تعريف القناة و الهدف منها

[0:04]من 50 سنه بالظبط وتحديدا سنه 1972 شركه اتاري نزلت اول لعبه تجاريه للاسواق. واللي كان اسمها بونج، وكانت عباره عن لعبه تنس طاوله او زي ما بنقول بنج يعني بس بشكل الكتروني. وفي خلال ال 50 سنه دول الالعاب اتطورت من مجرد لعبه بنج بسيطه لصناعه كبيره جدا. خد عندك العاب شوتنج، العاب استراتيجي، العاب المحاكاه زي اللي بتخليك تسوق طياره او تبني مزرعه او تصمم البيت بتاعك. طبعا التطور ده خلى ناس كتير يتجهوا للالعاب كوسيله ترفيه خصوصا انها بتخليهم يجربوا انشطه كتير وقصص مختلفه. طبعا ده غير العاب الاونلاين والكوميونيتيز اللي اتكونت حواليها. اخر احصائيه بتقول ان في اكثر من 3.2 مليار بني ادم بيلعبوا العاب حوالين العالم. وطبعا اي حاجه فيها العدد الكبير ده من الاشخاص هتترجم لفلوس وهو ده الكلام المهم. اجمالي ارباح صناعه الالعاب في سنه 2022 وصل لاكثر من 235 مليار دولار. خلينا اضرب لك مثال سنه 2013 لعبه جي تي اي في لما نزلت حققت لي روك ستار اكثر من 2 مليار دولار. دي شركه واحده في امريكا من لعبه واحده. طيب دي شركات كبيره وعندها فلوس وموظفين كتير احنا مستحيل نقدر نعمل حاجه زي كده. خلينا اقول لك لا غلطان في الحته دي. الاند ديفلوبز او فرق التطوير المستقل بيقدروا ينزلوا العاب تحفه. تقدر تقول ان هي في نفس مستوى الالعاب الكبيره. اي نعم مش بنفس الشكل لان دول العابهم ليها جو ثاني جرافيك تحفه عالم مفتوح كبير. ودي نقط القوه بتاعتهم لان هم معاهم الفلوس والموظفين اللي يعملوا الشغل ده. بالنسبه لفرق التطوير المستقل في الغالب مش هيبقى عندهم نفس الحاجه. فتلاقيهم بيركزوا على حاجه مميزه في اللعبه بتاعتهم زي مثلا لعبه كاب هيد. لعبه كاب هيد اللي كان مميز فيها ان هي كانت لعبه مرسومه باليد. باسلوب رسم الكراتين بتاعه افلام التسعينات وكده والثمانينات. او لعبه ماين كرافت، لعبه ماين كرافت ايه اللي كان مميز فيها؟ ان انت تقدر تهد اي حاجه وتبنيها من الاول وتعمل اللي انت عايزه. فاصلها هي لعبه سرفايفل عادي زيها زي اي حاجه. بس الحته الصغيره اللي مضافه دي اللي مش موجوده في بقيه الالعاب هي دي اللي ميزتها. وهو ده اللي اغلب فرق التطوير المستقل بتحاول توصله. طب تعال نتكلم بالارقام هل الفرقه دي قدرت تحقق ارباح كويسه؟ لعبه ست لعبه بلاتفورمنج عاديه مع ذلك اللعبه حققت اكثر من 20 مليون دولار. لعبه ماين كرافت اللي اتكلمنا عليها حققت 40 مليون دولار. ولعبه ديد سيلز طبعا ديد سيلز مننا نزلت على كل المنصات تقريبا ونزلت على التليفونات حتى ونزلت في الصين. فاللعبه تقريبا باعت في كل حته. بس اجمالي المبيعات كلها وصل لكام حوالي 120 مليون دولار. كل دول وغيرهم كتير العاب نجحت وحققت ارباح كبيره جدا بالنسبه لفرق تطوير المستقل. وللاسف وسط اللي فات دوت تاثيرنا احنا كمنطقه شرق اوسط او شمال افريقيا شبه معدوم. وحتى الالعاب اللي بنشوفها اما وسيله ربح بحت او العاب ثانيه يعني عدم ذكرها يكون افضل وساعات بيكون الاثنين. ما تفهمنيش غلط انا شخصيا مش ضد انك تحاول تكسب من الالعاب. بالعكس ده الهدف الاساسي من المحتوى اللي بنقدمه على القناه. اللي اقصده هو انك لازم تراعي معايير الجوده بتاعه اللعبه اللي انت بتطلعها ويكون ليها معنى وهدف مش مجرد وسيله ربح بحت. وهنا يجي دور قناتنا كايرو برودكشنز بشكل عام موجهه للاشخاص اللي مهتمين بالالعاب وبصناعتها. ان شاء الله هنتكلم عن كل حاجه تخص الموضوع ده من ناحيه فنيه وتقنيه ازاي تسوق للعبه ازاي تحل المشاكل اللي هتواجهك اساسيات الجيم ديزاين. كل الكلام ده هنحاول نغطيه عشان يبقى عندك شويه اساسيات وخطه مبدئيه وانت بتصمم اي لعبه. تقدر تطلع العاب بجوده عاليه على الاقل تقدر تنافس شويه في السوق الخارجي. وبس كده سبحانك اللهم وبحمدك اشهد ان لا اله الا انت استغفرك واتوب اليك.