⁨ تتبيله للفراخ ف نص ساعه تكون جاهزه +رز المبهر ❤️❤️ #ناديه_السيد #دجاج_فالفرن

[0:00]اسرع تتبيله منقذه للفراخ تكون جاهزه في نص ساعه وطعمها مش هتصدقوه وهنعمل معاها كمان رز مبهر بتاع المطاعم باسهل طريقه. معايا دبابيس فراخ بعمل فيها فتحه بالشكل ده تقدروا تستخدموا فراخ كامله صدور اي حاجه. معلقتين كبار مليانين من الزبادي، معلقتين كبار معجون صلصه طماطم، نص كوبايه من الزيت وممكن اقل من كده لو حابين. معلقه صغيره بابريكا، معلقه متوسطه بهارات فراخ، معلقه متوسطه كركم، ربع معلقه صغيره من الكمون، معلقه كبيره مليانه من مرقه الدجاج البودره، ملح وفلفل اسود بس ما تزودوش الملح عشان المرقه فيها ملح. وهكتب لكم كل البهارات تحت الفيديو وهنزود كمان معلقه كبيره من الثوم المفروم. بنقلب كل الحاجات دي مع بعضها صينيه بقى من صواني الفرن وارمي فيها الحاجات اللي انتم حابينها حطيت بطاطس وفلفل ممكن كمان تحطوا بصل وشلت كمان ثلاث اربع معالق كده من التتبيله على جنب وتبلت بيها البطاطس والخضار. رصيت بقى الفراخ ورتبتها كده وزودها كمان نص كوبايه ميه وادخلها الفرن على درجه حراره 200 الخضره هينزل ميتها والفراخ هتتشوي تمام وهتابعها كل شويه. الرز بقى كوبايه الا ربع من الزيت بننزل عليها بصليه كبيره متقطعه، البصل ياخذ لون ذهبي كده اهوت بنزل عليهم باربع طماطميات مبشورين. ملح وفلفل اسود ونغطيها ونسيبها على نار هاديه الطماطم تتسبك كده والدهون تفصل منها زي ما انتم شايفين كده. معلقه كبيره كزبره، معلقه كبيره كركم، معلقه صغيره قرفه، معلقه صغيره توم بودر، معلقه صغيره بصل بودر، ونص معلقه صغيره من الحبهان المطحون، واربع كوبايات من الرز البسمتي المغسول ومش منقوع ولا حاجه. وبنزود ميه، الميه تبقى فوق مستوى الرز قيمه عقله صباع كده بنغطي ونسيبه على نار عاليه، الرز يتشرب شويه كده نحط جزرتين مبشورين ونهدي النار ونسيبه على نار هاديه بقى ايه يستوي على البخار بتاعه هيطلع معاكم مفلفل ويجنن. الفراخ استوت ولعت عليها شويه تاخد لون كده من فوق. تحطوا شوكه في البطاطس تخرج وتخرج بسوره والفراخ كمان نفس الكلام كده تبقى استوت تمام. الرز مبهر ومفلفل والبطاطس زبده والفراخ مستويه على الاخر.