[0:00]اهلا بكم في حلقه جديده من برنامج هريس. يوم 13 اكتوبر سنه 1989 كان في مؤتمر صحفي في المتحف البريطاني في لندن. اول ما الناس دخلت المؤتمر لقوا قدامهم ثلاث علماء وراهم سبوره مكتوب عليها سطر واحد من 1260 الى 1390. العلماء دول يبقوا مديرين في ثلاث معامل للتريخ بالكربون المشع الريدو كاربون ديتنج. والارقام اللي وراهم دي هي الفتره اللي في خلالها اتزور الكفن المقدس او اللي بيقولوا انه مقدس. الخبر ده كان صدمه مش بس للمسيحيين في العالم كله ده كمان للعلماء والمؤرخين. ازاي مزور من العصور الوسطى ما عندوش ربع التكنولوجيا اللي عندنا قدر يغفلنا كلنا ويزور حاجه بالدقه دي. طب عملها ازاي؟ اجابتهم كانت واضحه احنا ما نعرفش صوره الكفن دي اتعملت ازاي وحتى بتكنولوجيا النهارده ما نقدرش نعمل واحده زيها. وفي الدراسه اللي نشروها في مجله نيتشر شرحوا ازاي وصلوا للنتيجه دي. خليك معايا بقى وهرسك على الموضوع كله.
[1:08]بعد ما قطعوا شريفه من ركن في الكفن طولها 8 سم وقسموها على الثلاث معامل كل معامل منهم حرق الحته اللي معاه عشان يقدروا يقيسوا ان الكفن ده معمول من نبات قطن وكتان اتزرع من حوالي 700 سنه بس. انت قلت قطن قطن ايه ده اللي في الكفن ده الاناجيل بتقول صراحه ان المسيح اتكفن بكتان نقي بعد بالصلب. ولا بلاش الانجيل لو انت مش مؤمن بيه ده في دراسات طلعت قبلها بكام سنه بتقول ان الكفن الاصلي معمول من كتان بنسبه 100%. وان في تصليحات حصلت عليه بعدين كانت بكتان مخلوط بقطن. لا تكونوا حللتوا الحتت المتصلحه مش الكفن الاصلي. الخبر نزل والكفن مزور وقضي الامر وبعدين انتم متفاجئين ليه؟ ده في ناس من حوالي 1000 سنه بيقولوا ان الكفن ده زورت كنيسه في اوروبا عشان تجمع بيه فلوس من الناس الجهل. لدرجه ان في واحد اسمه بيير دارسي في القرن ال 14 بعت رساله لبابا روما بيقول له فيها انه مسك الرسام اللي زور الكفن واعترف له انه هو اللي رسمه بمهاره شديده. طيب هي ايه حكايه الكفن اللي مجنن العالم بقى له مئات السنين ده. اول قصه بتتكلم عن صوره معجزه للمسيح بترجع للقرن الاول الميلادي في مدينه قديسه في تركيا. لما الملك بيجيب قماشه من اورشليم مطبوع عليها وش المسيح بشكل معجزه. وفي سنه 944 بنلاقي وعظه مكتوبه لشماس كنيسه القسطنطينيه وهم بيستقبلوا قماش صوره المسيح من ايديس للقسطنطينيه. العظه دي رغم انها مكتوبه قبل الوقت اللي العلماء بيقولوا ان الكفن اتعمل فيه لكنها بتوصفه بشكل قريب جدا كانه بيتكلم عن نفس الحاجه. زي انه بيقول انها صوره للجسم الكامل لكنها انعكاس خفيف كانه بالعرق والدم ومستحيل تكون نتيجه رسم. بعد كده بيتحرك الكفن ثاني مع واحد من فرسان الصليبيين بياخده معاه لفرنسا سنه 1354. ومن هنا بيبدا التاريخ الموثق بشكل رسمي للكفن وبعدها بتتنقل ملكيه الكفن لعائله سافوي الملكيه اللي بتحطه متطبق في صندوق فضه في كنيسه صغيره في مدينه شامبري في فرنسا. الكنيسه دي بيحصل فيها حريق سنه 1532 وبسبب الحراره في حته فضه من الصندوق ساحت ووقعت على الكفن وحركت عليه الشكل المثلث اللي بنشوفه متكرر على الصوره. الاهالي عشان ينقذوا الموقف ويطفوا الحريق استعملوا الميه ورموها على الصندوق ودي كمان سابت علامه خفيفه نقدر نشوفها لحد دلوقتي. بعد الحريق اخذت الرهبات مسؤوليه تصليح الكفن من الحروق اللي حصلت فيه وماله مكان الاماكن اللي اتحرق بكتان مخلوط بقطن واخذ بالك انت. ومره ثاني يتحرك الكفن مع عائله سافوي لكاتدرائيه مدينه تورينو في ايطاليا. عشان يستقر هناك لحد النهارده ويتعرف من ساعتها باسم كفن تورين. فاست فورورد لتاريخ ثاني مهم للكفن وهو سنه 1898. لما كانوا بيحضروا لاحتفال مرور 400 سنه على كاتدرائيه تورين. ساعتها الملك بيسمح للكنيسه ان هي تعمل نسخ مرسومه للكفن عشان يعرضوها للناس بدل ما نعرض الكفن الاصلي لاي خطر او تلوث. بس بيجي شخص مهم جدا اسمه سيكوندو بي ومعاه اختراع ثوري وجديد اسمه الكاميرا الفوتوغرافيه. سنور سيكوندو بيروح للملك وبيقترح عليه ما بدل ما نعتمد على رسامين ممكن يعملوا غلطات في نقل الصوره. ايه راي مولاي اننا نصور الكفن باختراع الكاميرا دي اللي هتطلع صوره طبق الاصل من الكفن من غير اي تدخل بشري. حسب مذكرات سيكوندو بي الملك ما كانش مقتنع بالفكره دي وبيتمسك بفكره الرسم. لكنه بياخد راي اسقف المدينه وبيوافق ان هو يصور الكفن. وفي اوضه تحميض الصوره بيتفاجئ سيكوندو من منظر عجيب النيجاتيف بتاع الكفن في صوره اوضح وادق لوش وجسم انسان حقيقي. طيب شباب جينزي والفا يجمعوا لي هنا عشان افهمكم الموضوع. قبل الكاميرات الديجيتال كان التصوير بيتعمل لما تعرض فيلم من ماده معينه للنور فبيتلون حسب شده الضوء اللي اتعرض له. فاكتر حاجه منوره في المنظر بتعمل اكثر لون غامق في الفيلم عشان كده اسمه النيجاتيف المنور بيبقى ضلمه في الصوره والمضلم بيبقى منور. بعدها كانوا بيودوا الفيلم ده يتحنط بمعنى انه يحول الصوره دي من نيجاتيف لبوزيتيف تاني. الفكره بقى ان قبل اختراع الكاميرا في القرن 19 عمرنا ما شفنا صوره او خلينا نسميها رسمه مرسومه بالكامل بالنيجاتيف. يعني اللون مش بيرسم حدود الجسم لا ده بيلون الجسم نفسه وبيسيب الخلفيه بلونها الاصلي. فاحنا كده قدام مزور مش بس فنان ده كان سابق عصره علميا. سيكوندو بي اول ما شاف ان نيجاتيف صوره الكفن في تفاصيل اكثر واوضح من الكفن نفسه وقف تحميض الصور وراهم للملك والكنيسه. ومن ساعتها بدات دراسات علميه مكثفه على الكفن لحد النهارده وتسمى علم مخصوص باسمه وهو علم دراسه الكفن السندونولوجي. فبغض النظر لو كنت شايف الكفن ده حقيقي او مزور او حتى مش واخد قرار ناحيته تعال نشوف مع بعض علماء السندونولوجي لاحظوا ايه في كفن تورينو. وخلت بالك سؤال لو حد هيزور الحاجه دي هيعملها ازاي؟ كفن تورينو هو قماشه من الكتان النقي وعليه صوره راجل من وشه ومن ظهره كانه نام على النص التحتاني من الكفن وبعدين النص الفوقاني اتطبق عليه. والظاهر ان اللي دفنوه اكتفوا باللفه الخفيفه دي وما لفوهوش بالكامل زي الموميا او زي ما ربطوا العازر من ايديه ورجليه لما مات. كانهم كانوا مخططين ان هم هيفكوه ثاني ويكملوا مراسم الدفن بعدين وده يمشي مع المكتوب في الاناجيل. اللي بتقول ان المسيح اتدفن فاقرب قبر يوم الجمعه قبل الغروب عشان حسب الشريعه اليهوديه ما ينفعش يكون في جثث متعلقه. ولا حد يعمل مراسم دفن يوم السبت اللي بيبدا من غروب الجمعه وده برده بيفسر ليه المريمات جم يوم الاحد بدري ومعهم حنوت وعطور. دول مش جايين ميت دول عليهم واجب طقسي يكملوه للمعلم اللي حبوه. الصوره اللي على الكفن فيها لونين او مكونين لما حللوا اللون الاحمر لقوا انه دم ذكر انسان فصيلته اي بي. وكل بقعه الدم اللي على الكفن ما عدا واحد حواليهم بقعه من السيرم او البلازما اللي بتتشاف لما بتتعرض لاشعه الترا فاوليت. يعني بلغه الدكاتره الدم فصل ودي حاجه بتحصل لما الدم بيكون خارج من شخص عايش فبيتجلط والسيرم ده بيفصل منه. عرفت بقى انهي بقعه الدم اللي ما فيهاش اثر تجلط. لو عرفت الاجابه اكتبها في الكومنت دي حاجه كانت عكس المتوقع بالنسبه للعلماء اللي كانوا بيقولوا ان البقع الحمراء على الكفن دي اكيد صبغه او الوان عشان الدم لما بيتعرض للهواء لونه بيغمق. وفي خلال شهور قليله لونه بيتحول لبني غامق او اسود. بس الدم اللي على الكفن لونه احمر كانه لسه نازف النهارده يبقى ازاي يكون الكفن ده من 2000 او حتى من 700 سنه. التحاليل بتجاوب على السؤال ده بانهم نلاقوا نسبه عاليه جدا من ماده اسمها بيليروبين يا رب اكون بنطقها صح. الماده دي بيتم افرازها لما الجسم بيتعرض لضغط شديد او تعذيب لفتره طويله. وهي اللي بتمنع ان الدم يغير لونه لما يتعرض للهواء يعني احنا نعرف بالدليل القاطع ان الشخص اللي دمه على الكفن ده ايا كان هو مين كان راجل بيتعذب بقى له فتره وكان بينزف وهو عايش. وان لو في مزور هو اللي عمل الكفن احتاج انه يجيب انسان يعذبه الفتره ويجمع دمه بطريقه طبيه عشان ما يفصلش بدري وبعدين يجيب مصدر دم ثاني ميت من نفس الفصيله او يموت الشخص اللي كان بيعذبه عشان يرسم الجرح اللي المفروض حصل للمسيح بعد الموت. ثاني مكون في صوره الكفن هي اللون الغامق الغامض اللي عامل شكل النيجاتيف للجسم ده. وعلى اساس الصوره دي قدرنا نحدد ان الشخص اللي على الكفن ده كان طوله حوالي 180 سم وقدرنا كمان نحدد ملامحه. وانه كان بالتاكيد ميت بدليل ان جسمه ومفاصله اتخشبه على الوضع اللي اتحطوا عليه. الركب متنيه والايدين ما وقعتش من على جسمه ولا اتفردت. على عكس لو كان نايم او في غيبوبه مثلا كان الجسم هيتحرك مع الجاذبيه عادي. الدراسات اكدت كمان ان اللون ده مش صبغه ولا فيه اي علامات الم او فرشه. يعني ما فيش اي احتمال انه يكون رسم كل اللي نعرفه عن اللون ده انه غمقان سطحي جدا في خيوط الكتان. اقصد بكلمه سطحي ان اللون مش معدي للناحيه الثانيه من الخيط الواحد. افتكر كده لما قلم جاف طفح في جيبك حصل ايه؟ اللون عدى الناحيه الثانيه واتشرب في الجيب كله وكان فضيحه فمستحيل ده يكون حبر او صبغه لان اللون موجود بس في الخيوط اللي كانت لامسه الجسم ده على الناحيه اللي كانت لامساه. وفي مقال 12 في مجله فوركس ساينس عن التحليل الكيميائي للكفن بياكد فيه العلماء ان الخيوط اللي عليها دم تحت الدم ده ما فيش لون غامق من بتاع الصوره. كأن الدم ده كان عامل زي ماسك منع القماش اللي تحتيه من انه يتلون وده خلاههم يتوصلوا ان الدم كان اولا ثم الصوره. او بمعنى ثاني الشخص ده اتكفن بدمه الاول وبعدين حصل الحدث اللي كون الصوره. او لو الكفن ده مزور الشخص اللي عمله مشي عكس الطبيعي لونه بالدم الاول وبعدين رسم الجسم من غير ما يلمس اي نقطه دم. واي غلطه يرمي القماش كله ويبدا من الاول لغايه سنه 2010 كان العلماء بيقولوا احنا لا نعرف اللون ده جه منين ولا حتى نعرف نعمل زي. لحد ما جه عالم فيزياء اسمه باولو دي لازارو وعمل تجربه على قماش كتان بشرط انه يكون ما اتغسلش قبل كده. ووجه عليه جهاز ليزر بيعمل نبضات قصيره من اشعه الترا فاوليت عاليه جدا بشكل الوش اللي موجود على الكفن. واخيرا قدروا يلونوا القماش بشكل قريب جدا للكفن. فالمزور اللي هيعمل الكفن ده كمان محتاج يكون عنده تكنولوجي ظهرت بعد وقت تزوير الكفن بمئات السنين او كان عنده حاجه بدلها واختفت تماما من التاريخ. الغمقان اللي في القماش ده كمان مش بنفس الدرجه لو ركزت في الصوره هتلاقي ان الاماكن العاليه في الجسم وهو نايم زي المناخير والصدر والسمانه في الصوره الخلفيه لونهم اغمق من الاماكن اللي تحتها زي العينين والرقبه والقطانيه. وده خلاهم يفكروا طب ما ناسه عندهم جهاز بيحول صور الاكس ري التو دي لشكل 3 دي على اساس شده اللون. كل ما النقطه تكون اغمق تكون اقرب طب ما نجرب الجهاز ده على الكفن ونشوفه هيقول ايه. وفعلا كانت المفاجاه الصوره اللي على الكفن شكل 3 دي مظبوط جدا لجسم الانسان. طيب ده معناه ايه؟ معناه ان على عكس الرسومات العاديه واحنا اتفقنا ان هي مش رسمه شده اللون هنا مش متحدده على حسب الاضاءه واتجاه النور زي ما الرسامين بيعملوا. ده متحدد على اساس شده تلامس الجسم للقماش في اللحظه اللي حصل فيها التلوين. يبقى المزور بتاعنا كان لازم يضمن ان في تدرج في اللون متناسب بدقه مع بعد كل نقطه من الجسم عن القماش وكل ده بالسنس من غير اي جهاز يسعد. دي المكونات المتشافه في الكفن واللي اي مزور هيركز انه يعمل زيها وجود لك هيعملها ازاي؟ بس الكفن كمان فيه حاجات ما تتشافش بالعين وبنفس الاهميه اولهم هو حبوب اللقاح البولينز اللي لقوها على الكفن. حبوب اللقاح دي هي عباره عن حاجات صغيره جدا مايكروسكوبيك بتطلع من النباتات وبتبقى طايره في الجو في مواسم معينه. اللي عنده حساسيه عارفها كويس. الحبوب اللي لقوها على الكفن لما حللوها سنه 1973 لقوها ترجع لثلاث اماكن رئيسيه. اورشليم تركيا واوروبا ما بين فرنسا وايطاليا المهم كمان ان اكثر نوع حبوب مركز هو النبات اسمه جندليا وده نبات بري بشوك بيطلع في منطقه اورشليم وموسم الحبوب بتاعه ما بين شهر مارس وابريل. عارف بقى اكثر تركيز للحبوب دي بالذات فين على الكفن؟ زي ما توقعت في منطقه الراس في صوره الوش والظهر كمان. في حبوب ثانيه كمان من اورشليم على فكره بس ده اكثر واحد مركز فيه. اخر مكون معانا هو الميكروسكوبيك دست وده تراب متوزع على الكفن واللي فيه تركيز عالي من الحجر الجيري اللي كان موجود في منطقه فلسطين وكان بيستخدم في رصف شوارع اورشليم زمان. لما بنقول مايكروسكوبيك القصد ان هي فعلا حاجات ما تتشافش بالعين يعني مستحيل حد يحطها بالاصد غير لو اخذ القماشه دي وعرضها للتراب ده انه يمسك فيها لوحده. الفكره كمان ان التراب ده مش بنفس التركيز على القماش كله في اماكن معينه فيها تركيز اعلى. كده خطه المزور اتعقدت اكثر لانه قبل ما يبدا شغل احتاج يسافر اورشليم بالقماش عشان يلقط تراب يشبه شوارع اورشليم القديمه وحبوب اللقاح في الوقت الصح. ويوزع كل ده بشكل مدروس وبطريقه تبان طبيعيه تحت الميكروسكوب ومن غير اي باترن مصطنع يتلاحظ. على اعتبار انه عارف الميكروسكوب اصلا طيب جاهز ندخل في الصوره نفسها؟ يلا بينا من الحاجات المذهله في صوره الكفن انها مش مجرد تفاصيل متنطوره وكل تفصيله بتحكي حكايه مختلفه. ده كمان التفاصيل دي مرتبطه ببعض ولما دكاتره الطب الشرعي بيشوفوا الحاجات دي مع بعض بيقدروا يستنتجوا ايه السيناريو اللي بيربطهم. واول سيناريو شافوه بوضوح هو ان الشخص ده اتصلب. اول حاجه العلماء لاحظواها في صور الراس في الكفن ان الجروح فيها واصله لغايه اعلى حته في الراس. والجروح دي شكلها دائري كانها متخرمه على عكس لو حد اتضرب على راسه او وقع. في الحاله دي الجرح بيكون بشكل خط واسال اي طفل مصري اصيل دماغه اتفتحت قبل كده. طبعا مش محتاجه فقاقه ان الجروح دي ممكن تكون بسبب اكليل الشوك اللي مكتوب ان الرومان ضفروه وحطوه على راس المسيح وهم بيتريقوا عليه كانه ملك. بس الغريب ان اغلب الرسومات اللي بتصور المسيح وهو لابس اكليل الشوك ان ما كانش كلهم بيرسموا الاكليل ده كانه حلقه مدوره حوالين الراس وده اللي موجود لحد النهارده في الايقونات الحديثه وحتى الافلام. لكن الجروح اللي في الكفن دي بتقول ان الاكليل كان على شكل خوذه مغطيه الراس كلها على عكس خيال الناس وقتها. حتى الدم اللي خارج من الجروح دي نازل ومليان تفاصيل. زي الخط اللي نازل من شمال الراس على شكل رقم ثلاثه اللي واخذ شكل كرمشه الجلد لما الانسان يبقى موجوع ورافع حواجب كده. بص كمان لاحظوا ان في الصوره الاماميه خطوط الدم واضحه بس في الظهر كانهم متشخبطين كده. وده خلى دكاتره الطب الشرعي يقولوا ان الشخص ده بعد النزيف كان بيسند راسه على حاجه ناشفه وراه برغم الجروح اللي بتوجعه. كأن في وجع اشد بيحس بي لو ما سندش راسه ولما نتخيل مشهد الصلب عامل ازاي هنلاقي الموضوع ده منطقي. عشان لو في مسامير في ايد المصلوب كل ما يرمي راسه لقدام هيبقى كانه بيدخل المسمار في ايده اكتر. وعشان كده يختار انه يسند راسه المجروحه على الخشب اللي وراه عشان يقلل من وجع المسمار. من التفاصيل العبقريه كمان ان الدم في الكفن كله نازل لتحت الجرح فوق والدم تحته. الا في الدرعات لاحظوا ان خطوط الدم فيها طالعه وبتتفرع لفوق مش لتحت وده بيكون منطقي لو الشخص اللي في الكفن ده كان مصلوب فعلا. عشان الدرعات على الصليب بتكون متثبته فوق الجسم وساعتها الدم هينزل مع الجاذبيه ناحيه الجسم. وده حتى باين اكتر في جرح المسمار اللي بالمناسبه مكانه غريب وناس كتير شايفينه مش منطقي وعكس توقعاتهم. بص على اي رسمه للمسيح على الصليب وركز مسمار الايد مكانه فين. الاحتمال الاول ان هو يكون في نص الكف وده المكان التقليدي في الرسومات رغم ان هو علميا ما ينفعش عشان اقل تحميل عليه هيخلي المسمار يقطع الايد ويخرج من بين الصوابع. عشان كده بقول ان المكان ده هو التقليدي ومتعودين عليه بس مش عملي. المكان الثاني هو الست وده المكان المنطقي علميا اكثر عشان لو المسمار اتثبت هنا بين العظمتين الايد هتقدر تشيل وزن الجسم من غير مشاكل. الكفن بقى عليه مكان للمسمار لا هو علمي ولا حتى تقليدي قوي. لو بصيت كويس على بقع الدم اللي في الايد هتلاحظ ان الجرح في منطقه الكف مش الريست بس برده مش في النص بالضبط زي ما كنا بنرسمه. تكونش هي دي الغلطه اللي عملها المزور اللي عمل الكفن. انه رسم مكان المسمار اللي متعود عليه من غير ما يعرف انه مش هينفع. الراجل ساعتها هيكون معذور لان عقوبه الصلب اتمنعت بشكل رسمي في القرن الرابع. فالمزور ده اكيد ما شافش حد مصلوب فعلا قدامه عشان يلاحظ التفصيله دي. صح؟ عايزك بقى تعمل زوم شويه على شكل الايدين في الكفن وتقول لي ايه الغريب فيهم. ها خدت بالك؟
[17:37]هو فين الصباع الكبير؟ الابهام ده مش موجود في الاتين. لا ده كده المزور بيستسهل بقى يعني ما شافش مطلوبين قبل كده وقلنا ماشي بس ما شافش كمان ايد الانسان فيها كم صباع. العلماء بقى ما سابوش التفصيله دي تعدي بالساهل لو ركزت في مكان خروج المسمار هتلاقي ان هي اقرب لناحيه الصباع الكبير. المنطقه دي فيها مسافه بين اربع عضمات صغيرين وبيعدي ما بينهم العصب اللي بيتحكم في حركه الصباع ده. لو افترضنا ان الرومان ثبتوا المسمار في المسافه دي هنلاقي ان هي بتوفي كل الشروط الفيزيائيه. المسمار هيقدر يشيل وزن الجسم كله والقطع في العصب ده هيسبب شلل في الصباع ويخليه يضم لجوه الكف وبالتالي ما يظهرش لو صورنا الايد من ظهرها. وكمان بيوفي شرط نبوي اللي بيقول ان المسيح او الحمل اللي بيفضي البشر مش هيتكسر فيه اي عظم. وفعلا لو بصيت على الصوره الكامله للشخص اللي في الكفن هتلاقي ان ما فيهوش اي علامات للكسر خصوصا في الرجلين اللي كان من عاده الرومان ان هم يكسروها عشان المطلوب يموت بسرعه. بالنسبه للرجلين لما تحلل للشكل ال 3 دي للجسم على اساس شده اللون زي ما قلنا قدروا يحددوا ان هي كانت متخشبه على الوضعيه دي. الركبتين ملفوفين ناحيه بعض والركبه الشمال مرفوعه اكثر من اليمين ومشط الرجل اليمين مفروض اكثر وظاهر تقريبا كله على الكفن. اما بالنسبه لبقع الدم بنلاحظ ان من قدام الرجل اليمين عليها بقعه واضحه جدا بالمقارنه بالشمال اللي تقريبا مش موجوده. ومن ورا هتلاقي الرجل الشمال الدم منها خارج كانه ممسوح زي الراس من ورا لو فاكر. كانها كانت عماله بتلف على الرجل اليمين اللي خارج منها خطوط دم واضحه اكثر. الملاحظات دي بتقول لنا انه على عكس رسومات كتير قديمه للمسيح متثبت رجليه على الصليب بمسمارين منفصلين. بس الشخص اللي في الكفن ده تثبتت رجليه الاثنين فوق بعض بمسمار واحد الشمال فوق اليمين. كل التفاصيل اللي قلناها دي بتخلينا نستنتج ان الشخص اللي في الكفن ده مات مصلوب. ده غير ان كمان ما فيش ولا تفصيله واحده في باقي الكفن متعارضه مع الفيزيكس بتاعه وضعيه الصليب. السيناريو الثاني الجلد الاناجيل الاربعه متفقين على ان المسيح قبل الصلب اتجلد. وبيقولوها كاجوال كده ان بيلاطوس جلده وسلموا للصلب وحتى كان من ضمن الاسباب ان الناس اعترضت على مشهد الجلد في فيلم الام المسيح لانهم قالوا ان المخرج زودها قوي عن المكتوب في الانجيل. بس اناجيل لوقا ويوحنا بيزودوا معلومه مهمه انه عقوبه الجلد دي كانت بغرض التاديب عشان بيلاطوس كان ناوي يسيبه يروح بعدها. فنقدر نتوقع ان العقوبه دي كانت قاسيه كفايه ان هي تهدي الشعب اللي كان عايز يموته لما يشوفوه بعدها. طيب نرجع للكف لما تقرب قوي على كل جروح الجسم هتلاقيها نوعين او زي ما بيتسموا في دراسه بقع دم الجلادات على الكف تايب 1 وتايب 2. تايب 1 دي عباره عن جروح كانهم كرتين واحيانا ثلاثه مربوطين ببعض وعددهم حوالي 115 جرحه منفصل متوزعين على الجسم كله. وده يشبه قوي العلامات اللي بيسببها الكرباج الروماني اللي اسمه فلاجرب واللي بيكون في اخر حباله كور من المعدن مربوطين ببعض. بس طبعا اكثر تركيز ليهم على الظهر واقل تركيز على منطقه الصدر وده نقدر نفهم انه لو فعلا مش عايزين يموتوا الشخص ده مش هيضربوا على صدره كور معدن بشكل مباشر عشان ما يكسروش ضلوع. ثاني احنا عايزين نادبه ونمشيه. تايب 2 دي بقى جروح على شكل خطوط كانها بسبب حبال او اعواد خشب ودول عددهم 170 جرح متوزعين على الجسم كله. ولما تركز اكثر على الاماكن اللي فيها نوعين الجروح بيتقابلوا هتلاحظ ان دايما تايب 1 اللي على شكل كور بتكون فوق تايب 2 اللي على شكل خطوط. وده بيفهم هما ليه استخدموا نوعين من الادوات كانهم كانوا قاصدين يضربوه بالخشب الاول عشان الجسم يورم ويحس بالم زياده من ضرب الكرباق. مش كفايه انه يتعور لازم يحس باكثر وجع ممكن. السيناريو الاخير في حلقه النهارده هو شيل الصليب اللي برده عليه اتفاق بين الاربع اناجيل ان المسيح شال الصليب على الاقل قبل ما يجيب له حد يشيله مكانه. ممكن تكون خدت بالك واحنا بنقرب على الكفن ان في بقاعتين غامقين على الظهر وخد بالك دول مش دم دول من اللون اللي جاي من الجسم نفسه. يعني كانهم كدمتين مش جروح كمان البقعه اللي في الناحيه اليمين اغمق بشكل ملحوظ من الشمال. وده ممكن نربطه بالطريقه اللي كان الرومان بيخلوا المصلوبين يشيلوا صليبهم في الطريق. واضح هنا انه ما كانش الصليب بالكامل دي كانت الخشبه العرضيه بس اللي غالبا بتكون مربوطه بذراع الشخص طول الطريق. طب ليه اليمين اغمق؟ هنشوف دلوقتي. لو عملت زوم على الوش هنلاحظ ان الخد اليمين اكبر شويه من الشمال كانه وارم برده. وناس اختلفت هو الورم ده جاي من ضرب ولا ان الشخص ده وقع على وشه وهنا يجي دور التراب اللي قلت لك انه متركز في نقط معينه على الكفن اكثر من الباقي. وان النقط دي المناخير وده خلى دكاتره كتير تقول ان صاحب الكفن ده اكيد وقع على وشه في شوارع اورشليم. وما فيش مانع انه يكون اتضرب برده قبلها يلا ننزل شويه لحد ما نوصل للكتف. وهنا الطب الشرعي لما بيقيسوا الصوره بيلاقوا معلومتين مهمين جدا. لو رسمت خط بالعرض من عند الكتف الشمال هتلاقي ان اليمين اوطى منه بحوالي 4 سم. ولو قست طول الدرعين هتلاقي ان الدراع اليمين في الصوره يبان اطول بحوالي 8 سم. المعلومتين دول خلوا دكاتره الطب الشرعي يقولوا ان في احتمال كبير جدا ان صاحب الصوره دي كتفه اليمين اتخلع وما تردش تاني لحد ما مات. وكمان لما نروح للركب هنلاقي ان هي ورمه وعليها تركيز من التراب ده غير طبعا اعلى تركيز للتراب في الكفن اللي موجود عند الرجل اليمين اللي باينه في الكف. لما نجمع الملاحظات دي مع بعض هنقدر نفهم ان الشخص ده كان ماشي حافي في شوارع اورشليم وهو شايل الخشبه العرضيه من صليبه. مش بس كده ده احنا كمان نقدر نتخيل على الاقل واقعه واحده بيه انه نزل الاول على ركبه وبعدين الكتف اليمين اللي تسبب في خلعه والكزمه اللي على ظهره وفي الاخر وقع على وشه. كل ده وهو لسه خارج من عقوبه جلد قاسيه جدا ولابس اكليل شوك وفي طريقه انه يموت بواحده من اقصى طرق الاعدام في التاريخ. فلو احنا قدام مزور الراجل ده ما رسمش كلمات عشوائيه وخلاص ده وزعهم ووفهم مع توزيعه التراب والدم عشان نشوف سيكونس كامل لوقعه محدده. وبالمناسبه مش مذكوره في الانجيل يعني تخيل سيناريو كامل وقدر ينفذه بتفاصيل التفاصيل. لسه على فكره كفان تورينو فيه حاجات ثانيه كثير وبيزيدوا مع الدراسات الجديده. بس برغم الحاجات دي لسه الناس مقسومه يا اما تصدقين ان ده الكفن الحقيقي لدفن يسوع الناصري او شايفين ان ده تزوير عبقري من القرون الوسطى. بمناسبه الدراسات الجديده سنه 2022 عملوا دراسه تحديد عمر ثانيه للكف. والمره دي التكنولوجيا مختلفه عن الكربون المشع اسمها واكس واللي بتقيس عمر الكتان للكفن بالكامل بشريطه تتحرق. بالمقارنه مع عينات ثانيه احنا عارفين عمرها من قبل كده وفي الدراسه دي توصلوا ان الكتان الموجود في الكفن من نفس عمر كتان ثاني في القرن الاول الميلادي. على فكره الحلقه دي مش هدفها ان هي تقول لك الكفن ده حقيقي او مزور انا بس برسك على كل المعلومات اللي تساعدك انك تاخذ قرارك بنفسك او لو انت اساسا واخد قرار تعرف ايه تبعياته. فلو قررت ان الكفن ده حقيقي يبقى بتقول ان في شخص حقيقي مر بالاحداث النادره دي في نفس الوقت والمكان المفترض ليسوع الناصري. الشخص ده اتدفن بدمه ما اتغسلش ولسبب غامض علميا غامض جسمه طلع اشعاع قوي جدا في لحظه معينه سببت ان صورته تطبع على الكفن بدقه عاليه. وتفضل موجوده بعدها ب 2000 سنه وده معناه ان انا قدام دليل مادي بيحكي بدقه مرعبه تفاصيل الساعات الاخيره في حياه المسيح. ولو قرارك ان الكفن ده مزور في الاخر ما فيش مشكله انت كده بتقول ان في انسان ما لوش علاقه بالكنيسه اشتغل على اعظم عمل فني وعلمي في تاريخ البشريه. شخص مجهول من العصور الوسطى كان سابق عصره ب 800 سنه فاهم في الطب والفيزياء والكيمياء وتصوير النيجاتيف اكثر مننا كلنا. الاهم من كل ده انه يكون شخص متواضع جدا عشان يعمل العظمه دي في السر ويسيبها للزمن من غير ما يكتب اسمه عليها بعد ما اجتهد في تفاصيل ما حدش هياخد باله منها لكرون طويل. السؤال ليك دلوقتي بعد ما رسيتك على كل اللي نعرفه تفتكر العلم في المستقبل هيقدر يثبت ان الكفن ده مزور ولا هيفضل محتار في امره؟ ويا ترى في حاجه معينه لو اكتشفوها ممكن تغير رايك؟ استني رايك لو عجبتك الحلقه لايك وشير وسبسكرايب والكلام ده. كل المصادر موجوده في الديسكربشن ولو عندك اي سؤال او في اي معلومه مهمه ما قالتش في الحلقه دي يا ريت تكتبها لنا في الكومنتس. واستنونا في حلقه جديده من برنامج هرسيك سلام سلام.
