[0:02]اتكلمت سابقا في الجزء الاولاني على ادله وجود ربنا، بس خلوني اتكلم عنها باختصار مره ثانيه لان السؤال ده مهم. اثبات وجود الله. هل الله موجود؟ هل فعلا حتى لو طلع التطور خطا ده معناه ان احنا لسه ما قدمناش ادله على وجود ربنا؟ الاله موجود وبادله قويه جدا منها على سبيل المثال تشهد عليه خلائقه وعمل يديه. ده دليل قوي. ايضا يشهد عليه ما يسمى باسلوب النفي، نفي النفي هو اثبات. ودي نقطه مهمه. الملحدين بيحاولوا ينفوا وجود الله، يعني هم اللي بيحاولوا نفي وجوده بدعاء التطور. اللي يقولوا مش كده مش محتاجين وجود اله خالق، نفي التطور ونفي الالحاد هو اثبات لوجود ربنا. ما هو الكائنات برضه موجوده لو ما جاتش بالتطور جات ازاي؟
[1:02]عشان كده هو ما لهاش غير حل من اثنين يا خالق يا تطور. ولو التطور طلع خطا الكائنات لسه موجوده جات من فين؟ فمش حكايه ان لو ثبت خطا التطور احنا لسه ما اثبتناش وجود ربنا لا. اثبات خطا التطور هو في حد ذاته اثبات وجود الخالق. ودايما الخدعه اللي يقولوها لبعض انه العلم ما عرفش لغايه دلوقتي، العلم هيثبت بعدين ده انا في 30 محاضره كل واحده كنت بقدم من 10 ل 20 مرجع ان العلم اثبت بالفعل. ان هذه الشربه العضويه لا تتكون. فالخدعه اللي دائما اللي يخدعوا بها بعض ويقولوا لكم حتى لو ما نعرفش دلوقتي العلم بعدين يمكن يثبت. لا لا لا لا لا لا دي خدعه باطله وفشلت من زمان. ده العلم من الستينات بل اقدر اقول بدايه من 1930 في البحث في بدايه الحياه اكد انها لا تتكون في الطبيعه. فبدل ما يعترفوا بفشلهم يروحوا يقولوا خدعه بسيطه لا لا بس يمكن بعدين نعرف، لا مش بعدين تعرف. ده انت عرفت من دلوقتي انها لا تتكون لانها ضد الظروف الطبيعه، ضد قوانين الثيرموداينامكس وضد قوانين الطبيعه وضد قوانين البيوجينيسيس وغيرها كثير. دي خدعه كبيره ادعاء ان هو العلم بعدين هيثبت، دي خدعه، دي كدبه. دي تضليله بدل الاعتراف. الاشكاليه الثانيه في هذا الامر ودي مشكله ان هو اللي يقول اه يمكن العلم يثبت في المستقبل ان انت هتعلق ابديتك على حاجه يمكن احتمال تثبت في المستقبل. ويعني يمكن واحتمال ما تثبتش في المستقبل. ويمكن واحتمال يستمر اثبات العكس، صح؟ ايضا يشهد على ربنا القوانين ما يسمى بقانون السببيه وهو لكل سبب مسبب. ايه مسبب الكون؟
[3:19]ايه هو مسبب الكون؟ فانا عندي الادله الخلائق عندي يشهد عليه نفي التطور والالحاد اللي بيحاول ينفوا وجود ربنا ده اثبات لوجود ربنا. يشهد عليه القوانين الكثيره جدا لكن مش ده وبس. يوجد عندنا شهادات قويه اضرب منهم مثالين ثلاثه على سبيل المثال لا الحصر. ما يسمى بالشهاده الكونيه الدقيقه، ايه الشهاده الكونيه الدقيقه دي؟ الشهاده الكونيه الدقيقه هي الامور الغير منظوره. زي ما يقول معلمنا بولس الرسول الى اهل روميه 1 عدد 19 و 20 اذ معرفه الله ظاهره فيهم لان الله اظهرها لهم. لان اموره الغير المنظوره ترى منذ خلق العالم مدركه بالمصنوعات قدرته السرمديه ولاهوته حتى انهم بلا عذر.
[4:13]مبدا ده المبدا الفلسفي الرائع اللي شرحه معلمنا بولس الرسول ده مبدا خطير. ليه؟
[4:25]لانه بيشرح نقطه هامه جدا وهي انه فعلا الشهاده الكونيه دي شهاده مهمه. طب على سبيل المثال.
[4:35]العقل والمنطق بيقول يوجد عالم لا يحصى رائع ضخم لابد ان اللي اوجد هذا العالم هو خارج حدوده.
[4:47]اللي يكون الشيء هو خارج حدوده.
[5:04]اللي بيعمل العربيه المهندس اللي بيصنع سياره هو خارج حدود السياره، اللي بيكتب كتاب هو خارج حدود الكتاب، اللي بيصنع ساعه هو خارج حدود الساعه. هكذا برضه ربنا اللي خالق هذا الكون الفضاء المتراهم الاطراف اللي مش عارفين نشوف حدوده لغايه دلوقتي هو خارج هذه الحدود فهو لا محدود. دايما البعض يستغل النقطه على فكره دي وبخبث ويقول لكم ايه؟ طب مين خلق ربنا؟ هل بعضكم سمع السؤال ده؟ من خلق الله؟ من اوجد الله بناء على هذا المنطق ان كل شيء له خالقه. السؤال ده غبي وهنقول لكم ليه وانا اسف واجابته سهله جدا. اولا الله غير محدود.
[5:52]لا تنطبق عليه القاعده، ليه؟ منطقيا عشان يكون في كائن يخلق الهنا الغير محدود، الكائن اللي اعلى منه اللي يخلقه لازم يكون خارج حدود الاله بتاعنا. طب الهنا اللا محدود هل في يوجد مستوى اعلى من اللا محدود ليوجد فيه اللي يخلق الهنا اللا محدود؟ طبعا لا.
[6:17]فخالقنا غير محدود ما ينفعش يوجد اله في مستوى اخر لانه اللا محدود ده هو اللا محدوديه. ايضا اللي بيسالني السؤال ده معلش انا اسف هو بيسالني بخبث وبمكر وباسلوب خطا عن اله انا ما اؤمنش بيه. انت بتسالني عن الهي؟ اه الهي غير محدود الهي غير مخلوق، انت بتسالني عن اله مخلوق، يبقى بتسال اللي بيؤمن عن اله مخلوق، ما تسالنيش انا. مع ملاحظه حاجه ثانيه دايما اللي يرمي لكم السؤال ده عارفين هو عمل ايه؟ هو كل اللي عمله ان هو تجنب اجابه سؤالك القوي، صح؟
[6:54]هو دخل معاك في نقاش جدلي في سطائي جانبي خطا وهو ما جاوبش على سؤالك الاصلي.
[7:04]فين الاجابه؟
[7:08]برضه ارجع له نفس النقطه مره ثانيه واقول له طب انت بتدعي ان الكون كونك ماشي مين كون الكون اللي كونك؟ انت لسه ما جاوبتنيش على فكره. انت حولت تهرب من السؤال ان انت ترمي شويه مض وتقول لي طب مين خلق الهك لا ده مش موضوعنا انا الهي غير محدود لان الهي غير محدود لسه برضه السؤال باقي. من خلق الكون الرائع المتمر مترا الاطراف ده لسه ما جاوبتنيش على فكره لغايه دلوقتي بقانون السببيه. ايضا المنطق بيقول حاجه مهمه جدا كل شيء مادي له صانعه من خارج مادته، بمعنى ايه؟ مش خارج بس حدوده ده خارج مادته. الكتاب اللي صنع الكتاب واللي كونه مش ورقه في الكتاب. ومش ورقه كمان خارج حدود الكتاب لا ده عقل يختلف تماما عن طبيعه الكتاب. الساعه اللي صنعها مش بس خارج حدودها ايضا خارج مادتها مش ترس من ماده الساعه. اللي خلق العربيه او اللي صنع العربيه مش بس خارج حدود العربيه ايضا خارج مكونات العربيه. بنفس المقياس الله اللي خلق الكون ده الكون المادي يشهد له ان هو غير مادي. غير محدود لا يرى، لكن هو يتحكم في الماده بكل سهوله. بناء على القاعده المنطقيه كل شيء مادي له صانعه من خارج مادته يبقى الكون المادي ده له صانعه من خارج الكون هو الاله. ما ينفعش لا ايليان ولا ينفع شرب عضويه ولا برق ولا الكلام الاهبل ده. ايضا مبدا مهم وهو ما يسمى ب اسف معلش اخطات.
[9:04]كل شيء له بدايه يوجد من اوجده في هذه البدايه. فالبادئ الكتاب هو اللي كان موجود مش بس خارج نطاق الكتاب ومش بس خارج ماده الكتاب ايضا خارج زمن الكتاب. يعني اللي كان موجود وبدا الكتاب في وقت كتابته هو كان موجود من قبل الكتاب. لان الكون والوقت ليه بدايه حتى اللي بيستشهد بنظريه الانفجار الاولي او بتوسع الكون. او حتى بالتوسع السريع او بالتوسع البطيء البيج بانج مش مهم النقطه دي دلوقتي. لكن برضه لازم يكون له واجد هذا الزمن اوجده في الازلي. يعني اله ازلي اوجد الزمن مع بدايه الزمن. لان بدايه الزمن محتاج واجد له قبل بدايه الزمن. الكون ما كانش عارف ان هو عايز يوجب نفسه فاوجد نفسه. والزمن ما كانش عارف ان هو عايز يوجد نفسه فالزمن اوجد نفسه هذا لا يصلح. ده خطا. لذلك يوجد ثلاث شهادات كونيه ما يسمى الحدود والماده والبدايه او الزمن. ثلاثه دول يؤكدوا الكيان الغير محدود اللي اوجد الحدود والغير مادي اللي اوجد العالم المادي والغير زمني لانه ازلي اللي اوجد الزمن. تعرفوا اقول بقى تحدي صغنن هاتوا لي كتاب من كتب الاديان المزعومه القديمه. اللي اقدر اقول عليها بكل تاكيد خطا ذكرت الثلاثه دول الثلاث حاجات دول سبيس ومتر وتايم. يعني ايه اللي انا بقوله؟ سفر التكوين واحد واحد هو الكتاب الوحيد الكتاب المقدس اللي بدا بهذه البدايه. بريشيت بدايه وقت تايم براء ايم فالبلد خلق الله السماوات سبيس والارض المتر. بريشيت برا ايم اتشامين في ارس. الثلاثه دول هاتوا لي كتاب بيقول لكم الخلق تم ازاي لهذه المكونات الثلاثه. في ما عدا الكتاب المقدس.
[11:38]بمعنى ايه اللي انا بقوله ده؟ لو عندك فضاء بدون وقت وبدون ماده ولا شيء ده ليس له وجود. ولو عندك فضاء وماده بدون وقت ولا شيء. ولو عندك ماده وعندك وقت بدون فضاء وبدون مكان ما لهمش وجود. اوكي اسف المايك وقع حاضر. المايك رجع دلوقتي سامعين صوتي؟ معلش معلش هي في محاولات كانت خبيثه ومعلش.
[12:19]فزي ما قلت كون بدون فضاء ليس له وجود. كون بدون ماده ليس له وجود، كون بدون وقت ليس له وجود. وجود فضاء وماده بدون وقت ولا حاجه. وجود وقت وماده بدون فضاء ولا حاجه. وهكذا الثلاثه لازم يكونوا بداوا مع بعض ولازم يكون الاله اللي عمل هذا يكون قال لنا بدا الثلاثه هو وده اللي بيقولوا سفر التكوين واحد واحد. معايا؟ نقطه ثانيه سريعه او شهاده اخرى ما تسمى بالشهاده الغائيه. الشهاده الغائيه او الهدف او الغايه. يعني ايه؟ ايه هدف تكوين واستمرار الكون مش بس بدايته؟ بدون كيان يبدا الكون خلاص فهمناها، طب بدون كيان يستمر الكون؟ ازاي نفسر عدم اختفاء الكون مباشره يمكن بعض ما يفهمنيش معلش تحملوني. الكون لازم يكون فيه كائن عاقل اعلى منه مستمر محافظ عليه، يعني ايه؟ انتم حضراتكم عارفين الفناء فناء اي شيء. اقوى من الماده او اقوى من هذا الشيء. لان الشيء ما يقدرش يمنع نفسه من الفناء لكن الفناء يقدر يفني هذا الشيء. اللي يتغلب هو الاقوى فالفناء اقوى من الشيء. الفناء اقوى من الوقت، الفناء اقوى من الماده وهكذا. اقولها بطريقه ثانيه. ايه اللي بيخلي او ايه اللي خلى ذرات الالكترون الالكترون في الذرات مساوي للطرد المركزي فيفضل يدور منجذب حوالين النواه ولكن في نفس الوقت الطرد المركزي يخليه في نفس المدار. لا يهرب منها فتتدمر ولا ينجذب اليها ويسقط اليها فتدمر وتنتهي كل ذره ليه؟ اه طبعا في قوانين فيزياء تشرح هذا الامر مين خلق قوانين الفيزياء اللي تخلي الذره مستمره بهذا الامر؟ ايه اللي يخلي استمراريه الكون؟ على نفس الامر على المجرات وعلى الكواكب وعلى غيرها. ليه ما فيش انتي مطر؟ الماده العكسيه. لماذا لا تحترق العناصر المشتعله من دلوقتي؟ والطاقه المكمونه في كل ذره تنفجر وخلاص. نفس الامر عن كل شيء. ليه الفناء ما بيتغلبش على الاشياء؟ لازم يكون فيه كيان اقوى من الفناء حاكم الفناء وماسكه ومخليه ما يتغلبش حتى الان. عارفين ده برضه نفس المبدا اللي قاله معلمنا بولس الرسول في رسالته الى اهل كلوس 1 17 لما يقول الذي هو قبل كل شيء وفيه يقوم الكل، كلمه يقوم دي على فكره خطيره جدا، كلمه يقوم الكل. دي مش معناها يقوم يقف دي معناها يستمر. يقوم يفضل جواك قائم ومستمر. فالعالم مش محتاج بس مصدر، العالم عايز غايه للاستمرار. عايز كيان يمسكه ويحافظ عليه مستمر بدل ما يفنى. بدل ما يتغلب عليه الفناء اللي هو اقوى من الاشياء. لازم يكون له هدف من ان هو يحافظ ويغلب على الفناء بدل الفناء ما ما يفنى الاشياء كلها. ده الهنا. ده شهاده على وجوده. لان احنا حاليا لسه موجودين والفناء ما انتصرش على الاشياء الماديه. يوجد شهاده ثالثه واللي هي تسمى بشهاده القيم، يعني ايه شهاده القيم؟ العالم مادي، صح؟ ايوه بس الماده الغير عضويه خاصه ما عندهاش اخلاق انا ما اعرفش ان حجر عنده ضمير. ما شفتش حجر لما انسان بيتعب او يمرض يقوم يساعده او يسنيده. فالطبيعه والمواد الطبيعيه والمواد الغير حيه ما عندهاش اخلاق. ما تقدرش تدي الاخلاق للانسان ده. وده ما يسمى فاقد الشيء لا يعطيه، ده مبدا معروف. انا معيش فلوس مش هقدر اتبرع بفلوس. فاقد الشيء لا يعطيه، طبيعه فاقده الاخلاق لا تستطيع ان تعطي اخلاق وتورثها. الهنا اللي قال في التثنيه 30 15 انظر قد جعلت قدامك الحياه والخير والموت والشر هو ده اللي بيعطي المبادئ والقيم وقال اتبع الخير لتحيا. ده برضه قانون السببيه. مع ملاحظه ان قوانين القيم تختلف. الشعور بالخطا مين اللي عرف في الانسان الشعور بالخطا؟ الشعور بالذنب حتى لو بنسب مختلفه حتى لو انسان ضميره ميت ولكن بتبقى فيه ذرات بسيطه من هذا الشعور. ماده ما تقدرش تورث هذا الامر. لانها لا تشعر به اللي يورث هذا الامر فقط الاله الخالق. فالقيم تشهد عليه لانه بدون لا يوجد قيم. عشان كده بعد الاجابه دي اه عندي ادله قويه جدا جدا ده انا قدمت امثله بسيطه على وجوده. ننتقل الى سؤال مهم طب مين هو الهنا بناء عليه وهل احنا متاكدين من صفات اه طبعا الهنا عارفينه متاكدين من صفاته. هو كيان قوي جدا عشان يكون خالق كل القوه اللي موجوده في العالم اللي تنظمها القوانين القوه المختلفه فهو خلق هذه القوى منظمه بهذه القوانين فهو اقوى من كل هذه القوه. لذلك هو قوته غير محدوده. اله غير محدود لانه خلق العالم الضخم ده كله وهو خارج حدوده. الهنا بلا بدايه وبلا نهايه لانه خلق الزمن فهو ازلي ابدي قبل الزمن عشان يوجد الزمن في بدايه الزمن. ايضا هذا الاله له هدف وهو الشهاده الغائيه فالهنا له هدف من استمرار الانسان فهو محب للانسان عشان كده مخليه حتى هذا الوقت. الهنا مليان بالقيم عشان كده وهب القيم للانسان والضمير والمحب الخير والبحث عنه. الهنا عاقل عشان يعطي كل هذه العقل والادراك والحكمه خاصه للانسان وحكيم تشهد عليه اعمال الحكمه اللي تشهد على كل اعماله. وطبعا بعد كل ذلك لازم يكون فيه اهم صفه هو موجود كيان ده اسم يهوه. اسم يهوه الذي يعني الكائن ده اسم الهنا.
[18:51]لا اسمه الله ولا اسمه الكلام ده كله، اسم الهنا هو الكائن والذي يحتوي على كل هذه الصفات. ده الشهاده على وجود ربنا، اللي بيسال هل في ادله حتى في عدم وجود التطور؟ اه في عدم وجود التطور يبقى لازم في اله خالق. ولكن اعمال ايديه والمبادئ المختلفه تشهد على وجوده. اكتفي بالقدر ده اتمنى اكون عرفت اجاوب ولو حاجه صغيره في هذا الموضوع. ومره ثانيه من المرات ان شاء ربنا ودبر رغم ان اتكلمنا عنه قبل كده بتفصيل لكن ممكن نتكلم على هذا الامر بتفصيلات اكثر فيما بعد ان شاء ربنا يوصلنا.
