في الشر غيلقاني اللي كيقلب على شي حاجه غيلقاها قلبنا على الخايب فيه غنجبدوه قلبنا على الخير فيه غنجبدوه احنا بغينا الخير في ذاك الراجل غنقلبه على العسل في ذاك الراجل بهكا ذاك الراجل كتخليه بوحدك يحس معك بوحدك انت في العالم بوحدك كيحس معك بدك الاحساس ديال النشوه ديال الرجوله ديال انا انا كنحس براسي سبع قدام مرتي كنحس براسي انا هو كل شيء انا هو الملك قدام الحبيبه ديالي وقدام مرتي وتسحريه بالسحر الحلال وتولي انت هي الانثى نمبر وان في حياته اللي ما عمره ينساها
