انواع الشركات في مصر وأهمية التفرقه بينهم

[0:00]السلام عليكم، ايه الاخبار؟ ان شاء الله هنتكلم النهارده عن انواع الشركات في مصر، ودي الحلقه الثالثه من كورس محامي الشركات.

[0:14]في الفيديو ده هنعرف الاجابه على خمس اسئله مهمين جدا، وهم اول واحد ما هو انواع الشركات في مصر؟ ما هو معيار التفرقه بين الشركات؟ كيف يتم معرفه نوع النشاط؟ ما هو الهدف من معرفه نوع النشاط او ما اهميه التفرقه بين الشركات قضائيا؟ السؤال الاول ما هو انواع الشركات في مصر؟ السؤال ده لو اتسال لك من اي مستثمر مصري او اجنبي ايا كان بيسالك هي ايه انواع الشركات اللي في مصر؟ السؤال الاجابه التقليديه ان انت تقول له والله عندنا شركات اشخاص وشركات اموال، لا دي كده اجابه غلط، الاجابه الصحيحه ان احنا عندنا في مصر نوعين من الشركات شركات مدنيه وشركات تجاريه. ما هو معيار التفرقه بين الشركات المدنيه والتجاريه؟ معيار التفرقه بينهم هو النشاط. اذا كان النشاط ده تجاري بنسس شركه تجاريه، اذا كان النشاط ده مدني بنسس شركه مدنيه. طيب انا هعرف منين اذا كان النشاط ده مدني ام تجاري؟ ايه اللي هيعرفني مفهوم النشاط التجاري؟ بعرف مفهوم النشاط التجاري من قانون التجاره الجديد رقم 17 لسنه 1999. ودي بالتحديد بتراجع المواد من من رقم 4 لرقم 10. مفهوم النشاط التجاري هعرفه هعرفه من الماده 10 من قانون التجاره الجديد رقم 17 لسنه 1999 واللي نصت على يكون تاجرا. كل من يزاول على وجه الاحتراف باسمه ولحسابه عملا تجاريا. كل شركه تتخذ احد الاشكال المنصوص عليها في القوانين المتعلقه بالشركات ايا كان الغرض الذي انشئت الشركه من اجله. اذا النشاط التجاري هو كل عمل يقوم على البيع والشراء بقصد الربح وبشكل احترافي. ومن هنا هنعرف عناصر النشاط التجاري اللي هي البيع والشراء بقصد الربح وعلى وجه احترافي. العمل اللي بيتتوفر اللي بيتتوفر فيه هذه العناصر اللي هي البيع والشراء بقصد الربح وعلى وجه احترافي فده مشروع تجاري بيلزموا بطاقه وسجل يعني يلزمه تاسيس شركه تجاريه بصفه عامه. انما لو نشاط ما فيهوش البيع والشراء بقصد الربح هنا فقد عنصر مهم جدا من عناصر الشركه التجاريه ولا يصح ان يطلق عليه نشاط تجاري. طيب مثل ايه طيب زي ايه طيب؟ مكاتب المحاماه او شركات المحاماه دي شركات مدنيه. الحاجه الثانيه الفلاح، الفلاح بيبيع ويشتري بقصد الربح ولا يوجد فيه احترافيه. هنا فقد عنصر مهم جدا من عناصر النشاط التجاري فيطلق عليه نشاط ايه؟ نشاط مدني. نصت على الكلام ده الماده 9 من قانون التجاره الجديد بقولها لا يعد عملا تجاريا بيع المزارع منتجات الارض التي يزرعها سواء كان مالكا لها او مجرد منتفع بها. ايه الهدف من معرفه نوع النشاط عما اذا كان مدني ام تجاري؟ او ايه اهميه التفرقه بين الشركات قضائيا؟ المهم بالنسبه لي رقم واحد هيعرفني القانون الواجب التطبيق. في الشركات المدنيه بطبق القانون المدني، في الشركات التجاريه بطبق قانون التجاره الملغي رقم الصادر في 13 نوفمبر سنه 1883. الخاص بشركات الاشخاص الجزئيه الخاصه بشركات الاشخاص وقانون رقم 159 لسنه 1981 لو شركه اموال. يبقى انا لو شركه اشخاص بطبق نصوص قانون التجاره الملغي الصادر في 13 نوفمبر 1883، ولو شركه اموال بطبق نصوص قانون رقم 159 لسنه 1981 لو شركه اموال. رقم اثنين بيعرفني الاختصاص القضائي في حاله وجود نزاع. الشركات المدنيه بينعقد الاختصاص فيها للمحاكم المدنيه، الشركات التجاريه بينعقد الاختصاص فيها للمحاكم التجاريه القلم التجاري، التحكيم المحاكم الاقتصاديه.

[3:50]من اهميه التفرقه بين الشركات قضائيا التقادم. مده سقوط الحقوق لاطراف الشركات المدنيه 15 سنه، مده سقوط الحقوق لاطراف الشركات التجاريه 5 سنين. يعني اطراف الشركات التجاريه لو ما طلبش بحقه لمده خمس سنين يسقط حقه. لو جاء لك حد في مشكله وقال لك والله انا كنت انا شريك في شركه كنت شريك في الشركه او طرف في شركه تجاريه ايا كان وفي لي حق طيب انت هتساله اول حاجه مرت مرت مده قد ايه؟ لو اكثر من خمس سنين ما فيش اي حاجه تعملها ثاني لان كده سقط الحق في النقطه دي. تمام؟ لان اطراف الشركات التجاريه لو ما طلبش بحقه لمده خمس سنين يسقط حقه. وبكده نكون وصلنا لنهايه الفيديو، يا ريت لو في اي حاجه انا ما عرفتش اوصلها كويس او في استفسار باي حاجه من الفيديو اكتب لي في تعليق ورد عليك في اقرب وقت. شكرا، السلام عليكم.