![Thumbnail for 23- وظائف الجهاز العصبي المركزي [2] 1 || علوم بكالوريا 2025 by PIXEL EDUCATIONAL TEAM](/_next/image?url=https%3A%2F%2Fimg.youtube.com%2Fvi%2FNFXbYL91buY%2Fhqdefault.jpg&w=3840&q=75)
[0:07]السلام عليكم ورحمه الله تعالى وبركاته. اللهم علمنا ما ينفعنا وانفعنا بما علمتنا وزدنا علما. انهينا بالفيديو السابق الدرس السابع. حكينا فيه عن المستوى الوظيفي الدماغي العلوي. اللي حكينا فيه بالمختصر عن شو؟ عن القشره المخيه وفصلنا فيها. قسمنا باحاتها لثلاث أقسام، باحات حسيه، باحات محركه، باحات ترابطيه. الحسيه كان في منها أوليه وثانويه، سواء جسميه أو بصريه أو سمعيه. والمحركه كان في منها أوليه وثانويه والترابطيه كانوا ثلاث باحات أساسيين، باحه الترابط الجداريه القفويه الصدغيه، وباحه الترابط الحافيه وباحه الترابط امام الجبهيه. وقلنا في باحات ضمنهم في باحات صغيره، مثل باحه بروكا، باحه فيرنيكا إلى آخره. كان الأمور واضحه وسهله ما فيهم شي. يعني حكينا أن قشره المخ هي بنيه معقده. لهيك اللي حس في كلمات غريبه إدراك معنى السياله وإدراك بصري وشو الفرق بين إدراك معاني السيالات الحسيه وبين إدراك الحسي. قلنا لكم أنه عم يكاملوا بعض لحتى نحن نكون عندنا الأمر كاملا استوعبوا الدماغ. نحن سمعنا عرفنا صوت مين عرفنا خشونه الصوت، فهمنا الكلام اللي سمعناه كله عم يكمل بعضه البعض. هاد كان أول قسم من وظائف الجهاز العصبي المركزي وسميناه الدرس السابع وظائف الجهاز العصبي المركزي رقم واحد. هلا رح ننتقل لوظائف الجهاز العصبي المركزي اثنين. فشو رح ناخد بالقسم الثاني من هذا الدرس يا ترى؟ قال رح ناخذ الطريق اللي عم تمشي عليه الأوامر. شو معنى هالكلام هاد؟ يعني نحن أخدنا الباحات المحركه بالفيديو السابق الأوليه والثانويه. النا الباحات المحركه الأوليه بتقلص العضلات والباحه المحركه الثانويه تقوم بالتنسيق التقلصات العضليه وتوجيهها نحو حركه هادفه صح؟ طيب ونحن مثلاً على الباحه الحسيه الجسميه الأوليه النا وظيفتها أنه الحس. الحس الجسمي والنا الباحه الحسيه الجسميه الثانويه إدراك الحس الجسمي صح؟ حلو كتير طيب أنا عم ألمس الجلد عم ألمس إيدي، هالشي عم يتفسر بالباحه الحسيه الجسميه الأوليه. فكيف انتقلت السياله من إيدي الجلد إلى الباحه الحسيه الجسميه الأوليه؟ هي سؤال، سؤال ثاني لما الباحه المحركه اللي هي وين في الفصل الجبهي أمام شق رولاندو مباشره. هي اللي عم تحرك لي إيدي إذا افترضت بدي حرك إيدي، فكيف عم تنتقل السياله من القشره المخيه من الفصل الجبهي أمام شق رولاندو إلى عضله الإيد لحتى تقلصها؟ شو الطريق اللي مشت فيو السياله؟ فنحن هون رح ناخد طريقين. تمام؟ الطريق تبع الحس والطريق تبع الحركه، لحتى احنا نكون كامنا المركز العصبي مع الطريق سواء السياله طالعه مثلا من الباحه المحركه ورايحه تحرك عضله ولا طالعه من الجلد وراح على الباحه الحسيه لنحس.
[3:39]ففي عندنا طريق صاعد وطريق نازل رح نفصل فيهم ونشوف مين هدول وشو العصبونات اللي عم تشكلهم آها هاد القسم الأول من هذا الدرس رح ناخده بهذا الفيديو. القسم الثاني رح نحكي فيه عن أمور معقده أيضا بتخص الذاكره. فأنا في عندي شغلات بتذكرها بسرعه بتذكرها وبنساها بسرعه، في عندي شغلات بتذكرها وما بنساها. ولما براجع الدرس أكثر من مره بصير بتذكره أكثر. فوين عم تنحفظ المعلومات وكيف عم تنحفظ المعلومات إلى آخره هذا القسم الثاني من الدرس رح ناخده بالفيديو الثاني. فنبدا بوظائف الجهاز العصبي المركزي اثنين. بأول سؤال شو هو عم يقولنا؟ ما هي العصبونات التي تشكل مسلك حس اللمس الدقيق؟
[4:40]تعا قرب اللمس الدقيق هي أول لمس، شو يعني لمس دقيق؟ يعني مثلا لما ألمسك بريشه أو هيك بشيء دقيق، أكيد فهمت الدقيق.
[4:51]لمس دقيق بعكس اللمس الخشن، لما عم تلمس شيء خشن، هي واحد، اثنين اهتزاز. حس الاهتزاز، لما تكون أنت واقف عم تتحرك الأرض من تحتك، أنت عم تحس بهالشيء الاهتزاز. طيب هاد الشيء من وين؟ شو شو الأساس تبعه؟ هاد شي عم نحسه، مو مثل لما أنا ألمسك بجلدك، هلا لما عم ألمس جلدك شي واضح، بس الاهتزاز حس معقد، صح ولا لا؟ يعني أنا واقف عم أتكامل عم أحسها هي عم أهز، بس مو بمكان محدد، يعني أنا ما عم أستقبل التنبيه من مكان محدد، حس الاهتزاز.
[5:25]الحس الثالث هو الحس العميق، شو يعني الحس العميق؟ الحس العميق هو الحس اللي عم يجمع لي كل الجسم سوا، يعني بسموه بسموه بالعلم الحاسة السادسه.
[5:40]أنه كيف أنا عم أحس بشغلات، يعني أنا بحس مالو مستقبل، يعني هلا بنرجع بنقول، هلا لما عم ألمس جلدك خلص مفهوم أنا لمست الجلد فالمستقبل بالجلد ونقل الحس. لما أنا شفت المستقبل العين وقال الحس، بس أنا لما عم أحس، حس عميق بحركه عضلاتي، هلا أنا إذا رافع رجلي ومغمض عيوني بدون ما شوف رجلي اللي رفعتها، حاسس أنه في شيء مرفوع مني، صح ولا لا؟
[6:16]هاد حس عميق، الحس العميق هو إدراك حركه العضلات والمفاصل، يعني أنت لما مثلاً تنيت رجلك أنت حاسس، حتى لو مغمض عينك ومو شايفه حاسس في شيء متخيل شكل الحركه اللي لجسمك عليها هلا.
[6:33]هاد حس اسمه الحس العميق، إذا هدول ثلاث أنواع من الاحساسات، حس اللمس الدقيق وحس الاهتزاز والحس العميق. طيب ليش خصصنا هالثلاث احساسات بس؟ لسا في عندي احساسات ثانيه، مثلا أنا إذا توجعت، حس اسمه حس الألم. إذا حط لمست شغله بارده حس اسمه حس البروده، إذا لمست بشغله خشنه اسمه اللمس الخشن. فليش ححدنا هالثلاث احساسات بس؟ لأنه هدول الثلاث احساسات لهم طريق للنقل مختلف عن الطريق تبع الاحساسات الثانيه. فرح ناخد أول ثلاث أنواع من الاحساسات، اللي هن بنرجع بنقول، حس اللمس الدقيق، حس الاهتزاز، والحس العميق، هدول الثلاثه هن لهم مسلك، شوف اللي تشكل شو؟ تشكل شو؟ مسلك، إذا هدول لهم مسلك معين بيمشوا بمسلك غير المسلك تبع باقي الاحساسات اللي رح نشوفهم هلا.
[7:44]فما هي العصبونات، شوف عم نرجع بالسؤال من قدام لورا، فما هي العصبونات اللي تشكل هذا المسلك؟ آها فأنا عندي حس، إله مسلك، شو يعني مسلك؟ يعني الطريق، بده تلتقي العبرو السياله، تمام؟ يعني أنا لمست بلمس دقيق، حلو، لمست جلدي بإحساس دقيق، فهذا الاحساس بده ينتقل ويتفسر وين؟ بالباحه الحسيه الجسميه الأوليه خلف شق رولاندو بالفصل الجداري. فما هي العصبونات التي ستشكل هذا المسلك الذي ستسلك عبره السياله العصبيه؟ آها تعا نروح على اليسار شوي ونشوف الرسمه تبعتنا.
[8:20]أول شيء نتفق بالاحساس يكون المسلك صاعدا أم نازلا؟ فكر فيها، قلتلك أنا لما عم ألمس إيدي عم تطلع السياله من إيدي وتروح على الباحه الحسيه ليتفسر اللمس صح؟ فهي صاعده وليست نازله، شو الفرق بين الصاعده والنازله؟ هي الصاعده هيك راحت على الباحه، أما النازله فمثلا الحركه، أنا عندي الباحه المحركه اللي هي أمام شق رولاندو، بدها تبعت الحركه للعضله فبدها تنزل السياله وتروح على العضله صح؟
[8:50]فصلنا أنا بالأمور، قلت لكم لما السياله فايته ولا طالعه؟ وين اخدناهم؟ اخدناهم لما اخدنا أنواع الأعصاب، ما أن الأعصاب ثلاث أنواع؟ حسيه وحركيه ومختلطه، وشفنا كيف الحسيه تنقل السيالات النازله، المحركه تنقل السيالات النازله من المراكز العصبيه باتجاه العضلات، أما الأعصاب الحسيه تنقل السيالات الصاعده الجايه من المستقبلات إلى المركز العصبي تبعها. آها فنحن أخدنا المراكز العصبيه اللي هي بالقشره المخيه، سواء باحه محركه ولا باحه حسيه، هدول شو؟ هدول مراكز عصبيه. هلا بدنا نشوف كيف عم ينتقلوا، فأول شي بدي أبلش بالعصبونات، برأيك رح نبلش من فوق ولا من تحت؟ آه يا عيني عليك رح نبلش من تحت، لأنه السياله صاعده، فبلشت من برا، بلشت من عند المستقبل. وين المستقبل؟ هون المستقبل هذا قاعد هون، فرضا حلو؟
[9:44]المستقبل مين العصبون اللي بده ينقلي الحس؟ بتقولي العصبون الحسي، وين سمعان كلمه عصبون حسي؟
[10:00]لما اخدنا أنواع العصبونات من حيث الوظيفه أنه في عندنا عصبونات جابذه حسيه، عصبونات نابذه محركه، وعصبونات مختلطه بينيه، صح؟ فالعصبون العصبونات البينيه الموصله عفواً، هديك المختلطه تبعت الأعصاب. فالعصبون اللي بده ينقلي الحس هو العصبون الجابذ الحسي، وين كان يوجد العصبون الجابذ؟ في العقده الشوكيه، تذكرت؟ آها فهيه العقده الشوكيه صاحبتنا شفناها كتير، وهاد العصبون أحادي القطب اللي بيطلع من جسمه استطاله واحده تتفرع إلى استطاله هيوليه ومحور، تذكرنا ولا لا؟ حلو كتير، فاستطالته استطالته هذا العصبون هي هي شايفها؟ رح تستقبل الاحساس، تعا نضغط على هي المنطقه هي هون، رح تستقبل الاحساس، لنفترض هون الجلد، مستقبل حسي بالجلد.
[10:43]طبعا مستقبلات ما رح نفوت بتفاصيلها هلا، لأنه في إلها وحده كامله أو قسم كامل ست دروس اسمها المستقبلات. رح شوف فيها مستقبلات الجلد وغيرها، فلنفترض احنا في عنا مستقبل حسي بالجلد هون، بده يستقبل حس خارجي وليكن أحد الاحساسات الثلاثه.
[11:09]لمس دقيق، اهتزاز، حس عميق، مين أول عصبون رح ينقل السياله؟ العصبون أحادي القطب، ستنتقل السياله عبر الاستطاله الهيوليه، شو وظيفته؟ تنقل السياله نحو جسم الخليه، ثم المحور الذي ينقلها بعيدا عن جسم الخليه، آها، وين رح المحور تبع العصبون أحادي القطب؟ تذكرت؟ هاد مين؟ هاد الجذر الخلفي الحسي للعصب الشوكي صح؟ فعم ينقل لنا السياله هيك، راح لوين؟ على القرن الخلفي للنخاع الشوكي، متذكر القرن الخلفي الحسي.
[11:45]وهي هي، حلو، البصله السيائيه، وصل على البصله السيائيه محوره انتهى هون، لقى عصبون ثاني، هذا العصبون الثاني بده يكمل المسار، رح يبدأ العصبون الثاني، شوف شوف شوف شوف شو عمل العصبون الثاني؟ لوين راح؟ راح على اليمين.
[12:33]أيوة أولى أولى، إلتصال، شو يعني اتصال؟ يعني بدل ما يكمل طريقه هيك، لا، لف، أخد وراح على اليمين وهلا بده يطلع، فهون نقول تصالب، عرفت شو التصالب؟ غير جهه مساره، فراح العصبون على الجهه الثانيه، طبعا هو هاد مو على اليمين هو على اليسار. صح ولا لا؟ يعني هذا، لانه هي من ورا وهي من قدام، فنحن إذا عم نتطلع لقدام بيكون هذا يسارنا، بلا فلسفه، المهم مشان ما نكون حكينا شي كلمه غلط. راح على الجهه الثانيه، بغض النظر عن الجهات، فتصالب وتابع هذا مين؟ هذا مين؟ هذا محوره للعصبون، أنو عصبون؟ هذا العصبون اللي جسمه وين؟ بالبصله السيائيه، تصالب ونقل السياله عبر محواره، طالع طالع هي مين؟ هاد الدماغ المتوسط، هدول مين؟ السويقتين المخيتين، صح ولا لا؟ ما بيهمنا، خلينا طالعين، بس لحتى نعرف شو البنيه اللي ماشين عليها، طلع طلع طلع لوين وصل؟ مين هي؟ مين هي؟ شايفها هي؟ الكتله العصبيه الرماديه الكبيره اللي شكلها بيضاوي. قول اسمها لشوف، يا عيني عليك المهاد، بالمهاد انتهى محور العصبون الثاني ولقى جسم العصبون الثالث، أين يقع جسمه برأيك؟ بالمهاد، يا عيني عليك، هلا محور العصبون الثالث سيتجه لوين؟ إلى الباحه الحسيه الجسميه الأوليه.
[14:06]وانتهى، أعلن انتهاء مسار مسلك هذا الحس، فوين انتهى محور العصبون الأخير؟
[14:18]في الباحه الحسيه الجسميه الأوليه، صح؟ الثانويه لا، بدها الثانويه بدها تاخد الاحساسات، بدها تاخد السيال، يعني بدها تستقبل سيالتها من وين؟ من الباحه الحسيه الجسميه الأوليه، صح ولا لا؟ فنحن العصبونات اللي جايه من برا بدها توصل على الأوليه، والأوليه بدها تبعت الثانويه لحتى تدرك الحس، صح؟ إذا احنا ما بيهمنا الثانويه هلا هون، بيهمنا الأوليه، فإذا نقول، يشكل مسلك حس اللمس الدقيق، والحس العميق، والاهتزاز ثلاثة عصبونات. العصبون الأول، لك أخضر قلنا، العصبون الأول جسمه في العقده الشوكيه، العصبون الثاني جسمه في البصله السيائيه، العصبون الثالث جسمه في المهاد.
[15:08]حلو كتير، من وين بلشنا؟ من هون من برا، هي مين؟ استطاله ولا محور العصبون أحادي القطب؟ أكيد استطاله، لأنه الاستطاله هي بدها تبعت السياله نحو جسم الخليه، تمام؟ أكيد المحور اللي رح ياخده نحو جسم الخليه، لا، المحور اللي بياخده بعيدا عن جسم الخليه، صارت هي الأمور من المنسيات، شفناها بالدرس الثاني. أين ينتهي؟ يعني هلا كحس بالباحه الحسيه الجسميه، بلاقي أجسام ولا نهايات محاور؟ بلاقي نهايات محاور، لو كانت أجسام لكانت السياله بدها تطلع من هون، فإذا بدها تطلع من هون وين بدها تروح؟ بدها تروح على العضله؟ لا، ما في عضله تروح عليها، صح؟ أكيد في أجسام لحتى تنقل السياله للباحه الحسيه الجسميه الثانويه، ولكن نحن عم نحكي عن مين؟ عن تبعات الحس، فأكيد ما رح يطلع الجسم من هون ويروح على المهاد، لأنه الحس ما عم يبعته من هون والله للجلد، لا الجلد هو اللي عم يبعت لي الحس ليطلع لفوق، فهمنا الفكره؟ لأنه هلا بالحركه رح نشوف بالعكس، العصبون وين بده يبلش؟ بده يبلش بالقشره المخيه من الباحه المحركه وينزل لتحت، لا هون بده يبلش من الجلد ويطلع ليلاقي عصبون ثاني يكمل الطريق، بيلاقي عصبون ثالث بيكمل الطريق. آها إذا نقول، شو سألونا ما هي العصبونات اللي تشكل مسلك حس اللمس الدقيق، والحس العميق، والاهتزاز، وأين يحدث التصالب الحسي؟ وين صار التصالب الحسي؟ صار هون. هون شيء؟ لا، بتقلي لا، أجا من هون على القرن الخلفي وتابع بنفس الجهه، لكن بالبصله السيائيه انتقل إلى الجهه المجاوره صح؟ بالبصله السيائيه، إذا أين حدث التصالب؟ بالبصله السيائيه، عندنا نقول أول عصبون عصب جسمه في العقده الشوكيه، ثاني عصبون جسمه يقع في البصله السيائيه، ثالث عصبون جسمه يقع في المهاد، حلو كتير.
[19:07]من وين بلشنا؟ من هون من برا، هي مين استطاله ولا محور العصبون أحادي القطب؟ أكيد استطاله، لأنه الاستطاله هي بدها تبعث السياله نحو جسم الخليه، تمام؟
