[0:00]كل طرق الربح من الإنترنت في فيديو واحد. الحقيقة كنت متردد في عمل الفيديو ده من فترة طويلة يعني، بسبب الصورة الذهنية الخاطئة عن هذا الموضوع، الربح من الإنترنت. جملة الربح من الإنترنت تحس إنك إيه، كسبت فلوس من الهوا بدون أي مجهود، وبدون أي استثمار وبدون أي فكرة إن الفلوس بس متعلقة كده مستنياك إيه لقطها وخلاص. المفاهيم والمصطلحات هنا بتفرق الصراحة لأن مفيش حد بيروح شغله يعني في نهاية الشهر ويقول لك أنا ربحت مرتبي النهاردة. لا هو اشتغل وتعب عشان كده هو مستحق هذا المقابل وهذا الأجر اللي هو المرتب. حاولت الصراحة أختار مصطلح أدق لوصف الموضوع ولكن يظل مصطلح الربح من الإنترنت هو الأشهر والأكثر انتشارًا وناس كتير تعرفه. يمكن الشغل على الإنترنت هو أقرب حاجة للواقع ولكن على كل حال ده فيديو عن كل طرق الربح أو الشغل من الإنترنت، يلا بينا.
[0:55]هذا فيديو برعاية أودو. أودو هي المنصة الوحيدة اللي هتحتاجها للبيزنس بتاعك لأن عليها كل حاجة حرفيًا كل حاجة أنت محتاجها، معلومات أكتر عن أودو في الفيديو إن شاء الله. السلام عليكم إيه الأخبار، بدايةً لا يوجد شيء بدون مقابل يعني عشان تاخد حاجة لازم تدي قصادها مقابل شيء مقابل شيء. أنا عارف إن الموضوع بديهي ولكن وجب التوضيح أي حاجة هتاخدها لازم تدي قصادها حاجة، لا يوجد شيء مقابل لا شيء. سعيك إنك تكسب حاجة أو تربح حاجة بدون أي مجهود للأسف الشديد بيوقعك فريسة سهلة جدًا جدًا جدًا للنصابين. الصورة الذهنية عن الإنترنت ماني للأسف الشديد مش أفضل حاجة، يعني فكرة إنه يقولك إيه أنت بتخبط شوية زراير وقاعد قدام شاشة وبتاخد فلوس. الحقيقة يعني كنت أتمنى هذا الوضع ولكن مفيش الكلام ده، الإنترنت أو الشغل على الإنترنت هو شغل زي أي شغل. يمكن بيفرق في الفليكسبيلتي، في المرونة، في المواعيد، في كل الحاجات دي، ولكن يظل هو شغل محتاج تبذل وتستثمر فيه علشان تاخد مقابل، محتاج تقدم حاجة علشان تاخد مقابل. أنا آسف على مقدمة طويلة نسبيًا ديت ولكن وجب التوضيح أوي أوي أوي، أنا عارف إن هو بديهي لبعض الناس ولكن الكثير من الناس الصورة الذهنية ضبابية أو مش واضحة. فخلينا نخش على طول بقى في الموضوع أنا آسف على هذه الإطالة، عايزين نقسم الموضوع لأربع أقسام رئيسية لأن الطرق كتيرة جدًا جدًا وصعب إن احنا نسلدهم كلهم فهنقسمهم في كاتيجوريز أو تصنيفات. سيرفيس أو خدمة، برودكت أو منتج، أدو أو إعلانات، وأخرى اللي هي آذر، أربع تصنيفات. التصنيف الأول اللي هي السيرفيس أو الخدمة إن أنت بتقدم خدمة، وده ممكن يكون فيديو إنك بتعمل مونتاج للفيديوهات بتاع شخص ما إما على السوشيال ميديا أو أوف لاين بياخد بيستخدمها كدعاية يعني لشركته بشكل ما. أو إن أنت بتاخد فيديوهات شخص وتقطعها له كـ ريلز أو شورتس أو ستوريز يبدأ ينشرها على المنصات بتاعته أو يعمل ريسايكلينج أو إعادة تدوير للفيديوهات بتاعته. تلوين الفيديوهات الكالرينج اللي هو الكالوريست، الراجل اللي بيستخدم ذا فينتشر زولف ويطلع لك تون وألوان وأشكال تشبه حاجات احترافية جدًا أو أفلام معينة أو حاجة في دماغك أنت عايزها. دي دي برضه وظيفة يمكن مش مشهورة أوي عندنا ولكنها من الشغلانات اللي بتدي فلوس كتير أوي لأن المتخصصين فيها مش كتير. الموشن جرافيك اللي هو التحريك اختصارًا يعني فكرة الحاجات اللي هي بتبقى زي الكرتون أو الإنميشن اللي أنت بتشوفها ديت، في شخص بيقعد يرسم ويحرك الحاجات دي فريم بـ فريم. وفي الناس اللي بترسم ستوب موشن برضه، دول يعني بيقعدوا كتير أوي أوي علشان يطلعوا دقيقة والمقابل بتاع الحاجات ديت بيبقى عالي لأن المهارات للإنسان بيحتاج إن هو يكتسبها علشان يطلع حاجة زي ديت بتبقى يعني ثمينة أوي وغالية جدًا وبيستهلك فيها وقت ومجهود ومذاكرة كتير علشان يقدر يطلع الحاجة بالاحتراف ده فعشان كده المقابل بتاع الحاجات دي كتير. تصوير الفيديوهات إن أنت بتعرف تصور، بتعرف تستخدم الكاميرا فممكن حد يدفع لك فلوس مقابل إنك تصوره بشكل احترافي. ممكن بقى تعمل باكيدج كله إنك تصور وتلون وتمنتج وتقطع وتفرد له البتاعة ديت كده وكل واحدة بايه بسعر وتاخد سعر كويس. ده بالنسبة للفيديو، الحاجة التانية في السيرفيسز هي الصور وأشهر كلمة مظلة واسعة كده في موضوع الصور ده هي الجرافيك ديزاين. تصميم الجرافيكس، ده بقى بيندرج تحته السامب نيلز اللوجوز البانرز السوشيال ميديا مش عارف إيه البوستس كل الكلام ده بيحتاج حد إن هو يروح يصمم ويعملها ويلونها ويظبطها بحيث إن هي تبقى مريحة وجذابة. تعديل الصور الناس اللي بتتصور فوتو سيشنز وكده في حد بيبقى متخصص إن هو يعدل الصور دي بحيث إن هي تطلع بشكل كويس. الرسم ممكن في حد تديله صورة وهو يرسمها لك بستيل معين أو بشكل معين وياخد مقابل قصاد الحاجة دي. الانتيريور ديزاين أو التصميم الداخلي في شخص وظيفته إن هو يصمم لك أو بيتك هيبقى مفروش ازاي، بيستخدم بقى برامج 3D زي 3D ماكس أو مايا أو أيًا كان البرنامج اللي بيستخدمه يعني. ويظبط لك الدنيا بحيث إنك تشوفه قرب الحقيقة بالظبط، طبعًا تنسيق الألوان واستغلال المساحات والحاجات دي كلها تتطلب دراسة ومعرفة فـ بياخد مقابل قصاد الانتيريور ديزاين. ترميم الصور يعني كلنا عندنا صور قديمة لأجدادنا وقرايبنا وحبايبنا ممكن تكون بايظة أو مقطوعة أو أيًا كان، ففي حد بياخد القطعاط ديت ويرممها ويطلع لك صورة كويسة. طبعًا الاي آي انتشر وبقى بيقدم يعني مساعدة كبيرة جدًا في الموضوع ده ولكن يظل إنك محتاج حد متخصص عشان تاخد أفضل نتيجة ممكنة مهيأة ومتظبطة على الحاجة اللي أنت عايزها فده بخصوص الصور. الحاجة التالتة في السيرفيسز وهي الصوت، ممكن أشهر حاجة هي الفويس أوفر الناس اللي بتلاقيهم بيتكلموا، اشتري هذا المنتج واحصل على كذا كذا كذا. الناس اللي هو صوتهم بيبقى غريب أوي أوي ده وجميل وبنحب نسمعه فدي وظيفة. يمكن دي من المجالات اللي فئة قليلة جدًا بتسيطر على أكبر قدر من التورتة بسبب شهرة صوتهم بشكل ما. ولكن يظل لو أنت عندك قدرات صوتية معينة تقدر تشتغل في الفويس أوفر وتاخد مقابل الكلام ده. في مجال تسجيل وتفريغ الكتب، في حلقات الكرتون مثلًا لو أنت بتعرف تعمل أكتر من صوت فممكن تشتغل في حاجة زي كده. وبكل تأكيد بتشتغل في الدعاية والإعلان والإعلانات والحاجات دي كلها. في مجال اللي هو الساوند إيفيكتس بتاعة الأفلام، مش عارف الكلمة اللي بتعبر عن الشخص اللي فولي فون فولي مش عارف إيه كده. ده اللي هو مثلًا واحد بيمشي على الأرض فبيقعد يسجل خطوات ماشي، واحد بيفتح كراسة وبيفر فيها كده فبيسجل الصوت ده بجودة عالية بحيث إن هو يتركب في المونتاج فيما بعد. دول طبعًا مشهورين أكتر في مجال الإنتاج السينمائي والأفلام والمسلسلات والحاجات اللي زي دي. الحاجة الرابعة في السيرفيسز أو الخدمات هي الكتابة، في الكتابة الإبداعية الكرييتيف رايتينج أو الكوبي رايتينج وهي إنك بتكتب وصف يجذب المشاهد أو الراجل المتصفح بحيث إن هو يبقى مهتم في السيرفيس اللي المسوق عايز يبيعها. بتلاقي أحيانًا كده وأنت بتفر كلام يخطفك فهيخليك تبقى مهتم أكتر وتعرف أكتر عن المنتج ده. في واحد شغلانته إن هو يكتب الكلام ده بحرفية علشان يشقطك. في كتابة المقالات للمواقع والمدونات، فكرة إن شخص يقدر يكتب مقالات بجودة عالية ويراعي فيها الـ SEO وحاجات كتيرة أوي ده برضه بيبقى بمقابل. في الجوست رايتنج أو الكتابة الشبحية وهي فكرة إن في شخص بيبقى عارفك وعارف طريقة كلامك وطريقة كتابتك فبشكل ما بياخد كلامك أو مقتطفات من كلامك ويعيد صياغتها بشكل ما بحيث يبدو أو يظهر للناس إن أنت اللي كاتب الكلام ده.
[7:00]والحقيقة في حد كان باعت لي من فترة إن هو عايز ممكن يشتغل معايا جوست رايتر، وقتها أنا كنت مستغرب الفكرة أوي ولكن يعني أحييه على هذه الخطوة الصراحة إن هو ده اسمه الكولد ايميلينج أو فكرة إن هو يقعد يتواصل مع الناس كده ويعرض خدماته فأحييك. ولو في يوم من الأيام فعلًا فعلًا هبقى محتاج جوست رايتر هتواصل مع الراجل ده فعلًا، يعني فكرة كويسة إنك تبعت للناس. الجزء الخامس في السيرفيسز أو الخدمات وهي الإدارة إن في حد بيدير حاجة نيابةً عنك. في أشهر حاجة اللي هي السوشيال ميديا مانجمنت إن في واحد بيمسك الحسابات بتاعة شخص أو شركة أو عدة شركات بحيث إن هو ينشر بوستات في أوقات معينة يرد على تساؤلات الناس وعلى الرسايل وعلى التعليقات ويتفاعل مع الناس بشكل ما. وفي الفيرشوال أسيستنت أو المساعد الافتراضي وهو شخص يعني بيشيل عنك مهام كتيرة أوي أوي أوي ويسهل عليك الدنيا. يرد على إيميلاتك، ينظم لك التاسكات والمهام، يظبط الكاليندر، بيساعدك في الريسيرتش، بيساعدك في الحجوزات لو أنت مسافر يحجز لك التذكرة، لو أنت مش عارف إيه يحجز لك الفندق. فكل الحاجات ديت بتشيل من عليك عبء كبير أوي، يبدو لكثير من الناس إن المهامات دي يعني عايز حد عشان يحجز لي منا أخوش تك تك تك. الحقيقة الإنسان بيوصل لمرحلة في حياته بيبقى محتاج كل مساعدة أو كل يعني إيه لو كل حاجة بيعملها بشكل روتيني في شخص هيجي يشيلها عنه هتوفر عليه وهتريحه بحيث إن هو يتفرغ لحاجة تجيب عليه عائد أكبر. يبدو إن الكلام صعب أوي ولكن دي حقيقة، يعني حقيقة صدقني.
[8:21]حاجة تانية وهي جلسات الاستشارة والكوتشنج، أنا راجل متخصص أو شاطر أوي في حاجة معينة فأقدر أساعد الناس شخص لسه مبتدئ أو شخص شغال فعلًا في الحاجة دي وعنده مشكلة فأقدر أساعده من خلال جلسة استشارة. يقول لي المشكلة ونقعد نتناقش في الحلول والحاجات المقترحة والكلام ده كله والكوتشينج إن في واحد عنده مشكلة في الكارير كوتشينج مثلًا شهين كوتش الكارير.
[8:43]عنده مشكلة في الكارير عايز يسيب شغله ويروح لشغل تاني ففكرة قرار صعب جدًا محتاج حد عنده خبرة يساعدك ياخد بإيدك يوضح لك الصورة أفضل يساعدك إنك تاخد القرار الصح. في خدمة تحسين الـ SEO السيرش إنجين أوبتيمايزيشن، في شخص بيبقى دارس الموضوع ده ومتابع التغيرات في الألجوريزم والـ سيرش إنجينز أو محركات البحث بتدور على إيه في المواقع بحيث إن الموقع بتاعك تقييمه وتقديره يعلى وبالتالي يظهر للناس في نتائج البحث بشكل طبيعي أو بشكل أورجانيك. ففي شخص بتروح له يظبط لك الـ SEO بتاع الموقع بتاعك. في خدمة تصميم وبرمجة المواقع والتطبيقات والحاجات دي كلها، فكرة إنك تقدم لحد خدمة برمجية قصاد مقابل طبعًا من أشهر الخدمات. فباختصار شديد جدًا ومخل دول كان لفتة سريعة كده على الخدمات اللي ممكن تقدمها أونلاين وتاخد قصادها مقابل. وقبل ما ننتقل على البرودكتس أو المنتجات حابين بس نشكر أودو على رعايتهم لهذا الفيديو. أودو هو الحل الوحيد اللي أنت ممكن تحتاجه في حياتك للبيزنس بتاعك لأن فيه كل حاجة حرفيًا كل حاجة.
[9:44]الحاجات اللي أنت عارف إنك هتحتاجها والحاجات اللي أنت مش عارف إنك محتاجها ولكن هتحتاجها قدام والحاجات اللي أنت مش محتاجها ولكنها موجودة لربما قدام تحتاجها. لما تفر في السيرفيسز والخدمات اللي بيوفرها لك كلها في مكان واحد شيء يعني ماين د بلونج يعني. يطير العقل حرفيًا، الحاجة اللي كنت هتحتاجها خمس أو ست منتجات أو خمس أو ست سبسكريبشن لبرامج أو شركات كلها موجودة في مكان واحد. عايز ويبسايت موجود وهيعملوا لك ويبسايت في لمح البصر، عايز سي أر إم اللي هو كاستمر ريليشن شيب مانجمنت هتلاقي، عايز إنفويسينج مكان تطلع منه فواتير وتتابع تحصيل الفواتير دي موجود. المحاسبة ونقاط البيع والتخزين والمشتريات والجداول الزمنية وإدارة الموظفين والعملاء كل ده موجود في مكان واحد. أنا عايزك بس تخش كده وتفر بالماوس أو تسكرول على الخدمات المتاحة، أنت أنت إيدك هتتعبك قبل ما توصل لآخر الليستة من كل الحاجات اللي موجودة. باختصار هي أول إن وان سوليوشن، حل لكل الحاجات اللي ممكن تقابلك أو مش هتقابلك موجود. والمفاجأة السعيدة طبعًا لنا كلنا إن في أداة واحدة تقدر تستخدمها مجانًا مدى الحياة، يعني اختار لك حاجة من الحاجات ديت هتاخدها مجانًا. أنت بتحتاج فواتير عندك ويبسايت وعايز محتاج فواتير خش واختار الفاتورة أو الإنفويسينج واعمل فواتيرك إلى الأبد مجانًا. يعني في مواقع على فكرة بتاخد فلوس قصاد الإنفويسز والحاجات دي ففكرة إن دي خدها مجانًا. اختار زي ما أنت عايز، أنا أرجح إنك تجرب الويبسايت صراحة يعني لأن الويبسايت قيمة كبيرة جدًا جدًا لأي حد فاختار الويبسايت وخش واعمل الويبسايت بتاعك أو بتاع شركتك أو البورتفوليو بتاعتك مجانًا. مجرد إن أنت ممكن تحتاج بس دومين نيم تربطه بيه وخلاص كده الهوستينج والصور وكل الحاجات بتاع الويبسايت بتاعك في مكان واحد مجانًا إلى الأبد. طب والله أنا احتجت أداة تانية يعني، احتجت حاجة احتجت ويبسايت مثلًا وإنفويسينج فهروح أشترك علشان الإنفويسينج حقك طبعًا يعني وهياخدوا مقابل قصاد الموضوع ده. بس وأنت ماشي كده في التشيك أوت يقول لك خد كل الأدوات المتاحة على المنصة بتاعتنا مع الإنفويسز، يعني كل الحاجات ديت باشتراك واحد بس. فأنت لو احتجت حاجة تانية هتاخد كل الحاجات معاها كده اللي هو هدية. دي اللي صعب أوي إن الواحد يعني يستوعبه فاستغل الموضوع ده ما دام هو موجود ولعلك بتتسال أنت لسه قايل من شوية مافيش شيء مقابل لا شيء يعني ازاي هيدوا لك أداة مجانية إلى الأبد ببلاش. هو الحقيقة إن الناس واثقين أوي في البرودكت بتاعهم وجودته لدرجة إنك ما تجرب بس واحد من المنتجات دي هتبقى يعني متشوق إنك تستثمر وتجرب في الباقي. فسواء أنت شخص أو شركة ومحتاج حاجة تساعدك في إدارة البيزنس بتاعك فأودو هي المكان اللي تروح له لأن فيه كل حاجة حرفيًا كل حاجة. نكمل، الكاتيجوري أو التصنيف الثاني وهي المنتجات، والمنتجات بتتقسم لقسمين منتجات ديجيتال ومنتجات مادية ملموسة يعني. المنتجات الديجيتال ممكن تكون كورسات، ممكن تكون كتب أو إي بوكس. المنتجات المادية هي أي منتج أنت بتشتريه من على الإنترنت يعني النوت بوك ديت أنت ممكن تخش على الويبسايت عندنا وتشتريها وتجيلك. ممكن تبيعوا على منصتك الخاصة أو على ماركت بليس أو على الماركت اللي ممكن تعمله برضه من خلال أودو اختار الحاجة الأفضل ليك. في الدروب شيبينج يعني في فترة من الفترة كده كل الناس بتتكلم على الدروب شيبينج كل الناس بتقول إن الدروب شيبينج هو اللي فيه الفلوس وزي ما عملت كام ألف دولار من الدروب شيبينج فخد فترة كده يعني كان في زهوه. دلوقتي مش أوي. وطبعًا في أوبشن إنك تستورد منتجات من الصين وتبيعها في بلدك أو إن أنت تتواصل مع مصنع في الصين يصنع لك منتج وبراندد على على اسمك أو على شركتك. أو فعلًا في منتج موجود بالفعل وشايف إن ليه يعني بوسيبيليتي أو إمكانية أو ليه سوق عندك فتقول له براند أو اعمل لي المنتج ده حط لي اللوجو بتاعي عليه وابعتولي وتبيعه على اسمك. فده بالنسبة للكاتيجوري بتاعة المنتجات. الكاتيجوري أو التصنيف الثالث وهو الإعلانات، باختصار تقدر تقول إن الإعلانات هي المحرك اللي بيدور عجلة البيزنس والإنترنت كله على بعضه الإعلانات. الإعلانات نوعين، أول حاجة إعلان مباشر إن في شركة بتتواصل معاك علشان تعلن عندك لأن عندك متابعين عايزة الناس تعرف المنتج بتاعها أو تجربه أو تشترك فيه. النوع الثاني وهو الإعلانات غير المباشرة وهي بتطلع لك على المحتوى اللي بيقدم إليك مجانًا، أنت بتتفرج على فيديو زي ده على يوتيوب مثلًا فممكن يكون طلع لك إعلان في الأول هيطلع لك إعلان في النص أو في الآخر فده مقابل اللي بيتقسم كده ما بين شركة الاستضافة اللي هي في هذه الحالة يوتيوب وصانع المحتوى أو فيسبوك واللي عامل الفيديو. لو أنت عندك موقع أو مدونة فتقدر تشترك في جوجل أدسنس وتظهر إعلانات على الويبسايت بتاعك بحيث إن أي شخص يخش يقرأ مقالة أو موضوع معين يظهر له الإعلان ده أو لو ضغط عليه فبتاخد مقابل لهذا الإعلان. ممكن تعمل تطبيق وتنشره وتحط عليه إعلانات وبالتالي أي حد بيستخدمه يطلع له إعلان ويكون ده مصدر الربح أو المكسب أو الشغل أو المقابل أو الأجر، ها الموضوع مربك. فده كان بخصوص الحاجة التالتة وهي الأدس. الحاجة الرابعة اللي هي الأذر بقى اللي هي الأخرى اللي هي الحاجات اللي إيه مش مش راكبة مع أيًا من الكاتيجوريز دي، أول حاجة حاجة اسمها الفليبينج. فليبينج وهي إنك بتشتري حاجة بسعر وتبيعها بسعر أكتر وتاخد الفرق ما بين الاثنين بكل بساطة، أي حاجة حرفيًا. من أشهر الحاجات واللي لسه يعني محتك بيها مؤخرًا وهي حاجة اسمها الدومين فليبينج، دومين يعني اسم الموقع بتاعنا اللي هو دروس أونلاين دوت كوم ده الدومين، ممكن في حد يشتريه وبعدين يرجع يبيعه. زي ما حصل في واحد كان حاجز دومين اسمه درووس دوت أونلاين اللي هو على بعضه كده دروس أونلاين كان عامله بسعر يعني عشرات الآلاف من الجنيهات. وحجزه وبيدفع له اشتراك وبيع وعرضه بسعر غالي جدًا جدًا عشان عارف في يوم من الأيام إن أنا هحتاج الدومين ده وهروح أشتريه وده اللي حصل يعني اشترينا دومين دروس دوت أكبر استثمار عملته في دومين على أظن في حياتي. ففي حاجة اسمها الدومين فليبينج وهي تجارة رابحة جدًا جدًا وفي ناس بتشتري مئات الدومينز أو أسماء المواقع وبعدين تعرضها للبيع فيما بعد بمبالغ ضخمة جدًا. في بقى البرودكت فليبينج أو اللي هو فكرة إن أنت تشتري منتج بسعر معين وبعدين تبيعه بسعر أعلى وتاخد أنت الفرق. ممكن على الماركت بليس يعني سواء بقى على فيسبوك أو منصات إعادة البيع أو البير تو بير يعني فبتشتري الحاجة بسعر وبعدين تعرضها بسعر أعلى والفرق ما بين الاثنين يبقى المكسب بتاعك. النوع الثاني من الحاجات اللي في الأذر ديت هي الأفلييت ماركتنج أو التسويق بالعمولة، في منصات بتتيح هذا الأمر وفي بعض الناس بتوفر لك فكرة إن أنت لو لما تسوق للمنتج بتاعي وحد يشتريه هدي لك نسبة 20 30% من الراجل ده دفعه. يعني ولنفترض إن احنا بنبيع دي بـ 100 دولار، فأنت خدت المنتج وعملت له ريفيو أو عملت له مراجعة كويسة وحطيت الرابط بتاع الأفلييت بتاعك في وصف الفيديو وجه شخص اشترى ده بـ 100 دولار فأنا باخد 70 وبدي لك 30 يعني بتاخد 30% على التسويق. في ناس يعني الموضوع ممكن يرتقي لـ 40 و 50% في بعض الأحيان لما الحاجة بتبقى يعني غالية. الحاجة التالتة والأخيرة في موضوع الأذر دي وهي بصراحة موضوع شائك جدًا جدًا جدًا وهو التريدينج اللي هي التداول. يعني واحد من أكتر المجالات اللي الناس بتخسر فيها فلوسها وللأسف الشديد بينضحك عليها بسبب فكرة الربح السريع من الإنترنت. فاكر المبدأ اللي إحنا اتكلمنا عنه في الأول فـ يعني 90% من المواضيع ديت هي إما حرام يا إما نصب يا إما اسكام أو نصاباية يعني الناس هياخدوها منك هياخدوا منك فلوسك وأنت مش هتكسب أي حاجة. حتى لو الفلوس يبدو على المنصة إنك ربحت بعض الفلوس لما تيجي تسحبها مفيش حاجة هتتسحب، يعني قصص ومواويل ومآسي في هذا الأمر وخد بالك يعني أهم حاجة خد بالك. في في شريحة رفيعة جدًا جدًا اللي هي حلال وحقيقية وفعلًا صحيحة في هذا الأمر لكن أنت بتدفع مقابل ضخم أوي أوي أوي من صحتك ومن نفسيتك ومن نومك ومن راحة بالك. إنك كل شوية عايز تخش تشوف طلع ولا نزل والكلام ده كله فـ الموضوع فيه فلوس في فلوس ولكن يعني المقابل صعب أوي أوي أنت بتضحي بحاجات كتيرة أوي علشان هذا المقابل. وفي ناس بقى بيكون مصدر دي ربح مش ربحها الصراحة يعني لأني شايف إن دي طريقة غلط تمامًا هو إن هو يعلم الناس ازاي يبقى ترادر وياخد مقابل منه.
[17:27]تمام فـ فالراجل ده يتعلم اه في في تعليم وكل حاجة ولكن يعني خد بالك أو ريح دماغك وروح اتعلم لك سكيل أو مهارة حقيقية تقدر تكتسب منها ربح حلال أو أو مقابل حلال من هذا الأمر. يعني الموضوع طبعًا فيه لغط كتير وممكن في ناس كتيرة تكون مخالفاني في هذا الأمر ولكن ده رأي، ده الرأي اللي أنا مقتنع بيه تمامًا وأنا بصراحة ما شفتش حد داخل في المجال ده وكسب مكسب حلال إلا وخسر تاني أو إن هو كسب مكسب كتير جدًا إلا وباين على شكله وعلى طاقته وعلى نفسيته وعلى نومه وشعره مبيض وحالته حالة يعني وبياخد مهدئات فـ يعني تيك كير. طبعًا البورصة والأسهم ده استثناء فالاستثمار بقى هنا مش تداول بقى بالمعنى اللفظي ولكن الاستثمار بعيد الأمد في الحاجات اللي زي دي طبعًا أفضل بكتير ولكن تتحرى أنت بتستثمر في إيه كن بعيد عن الحاجات برضه الحرام اللي هي الخمر وعلى شكلات وهي. فدول كانوا باختصار مخل يعني تجميعة كده لأشهر وأكثر طرق الشغل من على الإنترنت انتشارًا. المشكلة الكبرى في هذا الموضوع هي الاستعجال، الناس بتبقى مستعجلة، بتظن إن هي ما دام على النت فهو لا يطبق عليه مبادئ الحياة عامة أو القوانين الكونية اللي هي فكرة إنك هتاخد حاجة بسهولة بدون ما تستثمر أو تدفع فيها أي حاجة. لا يحدث، فـ كن صبور اتعلم حاجة قوية قوي نفسك فيها وخليك من الشاطرين أوي وفيما بعد الفلوس هي اللي هتجيلك لحد عندك لو خبط على بابك كده حد بيتواصل معاك أنا عايزك تعمل لي كذا أو عايزك تشتغل معايا في كذا فـ اتعلم كويس الأول. إنترنت واسع جدًا وياسع كل الناس بكل المهارات بكل السكيلز والطلب على الحاجات دي بيزيد مع الوقت فـ استثمر في تعليمك كويس. طبعًا وأنت مبتدئ ممكن المقابل يكون متوسط أو ضئيل ولكن كل ما بتتطور مستواك بيعلى كل ما المقابل اللي بتاخده يتناسب مع جودة المنتج اللي أنت بتقدمه أو الخدمة. الخلاصة دول كانوا أشهر الطرق ومش كلهم بكل تأكيد، كل يوم بيظهر فيه حاجة جديدة مع التطورات السريعة اللي بتحصل بشكل دوري. ولكن الشيء المشترك ما بين كل الحاجات دي إنها مش بالساهل. وختامًا مفيش حاجة اسمها ربح من الإنترنت، في حاجة اسمها شغل من خلال الإنترنت أو على الإنترنت. الكود بتاع النهاردة بيقول: Working online means you can turn your skills into an international business without leaving home. بيقول لك الشغل أونلاين معناه إنك تقدر تحول السكيلز بتاعتك ديت لبيزنس عالمي من غير ما تضطر إنك تسيب بيتك فلازم الأول يكون في سكيلز علشان يبقى في شغل أو علشان يبقى في بيزنس فركز على موضوع السكيلز ده. وتتعلم برضه من خلال التجربة والخطأ وما تنساش تستغل الأداة المجانية على أودو وأنا أرشح لك وأرجح لك لو أنت لسه بادئ اعمل ويبسايت شخصي على أودو وتعلم الويب سايتس وازاي تعمل الويبسايت بشكل كويس وزبط الدنيا. واشتري لك دومين خش شوف الدومينات ازاي بتشتغل والكلام ده كله ولا ربما فيما بعد تلاقي إن الدومين اللي اشتريته ده حد عايز يشتريه في شعلا فالموضوع حلو خش وجرب واستثمر وهتخسر وهتكسب والتجربة جميلة. الأوفرول أو في المحصلة في النهاية إن شاء الله مكسب يعني. بس يا سيدي ولينك أودو في وصف الفيديو، خد الأداة المجانية بتاعتك، ما تنساش أوكي يلا سلام.
