الفرق بين B2Bو B2C

[0:00]هنتكلم النهارده عن مصطلحين مشهورين جدا في مجال التسويق بس للاسف ناس كتير ما تعرفش ايه الفرق بينهم. المصطلحين دول هما البي تو بي والبي تو سي. يا ترى ايه الفرق بين البي تو بي والبي تو سي؟ البي تو بي والبي تو سي هما نوعين من التعاملات التسويقية. كل واحد فيهم له صفات مميزه وبالتالي له المحتوى اللي يناسبه. البي تو بي هو اختصار لكلمه بيزنس تو بيزنس. يعني تسويق من كيان لكيان من شركه لشركه او من شركه لمصنع. زي مثلا لو في مصنع بيصنع الادوات اللي بيستخدمها الاطباء في العمليات الجراحيه وبيسوق للمستشفيات. او مصنع ملابس بيسوق لتجار الجمله او كمان مثلا شركه ادويه بتوزع على الصيدليات. كل دي تعاملات بنسميها بي تو بي بيزنس تو بيزنس. اما البي تو سي هي تعامل بيزنس تو كاستمر او بيزنس تو كونسيومر. يعني من كيان او شركه للمستهلك النهائي او للجمهور النهائي. زي مثلا محل الملابس اللي الناس بتروح بتشتري منه ده بيسمى تعامل بي تو سي. طب ايه بقى مواصفات المحتوى المناسب لكل نوع منهم؟ بالنسبه للبي تو سي المحتوى المناسب ليه لازم يكون محتوى مختصر وبيناسب شخصيه العملاء. كمان يكون محتوى خفيف بيخاطب عاطفه الجمهور. ويكون مدعم بالمحتوى المرئي زي الفيديوهات والصور. كمان لازم يكون بيحتوي على معلومات تفيد القارئ ومكتوب باسلوب عصري. اما المحتوى بي تو بي فممكن يكون مقالات ارشاديه على الويب سايتس. او مقالات بتحتوي على نصائح لتطوير العمل او مقالات بتؤثر في الاعمال وبتشرح الابديتس او التحديثات الخاصه بالصناعه دي. او بنقدم خطه قابله للتنفيذ. ده كده اهم الفروق بين البي تو بي والبي تو سي والمحتوى المناسب لكل منهم. لو عايزين تعرفوا معلومات اكثر في التسويق وكتابه المحتوى تابعونا على قناه احتراف فريلانس اكاديمي على اليوتيوب.