كانت عايشة بيخير حتى كلات كيك ديال عيد الميلاد ⛔️ مول الفعلة غايصدمكم

[0:00]منين كنا صغار والدينا ديما كانوا كيصيونا باش ما ناخذوش الماكله من عند اي واحد حيت ماشي كلشي باغي لينا الخير. القصة ديال اليوم بنت عندها غير 17 عام ما دارتش بهذ النصيحه، تاقت بزاف والثمن اللي خلصات كان غالي. المشكل الكبير ماشي غير هنا، المشكل الكبير في مولف على اللي حتى شي واحد ما شك فيه. مع العلم انه كان حاضر بيناتهم وشاف كل شيء كييطرا قدام عينيه. السلام عليكم، سميتي سكينه ومرحبا بكم في قناه توكي ستوريز، الناس جداد اللي اول مره كيجيو لهذه القناه. الى كنتوا من عشاق القصص الواقعيه فهذه القناه دارت لكم، كنحط جوج قصص طوال في السيمانه كل اثنين والخميس. اذا كان هذا الشيء كيهكم ما تنساوش تشتركوا في القناه وتفعلوا الجرس باش ديما يوصلكم الجديد وتشجيع ودعم منكم ما تنساوش زر الاعجاب. ودابا الا كنتوا مستعدين يلا نبداو. القصة ديال اليوم غادي تدينا للبرازيل وبالضبط لواحد المدينه سميتها ساو باولو. ت تما وغير في الاول ديال هذا العام 2025 كانت كتعيش واحد البنت سميتها انا لويزا دي اوليفرا نيفز وفي عمرها 17 عام. زادت انا لويزه في 27 ماي 2008 في واحد الاسره بسيطه. كانت هي البنت الصغيره عند والديها وكانت عندها اختها كبر منها. الطفوله ديال هذ البنت كانت عاديه بحال كاع الناس. كانوا عندها والديها اللي كيبغيوها وتهلاو فيها. كانت عندها اختها السند ديالها واخا كانوا مره مره كيتابزو سي نورمال كاع الخواتات كيتابزو ولكن كانوا كيبغيو بعضياتهم. المهم حتى شي حاجه في الحياه ديال انا لويزه ما كانت خارجه على العاده. كانت كتقرا مزيان، عزيز عليها تلعب وتخرج وتلبس بحال كاع البنات. اللي كان كيميز انا لويزه من غير انها كانت زوينه بزاف وكيوت كانت الظريفه والحنونه. باها في واحد لانترفيو قال انها كانت كتحس به الا كان مقلق ولو غير شويه. وما كترتاح حتى كترسم الضحكه على وجهه. حتى من صحاباتها قالوا نفس الشيء البنت كانت من ذاك النوع ديال الناس اللي دغيا كيحسوا بادم مغير واخا ما كيبينش. فاش طلعت للليسي وحيت كانت زوينه بزاف فكانت عندها شعبيه كبيره في ذاك الليسي. وكانوا عندها بزاف ديال المعجبين اللي يتمنوا غير تهضر معاهم. نورمالمون البنات اللي كيكونوا بحال هكا زوينات وعندهم بزاف ديال المعجبين كيكونوا عندهم بنات اللي كيغيروا منهم لدرجه كبيره. في الحاله ديال انا لويزه كان العكس كانت عزيزه على البنات ديال الليسي كاملين. كلشي كان كيبغيها وكيحترم و خلاص كانوا عندها بزاف ديال الصحابات. بطبيعه الحال ذوك البنات كاملين ماشي كانوا كلهم صحاباتها قراب ليها. كانوا كيخرجوا يتلاقوا في الليسي كيهوا مع بعضياتهم وشي حوايج بحال هكا. صحباتها النيت اللي قراب كانوا عندها شي جوج ولا ثلاثه اللي كتعاود لهم كلشي وكي عاودوا لها كلشي. اللي كتبات عندهم وكيبا عندها المهم بحال خوتاتها. انا لويزه كان الحلم ديالها فاش تكبر تكون طبيبه. و كانت نويه من مورا ما تخرج من الليسي تمشي تدفع باش تقرا الطب. كانوا عندها بزاف ديال الاهداف وبزاف ديال الاحلام والعائله ديالها كانوا كيدعموها وواقفين في جنبها. ولكن للاسف هذه البنت ما عمر ما غتقدر توصل لذاك الشي اللي كتمنى. وغير ايام قلل من مورا عيد الميلاد ديالها اللي غتكمل فيه 17 العام غادي توقع واحد الكارثه كبيره. كارثه اللي صدمات الناس كاملين فيذيك المدينه. انا لويزه كان عيد الميلاد ديالها في 27 ماي وقبل ما يوصل ذاك النهار بغات توجد لواحد الحفله هكا صغيره باش تفرح براسها وتجمع الناس اللي عزاز عليها. كانت عيطت على صحاباتها اللي قراب باش يوجدوا معها و خلاص امها واختها حتى هما كل واحد كيوجد شي حاجه. وصل النهار ديال لاني فيرسير كلشي تجمع وكلشي فرحان. انا لويسه وقبل ما تطفئ الشمع تمنت الامنيه اللي عندها في خطره اللي باغه تحقق وعاد طفاتو. فاش سالت الحفله كل واحد مشى بحاله بقاو في الدار غير مالين الدار يعني انا لويسه اختها امها وباها. و بقاو واحد جوج صحاباتها اللي انا لويسه شداتهم باش يجلسوا معها ذوك الايام حيت اصلا كانت عطله يعني ما كانوش قارئ. في ذوك الايام اللي من مور لاني فيرسير الامور كانت عاديه. انا لويزه داخله خارجه مع صحاباتها في الليل كيسوا كيتفرجوا لافلام كيطيبوا مجموعين المهم ذاك الشي اللي كيديروا الصحابات كانوا كيديروه. اختها الكبيره ماكانش كيعجبها هذا الشي ماكانش كيعجبها صحابات اختها الصغيره يباتوا في الدار. كانوا كيدي رونجي وه وكيسوا حيت ماكين عسوش بكري وهي خصها تنعس بكري حيت عندها السيستيم هو السيستيم. هذا الشي بالضبط هو اللي كان كيخلق شي مرات المشاكل ما بيناتهم يعني ما بين انا لويسه واختها. ولكن على العموم كانت عاطيه اتساع واخا شي مرات مثلا كيدابزوا صافي كتعطيها اتساع وكتخليها دير اللي بغات. دازت ثلاث ايام وفي 31 ماي انا لويسه خرجت مع وحده من صحاباتها. كانوا باتوا عندها جوج وحده مشات وبقات معها وحده اللي كان سميتها ساره. وفي ذاك النهار كانوا خرجوا بجوج يدوروا ويتقدوا شي حاجات كانوا خاصينها. وفي الدار ماكان حتى شي واحد من غير اختها الكبيره. مع ذيك الربعه ديال العشيه سمعت الدقان في الباب. فاش مشات حلت الباب لقات قدامها واحد ليفرور اللي يعني الدري ديال التوصيل وكان هز في يديه واحد الباكيج ديال الكيك. قال لها هذا الشي ل انا لويزه. اختها شدت من عنده ذاك الشي مشات نيشان حطاته في الثلاجه حيت ذاك الباكيج كما قلت لكم ديال الكيك يعني حطاته في الثلاجه باش ذاك الشي الا كان فيه الشكلاط ولا شي حاجه ما يذوبش. وصافي خلاته تما على ما تجي اختها وتعطيه لها. وصلت العشيه وبالضبط مع السبعه انا لويسه و صاحبتها رجعوا للدار. ومع دخلت مشات عندها اختها قالت لها راه وصلتك شي حاجه واحد الباكيج ديال الكيك راني حطيته لك في الثلاجه. انا لويسه استغربت شكون غادي يكون صيفط ليها هذا الشي حيت نورمالمون الاصدقاء ديالها كاملين عرضتهم للحفله. يعني الا كان شي واحد بغى يهديها كيك كان غادي يجيبها في الحفله. المهم ما فكرت بزاف حلات ذاك الباكيج باش تشوف واش فيه شي كارت اللي غيكون فيها السميه ديال شكون اللي صيفطها. مع حلت لقات فعلا واحد لا كارت صغيره ولكن ما كانش مكتوب فيها السميه ديال اللي صيفط. كان مكتوب فيها هذه هديه لاجمل بنت في الدنيا ومرسوم لتحت واحد القليب بالحمر وهي هذه اللي كتشوفوها قدامكم. ومع لا كارت كانت واحد الكيك صغيوره ديال لاني فيرسير اللي باينه اللي صيفطها صيفطها ل انا لويسه على حسب لاني فيرسير ديالها. ماكان لا سميه ولا عنوان ولا حتى شي معلومه على اللي صيفط. الباكيج كانت غير السميه ديال البراند اولا ديال الباتيسري منين صيفطت واللي كان سميتها مينينا تروفا. هذا لويست هذا عجبها بزاف ل انا لويزه. وخا ما عرفتش شكون اللي صيفط هذا الشي ولكن قالت هذا باين غيكون شي شخص اللي انا عزيزه عليه واللي بغى يدير لي هذه المفاجاه الصغيوه. صورت ذيك الكيك وصورت حتى ذيك لا كارت اللي جات معها وحطتهم في ستوري في السوشال ميديا. من بعد صيفطت ميساج في الكروب ديال الاصدقاء ديالها قالت لهم شكون صيفط لي الكيك. قالت لهم انا عارفه واحد منكم غير قولوا لي بغيت غير نعرف باش شكون ما صيفطها نشكره. ذيك الساعه كاملين بهم واحد بالواحد جاوبوها قالوا لها احنا ما صيفطنا حتى شي حاجه. وحضروها باش ما تاكلش ذاك الشي حيت ما عارفه شكون صيفطه. حتى من ذيك ساره صاحبتها اللي كتبات معها في ذوك الايام قالت لها ما تكيش هذا الكيك راكي ما عارفه شكون صيفطها. قالت لها وشكون اللي ما قالكش راه فيها شي حاجه شكون اللي ما قالكش هذا الشخص المجهول اللي صيفطها لك دار لك فيها شي حاجه. انا لويزه ردت عليهم قالت لهم هذا غادي يكون غير شي معجب سري ما قدرش يجي يعترف لي نيشان وصيفط هذا الكيك كبتي جست باش يعبر على الاعجاب دياله. قالت لهم واصلا راه صفتت من براند مشهوره ديال الكيك سمينا تروفا. ما يمكنش تكون فيها شي حاجه فبلا ما تكبروا الموضوع. انا لويسه وما عرفتش علاش وعيت نفكر كيفاش حتى تاقت باش تاكل ذاك الشي اللي ما عارفه شكون اللي صيفطه. حيت نورمالمون الانسان العادي اللي باغي يدير هذا لويست ما فيها باس ولا علاش ماغاديش يكتب السميه دياله. ومدام السميه ما مكتوبا اذا القضيه فيها ان وما خصش بمره بمره تفكر تاكلها. للاسف انا لويزه كانت بنت ظريفه وكتبغي الكلشي الخير. فكان كيسحب ليها كاع الناس بحالها وماكانش عندها ادنى فكره على الشيطان اللي صيفط ليها هذاك الكيك. وعلى شنو داير ليها فيه. انا لويسه كيف ما قلت لكم ما دت ما جابت حلت ذاك الكيك مشات جابت المعالق من الكوزينه وعيطت على اختها وصاحبتها باش يجيو ياكلوا معها. اختها ما بغاتش قالت لها دابا ما في ياكل عاد كليت. انا لويسه قالت لها لا والو غادي تجي ذوقي معنا ولو غير القيمه. ردت عليها اختها وقالت لها لا ما بغيتش هي ما بغيتش. ساره صاحبتها في الاول كانت متردده واش تاكل ولا لا قالت لها انا ما عرفت ذاك الكيك ما ارتاح لهاش خاطري. انا لويسه جاوبتها وقالت لها ويلي ما تزيش فيه شنو غادي يكون فيها كاع. في الاخر وافقت باش تاكل معها قالت لها اه عندك الصح وحتى اصلا الا طرات لنا شي حاجه طرات لنا انا وياك. خذت من يدها المعلقه باش تبدا كتاكل ولحسن الحظ لحسن الحظ ديالها التليفون صونى. قالت لهم راني كنسمع التليفون ديالي كيصوني حطت ذاك المعلقه ومشات دخلت للبيت باش تهضر. وقبل ما تمشي قالت لها شوفي خلي لي حقي على ما نرجع انا نهضر بالزربه ونرجع. ساره ماكانتش عارفه ان هذا الاتصال اللي صونا لها في ذيك الوقيت راه قد حياتها من واحد المصيبه كبيره. انا لويزه جلست مسكينه كتاكل بوحدها كالت النص ديال ذاك الكيك والنص الاخر خلاته لصاحبتها ساره. و حيت شافتها مازاله تهضر في التليفون في البيت مشات حطت ليها حقها حطته ليها في الثلاجه على ما تسالي وديك الساعه تاكله. دازت نص ساعه بالضبط انا لويزه بداها شي وجع في كرشها. في الاول بدا خفيف ولكن بدا غادي ويتزاد. والديها كانوا في الدار ولكن ما بغاتش تشطن و تقولها لهم بقات غير صابره. صاحبتها تخلعت بزاف عليها قالت لها واش نمشي نقولها لباك ولا على الاقل اختك قالت لها لا ما تقولي لحد انا غادي نبقى صابره حتى يفوتني يفوتني الوجع. شويه انا لويسه يت هزت التليفون ديالها وصيفطت ميساج في الكروب ديال الاصدقاء ديالها. قالت لهم راه جاني واحد الوجع قاصح بزاف واش هذا الشي كيبان لكم نورمال. وحده من صحاباتها ردت عليها وقالت لها واش هذا الحريق كان فيك قبل ما تاكلي الكيك اولا حتى كليتيه. قالت لها من مور ما كليته ديك الساعه جاوبتها قالت لها عندك ذاك الكيك تكون فيه شي حاجه شي سم ولا شي تخربقه بحال هكا. قالت لها خاصك ضروري تمشي للسبيطار يشوفوا شنو عندك. انا لويزه لحد الان مازال ما بغاتش تدخل راسها ذيك القضيه ديال ان الكيك تقدر تكون فيها شي حاجه. يقدر هذاك اللي صيفط يكون دار ليها تما شي سم. سوايع كيدوزوا والحاله ديالها غير ما غاده وكده. وجهها ولا مخطوف في الصفر كانت غير كتقيا لا دياري ما قداش تنوض من بلاصتها. صاحبتها ساره ما بقاتش قادره تزيد تشوفها بحال هكاك في ذيك الحاله وبلا ما دير والو ناضت ومشات للبيت النعاس عند باها وقالت لها شنو كاين. قالت لي راه بنتك مريضه بزاف ما عرفت مالها. ذيك الساعه ناض عندها ولقاها فعلا مصوته بالسخانه الجسم ديالها فاشل واللون ديال وجهها مخطوف. غير شافها في ذيك الحاله ما زادش يفكر جوج ديال المرات هز بنته هبطها للطموبيل وداها نيشان للسبيطار. من بعد ما داروا لها التحاليل لقاو ان احتمال كبير تصابت بتسمم غذائي. ولكن في ذيك الوقيت مازال ما عرفوش بالضبط اشمن نوع ديال التسمم اللي تصابت به. في ذيك الوقيت اللي كانت في السبيطار ماها واختها وصاحبتها كانوا جالسين في السبيطار مخلوعين ماقدروا ينعسوا ما قدروا يديروا حتى شي حاجه. كيتسن غير انا لويزه وباها يرجعوا ويسمعوا شي اخبار ديال الخير. ما دازش بزاف رجعوا من بعد ما عطاوها شي دوايات ودقوا ليها شي شوكات. رجع لها اللون في وجهها وما بقاتش كترد بزاف يعني بحال الا الحاله ديالها تحسنت شويه. الجسم ديالها كان مازال عيان ومدكوك ولكن على العموم الحاله ديالها كيف ما قلت لكم تحسنت. فاش وصلت تعرضوا لها مالين الدار وهما كيجريو ومخلوعين. وفاش شافوها بحال هكاك اللون ديالها رجع عاد ارتاحوا. من بعد دخلوها نيشان لبيت النعاس ديالها باش تنعس وترتاح وباها قال لها غير غادي تفيقي في الصباح غادي تكوني رجعتي صحتك وليتي لاباس. انا لويسه ضحكت وقالت لي اه عندك الصح غدا غادي نكون لاباس. كان كيسحب لهم ان البنت غير غادي تفيق في الصباح غادي تكون رجعت صحتها وصافي هذا الكابوس غادي يتنسى. ولكن كانوا غالطين هذا الشي كله اللي وقع كان غير البدايه وصافي. ومازال غادي يعيشوا ماسات كبيره اللي غادي تغير حياتهم للابد. الغد له مع ديك جويه 10 ديال الصباح فاقت انا لويزه. الليل كامل وصاحبتها واختها جالسين في جنبها ما فرقوها. كانوا خايفين لا في الليل يتزاد عليها الحال وما يكونوا ناعسين وما يسمعوهاش. مع ديك الثلاه ديال الصباح في ذيك الليله صاحبتها صافي ما بقاتش قادره تزيد تقاوم النعاس اكثر وصافي مشات نعسات. ولكن اختها ما نعسات ما غمضت حتى ثانيه. بقات حداها حاطها و الا حسست السخانه طلعت لها غير شويه كتمشي كتجري كتجيب هكا شي زيف باش تبردها. كيف ما قلت لكم مع 10 ديال الصباح ديال الغد ليه فاقت انا لويزه. كانت كتحس براسها مزيان ولكن الجسم ديالها مازال ضعيف مازال ما قادره دير والو. ذاك النهار كله دوزته في الناموسيه ما دارت حتى شي حاجه حتى لدي الربع ديال العشيه ناضت بغات دوش. ومع دخلت للدوش مازال حتى ما حيدت حوايجها طاحت فقدت الوعي. باها في الاول ما شافها حتى من بعد فاش سمع الحس ديالها مقطوع في الدوش مشى كي يجري ولقاها طايحه. ذيك الساعه هزها و مشى نيشان داها للسبيطار ومع وصل دخلوها نيشان للنعاش. في ذيك الوقيت القلب ديالها بدا كيسكت فلذلك دغيا بداو كيديروا لها الصدمات الكهربائيه. و كيديروا جهدهم كامل معها ولكن للاسف كان فات الفوت. انا لويزه اللي يلا احتفلت بعيد الميلاد ديالها ديال 17 العام فقدت حياتها مشات وما عمر غتعاود ترجع. باها كان حدا غرفه الانعاش كان غادي جاي كيتسن الاطباء يخرجوا ويفرحو بشي خبر زوين. ولكن فاش خرجوا قالوا ليه اكفس خبر ممكن يسمعوا شي اب في هذه الحياه بنتك ما قدرناش نعت قوه وماتت. احساس صعيب بزاف لا عليه ولا على العائله كاملين. كيفاش البنت يلا كانت بصحتها وفرحانه وعايشه بخير ودابا ولات جثه ما كتحركش. من بعد هذا الشيء اللي طرى البوليس دخلوا في القضيه حيت الموت ديالها ماكانش عادي. القضيه باينه للعمى ان فيها تسمم فلذلك خاص يعرفوا هذا التسمم منين جا. من بعد ما استجوبوا الناس ديال العائله ديالها والاصدقاء ديولها عرفوا ان اخر حاجه كلتها قبل ما تمرض هي ذيك الكيك اللي جاتها من عند شي واحد اللي مجهول. قلت لكم قبيله باللي فاش وصلت لها كلات غير النص وخلت النص لصاحبتها ساره دارت في الثلاجه. البوليس خداو ذاك النص اللي بقى وصيفطوه للمختبر باش يشوفوا شنو فيه. وفي نفس الوقت رجال الشرطه الاخرين مشاو لديك الباتيسري اللي صفتت منها الكيك اللي قلت لكم سميتها مينينه تروفا باش يبداو التحقيق ديالهم من تما. مع وصلوا اول حاجه قالوا لهم بعدا اشنو واقع قالوا لهم باللي بنت كلت كيك من عندكم ومرضت واليوم ماتت. الناس اللي خدامين تما تصدموا قالوا لهم هذا الشي ما يمكنش. قالوا لهم راه صيبنا بزاف ديال الكيكس و خذوهم بزاف ديال الناس وحتى شي حد ما وقع لي هذا الشي حتى شي حد ما مرض. قالوا لهم راه عندنا الكاميرات في كل بلاصه تقدروا تشوفوا التسجيلات ديالهم وتشوفوا كيفاش كنخدموا. راه ما يمكنش نديروا شي حاجه بحال هذه لشي حد. وفعلا من بعد ما دخلوا وشافوا فين كيصيبوا الكيكس وذاك الشي الاخر يعني ذاك الكوزينه ديالهم لقاو ان كلشي نقي المقادير حتى شي حاجه ما فايتها الوقت المهم. كلشي في بلاصته. وحتى في التسجيلات شافوا ان الناس اللي كيصيبوا هذا الشي كيصيبوا ذاك الشي عادي ما لاحظوا في التسجيلات حتى شي حاجه اللي خارجه على العاده يعني شي واحد كيبان كيدير شي حاجه في شكل ما لاحظوا حتى حاجه. ومن غير هذا الشيء ذوك الناس كاملين اللي كانوا خدامين في هذا الباتيسري كانوا حزينين على هذا الشيء اللي وقع للبنت. وكانوا متعاونين مع البوليس لدرجه كبيره. دابا مادام الباتيسري والناس ديالها ما عندهم حتى شي علاقه بهذا الشيء اللي وقع للبنت يعني غيخصهم يشوفوا اولا يحققوا في جهه اخرى. وهذه الجهه هي ليفرور يعني السيد اللي وصل الكيك للدار ديال انا لويزه. هذا السيد غيكون يا اما هو المجرم يا اما صيفطو المجرم. المهم غتكون عنده ضروري معلومات على هذا الشيء اللي وقع. نورمالمون هذا الباتيسري عندهم الناس اللي كيوصوا لهم الطلبيات للديور. اذا شي واحد بغى شي كيك من عندهم يقدر يكومونيها غير من الواتساب اولا من الانستغرام وكيصيفطوها ليه حتى للدار مع ليفرور ديالهم. المحققين لقاو ان كاع ذوك رجال التوصيل اللي خدامين مع هذا الباتيسري حتى شي واحد فيهم ما وصل الكيك للدار ديال انا لويزه. يعني ليفرور شي واحد اخر يعني من شي شركه واحده اخرى ديال التوصيل ماشي ديال الباتيسري. ودابا غادي يخصهم يلقاو هذا ليفرور وهذه المهمه ماشي ساهله حيت ماكين غير ليفرور واحد وانما كاينين بزاف. في نفس الوقت المستشفى سلم الجثه ديال انا لويسه للعائله ديالها باش يودعو ويدفنو. يلا هذه شي ايام تجمعوا كاملين كيحتفلوا بعيد الميلاد ديالها ودابا تجمعوا كيبكيو عليها. كلشي كان كيبكي بحرقه على هذه البنت اللي ترزات في حياتها وهي باقى صغيره مازال ما عشت والو. باها في الكنازه دار واحد الخطاب ديال الوداع هضر على بنته كيفاش كانت كيفاش عاشت شنو الاحلام اللي كانوا عندها الى اخره. قال لهم كانت النيه بزاف وحيت كانت النيه تاقت وكلت ذيك الكيك اللي ما عارفه شكون صيفطها. ماكانش عندها في بالها ان كاين بشر اللي يقدروا ياذوه لهذ الدرجه. قال لهم خسرت الحب ديال حياتي كانت هي واختها كلشي بالنسبه لي ودابا مشات وما عمر عاود نشوفها. قال لهم الرب بوحدو اللي يقدر يعطيني القوه باش نتخطى هذا الشي قال لهم انا بوحدي ما قادره. وفي هذه اللحظه كنقولها لكم بقلبي الخالص ما كرهت نتبع بنتي. كان كيبكي بحرقه لدرجه بزز باش قادر يهضر. وخا كان محروق على الموت ديال بنته انتهز هذ الفرصه فين كلشي مجموع باش يحضرهم. قال لهم انا هنا بغيت نوجه هذه الهضره لوالدين وصيوا ولادكم ما ياخذوا حتى شي حاجه من عند الغرباء راه الشياطين كاينين. الباستري اللي صفتت من عندهم الكيك اللي فيها السم ولا ما عرفت باش ماتت انا لويزه في ذاك النهار ديال الكنازه ديالها سدو. ما خدموش في ذاك النهار احتراما ليها ولوالديها ومن غير هذا الشي نشروا واحد البوست في الفيسبوك واكدوا انهم هما ما عندهم حتى شي علاقه بهذا الشي اللي وقع. وقالوا ان بالعكس البنت بقات فيهم بزاف وبلي المجرم خاصه يتشد في اقرب وقت حيت انسان خطير بزاف. في الوقت اللي كلشي مجموع على ود الكنازه ديال انا لويزه المحققين كانوا خدامين على القضيه ديالها. كانوا باغيين دغيا يتشد المجرم قبل ما يدير هذا الشي شي حد اخر. قلت لكم باللي من بعد ما تبرؤوا الناس ديال الباتيسري دابا خص ليفرور يتشد. هذه المهمه كانت صعيبه ولكن ماكانتش مستحيله. مشاو رجال الشرطه لجهه فين ساكنه انا لويزه وقلبوا على كاع الكاميرات اللي كاينين تما. كانوا باغيين يشوفوا التسجيلات ديالهم في النهار اللي جاب لها الكيك باش على الله يشوفوا وجهه ويشوفوا حتى الماتريكول ديال الموطور اللي دياله. حيت نورمالمون الاغلبيه ديال رجال التوصيل كيكونوا صايقين موطور. لحسن الحظ لقاو شي كاميرات اللي شدو ذاك ليفرور ولكن شدو غير وجه ما شدوش الماتريكول ديال الموطور دياله. وما قادرين يلقاو غير بوجه ولكن اخذ منهم وقت طويل. كون لقاو الماتريكول ساهل يدخلوا في السيستيم يشوفوا شكون مولاه وصافي هما عرفوه. لحسن الحظ عاوتاني واحد الكاميرا كانت بعيده شويه في الزنقه اللي من مور الزنقه فين كانت ساكنه انا لويزه شدت هذا ليفرور وشدت حتى الماتريكول ديال الموطور دياله. خوه دخلوه للسيستم وطلعت لهم السميه ديال مولاه. مباشره ناضوا ومشاوا عنده دابا كانوا عارفين يا اما هذا السيد كيف ما قلت لكم هو المجرم. او لا ما عنده حتى شي علاقه بهذا الشيء اللي وقع دار غير خدمته وصافي يعني وصل الكيك وصافي. فاش مشاو لعنده و شاف البوليس جايين لعنده وبداو كيهوا معه العلامات ديال الاستغراب كانوا باينين على وجهه. ماكانش فاهم اشنو بالضبط باغين منه و فاش قالوا لي كلشي حرفيا تصدم. كانت باينه فيه وواضحه انه بريء. وفعلا من بعد التحريات والتحقيقات ديال رجال الشرطه لقاو ان ما عنده حتى شي علاقه بالموت ديال البنت. دابا الا ما كانتش الباتيسري وما كانش ليفرور اذا شكون اللي دار السم في الكيك للبنت. في الاستجواب ديال المحققين مع ليفرور خداو من عنده شي معلومات اللي مهمين بزاف. قال لهم راه شي واحد شي ناس عيطوا لي باش ناخذ الكيك من الدار ديالهم باش عاد نوصله للدار ديال انا لويزه. قال لهم انا ماقلتش بالضبط العنوان اللي مشيت ليه في ذاك النهار ولكن تقدروا تشوفوا في لابليكسيشن حيت راكم عارفين الخدمات ديال التوصيل كيكونوا عندهم. قال لهم شوفوا في لابليكسيشن غادي تلقاو العنوان. حيت باش تطلب واحد الرجل ديال التوصيل يجي لعندك خاص ضروري تقيد تما العنوان. وبهكا قدروا البوليس يجبدوا العنوان اللي مشى له ليفرور باش ياخذ الكيك باش عاد ياخذ اولا باش عاد يوصلوا للدار ديال انا لويزه. و غير طلوا وشافوا العنوان ديال من اش غنقول لكم حرفيا تصدموا. العنوان ماكانش ديال شي واحد غريب العنوان كان ديال شي واحد اللي كتعرفه انا لويزه مزيان. ماشي غير كتعرفوا وصافي كانت اعز صديقه عندها. العنوان كان ديال صاحبتها ساره اللي كانت معها في هذا الوقت كامل اللي شافت كل شيء كيطرا قدام عينيها. كانت معها شافتها قدامها كتموت. البنت حيت باقى قصير ماكين التصور ديالها في الانترنيت كاينه غير هذه مضببه. ساره كانت كتمثل عليهم انها مخلوعه و خايفه على صاحبتها وهي مولات الفعله هي اللي دارت السم لوحده دخلتها لدارها و كانت كتفضلها على اختها. في نفس الوقت اللي اكتشفوا البوليس هذا الشيء كانوا خرجوا النتائج ديال ذاك الكيك اللي قلت لكم قبيله صفتوا للمختبر باش يعرفوا اشنو فيه. في النتائج لقاو ان ذاك الكيك كان مسموم كان فيه واحد النوع ديال السم اللي ما فيه لا ريحه ولا مذاق. ما كنبغيش نقول السميه ديال هذا الشي حيت انا عارفه كاين اللي ما في قلبهمش الرحمه ولا ما عارف حالف في شي حد ولا ويقدر يقلب على هذا الشي ويدير به شي مصيبه. وخا كيبان لكم هذا الشي بعيد و مستحيل ولكن مادام هذه قدرت توصل لهذا السم شكون اخر ماغاديش يقدر يوصل ليه. دابا المحققين من هذا الشي كامل عرفوا ان ساره مشات للباتيسري خدات الكيك داته للدار ديالها دارت فيه السم وذاك الشي اللي دارت عيطت ليفرور و عاطته العنوان ديال انا لويزه باش يديه ليها. و خلاص هي اللي كتبت ذيك النوطه صغيره ديال هذه هي اجمل بنت في العالم وذاك القليب وذاك الشيء. ولكن دابا السؤال اللي مازال ما عرفوش شنو هو الجواب دياله هو علاش. علاش ساره قتلت اعز صديقه عندها. مشاوا شدو وجابوها للاستجواب في الوقيت اللي شدوها تخيلوا معايا كانت مازاله في الدار ديال صاحبتها انا لويزه قال لك كانت كتواسي وهوم. فاش مشاو باش ي شدوها الوالدين ديال انا لويزه كانوا تما وفاش شافوا البوليس غاديين لعندها ما فهمو ما فهمو علاش باغيين هذه البنت. ما طاحش في بالهم انها هي اللي دارت هذا الشي هي اللي قتلت بنتهم. وفاش قالوا لهم اش غنقول لكم كانت الصدمه كبيره بزاف. صدمه اللي الدماغ ديالهم ماقدرش يتقبلها. اخت انا لويزه تبلت في بلاصتها اصلا ماكانش كتحمل صحاباتها يجيو يباتوا عندهم في الدار. قلت لكم قبيله باللي هي واختها كانوا مره مره كيدابزو على هذ القضيه ديال الصحابات. ماشي حيت كانوا كيقوا عليها اولا كانوا كيدي رونجي وه لا كانت كتخاف على اختها منهم. ماكانتش كتثق فيهم كانت كتشوف فيهم شي حاجه ماشي نورمال. انا لويزه كانت زوينه و ظريفه وكلشي كان كيبغيها وهما كانوا العكس خصوصا هذه ساره كانت خبيثه شويه ومسموومه مع الناس وحتى شي واحد ما كان كيحملها. تخيلوا معايا ان هذ اختها كانت غادي تاكل الكيك حتى هي. غير جاب الله ذاك النهار كانت يلا كلت وشبعانه وصافي ما كان فيها ما ياكل. كون كلت مع انا لويزه كون والديهم فقدوا جوج بنات ماشي غير وحده. صاحبتها ساره الا عقلت كانت دارت راسها حتى هي غادي تاكل معها. ساره ممثله خطيره. دارت راسها غادي تاكل معها وشويه قالت لها اه التليفون حق راه كيصوني. اختها دابا فاش عرفت هذا الشي يعني فاش اكتشفوا شكون من مور هذا الشي كامل بدات كترد السن تال اللور. لقات ان في ذاك النهار اللي قالت لها التليفون كيصوني ما سمعتش كاع الصوت ديال التليفون ديالها في البيت. دارت بالعاني هكاك غير باش تهرب وما تاكلش ذاك الكيك اللي عارفه فيه السم. فاش انا لويزه بداها المرض ساره دارت راسها مشطونه. سرت معها باش زعما تقابلها الا تزاد عليها الحال. للاسف فاش اكتشفوا هذا الشي كامل صافي كان فات الفوت البنت صافي مشات واللي عطى الله عطاه. شدت ساره داها نيشان للاستجواب في الاول كما العاده نكرت كلشي ولكن مع عطاوها واحد جوج صفات وكله بدات كتكر. قالت لهم بلي هي اللي دارت هذا الشي كامل شرات واحد السم من الدارك ويب ب 15 دولار ودارته في الكيك انا لويسه. والسبب علاش ببساطه ببساطه حيت كانت كتغير منها. حيت كاع الدراري اللي كيعجبوها كيتعجبوا غير ب انا لويسه بوحدها وهي ما كيديها فيها حتى شي واحد. كانت كتغير من الزين ديالها من الشعبيه ديالها في الليسي كانت كتغير من اي حاجه مرتبطه بها. عاودت لهم كل شيء قالت لهم حتى بلي في ذاك النهار الثاني يعني دابا كلت الكيك في النهار اللي من قبل لغد ليه قلت لكم باللي صبحت شويه لاباس. و قلت لكم مع الربعه ناضت باش تدوش ولكن طاحت فقدت الوعي. ساره قالت للبوليس بلي فاش طاحت شافتها ولكن ما دارت حتى شي رده فعل بقات ساكره. قالت لهم حتى دزت واحد المده قصيره عاد باها رد البال وجا كي يجري باش هزها. قالت لهم ذيك الساعه درت راسي مخلوعه و مشيت حتى انا كنجري معهم. وياريري على بشر ردوا بالكم لوليداتكم ولبناتكم مع من كيتصاحبوا راه الفاع عطاه الله. عاد اشمن الفاع حاشا هذه واش تكون لفاعه. الفعه ما عمر ما كتعد اختها هذه راه شيطان وحش في الصفه ديال بنادم. المهم قالت البوليس باللي ماكانتش ناويه تقتلها كانت بغاها غير تعاني وتمشي ليها صحتها ولكن الامور وصلت لهذا الحد. المحققين قالوا ليها درتي واحد من اخطر السموم في العالم للبنت وما كنتيش ناويه تقتليها. و بلاتي الاعتراف ديال ساره ما وقفش غير هنا اعترفت ان ماشي هذه اول مره كتسمم شي حد. فايت دارت هذا الشي لبنت واحده اخرى. غير شي جوج ديال السيمانات قبل ما تموت انا لويزه دارت نفس الشيء لشي بنت اخرى. قال لك شي بنت كتعرفها حتى هي زوينه و ما عرفت شنو حتى هي دارت لها هذا السم يت في شي شي حاجه وصيفطته ليها للدار. لحسن الحظ البنت نجت ما كثرت لهاش من هذا الشيء وبزربه داها للسبيطار و غسلوا لها المعده وعاشت. ولكن انا لويزه ماكانش عندها الزهر و ماتت. دابا نورمالمون هذه خيتي خاصها تدخل للحبس تغمل فيه ما عمر تعاود تخرج منه حيت خطره على البشريه. للاسف للاسف هذا الشيء صراحه فقني انا في القانون ديال البرازيل الا كان شي واحد في عمره ما بين 12 و 17 عام. وخا يدير الجريمه كيف ما كانت الوحشيه ديالها كيتحكم غير بثلاث سنين في الاصلاحيه. ساره ديما كنرجع لامريكا امريكا كتعجبني في الاحكام ما كتعرف لا صغير لا عجوز. اللي دار شي حاجه كتعاقب العقوبه اللي تستاهلها. ساره واخا قتلت صاحبتها وحاولت تقتل وحده اخرى على والو غادي تدخل ثلاث سنين وغادي تخرج في 2028 تكمل حياتها عادي. وشكون قال لهم ماغاديش تعاود دير هذا الشي اللي دارت لشي وحده اخرى غير حيت غيره منها ولا ما عرفتش. العائله ديال انا لويزه بطبيعه الحال ما عجبهمش الحكم نهائيا ولكن حيت هذا الشي في القانون فما كان عندهم ما يديروا. الاب ديال انا لويزه من مور هذا الشيء اللي وقع ولا ديما كيحضر الناس يردوا بالهم. ماياكلوش اي حاجه من الغرباء وحتى من الناس القراب الا شكوا فيهم. وقال ان اي والدين خصهم يتحاوروا مع ولادهم على الاحاسيس ديالهم. على الشعور ديال الغضب والغيره و ديال الحسد. الغيره شي حاجه عاديه كاينه في الانسان. كاين اللي ذيك الغيره كتحفز باش كيغير حياته للافضل وكاين اللي كتحول عنده الحسد وكيولي باغي ياذي ذاك الشخص اللي كيغير منه اولا اللي كيحسده. لذلك خاص اي واحد يتحاور مع ولاده ويعرف الاحاسيس اللي عنده و يشرح ليه وبزاف ديال الحوايج باش يعلموا كيفاش ينظم الاحاسيس دياله كيفاش يتعامل مع كل احساس عنده. هذا الشي اللي وقع لهذ الناس صعيب بزاف وما فاقوا وعاقوا حتى كان فات الفوت. كانوا كيدخلوا وحش لدارهم وكتاكل معهم و عايشه في وسط منهم وهي شو شنو فاش فكرت. انا كام صعيب علي نحط راسي في بلاصه هذا الناس. صعيب نتخيل ان شي حاجه بحال هذه تقدر توقع لبنتي فعلى ذاك الشي ديما خصنا نردوا البال. كانت هذه القصه ديال اليوم شكرا بزاف حيت كملتها حتى اللخر ما تنساوش تدعموني بزر الاعجاب و كما العاده نتلاقاو في قصه جديده تهلاو.