[0:00]الله اكبر
[0:07]اذا كنت تحاسب انه هذا مجرد وسوسه او نقص ايمان فانت غلطان، تعرف ايش الحقيقه اللي تخوف انه شاشتك اللي في يدك الان سويت لك هاك واخترقت دماغك. وانا كشخص امانتي اجر لي مسافات طويله 10 كيلو وانت طالع، اقدر اركز تماما وافصل نفسي عن العالم الخارجي، بس ليش لما افرش سجادتي واقول الله اكبر افقد تركيزي بعد ثواني، ليش الرياضه تعطينا حضور والعباده تشتتنا؟ المشكله مو بقلبك، المشكله ببرمجه عقلك اللي دمرها حاجه اسمها اقتصاد الانتباه. اليوم حنفكك هذا اللي يصير لك من تشتت واعطيك ثلاثه خطوات عمليه ترجع لك ان شاء الله تركيزك وخشوعك من اليوم. ومهم ان اليوم تبدا لانه الجوال قاعد يدمر لك منطقه التركيز في دماغك، معقوله كيف قدر يدمرها؟ اول شيء خلينا نرجع لمساله الجري عشان توضح لنا بعض المعلومات، عشان تفهم ليش الجري يخليك تركز والصلاه تشتتك، الجواب كله حركه الدم. الجري للمسافات طويله 10 كيلو وفوق هو مجهود بدني كبير يخلي الجسم يدخل في حاله البقاء على قيد الحياه السرفايفل مود. عشان كده في علم الاعصاب في ظاهره اساسا تصير للعدائين، العدائين دول اللي يجروا 42 كيلو وانت ماشي، اسمها الانخفاض المؤقت في نشاط القشره الجبهيه، والقشره الجبهيه هذه هي المسؤوله عن التركيز وما شابه. ليش الانخفاض هذا يصير؟ لانه الجري يتطلب طاقه هائله، فيجي الدماغ يوجه الدم الى القشره الحركيه اللي تخلى الرجل كده تتحرك باستمرار وتنظيم النفس. وفي المقابل يقل تدفق الدم عن القشره الجبهيه اللي هي تخلينا نركز، فايش يصير وقتها وانت تجري؟ انطفى زر الاوفر ثينكنج. مو برضاك اجباري وعقلك يدخل في منطقه التركيز الحاليه فلو ستيت فانت ما انت قاعد تركز بقوه الاراده، بل دماغك اجبرك انك تركز على المجهود البدني، طيب والصلاه يا سلطان ايش يصير وقتها؟ ليش نتشتت؟ شوف يا حبيبي نحن حاليا نعيش في فتره اسمها اقتصاد الانتباه او اتنشن ايكونومي. خوارزميات الشاشات برمجه ادمغتنا انه صار يجيها دومامين كل 10 الى 15 ثانيه. فالصلاه فيها حاله من السكون الجسدي التام والهدوء، فانت واقف اساسا في الصلاه قاعد تنظر في منطقه واحده اللي هي منطقه سجودك. ما انت قاعد تعمل مجهود بدني يستهلك دماغك، فلما يتوقف جسمك عن الحركه وما عنده اي محفز خارجي، يعمل نظام في دماغ اسمه شبكه الوضع الافتراضي اللي هو ديفولت مود نيت وورك. الدي ام ان هذه الشبكه يا حبيبي هي المسؤوله عن اوفر ثينكنج، التفكير في المستقبل والتفكير في الماضي، فالدماغ السليم اللي غير مدمن وقت الصلاه يستخدم هذا السكون التام للدخول في حاله تامل وخشوع عميق، لكن عقلك المبرمج على جرعات الدوبامين كل 10 الى 15 ثانيه يكره السكون. فاللي يصير يا حبيبي لما توقف للصلاه، يحس الدماغ بفراغ حسي ما في شيء فيتوتر بسبب نقص الدومامين المفاجئ ذا، انت عودته انه كل 10 او 15 ثانيه في دومامين في دومامين فجاه انت تصلي ما في شيء، فعشان يعوض الما في شيء او النقص هذا، يصير شبكه الوضع الافتراضي اللي دي من تشتغل باقصى طاقتها، وتبدا ترمي لك افكار عشوائيه يمين يسار ومشاكل وذكريات وشغلك وانت ترى ما سويت وانتبه فاكر وتصنع لك اشياء داخل راسك عشان تعمل لك اثاره داخليه تعوض لك غياب الشاشه. وترى والله اللي نحن نعمله والله مو كويس، والله بكلم نفسي قبلكم، هذا تتابع السريع والمتعه اللحظيه اللي يصير في السكرولينج ده حرفيا يدمر القشره الجبهيه اللي قلنا انه هي مسؤوله عن التركيز. واكثر شيء يفجع من لغه الارقام، وفي دراسات حديثه تثبت انه صار انسب او تركيز الانسان وانتباه الانسان بس صار ثمانيه ثواني. ثمانيه ثواني انت متخيل ما كمان تقي تركز في شيء الا فقط ثمانيه ثواني، سر النفس السمكه الذهبيه يا ابرا يضحك والله حيصير يضرب فيك المثل بدل السمكه. ذاكره السمكه لا حبيبي حيصير ذاكرتك انت، عموما عشان كده دماغك المبرمج على السرعه يصرخ من جوا كده اول ما تصلي او تروح محل هادي. فين الالوان؟ فين الاكشن؟ اعطوني الدومامين ولانه ما يلاقي شاشه قدامه ياخذ منه الدومامين يبدا يشتتك بافكار خارجيه يعوض نفسه عن النقص اللي هو فيه. فالحل او الحل انك لازم تبدا تجبر نفسك انك تركز صح اجباري. ليش اجبار نفسك على التركيز هو اغبى طريقه لاسترجاع الخشوع؟ الغرب اليوم وتحديدا رواد الاعمال صاروا يدفعوا الاف الفلوس عشان يروحوا معسكرات صامته ومخيمات تامل بس عشان يعزلوا نفسهم ويرجعوا معضله التركيز، ونحن كمسلمين عندنا اعظم واقوى نظام تامل روحي وحركي مجاني، المفروض علينا خمس مرات في اليوم. طيب ليه ما نستفيد منه؟ تعرف ليش؟ لانه نستخدم الاداه هذه غلط، اغلبنا يحاول يعالج التشتت هذا باجبار النفس ركز ركز. نضغط على عقولنا ونعاندها بالعين عشان بس نركز وهذا علميا ترى فاشل تماما، فعلم النفس في مفهوم اسمه استنزاف قوه الاراده. الاراده يا حبي زي البطاريه في الصبح تجيك فل، في الليله تبدا تفضى، فاذا اعتمدت على ارادتك عشان تركز حتفشل. لانه عقلك حيقاومك وتخش في صراع في الصلاه اللي ما تنتهي الصلاه، فانت ما تحتاج تعاند عقلك، انت تحتاج تكتيكات عمليه تهندس بها بيئتك عشان تقطع حبل التشتت. فايش الحلول؟ عندك ثلاث تكتيكات تطبقها اليوم وبتشوف الفرق في تركيزك سواء في العباده ولا في الشغل. اول شيء بروتوكول المنطقه العازله مستحيل تكون قاعد تشوف تيك توك وفجاه تقفل الجوال وتكبر للصلاه وتتوقع انك حتخشع. حبي دماغك كان كانه سياره ماشيه 120 كيلو في الساعه تحتاج مسافه عشان تفرمل ما حتفرمل على طول. فنفس السياق هذا في صلاتك، فالحل اخلق منطقه عازله على الاقل مقدارها خمس دقائق قبل الصلاه. اترك الجوال في غرفه ثانيه، امشي بهدوء للصلاه استغفر قبل الصلاه، دخل نفسك في المود هدي الرتم، اعتبرها كذا فتره تسخين ضروريه لنفسك وللدماغك قبل ما تدخل في العمل العميق اللي هي الصلاه او غير الصلاه. بروتوكول رقم اثنين التثبيت البصري في علم الاعصاب حركه العين مرتبطه مباشره بنشاط الدماغ، بمجرد ما عينك تلتفت يمين ويسار او تطالع في زخرفه المسجد، عقلك يبدا يحلل ويتشتت فالسنه النبويه اعطنا حل تقريبا قبل 1400 سنه، واللي هو النظر لموضع سجودك. هذا مو بس ادب، هذا تثبيت لكاميرا الدماغ، لما تثبت بصرك في نقطه واحده، انت قاعد تجبر عقلك انه يهبط اللحظه الحاليه ويوقف افكار جديده. بروتوكول رقم ثلاثه هو التدخل السريع وهذا اقوى بروتوكول ممكن تشوف حياتك، الصحابي عثمان بن العاص رضي الله عنه راح للنبي صلى الله عليه وسلم واشتكى له وقال له: يا رسول الله، ان الشيطان قد حال بيني وبين صلاتي وقراءتي يلبسها علي، يعني قاعد يشتتني يا رسول الله. فالنبي صلى الله عليه وسلم ما قال له اجبر نفسك انك تركز، لا اعطاه حل حركي فوري، وقال له: ذاك شيطان يقال له خنزب فاذا احسسته يعني حسيت فيه فتعوذ بالله منه واتفل عن يسارك ثلاثا. اعوذ بالله منك حل حركي، فوقتها الصحابي يقول ففعلت فاذهبه الله عني، فليش هذا التكتيك جبار؟ لان الفعل الحركي يسوي كسر لحظي لدائره التفكير اللي فين؟ اللي في دماغك ويرجعك الوعي فورا. الخشوع مو حاله روحانيه عابره، الخشوع هو النسخه الاصليه من الديب ورك، اذا ما قدرت تخلي عقلك يركز على الاقل 10 دقائق مع الذي خلقك، الله سبحانه وتعالى. فكيف تتوقع انك تقدر تركز في شغلك في دراستك في مستقبلك المالي، ترى هذا الكلام قاعد اوجهه لنفسي الان قبل ما اوجهه لك، ولا والله هذا مو عتاب هذا بس زي ما يقولوا ادراك. ففي رمضان هذا لا تخلي هدفك مجرد تاديه واجب او مجرد بس تختيم بقران وقراءه عدد صفحات، خلي هدفك الحقيقي انك تسترجع تركيزك. تسترجع عقلك اللي سرقوه منك الشاشات والمنصات، فشاركني تحت في التعليقات، كم دقيقه تقدر تركز على شيء واحد؟ بشرط بدون ما تمد يدك على الجوال ولا على اي شيء ولا بدون بدون ما تحكك يدك، انا عن نفسي والله ممكن حاليا الفتره اللي انا بمر فيها، ممكن بس مجرد دقيقتين لثلاث دقائق، والله اذا مو اقل ما اعرف صراحه وانا حرفيا بكون معاكم جدا صريح انا قاعد امر بهذه الحاله، فلا تنسوا اللايك والشير وسبسكرايب يا جماعه الخير. اشوفكم ان شاء الله في حلقه اخرى، في امان الله سلام.
