ازاي تغلب في أحد التجربة؟

[0:00]ازاي تغلب في حد التجربه؟ تفتكر ليه الكنيسه رتبت ان ثاني حد في الصوم المقدس يكون اسمه حد التجربه؟ هل عشان تخوفنا؟ اكيد لا الكنيسه عايزه تقول لنا ما دام قررنا ان احنا نصوم ونقرب من ربنا اكيد الشيطان مش هيسيبنا في حالنا واكيد هيكون في حرب بس الخبر الحلو ان الحرب دي محسومه لينا. في انجيل معلمنا متى بعد كده بنشوف ان السيد المسيح صام 40 يوم كاملين عننا. ولما جاء اخيرا الشيطان افتكر ان ديت نقطه ضعف فابتدا يحاربه بثلاث حاجات احنا كلنا بنقع فيهم. اول واحده منهم شهوه الاكل وقال له يحول الحجاره لخبز. وثاني حاجه الكبرياء قال له ارمي نفسك والملائكه كده كده هتشيلك. وثالث حاجه محبه العالم قال له اسجد لي وانا اديك كل ممالك الارض. في التجربه على الجبل السيد المسيح ما علمناش نغلب بقوتنا علمنا نغلب بكلمه ربنا والكتاب المقدس. في كل مره كان بيبدا رده على الشيطان بكلمه واحده مكتوب الشيطان بيحاربنا بافكار واحنا بنرد عليه بايات. معلمنا متى قال في الاصحاح الرابع فبعدما صام 40 نهارا و40 ليلى جاء اخيرا. فتقدم اليه المجرب وقال له ان كنت ابن الله فقل ان تصير هذه الحجاره خبزا. فاجاب وقال مكتوب ليس بالخبز وحده يحيا الانسان بل بكل كلمه تخرج من فم الله. وبعد كده الشيطان وقف السيد المسيح على سطح الهيكل وقال له ارمي نفسك. لانه مكتوب انه يوصي ملائكته بك فعلى ايديهم يحملونك لكي لا تصطدم بحجر رجلك. فقال له يسوع مكتوب ايضا لا تجرب الرب الهك. وفي ثالث مره الشيطان خدوه فوق جبل عالي قوي ووراه كل ممالك العالم. وقال له اعطيك هذه جميعها ان خررت وسجدت لي. حينئذ قال له يسوع اذهب يا شيطان لانه مكتوب للرب الهك تسجد واياه وحده تعبد. والقديس يوحنا ذهبي الفم بيقول معنى جميل جدا ان المسيح صام مش عشان هو محتاج الصوم ولكن عشان يعلمنا احنا ازاي ننتصر على الشيطان. التجربه على الجبل مش قصه تخوفنا ولكن هو يوم اعلان للنسره. المسيح المسيح غلب الشيطان لحساب طبيعتنا البشريه يعني انتصارك دوت حق مكتسب بس احنا نتمسك بيه. ما تخافش من التجربه، خاف ان انت تواجهها لوحدك من غير مكتوب وتتعلم.