بهاد طريقة تخلي الحب بينكم يستمر و يولي الشغف و الاشتياق فكل الأوقات 🔥♥️

[0:00]بغيتي الحب بيناتكم يستمر ويتقوى والعلاقة دائما يكون فيها الاشتياق والشغف وتحافظي على ديك الشراره وتطلعي درجه الحب لاعلى المستويات سواء كنت مزوجه او مخطوبه او لا في علاقه مع شخص ضروري تكوني كتطبقي واحد الحاجه مهمه بزاف وكنتمنى يسمعوني حتى الرجال باش يستوعبوا هذه الحاجه ويديروها مع الشريكه ديالهم. بالنسبه للناس جداد مرحبا بكم هذه قناه كنهضروا فيها على اي حاجه عندها علاقه بالعلاقه ما بين الراجل والمراه بحب الذات بالطاقه الانثويه بالانوثه بالذكاء الاجتماعي بالصحه النفسيه واي حاجه كتساعدنا وكتعاونا احنا البنات والنساء باش نعيشوا حياه زوينه كما كتعرفوا احنا البنات والنساء بالخصوص فاش كندخلوا في شي علاقه كنبغيو نحافظوا على ذاك الريتم ديال ديك العلاقه مع الراجل نهار كتعرفي راجل في حياتك كتلقي كل شيء في الحياه وكتبقاي حاضيه غير هو صافي جاء المنقذ جاء فارس الاحلام كتبغي تكوني معه بالسوايع رجليك برجليه رجليك برجليه واخا كتكون المراه خدامه وكتكون مسؤوله وكتكون عندها ما يدار ولكن التركيز ديالها كله مع الراجل كتقول لك صافي هو التوام ديالي قره عيني خاصني نكون معه بزاف ونقضي وقت اكثر مع بعضياتنا كتولي كتولي البنت كتخدم العاطفه ديالها اكثر من القياس ما كتعرفش شي حاجه سميتها المسافه او المسافه او الخصوصيه ديال كل واحد المسافه ضروريه في العلاقه هي اللي كتخلي الحب والعشره والموده بيناتكم تدوم الحياه فيها بزاف ما يدار كوني انثى عندك اهتمامات عندك هوايات عندك انشغالات الحب والعلاقه راه جزء من الحياه راه ماشي هي الحياه كاين شي وحده كتبقى تعيط عليه 10 ديال ليزابلون ابسونس كتبقى تصوني تصوني تصوني مالك اختي واش انت بوليس دايره له الطياره خاصها تعرفوا فين مشى كل دقيقه فين مشى وشنو كلا وشنو كيدير وامتى غيدخل للدار لاحقه كيعطي وقت لاصحابه كثر مني لا حقه كيبقى في الخدمه كثر مني لا حقه تيمشي يجلس عند امه وعن طاصلتو عندهم كثر مني في بالها عند بالها هي الحب هو يبقاو ملاصقين ديما السيرفو ديالها المخ والمخيخ ديالها فيها غير غير مركزه غير على ذاك الراجل لا ما نخليهش يفكر في شي وحده اخرى لا ما نخليهش يفكر في شي حاجه اخرى من غيري خاصني نكون انا بحال الظل دياله نعمر له حياته سيري الله يعطيك ما تاكلي مكالمه واحده في النهار كافياك وشي ميساجات خفاف هكا علاش شحال هذه عقلته فاش ما كانش الواتساب وما كانش التخربيق كامل عرفتي ميساج واحد ميساج واحد الى جاك منه توحشتك ولا شي هضره حلوه هكا عرفتي كتبقي النهار كامل ميساج في يومين ثلاث ايام كتبقاي فرحانه وكانت البركه في ذيك الساعه في العلاقات العلاقه ماشي هي الهضره النهار كامل وحنا ملاصقين في التليفون واش هذا الراجل ما عنده خدمه ما عنده تماره ما عنده شي مشكل ما عنده امه يمشي يشوفها بتقول لك لا واخا يمشي عند امه يشوفها وعند تريكو اللي يكون خدام خاصو يدير معايا الحب والغرام في التليفون علاش حيث انت مساليه ليه وخليتي اولوياتك واهتماماتك وهواياتك وبزاف ما يدار عندك عليه هو خليه يدير مجهود شويه عليك خليه هو يقلب عليك وشتي ما عندك ما يدار صاحبتي ما عندك قوامل تحكيهم ما عندك ماريو تعاودي طويه ما عندك شعر تمشطيه ما عندك وجه تهلاي فيه راه قبل ما يجي هذا الراجل في حياتك راه عندك علاقه مع ذاتك اولا علاقه مع نفسك الاهتمام والحب المنحور راسي اولا بعدا حيث الا ما عندكش حب الذات راه ما تقدريش تنجحي علاقه مع راجل يكذب عليك الكذاب شتي الا ما عندكش حب الذات بلا ما تحلمي العلاقه تنجح الراجل يكون تيبغيك شحال ما يكون يكون تيطى عليك في الاخير يختار الحريه ديالو هي الاولى ما كيبغيش هو يتقيد قال لك واحد المثل اذا احببت رجلا اطلقي سراحه انا غنزيد عليها واحد المقوله من راسي اذا احببت رجلا فديها في راسك اولا خرجي من القوقعه ديالك وكوني انثى عندها اهتمامات وبلا ما تقولي لي راجلي ما كيخلينيش نخرج راجلي ما خلانيش ندير هذه شوفي راه عندك الانترنت وعندك التليفون ماشي نظل نهار كامل نتفرج في ذوك المسلسلات هذه حاسس لترى ما كيخونها هذه تزوج عليها راجلها ذاك الشيء ديال الخيانه وذاك الشيء ذاك الشيء غير تفرجت فيه كطبق ذوك الادوار اللي شفت في المسلسل على راجلها كتولي تقول لك يا ناري هذا كيخونني يعلم الله اش تيدير من مورايا ديري بروجرام ديري بروجرام للنهار ديالك ديري الانشطه اللي غادي يفيدك انت في الصحه النفسيه ديالك والجسديه ديالك غنهز ستيلو ورقه وغانكتب كاع ذاك الشيء اللي غادي يفيدني انا كامراه وكثى مثلا السبور السبور مهم لاي امراه تحرك شي شويه اختي ما قلناش لك سيري ديري لاصال ما عندكش فلوس لاصال ما ديريش لاصال اختي ديري غير يوتيوب كتبي فيه الرياضه في المنزل لبسي تبرديتك اختي وديري نص ساعه ديال النقاز وقولي لي حتى هذه غتخلصي عليها تهلاي في وجهك ديريها عاده فيك ان كل نهار وجهك ديري ليه قناع طبيعي او وصفه طبيعيه وجهك هو البروفيل ديالك قدام الناس بلا ما تقولي لي ما عنديش الفلوس نشري برودويات شوفي هزي اختي غير معلقه ديال المايزينه المايزينه كدير غير 260 خلطيهم اختي مع دانون مسوس وطلعها لوجهك جاك اختي غالي غالي دانون غالي ومايزينه غاليه حكي اختي غير خياره غير نص خياره شويه وصفيها وديريها لوجهك ما عندكش خيار اختي هزي غير البطاطا عطى الله عطى الله عندك كوزينتك ضروري ما تكون فيها شي حاجه لا شي حاجه طبيعيه اللي لا ديريها للوجه ديالك واش فهمتيني كل نهار تهلاي في وجهي نرطبه ما عندكش اختي فلوس تعلمي شي صناعه باغى تعلمي شي صناعه باغى تعلمي لغه باغى ديري فورماسيون ما عندكش فلوس كاين اختي عمي يوتيوب والحاج انترنت لقينا صناعه ها الراندا ها الخياطه ها التنبات العقيق قنوات تعليم اللغات قنوات الطبخ قنوات الاعمال اليدويه ديري تعلمي غير صناعه الشمع كاين كاين اللي تعلم دك شتي ذاك الشمع اللي فيه اللي فيه الريحه ذاك الشمع الواعر المزوق كاين اللي تعلم ذاك الشمع تعلم تديرو ولات كتبيعوا مع الوقت ولات كتبيعوا للناس وهادشي راه حتى الطاقه الانثويه ديالك كترتفع عندك الاعمال اليدويه واي حاجه راه حيث ما فيهاش مجهود ما فيهاش مجهود هذا الشيء ما فيهش مجهود هذا الشيء كتستمتعي فاش كتصاوبي كتستمتعي وقتك يكون عامر باش هذا الراجل هذا ملي كتلاقي معاه يلقاك كلك حيويه ونشاط وطاقه انثويه عاليه وطاقه ايجابيه اما احسن اختي واش ديري بحال هذا الشيء اللي قلت لك دابا اولا تكوني بحال وحده مساليه قبها جالسه في الدار ما عندها ما يدار ما خدامه ما ردامه غير باش تدخل الانترنت تقرا وتثقف راسها وت وتطور راسها وتعلم والو هي مركزه غير على الراجل جالسه تصيفط ليه فين واش دخلتي واش خرجتي واش كتبغيني واش ما توحشتنيش الا عيطت عليك خاصك تجاوبني ديك الساعه علاش كتخرج مع ذاك صاحبك هنا كتبين لي انك حتى واحد ما كيبغيك انك واحد الانسانه اللي حتى كل شيء نافر منك هو مسكين قابل عليك انت غير متخلى عنك تشوفك حتى راسك ما صالحهاش ليه ما كتبغيش راسك وما كتحبيش ذاتك وما صلحهاش حتى لراسك وهنا غادي يبدا يتجاهلك ويديها فيك عاده وقاعده انك واحد اللصقه شوفي الراجل الحقيقي الراجل الحقيقي يقلب على مرا تشارك معه الحياه دياله تعطيه الانوثه باش هو يحس بالرجوله دياله يحس براسه كيدير واحد المجهود عليها هي ماشي تبقى حاضيه بحال الام كليتي شربتي درتي فعلتي راه الام ما تقمصش الدور ديال الام هو كون بغى ام يبقى مع امه هو بغى انثى بغى واحد المراه اللي يشارك معاه حياته كوني انت شوفي كوني انثى سبيسيال كوني واحد المراه اللي هي سبيسيال خلي البعد والمسافه تخليه يتوحشك اقسم بالله تكوني انثى وقتك عامر بالاهتمامات ديالك انت ماشي عامر بالتخربيق ماشي تعمري لي بالشقاء والتخمال وذاك الشيء ذاك الشيء عنده وقته تعمري ليك بالحاجات ديالك انت حيث كتبغي راسك اقسم بالله هذا الراجل يزيد يتشدجك اكثر واكثر المساحه والخصوصيه هي اللي كتسقي الحب بيناتكم وكترجع الكوبل ديالكم توب ولا اروع في القمه دياله خليو بلاصه فين يجي الاشتياق والشغف والشوق والرغبه خليو ديك العلاقه تكون ملجا راحه تن بغي نلجا اليها في الاخر النهار خليو العلاقه تكون متنفس من بعد حاجات كنتوا كديروها سواء قرايه خدمه شق مسؤوليه المهم العلاقه خليوها تكون متنفس وسكن وراحه البال واشتياق ورغبه عرفتي كاع الطاقه السلبيه اللي كانت فيكم تحول حب وشغف وحلاوه و كخلاصه العلاقه فاش تيكون فيها واحد الفاصل بيناتكم فاش تيكون فيها واحد الانقطاع قصير واحد البعد الحب راه كيطلع لاعلى مستويات وديريها حلقه في وذنيك راه القرب بزاف راه كيقتل الحب وكيستهلك الحب