[0:01]السلام عليكم ورحمه الله وبركاته هنبدا حديثنا باذن الله النهارده عن موضوع من الموضوعات المهمه وهو الالتزام الطبيعي. قبل ما نبدا حديثنا عن الالتزام الطبيعي في مساله من المسائل المهمه جدا اللي من المهم ان احنا نذكرها الاول وهي الفرق بين اثر العقد واثر الالتزام. احنا زي ما كنا عارفين لما كنا بندرس مصادر الالتزام ان العقد هو مصدر من مصادر الالتزام ومصادر الالتزام في تعريفها هي الاسباب القانونيه التي يترتب عليها نشاه الالتزام. فالعقد اثره هو نشاه الالتزام. يبقى اثر العقد هو نشاه الالتزام. طب الالتزام اللي نشا بقى ما هو الاثر القانوني الذي يترتب على نشاته؟ اثر الالتزام هو وجوب تنفيذ هذا الالتزام. ثاني يبقى اثر العقد هو نشاه الالتزام. طب اثر الالتزام هو وجوب تنفيذ هذا الالتزام. قبل ما نبدا نتكلم عن الالتزام الطبيعي من المهم ان احنا نمسك القانون المدني ونشوف الماده 199 من القانون المدني بتقول ايه. الماده 199 من القانون المدني قالت الاتي ينفذ الالتزام جبرا على المدين. تاني ينفذ الالتزام جبرا على المدين. دي الفقره الاولى. الفقره الثانيه من الماده 199 من القانون المدني قالت ايه؟ قالت ومع ذلك اذا كان الالتزام طبيعيا فلا جبر في تنفيذه. تاني كده الفقره الثانيه ودي اللي تهمنا بقى ومع ذلك اذا كان الالتزام طبيعيا فلا جبر في تنفيذه. الماده ديت نفهم منها حاجه مهمه جدا جدا جدا جدا وهي ان احنا لازم نميز بين الالتزام الطبيعي والالتزام المدني.
[2:20]ليه؟ الماده دي ميزت في اثر الالتزام او الاثر الناشئ عن الالتزام بحاجتين الالتزام المدني جبر في التنفيذ، اما الالتزام الطبيعي ليس هناك جبر في التنفيذ. وده هيرجعنا لنقطه من النقط اللي احنا كنا ذكرناها قبل كده لما كنا بنتكلم عن مصادر الالتزام وهو تحليل الالتزام المدني الى عناصره الاوليه. هنيجي للالتزام المدني وهنرجعه للعناصر بتاعته الاوليه هنجد ان الالتزام المدني لما حللنا لعناصر الاوليه بيتكون من عنصرين اساسيين. العنصر الاول وهو عنصر المديونيه. العنصر الثاني هو عنصر المسؤوليه.
[3:26]تعالوا ناخدهم بالراحه. عندنا احمد وحسين. الاثنين دولت اتفقوا مع بعض على ان هم يعملوا عقد بينهم. احمد معاه مليون جنيه وحسين عنده فيلا. فاحمد قال له هدفع لك المليون جنيه في مقابل ان انت تديني الفيلا. فاحمد بقى مديون عليه دين اللي هم المليون جنيه. ده المديونيه.
[4:05]في المقابل حسين سلموا الفيلا. طب احمد دلوقتي ما سلمش حسين المليون جنيه، هنا بيجي عندنا عنصر المسؤوليه. يبقى عنصر المديونيه عندنا هو الواجب عنصر المديونيه ده بيتمثل في ايه؟ المديونيه هو الواجب الذي يفرض على المدين القيام بعمل او الامتناع عن عمل. او القيام بامر او الامتناع عن امر. فده عنصر المديونيه. انا دلوقتي مديون لحسين بمليون جنيه. الدين دوت بنسميه ايه؟ الواجب المفروض علي ان انا المفروض ادي لحسين. جميل طب انا ما ادتش لحسين المليون جنيه اللي عليا.
[5:10]هنا بتظهر لنا بقى العنصر الثاني او بيظهر لنا قيمه العنصر الثاني اللي هو عنصر المسؤوليه. عنصر المسؤوليه هنا اللي هو بيتمثل في الجبر والقهر. الجبر والقهر ان احنا نقدر نجبر احمد ان هو يدفع المليون جنيه، نقدر نقهره على انه يدفع المليون جنيه. طب تعالوا نعكس. احمد دفع المليون جنيه وحسين ما سلمش الفيلا لاحمد. مش حسين عليه التزام بانه يسلم الفيلا؟ عليه التزام بانه يسلم الفيلا. طب ما سلمش الفيلا لاحمد. هنا بالاضافه لعنصر المديونيه اللي هو التسليم. بيظهر لنا عنصر المسؤوليه اللي هو امكان جبر المدين اللي هو حسين وقهره على تسليم العقار المتمثل في الفيلا. ده الالتزام المدني، الالتزام المدني بيتمثل في عنصرين اساسيين. عنصر المديونيه وعنصر المسؤوليه. ده الالتزام الايه؟ المدني عشان كده الماده 199 من القانون المدني قالت ايه؟ ينفذ الالتزام جبرا على المدين. لو انت يا مدين ما نفذتش باختيارك. ما نفذتش طبعا هنجبرك، هنقهرك على تنفيذ الالتزام. جميل. هنيجي للالتزام الطبيعي بقى اللي هو موضوع المحاضره بتاعتنا النهارده. هل الالتزام الطبيعي يوجد فيه عنصر المديونيه وعنصر المسؤوليه ولا يوجد فيه احد تلك العناصر فقط؟ هنجد ان الالتزام الطبيعي يوجد فيه ايه؟ عنصر المديونيه دون المسؤوليه. يعني نفهم ايه من الكلام دوت؟ نفهم الاتي ما يمكن جبر المدين بالتزام طبيعي على تنفيذ التزامه. يعني هو عليه الدين وعليه الفلوس ومديون وعليه الواجب اللي بيفرض عليه القيام بعمل او الامتناع على عمل او اداء شيء معين. لكن بالرغم من كده لا يمكن جبره او قهره على تنفيذ هذا الالتزام.
[8:20]يبقى النقطه ديت لازم تكون واضحه كويس جدا في الاذهان وهي ان الالتزام المدني بيتمثل في عنصرين اساسيين. هما المديونيه والمسؤوليه، اما الالتزام الطبيعي فلا يوجد فيه الا عنصر المديونيه دون المسؤوليه ومن ثم لا يمكن جبر المدين على تنفيذ الالتزام. هل معنى كده ان الالتزام الطبيعي هو مجرد واجب اخلاقي؟ ها؟ زيه زي اي اي حاجه من الاخلاقيات اللي احنا بنعملها في حياتنا اليوميه تساعد محتاجه تساعد جارك مش عارفه تساعد اللي في البيت الحاجات ديت كلها اختك محتاجه حاجه فتديها مثلا خمسه جنيه عشره جنيه. هل ده واجب اخلاقي زيه زي الاخلاقيات اللي احنا بنمارسها كل يوم او بنعملها كل يوم؟ لا. الالتزام الطبيعي يوجد في مرتبه وسط بين الالتزام المدني والواجب الاخلاقي. يعني الواجب الاخلاقي اهو الالتزام الطبيعي ارتقى ارتقى عن الواجبات الاخلاقيه ولكنه دون الالتزامات القانونيه. يعني هو في النص هو لا نزل تحت ولا طلع فوق. يعني بالعربي او بلغه ابسط احنا كان عندنا واجبات اخلاقيه ارتقطت في وعي الجماعه الى مرتبه معينه او الى منزله معينه فرتب عليها القانون اثارا معينه. يعني القانون ما انكرهاش كليا وما اعترفش بيها كليا زيها زي الالتزام المدني. لكن اعترف بها في حدود معينه. الحدود دي بتتمثل في ايه؟ المديونيه. ان القانون خلاص احنا انت اعترفت بان انت ليك الدين دوت ووفيت بيه يبقى وفائك دوت وفاء بدين صحيح. القانون اعترف بحته الايه؟ المديونيه. لكن هل من الممكن ان احنا نروح للسلطات المختصه في الدوله ونجبرك على انك توفي بالتزام طبيعي؟ لا يمكن. يبقى دي اول نقطه لازم تكون واضحه في الاذهان وهو ان الالتزام الطبيعي هو واجب اخلاقي ارتقى في وعي الجماعه الى مرتبه معينه مما جعل القانون يعترف به في حدود معينه. الالتزام الطبيعي لم يرتقي الى مرتبه الالتزام المدني. ولم ينزل الى مرتبه الواجبات الاخلاقيه فهو مرتبه وسطى بين الالتزام المدني والواجب الاخلاقي. ارجو ان المساله كده تكون وضحت في حته المفهوم. طب الحالات الخاصه بالالتزام الطبيعي. عندنا الحالات الخاصه بالالتزام الطبيعي متمثله في مجموعتين رئيسيتين. المجموعه الاولى هي التزامات طبيعيه تخلف من التزامات مدنيه. المجموعه الثانيه هي التزامات ادبيه ارتقطت الى التزامات طبيعيه. يعني تاني المجموعه الاولى كانت التزام مدني تخلف الى التزام طبيعي يعني كانت فوق ونزلت لتحت. المجموعه الثانيه كانت واجبات اخلاقيه لكنها ارتقطت في وعي الجماعه فارتفعت الى مرتبه الالتزام الطبيعي. دولت المجموعتين. هنيجي نتكلم عن المجموعه الاولى اللي هي. كانت التزامات طبيعيه ولكنها تخلف من التزامات مدنيه. اول حاجه فيها في اللي هي الجزئيه الاولى ديت اللي هي التزامات طبيعيه تخلف من التزامات مدنيه. في عندنا.
[12:30]لحظه. التزامات ذات مدنيه ثم انقلبت طبيعيه.
[12:44]ولكن هذه الالتزامات نشات في الاصل صحيحه ولكن عاقها مانع قانوني جعلها لا ترتب اثارها.
[13:16]يبقى اللي هي الف عندنا الالتزامات الطبيعيه التي تخلف من التزامات مدنيه هي التزامات نشات في الاصل مدنيه ولكن عاقها مانع قانوني او وجد مانع قانوني جعلها لا ترتب اثارها.
[13:40]هذا المانع القانوني.
[13:48]قد يكون منذ النشاه وقد يكون بعد نشاه الالتزام.
[14:04]يبقى احنا عندنا الحاله الاولى المتمثله في الالتزامات الطبيعيه المتخلفه من التزامات مدنيه هي التزامات نشات في الاصل مدنيه ولكن عاقها مانع قانوني او وجد مانع قانوني جعلها لا ترتب اثارها. هذا المانع القانوني قد يكون موجود منذ نشاه الالتزام يعني الالتزام اصلا وهو بينشا هذا المانع القانوني موجود وقد يكون بعد نشاه الالتزام. بالمثال يتضح المقال، تعالوا نشوفوا امثله مع بعضينا كده يمكن توضح لنا المساله دي. درسنا في الترم الاول او درسنا في ماده مصادر الالتزام العقد. وعرفنا ان العقد عشان ينشا لابد من اهليه ولازم تكون الاراده خاليه من العيوب الى اخره من الشروط. فلو شخص غير كامل الاهليه او شخص ناقص الاهليه عمل عقد، هذا العقد صحيح ولا قابل للابطال؟ هذا العقد قابل للابطال. العقد القابل للابطال.
[15:18]هذا العقد القابل للابطال اذا تم ابطاله. العقد القابل للابطال اذا تم ابطاله. يترتب عليه ايه؟ او ينشا منه ايه؟ ينشا منه او يخلف التزاما طبيعيا.
[15:42]عندنا مثال ثاني اللي هو الهبه الباطله لعيب الشكل. في القانون المدني عندنا عقد الهبه من العقود الشكليه. عقد الهبه من العقود الشكليه. بيترتب على تخلف الشكليه في عقد الهبه البطلان. بيترتب على تخلف الشكليه في عقد الهبه البطلان والهبه في القانون برضه عشان تبقى واضحه معانا او الشكليه في القانون متمثله في الكتابه. يبقى الشكليه في القانون هي الكتابه. فعقد الهبه الباطل لعيب الشكل لتخلف عيب الشكل دوت بيرتب ايه؟ بيرتب التزاما طبيعيا. بيرتب التزاما طبيعيا والقانون المدني اكد على هذه المساله ان عقد الهبه المتخلف او عقد الهبه الباطل لعيب الشكل دوت بيخلف التزاما طبيعيا. يبقى الالتزام الطبيعي الناشئ هنا هو التزام طبيعي متخلف عن ايه؟ متخلف عن التزام مدني. يبقى دوت العيب الذي لحقه بالالتزام منذ النشاه. تمام. طب العيب بقى الذي يلحق بالالتزام بعد نشاته. زي ايه؟ زي مثلا التقادم. التقادم. القانون المدني برضه اكد على المساله ديت وقال ان الدين اللي بيسقط الذي يسقط بالتقادم.
[17:33]يخلف التزاما مدني، التزاما طبيعيا، يخلف التزاما طبيعيا.
[17:44]تعالوا نشوفوا مثال مع بعضينا. عامل شغال لشركه ساب الشركه ديت في 2017. جه في 2020 وجد ان هو له مستحقات عند الشركه دي. فقام رايح رافع دعوه قضائيه بيطالب بالمستحقات بتاعته بيقول انا لي عند الشركه ديت فلوس. فانا باطالب بالفلوس اللي لي عند الشركه دي. فالشركه راحت للمحكمه وقالت لها يا محكمه الحقوق بتاعه العمال والدعاوى النشئه من عقد العمل. بتسقط بمضي سنه من تاريخ انتهاء علاقه العمل. يعني العامل دوت سابنا في سنه 2017 وجاي يرفع الدعوه علينا سنه 2020. الدين بتاعه سقط بالتقادم او حقه في رفع الدعوه سقط بالتقادم. فالمحكمه تحكم بايه؟ بسقوط الحق في رفع الدعوه بالتقادم الحولي اللي هو سنه. هنا بقى حقه اللي سقط دوت بيخلف ايه؟ بيخلف التزاما طبيعيا. بيخلف التزاما طبيعيا. هنا الالتزام نشا صحيح منذ البدايه؟ منذ البدايه ولكن بعد ذلك بعد نشاه الالتزام وجد المانع القانوني الذي جعل من الالتزام المدني التزاما طبيعيا. ثاني يبقى نلخص المساله ديت عشان تبقى واضحه في الاذهان بصوره ابسط. اول حاله من الحالات الخاصه بالالتزام الطبيعي هي الالتزامات الطبيعيه المتخلفه من التزامات مدنيه. التزامات ادبيه ارتقطت الى التزامات طبيعيه. وشوفنا ان الالتزامات الطبيعيه التي تخلف من التزامات مدنيه بسبب وجود عائق قانوني حاله دون ترتيب اثارها. هذا العائق قد يكون منذ النشاه او هذا العائق قد يكون بعد نشاه الالتزام. وشوفنا الامثله الخاصه بذلك.
[20:05]وفي الاخر تعرضنا لاثار الالتزام الطبيعي. وشوفنا الاثار بتاعته تتفر في ان الوفاء الاختياري بيعتبر وفاء مستحق وليس تبرعا ولا يجوز استرداده. وصلات الالتزام الطبيعي لان يكون سببا لالتزام مدني. ولا يجوز التنفيذ الجبري لالتزام طبيعي ولا تجوز كفاله الالتزام الطبيعي واخيرا لا يجوز اجراء المقاصه بدين طبيعي. شكرا لكم والسلام عليكم ورحمه الله وبركاته.
