[0:00]في الفيديو ده إن شاء الله هنتكلم عن مرض جوجرن أو متلازمة جفاف العين وجفاف الفم وبالذات هنحاول نركز النهارده على الأعراض وإمتى ممكن تشك إن انت يكون عندك هذا المرض فخليكم معانا

[0:18]أهلاً وسهلاً بكم مرة تانية أنا حمدي محمد عبد العزيز ودي قناة الإستشاري للأمراض الروماتيزمية والمناعية معلش غبنا عنكم شوية لكن كان في شوية ظروف منها مثلاً العاصفة اللي كانت بتضرب أمريكا الأسبوع اللي فات كنا قريبين شوية ما ضربتش المكان نفسه لكن إحنا إتأثرنا شوية بيها بس إن شاء الله في المستقبل نقدر إن إحنا نعمل على الأقل فيديو واحد في الأسبوع خلونا بقى نتكلم عن الموضوع بتاع النهارده موضوع جفاف العين وجفاف الفم أول حاجة في مرض الشوجرن عايزك تفتكرها كده إن جفاف العين لوحده له كذا سبب وجفاف الفم لوحده له كذا سبب متلازمة جوجرن بتحصل لما يكونوا الاتنين مع بعض إيه هو الجوجرن الجوجرن بشكل عام هو مرض مناعي إحنا هنا علاقات الروماتيزم والمناعة بالتأكيد ده مرض مناعي مرض مناعي بيصيب الخلايا اللعابية والخلايا الدمعية بطريقة بصورة أساسية أو دولت رقم واحد عنده فدي أول حاجة مهمة تاني حاجة مهم جداً إن إحنا نعرفها إن المرض دوت قد يكون مرض أولي بمعنى إن هو المرض أول أعراضه هو إن هو بيهاجم من الخلايا ديت وإن هو طبعا يكون أعراضه الأساسية جفاف العين وجفاف الفم أو إن هو يكون ثانوي لمرض تاني الروماتويد أو الذئبة الحمراء أو أي أمراض مناعية تانية يعني هو ممكن يحصل لوحده أو ممكن يحصل مع الأمراض الروماتيزمية التانية بشكل عام المرض دوت بيصيب أكتر السيدات بتختلف النسبة ما بين الرجالة والستات على مستوى العالم كله أكتر بيحصل في المناطق اللي هي في شرق العالم بيبقى في الستات فيها أكتر كتير جداً إن هم بيصابوا أكتر من الرجالة بشكل عام بنشوفها أكتر في الناس اللي هي سواء شرق آسيا أو الناس اللي هم البيض بتوع أوروبا أقل شوية في الناس اللي هم أصحاب البشرة السوداء عندنا في الوطن العربي بشكل عام مفيش أرقام كتيرة واضحة لكن أعتقد إن إحنا أقل من دول أوروبا ومن دول شرق آسيا خليني أول حاجة نتكلم عن جفاف العين يعني إيه جفاف العين أولاً عايزك تفكر في كده جفاف العين وجفاف الفم فالمرض ده ما هياش اللي هو الجفاف اللي ممكن يحصل مرة وينتهي ما هواش جفاف مؤقت بالعكس ده هو بيبقى جفاف عملية بطيئة ومستمرة يعني أنت بتقعد كذا شهر وتبتدي تحس كده لما بالنسبة لجفاف العين تبتدي تحس مثلاً زي إيه إن في رملة في عينك أقول لكم على حاجة ده ممكن أساسا بداية المرض يكون إن في شوية زيادة في دموع العين بعدين يبتدي يحصل إن بتبتدي الدموع ديت تبتدي إن هي إيه تبتدي الدموع تبتدي إن هي تقل فلما تبتدي إن هي تقل تبتدي أنت تحس شوية بشوية زي رملة كده في عينيك أحياناً ممكن تحس بشوية حرقان كده في عينيك أحياناً ممكن تبتدي العين يبقى تبان كده الشعيرات الدموية اللي موجودة في العين تحس كده إن أنت شايف خطوط حمرا جوه العين وبعد شوية تبتدي العين كلها تحمر طبعا الإنسان دوت ما بيستحملش إن هو يكون في الهوا فترة طويلة طبعاً لو ركب عربية مثلا وعارفين العربية لما بتمشي بسرعة وناس تفتح الشباك طبعاً دي بالنسبة له بتبقى حاجة مزعجة جدا طبعا لو استمر الموضوع دوت مع الوقت ممكن يحصل مضاعفات بقى إن هو ممكن يحصل زي إ التهابات بقى في العين ممكن توصل لمرحلة متقدمة جداً إن ممكن يحصل حتى زي تقرحات في العين أو ممكن العين كلها تتخرم طبعا دي مراحل متقدمة جدا جدا لو حد صبر على نفسه فترة طويلة ده اللي ممكن يحصل جفاف الفم برضه بنفس الطريقة يجي تدريجي كده مثلاً تلاقي نفسك وأنت نايم بالليل بتصحى الصبح وأنت نايم بالليل تصحى كذا مرة بالليل عشان تشرب مياه أكتر شوية وتلاقي الموضوع زاد بقى أثناء اليوم ما انتاش عارف تبلع ريقك كويس شوية وتلاقي نفسك إيه ما انتاش عارف تخلص اللقمة من غير ما تشرب وراها مياه طبعا في ناس بتحب تشرب مياه في الأكل دي قصة تانية لكن أنا بتكلم إن هو أساسا مش عارف يبلع اللقمة كويس مش مستريح ما هياش ماشية بالراحة ما هياش ماشية كويس إلا لما يشرب وراها حاجة شوية وممكن تزيد بقى الموضوع ويبقى إن هو فعلا مش قادر حتى في حتى من غير أكل حاسس إن في حاجة غلط هو عايز يكح مثلا طول الوقت حاسس إن في حاجة زي مثلاً حاجة محشورة كده في زوره طول الوقت كله عمال يشرب مياه

[4:39]هو ده التدريج بتاع جفاف الفم الاتنين مش لازم يحصلوا مع بعض مش لازم يحصل جفاف في الفم والعين مع بعض ممكن يبقى في فترة زمنية ما بينهم ممكن يبقى سنة سنتين ممكن أكتر طيب هل هو بس جفاف العين وجفاف الفم هل هي دي بس أعراض الجوجرن طيب هل هو بيصيب الغدد اللعابية والدمعية بس الحقيقة إن مرض الجوجرن ممكن يصيب غدد تانية زي إيه ممكن يصيب بعض ممكن يصيب الجلد تلاقي الناس دائما حاسة إن هي عندها جفاف في الجلد طول الوقت ممكن تصيب بالذات عند الستات طبعا الخلايا اللي هي موجودة في الجهاز التناسلي وده بيؤثر على أثناء العملية الجنسية لأنه بيحصل جفاف شديد الجفاف دوت بيؤدي إلى إن العملية ديت ما تبقاش مريحة للست وكمان ممكن يؤدي إلى إن ممكن يحصل أحياناً بعض الالتهابات برضه الفم برضه ممكن يحصل فيه برضه بعض الالتهابات زيها برضه زي العين لإن اللعاب أو أو الإفرازات ديت مهمة جداً لإنها بتحتوي أحياناً على الأجسام المناعية اللي ممكن تبيها إن أنت تحارب البكتيريا أو الفطريات طب هل هو خاص بالخلايا اللي هي بتفرز اللعاب أو الدموع أو الخلايا اللي هي مسؤولة عن الإفرازات في أماكن تانية لا إحنا في الأول كنا فاكرين كده لكن بعد شوية ابتدينا نفهم إن الجوجرن دوت ممكن يصيب الجسم كله ومن أشهر الحاجات اللي ممكن تحصل في الجوجرن هي ما هياش بتحصل في كل الناس هي بتحصل في عدد معين من المرضى هي في النهاية خالص هي بتحصل في عدد قليل من المرضى بس مهم جداً تعرفها واحد ممكن تحصل فيه الجهاز العصبي مرضى جوجرن ممكن يحصل عندهم التهابات في الأطراف العصبية دي بتظهر إزاي تظهر كأنها تنميل يعني مثلا يبقى عنده تنميل في أطراف إيديه تنميل في حتت في جلده دي بتبقى نتيجة إن الجوجرن يصيب بيعمل التهابات في الأعصاب الطرفية ممكن كمان يعمل التهابات على مستوى مثلاً الحبل الشوكي أو حتى التهابات في المخ دي حاجات نادرة جداً لكنه بيصيب الجهاز العصبي ممكن من الحاجات التانية برضه اللي الجوجرن ممكن يوصل لها هي الكلى هل هو زي الذئبة الحمراء لما بيجي لما بيجي في الكلى لا هو هو ما بيعملش نفس المرض بتاع الذئبة بالظبط هو بيعمل أكتر التهابات في القنوات اللي داخل الكلى ممكن شوية ممكن بالتفصيل هنتكلم عن الموضوع دوت الكلى في مرض الروماتيزم والمناعة فيديو تاني كده لوحده ونتكلم على الذئبة بتعمل إيه والجوجرن بيعمل إيه إيه تاني برضه أجهزة الجسم اللي ممكن يصيبها ممكن يصيب المفاصل ويعمل التهابات في المفاصل قد تظهر بصورة زي روماتويد وقد تظهر بصورة زي التهابات المفاصل اللي في الذئبة اللي هي ممكن تكون التهابات مفاصل ما هياش محددة ما لهاش ماسكة لكنها التهابات في المفاصل طيب إيه كمان ممكن يعمله مرض الجوجرن طبعاً أحد الأعضاء المهمة جداً هو الرئة للأسف الجوجرن ممكن يعمل التهابات في الرئة والالتهابات اللي في الرئة ديت تخلي العيان يروح المستشفى كأنه عنده التهابات رئوية الدكاترة في الاستقبال ممكن يفكروها إن هي التهابات رئوية نتيجة بكتيريا ويبتدوا يعالجوها بهذه الطريقة العيان دوت ما بيتشخصش من مرة العيان ده بيتشخص غالباً لما يجي مرة تانية أو مرة ثالثة ويبتدي حد يفكر إيه ده هو العيان ده ليه بيجي له كل شوية التهابات رئوية دي اللحظة اللي فيها يحصل حتى عندنا هنا في النصف دي اللحظة اللي فيها بيندهوا لي ويقولوا لي إيه رأيك هل ده ممكن يكون مرض مناعي ولا لا تاني التهابات متكررة في الرئة ممكن يكون معناها أمراض مناعية من ضمنها الجوجرن طبعاً حاجات تانية ممكن يعملها ممكن يعمل مثلاً زي أنيميا نقص في كريات الدم البيضاء كأنه بالظبط كأنه بالظبط بيقرب على مرض الذئبة الحمراء بس ده لما يكون في مراحل متقدمة شوية ممكن كمان شوية التهابات في ممكن كمان يعمل التهابات في الأوعية الدموية ممكن يعمل زي طفح جلدي أحياناً وأحياناً كمان ممكن يعمل رينوت رينوتس اللي هو الناس اللي إيديها بتبيض وتزرق في البرد فدي الناس وده كده كده فيديو تاني مرض تاني هنتكلم عنه بعدين أخيراً ممكن يعمل حاجات زي بشكل عام كده إيه ضعف تعب وهن ممكن يعمل حاجات زي مثلاً فايبرو مايالجيا تحصل معاه كل دي حاجات ممكن تحصل مع الجوجرن الفيديو دوت هنركز بس على الأعراض بتاعته إن شاء الله في فيديوهات تانية جاية ممكن نتكلم عن التشخيص وممكن نتكلم عن العلاج وهنتكلم أكتر عن حتة العين مع دكتور رومان حسين إن شاء الله في فيديو تاني قريب هيبقى تركيزنا كله على العين بس ما تنسوش اشتركوا معانا في القناة شيروا الفيديو دوت يمكن الناس التانية كمان تستفيد أشوفكم تاني قريب في فيديو جديد