الحلقة ال 14 فى diarrhea ◀ OTC Course

[0:04]السلام عليكم واهلا بكم. لو دخل لك شخص الصيدليه وبتشتكي من اسهال وعايز علاج للاسهال. هنتصرف ازاي مع الشخص ده؟ اول حاجه لازم نتاكد فعلا هل المريض بيعاني من اسهال ولا لا؟ فهتساله عملت اسهال كم مره؟ لو قال لك اكثر من ثلاث مرات يبقى كده فعلا بيعاني من اسهال. بعدين تساله شويه اسئله علشان نحدد سبب الاسهال اللي عنده ولما نصرف علاج نتاكد فعلا ان شاء الله ان العلاج هيجيب نتيجه. فتتسال المريض في اعراض ايه ثاني مع الاسهال؟ لو قال لك بيشتكي من ترجيع والم في البطن مع الاسهال يبقى كده هنشك ان المريض ده عنده جاسترو انترايتس يعني حصل له نزله معويه وشرحنا النزله المعويه قبل كده وعرفنا انها ثلاث انواع بناء على سبب المشكله. فممكن تكون فايرال جاسترو انترايتس نزله معويه حصلت بسبب فيروس او بكتيريال جاسترو انترايتس نزله معويه حصلت بسبب بكتيريا او بارازيتيك جاسترو انترايتس نزله معويه حصلت بسبب الطفيليات. تعالوا كده نفرق بينهم من الاعراض اللي ظاهره على المريض. الفايرال دي اشهر نوع وغالبا مرتبطه بدور البرد. فلو مريض عنده برد وجاله نازله معويه هنشك بنسبه كبيره انها بسبب الفايرال انفكشن وهنلاقي العلامات اللي ظاهره على المريض ترجيع او شعور بالترجيع مع اسهال وحراره بسيطه مش عاليه قوي وجسمه مكسر وهمدان. وفي الحاله دي هنعالج الاعراض اللي ظاهره على المريض سواء ترجيع او اسهال او الم في البطن وهتختفي من نفسها في خلال من ثلاث الى سبع ايام. البكتيريال العلامه المميزه فيها ارتفاع درجه الحراره، هتلاقي المريض درجه حرارته اعلى من 38.5 وفي الحاله دي المريض هيحتاج مضاد حيوي مع علاج الاعراض اللي ظاهره سواء بقى حراره او الم في البطن او ترجيع او اسهال. البرازيتيك هتلاقي المريض بيشتكي من ترجيع واسهال لكن ما فيش حراره وعشان تتاكد ان المشكله بسبب البرازيتيك اسال المريض هل في تعنيه؟ يعني بتحس بالم وانت بتعمل حمام وهل الاسهال له ريحه نفاذه؟ لو قال لك ايوه يبقى كده النزله المعويه اللي عند المريض بسبب الديزونتاريا الاموبيك ديزانتري ودي اللي عامل له اسهال. وفي الحاله دي هتطلب من المريض يعمل ستول اناليسز علشان نحدد الاميبا دي في اي طور طور السست ولا طور التروفوزيت علشان تدي له علاج مناسب. ولو حابين نعمل فيديو مختصر لشرح الاستول اناليسز تحليل البراز وازاي نحدد منه نوع المشكله سواء بكتيريا ولا اميبا سيبوا لي في التعليقات وان شاء الله نعمل حلقه مختصره. وبالنسبه للجسترو انتررايتس مشروحه بالتفصيل في فيديو سابق هاسيب لكم الفيديو في التعليقات. اما لو قال لك في غازات كثير في بطنه وحاسس بانتفاخات اساله هل الفتره دي بتمر بضغط عصبي او بمشاكل معينه؟ لو قال لك ايوه قول له هل الاسهال ده بيجي معه امساك في بعض الاوقات؟ لو قال لك ايوه يبقى كده المريض ده بيعاني من سبستيك كولون القولون العصبي وهو اللي عامله اسهال. في الحاله دي هندي علاج للقولون العصبي مع علاج الاعراض اللي ظاهره على المريض زي الاسهال والانتفاخات والم البطن والكلام ده مشروع بالتفصيل في حلقه سابقه هاسيب لكم لينك الفيديو في التعليقات. كمان اسال المريض انت بتستخدم ادويه معينه وحصل لك بعدها اسهال؟ لان في ادويه كثير ممكن تسبب اسهال ممكن يكون بياخذ ملينات. واشهر حاجه بتسبب اسهال ومش بناخد بالنا منها المضاد الحيوي خصوصا البرود سبيكتروم انتي بيوتيك وفي الحاله دي هنوقف العلاج اللي عامل الاسهال الامكن او نبدله بحاجه ثانيه. طيب لو ما فيش حاجه من اللي تكلمنا عليهم دلوقتي وقال لك ان عنده اسهال فقط ما فيش معه اي اعراض. في الحاله دي هندي انتي دياريا دراج حاجه توقف الاسهال وهنتكلم عليها بالتفصيل في مرحله العلاج. طيب لو انت في انترفيو وحد سالك وقال لك البكتيريا بتعمل اسهال ازاي؟ هترد عليه وتقول له ايه؟ بس عشان نجاوب على السؤال ده محتاجين نعرف الاكل بيتحرك ازاي جوه الامعاء هل مثلا بيتحرك بالجاذبيه؟ تعالى اقول لك الاكل بيتحرك في الامعاء عن طريق ان بيحصل انقباضات عباره عن كونتراكشن وريلاكسيشن هي اللي بتحرك الاكل جوه الامعاء والحركه دي اسمها حركه البريستاليزيس. وحركه البريستاليزيس دي ليها ثلاث حالات الاولى حركه طبيعيه الاكل هيتحرك بشكل طبيعي جوه الامعاء والامعاء هتمتص منه كميه ميه مناسبه وهينزل البراز بقوامه الطبيعي. الثانيه حركه بطيئه الاكل هيتحرك بشكل بطيء في الامعاء فالامعاء هتمتص منه ميه كثير بالتالي البراز هيبقى ناشف وجاف ويحصل امساك. الثالثه حركه سريعه الاكل هيتحرك بسرعه في الامعاء بالتالي الامعاء مش هتلحق تمتص منه ميه وهينزل بكل الميه اللي فيه والنتيجه هيحصل اسهال. اي الحركه السريعه اللي بتعمل اسهال دي ممكن تكون حركه دفاعيه الجسم هو اللي عملها. اول ما حس ان في بكتيريا او مشكله جوه الامعاء فهو بنفسه زود حركه البريستاليزيس علشان يطرد البكتيريا من الجسم بسرعه. ودي كده الطريقه اللي البكتيريا بتعمل بها اسهال. هاقول لك سريعا تقسيمه الادويه اللي موجوده في الصيدليه وبعد كده هنتكلم على علاج كل حاله. ادويه الاسهال بتتقسم الى اول حاجه انتي بكتيريال وانتي بروتوزوال مضاد حيوي لقتل البكتيريا ومضاد للفيليات لقتل الاميبا. مضاد حيوي زي عيله الكينولونز والنرفوكزايت اللي منها الانتنال والسلفا دراج اللي منها الاستريبتوكين. انتي بروتوزوال زي المترونيدازول اللي منها الفلاجيل والامريزول فلما نقتل البكتيريا حركه البريستاليزيس هترجع للحركه الطبيعيه اللي هي حركه متوسطه وبكده هنكون عالجنا الاسهال. ثاني حاجه الادزربنت ادويه فيها ماده الكولين والبكتين الادويه دي بتمتص البكتيريا والتوكسينز اللي موجوده في الامعاء وبتخرجها من الجسم فممكن تنفع في حاله البكتيريا. بالاضافه انها بتمتص كميه ميه من الاستول فبتخليه ناشف مش سائل بالتالي بتعالج برده الاسهال والامثله بتاعتها زي الكابت والسمكته. ثالث حاجه ادويه بتقلل الموتيلتي يعني بتقلل حركه البريستاليزيس. مش قلنا لما حركه البريستاليزيس بقت سريعه ده خلى الاكل ينزل بسرعه بكل الميه اللي فيه بالتالي حصل اسهال فالادويه دي بتقلل حركه البريستاليزيس علشان الامعاء تمتص منه ميه كفايه ويخرج البراز بقوامه الطبيعي وكده نعالج الاسهال. ومثال على الادويه دي الاموديوم واللوتيل بس لازم تخلي بالك احنا بنستخدم الادويه دي لما بنتاكد ان ما فيش بكتيريا لان احنا قلنا ان وجود البكتيريا في الجسم ده بيحفز حركه البريستاليزيس علشان الامعاء تطرد البكتيريا من الجسم وقلنا ان دي حركه دفاعيه الجسم بيعملها والنتيجه بيحصل اسهال فما يجيش حضرتك توقف حركه البريستاليزيس وتمنع الحركه الدفاعيه للجسم بيعملها وتخلي البكتيريا تفضل في الجسم ووقت اطول بالتالي الوضع يزداد سوء مع المريض. فالادويه دي بنستخدمها مع الاسهال لكن بعد ما بنتاكد انه مش بسبب انفكشن. رابع حاجه الريهايدرين محلول الجفاف وده بيتاخذ في حاله الفوميتنج والدياريا المتواصلين علشان نتجنب حدوث الجفاف. طب سريعا كده تعالوا نختصر الكلام ده احنا بنقسم الاسهال عندنا لنوعين رئيسيين انفكشوس ونون انفكشوس. انفكشوس حصل اسهال بسبب انفكشن والانفكشن ده ممكن يكون فايرال او بكتيريال او بارازيتيك. ونون انفكشوس حاجات كثير ممكن القولون ممكن مشكله في الاكل ممكن بسبب السفر ممكن يكون المريض واخذ برد في معدته ممكن بسبب استخدام ادويه زي الملينات وبعض المضادات الحيويه. الانفكشوس عشان نعالجه لازم نحدد نوع الانفكشن لو فايرال هندي حاجه توقف الاسهال زي مثلا الاستريبتوكين قرص ثلاث مرات في اليوم او ممكن نستخدم النانازوكسيد او النيتازول قرص كل 12 ساعه لمده ثلاث ايام. لو بكتيريال انفكشن هندي حاجه تقتل البكتيريا زي انتينال في ماده النيفروكزايت ودي برود سبيكتروم انتي بيوتيك او ممكن ندي ستريبتوكين والجرعه بتاعتهم قرص او كبسوله ثلاث مرات في اليوم. لو بارازيتيك هنطلب من المريض انه يعمل ستول اناليسز علشان نحدد نوع البرازيت اللي عنده وفي الغالب بنصرف الماده الفعاله المترونيدازول زي الفلاجيل او الامريزول. وبالنسبه لعلاج الانفكشوس هنعالج السبب الرئيسي لو كان مثلا بياخذ دواء هو اللي عامل له اسهال نوقفه او بيعاني من مشاكل من القولون العصبي نعالجها فممكن ندي ليموتيل او كابكت او ممكن تدي كمان انتينال كويس جدا ومفيش منه مشاكل. ولحد هنا كده خلصت حلقه النهارده يا رب تكونوا استفدتم سيبوا لي انطباعكم عن الحلقه في التعليقات شكرا لكم والسلام عليكم ورحمه الله وبركاته.