[0:05]So hey learners, welcome back. Aaj ki is video mein hum pure price action ko basic se leke advance tak ek hi video mein dekhne wale hain. Shayad is video ko dekhne ke baad aapko koi aur video dekhne ki jarurat na pade. Aur last mein bahut se powerful trade setups ko bhi dekhenge. To start karenge basic se jisme hum cover karenge candlestick, timeframe aur market structure. What is candlestick? Toh chart par humein ye jo chhote chhote bars dikhte hain, isse hum candlestick bolte hain. Basically ye do colour ke hote hain, red aur green. Is colour part ko hum candle ki body bolte hain. Aur upar aur neeche ye jo stick nikle hue hain, isse hum candle ka wick bolte hain. Upar wale ko upper wick bolte hain aur neeche wale ko lower wick bolte hain. Green colour humein batata hai ki us particular time period ke dauran market upar gaya tha. Aur red colour humein batata hai, is particular time period ke dauran market neeche gaya tha. Is green candle ka opening price neeche hota hai aur closing price upar hota hai. Matlab us particular candle ke formation ke dauran market lower price par open hota hai aur higher price par close hota hai. Usi ke ulte, red candle ka opening price upar hota hai aur closing price neeche hota hai, jo humein batata hai. Ki us particular candle ke formation ke dauran, market high price par open hota hai, phir neeche aata hai aur lower price pe close hota hai. Matlab is particular red candle mein market neeche gira tha. Aur ye wick humein batata hai ki us particular time period mein price kitna upar gaya tha aur kitna neeche aaya tha. Upper wick us time period ka highest price batata hai aur lower wick us time period ka lowest price batata hai. Suppose ye candle 1D ka hai, to iska upper wick humein batata hai, price us din kitna upar tak gaya tha. Aur lower wick humein batata hai, price us din kitna neeche tak gaya tha. Aur is complete area ko hum candle ka range bolte hain. Ab dekhiye, candlestick mein bhi kuch specific size aur shape ke candle hote hain, jise over the period logon ne observe kiya aur dekha. Jab ye recognized candlestick form hota hai, toh humein most of the time same behaviour dekhne ko milta hai. Toh aaj hum kuch most recognized candlestick pattern ko dekhenge. Sabse pehle dekhte hain long wick candles. Ab dekhiye, long wick candle mein bahut se candle aate hain, jinka alag alag specific name hai. Jaise hammer, pin bar, shooting star, doji, etc. Par mujhe lagta hai candlestick ko aise name wise yaad rakhna thoda mushkil hai. Toh isliye hum log ise logic wise samajhte hain. Toh ye hai bullish long wick candles. Ho sakta hai aap ise hammer, ise doji ya ise pin bar kahein. Par naam mein kuch nahi rakha, asal cheez hai iske peeche ka logic. Dhyan se dekhiye, bullish long wick candle ke formation mein, body chhota hota hai. Upper wick ya toh bahut chhota hota hai ya na ke barabar hota hai. Par iska lower wick bahut lamba hota hai, iske body ke size ka double. Example ke liye hum is candle ko lete hain. Toh jab ye candle form ho raha hoga, is particular time period ke dauran market yahan kahi open hota hai. Phir thoda upar jata hai, phir sellers price ko neeche lekar aate hain, par sustain nahi kar paate. Phir buyers ki entry hoti hai jo price ko wapas upar lekar jaate hain aur finally closing iske opening ke aas paas hoti hai. Jisse humein ek small body milti hai. Toh is candle formation ke end mein humein ek buying pressure dekhne ko milta hai. Jahan sellers ne price ko itna neeche push kiya tha, par buyers ne us pressure ko absorb kar liya aur wapas price ko upar lekar chale gaye. So at the end of the day, buyers yahan dominate kar rahe hain. Isliye ye ek bullish candlestick hai. Aur ye saare same isi logic par kaam karte hain. Inka lower wick jitna zyada lamba hota hai, utna achha hota hai. Ismein lower wick body ka double hona chahiye ya usse zyada. Aur haan, is type ke candle jahan body choti hoti hai, wahan candle ka colour matter nahi karta. Agar red candle hai par uski body choti hai aur lower wick lamba hai. Phir bhi hum ise bullish candle consider karenge. Par agar normal body candle hai toh hum green candle ko bullish aur red ko bearish bolenge. Kyunki yahan saaf dikhta hai ki green candle mein price upar gaya hai aur red candle ke dauran price neeche gaya hai. Ab dekhiye, hum sirf candlestick ke base par trade nahi le sakte. Iske saath humein other factors ko bhi include karna hai, jaise location of candlestick, support resistance, etc. For example, agar ek bullish candle chart mein randomly kahin bhi form hota hai, toh hum iske base par trade nahi le sakte hain. Par agar ek bullish candle aisi jagah form hota hai jahan other factor bhi humein buying ke signal dete hain, toh wahan us candlestick ke winning ke chance badh jaate hain. Dekhiye, ye same pattern chart par bahut baar bante dikhenge, par jab tak ye right location aur right context pe nahi banta, tab tak ye invalid hai. Aur humein iske base pe trade nahi lena hai. Tension mat lijiye, ye sab hum isi video mein seekhne wale hain. Ab dekhte hain bearish long wick candle aur ye hai iska example. Bullish long wick candle ke opposite, iska upper wick lamba hota hai. Aur lower wick chhota ya na ke barabar hota hai. Ismein bhi body choti hoti hai. Aur iska bhi colour matter nahi karta. Matter karta hai iska formation aur logic. Ab dekhiye, ye green candle hai, phir bhi ye bearish hai. Jab ye candle form ho raha tha, tab price yahan open hota hai. Phir buyers price ko all the way up yahan tak lekar jaate hain, par buyers upar sustain nahi kar paate. Phir sellers ki entry hoti hai, jo price ko wapas neeche lekar aate hain aur finally price apne opening ke aas paas close hota hai. Toh at the end of the day, humein kahin na kahin sellers haavi hote hue dikhte hain. Toh ye tha single long wick candles ka logic. Ab kuch double aur triple candlestick pattern ko dekhte hain. Jaise engulfing candlestick pattern. Ye do tarah ke hote hain, bullish engulfing aur bearish engulfing. Bullish engulfing do candle se milkar bana hota hai, jisme first candle ek small red candle hota hai. Aur second candle ek big green candle hota hai, jo previous red candle ko pura engulf kar leta hai, matlab cover kar leta hai. Aur jab is pattern ka high break hota hai aur candle ki closing iske upar hota hai. Toh hum yahan buy karte hain, par again, hum sirf is pattern ke base pe trade nahi le sakte. Iske liye context aur location zaruri hai. Aur haan, ye pattern downtrend ke dauran banta hai, jo humein ye indicate karta hai. Ki ab ye downtrend end ho sakta hai. Next hai bearish engulfing pattern. Bullish ke opposite, ismein first candle ek small green candle hota hai. Aur second candle ek big red candle hota hai, jo previous candle ko pura cover kar leta hai. Aur jab iska low break hota hai, toh hum sell karte hain. Agar ye pattern kuch session uptrend ke baad banta hai, tabhi ye valid hoga.
[6:53]Next hai three candlestick pattern, like morning star aur evening star. Morning star teen candle se milkar banta hai, jisme first candle ek normal body red candle hoti hai. Aur second candle ek indecision candle hota hai. Indecision candlestick ka matlab wo candle jisme body chhote hote hain. Ye candle humein show karta hai ki us particular time period ke dauran market na zyada upar gaya na zyada neeche. Matlab fluctuation bahut kam tha, na buyers price ko zyada upar le ja paaye, na sellers price ko neeche. Toh is prakar humein kuch chhote chhote candle milte hain, jise hum indecision candle bolte hain. Phir next candle ek big green candle hota hai aur ye pattern downtrend ke dauran humein ek U-turn indicate karta hai. Like ab market yahan se reverse ho sakta hai. Par again, other factor bhi matter karte hain aur without other factor ko consider kiye hum sirf candlestick pattern ke base pe trade nahi le sakte. Dusra hai evening star. Ye bhi teen candle ka ek formation hota hai jo uptrend ke dauran banta hai aur humein U-turn indicate karta hai. Like ab price yahan se neeche aa sakti hai. Ismein first candle ek normal body green candle hota hai aur second candle ek indecision candle hota hai. Jiska colour matter nahi karta aur third candle ek big red candle hota hai jo humein uptrend ke dauran U-turn indicate karta hai. Like ab price yahan se neeche aa sakti hai. Dekhiye, ye jo bhi two candle aur three candle pattern humne dekhe, in sab ka base ek long wick candle hota hai, either bullish or bearish. Agar hum kisi bhi candlestick pattern ko combine karein aur ek candle banaayein, toh ya toh ye ek bullish long wick candle hogi ya ek bearish long wick candle hogi. Aaiye, pehle bullish engulfing ko combine karte hain. Toh iske liye humein sabse pehle first candle ka opening price lena hai aur last candle ka closing price lena hai. Jiske base par hum iska body banayenge. Agar opening price upar hai aur closing price neeche hai, toh candle ka color red hoga. Aur agar opening price neeche hai aur closing price upar hai, toh candle ka colour green hoga. Next, ab wick ke formation ke liye hum dono mein jo sabse highest point hai, uske base par upper wick banayenge. Aur dono mein jo sabse lowest point hai, uske base par lower wick banayenge. Ab dekhiye, hamare paas ek long wick candle aa gaya hai. Agar lower wick lambi hai, toh ye ek bullish candle hai aur agar upper wick lambi hai, toh ye ek bearish pattern hai. Ab maan lijiye ye candles 1 hour time frame ki thi. Toh iska matlab jab humne do candles ko blend kiya toh hamare paas 2 hour ka ek single candle aa gaya. Aaiye, ab usi tarah teen candle ko blend karte hain. Toh agar hum morning star pattern ko blend karein, toh sabse pehle hum first candle ka opening price lenge. Aur phir last candle ka closing price lenge. Ab agar opening price neeche hai aur closing price upar hai, toh iska matlab body green colour ka hoga. Ab in teeno mein jo highest point hai, uske base par hum upper wick aur lowest point ke base par hum lower wick banayenge. Toh humare saamne ek bullish long wick candle aata hai. Bullish isliye kyunki iska lower wick lamba hai aur iske peeche kya logic hai, wo hum already samajh chuke hain. Now, ab maan lijiye ye ek ghante ke teen candle the. Toh ye jo candle bankar saamne aaya, ye three hours ka ek candle hoga. So kuch is prakar hum kisi bhi candle ko blend karke ye dekh sakte hain ki market abhi bullish hai ya bearish. Par haan, humein chart par kahin bhi candles ko blend nahi karna hai. Hum sirf kuch specific jagah ke candle ko blend karte hain, jaise support ya resistance ke paas, taaki hum price action ko samajh sakein. Chart mein kahin bhi randomly candles ko blend karne ka koi logic nahi banta. Toh shayad main yahan tak aapko candlestick ka formation, pattern, blending aur uske peeche ka logic samjha chuka hoon. Ab time frame ko samajhte hain. Aap sabhi ko pata hoga humare trading platform par humein time frame switch karne ka ek option milta hai. Basically time frame humein trade lene mein help karta hai, like aap kis type ka trade lena chahte ho. Agar aap kam samay ka trade lena chahte ho toh aapko chhota time frame dekhna hoga. Agar aap zyada samay ka trade lena chahte ho, toh aapko bada time frame dekhna hoga. Trade mainly chaar tarah ke hote hain, scalping jo kuch minuteon ka trade hota hai. Intraday jahan hum same day trade mein enter hote hain aur market close hone ke pehle exit hote hain. Phir aata hai swing trade jisme hum stock ko ek din se zyada hold karte hain. Basically ye 10 se 30 din ka hota hai. Phir aata hai positional trade jahan hum trade ko 1 month se upar hold karte hain for up to 6 months. Toh aap is chart ke according time frame select kar sakte ho. Ab dekhiye, time frame change karne se chart par kya changes aate hain. Suppose abhi agar time frame daily par set hai toh each candle ek din ka data batayega, like us din ka opening, closing, high aur low. Par agar hum time frame ko daily se 15 minute par switch karte hain toh each candle ab 15 minute ke difference pe banega. Jo humein batayega us 15 minute ka opening, closing, high aur low price. Dekhiye, Indian stock market 9:15 se 3:30 tak open hota hai, matlab 6 ghanta 15 minute. Toh jab hum daily time frame se 15 minute par switch karte hain toh har ek daily candle 25 candle mein divide ho jata hai. Aur humein har 15 minute ke baad kya hua, uska data deta hai. Aur agar isse 5 minute time frame mein kar dein toh ek din mein total 75 candle banegi jo humein har 5 minute ka data show karega. So basically time frame ko kam ya zyada karne se humara trade ka duration kam tha aur badhta hai. Toh is calculation ko aapko yaad rakhne ki zarurat nahi hai, kyunki ye humare trading platform pe automatically hota hai. Hum time frame ko multi time frame analysis ke liye bhi use kar sakte hain, jo ek advance cheez hai jise hum aage isi video mein dekhenge. Ab baat karte hain market structure ki. Toh market teen phase mein move karta hai, uptrend, downtrend aur sideways. Aur ye jo points hai jahan se market turn karta hai, isse hum swing point bolte hain. Agar upar hai toh swing high aur neeche hai toh swing low. Aur main trending move ke baad ye jo chhote chhote corrective move hai, isse hum pullback kehte hain. For example, ek uptrend ke dauran jo main move hota hai wo upar ki taraf hota hai. Aur jo neeche ki taraf chhote chhote move hote hain, isse corrective move, pullback ya phir retracement bolte hain. So uptrend jahan price higher high aur higher low banate hue upar jata hai. Dekhiye, yahan agla swing high, previous swing high se upar hai, isliye higher high. Aur next swing low, previous swing low se upar hai, isliye higher low. Phir aata hai sideways ya consolidation market, jahan price na upar jata hai, na neeche aur ek range mein lagbhag equal high aur equal low banata hai. Yaad rakhiyega lagbhag. Zaruri nahi ki ekdam same level par hona chahiye, bas itna samajh mein aana chahiye ki market na upar jaa raha hai aur na neeche. Market 70% of the time sideways hi rehta hai, jahan beginner traders ko trade avoid karna chahiye. Aur phir aata hai downtrend, jahan price lower low aur lower high banata hai. Yahan dekhiye, new high aur low, previous high aur low se neeche hai, isliye lower low. Kyunki ye low is low se neeche hai aur lower high, kyunki ye high previous high se neeche hai. Toh market kuch is prakar se move karta hai. Ab aisa zaruri nahi hai ki market uptrend ke baad sideways ho, phir downtrend mein jaa. Uptrend ke baad direct downtrend bhi aa sakta hai ya phir uptrend ke baad market thoda sideways ho gaya aur phir apne direction mein upar chala gaya. Basically mere kehne ka matlab ye hai, ye jo teen phase hai, isi teen phase mein market move karta hai. Ya toh uptrend mein aage badhega ya phir downtrend mein aage badhega ya phir sideways market mein aage badhega.
[16:24]Ab samajhte hain support aur resistance ko. Support ka matlab wo price range jahan se price already paas mein react kar chuka ho. Matlab price is jagah se upar jata hai toh us level par hum ek horizontal line draw karte hain. Isse hum support level karte hain. Phir hum wapas price ka is level par aane ka wait karte hain. Is ummeed mein ki price jab yahan aayega toh yahan se reverse ho jayega. Toh kya price exactly isi line se reverse ho jayega? Toh answer hai nahi. Dekhiye support aur resistance koi magical line nahi hota ki price ekdam isi line se reverse ho jayega. Ye ek range hota hai kuch price points ka. Toh ise humein zone ki tarah consider karna hai. Toh karna kya hai? Humein ye line draw karne ki vajah previous swings ko connect karte hue rectangle box draw karna hai. Kuch is prakar. Now, purani seedhi line ab ek range ban gaya hai. Toh next time jab price is range mein aayega, toh hum trade plan kar sakte hain. Agar yahan koi bullish candlestick bane toh. Ab dekhiye, candlestick ke baare mein jab hum seekh rahe the toh maine aapko bola tha candlestick right location par banna chahiye. Toh support level bhi ek location hai, jahan agar bullish candlestick form hota hai toh ye ek indication hai ki ab price yahan se upar jaa sakta hai. Next resistance level, matlab wo level jahan se paas mein price already reject hokar neeche aa chuka hai. Toh ye wo levels hain jahan se paas mein price neeche aaya hai, lagbhag same level se do baar. Toh hum in do points ko lete hue kuch points ka ek price range banayenge. Kuch is tarah aur yahi humara resistance level hai. Ab paas rejection ko dekhkar humein ye pata chalta hai is level par sellers baithe hain jo price ko neeche push kar rahe hain. Toh ab hum price ka is level par aane ka wait karenge. Jab next time price yahan aayega aur koi bearish candlestick form kare toh ye ek indication hota hai ki ab price yahan se neeche aa sakta hai. Toh support par humein bullish candlestick ko dekhna hai aur resistance par bearish. Ab ek question saamne aata hai, kitne swing point chahiye humein ek support ke liye? Toh answer hai, ek swing ke base par bhi hum support ya resistance draw kar sakte hain. Par agar ek se zyada hai toh hum use strong support ya resistance bolenge. Hum support ya resistance draw karne ke liye candle ka wick bhi use kar sakte hain aur body bhi, humein bas maximum touch chahiye. Par zone zyada wide nahi hona chahiye. Ab ek concept samajhte hain jise kehte hain change in polarity. Iska matlab jab ek support level break hota hai toh wahi same support level phir price ke liye resistance ka kaam kar sakta hai. Aur jab resistance level break hota hai toh same resistance level price ke liye support ka kaam kar sakta hai. Isse hum flip zone bhi kehte hain.
[19:33]Next hai trend line. Uptrend ke samay jab hum teen swing low ko connect karte hue ek diagonal line draw karte hain toh isse hum bullish trend line bolte hain. Aur phir hum price ka wapas is line pe aane ka wait karte hain aur jab price humein is level pe rejection show karta hai through bullish long wick candle toh ye humein indicate karta hai ki price ab yahan se wapas upar jaa sakta hai. Again ek question saamne aata hai, kya price exact isi line par rejection show karega? Toh answer hai nahi, humein ise bhi ek zone ki tarah dekhna hai. Price thoda upar neeche ho sakta hai, isliye humein confirmation ka wait karna hai jo hum isi video ke last mein dekhenge. Isse draw karne ke liye aap candle ke wick aur body ka use kar sakte ho. Par dhyaan rahe body ko zyada cut na karein. Aur minimum teen touch hone chahiye. Next, jab hum downtrend ke dauran minimum teen swing high ko connect karte hue ek tirchi line upar se neeche draw karte hain. Toh isse hum bearish trend line bolte hain. Jab price wapas trend line par aata hai toh hum yahan ek trend continuation expect kar sakte hain. But blindly, yahan humein kuch key confirmation ko dekhna hai like koi bearish candlestick. So simply trend line bhi support aur resistance hai. Uptrend ke samay trend line support ka kaam karta hai. Aur downtrend ke samay resistance ka. Normally support aur resistance horizontal hote hain aur ye tircha hota hai.
[21:14]Yaad rakhiyega, trend line zyada jhuka hua nahi hona chahiye. Ab dekhiye, kayi baar price trend line ko bina respect kiye use break kar deta hai. Toh ye humein indicate karta hai, jo previous trend chalta aa raha tha, ab wo khatam ho sakta hai aur price yahan se reverse ho sakta hai.
[21:39]Ab baat karte hain chart patterns ki. Toh basically price jab ek predefined pattern mein move karta hai, toh humein chart par kuch patterns dekhne ko milte hain. Like double top, double bottom, triple top, triple bottom, head and shoulder, flag aur bhi bahut saare. Par aaj hum do basic aur do advanced patterns ko dekhenge. Halanki maine saare patterns ko ek video mein already cover kiya hai. Aapko description mein us video ka link mil jayega, ek baar us video ko zarur dekhein. Toh first hai double top pattern. Jab uptrend ke dauran price higher high bana raha hota hai. But recent price movement ke dauran price apne previous high ko break karne mein fail hota hai. Aur new high banane ki jagah same level se rejection face kar neeche aata hai aur ek M shape ka pattern banata hai. Toh isse hum double top pattern bolte hain. Ye humein batata hai, price mein ab strength nahi hai kyunki ye apne previous high ko break karne mein fail hua hai. Ye ek momentum loss ka sign hai. Aur jab is low se hum ek line draw karte hain toh isse hum neck line bolte hain. Aur jab price is neck line ko break karta hai toh hum yahan se ek giravat expect kar sakte hain. Key point agar ye pattern resistance level par banta hai toh ye ek strong signal hai. Next isi ke opposite double bottom. Jab downtrend ke dauran price lower low form karta hai. Par latest price action ke dauran price new low create karne mein fail hota hai aur double bottom banata hai. Toh ye humein indicate karta hai ab market mein aur strength nahi hai isse neeche le jaane ke liye. Ye ek momentum loss ka sign hai.
[23:42]Phir jab price is neckline ko break karta hai toh hum expect kar sakte hain ki price ab yahan se upar chala jaye. Key point agar ye pattern support level par banta hai toh iski accuracy aur badh jaati hai. Toh ye the reversal pattern ke do example, matlab wo pattern jiske banne ke baad market reverse ho sakta hai. Ab do continuation pattern dekhte hain, matlab wo pattern jiske banne ke baad market apne previous trend ko continue karta hai. Toh first hai bullish flag. Ye pattern ek flag ki tarah dikhta hai. Ek sharp uptrend ke baad, matlab ek fast bullish move ke baad jab market correct hota hai ya pullback leta hai aur pullback ke dauran jab humein do parallel trend line halki si neeche ki taraf jhuki hui milti hai toh is formation ko hum flag pattern bolte hain. Experts ke according jab price upar wale trend line ko break karta hai toh ye humein indicate karta hai. Ab market yahan se apne pichle bullish trend ko continue kar sakta hai. Toh hum yahan confirmation ke base pe buy kar sakte hain. Is pattern ko kaise trade karna hai, hum last mein dekhenge.
[25:03]Next hai bearish flag. Toh bullish flag ke opposite jab humein downtrend ke samay ek sharp down move ke baad pullback ke samay do parallel trend line upar ki taraf jhuki hui milti hai toh isse hum bearish flag pattern bolte hain. Aur jab ye flag neeche ki taraf break hota hai, matlab jab ye neeche ka trend line break hota hai, tab ye pattern complete hota hai. Aur ye humein indicate karta hai ab price yahan se wapas previous trend ke direction mein. Baaki bache chart pattern ko aap diye gaye link par click karke dekh sakte ho. Toh ye the chart patterns. Aaiye, ab kuch advanced concept ko samajhte hain. Pehle samajhte hain demand and supply ko. Toh simply trading mein supply aur demand ka matlab hota hai aggressive buying aur aggressive selling. Jab humein continuously big red candles dikhte hain, iska matlab yahan aggressive selling hui hai. In big size candles ko hum momentum candle bolte hain, jiske base par hum ek supply zone draw kar sakte hain. Usi tarah, jab humein big size green momentum candle milte hain, iska matlab yahan aggressive buying hui hai. Jiske base par hum ek demand zone draw kar sakte hain. Ise draw kaise karte hain? Wo janne ke pehle ye samajhte hain hum ise kyun draw karte hain. Dekhiye, hum aur aap jaise retail traders aise move chart par nahi la sakte. Agar chart par aise bade bade candle form hone lagein toh humein samajh jana chahiye yahan koi bada player enter hua hai. Wo is price point par interested hai. So agar unhein aur buy karna hua toh wo price ko wapas is point par lekar aayenge. Toh kya aap nahi chahoge un big players ke saath aap bhi unke direction mein enter ho. Toh simply iske peeche yahi reason hai. Ab samajhte hain hum ise draw kaise karna hai. Simply aap ise do tarah se draw kar sakte ho. Iske liye humein chahiye minimum three big momentum candle. Toh yahan humare paas three momentum green candle hai. Ab in teen momentum candle ke pehle jo small body candle hai, hum uske range ke jitna ek zone draw karenge. Aur simply yahi hamara demand zone hai. Aur jab price yahan wapas aaye toh hum candlestick ka confirmation lekar trade mein enter ho sakte hain.
[27:46]Usi tarah, jab humein aggressive selling dikhti hai toh hum is aggressive move ke pehle jo candle hai, hum uske base par ek zone draw karte hain. Aur simply yahi hamara supply zone hai. Future mein jab price yahan aayega toh hum yahan candlestick ka confirmation lekar trade mein enter ho sakte hain ya sell kar sakte hain. Key point, hum kisi bhi demand ya supply zone ko sirf ek baar use karte hain. Ek baar use hone ke baad ye zone kisi kaam ke nahi hote. Next, ab kabhi kabhi humein aggressive move ke pehle ek chhota sa tight consolidation range milta hai. Toh hum is entire range ke base par bhi ek demand ya supply zone draw kar sakte hain. Toh ye tha demand and supply, iske upar bhi maine ek detailed video banayi hai. Aap use ek baar zarur dekhein.
[28:43]Now, ab kuch scenario dekhte hain chart par aur use read kaise karte hain wo samajhte hain. Number one, candles getting smaller while reaching support and resistance. Agar kisi key level tak pahunchte pahunchte candles ka size chhota hote jata hai toh ye ek momentum loss ka sign hai. For example, ye hamara resistance level hai. Aur price jab is level ko approach karta hai toh candles ka size chhota hote jata hai. Toh ye humein indicate karta hai ismein ab strength kam hai aur price us resistance level se ab reverse ho sakta hai.
[29:32]Same usi tarah jab price support level tak jata hai aur candles ka size chhota hote jata hai toh ye momentum loss ka sign hai. Number two, multiple long wick candle at key level. Bahut baar aapne ye dekha hoga, price jab kisi key level ke paas hota hai. Key level jaise support resistance, trend line ya phir demand supply. Aur wahan agar long wick candle form hote hain toh ye humein rejection show karta hai. Aur batata hai, price is key level ko break karne mein multiple time fail hua hai. Matlab wo level strong hai aur price wahan se reverse ho sakta hai. For example, yahan resistance ke paas multiple time long wick candle form hote hain. Jo batata hai price is level ko respect kar raha hai. Price is level ke upar toh jata hai par candle ki closing iske upar nahi hoti. Koi bhi level tab tak break nahi mana jayega jab tak candle ki closing uske upar na ho. Number three, parabolic moves. Is move ko dekhkar aapko lag sakta hai ye bahut strong move hai aur price ne yahan upar ki taraf resistance ko tod diya. Aur beginners yahi galti karte hain, wo yahan buy kar lete hain. Par zara dhyan se dekhiye is move ko, price yahan se chalkar is level tak aaya. Bahut se log abhi profit mein honge jinhone yahan kahi buy kiya hoga. Ab unko profit book karna hai, toh generally log profit kahan book karte hain? Toh generally log key level ke paas apna profit book karte hain, jaise support aur resistance. Aur price abhi wahi hai toh hota kya hai? Aise move ko dekhkar log yahan buy kar lete hain. But jaise hi ek red candle form hota hai toh wo log jo yahan kharidkar abhi profit mein hain, wo sell karne lagte hain. Jiske vajah se market neeche aata hai. Aur jinhone yahan breakout pe buy kiya tha, unko loss hota hai. Kyunki is fast momentum mein jisko profit banana tha, unhone yahan kahi already kharid liya tha. Ab aapko ye samajh jana chahiye ki aap late ho chuke ho. Toh jab bhi aapko ek bahut tez parabolic move dikhe toh aap samajh jana aap enter hone mein late ho chuke ho aur aapko use chase nahi karna hai. Aur khas kar agar kisi key level ke paas aise move dikhe toh savdhan ho jana. Number four, build up before breakout. Ab breakout kya hota hai wo aap samajh chuke ho. Jab bhi koi key level break hota hai, like support resistance, toh jis bhi direction mein market breakout deta hai, wahan ek chance hota hai ki market phir usi direction mein upar jaye. Suppose agar ek resistance break hota hai toh yahan ek chance hai price upar jaye. Par humein is breakout par trade nahi lena. Breakout ke baad jab price wapas is level par aaye aur yahan koi bullish candlestick show kare toh yahan trade le sakte hain. Ab ek aur scenario dekhte hain jahan breakout ke pehle humein ek tight consolidation range milta hai ya phir ek chhota sa pullback milta hai. Iska matlab hota hai yahan old buyers jinhone yahan kahi buy kiya tha, wo ab exit ho rahe hain. Aur new buyers yahan trade mein accumulate ho rahe hain. Toh build up ke baad jo breakout hota hai, hum usmein without pullback ka wait kiye enter ho sakte hain. Aise breakout most of the time genuine hote hain. Same down side ke liye bhi. So without build up ya pullback ke jab breakout hota hai, toh humein pullback ka wait karna chahiye confirmation ke liye. Aur jab build up ke baad breakout hota hai toh hum direct breakout pe enter ho sakte hain. In sabhi cheezon ko dhyaan mein rakhne se hum fake breakout se bach sakte hain. Fake breakout matlab price ne kisi level ko break kiya. Ab humein lag raha hai price upar jayega, par price upar jaane ki jagah wapas neeche aa gaya. Isse hum trap karna bhi bolte hain. Iske upar bhi ek detailed video hai. Aap us video ko zarur dekhein ki kyun aur kaise retail traders ko trap kiya jata hai aur kaise hum isse bach sakte hain.
[34:09]Now, ab hum step by step dekhte hain humein trade kaise lena hai. Aur phir last mein strategies ko dekhenge. First of all, aapko dekhna hai, long term trend bullish hai ya bearish. Agar bullish hai toh humein buying side ka trade dekhna hai. Aur agar bearish hai toh humein sell side ka trade dekhna hai. Next, find location to buy sell, find trade opportunity. Ab humein wo location dhundhna hai jahan hum trade plan kar sakte hain. Like support resistance, trend line ya demand aur supply ya phir koi chart pattern. Next, find candle behaviour. Simply ab aapko us location pe candlestick ke behaviour ko dekhna hai. Matlab candlestick patterns ko dekhna hai, bullish aur bearish. Next, double confirm the trade idea with other confluence. Like other indicators, divergence ya phir multiple signal at one place. Confluence ka matlab hota hai jahan ek se zyada signal humein same direction mein trade signal deta hai. Jaise support level par koi bullish candlestick. Yahan dekhiye, yahan same level pe do indication hai, ek support level aur ek candlestick. Aur bhi confluence aap yahan add kar sakte ho over the time jaise jaise aap seekhoge.
[35:45]Next, wait for confirmation candle. Ab dekhiye, in sab cheezon ko dekhne ke baad humein confirmation candle ka wait karna hai jo hum aage examples mein dekhenge. Aaiye, ab kuch trade example dekhte hain jo humne already pichle video mein discuss kiya hai. Yahan dekhiye, market yahan downtrend mein hai aur chart par 50 period EMA applied hai. Aur jab bhi price EMA ko approach karta hai toh wahan pullback end hota hai aur price phir wapas neeche continue karta hai.
[36:26]Next point dekhiye, jahan price moving average ko approach karta hai, wahan same place par hamare paas previous key levels ka support bhi hai. Jo is area ko confluence area banata hai. Aur is level par hum rejection candle ko dekhkar trade le sakte hain. Ya in short term trend line ke break par ek trade le sakte hain.
[36:59]Yahan multiple factors ek saath aate hain jo ise confluence area banata hai. Moving average, previous key level, candlestick patterns, short term trend line break. Toh yahan different group of traders ko ek saath same signal milta hai.
[37:25]Moving average use karne wale, yahan moving average ke base par short trade lenge. Price action use karne wale yahan previous key level par rejection dekhkar trade lenge. Bahut log trend line break pe trade lenge aur bahut log candlestick pattern par. Aur kuch log hum jaise honge jo confluence ke base pe trade lenge. So jab different group of traders same direction mein trade lete hain toh hamare winning ke chances badh jaate hain. Now look carefully, yahan hamare paas ek major trend line bhi hai. Toh yahan wo trader bhi honge jo trend line ke base par trade lete hain.
[38:20]Next, yahan aap dekh sakte ho hamare paas ek support level hai. Kyunki price is level se multiple time reject ho jata hai jo ise ek potential support level banata hai. Next, price support level ko break karta hai. But humein is breakout pe entry nahi lena kyunki is move ko dekhiye. Ye is level se directly parabolic moves ke saath aata hai aur support level ko break karta hai without consolidation ya retracement. So humein is breakdown pe trade nahi lena.
[39:03]Next, ab dekhiye price thoda correct hota hai. Aur is correction period ke dauran humein do parallel trend line milta hai upar ki taraf jaate hue.
[39:19]Meaning, yahan hamare paas ek bearish flag pattern hai is breakdown ke baad. Ab humein breakdown ko wait karna hai. So yahan aap dekh sakte ho, ek red candle lower trend line ko break karta hai. But humein immediately koi trade nahi lena. Ab humein volume ko dekhna hai. So yahan aap ek cheez dekhiye, is sharp downtrend move ke dauran volume increase ho raha tha. Aur is correction period mein volume low tha, par jaise hi price yahan trend line ko break karta hai, toh yahan humein high volume dekhne ko milta hai. Ye hamare liye ek confirmation hai ki participant market ko neeche le jaane mein interested hai. So hum yahan short kar sakte hain aur hamara stop loss yahan kahi hoga. Book ke according humein profit target is flag pole ke jitna rakhna hai. But main aapko recommend karunga aap yahan 1:2 ka profit lekar exit ho sakte hain. Next example dekhte hain, par isme hum additionally multiple time frames ko use karenge. Aaiye dekhte hain kaise. Toh ye daily time frame hai aur yahan market downtrend mein hai. Aur humne yahan ek trend line draw kiya in points ko lete hue.
[40:54]Aur yahan hamare paas ek level of support hai jo breakout ke baad resistance ban chuka hai. So yahan trend line aur resistance level ek doosre ko contract karte hain jo ise area of confluence banata hai.
[41:18]Now price wapas is level ko approach karta hai. Ab humein nahi pata aage kya hone wala hai. Big picture humein show kar raha hai market downtrend mein hai. But jo immediate short term hai, wo bullish hai. So at first, ab humein dekhna hai, jab price is level ko approach karta hai toh kaise react karta hai?
[41:48]Toh aap yahan dekh sakte ho, yahan humara mini trend line break ho jata hai aur price yahan apne previous low ko bhi break kar deta hai. Jo ye confirm karta hai ab short term uptrend end ho chuka hai. Now ab market ka overall view bearish hai toh ab hum yahan short kar sakte hain. Dekhiye, ye mini trend line breakout important nahi hai. Important baat ye hai ki ye breakout area of confluence se rejection ke baad hota hai.
[42:25]Next, kabhi kabhi humein post build up dekhne ko bhi milta hai. Matlab jo build up form hota hai, wo breakout ke baad hota hai. Aise build up aur bhi zyada strong hote hain. Hum inmein confidently trade le sakte hain.
[42:45]Next, ab main jo aapko bata raha hoon, ye koi strategy nahi hai, ye ek price action tip hai. Agar aap breakout pe trade lete ho ya chart patterns ya jis bhi base pe trade lete ho. Aapko bas ek cheez dekhna hai. Suppose aapko 1 hour time frame mein ek buy signal milta hai. Toh trade lene ke pehle bas itna dekh lijiye. Aapke entry point ke aas paas kahi bade time frame ka key level toh nahi hai. Kyunki bade time frame ka key level chhote time period ke liye strong hurdle ka kaam karta hai, matlab rukawat ka kaam karta hai. Suppose hum yahan buy karte hain aur iske just upar bade time period ka resistance level hai. Chunki chhote time frame mein humein ye level nahi dikha toh humne yahan trade le liya. But there is a high possibility price yahan se reverse ho jaye. So always mark big time frame key levels. So hopefully aapko is video se kuch seekhne mila hoga. Agar aapko video informative lagi aur video se kuch seekhne mila toh video ko ek like aur channel ko subscribe zarur karein. Milte hain next video mein, tab tak ke liye best of luck for your trading.
