[0:09]السلام عليكم اليوم راح تكون اول محاضره في مساق وسائط متعدده ثلاثه الجزء العملي. البرنامج اللي رح نشتغل عليه برنامج المايا. في البدايه خلينا نتعرف شو برنامج المايا ممكن نعمل من خلاله. برنامج المايا هو برنامج متخصص في التصميم ثلاثي الابعاد لما نحكي تصميم ثلاثي الابعاد ممكن يكون عباره عن شخصيات كرتونيه ممكن يكون عباره عن شخصيات واقعيه ممكن يكون انسان ممكن تكون بيئه ممكن يكون مباني. طيب ليش احنا بنشتغل على برنامج المايه في الشخصيات؟ في كثير برامج للتصميم الكراكتر في عندنا مثلا برنامج ال3 دي ماكس، برنامج ال3 دي ماكس ممكن نعمل عليه شخصيات ممكن نعمل عليه مباني ممكن نعمل عليه شغلات كثير. ليش احنا بنختار برنامج المايا وشو الفرق ما بين برنامج المايا وبرنامج ال3 دي ماكس؟ برنامج المايا متخصص اكثر في تصميم الشخصيات وبرنامج ال3 دي ماكس متخصص اكثر في تصميم المباني. شو يعني متخصص اكثر؟ متخصص اكثر يعني بيعطيني امكانيات اكثر، ادوات اكثر، مساحه اكثر للعمل داخل البرنامج في جزئيه معينه. يعني انا لما بدي اعمل شخصيه هشتغل مايا بدي اعمل مباني بشتغل 3 دي ماكس. فحسب انا شو بدي اشتغل بختار البرنامج اللي يناسبني. الان بدنا نبدا نتعرف على واجهه البرنامج كيف انا بفتح ملف كيف بضيف اداه كيف بضيف اشكال كيف بتعامل مع الادوات داخل الشاشه. زي ما انتم شايفين في عندي مساحه عمل. هي مساحه العمل ممكن انشئ عليها اي اوبجيكت. لو ضغطنا هنا هاي تكون في عندي كوره مثلا ضغطنا هنا. الاشكال بتيجي فوق بعض. هنحاول نرفعها شويه هي المكعب. لو ضغطنا كمان ضغطه بيجي عندنا الاسطوانه. هذه الاشكال لو جمعناها مع بعض بيبدا يتكون عندي شكل. لو انا بدي ارسم شخصيه هل ببدا مباشره افتح البرنامج واجيب اشكال واحطهم فوق بعض ومع بعض والونهم بيصير عندي شخصيه؟ لا طبعا لازم يكون في عندي مرحله التخطيط. شو يعني مرحله التخطيط؟ بدك تجيب ورقه وقلم وتبدا تعمل رسم مبدئي سكتش تخيل لملامح الشخصيه. كيف بده يكون شكل الشخصيه من الامام؟ كيف بده يكون من الجنب؟ كيف بده يكون من الخلف؟ كيف بده يكون من التوب؟ بعمل هي الصور بصير عندي تصور مبدئي كيف شكل الشخصيه من جميع النواحي وبناءا عليهم ببدا اصمم الشخصيه. طيب لو انا بدي ابدا اعمل مبنى كيف ببدا اشتغله؟ نفس الخطوات بده يكون في عندي شكل او خريطه كيف شكل المبنى انا من وين بدي ابدا؟ ما بينفعش انا ابدا بشكل عشوائي. لو احنا قدينا بشكل عشوائي هل نصل لنقطه معينه مش قادرين نكمل؟ فالمفروض انخطط صح، كل ما خططته صح وعملته دراسه للشخصيه اكثر كل ما النتيجه طلعت معكم افضل.
[3:16]في النظري شرحنا انه مرحله الانيميشن بتمر بمجموعه من المراحل في عندنا مرحله الموديلينج بعدين الرنج بعدين الانيميشن بعدين الرندر. هي المراحل كل مرحله منها بدنا نشتغل على مجموعه من الادوات داخل زي ما انتم شايفين البرنامج مليان ادوات ومليان قوائم. لو احنا ما فهمناش تقسيمتها هي القوائم مش راح نقدر نتعامل معها. الان انا بدي افهمكم كل جزئيه ايش المقصود فيها. بنلاحظ هنا في عندنا حاجه اسمها وورك سبيس وفي عندنا هنا ستيتس لاين شايفين هذا الشريط كله اسمه ستيتس لاين. شو يعني ستيتس لاين؟ هل انا شغاله داخل البرنامج بعمل مودلينج؟ بيعطيني كل القوائم الخاصه بالمودلينج بغيرها فوق من عند من بعد ويندو هي القوائم تتغير كلها لقوائم خاصه بالمودلينج. طب لو انا غيرتها لريج لاحظوا ايش بده يتغير عندي؟
[4:16]هنا في عندنا بعد ويندو في عندنا مش وفي عندنا ايدت مش ومش تولز ومش هنا كل هالقوائم خاصه بالمودلينج لو انا غيرتها لنج مثلا شوفوا ايش صار؟ صار في عندي سكيلتون السكن. طيب لو غيرتها مثلا لانيميشن شوفوا ايش صار؟ هي القوائم كلها تغيرت حسب انا ايش الحاله اللي بشتغل فيها هل انا بشتغل انيميشن ولا مودلينج ولا رينج؟ طبعا هي القوائم الموجوده فوق لو ضغطنا عليهم كل واحده جواتها مجموعه من الادوات مجموعه من القوائم لو ضغطنا عليهم طلع لي مجموعه من الادوات بقدر اعمل مجموعه من الاوامر داخل البرنامج. هذا المقصود بالستيتس لاين. طيب بالنسبه للورك سبيس ايش المقصود فيها؟ المقصود فيها مساحه العمل عشان نعرف ايش المقصود فيها بدنا نحاول نغيرها. شايفين هذا الشكل احفظوه عشان نشوف ايش بده يتغير عندنا لما نغيرها خلينا نختار مثلا الرندر او الانيميشن هي الانيميشن. شوفوا ايش صار عندي؟ شو عمل لي؟ هو بالظبط ريحني. يعني كانه بيحكي لي البرنامج بدل ما تغلب حالك وتروح على القوائم وتختار الادوات الخاصه بالانيميشن انا بدي اعمل مساحه عمل وشاشه فيها كل الادوات اللي بتلزمك في مرحله الانيميشن وانت اشتغل على راحتك. طيب انا خلصت انيميشن بدي اروح ارجع للمودلينج بنضغط من هنا وبنغيرها لمودلينج. طيب انا حسيت حالي مثلا بعد ما غيرت تهت بدي ارجع للاصليه اول ما افتح البرنامج واعمل ملف جديد بدي ارجع لها من هون بروح بنعمل ريسيت للورك سبيس. بيرجع كل شيء ما كان. طيب لو انا بشتغل جزئيه معينه وحبيت اغير ترتيب الاشرطه عندي شايفين هذا الخط اللي على الجنب المنقط لو سحبناه هيك. بنسحبه من عندي الاشرطه. بدي اخلي مثلا هذا فوق وهذا تحت بدي اغيرهم غيرتهم مثلا حطيت هذا هنا وحطيت هذا هنا خليت هذا فوق مثلا هذا بيلزمني خليته فوق. وبدي اروح احفظ ترتيب الادوات الموجوده عندي والقوائم الموجوده عندي. بروح على الورك سبيس بختار حاجه اسمها سيف. بحفظها بيقول لي شو بدنا يصير اسمها بنسميها مثلا مالتي ميديا عملت له اوكي. لو رجعنا على الورك سبيس هنلاقي مالتي ميديا صارت موجوده عندي. نحاول نغير ما بينهم نشوفها بيصير نفس اللي انا عملتها ولا لا هي مالتي ميديا بتبدا ترجع طيب لو انا بدي احذفها؟ بسيطه بنروح على ديليت ورك سبيس بيقول لك انت متاكد انك بدك تحذفها بنقول له متاكد. خلينا نرجع نعمل ريسيت. هذا بالنسبه لترتيب القوائم داخل البرنامج. طيب لو انا بدي انشئ اشكال زي ما انتم شايفين كيف بنشئهم؟ في عندنا كذا طريقه الطريقه الاولى ان انا في عندنا هنا اسمه شريط اسمه شيلف ايش يعني شيلف عامل زي الرف. بدل ما انا اروح على القوائم اللي هنا واختار كرييت واختار شكل بروح على الرف الموجود عندي وبعمل انشاء لاي شكل بدي اياه من الاشكال الموجوده طبعا في عندنا مجموعه كبيره من الاشكال تختارونها. في حاجه مهمه انا كيف بدي اعمل تحكم او كيف بدي اتحكم في هي الاشكال يعني انا بدي اخليها اشكال فوق بعض؟ اكيد لا اكيد انا بدي احركهم بدي اكبرهم بدي اصغرهم بدي اغير مكانهم بدي اغير لونهم كيف بنعمل هذه الشغلات في عندنا ثلاث شغلات اساسيه في البرنامج؟ اول وحده منهم الموف تول الموف تول وظيفتها انها تحرك العنصر من نقطه لنقطه. عندنا الاداه الثانيه الروتيت تول الروتيت تول بتحرك العنصر باتجاه محور معين بتعمل له روتيت تدوير. خلينا نشوف كيف. هي العنصر الشكل اللي عندي هنا عمل له روتيت حسب انا بدي اعمل تدوير على اي محور.
[8:39]طب بالنسبه للثالث ايش بيعمل؟ بيعمل سكيلينج تكبير. تمام؟ طب بغير وبزبط. في ثلاث محاور زي ما انتم شايفين هنا هذه المحاور ايش هي؟ كلنا بنعرف انه بيميز 2D عن 3D انه ال2D بيشتغل على الاكس والواي ولكن ال3D بيشتغل على الاكس والواي والزي.
[9:06]فانا اما بكبر وبصغر على المحور الاول او بكبر وبصغر هيك او بكبر وبصغر. بنشوف شكل ثاني شوفوا كيف. بكبر وبصغر. لما بدنا نحذف امر بسيط بنضغط على ديليت. لو انا بدي اطلع لفوق مثلا.
[9:34]اضغط على اداه التدوير بدور الكوره شوفوا كيف اتغيرت بدي امسك هذا العنصر وبدنا نعمل له تغيير لمكانه شوفوا زي هيك كيف الشكل؟ نحذف هذه وخلينا على الشكل هذا لما بدنا نحدد كذا شكل مع بعض بنحددهم بالماوس بهذه الطريقه خلينا نكبرهم شويه عشان يكونوا واضحين لما بدي اكبر من جميع المحاور بنفس الوقت بضغط على النقطه الصفر اللي في النص السنتر.
[15:23]هاي الشخصيه نضغط على الاف بيعمل له زوم. هذه الشخصيه لو انا بدي احركها خلينا نجرب نروح على الروتيت. شايفين كيف بتتحرك كلها مع بعض انا ما بدي احركها كلها انا بدي احرك ايديها مثلا بدي احرك رجليها بدي احرك الراس الرقبه الكتف كيف بنحرك؟ لو بدي اضيف عظم داخل الشخصيه عشان اقدر احرك كل مفصل لحال من وين؟ بنحدد الشخصيه في عندي هنا الرينج شايفين هذا اللي عليها زي السهم؟
[16:00]لو ضغطنا عليها ضغطه هيطلع لي شاشه وقائمه اسمها كويك رينج انه نعمل رينج بشكل سريع في عندنا ايقونه اسمها الاوتو رينج لو ضغطنا عليها هيبدا يعمل لي عظام داخل الشخصيه.
[16:21]العظام هذه اللي احنا بنضيفها ممكن من خلالها نبدا نحرك بشكل مباشر وسريع بدون ما اني اضطر اعمل من الصفر.
[16:47]شايفين هنا بيعطيني شاشه عشان يسهل علينا التحكم في العظام فانا بحدد شو العظمه اللي بدي احركها احرك مثلا هاي العظمه شايفين كيف بتبدا تحرك بهذه الطريقه.
[17:26]لما نحرك كيف بنحرك؟ انا بس بحرك هيك وبتحفظ عندي الحركه طبعا لا لازم كل حركه انا بدي اعملها بدي احفظها. وين بنحفظها بنحفظها داخل فريم. شايفين الشريط اللي تحت؟ هذا البعد الزمني اللي انا بشتغل عليه. في عندي مجموعه من الفريمات زي ما انتم شايفين. كل فريم بنحفظ فيه حركه معينه. يعني لما يكون في عندي مثلا 24 فريم معناته بده يكون عندي 24 نقطه. كل لقطه من هذه بدي احفظها داخل الفريم بده يكون فيها تغيير يعني بروح هنا مثلا بحرك وبضغط على الاس ايش يعني اس؟ شايفين الخط الاحمر اللي صار تحت معناته احفظ لي في هذه الفريم هاي الحركه. بروح على الفريم الثاني وبدي احركه واضغط اس واروح على الفريم الثالث ارجع للعظمه اللي احنا كنا شغالين عليها بنلاحظ لما ننتقل من عظمه لعظمه او من مفصل لمفصل من هذه النقاط الموجوده اذا انا عامله حركه كل حركه لها شريط زمني خاص فيها يعني انا لما بدي احرك هنا النقاط اللي عملت لهم سيف ش تكون موجوده ليش؟ لانه انا ما حركتش عليها انا حركت فوق في النقطه اللي فوق بنرجع للنقطه اللي فوق بنلاحظ انها ظهرت عندي لو بدنا نعمل تحريك بنحركه كمان مره هيك وبنضغط اس انا بدي اشوف الحركه اللي انا عملتها كيف شكلها بنضغط على بلاي نرجع لاول نقطه نرجع هنا ونشغلها شايفين الحركه كيف؟
[19:28]هنا احنا تعرفنا كيف ننشئ الاشكال بهذه الطريقه انه نضغط على الشكل دبل كليك عليه بيظهر عندي في مساحه العمل. طيب لو انا بدي ارسمه بايدي يعني انا بدي امسك الماوس وابدا اسحب واتحكم في الرسم يعني ما بدي ارسم بهذه الابعاد اللي هي محدده واقعد اكبر واصغر انا بدي ارسم حسب الشكل او المبنى اللي بشتغل عليه او الشخصيه اللي بشتغل عليها كيف ممكن نرسم؟ في عندي امر اسمه كرييت بوليجون انتر اكتيف كرييشن لو ضغطنا عليها شوفوا ايش بده يصير عندي؟ هاي انتر اكتف ونختار شكل بنلاحظ ايش ظهر عندي بدل ما يظهر لي الشكل مباشره اعطاني اشاره زائد واعطاني اشعار انه اسحب بالماوس علشان تنشئ الشكل اللي انت بدك اياه.
[20:28]خلينا نرسم هنا على التوب عشان تكون الابعاد واضحه اكثر.
[20:37]نسحب بهذا الشكل نضغط انتر نضغط هنا نطلع لفوق او لتحت ونحدد الارتفاع اللي بدنا اياه. ممكن نحركه ممكن نعمل له روتيت من الادوات اللي حكينا عنهم من شوي نجرب نرسم مع بعض شكل ثاني غير هذا الشكل نرجع نراجع الاختصارات الت عشان نشوف الاوبجيكت الموجود عندي من اكثر من ناحيه نجرب نرسم شكل ثاني اسطوانه مثلا اول شيء بسحب عشان ارسم في القاعده بعدين بطلع لفوق نضغط الت وبنشوفه من كذا ناحيه بنقدر نحركه ولو ضغطنا عندي الاي للروتيت عندي الار للسكيل عندي الدبليو للحركه قبل ما نعمل او نضغط على اي اختصار لازم احدد الشكل اللي انا بدي اطبق عليه المهام اللي انا اخترتها.
[22:23]طيب خلينا مع بعض نعمل تطبيق لرسم.
[22:38]نشوف كيف بدنا نعملها. لو بدي اعمل طاوله الطاوله من شو بتتكون بتتكون عندي من الخشبه اللي فوق توازي مستطيلات ارتفاعه مش كثير عالي بعدين عندي اربع رجلين للطاوله متوازي مستطيلات ارتفاع عالي والعرض شويه صغير. في طرق كثير للرسم احنا ممكن نرسم نركب اوبجيكت مع بعض فوق بعض هيك ويطلع عندي الشكل النهائي وممكن في حاجه اسمها الاكسترود الاكسترود المقصود فيها انه يكون عندي سطح واقسم السطح بواسطه خطوط بصير في عندي مساحات المساحات الموجوده عندي بقدر اعمل منها اكسترود امتداد اطلعها لبره فبصير عندي رجلين للطاوله الاكسترود هذا في تفاصيل كثير مش راح نشرحه المحاضره هذه هنشرحه المحاضره الجايه باذن الله اليوم خلينا نطبق الشغلات البسيطه اللي اخذناها من خلال تطبيق الطاوله اي شكل قلنا قبل ما نعمله لازم نكون راسمين له سكتش ايش وظيفه السكتش بيسهل علي الرسم لما يكون عندي الشكل وعارفه الابعاد لما بدي ارسم بقولش اتخيل كيف بدي اعمل الطول والعرض الارتفاع كل الموضوع اسهل بالنسبه لي. نشوف كيف بدنا نعمل الطاوله.
[23:53]اول شيء نرسم هذه الشكل نرفعه لفوق شويه نرفع لفوق شويه تمام نعمل الرجلين كيف نعمل الرجلين نرسم قاعده ونطلع لفوق شفناها كبيره بعد ما طبقناها ممكن نصغرها عادي جدا انا كيف بدي اجيبها تكون على الطرف وازبط الابعاد بضغط على المسطره هذه فايده هنا من الفروة شايفين كيف كانه معطيني المصبر الامامي بكل تفاصيله طيب انا بدي اكررها كيف بنكررها لو ضغطنا كنترول دي بتكرر عندي بهذا الشكل بنرجع هنا انا بتنقل ما بين الشاشات بالمسطره سبيس نضغط عليها ضغطه تتنقل معايا من شاشه لشاشه من كاميرا لكاميرا بدي احدد الاثنين مع بعض كيف بحددهم؟ حدد الاولى والثانيه بعدين بدي اضغط كنترول دي واكررهم. شايفين هذا الخط الملطقط او المقططع هذا معناته انه انا عامله نسخه ثانيه للشكل بنسحبهم وبدنا نتاكد انهم موجودين بنروح على الناحيه الثانيه وبزبط مكانهم بعتقد هيك مكانه مضبوط بهذا الشكل.
[25:48]وهي صار في عندنا طاوله. في طرق كثير ممكن نعملها ولكن هذه الطريقه بسيطه حسب الشغلات اللي تعلمناها اليوم. المطلوب منكم بس نزلوا البرنامج. اي تحضروا المحاضره تحاولوا تطبقوا الشغلات اللي احنا شرحناها. اي كل الشغلات اللي شرحناها اليوم كل واحده او كل نقطه منهم هشرح لكم اياها في محاضره منفصله. اي احنا اليوم بس لمينا المساق كله في محاضره عشان تعرفوا شو رح ناخذ في المساق ان شاء الله المحاضره الجايه هنبدا نتعلم مودلينج بتفصيل اكثر حناخد الاكسترود بتفصيل اكثر هنتعلم كيف نضيف الوان وخامات على الاشكال يعني هذه الطاوله ممكن المحاضره الجايه نعملها مع بعض ونضيف عليها خامه الخشب عشان تصير واقعيه اكثر اي ربنا يوفقكم جميعا ويعطيكم الف عافيه.
