[0:06]Hello friends, is video se hum chapter one discuss karna shuru karenge. Chapter one hai hamara Introduction to Research Analyst Profession, ki research analyst ka kya role rehta hai? Ek acche research analyst mein kya-kya qualities honi chahiye? Aur research analyst jab bhi management ya phir client se baat karega, toh unhe kin cheezo ka dhyan rakhna chahiye? Is chapter ke exam mein weightage one mark ki hai, yani ki isse ek MCQ question aayega. Sabse pehle baat aati hai ki research analyst ka role kya rehta hai? Aap maan lo market mein ek mobile phone purchase karne jaate ho, to aap kya karoge? Sabse pehle dekhoge ki aapko kis brand ka phone purchase karna hai, phir us brand ke andar multiple options hai. Aap uske features ko dekhoge, ki usme camera kitni quality ka hai? Battery kitne mAh ki hai? Phir uski price range kya hai? Accordingly aap decision loge.
[1:06]Toh ye saare factors ki aapko kis brand ka phone lena chahiye, kya features rehne chahiye? Isko aap khud bhi research kar sakte ho, apne dost se bhi puch sakte ho ya phir aap ek expert ki guidance le sakte ho. Same cheez investing mein work karti hai. Agar maan lo aapko stock market mein invest karna hai, toh aap kya karoge? Aapko jis company ka stock buy karna hai uske baare mein pata karna padega ki mujhe iska share buy karna chahiye nahi karna chahiye, karna chahiye to kis price par buy karna chahiye? Basically aapko company ke baare mein research karni padegi. Toh ye research aap khud bhi kar sakte ho, apne friend se bhi puch sakte ho ya phir ek expert ki advice bhi le sakte ho. Is case mein jo aapka expert rahega vo kya hai? Research analyst. Har ek ke apne-apne advantage aur disadvantage hai. Jaise agar aap self research karte ho toh aapko time dena padega. Properly online jaakar alag-alag website dekhni padegi, company ki jo reports hai unko study karna padega, toh aapka time jayega. Aur saath mein aapko company ki reports mein jo numbers diye hain vo samajh aaye uske liye aapko knowledge bhi honi chahiye. Aapko books vagera padh ke knowledge bhi acquire karni padegi, to self research mein time bhi jayega aur knowledge acquire karne mein bhi time lagega. Phir agar aap apne ek friend se puchhte ho jo already stock market mein invest karta hai, aap uski salah lete ho toh aapko kya hoga? Time toh aapka save ho gaya, lekin aapko wo information kitni reliable lagti hai? Agar aapka friend ek expert hai toh theek hai. Otherwise usne jo information di usne kisi tip ke basis par de di ya phir usne usme invest kar rakha hai uske basis par de di. Toh wo information aapko reliable ho bhi sakti hai ya nahi bhi ho sakti. Phir jab aap expert ke paas jaate ho, basically ek research analyst ke paas jaate ho, research analyst kya hai, jiske paas is subject ke baare mein poori knowledge hai. Toh wo aapko sahi se guide kar sakta hai, lekin iske liye wo aap se ek charge lega. Toh jab aap expert ke paas jaoge toh aapka time bhi bachega, aapko reliable information bhi milegi. Lekin uske badle mein aap se wo charge karega, to ye thodi si costly rahegi. Toh aapko dekhna padega ki aap inmein se kaun si approach ko decide karte ho. Now hum baar-baar keh rahe hain ki humein company ke baare mein research karni padegi. Agar humein kisi company ka stock buy karna hai toh kya keval humein uske baare mein research karni hoti hai? Ki aur kya-kya factors hote hain jinke baare mein humein pata hona chahiye? Toh humein EIC framework, is basis par hum research karte hain. EIC kya hai? Economy, Industry, Company. Economy mein aapka kya aata hai? Overall apne India ki condition kya hai? Uski GDP kaisi hai? Uska employment rate kaisa chal raha hai? Inflation kaisa chal raha hai? Overall market ki situation kya hai? Market downtrend mein hai, uptrend mein hai ya phir market mein future ki expectation kya hai? Toh aap economy ka analysis karte ho. Phir economy ke andar aapki multiple industry hoti hai, jaise banking industry ho gayi, infrastructure jaise aapke road projects, railway projects. Jo bhi infrastructure development se related projects hain, wo aapki infrastructure industry mein aa gaye. Phir aapki IT industry TCS, Infosys, Wipro, ye saari aapki IT industry mein aa gayi. Toh aap industry ko study karte ho ki future mein kis industry ke grow karne ke chances zyada hai? Phir aapne industry finalize kar li, uske baad aap dekhte ho ki is industry mein mujhe kis company ke stocks mein invest karna hai? Jaise agar banking ki baat kare, aapke paas HDFC Bank ho gaye, Kotak Bank ho gaye, IndusInd Bank ho gaye, multiple companies ek industry ke andar ho sakti hai. Ve ek dusre ke competitor hai, ek tarika toh kya hai ki aap sab mein invest kar do ya phir aap industry ke andar companies ko study karo aur jo aapko achhi companies lagti hai unke andar invest karo. Toh aapko poori economy ki, phir us industry ki aur phir jis company mein aap invest karna chahte ho, un sab ki research karni padti hai, unke baare mein study karna padta hai. Ab jab aap kisi company ke baare mein research karoge to aap keval unke quantitative yani ki profit loss in sab ko nahi, unki qualitative factors, jaise ki management ki quality kaisi hai? Uska work ethics kaisa hai, in sab ko bhi dhyan mein rakhte ho. Toh aap kisi company ke baare mein do type se research karte ho, qualitative factors ki, quantitative factors ki. Qualitative mein toh aapki management ki quality kaisi hai? Vo company ko aage grow kar sakti hai nahi kar sakti. Quantitative mein kya ho gaya? Uss company ki abhi sales kitni chal rahi hai? Uski costs kitni hai? Uska profit kitna hai? Basically sara number games usko analyze karte ho, jiske basis par aap dekhte ho ki abhi jo current market price chal raha hai wo sahi hai ya phir nahi hai. Phir jo research analysts hote hain, unko mainly teen categories mein rakha gaya hai. Buy side research analyst, sell side research analyst aur independent research analyst. Buy side analyst ka matlab kya hai? Inka stock buy ya phir stock sell ki recommendation se koi lena-dena nahi hai. Inka main hai ki ye kis type ke logo ke liye kaam karte hain, uske basis par ye division kiya gaya hai. Jaise buy side wale jo log hote hain, vo aise fund manager ke liye kaam karte hain jo research ka use khud ki investment ya phir apne clients ki investment ke liye karte hain. Jaise ki aapke mutual funds ho gaye, pension funds ho gaye, hedge funds ho gaye. Bade-bade jo bhi funds ho gaye, ve kya karte hain? Research karte hain aur uske basis par khud ki investment, khud ke liye stock buy aur sell karne ka kaam karte hain. Ye reports keval internal consumption, khud ki consumption ke liye use hoti hai. Inhe kabhi bhi public domain mein publish nahi kiya jaata. Phir jo sell side ke analysts hote hain, ye kya karte hain? Publicly research ko publish karte hain. Aur saath mein recommendation dete hain ki jis bhi company ke baare mein inhone research kari usko buy karna hai, hold karna hai ya phir sell karna hai. Toh ye research ko publicly publish karne ke liye kaam karte hain. Aur generally kis type ke logo ke liye kaam karte hain? Jo ki advisory services provide karti hai apne clients ko ya phir broking firm hoti hai. Jaise ki aapki Angel Broking, Motilal Oswal, ye sab kya ho gaye? Inhone apne aap ko as a broker register kar rakha hai. Ki aap inke platform par agar Demat account kholte ho toh inhein uske badle mein brokerage milti hai. Jo bhi trade aap unke platform par karoge toh uske badle mein inhein brokerage milegi. Aur saath mein kayi baar inhein research report ko publish karne ke liye bhi paisa milta hai. Toh inka main income ka source kya hota hai? Ki ek toh jo research ko publish karne ke liye jo inhe paisa milega, second inke platform par aakar agar koi trade karega toh inhe uske badle mein brokerage milegi. Toh sell side wale kya karte hain? Publicly publish karne ka kaam karte hain. Buy side wale kya karte the? Internal consumption, publicly publish nahi karte the, khud ki investment ke liye research karte the. Third type aata hai Independent. Ye kya hote hain? Ye full-time research analyst ka kaam karte hain. Basically ye research karenge aur apni report ko sell karenge. Vo ho sakta hai ki client ne subscription le rakha ho ki monthly ya phir annual subscription le rakha hai ki aap humein apni research report doge. Inke clients kya ho sakte hain? Koi bhi ho sakta hai. Mutual fund bhi ho sakta hai, retail investor hamare aapke jaise log bhi ho sakte hain, bade-bade institution bhi ho sakte hain, koi bhi ho sakta hai. Jinhone bhi inka subscription le liya, jinhone bhi inse report kharid li wo inka client ho jayega. Agar kisi ko customized report ki zaroorat hai ki mujhe toh is company ke baare mein ye-ye cheezo ke regarding information chahiye. Toh independent research analyst wo customized report bhi provide karke dete hain. Obviously ek fee ke badle mein. Toh buy side wale kya karenge? Khud ki investment ke liye research karenge. Sell side publicly publish karenge aur main aim rahega ki hamare platform par agar log trade karein aur usse hum brokerage earn karein. Aur independent kya ho gaye? Full-time research analyst ka kaam kar rahe hain. Ki humne jo bhi research kari use hum bechhenge. Wo subscription base par bhi ho sakta hai ya phir one-time fee ke badle mein bhi ho sakta hai aur hum customized report bhi prepare karke de denge. In teen main categories ke alawa, aapki newspaper mein bhi research report publish hoti hai aur media jaise ki TV ho gaya. Ye bhi research report publish karte hain, research aapko karke dete hain. Ab jo hamara research process rehta hai, ek research analyst ko research karke deni hai toh uska poora process kya rehta hai? Sabse pehle use data collect karna padega, phir usko analyze karna padega aur us analysis ke base pe recommendation deni hogi ki buy karna hai, sell karna hai ya phir hold karna hai. Ab jo data collect kar rahe hain, data toh bahut sara padha hai internet par, lekin humein trusted source usi se collect karna chahiye. Hum online publish reports se bhi le sakte hain, online bahut sari websites hain wahan se bhi le sakte hain. Phir jo company ki management hai, jis company ke baare mein hum research kar rahe hain, us company se meet bhi kar sakte hain. Company research analyst se meet karti hai aur unke questions ka answer karti hai. Toh hum company ki management se meeting karke bhi data collect kar sakte hain. Phir hum client se bhi meeting kar sakte hain ki unhe kis type ka data chahiye aur jab hamari research poori ho jayegi client ko humein communicate bhi karna padega ki hamari findings kya rahi. Ab jab hamara data collect ho gaya toh humein use analyze karna padega. Analysis mein kya rahega? Basically past performance, company ne past mein kaisa perform kiya aur future mein iski expectation kya hai? Future mein kaisa perform karegi uske baare mein hamara analysis rahega. Ab jab humne analysis kar liya toh hum us company ke stock ko recommend karenge. Ho sakta hai ki humein buy karna ho ya phir sell karna ho ya phir agar hamare paas padhe hain to hold karna ho, new buy nahi karna hai. Toh sabse pehle data collect karte hain, phir usko analyze karte hain aur uske basis par apni recommendation dete hain. Ab jab hum company ke management se meet karenge toh humein kuch principles ka dhyan rakhna chahiye. Sabse pehle toh hum company ke management se milte kyu hain? Kyuki vaise toh internet par bahut sara data hai lekin sab kuch available nahi hota. Jaise company ki strengths kya hai, company ki weakness kya hai, company ki opportunities kya hai. Ye sara data generally internet par available nahi hota. Internet par kis type ka data available hota hai? Company ki balance sheet, company ne kitna profit kamaya, company ka business model kya hai. Is type ka data available hota hai. Par company ki future opportunities kya hai, uski strength kya hai, uski weakness kya hai. Ye sara data generally company ki management se milkar hum le sakte hain. Aur jab bhi ek research analyst company ki management se milega toh use kuch basic principles ka dhyan rakhna chahiye. Jaise ki sabse pehle toh use pre-meet research karke jaani chahiye ki main kis type ke questions puchunga. Kya mera agenda rahega? Mujhe kya-kya information company se chahiye. Phir mujhe company ke baare mein knowledge honi chahiye ki uska business model kya hai, uski annual reports kya hai. Last year usne kitna profit kiya tha, kitna loss kiya tha. Basically jo bhi data company ke baare mein internet par available hai, uski use study karke jaani chahiye. Taki jo internet par data available nahi hai, wo uske baare mein zyada clarity le sake management se. Phir second research analyst ko hamesha unbiased view dena chahiye. Jaise ki maan lo main cigarette nahi peeta toh aisa nahi hona chahiye ki agar main kisi aisi company ke paas ja raha hu jo cigarette bana rahi hai toh main uske baare mein biased opinion bana du. Ki nahi ye company toh bekar hai isme kabhi invest nahi karna chahiye. Hame keval factual data ki company growth kis rate se kar rahi hai, uska business model kaisa hai, uski future mein expectation kya hai, achha perform karegi nahi karegi. Hame data ke basis par apna view banana hai, independent hamare ethical ki hum cigarette nahi peete to cigarette wali company ko bekar keh denge. Hum alcohol nahi peete to alcohol wali company ko bekar keh denge, aisa nahi hona chahiye. Hamara unbiased view hona chahiye. Phir hame kabhi bhi insider information nahi puchhni chahiye. Insider information kya hoti hai? Aisi price sensitive information jo ki abhi public domain mein nahi hai. Price sensitive information kya hui? Aisi information jis se ki stock ka price effect ho sakta hai, stock ka price up ya down ja sakta hai aur aisi information jo public mein nahi hai wo insider information kehlati hai. Toh hame kabhi bhi management se aisi information nahi puchhni chahiye aur management ko special bata dena chahiye ki aisi information wo kabhi bhi disclose na kare. Phir hum hamare network ka use kar sakte hain. Jaise ek company hai uske competitors bhi honge, usko koi maal supply bhi kar raha hoga. Uske maal ko koi distribute bhi kar raha hoga toh hum un logo ke paas jaakar bhi puch sakte hain ki company kaisa perform kar rahi hai. Company ka maal bik raha hai nahi bik raha. Toh hum ye sari cheeze bhi kar sakte hain. Phir humein jo bhi question puchhne hain uski clarity honi chahiye. Ambiguous question nahi puchhne ki question hi clear na ho ki kya pucha hai. Kyuki jab bhi aap management se meet karte ho toh time limited rehta hai. Aapko do se chaar minute ka hi time milta hai usme aapko apna question bhi puchhna hai aur management ko aapke question ka answer bhi karna hai. Kyuki bahut sare research analysts wahan par baithe hote hain, it's like a press interview ki ek question aap puch rahe ho phir dusra puchega phir tisra puchega. Aapko kya question puchhna hai uski clarity honi chahiye aur to the point hona chahiye.
[13:57]Iske saath aapko dhyan kya rakhna hai? Kyuki management to company ki hai. Vo company ke baare mein ho sakta hai ki keval positive hi bole ya phir koi choti si positive news hai usko badha-chadhakar bole. Har koi apni company ko as a positive hi represent karna chahta hai. Toh management ho sakta hai ki aapko mislead karne ki koshish kare, keval company ke positives bata kar ya phir jo positives hain unko exaggerate karke. Toh hamesha jo bhi company ka management bol raha hai aapko use cross verify karna chahiye data ke saath ki wo data se match kar raha hai ya nahi kar raha. Ab jab aapki research poori ho gayi toh aapko apni findings client ke saath communicate karni padegi, unke saath share karni padegi. Toh client ke saath jab bhi aap apni research ko share karoge toh us time par aapko kin cheezo ka dhyan rakhna hai? Sabse pehle toh jo bhi aap report banaoge uski language simple honi chahiye, clear honi chahiye aur concise report honi chahiye. Ye nahi ki aapne multiple pages ki bhar di report, client ke paas itna time nahi hai ki wo aapki poori ki poori book padh le. Toh concise, choti report honi chahiye aur simple language mein honi chahiye. Aapko hamesha tough words ko avoid karna chahiye ya phir technical jargons jo ki aapko samajh aate hain lekin aapka client toh kya hai? Wo research analyst nahi hai. Wo toh ek simple person hai, usko samajh aaye aise hi words ka use karna chahiye. Phir jis company ke baare mein aap research kar rahe ho, agar aapka uske saath kuch conflict of interest hai. Jaise ki maan lo aapne us company ke share buy kar rakhe hain, toh usme kya hoga aapka conflict of interest aa gaya. Ki aapke paas share hai company ka price badhega to hi aapko fayda hoga. Toh isse kya lagta hai ki aap company ke baare mein positive hi bataoge. Isliye report ke saath-saath aapko apna conflict of interest bhi disclose karna padta hai. Ki aapke paas shares hain ya nahi hain ya phir aur koi conflict of interest hai, jaise ki aap company ke management ko jaante ho, wo aapka relative hai. Is type ke sare interest ko aapko disclose karna padta hai. Jo report banate hue aapne assumption li hai unko bhi disclose karna padta hai. Report banate hue ho sakta hai na ki koi data aapko clear na ho aur wahan par aapne koi cheez assume kar li ho. Toh jo bhi cheez aapne assume ki hogi usko clearly state karna zaroori hai. Phir aapki jo report hai wo independent honi chahiye. Yani ki aapne khud ne banayi hai. Aap ye nahi keh sakte ki report mein maine ye likha hai ye mera nahi hai, ye mere kisi colleague ne mujhe bata diya tha toh maine likh diya hai, aisa nahi hoga. Jo bhi report mein opinion hai wo aapka rahega. Saath mein unbiased report rahegi, jaisa ki humne pehle baat kiya tha ki aapka koi ethical perspective hai uske basis par nahi, aapko factual data ke basis par report banani hai aur wo unbiased honi chahiye. Agar aap chahein toh technology, jaise ki recording device, jab aap management se meet kar rahe ho ya phir client se meet kar rahe ho, recording device ka use kar sakte ho. Lekin usko use karne se pehle aap client ya phir management ki permission le lo. Agar wo allow kare toh aap inhe use kar sakte ho. Taki jo bhi aapki meeting discussion hui aap use baad mein sunkar recall kar sakte ho.
[17:34]Last topic aata hai, ek research analyst hai uske paas kya-kya qualities honi chahiye? Sabse pehle toh hame company ke data ko analyze karna hai, uske profit, loss, balance sheet in sab ko analyze karna hai. Hame numbers ke saath good hona chahiye, hame wo numbers samajh aane chahiye. Phir hame Excel aur other data analytical tools, basically ye tools kya hote hain? In mein aap formulas laga sakte ho aur data ko represent kar sakte ho. Toh in sab tools ke baare mein aapko knowledge honi chahiye, taki jo bhi aapke paas data aaya aap usko analyze kar sako. Phir financial report ko aap padh rahe ho toh aapko financial concept ki kis term ka kya meaning hota hai, kaun si cheez kya represent karti hai uske baare mein clarity honi chahiye. Phir jo bhi company financial reports publish karti hai, aapko use read karna aana chahiye ki kaise dekhte hain aur usko kya meaning lena hai. Phir aapke paas ability honi chahiye ki aap relevant questions ko ask kar sako. Aapko kya question puchhne hain aapko pata hona chahiye. Phir attention to details ki aapko cheezo ko bariki se analyze karna aana chahiye. Maan lo company ne ek chota sa note side mein de diya jisme koi important information hai. Toh aapko use bhi pakadna aana chahiye. Phir aapki communication skill achhi honi chahiye. Both written and verbal, verbal kyu? Kyuki aapko management aur client se baat karni hai. Written kyu? Kyuki aapko research report banani hai. Toh aapki dono hi skill achhi honi chahiye. Iske saath hamare Chapter One ke concept poore hote hain. Ab time aa gaya hai ki hum is chapter ke MCQ questions dekh le ki exam mein humse kis type ke questions puche ja sakte hain.
[19:59]Pehla question hai, what is the role of a research analyst? Research analyst ka role kya hota hai? RA are only involved in the analysis of data, keval data ka analysis karte hain. RA's are only involved in collection of data, keval data ka collection karte hain. RA's help in financial planning of their client, apne client ki financial planning mein help karte hain. RA's help their clients take informed decisions, apne clients ko informed decision mein help karte hain. Toh iska correct answer hai option D. RA's kya karte hain? Data collect karte hain, phir usko analyze karte hain. Uske basis par apni recommendation dete hain, apni rai dete hain ki unke according unhe kya lagta hai. Client ko information mil gayi to uske basis par apna decision client khud le sakta hai. Ye client ko decision lene ke liye force nahi karte apni rai dete hain uske baad client ki choice hai ki wo kya decision lena chahta hai. RA's help their clients take informed decisions. Second question hai, sell-side analysts generally work for money managers like mutual funds, hedge funds, and portfolio managers who purchase and sell securities for their own investment accounts or on behalf of their clients. Sell side analysts generally money managers jaise ki mutual fund, hedge fund, portfolio manager, unke liye kaam karte hain jo ki khud ke liye stock ko buy ya phir sell karte hain. Ye statement true hai ya phir false hai? Ye statement false hai. Kyuki ye jo definition humein di hui hai ye buy side analyst ki hai. Sell side analyst toh publicly publish karte hain reports ko. Third question hai, analysis and decision making, the two imperative parameters of a research analyst's role are affected by which of the following factors? Analysis aur decision making, ye kin factors se effect hota hai? Management Ethics, Revenue and Costs, Efficiency of operations, All of the above. Toh jab bhi hum analyze karte hain company ko toh hame qualitative aur quantitative, dono factors ko dhyan rakhna hota hai. Management ethics, work ethics kaise hain, efficiency of operation ye aapke kis mein aa gaye, qualitative mein aa gaye. Revenue aur cost kis mein aa gaya? Quantitative mein aa gaya. Toh ye sare hi factors matter karte hain, isliye option D, all of the above. Which of these qualities are desired in a good research analyst? Ek good research analyst mein kya-kya qualities honi chahiye? Knack for numbers and interpretation ki use number samajh aane chahiye aur uska meaning kya hai wo bhi use samajh aana chahiye. Clarity in financial concepts, ability to read and understand financial statement, All of the above. Toh ek acche research analyst mein ye sari hi qualities honi chahiye. Option D, all of the above. The work of a research analyst can be hampered by dash. Research analyst jo kaam kar raha hai usko kis se hamper ho sakta hai? Lots of unnecessary and irrelevant information, ki jahan se bhi wo data collect kar raha hai wahan par bahut sari unnecessary aur irrelevant information hai. Contradiction of data from multiple sources, ek source keh raha hai ki ye data sahi hai, dusra source keh raha hai ki ye data galat hai. Toh contradict ho gaya? Alag-alag resources se jo data mil raha hai wo aapas mein ek dusre ko contradict kar raha hai. Inaccessibility of data, wo data ko access nahi kar pa raha. All of the above. Toh in sari cheezo se research analyst ka kaam mushkil ho jayega. Option D, all of the above.
[24:02]Most of the data required for a research report is readily available, except: Jo bhi humein research report ke liye data chahiye, mostly toh easily available hota hai lekin in mein se kaun sa data easily available nahi hota? Competition in the industry, industry mein competition kaisa hai? Financial data, Views of the management on future opportunities and threats, Business model. Toh is mein se competition in the industry, financial data aur business model, ye sab toh aapko easily internet par mil jayega. Lekin company ki future opportunities kya hai, threats kya hain, ye aapko management se meeting karke hi pata chalega. Internet par easily ye data nahi milega. Isliye option C, Views of the management on future opportunities and threats. A research analyst gives his views and recommendations on a company based on dash. Ek research analyst ko jo bhi apna view aur recommendation deni hai company ke baare mein wo kis basis par deta hai? Personal understanding of the business, ki uski business ki understanding kaisi hai? Personal understanding of the industry, uski industry ki understanding kaisi hai? Communication with management, jo usne management se communication kiya hai. All of the above. Toh ye sare hi factors involve rehte hain, isliye correct answer hai option D. Jab bhi humein koi apna recommendation ya phir view dena hota hai, humara ek to independent view hona chahiye. Yani ki hamari understanding kaise hai, jo bhi data humne analyze kiya uske basis par hamari business ki understanding kaise hai, industry ki understanding kaise hai, economy ki understanding kaise hai. Toh ye dono toh true hi ho gaye. Phir hum data collect karne ke liye management se meeting kar sakte hain, unse communicate kar sakte hain, toh ye bhi true ho gaya. Isliye option D, all of the above. The job of research analyst involves dash. Research analyst involves dash. Taking investment decision. Convincing the investor to buy securities, data collection and its analysis, all of the above. Toh research analyst ka kaam kya hai? Data ko collect karna, analyze karna aur recommend karna, apni rai dena ki use kya lagta hai. Investment decision phir client apne aap le sakta hai.
[26:44]Isliye option C, data collection and its analysis. Research Analysts facilitates the decision making by the investors in both investments and disinvestments. Buy time par bhi facilitate karte hain aur sell time par bhi facilitate karte hain. Ye statement true hai ya phir false hai? Toh ye statement true hai. Research analyst ek company ke baare mein research karte hain aur uske basis par buy sell ya phir hold ki recommendation dete hain. Wo aapko invest karni hai ki aapne abhi tak share buy nahi kiya aapko new investment karni hai. Toh us time par bhi research analyst kaam mein aayega. Aur agar aapke paas shares already padha hai, aapne already investment kar rakhi hai aur aap usmein se kuch paisa nikalna chahte ho. Toh us time par bhi research analyst kaam mein aayega ki aapko ise sell karna chahiye ya nahi karna chahiye. Isliye ye statement true hai.
[27:51]Last mein aap logo ke liye bonus question hai jiska answer aapko comment karke batana hai. Research analysts, while meeting the management of companies, can seek information which is still confidential and not in public domain. True or False? Jab research analyst company ki management se meet kar rahe hain toh kya wo aisi information seek kar sakte hain management se jo ki confidential hai aur abhi public domain mein nahi hai. Basically insider information. Ye statement true hai ya phir false hai? Iska answer aap mujhe comment karke bataiyega.
[28:39]Iske alawa aapko kuch bhi doubt ho aap mujhe puch sakte ho. Thank you guys.
