[0:00]بهالفيديو بشرح لك شلون تخلص لغز ماب توتن رايخ ببلاك اوبس 7 وشلون تخلص البوس بكل سهوله. قبل لا تبدا الجيم انصح حيل بالماستغان سالي، هذه الاتشمنت اللي اكيد قاعد استخدمهم، في اتشمنت أحسن بس أهم شيء انه يكون اكيمبو ويكون عليه اكستندد ماق. ثاني شيء انصح يكون عندك ايثر شراود مع الاوجمنتات هذول، راح نستخدم ايثر شراود حق اللغز وفرينزيد جارد حق البوس فايت. الحين خلينا نبدا باللغز واللي راح يبدا أول ما تشغل التطوير والباكا بونش. فأول ما تدش الماب إلحق العلامات اللي على الشاشة، راح يخليك تصلح كذا زر، تاخذ قطعة، تفتح باب تاخذ كل ستريك. بعدها توقف بالمنطقة هذه وتعبيه، وبعد ما تخلص التطوير راح ينزل وبكذا تكون شغلت الباور والتطوير. الحين جاهزين أننا نبدأ باللغز، وأول خطوة باللغز هي أنك تجيب سلاح الماب. وعشان تسوي كذي في ثلاث قطع راح نحتاجهم. الأولى راح تكون بمنطقة بي اتش دي، لو رحت عند الباب عند الزر هذا وتفاعلت معاه فبتنزل الطوفة هذه من الكرين. اللي تبي تسويه هنا إنك تركض على الطوفة وتنط، بعدها تأيم على السفينة على شان تاخذ القطعة الأولى اللي نحتاجها. ممكن ما تضبط معاك من أول مرة، إقعد حاول لين ما يخلص الوقت ويشيل منك الطوفة. إذا شفتها قاعدة تنشال وقاعد ترتفع فوق فبكل بساطة أرجع مرة ثانية حق نفس الدقمة وراح تقدر تنزلها بنفس الطريقة وتعيد كثر ما تبي. بس إذا سويتها صح فراح تجيب القطعة الأولى. حق القطعة الثانية لازم تروح حق الجسر اللي قدام الروبوت، وورا هال شاحنة راح تشوف أن فيه علب إذا دقيت مربع راح تاخذ واحدة منهم. الحين تبي تروح حق الطاولة اللي قدام بيرك ميول كيك، تبي تضغط مربع وتحط القطعة اللي تو أخذناها. الحين تبي توصل حق راوند زومبي الثلج اللي يكون كل خمس راوندات، وما تبيه أول راوند زومبي سبيشل اللي هو يكون راوند 5، تبيه اللي يكون راوند 10 أو 11. اللي بيكون ثاني راوند سبيشل حقك. لأن بالراوند هذا تبي تفتر بالماب لين ما تحصل الدب. أول ما تحصل الدب أذبحه وراح يطيح لك القطعة الثالثة اللي نحتاجها حق سلاح الماب. الحين تبي تروح حق البيت الصغير هذا اللي موجود قدام الكنيسة، ولو خليت يدك على مربع فراح تقدر أنك تفتح الباب. الباب راح يوديك تحت الأرض حق منطقة سرية، وهني راح تقدر تتفاعل مع الطاولة اللي موجودة بالنص وتحط القطعة اللي خذيناها من الدب. بعدها راح تلاحظ أن فيه رموز موجودة على الطوفة، وفي أربع رموز موجودين على الطاولة. اللي تبي تسويه هنا أنك تتفاعل مع الرموز اللي موجودة على الطوفة على شان تاخذ منهم الأربع رموز اللي موجودين على الطاولة. بس في ترتيب حق الرموز اللي تاخذهم. وعشان تعرف الترتيب هذا طالع الطاولة وظهرك حق المدخل، لو رحت حق الجهة اليسار هذا هو الرمز الأول اللي تحتاج أنك تأخذه. الجهة اليمين هذا هو الرمز الثاني اللي تحتاج أنك تأخذه، الرمز اللي موجود ورا هذا ثالث رمز، والرمز اللي موجود قدام هذا هو الرمز الأخير. فقعد شوف شنو الرمز اللي عندك بالجهة بالترتيب اللي تو قلته، بعدها تفاعل مع الطوفة على شان تأخذهم بالترتيب هذا. إذا خذيتهم بترتيب غلط فالرموز راح توقف أنها تطلع على الطوفة حولك. إذا صار كذي فاضغط مربع على الطاولة على شان ترجع الرموز مرة ثانية وتعيد من الأول. حط ببالك أن الرموز بكل جيم راح تكون مختلفة، ما راح تكون نفس الرموز اللي عندي، وإذا سويتها غلط فالرموز راح تتغير معاك. بس إذا سويتها صح فراح يرسلبن الشبح هذا، راح يقعد يتكلم شوي بعدين راح يختفي. تبي تطلع برا تلحق الشبح هذا، راح يروح بمكانين ثلاثة بعدين راح يثبت بمكان قدام بيرك ميول كيك. وهنا راح تقدر أنك تعبيه أرواح، بس ما تبي تعبيه أي أرواح، تبي تعبيه أرواح زومبي الثلج. بس الحلو بالموضوع أنه بالراوند هذا راح يبدأ يرسلبن لك زومبي ثلج، فما له داعي تنتظر راوند زومبي ثلج. إقعد بس إذبح كل الزومبي اللي تشوفه بطريقك، والشبح راح يتعبى وراح يبدأ يتنقل مرة ثانية بالماب، إلحقه لين ما يوصل حق المكان هذا. راح يوقف هنا ولازم تعبيه مرة ثانية. هالمرة لما تخلص تعبيه فراح يبدأ يحط لك صخر على شان تتعلق عليه وتروح لي الدور الثاني من المنارة. فأذبح الزومبي اللي بطريقك، أصعد لين ما توصل حق الشبح عند مدخل المنارة، بعدها إلحقه للدور الثاني عند الفتحة هذه. وهنا راح يطلع لك صخر مرة ثانية. لازم تنط على الصخرة وتنتقل على الصخرة اللي بعدها لين ما توصل حق أعلى دور بالمنارة. هنا الشبح راح يكون موجود، إلحقه لين عند السلم هذا، بعدين تفاعل مع السلم وراح يوديك غرفة سرية. الحين لو نطرت شوي بالغرفة السرية هذه فراح يعطيك سلاح الماب. سلاح الماب راح ياخذ مكان السكين، ما راح ياخذ مكان سلاح، وراح تقدر أنك تطق الزومبي طقات عادية. وكل ثالث طقة تطقها راح يحذف بلايت بنفسجي يدمج الزومبي. وإذا ذبحت فيه كفاية فراح يبدأ أنه يتعبى وراح تقدر أنك تطلق الطلقة المشحونة هذه. بعد سلاح الماب تقدر أنك تطوره بأنك تحطه بالتطوير، والسلاح جدا قوي وجدا حلو وراح نحتاجه باللغز وراح نحتاجه بالبوس فايت فتأكد أنك تطوره. الحين بعد ما صار عندك سلاح الماب نقدر نبدأ باللغز. أول شيء لازم تسويه لازم تاخذ قطعة راح تكون موجودة بالدور الأول بالمنارة اللي تو فتحناها. القطعة هذه راح تخليك تبطل الأربع صناديق هذه اللي موجودة حول الماب. حاط لكم الحين أماكن الأربع صناديق هذه وواحد من الصناديق راح يطيح لك القطعة اللي نحتاجها. الحين تقدر تبطلهم كلهم لين ما تطيح لك القطعة، إذا بطلت الصندوق الغلط فبيحذف عليك سموك أو يكهربك أو يحذف عليك غازي هلوس. بس إذا فتحتهم كلهم فبالأخير راح تحصل القطعة اللي نحتاجها. إذا تبي تعرف شنو الصندوق اللي داخله القطعة لو تروح حق الغرفة هذه راح تحصل أن فيه ورقة. إذا فتحت الورقة فراح تشوف أن حاط لك رموز وجنبها الرموز فيه علامات. تبي العلامة اللي صايرة علامة إيم وكذي وتبي تشوف شنو الرمز اللي موجود يسارها. الرمز اللي موجود يسارها راح يكون موجود على الصندوق باللون الأحمر، بس الحين الصورة هذه معلقة عندي. كل جيم أدخله نفس الصورة بالضبط فعندي شعور أن في شيء معلق هنا، فيفضل أنك بس تفتح الأربع صناديق لين ما تحصل القطعة اللي نحتاجها. الحين بعد ما خذيت القطعة هذه تبي تروح قدام المنارة عند المدفع تتفاعل معاه وراح تحط القطعة اللي تو أخذناها. بعدها تبي تطق بسلاح الماب لين ما المدفع يشتغل ويطلق. المدفع راح يطلق على راس الروبوت اللي موجود بالماب، الحين تبي تروح حق راس الروبوت هذا تتفاعل معاه راح يطيح لك سالفج وراح يطيح لك القطعة اللي نحتاجها. الحين تبي تدخل راس الروبوت، تصعد فوق عند اللوحة هذه اللي خربانة تتفاعل معاها وراح تحط القطعة اللي تو أخذناها. الحين لو رجعت مرة ثانية حق الروبوت فراح تلاحظ أن اللتات هذه قاعد يطفون ويشتغلون. اللي تبي تسويه هني تبي تعرف كل لت جم مرة يشتغل ويطفي، عندك لت يسار وعندك لت يمين. اللت ما راح يطفي ويشتغل أكثر من 8 مرات ولازم تقرأ اليسار واليمين على شان تطلع رقمين بنستخدمهم بعد شوي بس خلني أشرح لك زيادة شلون تقدر تعرف الرمز. الحين بالجيم مالي أول ما دخلت راس الروبوت، وقفت بالنص ونطرت اللتتين يشتغلون بنفس الوقت حق 5 ثواني تقريباً. لما اللتتين يظلون معلقين 5 ثواني تقريباً، هني قاعد يقول لك أنه بداية الرمز راح تكون هنا. الحين طالعتهم اثنينهم وبديت أعد أول ما بدوا يشتغلون ويطفون. هني اثنينهم إشتغلوا مرة، اليسار وقف فرقمه واحد، اليمين كمل وإشتغل 7 مرات زيادة، يعني 8. فالحين دريت أن الرقم اليسار هو 1 والرقم اليمين هو 8، هذا أول رمز نحتاجه. بعدها على طول راح يبدأ يعطينا ثاني رمز. الحين اللتتين إشتغلوا ست مرات ورا بعض، اللت اللي على اليمين وقف فدريت أن رقمه 6 واللت اللي على اليسار كمل مرة فدريت أن رقمه 7. فالحين دريت أن الرمز الثاني اللي عندي 7 6. الحين بعد ما عرفت الرموز ملوتك، روح تحت البرج هذا راح تشوف أن فيه حبل متجمد. إحذف عليه مولتوف أو أطلق بسلاح الماب لين ما يحترق وراح تقدر أنك تتفاعل معاه وتصعد فوق. وفوق راح يكون فيه كمبيوتر، الكمبيوتر هذا راح تتفاعل معاه وتغير الرقمين اللي موجودين يسار ويمين. في عداد يسار من 1 إلى 8، وعداد يمين نفس الشيء من 1 إلى 8، وهني تبي تحط الأرقام اللي تو طلعناهم من الروبوت. فأول رقم عندي كان 1 8 فحطيت 1 يسار و 8 يمين. ودريت أني سويتها صح لأن فجأة طلعني والروبوت بدأ يطق مبنى موجود بالماب. الحين لازم أحط الرمز الثاني، فنطرت تقريباً دقيقة لين ما الكمبيوتر طلع لت أخضر مرة ثانية، تفاعلت معاه وهالمرة حطيت الرقم الثاني مالي اللي كان 7 6. وهالمرة الروبوت بلش يطلق على المبنى اللي موجود قدامي، وأول ما خلص رحت حق المبنى اللي موجود قدامي ولقيت أن فيه كل ستريك ثاني رسلبن. هذا مو نفس الكل ستريك اللي أعطاك إياه لما شغلت التطوير، هذا واحد ثاني راح نستخدمه الحين. فا أخذه وروح حق المبنى اللي موجود هنا، وشغل الكل ستريك على المبنى هذا على شان يتدمر. بعد ما الطلقات تخلص لو تروح يسار المبنى راح تشوف أنك الحين تقدر تصعد الدرج هذا، فروح فوق لين ما توصل الدور الثاني من المبنى. إنزل تحت وقرب من الباب الكبير على شان تتأكد أنك تفتحه، وبكذا المبنى هذا صار مبطل حق الماب. بس داخل المبنى راح يكون فيه جهاز، الجهاز هذا لازم نجمع له ثلاث قطع على شان نقدر نشغله ونتفاعل معاه. القطعة الأولى راح نحتاج أنه يكون عندنا آر سي إكس دي على شان نجيبها، ولو تروح هنا بالماب راح تحصل أن فيه آر سي إكس دي ترسللبن مرة بالجيم. فتقدر تستفيد منها أو تقدر تروح تسوي لك آر سي إكس دي ثاني. بس اللي تبي تسويه هنا إنك تطلق على المكان هذا على شان ينفتح، بعدها تبي تشغل الآر سي إكس دي وتدخل داخل. تبي تنزل بالدرج، بعدها هنا تطق بوست وتنط وتوصل حق القارب الصغير اللي موجود هنا. تبي بعدين تدخل بالفتحة هذه، تكمل كلها سيدا لين ما توصل حق الباب اللي قدام براميل وتفجر الآر سي إكس دي هنا. الحين لو رجعت قدام التطوير فراح تشوف أن فيه غرفة ثانية تبطلها. داخل الغرفة هذه راح يكون فيه لغز لازم نسويه على شان نحصل أول قطعة اللي تكلمت عنها. حول الغرفة هذه راح تحصل أن فيه خمس علب، كل علبة عليها حرف، والأحرف هذه تبي تترجمها حق أرقام بالترتيب. معناتها إي راح يكون 1، إي راح يكون 5. الحين تبي تطالع بالدريشة هذه وراح تشوف أنه فيه أرقام يمينك ويسارك. اللي تبي تسويه هنا تبي تشوف شنو الأرقام اللي تحتها علامة النيوك، راح يكون فيه علامتين نيوك تحت رقمين إثنين. هنا كان على رقم 3 ورقم 4، فدريت أن العلب اللي أحتاجها هي العلبة سي والعلبة دي. فالحين بعد ما عرفت العلب اللي لازم تاخذهم، روح خذهم واحدة واحدة وودهم بالجهاز هذا. أول ما تحط العلبة فراح ترسللبن علبة ثالثة يسار وراح تبدأ تتعبى غاز لونه بنفسجي. أول ما تخلص خذها وروح تفاعل على الجثة اللي موجودة على الطاولة وراك. اللي بيصير هنا أن الجثة راح تتحلل وراح يعطيك قطعة. القطعة هذه راح نقدر نستخدمها بالباب اللي موجود عند الجهاز على شان نقدر أننا نفتح القفل. وهنا اللي تبي تسويه أن تبي تحرك القفل لين ما تشوف الحديدة على اليمين صار لونها أبيض. هنا تبي تثبت ثانيتين ثلاثة والحديدة راح تثبت بمكانها ويحط لك فوقها صح، تبي تعيدها ثلاث مرات على شان تفتح الباب. لأن أول ما ينفتح الباب فراح تشوف القطعة اللي نحتاجها على الطاولة وراح تقدر أنك تاخذها. هذه أول قطعة باقي ثنتين. حق ثاني قطعة راح نحتاج السنارة. الحين في أكثر من سبون حق السنارات حول الماب، حاط لكم الحين أكثر من مكان، أول ما تلقاها خذها. والحين نبي نصيد سمكة لونها أخضر. في أكثر من مكان حول الماب ممكن يرسلبن فيهم الأسماك، قاعد أوريكم الحين كل الأماكن وهم حرفياً أي مكان تقدر تحط فيه السنارة وتصيد، ممكن السمكة الخضرا هذه ترسللبن هناك. فقعد إمشي مع الفيديو وطالع كل الأماكن اللي قاعد أطالعها لين ما تلقى السمكة اللي لونها أخضر هذه. أول ما تلقاها تبي تحط السنارة، أنطر شوي السنارة راح يصير لونها أزرق، بعدها لو تفاعلت مع السنارة وهي لونها أزرق راح تقدر أنك تصيد السمكة الخضرا. وأول ما تصيد السمكة فراح يرسلبن لك رافجر، راح يطالعك شوي بعدين راح يختفي. اللي تبي تسويه هنا تبي تمشي راوند، بعدها تبي تروح تدور على الرافجر هذا بالراوند اللي بعده. الحلو أن تقدر تشغل الخريطة وتشوف وين الرافجر مرسللبن، تحدد عليه بعدين تروح له. أول ما تلقى الرافجر تبي تلحقه، تبي تذبحه هو وربعه لين ما يختفي ويروح حق مكان ثاني. ما راح يروح بعيد راح يكون قريب، للحين تقدر تشوفه بالخريطة، ولازم تلحقه وتطلق عليه ثلاث مرات تقريباً. راح تدري أنك خلصت لما الرافجر أخيراً يموت ويطيح لك ثاني قطعة نحتاجها. الحين حق ثالث قطعة تبي تروح تشتري كل ستريك اللي أعطاك إياه لما شغلت التطوير بداية الجيم. تقدر تشتريه من كرافتنغ تيبل أو تقدر أنك تصيد بالأماكن اللي تو وريتكم إياها، وبعد محاولتين ثلاثة بالكثير راح يرسلبن لك الكل ستريك. بس تبي تاخذ الكل ستريك هذا وتتأكد أن فيه مجموعة زومبي كفاية بالراوند، لأن تبي تحط الكل ستريك. تخليه مجموعة الزومبي يقربون من الكل ستريك هذا لين ما الكل ستريك يبلش أنه يرفع الزومبي فوق. وهنا تبي تذبح الزومبي وهم بالهوا، تأكد أن عندك مجموعة كبيرة بالراوند لأنك تبي تسويها كمية كبيرة حق كل ستريك واحد. إذا كنت تبي تخلصها بكل ستريك واحد، بس إذا سويتها صح لما الكل ستريك يروح فراح يطيح لك الثالث قطعة نحتاجها. الحين صار عندك الثلاث قطع اللي نحتاجها فلو ترجع حق الغرفة السرية اللي فتحناها راح تقدر أنك تحط الثلاث قطع هنا. الحين لو تفاعلت مع الجهاز مرة ثانية فراح يدخلك اللعبة هذه. الهدف هنا أنك تاخذ الثلاث قطع اللي تو جمعناهم، راح تلقاهم على اليسار، وتحطهم على اليمين مع باقي القطع. كل ما تركب قطعة قريب من قطعة ثانية فراح توصل بينهم. اللي تبي تسويه أنك توصل قطع كفاية لين ما العداد هذا يروح حق الجهة الخضرا. تبي تحطهم ثلاثتهم وتخلي العداد عند الجهة الخضرا. أفضل طريقة حق الخطوة هذه إي أنك تحطهم واحدة واحدة وكل مرة توصل قطعة حاول تعرف العداد إيش كثر قاعد يمشي. يعني هنا مثلاً وصلت كل القطع مع بعض، ودريت أن إذا ركبت القطعة الأخيرة عند باقي القطع فراح يزيد العداد زيادة. لأني كنت حيل قريب من المنطقة الخضرا فحطيتها فوق على شان توصل مع قطعة ثانية بعيد وما تركب مع الباجين. إذا سويتها صح فراح ترسللبن قطعة، راح تقدر أنك تاخذها قدام الجهاز. بس إذا سويتها غلط فراح تقدر تحاول مرة ثانية بالراوند اللي بعده. بس الحين لما تسويها صح، فتبي تاخذ القطعة وتروح توديها عند بيرك كويك ريفايف. بس دير بالك طول ما أن القطعة معاك ما راح تقدر أنك تركض، والقطعة راح تطيح إذا استخدمت زب لاين أو دخلت الآلي. بس أول ما توصلها عند بيرك كويك ريفايف تبي تحطها هنا، بعدين تبي تدخل حق الغرفة اللي موجودة ورا بيرك كويك ريفايف وتبي تتفاعل مع المحول هذا. هنا راح يطلع لك عداد ووقت، اللي تبي تسويه بس أنك تذبح زومبي هنا لين ما العداد يعبي كامل. بس كل فترة الجنريتر راح يوقف فلازم تروح تتفاعل معاه على شان تشغله، فتأكد أنك متبع الجنريتر شغال ولا لا على شان لو الوقت يخلص وللحينك ما خلصت. بس إذا خلصت منها فراح تقدر أنك ترجع تاخذ القطعة مرة ثانية. هالمرة نبي نوديها على الجسر قدام الآلي. ونفس الشيء إذا خذيتها ما راح تقدر تركض، بس هالمرة راح يبدأ يرسلبن لك ثلج من تحت الأرض. الثلج هذا راح يدمجك ويرفعك فوق ويرجعك ورا فدير بالك منه، حاول توخر عنه وإذا ما قدرت توخر عنه تقدر بسلاح الماب تكسره على طول. بس أول ما توصله حق الجسر تبي تحطه فوق البرميل الأصفر هذا، بعدها راح يصير مشهد، وبعد هالمشهد تبي تروح نهاية الجسر. وراح تلقى بالزاوية هذه أن فيه قطعة لحم مرسللبنة، تبي تاخذ قطعة اللحم هذه. بعدين تروح حق المبنى مال فولتر ايت، تبي تتفاعل هنا على شان تحط قطعة اللحم، بعدين تبي طق النار اللي موجودة تحت قطعة اللحم بسلاح الماب بطلقة مشحونة. وراح تلاحظ أن الخشب الحين صار فيه نار زرقا، الحين اللي تبي تسويه تبي تروح تجيب لك كل ستريك الدسيبلا. تقدر تحصل واحد مجاناً كل جيم موجود بالكنيسة، أو تقدر تسويه بالكرافتنج تيبل. بس اللي تبي تسويه هنا أنك تفعل الدسيبلا وبعدين تسحب زومبي وتحذفهم على النار. تبي تعيدها خمس ست مرات لين ما النار تبلش تعبي، يطلعك من الكل ستريك والشاشة تصير بيضا. الحين ما راح تقدر تطلع من المبنى هذا لين ما تذبح الزومبي وتذبح البوس اللي رسلبن لك إياه. بعد ما تذبحهم وتخلص، ففي قطعة بالأرض بتطيح لك تأكد أنك تاخذها وتروح تحطها بالنص بالكنيسة. بعد ما تحطها طقها بسلاح الماب، وراح تشوف أن قاعد يطلع شعاع للسما. الحين لو رجعت وطالعت فوق الكنيسة راح تشوف أن فيه رسمة فوق. الحين اللي تبي تسويه هنا تبي تعرف شنو الرموز اللي طالعة بأي ترتيب. السهم الواحد هذا معناته أن هذا هو الرمز الأول اللي تحتاجه، السهم اللي صاير سهمين على بعض هذا هو ثاني رمز تحتاجه، وثالث رمز تحتاجه راح يكون السهم اللي فيه أكثر من خط. هذا هو ترتيب الأسهم الرموز، وترتيبها راح يتغير كل جيم وما راح يكون نفس الجيم مالي. بس أول ما تعرف الترتيب وتعرف الرموز، تبي تفتر حول الماب وراح تلاحظ أن فيه رموز طايرة فوق وتقدر أنك تطلق عليها بسلاح الماب. فهني تبي تطلق على الرموز اللي عرفتهم بالترتيب اللي طلعته بطلقة سلاح ماب مشحونة. إذا طقيت الرمز الغلط فالرموز راح تختفي، لازم ترجع تفعلها مرة ثانية من الكنيسة. بس إذا قاعد تطلق على الرموز ومو قاعدين يختفون فمعناته أنك أنت ماشي صح. وبعد ما تطلق على ثالث رمز الأسهم اللي موجودة فوق الكنيسة راح تبلش تأشر على الجبل اللي بعيد، وبكذا راح تكون خلصت من اللغز. لأن إذا رجعت عند راس الآلي فوق، راح تشوف أن الكمبيوتر هذا اللي تفاعلت معاه راح تدش البوس. بس قبل لا تدخل في كم شيء لازم تسويه على شان تضمن أنك تخلص البوس لأنه صراحة البوس مو سهل. أول شيء تبي يكون عندك الماستاغنزالي نفس ما قلت ويكون مطور حق التطويرة الثالثة. السلاح هذا بالبوس راح يكون حق الزومبي. بعدها تبي تفتح الصندوق لين ما يطلع لك الأم بي 40 الأحمر، هذا أقوى سلاح راح يدمج البوس. والسلاح باللون هذا ما راح تقدر تجيبه إلا من الصندوق، فافتح الصندوق لين ما يطلع لك السلاح وروح طوره ثلاث مرات. الحين سلاحك الثالث مال ميول كيك تقدر تحط أي سلاح تبيه عادي، الريجن مو غلط أو أي سلاح ثاني تحس أنك تبي تذبح فيه زومبي. بس تأكد أنه يكون عندك سلاح الماب وتأكد نفس ما قلت أنه يكون مطور حق على الأقل التطويرة الثانية. وإذا كنت قاعد تلعب مع أكثر من واحد فيفضل كلكم يكون عندكم سلاح الماب. أول واحد يجيب سلاح الماب يقدر يطلعه من اللغز اللي تو شرحته، بعد ما واحد يسوي اللغز ويأخذ سلاح الماب، الباجيين راح يقدرون يطلعون سلاح الماب من الصندوق أو من تحديات تد أو أحياناً تذبح بوسات بالماب ويطيح لك فجأة. فيفضل أن الكل يكون عنده سلاح الماب. وآخر شيء تأكد أنه يكون عندك مونكي أو كازمير، تأكد أن عندك قبل القمز اللي تحتاجهم. تأكد أن عندك كل البيركات، وتأكد أن عندك فلوس على شان تشتري ايمو لأنه ما في ماكس ايمو بالبوس فايت هذا. وقبل لا تدش البوس لا تنسى تغير حق الفرنزيد جارد. الحين تبي تروح حق الروبوت وتبدأ البوس فايت وعلى طول راح يبدأ ويوديك حق الغرفة مالت البوس فايت. حق أول دقيقة من البوس فايت ما راح تقدر أنك تدمجه، عطى أبو دقيقة كذي بعدين الدرع راح ينشال من البوس. وهنا اللي تبي تسويه أنك ترمي على البوس اللي هو العملاق مو الآلي، تبي تبلش ترشه كثر ما تقدر وراح تلاحظ أن طلقاتك ما قاعد تسوي شيء، بس كمل إطلق. لأنه بعد ما تطلق بشوي فراح تطلع علامة حمرة على ايد البوس. هني تبي تحذف مونكي أو كازمير وتبدأ تدمج المنطقة الحمرا هذه كثر ما تقدر لين ما تنفجر وتختفي. بعدها البوس راح يوخر والآلي راح يقرب ويبلش أنه يفجر المكان، حاول توخر عن التفجيرات مالته. الآلي ما راح يدمج فلا تشغل نفسك فيه بس حاول أنك تعيش هنا. بعدها أول ما البوس يبدأ يتهاوش مع الآلي مرة ثانية، أبدأ أطلق لين ما تطلع العلامة الحمرا على البوس. نفس الشيء تبي تحذف مونكي أو كازمير وتركز على المنطقة الحمرا هذه، بعد ما تفجرها نفس الشيء الآلي راح يقرب راح يفجر المنطقة حولك. بعدها البوس راح يتهاوش مع الآلي مرة ثانية، وهني نفس الشيء تبي تركز على الأماكن الحمرا اللي موجودة بايده، تفجرهم. وهنا بتكون خلصت من المرحلة الأولى من البوس. الحين راح تبدأ تطلع علامات حمرا بالأرض، تبي توخر على العلامات الحمرا هذه لأن المنطقة اللي تطيح فيها العلامة الحمرا راح تكون منطقة جليدية. إذا ظليت بالمنطقة هذه فراح تبدأ تتدمج وتتجمد، وبعد الحين راح يبدأ يرسلبن زومبي الثلج. الحين إذا كنت بمنطقة الثلج أفضل شيء تسويه أنك تطلع سلاح الماب لأنه راح يبلش أنه يوخر التجميد اللي عليك. بس تأكد أن سلاح الماب يكون مشحون أو تقدر تستخدم الأفخاخ اللي موجودة بالمكان. لأن إذا أنت بمنطقة ثلج وفعلت فخ وظليت موجود بالدائرة اللي حول الفخ فراح تقدر أنك توخر التجميد اللي عليك. بس بالمرحلة هذه تبي تعيش وتبي تركز على البوس وتطلق على الأماكن الحمرا اللي موجودة بايده مرة ثانية. الحين راح ينعاد نفس الشيء اللي كان موجود بالمرحلة الأولى، وهو أنك تدمج البوس، بعدين الآلي يقرب، الآلي يطلق بالمنطقة، بعدين يتهاوش مع البوس مرة ثانية، وتبلش تعيدها مرة أو مرتين. لين ما البوس والآلي يوخرون بعيد، وهني راح تبدأ المرحلة الثالثة من البوس، وبين المراحل ما في ماكس ايمو، ما راح يعطيك ماكس ايمو إلا أخر البوس. فتأكد أنك تستعمل صندوق الايمو وتشتري منه ايمو كل ما تحتاج، وإذا لقيته متجمد أطلق عليه لين ما ينكسر على شان تقدر أنك تستعمله. بس الحين نرجع حق المرحلة الثالثة، هنا بتلاحظ أن البوس وخر ورسلبن لك راس بالأرض. طول ما أن أنت بعيد عن الراس هذه فأمورك تمام، بس لما تقرب الراس راح تبدأ تلف، عيونه راح تصير حمرا، وبعدين راح يطلق جليد من الأرض راح يبلش أنه يدزك، وممكن يطيحك برا الماب بس ما راح تموت إذا طحت برا الماب راح تتدمج شوي. بس حاول أنك تكون بعيد عن الراس، تبي تطلع سلاح الماب هنا وتبدأ تشحن سلاح الماب لين ما ينشحن. أول ما يصير عندك طلقة مشحونة تبي تروح تقرب من الراس وتطلق الطلقة المشحونة على الراس هذا. ممكن تأخذ طلقة اثنتين أو ثلاث، بس إذا تدمجت كفاية من سلاح الماب فالراس راح تطيح على الأرض. وهنا راح تقدر أنك تدمج الراس. الراس لها هيلث منفصل وأفضل طريقة أنك تدمج الراس هي بالماستاغنسالي، راح تقدر تمسح الراس حيل بسرعة. وأول ما تفجر الراس تأكد أنك تمر تحتها لأن بتعطيك ايمو وبتعطيك دروع. بس أول ما تفجر الراس الحين البوس راح يرجع للماب مرة ثانية، هنا راح تبدأ المرحلة الرابعة. ما راح يكون فيه آلي والبوس راح يكون موجود وراح يبدأ يحذف عليك صخر. الحين إذا حذف عليك صخر ممكن يحذف عليك صخر بشكل عشوائي، هنا لازم تروح تدور لك كفر. شوف لك صخرة ولا أي شيء أوقف وراها وحاول كثر ما تقدر تدمج البوس لأنه غالباً راح تقدر تلقى لك فتة تدمج البوس وأنت ماخذ كفر. بس البوس بعد ممكن يطلق عليك صخر بس بترتيب معين، برمز بشكل معين. هنا راح تقدر أنك توقف وتدمج البوس عادي، بس تأكد أنك تتحرك على شان توخر عن الصخر هذا. وبنفس الوقت البوس راح يبدأ يجمد الأماكن، فنفس الشيء تأكد أنك موخر على المنطقة اللي متجمدة أو أنك واقف عند فخ أو أنك مطلع سلاح الماب. وهذا اللي تبي تسويه بالمرحلة هذه، تبي تظل عايش، وتنطر الأماكن الحمرا ترسللبن على البوس وتدمج البوس منها. الحين بعد ما تدمج البوس كفاية البوس راح يروح وراح تبدأ المرحلة الخامسة اللي بيرسللبن لك فيها راسين إثنين الحين بدل واحد. بس نفس الشيء تبي تطلق بسلاح الماب، بعدين تدمج الراس وتفجر الراس. بتعيدها مرتين لين ما تفجر الراسين الإثنين. بعدها راح تبدأ المرحلة السادسة وهني البوس راح يرجع للماب مرة ثانية، راح يكون أسرع وراح يكون أقوى. بس نفس الفكرة تبي توخر عن الثلج وتبي تدمج البوس بالمناطق الحمرا كثر ما تقدر.
[20:34]فلازم تكون حذر هنا وتكمل تدمج البوس لين ما البوس يبلش أنه يسكر عليك المكان كله ويخليك بس محكور بالنص. ما راح تقدر تروح باقي المنطقة، بس صندوق الايمو راح يكون وراك لا تنساه. وبالمرحلة هذه اللي تبي تسويه ما راح يكون فيه أشياء تقدر تنخش وراها، فلازم تحاول كثر ما تقدر تشوف الصخر شلون جاي عليك. من الرمز اللي بيطلعه البوس قبل لا يحذف الصخر وحاول تدور الفراغات على شان تنخش من الصخر هذا. بنفس الوقت الحين المناطق الحمرا كلها راح تكون براس البوس، فقعد وخر عن الصخور هذه. أتذكر أن تقدر تسوي سلايد، تقدر تنسدح على الأرض، تقدر تنط إذا تبي. أهم شيء توخر على الصخر وتدمج البوس وتذبحه آخر شيء. وبكذا تكون خلصت من اللغز ومن البوس فايت، ان شاء الله عجبكم الفيديو ان شاء الله فادكم، أكتب لي تحت بالتعليقات إذا خلصت اللغز من الشرح هذا ونشوفكم ان شاء الله بالفيديوهات، مع السلامة.
