[0:00]Tobah ki tasbih karne se Tobah nahi hoti Astagfirullah Rab-bi min kul-li zambin wa atubu ilaih. Hazaar dane ki tasbih le kar baith jao, hazaar martaba is jumle ki takrar kijiye.
[0:12]Zikr e khuda-vandi ka aap ko sawab mil jayega Tobah nahi hogi.
[0:16]Sahi Tobah ki sharayat teen hain. Sab se pehle ye k gunah par vaqai haqeeqi pashemani dil mein ho k ye mein kya kar raha tha. Ye pashemani ka hona lazim hai.
[0:28]Number do ahad karna k ab kabhi nahi karunga, chahe kuch arse k bad phir woh kisi kamzori e iman ki halat mein Tobah tod baitha, ye dusri baat hai.
[0:40]Aur teesra ye k aik martaba laziman chhod diya jaye aur chauthi shart ye hai, ye teenon cheezen bhi agar puri ho gai hain huqooqul ibad k darje mein tab bhi maaf nahi hoga gunah.
[0:51]Jiska haq mara hai, jis par zulm kiya hai, jis par zyadati ki hai, jab tak us se maafi hasil nahi karoge Allah maaf nahi karega.
